دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
حول ضرورة تنظيم جاهز لإستلام السلطة
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-11-2016, 11:47 AM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

**** في حلتنا وتحت ضل نيمتنا ****

12-28-2010, 11:03 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

**** في حلتنا وتحت ضل نيمتنا ****

    سلام يا اهلنا وعام جديد سعيد مقدما عليكم بلا فرز
    وحات الله البورد بقى كلو كع كرع رع لبع صاح
    البجي يهظرلو مع زول ساي تجيهو لبعة في صمة خشمو
    واللبعة ما لازم تكون بي برطوش لا مؤآخذة
    عاااااااااادي بتكون بي كليمة مسيخة وحارة
    والاخيرة دي اخير منها البرطوش لا مؤآحذة راسو عديل


    اها قلت نرجع لي ذكريات جميلة نتونس بيها برانا
    في حلتنا وتحت ضل نيمتنا
    اكيد كل زول عنده كلام ظريف
    يلا نبدأ ليكم
    يوم ما عندنا موضوع وقعدنا نبحت في كلام ناسنا الكبار
    اها بعض حبوباتنا الله يطراهن بالخير
    ويرحم الرحلن فارقننا بي محنتن وطيبتن
    عندهن مفردات تحفة كالآتي

    الاستبالية
    ولا الاستبالا
    المراريا
    جبل الديش لووول
    ناس فلان عندهم عربية اندروبل الشاطر فيكم يعرف لي قاصدين ياتو عربية ؟

    نواصل

    (عدل بواسطة اسماء الجنيد on 12-28-2010, 11:07 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:08 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    عندنا جارتنا زولة امانة مي ظريفونة الله يطراها بالخير
    بتقلب الكلام كلو
    تقول لي والله يا سوما يا بتي بس فلان ده مكجناهو سااااااااااااي كده بس مجاز مني
    مجازي مابيهو كلو كلو
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:14 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 14804

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: اها قلت نرجع لي ذكريات جميلة نتونس بيها برانا
    في حلتنا وتحت ضل نيمتنا


    اسماء بت الجنيــد

    ســـلام .. وتبري من الونسه برااااااااك
    والله صحي
    ونستك شكلها طاعمي وسمحه
    اها جرينا بنبرنا وقعدنا نسمع النضمي
    ..
    ..

    __
    اندروبل = لاندروفــر
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:17 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    نرجع لي حلتنا

    وحيدة تانية حنينة جنس محنة الله يديها العافية
    لاقتني ماشة في زيارة بعد المطايبة والسلام
    قالت لي ماشة اسأل من فلان الدكتور ده
    اصلو خالي تصدقي عندو كلى فشلوي ... لوولز
    الاظرف كنت ماشة زيارة لنفس بيت الدكتور قريبي
    بعدما دخلنا مع بعض وسلمنا
    سكت ولبدت عشان اسمع رد الفعل
    قلت المرة الاولى امكن الزولة دي غلطت في نطق اسم المرض ده شفا الله الجميع
    طواااااااااااالي دخلت ليه في الكلام

    يا فلان عليك الله الكلى الفشلوي ده علاجو شنو؟
    قال ليها آآآآآآآآآآآ فاتح بؤه على قول المصريين
    انا متتتتتتتتتتتتت بالضحك ولسه لابدة
    قالت ليه خالي فلان عنده كلى فشلوي
    قال ليها هسة يا فلانه عليك الله الساهلة ياتها
    فشل كلوي ولا كلى فشلوي
    والله انا الدكتور غالبني انطقها
    ولا شنو يا سوما

    سوما كانت راقدة سلطة من الضحك
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:21 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    اندروبل = لاندروفــر


    ود البشاري حبابك
    يعلم الله مشتاقين
    والله صحي

    اسمعني آآ يابا وحات الله حبوباتنا بنات اعم لزم
    والله صحي
    من معرفتك لي اللندروبل ده لووولز
    حبابك اقعد تب
    نيمتنا بي قهوتها يا خوي
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:18 PM

يحي ابن عوف
<aيحي ابن عوف
تاريخ التسجيل: 05-25-2002
مجموع المشاركات: 6306

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    سلام الحبيبة العزيزة سوما
    اناجئت شايل كوم من الطوب الاحمر كمان ما الطوب النى

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:27 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: يحي ابن عوف)

    سلام الحبيبة العزيزة سوما
    اناجئت شايل كوم من الطوب الاحمر كمان ما الطوب النى
    لوووووووووووووووووووووووووولز
    يحي ود عمي ابنعوف يا حليلك والله
    يا خوي غيبة طويلة
    يعلم الله الشوق محنة
    ياخ لكن مداخلتك تحفة
    انتو برضو بتقولو الطوب الني والطوب اللخدر مباااااااااااالغة

    اها اسمع ونسة ديل كمان

    ها فلانة وليدكم نجح؟
    آي بوكسينو كم ؟؟
    قالو النتيجة آآختي بالبوكسي بس ( دي طبعا بتكون متعلمة جد)
    باقي الونسة ,, يا بت امي ادونا الكروكوين بالدرب قالو تايفويد

    فترنا سااااااااااي في بليع حبوب المراريا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:30 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    ماشين نحو اللمية
    نحوها عدييييييل كدة

    ناس نحو اللمية ديل كمان ونستهم براها
    امانة ما لذيذة
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:30 PM

محمد عبدالرحمن محمد
<aمحمد عبدالرحمن محمد
تاريخ التسجيل: 10-12-2010
مجموع المشاركات: 1556

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: جبل الديش لووول
    ناس فلان عندهم عربية اندروبل الشاطر فيكم يعرف لي قاصدين ياتو عربية ؟

    أستاذه اسماء كيفنك؛
    بي مناسبة الديش.. رجعتيني لي زمناً سمح بلحيل..
    يوم السوق في البلد مربوط بي وصول وارسال الخطابات..
    الناس يرجو فشان الأخبار، وانا ارجا فشان القرش والتعريفه
    البغمتوهن لي في كتابة جواب ولا قرايتو!!
    الشاهد انو عندي قريبتن لي ولدا في [الديش] حافظي عنوانو صم
    بعد انتهيلا من كتابة الجواب تمليني ياهو:
    [شندي..
    الديش..
    بلك امين
    فلان الفلاني..
    ... المحترم]!
    __
    ماني شاطر لاكين [الاندروبل] أول عربيي سقتها
    وكت اشتغلت في [المرحوم] مشروع الجزيره!


    شكراً علي البوست المريح!!


    [المطرطش]
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:34 PM

محمد عبدالرحمن محمد
<aمحمد عبدالرحمن محمد
تاريخ التسجيل: 10-12-2010
مجموع المشاركات: 1556

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:37 PM

نيازي مصطفى
<aنيازي مصطفى
تاريخ التسجيل: 08-22-2004
مجموع المشاركات: 4617

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    ونيمتك دي فيها عنقريب هبابي ..وفي فرع من فروعها الشفع رابطين ليهم حبل (طوطحانية )
    والبينات حافرات حفر يلعبن في ام الحفر والصج ..وجدتنا حاجة نور الشام تقلي في قهوتها ..
    حليل ايام زمان وحليل ناس زمان ..الله يرحمهم ويلحقنا بيهم عشان نحكي ليهم الحصل بعدهم
    مره كدي تقريبا في سنة 87 في عيد الضحية والناس تضبح في الخروف تحت النيمة عمنا عثمان قال والله عجيبة
    الخروف بقى ب25 جنيه ؟ والله انا ضحيت بريال زمان ..
    وقبل على وكنت ماسك كراع الخروف هسه عليك الله بعدين تقولوا لشفعكم شنو (باعتبار انه تاني ما فضل شئ
    او ما في غلا اكثر من كدا )
    لك التحية يا شاعرتنا الكريمة ولعيالك وابوهم .

    (عدل بواسطة نيازي مصطفى on 12-28-2010, 11:44 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:43 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: نيازي مصطفى)

    المطرطش محمد ود ابوي عبد الرحمن حبابك يابا
    يا حليلك والله وحليل الزمن الجميل الزمن القبيل

    مع جبل الديش دي اتذكرت لي طرفة حكاها لي جدي شيخ بابكر الجنيد الله يرحمه
    قال لي مره قاعد في مكتب التعليم مدني
    جاني داخل واحد من الحلة والنوع المتفلسف داك
    سلمت عليه وقلت ليه كيف ناس الحلة كلهم ومتين الوصول لي مدني
    قال لي والله يا عمي الشيخ غادرناكم هسسسسة من الحلة طوالي لي هنا لووووووووووولز
    يا حليلو عاجباه الكلمة وصراها عشان يقشر بيها
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:55 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    وحاجة نور الشام تقلي في قهوتها ..

    يا ود امي قلبي فراني

    اخوي نيازي الحنين
    نزلن مني دمعتين

    يااااااااه
    زمن غريب وجرى بسرعة الصاروخ
    الشكية لي الله راح بي محنة وطيبة اهلو

    ما تنسا يا نيازي يا خوي
    خالتي فاطنة بي خدرتها تحت الشديرة دايره تورقها وتلحقها الغداء
    واللمة التحت الشديرة صفيقة صفيقة تكمل الخدره في ثواني
    وبي فوق الحيطة في قعدتنا ديك تجينا بردلب كم قصبة سكر محروق
    الناس الجو من الحواشات مره قصب ومرة ملوخية ومرة علوق للبهائم كان عندك بهيمة
    نحن غايتو بدونا قصب السكر لانه بنجي في الاجازات وعارفننا سعرانين للقصب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-28-2010, 11:52 PM

omer osman
<aomer osman
تاريخ التسجيل: 06-09-2007
مجموع المشاركات: 15188

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: نيازي مصطفى)

    حباب اهل البيت ........ ضلكم سمح بالحيل

    ذكرني حبوبتي ......... كلامه فيهو شيتن كتير مدغمس

    اها كان جات تقول لك ادني (الكربيته) طوالي تفهم انها دايرة (الكبريته)

    وكان قالت لك ادني (البكسويت) ياها قاصدي (البسكويت)

    وكان جابت سيرة (البونتجاز) تكون قاصدي (البوتجاز)

    ووكت تقول لك (الرواري) ياها قاصدي (اللواري)

    ويومي الاتخرجت من كلية البوليس ...... سوت الزغاريد وغنت وقالت جدلي ....... انا الشفته ودعثمان يسو ليهو التحية طرا طق طق طق .....

    الله يرحمن حبوباتنا كلهن الحيات والميتات .........

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 00:04 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: omer osman)

    فيهو شيتن كتير مدغمس


    عمر قبل ما اسلم عليك
    النبي حبوبتك الحنينة دي معقول تشبه كلامها بي الدغمسة ؟؟
    النبي عدلها لينا لو في طريقة تعدل اسمك زاتو لووول
    انا من الليلة بقول ليك آآآآآآآآآآ ود عثمان عمي
    سلامة اسمك يابا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 00:14 AM

omer osman
<aomer osman
تاريخ التسجيل: 06-09-2007
مجموع المشاركات: 15188

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: عمر قبل ما اسلم عليك
    النبي حبوبتك الحنينة دي معقول تشبه كلامها بي الدغمسة ؟؟
    النبي عدلها لينا لو في طريقة تعدل اسمك زاتو لووول
    انا من الليلة بقول ليك آآآآآآآآآآ ود عثمان عمي
    سلامة اسمك يابا



    شاعرتنا الراقية ........ سلام تاني

    دغمست الحبوبات مازي دغمسة الساسة دي دغمسة لذيذة

    ودعثمان اسم اعتز به كثيراً وافتخر (عثمان عبدالحليم) راجل اصلو ماساهل ياريت لو ابقي نص (عثمان عبدالحليم) ربنا يديهو الصحة والعافية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 00:20 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    اها اهلنا ناس نحو اللمية

    ادوهن سورة قالوا ليهن احفظنها
    واحدة بالحيل متفولحة وعاملة روحها حفيظه
    حبيبتي المسيكينة جارتها دايرة تحفظ ناغمت ليها ليها بي فوق الحيطة
    فلانه كيف قيلتو
    النبي عارفة اسم السورة القالولنا اخفظوها ؟
    بدور البنيات يحفظني ليها

    الجارة الفالحة ردت بثقة
    بالحيييييييييييل آ خية
    السورة اسمها اللولي والمرجان ( استغفر الله العظيم )
    طوالي نط راجلا فلانة اللولي والمرجان دي اكيد حجوة حجتك بيها حبوبتك
    انتي قاصدة التين والزيتون ؟؟؟
    آآي والله تراك عراااااااااف ما عندك عوجة تب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 00:37 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    فلان جابوا ليهو بيزة من السعودية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 00:56 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)


    ودعثمان اسم اعتز به كثيراً وافتخر (عثمان عبدالحليم) راجل اصلو ماساهل ياريت لو ابقي نص (عثمان عبدالحليم) ربنا يديهو الصحة والعافية[

    اللهم آميــــــــــــــــــــن يا رب العالمين
    ربنا يخليه ليكم ويخليكم ليه ان شاء الله

    شكرا يا ما جنابو /B]
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 01:52 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    بت الجنيد سلام
    طبعا جابتنى الونسه مع الحبوبات والضل البارد ده
    شايل لى جريده فوق راسى من الهجيره وصارى عين من الشمس
    ووراى شافع سايق ليه لستك ترتار،وكان ما مسكته
    كان كشح ليك الجبنه فى هدومك مع انه حبوبتى قالت
    القهوة كان انكشحت فى هدوم الزول جاياه قروش..
    يعنى مسكته حساده منى ساكت...
    وشايف حبوبتك رابطه راسها بى دلقان اخدر..نعلها عافيه...
    وطبعا حبوبات زمان كان لما تقعد جنب الواحده فيهن ريحه حلوه خلاص..
    مزيج من الصندليه والبن والكركار وبخور التيمان والمحلب..
    والله يا سوما اتذكرت ريحة توب حبوبتى ..
    احى يا الغربه بت ال ك ل ب..
    انشاء الله تعقرى...
    اها انا مره قاعد مع حبوبتى طيبه بت ود عمار فى ضل نيمتنا
    جات قمريه ركت فى النيمه وبتقوقى..
    وكان الكلام ده فى نص عهد نميرى وبداية الغلاء، والبنزين
    والعيش بالصفوف وانعدام المواد التموينيه..
    جاز..بصل...زيت...صلصه.. كلهن فى شبه المعدوم ..
    المهم حبوبتى دى كانت مره حكيمه خلاص الله يرحمها
    قالت لى يا الصديق ياولدى مالو نضم قمريكم ده مازى نضم قمرى زمان؟؟
    قلت ليها كيف يا حبوبه؟
    قالت لى زمان قمرينا كان بقول احمدو ربكم ..احمدو ربكم،،
    قلت ليها ماتراها قمريتنا بتقول احمدو ربكم..
    قالت لى برى وحات الحاج القلمو ما ظلمو..
    (الحاج ده خالى كان ضابط بوليس فى المناقل..
    اسمعى قلمو الما ظلمو دى..طبعا ماساله فى بروف عنده
    دكتوراة فى تخصيب اليورانيوم او علم الجينات)
    المهم قالت لى..
    تاخد الحاج قمريكم ده يتوارى لى بقول
    بطريقتكم ..بطريقتكم..بطريقتكم..
    ضحكت فعلا قمرينا بدل غناهـ...
    لكن اظن الزمن البقينا ندق فيه بناتنا فى اقسام البوليس ده..
    بقى يقول سجم اماتكم..سجم اماتكم..واللا الترابه فى خشمكم..
    ايهم اشبه بهذا الزمن القمىء....

    اها النجيك واوريك ونسة جاراتنا حبوبات كده..
    ود محاسن بتى وديناهـ الاسبتايله ..وسوا ليه صورة الاشاعه..
    لقو عنده انتهاب رووى..
    تنط التانيه دحين ما كتبولو مضاد حلوى؟؟
    شن خبرنى غايتو صرفولو كباسين حمر كده..
    اى ياهو المضاد الحلوى بنفعو لكن..

    اسماء الجنيد خسمتك بالرسول ما تفوتى من الضل ده وانقلي البوست ده عشان
    الشرشفه واللا الشحتفه حقت بكرى ابصلعه ده انا مسميها هادم اللذات
    ارشفتو دى..
    نلاقيك من الارشيف يا حبوبة اسماء، وجرى الفاتح على الضل ده..
    باقى هو ود حبوبات بدرجة فارس ليك وليه وللعيال تحياتنا،،،

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 02:48 AM

Hayat Hussien

تاريخ التسجيل: 10-29-2009
مجموع المشاركات: 612

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: صديق الموج)

    الحبوبة اسماء والله عيزومتك مانا مابينها لكن بجيك يالله هوي وتسالني امبارح عيني

    ما لاقت للصباح كنت منتظرة تلفون من بتي تطمئني بوصولها للابيض في زيارة لي نسابتها

    والحمد لي الله وصلو بالسلامةهي وراجلا ووليدها ودعتهن لي امين الوداعة ونبي الشفاعة

    ويجوني راجعين بسلامة الله تامين ولامين ومن العين محروسين عشان قلبي يرقدويرتاح وافضي

    للقهوة ونشرب للبركة بس هسي ادوني فرقة في الهباب دا وادوني وسادة اختها تحت راسي

    واخد لي غيميدة في ضل النيمة دي البترد الروح وبعد داك يا الونسة جاك زول وخسوسا

    انا محبوسة لي اربع يوم ما مرقت من البيت بسبب الجليد الحاوطنا من كل الجهات واختك

    خايفة من الوقيع والكسير يكفينا الشر يارب اها في امان الله للصباح ارقدو عافية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 05:25 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: Hayat Hussien)

    العزيزة سوما وضويفها في النيمة الظليلة..

    سلامات


    نسيت وين انا جالس, تاريني غرقان في قرية البوست ده..
    كل حرف وكل كلمة تعطيني فلاشباك لذلك الزمان الجميل..
    الحبوبات والجدات..
    وقهوة الضحوية..
    كنا نهرول من المدرسة للحاق بالتلتاوي..
    ولحسان فناجيل القهوة..
    ويوم تكون القهوة مافي بيتنا..
    كنا نصطنع الخطط والحيل البتوصلنا لمكان الجلسة..
    وكان المناسبات افراحا او اتراحا تزعجنا
    لا نحبها مهما كان شكلها لأنها بتخرب
    وبالأصح بتشتت جلسة القهوة لأماكن لا نصلها..
    نراجع ملفات الزمن الجميل
    ونعيد الطلة..

    تحياتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 04:27 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: Abdlaziz Eisa)

    Quote: بت الجنيد سلام
    طبعا جابتنى الونسه مع الحبوبات والضل البارد ده
    شايل لى جريده فوق راسى من الهجيره وصارى عين من الشمس
    ووراى شافع سايق ليه لستك ترتار،وكان ما مسكته
    كان كشح ليك الجبنه فى هدومك مع انه حبوبتى قالت
    القهوة كان انكشحت فى هدوم الزول جاياه قروش..
    يعنى مسكته حساده منى ساكت...
    وشايف حبوبتك رابطه راسها بى دلقان اخدر..نعلها عافيه...
    وطبعا حبوبات زمان كان لما تقعد جنب الواحده فيهن ريحه حلوه خلاص..
    مزيج من الصندليه والبن والكركار وبخور التيمان والمحلب..
    والله يا سوما اتذكرت ريحة توب حبوبتى ..
    احى يا الغربه بت ال ك ل ب..
    انشاء الله تعقرى...
    اها انا مره قاعد مع حبوبتى طيبه بت ود عمار فى ضل نيمتنا
    جات قمريه ركت فى النيمه وبتقوقى..
    وكان الكلام ده فى نص عهد نميرى وبداية الغلاء، والبنزين
    والعيش بالصفوف وانعدام المواد التموينيه..
    جاز..بصل...زيت...صلصه.. كلهن فى شبه المعدوم ..
    المهم حبوبتى دى كانت مره حكيمه خلاص الله يرحمها
    قالت لى يا الصديق ياولدى مالو نضم قمريكم ده مازى نضم قمرى زمان؟؟
    قلت ليها كيف يا حبوبه؟
    قالت لى زمان قمرينا كان بقول احمدو ربكم ..احمدو ربكم،،
    قلت ليها ماتراها قمريتنا بتقول احمدو ربكم..
    قالت لى برى وحات الحاج القلمو ما ظلمو..
    (الحاج ده خالى كان ضابط بوليس فى المناقل..
    اسمعى قلمو الما ظلمو دى..طبعا ماساله فى بروف عنده
    دكتوراة فى تخصيب اليورانيوم او علم الجينات)
    المهم قالت لى..
    تاخد الحاج قمريكم ده يتوارى لى بقول
    بطريقتكم ..بطريقتكم..بطريقتكم..
    ضحكت فعلا قمرينا بدل غناهـ...
    لكن اظن الزمن البقينا ندق فيه بناتنا فى اقسام البوليس ده..
    بقى يقول سجم اماتكم..سجم اماتكم..واللا الترابه فى خشمكم..
    ايهم اشبه بهذا الزمن القمىء....

    اها النجيك واوريك ونسة جاراتنا حبوبات كده..
    ود محاسن بتى وديناهـ الاسبتايله ..وسوا ليه صورة الاشاعه..
    لقو عنده انتهاب رووى..
    تنط التانيه دحين ما كتبولو مضاد حلوى؟؟
    شن خبرنى غايتو صرفولو كباسين حمر كده..
    اى ياهو المضاد الحلوى بنفعو لكن..

    اسماء الجنيد خسمتك بالرسول ما تفوتى من الضل ده وانقلي البوست ده عشان
    الشرشفه واللا الشحتفه حقت بكرى ابصلعه ده انا مسميها هادم اللذات
    ارشفتو دى..
    نلاقيك من الارشيف يا حبوبة اسماء، وجرى الفاتح على الضل ده..
    باقى هو ود حبوبات بدرجة فارس ليك وليه وللعيال تحياتنا،،،

    ود الموج الحنين حبابك يابا
    تصدق بالله دايره اكتب ليك امس اقول ليك اسمك يا ود الموج رغم الزمن دة كلو
    ما عارفاه مطابق لي اسمي لي الجد
    عشان كده تاني استعد لي جد الوليدات لزم
    صديق حاج الطيب
    اسماء صديق الطيب
    يعني جدي كان نادوه يا حاج الطيب كان انا جيت شاكلت ناس اخلاص في ابوهم لوول
    ياخ والله مداخلتك صورة قدامي
    العجب القهوة .. ياخوي ات مالك حاسد كدي
    بالحيل بدور القريشات ,, ذنبك على جنبك برسل ليك بقول ليك يابا رسل لي مصاريف
    والحبوبة الرابطة راسها دي يا حليلا بتكون من كواريك لما جيتنا داخل
    تسلم يا ابونا وربي يديك لينا الصحة والعافية
    وتحايا عبرك لكل العقاب
    بالله نيمتنا دي ما تطول منها النبي فيك

    باقي البوست ده بنعمل فيه مسابقة مدام جدو ود الموج بطرفنا

    (عدل بواسطة اسماء الجنيد on 12-29-2010, 10:49 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 04:32 PM

ياسر بيناوي
<aياسر بيناوي
تاريخ التسجيل: 05-18-2009
مجموع المشاركات: 4858

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    طبعا انا حاجز كرسي ركن في البوست دا




    خالص الود
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 05:11 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: ياسر بيناوي)

    Quote: طبعا انا حاجز كرسي ركن في البوست دا


    هوى ياود فاطنه هوى..
    انت قايلنا نحن قاعدين فى مجلس الشعب؟؟
    كرسى واحد مافى..شوف ليك بنبر اترزع فوقو..
    اسماء شايف حاجه خدرة مقنقنه فى بمبر قدام ست الجيل
    بتنقض ليها فى شعرها للمشاط..
    الشعر كان مكوفت باقى هى كانت حادة على حاج الامين..
    قدامها كورة فيها بلال..
    البلال عبارة عن موية حنه ومحلب وقرنفل...
    اشفاء كبير مقزوز فى كراع العنقريب ...
    الاشفاء يقوم مقام المشط فى حذاقه تامه وبتخصص اكثر..
    علبة ودك من عيد الضحية احضرتها حاجة خدرة خصيصا...
    ذهب الربيت وتبقى الودك وثبت الاجر باذن الله..
    الشعر الذى يتساقط من عملية النقض يذهب الى شق فى الحيطه
    المخيته بالزباله..
    باقى الشعر البخلو يشيلو الهواء كعب ومكروه فى عرف حبوباتنا...
    بت الجنيد دى واحدة من صور النيمة الجميلة..
    ياناس بطلتو شغلتنا الله يقطع شيطانكم..
    بمشى واجيكم،،،
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 10:56 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: صديق الموج)

    Quote:
    الحبوبة اسماء والله عيزومتك مانا مابينها لكن بجيك يالله هوي وتسالني امبارح عيني

    ما لاقت للصباح كنت منتظرة تلفون من بتي تطمئني بوصولها للابيض في زيارة لي نسابتها

    والحمد لي الله وصلو بالسلامةهي وراجلا ووليدها ودعتهن لي امين الوداعة ونبي الشفاعة

    ويجوني راجعين بسلامة الله تامين ولامين ومن العين محروسين عشان قلبي يرقدويرتاح وافضي

    للقهوة ونشرب للبركة بس هسي ادوني فرقة في الهباب دا وادوني وسادة اختها تحت راسي

    واخد لي غيميدة في ضل النيمة دي البترد الروح وبعد داك يا الونسة جاك زول وخسوسا

    انا محبوسة لي اربع يوم ما مرقت من البيت بسبب الجليد الحاوطنا من كل الجهات واختك

    خايفة من الوقيع والكسير يكفينا الشر يارب اها في امان الله للصباح ارقدو عافية

    حياة الحبيبة المن القليب قريبة
    حبابك يمة وسمحة طلتك يعلم الله
    اولا بالتبادي حمد الله على سلامة وصول بنيتنا الغالية وسيد بيتها ووليداتها
    ربي يحفظم ويغطيهم ان شاء الله وتتلموا في البلد بالسلامة
    جري الهباب ده آآ بنية لي حبوبتك حياة ,و لكن يا حبوبا حياة الاسم ما عندك لوول
    وحات الله قهوتنا علا تنومك تب , بس اضحكيلك معانا ضيحتين تلاتة من جدك ود الموج ده
    اصلو من يقابل الهمبريب ده ويقعد يجغم في التني والتالت خشمو ما بقيف تب
    ومانا بنسلم منو كلنا
    خسوسسسسسسا حبوبته خدرة دي
    شايفاه مقابلها كيفن
    تسلمي يا حياة وتسلم ايامك يا العزيزة وغالية
    النبي كان تطولي مننا الغيبة
    ونستك امانة مي طاعمة بالحيل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 11:07 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: لعزيزة سوما وضويفها في النيمة الظليلة..

    سلامات

    نسيت وين انا جالس, تاريني غرقان في قرية البوست ده..
    كل حرف وكل كلمة تعطيني فلاشباك لذلك الزمان الجميل..
    الحبوبات والجدات..
    وقهوة الضحوية..
    كنا نهرول من المدرسة للحاق بالتلتاوي..
    ولحسان فناجيل القهوة..
    ويوم تكون القهوة مافي بيتنا..
    كنا نصطنع الخطط والحيل البتوصلنا لمكان الجلسة..
    وكان المناسبات افراحا او اتراحا تزعجنا
    لا نحبها مهما كان شكلها لأنها بتخرب
    وبالأصح بتشتت جلسة القهوة لأماكن لا نصلها..
    نراجع ملفات الزمن الجميل
    ونعيد الطلة..

    حباب اخوي عزيز ود عمي عيسى
    ادخل لا جوة يابا
    طولنا منك بالحيل والله
    يا حليل اهلنا الزمان يا عزيز يا خوي
    ملانين محنة وسماحة يكفوا الزمن الفينا ده والجاي
    بساطة وطيبة فاقدنها في زمنا ده
    حتى المفردات في زمنا العجيب اتغيرت
    عزيز اخوي اتحكر وسط حبوابتك ديل واشربلك فنيجين قهوة
    قهوتنا زى لمتنا دي ملانهة محنة بالحيل
    تسلم يابا على الطلة الباكرية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-29-2010, 11:48 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: طبعا انا حاجز كرسي ركن في البوست دا




    خالص الود

    حبابك ياسر يا خوي
    لكن يا خوي تصدق ما عندنا كراسي
    عندنا هبابات وبنابر بس
    متل ما قال ليك جدك ود الموج
    حبابك يابا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 00:21 AM

عبدالفتاح أبوشيمة
<aعبدالفتاح أبوشيمة
تاريخ التسجيل: 04-15-2008
مجموع المشاركات: 4163

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)





    حليلنا الما شفنا الحبوبات
    أم أبوي ماتت ولحقنها التومات
    وأم أمي ماتت قبال أمي ذاتا ماتشوف لها شوفات
    أسوي شنو أنا مع الثعلب اللي فات فات وفي ديله سبع لفات
    وحليلو حليلو الزمن الجميل الفات
    لما القعدة تحت اللبخة والنيمات
    بي ضحك البراءة ولمة الأمات
    والقهوة الجميلة وإن كانت فناجينا ما قاعدة على وقايات
    بس الريد كان مقنن زي لبينة الغنمات
    والشاي كان نشربه في بلد القصب جكّات
    والسكر كان راس ما يتكسر ولا بالدانات
    وعشان ما شفنا حبوبات مساكين نحن ما بنعرف للحكايات
    لكن علينا نتوهّط بالجنبة نلفى الفات
    ونترطق إضين نسمع ما نبقى من الإضينات
    والمسنوح ما له ما شرّف وهو ترباية حبوبات
    مع كل الحكي ما شبعنا عشان مافيها أبيات
    قول ي عشان نجيك ننصب جنب الشجرة صيوانات





    بنيّتنا الشاعرة

    بت القبايل الحرة

    ليك تحيتنا

    في حلتنا

    تحت نيمتنا

    والحبوبة ما ربتنا

    عشان كدا ما بنعرف

    لي نمّتكم بس نمّتنا

    إن شاء الله جلسة في الحرم



    سلام أهل الضهاري جميع



    اللي في الظل الوريف

    يسعدكم خريف وصيف
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 00:34 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: عبدالفتاح أبوشيمة)

    ههههههههههههههه،
    جيتو بجاي؟
    مشتاق ليكم. والله صحي.
    الــقُــفّــة ...

    عندي حبوباتي كا نن بيغلتن في الكلآم. وآحدة منهن مشت الحج، وبعد جات
    إتغلتن في موضوع. المشت الحج قامت حلفت، دايرة تقول: وحآت النبي
    المسكت في شبكو. غلتت قالت: وحات النبي المسكت في شنبو...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 05:56 AM

عبدالأله زمراوي
<aعبدالأله زمراوي
تاريخ التسجيل: 05-22-2003
مجموع المشاركات: 658

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    شاعرتنا الحنينة...

    جئنا نستظل بدوحة كلماتك الوارفة وقيلنا
    وفرحنا ونسينا الحزن الغارق فينا حد الموت...

    لا تبتئسي فنحن الأعلون بإذن الله وسنعود...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 07:15 AM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2628

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: عبدالأله زمراوي)

    Quote: صديق حاج الطيب
    اسماء صديق الطيب


    أسماء أو سوما .. الشاعرة المرهفة ست النضم الجميل والأصالة التريانه بالمحنه ...

    لازم يكون اسم الوالد والجد كده (صديق الطيب) فالصدق ديدن حرفك الجميل .. وأنت كما يعلم الجميع الطيبة تمشي على رجلين .. ولكل من اسمه نصيب يا أسماء ...

    يا سلام بالجد رجعتوني لأجمل أيام حياتي في القرية حيث أذهب لقضاء كل الإجازات الدراسية هناك .. يا سلام يا أسماء لو بدأت شريط الزكريات أخاف أن تقولوا الزول ده (براي شديد) ..
    واحتل علينا البوست .... لكن خلوني أسرد لك يوم عادي في رحاب القرية الوضيئة الحالمة ...

    حاج محمد عثمان أذن لصلاة الفجر بصوته الرخيم ... ويتفنس الصبح الجميل .. نقوم من عناقريبنا في الحوش ... وطوالي على الطلمبه في وسط الحوش .. نملا الابريق .. وبعد الوضوء للصلاة في المسجد ... بعد رجوعنا على الدونكاه عدييل تكون الحاجه الوالده خديجة بت ملك أطال الله عمرها قد ملأت حليلتها من المراح .. وأوقدت نار الوقود لشاي الصباح .. وفي حلة أخرى أرى الحيب يغلى وقد ضرضرت الوالدة بعض الدخن عليه وأذابت عجينة القمح ودلقتها عليها ثم وضعت كرات كاللقيمات عليها لتصنع لنا تلك المديدة المحببة ... وقد تحلقنا حولها نتدفى بالنار ونسمع في حكاويها المحببة .. يالله بسم الله يا أولادي على المديدة نلتهمها بشغف ولهف حتى تسيل دميعاتنا ... ونسمع شررررر..... صوت الشاي في الكبابي الشوب ديك لنرتشف أجمل شاي صباح من أجمل يد تقطر بالحنية والحب الحقيقي الكبير ... يالله يا سوما .... ونجلس نتسامر قليلاً لنسمع صوت عمي الحاج محمد علي .. كيف أصبحتوا
    يا ناس ... ويتبادل مع الوالده تحية الصباح برطانتنا النوبية المحببة قبل أن ينزل على الجرف الذي يقع خلف بيتنا مباشرة ليمارس نشاطه اليومي ... يشغل الوابوار فتسمع خرير المياه المتدفق في الجدول يسبح لله العظيم ... ويذهب عمي محمد علي ليقرع المياه في حيضان المريق (الذره) والبرسيم .... وأرى بعض الطرح تتهادى وسط البرسيم ..
    وتتبادل الصبايا تحايا الصباح ثم يشرعن في حش فطور البهايم ....
    قبيل العاشره تنادي علي الوالده ... حيث أن فطور الجماعة علينا اليوم وأحمل الصينية لضل الضحى خلف منزلنا مباشرة .. وأرى عمي والعم صالح علي .. وعبد البيّن ..والزبير وقد لمحوني قد رمى كل طوريته على الأرض وجلس على الجدول يغسل يديه وبعض (فحل البصل ) الذي اقتلعه من الحوض المجاور وأتى نحوي ... وبسم الله .. ياسلام على القراصه بالويكه ..
    وأصلاً ومن غير فخر بت ملك مشهوره بإيدها الطاعمه جداً ... وحتى في المناسبات الكبيرة تتولى هي وستنا نمر الإشراف على الطبخ جميع أنواع الطعام وخاصة طعام الضيوف .... والله أيام يا زمان .... وبدعها نقبّل على صحن الشعيريه بالسمنه البلدي ويا سلام .... وأجري يا ولد جيب الشاي ....
    عند القيلوله ... ننزل للنيل ونتلاقى الشله كله شرق وغرب عند الشجرة الكبيرة ونظل نسبح ونمارس التحديات ولعباتنا المشهورة حول الشجرة إياها قرابة الثلاث ساعات ...
    وصدقوني (وأنا آسف لذكر ذلك) كنا نسبح كما خلقنا الله .. كباراً وصغاراً في منتهى البراءة والعبث ....
    بعدها على النخل نأكل (الكتي كول) أي الرطب لمن لا يعرفه ... وعلى أقرب جدول ثم نتدلى على الحلّه وقد أصبحنا غبش بالحيل من آثار مياه النيل .... بعد صلاة الظهر كانت الوجبة الأساسية شاي اللبن بالقرقوش ... ما كنا نحتاج ولا حتى نعرف وجبة العداء .... ولكن عندما يؤذن لصرة العشاء نذهب إلى المسيد وكل يحمل صينية العشاء التي نضعها خلف البروش ... وبعد الصلاة نتحلق جميعنا لتناول العشاء .... في أيام السبت يصادف ذلك (سوق السبت) تحمل أغلب الصواني دمعة اللحم بالقراسه ونتسابق لنتحلق حولها ..
    نتخاطف اللحم أنا وعبد الحي ود الشيخ محمحمد عثمان ..وكان أشقانا ,اخفنا ظلاً .. وسيف الدين ومحمد سيد أحمد أولاد عمومتي ... ياه يا سوما صدقيني ..
    أرى أن العين ترقرق والدموع قد بدأت تنثال مع شريط الزكريات هذا ....

    وتأتي مرحلة السهره .. في القوز الفوقاني خلف منزل عمتي زينب إبراهيم .. مع شليل .. وقعود شل .. حتى الهزيع الأخير من الليل ....
    حيث نرجع لعناقريب الحوش .. في سبات جميل عميق تحت ضوء القمر ..لم ولن أذق نوماً مثله من بعدها ... وباب الحوش فاتح طبعاً في انتظار آذان الشيخ محمد عثمان ليؤذن معلناً انبثاف فجر جديد ....

    آسف للاطالة ... وحتماً سأعود لضل نيمتكم الجميلة هذه التي فجرت في أعماقي الثكلى شريط الزكريات الجميل ....

    لكم التحية جميعاً .... مع خالص حبي وتقديري ؛؛؛
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 07:58 AM

يحي ابن عوف
<aيحي ابن عوف
تاريخ التسجيل: 05-25-2002
مجموع المشاركات: 6306

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: إدريس محمد إبراهيم)

    sudansudansudan74.jpg Hosting at Sudaneseonline.com

    سلام هوى ياتحت ضل النيمة المرشوشة والعنقريب الهباب

    حضرنا ولم نجدكم
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 10:49 AM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2628

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: يحي ابن عوف)

    Quote: بت الجنيد سلام
    طبعا جابتنى الونسه مع الحبوبات والضل البارد ده
    شايل لى جريده فوق راسى من الهجيره وصارى عين من الشمس
    ووراى شافع سايق ليه لستك ترتار،وكان ما مسكته
    كان كشح ليك الجبنه فى هدومك مع انه حبوبتى قالت
    القهوة كان انكشحت فى هدوم الزول جاياه قروش..
    يعنى مسكته حساده منى ساكت...
    وشايف حبوبتك رابطه راسها بى دلقان اخدر..نعلها عافيه...
    وطبعا حبوبات زمان كان لما تقعد جنب الواحده فيهن ريحه حلوه خلاص..
    مزيج من الصندليه والبن والكركار وبخور التيمان والمحلب..
    والله يا سوما اتذكرت ريحة توب حبوبتى ..
    احى يا الغربه بت ال ك ل ب..
    انشاء الله تعقرى...
    اها انا مره قاعد مع حبوبتى طيبه بت ود عمار فى ضل نيمتنا
    جات قمريه ركت فى النيمه وبتقوقى..
    وكان الكلام ده فى نص عهد نميرى وبداية الغلاء، والبنزين
    والعيش بالصفوف وانعدام المواد التموينيه..
    جاز..بصل...زيت...صلصه.. كلهن فى شبه المعدوم ..
    المهم حبوبتى دى كانت مره حكيمه خلاص الله يرحمها
    قالت لى يا الصديق ياولدى مالو نضم قمريكم ده مازى نضم قمرى زمان؟؟
    قلت ليها كيف يا حبوبه؟
    قالت لى زمان قمرينا كان بقول احمدو ربكم ..احمدو ربكم،،
    قلت ليها ماتراها قمريتنا بتقول احمدو ربكم..
    قالت لى برى وحات الحاج القلمو ما ظلمو..
    (الحاج ده خالى كان ضابط بوليس فى المناقل..
    اسمعى قلمو الما ظلمو دى..طبعا ماساله فى بروف عنده
    دكتوراة فى تخصيب اليورانيوم او علم الجينات)
    المهم قالت لى..
    تاخد الحاج قمريكم ده يتوارى لى بقول
    بطريقتكم ..بطريقتكم..بطريقتكم..
    ضحكت فعلا قمرينا بدل غناهـ...
    لكن اظن الزمن البقينا ندق فيه بناتنا فى اقسام البوليس ده..
    بقى يقول سجم اماتكم..سجم اماتكم..واللا الترابه فى خشمكم..
    ايهم اشبه بهذا الزمن القمىء....

    اها النجيك واوريك ونسة جاراتنا حبوبات كده..
    ود محاسن بتى وديناهـ الاسبتايله ..وسوا ليه صورة الاشاعه..
    لقو عنده انتهاب رووى..
    تنط التانيه دحين ما كتبولو مضاد حلوى؟؟
    شن خبرنى غايتو صرفولو كباسين حمر كده..
    اى ياهو المضاد الحلوى بنفعو لكن..

    اسماء الجنيد خسمتك بالرسول ما تفوتى من الضل ده وانقلي البوست ده عشان
    الشرشفه واللا الشحتفه حقت بكرى ابصلعه ده انا مسميها هادم اللذات
    ارشفتو دى..
    نلاقيك من الارشيف يا حبوبة اسماء، وجرى الفاتح على الضل ده..
    باقى هو ود حبوبات بدرجة فارس ليك وليه وللعيال تحياتنا،،،



    صديق الموج لكن ما لقيتك نضام نضمي .. إنا لله ... ياخي إنت طارق جبريل يبقالك شنو ....

    ياخي وقت إنت حريف كده في الكلام ... ياخي ما ترفع مستواك شويه في (الويست) .. بدل ماكل يوم مسنفكك الكيشه صاحبي أبو التومات محمد عبد الجليل ...وصاحبك المهندس البيقص بالدو !!!! والعجب كان جيتك أنا .. إلا أخليك تلعب خم الولد بس كما ذكرت ذلك في بوست لطلحه .. ولكن لا غرابه فلعبك للويست حاجه كده زي لعب المريخ يا صفوه ....

    لكن بصراحه أوسكار عدييييل كده .....
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 12:21 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: إدريس محمد إبراهيم)

    Quote: هوى ياود فاطنه هوى..
    انت قايلنا نحن قاعدين فى مجلس الشعب؟؟
    كرسى واحد مافى..شوف ليك بنبر اترزع فوقو..
    اسماء شايف حاجه خدرة مقنقنه فى بمبر قدام ست الجيل
    بتنقض ليها فى شعرها للمشاط..
    الشعر كان مكوفت باقى هى كانت حادة على حاج الامين..
    قدامها كورة فيها بلال..
    البلال عبارة عن موية حنه ومحلب وقرنفل...
    اشفاء كبير مقزوز فى كراع العنقريب ...
    الاشفاء يقوم مقام المشط فى حذاقه تامه وبتخصص اكثر..
    علبة ودك من عيد الضحية احضرتها حاجة خدرة خصيصا...
    ذهب الربيت وتبقى الودك وثبت الاجر باذن الله..
    الشعر الذى يتساقط من عملية النقض يذهب الى شق فى الحيطه
    المخيته بالزباله..
    باقى الشعر البخلو يشيلو الهواء كعب ومكروه فى عرف حبوباتنا...
    بت الجنيد دى واحدة من صور النيمة الجميلة..
    ياناس بطلتو شغلتنا الله يقطع شيطانكم..
    بمشى واجيكم،،،

    ود الموج وحات الله ما بنخليك تفوت البكان ده
    آآآآآآآآآآآآآآآآمنت بالله
    اول شىء ما شاء الله ودقر العين
    تصدق اتصلت بي صاحبتي نص الليل قالت لي يا سوما الزول البكتب في بوست النيمة ده مبالغة ما شاء الله
    نص الليل نضحك فيه ونتصل في التلفونات عشان الناس تقرأ الكلام
    غايتو وصف المشاط تحــــــــــــــــــــــــفة لوووووووووووووووووولز
    ود الموج ربي يسعدك بقدرما اسعدت كل الناس دي وخليك قاعد الليلة نيمتنا دي بنحوطك فيها تب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 12:41 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote:
    حليلنا الما شفنا الحبوبات
    أم أبوي ماتت ولحقنها التومات
    وأم أمي ماتت قبال أمي ذاتا ماتشوف لها شوفات
    أسوي شنو أنا مع الثعلب اللي فات فات وفي ديله سبع لفات
    وحليلو حليلو الزمن الجميل الفات
    لما القعدة تحت اللبخة والنيمات
    بي ضحك البراءة ولمة الأمات
    والقهوة الجميلة وإن كانت فناجينا ما قاعدة على وقايات
    بس الريد كان مقنن زي لبينة الغنمات
    والشاي كان نشربه في بلد القصب جكّات
    والسكر كان راس ما يتكسر ولا بالدانات
    وعشان ما شفنا حبوبات مساكين نحن ما بنعرف للحكايات
    لكن علينا نتوهّط بالجنبة نلفى الفات
    ونترطق إضين نسمع ما نبقى من الإضينات
    والمسنوح ما له ما شرّف وهو ترباية حبوبات
    مع كل الحكي ما شبعنا عشان مافيها أبيات
    قول ي عشان نجيك ننصب جنب الشجرة صيوانات





    بنيّتنا الشاعرة

    بت القبايل الحرة

    ليك تحيتنا

    في حلتنا

    تحت نيمتنا

    والحبوبة ما ربتنا

    عشان كدا ما بنعرف

    لي نمّتكم بس نمّتنا

    إن شاء الله جلسة في الحرم


    سلام أهل الضهاري جميع



    اللي في الظل الوريف

    يسعدكم خريف وصيف


    يا سلام عليك يا ابو شيمة الحنين
    اخوي الحنين ابو شيمة يعلم الله نظمك تحسو مارق بصدق من جوه الجوف
    ربي يرحم حبوباتنا الفاتن وخلفن وراهن ذكرى عطرة عتيقة
    عتاقة المحنة الموكرة في القلوب
    ات يا خوي ان بقيت ماك ترباية حبوبات لكن المحنة غشتك وخات الله وملتك من ساسك لا راسك
    ربي يحفظك ويخليك ويكتر لينا من امثالك يابا
    وات يا خوي وحات الله قعادك معانا في نيمتنا دي بندوروا بالحيل
    دحين آآ العشا ابقى لا داخل واناوليه يا بنية فناجن وبلحات وزاد الحبان ليه بكان
    تسلم تسلم اخوي عبد الفتاح وان شاء الله تنعدل عليك ويييييين ما تقبل
    قول آميـــــــــــــن
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 12:51 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: لكن اظن الزمن البقينا ندق فيه بناتنا فى اقسام البوليس ده..
    بقى يقول سجم اماتكم..سجم اماتكم..واللا الترابه فى خشمكم..
    ايهم اشبه بهذا الزمن القمىء....


    اوووووووووووه، جدي ودالموج.
    علي اليمين طلتك بالدنيا.
    حليل القمرية، وحليل غُناها يا ود الموج.
    وحات شيخي، القمرية بقت ما قادرة تفتح
    خشُما. الجماعة ديل ما خلولآ الحبة...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 12:57 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)


    شـعـارنـا:
    مـا أتـيـنـا هـذا الـبـوسـت لِـحِـوآر،
    إنـمـا أتـيـنـا لـونـسـة و هـزآر.
    والله صـحـي...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 01:34 PM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    Quote: حباب اخوي عزيز ود عمي عيسى
    ادخل لا جوة يابا
    طولنا منك بالحيل والله
    يا حليل اهلنا الزمان يا عزيز يا خوي
    ملانين محنة وسماحة يكفوا الزمن الفينا ده والجاي
    بساطة وطيبة فاقدنها في زمنا ده
    حتى المفردات في زمنا العجيب اتغيرت
    عزيز اخوي اتحكر وسط حبوابتك ديل واشربلك فنيجين قهوة
    قهوتنا زى لمتنا دي ملانهة محنة بالحيل
    تسلم يابا على الطلة الباكرية



    العزيزة/ ســـوما

    النحييك بالإقتباسة دي:


    ((حرقوصك نتل جاب من هواكي دعاش
    خيّم فوقك الليلي ومكاييل هاش
    اتهتم سماك اسقى الـ كانوا عطاش
    عربك تالتة واقفين ، لا برش لا فراش

    ركزنلك بروقك عكّلن قيزانك
    انهلن بشايرك واستعد عربانك
    اتدلقن سحابك نعّ فوق وديانك
    بي فرحة وطرب دقو الرباب عربانك

    أضحو مبسطين شاكرين كريماً حي
    سندوا الواقعة حلبو وشربو من الني
    اتملى التبوب مصعن حمير الري
    قاموا يعافرو في الشقق الرباطن ني

    أخدوا الهجسة لي الكيفة الشميشا ضحي
    يات من كان حلف قال الكرامة علي
    أم ريد لولت القلاي ، جميلة الزي
    أرياح الدمك غمرن ربوع الحي))



    دخان البن يجيب البعيد للحي
    وكلمة الترحاب تسر القليب اللي
    وحكيرة البنابر ديك
    وونسة الحبوبة
    ومعزة تطول
    وضحكة تعم الفريق الفوق
    القهوة
    الجبنة
    القلاية
    الفنجان
    عنقود العشم والذوق..

    تحياتي

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 01:46 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: Abdlaziz Eisa)

    Quote:
    الاستبالية
    ولا الاستبالا
    المراريا
    جبل الديش لووول
    ناس فلان عندهم عربية اندروبل الشاطر فيكم يعرف لي قاصدين ياتو عربية


    يا سوما،
    عندنا حبوبتنا كانت دايماً تردد: ياااا حليل التِنقِليّز.
    ولمان تسمع إسماعيل حسب الدائم يغني في الإذاعة
    تقعد تبكي وتقول: ياااا حليلو يا اخواني، ده الوِليد
    كدي قاعد يحنني...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 02:33 PM

عبدالفتاح أبوشيمة
<aعبدالفتاح أبوشيمة
تاريخ التسجيل: 04-15-2008
مجموع المشاركات: 4163

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    لا تعجبي بنيتي
    إنه الدفق حين يعجب أو يعجب
    إذ لا بد له من أن يحبّ
    وإن أحبّ
    لا شيء يعجزه أو يصرفه بطر
    ب أو لا طر
    ب فالشأن ذا شأن المحب
    إذا دنا من نبع حنان أو اقتر
    ب والحب قد يكون من قلب أب

    وقد يكون للحرف المعذب
    نبع قرب شيئاً فشيئاً يلتهب
    يسعده الأوار، وكم يشقيه البوار
    فلا يشب ويضعف قليلاً قليلاً يصيبه الدوار
    يكاد أن ينهار
    أو يكتئب فلا عج
    ب بنيتي لا عجب ف
    كل شيء فيه يضطرب
    والوخز في جنح الحنايا أمر تلافيه يكون جد صعب
    وإنت أهلاً بيك وألف مرح

    يللّي مليتي لينا كل البوادي جد طرب
    كلمات تقول ليك اتفضّل ادخل لا لا تنسحب

    إنت شرّفت الديار

    وألف ألف مليون مرة مرح

    ب بس رجاء اعملي حساب ناس بخافوا سهام هذا اللهب
    يحترقوا ليك وتبقي في تأنيب ضمير ومساسقات وشدة تعب خليك حنين إنت بس وما تبقى في آخر العمر إنت السبب


    في كل ودار جابه الولف، حد الوصف، حرف الوقف عبّ تبْ
    مالك مليتني كل تعب وشي وصب زي نار تقول لا تقترب --


    هههههههههه

    أها اتوهطنا

    نسمع بس
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 04:31 PM

ساميه حامد
<aساميه حامد
تاريخ التسجيل: 07-24-2010
مجموع المشاركات: 1567

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: عبدالفتاح أبوشيمة)

    الحبيبة اسماء ليك التحية ولي ضيوفك الاعزاء الظرفاء

    بمناسبة قليب كلام الحبوبات انا عندي حبوبة جنس قليب كلامها ما لاقاني كلو كلو

    اول شي بتقول للخمسة خسمة يعني الخمسة وخمسين بتبقى خسمة وخسمين

    والطرادة (حليل زمن الطرادة) بتقول ليه طيارة والعجب الاسماء كلها مقلباها

    انتصار بتبقى نصة نهار وملاذ بتبقى لماذا ومدثر ببقى مكسر وكوثر بتبقى كستر

    واجمل شي فيها عفويتها انتي عارفة دي مرة ربطت باقي القروش الرجعها ليها الكمساري في توب المرة الجنبها في الحافلة

    والله العظيم جد ولما جات البيت وعرفت الحصل قالت بكل بساطة رزق وجاها من الله

    حكاوي الحبوبات كتيرة ولذيذة وبوستيك تاني تب ما فايتنو كل مانذكر شي نجي نكبو ونمشي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 04:52 PM

manal eltahir

تاريخ التسجيل: 11-04-2009
مجموع المشاركات: 479

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: عبدالفتاح أبوشيمة)

    الغاليه سومه وضيوفها....ونستكم لذيذه وعفويه....ممكن اتونس معاكم.....لكن pleeeeeeaaase مره مره كده ترجموا لينا .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 08:45 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: manal eltahir)

    Quote: ههههههههههههههه،
    جيتو بجاي؟
    مشتاق ليكم. والله صحي.

    عندي حبوباتي كا نن بيغلتن في الكلآم. وآحدة منهن مشت الحج، وبعد جات
    إتغلتن في موضوع. المشت الحج قامت حلفت، دايرة تقول: وحآت النبي
    المسكت في شبكو. غلتت قالت: وحات النبي المسكت في شنبو...

    ود المدير معاوية اخوي
    وحاااااااااات الله بالاكتر يا يابا
    لكن الحبوبات ماهن عندك
    والله صحي
    ضحكت لامن دمعت
    ياخ عليك الله جنس الطيبة والعفوية دي وين تتلقي في زمنا الاشتر ده
    اها النحكي ليك دي قصة حصلت في بيتنا ...
    نحن في الاجازة بنمشى الجنيد اجازة المدارس
    وبتكون اجمل اجازة
    باقي نحن بنكون لافين في شرق السودان مع الوالد رحمه الله ومشتاقين للحلة
    ولمة الخالات والعمات والحبوبات ولما نكون راجعين بنبكي وننوح
    ويوم السفر ده بنبكي الصغير والكبير بي بكانا
    في احدي الاجازات قاعدين في حوشنا والجبنة مدورة
    لمة سمحة بالحيل والونسة عمرت
    عندي حبوبتي نور الشام الله يرحمها بتضفر سعف السرور يا يمة شىء تباريق وشىء بروش
    وكل اجازة ابوي الله يرحمه بتجيه تبروقة من اياديها الحنينة وشغل فن جد ,,
    اها في لمتنا ديك جاتنا عمتي من برة الحلة وقالت لي اختى الصغيرة امشي لي حبوبتك قولي ليها
    ادينا حنقوق !!! طبعا اختي وقفت اتسمرت ليها اقول ليها شنو ؟ ردت ليها حنقوووووووووق
    طيب عشان شنو ؟ قالت ليها عشان اعمل بيهو مقاشيش ؟ يا بت ما بتعرفي الحنقوق؟
    دي طوالي قبلت على امي قالت ليها اديني كيس عشان ما يتدفق .. خلاص البت فهمت يعني
    اللمة كلها ضحكت فيها وقالوا ليها امشي بس انتي
    اها اتوكلت جرت ناس خالتي لقت حبوبة الله يرحمها قاعدة ومعاها برضو لمة حبان في ونسة وهي في ضفيرتها
    قبلت عليها وفجأة بقت تتلفت الاسم شنو الرسلوها ليه !!!!
    وبعدييييييييييييين يا جماعة الاسم طار منها!!! اها اتلفت يمين وشمال قالت ليها حبوبة مالك ؟
    قالت ليها رسلوني
    وين ؟ ليكم
    اها دايرة شنو
    قالت ليها ,,,, عمتي قالت ليك اديني خشم الحلوف لووولز
    اظرف شىء هي زاتها ما عارفة خشم الحلوف شنو !!
    لكن صادف وحكوا ليها حجوة قبلها بيوم وفيها خشم الحلوف لوووولز
    دايره تجنن حبوبتي
    يا بت خشم شنو وحلوف شنو ؟ واجيبوا من وين ؟ ودايرين بيه شنو ؟
    ببرآءة قالت ليها قالوا عشان المقاشيش
    طوااااااااااااااالي ناس خالتي فقعوها ضحكة وقالوا ليها الحنقوق ؟؟؟
    قالت ليهم ياهو زاتو
    قال خشم الحلوف قال
    والله حوش بكري ده غايتو فيه حلوف
    والله صحي لوووووووووووووولز
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 08:54 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: شاعرتنا الحنينة...

    جئنا نستظل بدوحة كلماتك الوارفة وقيلنا
    وفرحنا ونسينا الحزن الغارق فينا حد الموت...

    لا تبتئسي فنحن الأعلون بإذن الله وسنعود...

    شاعرنا القامة الاخ العزيز عبد الاله زمرواي
    سلام واحترام ليك ولشخصك الكريم
    طلتك بالحيل سمحة ونحن البنتشرف بي طلتك علينا يعلم الله
    وفي لمة اماتنا وحبوباتنا دي يحلو السمر بي وجودك
    تبرا انت يا خوي من الحزن والالم
    وان شاء الله نتلم جميعا في ارض الوطن ونحتفل بي وحدتنا
    ومهما طال ليل الظلم مصيرها شمس الحرية تسطع
    ويهل فجر اخضر جديد ان شاء الله
    شكرا اخي الكريم وحبابك وسطنا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 09:01 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote:
    أسماء أو سوما .. الشاعرة المرهفة ست النضم الجميل والأصالة التريانه بالمحنه ...

    لازم يكون اسم الوالد والجد كده (صديق الطيب) فالصدق ديدن حرفك الجميل .. وأنت كما يعلم الجميع الطيبة تمشي على رجلين .. ولكل من اسمه نصيب يا أسماء ...

    يا سلام بالجد رجعتوني لأجمل أيام حياتي في القرية حيث أذهب لقضاء كل الإجازات الدراسية هناك .. يا سلام يا أسماء لو بدأت شريط الزكريات أخاف أن تقولوا الزول ده (براي شديد) ..
    واحتل علينا البوست .... لكن خلوني أسرد لك يوم عادي في رحاب القرية الوضيئة الحالمة ...

    حاج محمد عثمان أذن لصلاة الفجر بصوته الرخيم ... ويتفنس الصبح الجميل .. نقوم من عناقريبنا في الحوش ...
    وطوالي على الطلمبه في وسط الحوش .. نملا الابريق .. وبعد الوضوء للصلاة في المسجد ...
    بعد رجوعنا على الدونكاه عدييل تكون الحاجه الوالده خديجة بت ملك أطال الله عمرها قد ملأت حليلتها من المراح ..
    وأوقدت نار الوقود لشاي الصباح .. وفي حلة أخرى أرى الحيب يغلى وقد ضرضرت الوالدة بعض الدخن عليه وأذابت عجينة القمح
    ودلقتها عليها ثم وضعت كرات كاللقيمات عليها لتصنع لنا تلك المديدة المحببة ...
    وقد تحلقنا حولها نتدفى بالنار ونسمع في حكاويها المحببة .. يالله بسم الله يا أولادي على المديدة نلتهمها بشغف ولهف حتى تسيل دميعاتنا ...
    ونسمع شررررر..... صوت الشاي في الكبابي الشوب ديك لنرتشف أجمل شاي صباح من أجمل يد تقطر بالحنية والحب الحقيقي الكبير ...
    يالله يا سوما .... ونجلس نتسامر قليلاً لنسمع صوت عمي الحاج محمد علي .. كيف أصبحتوا
    يا ناس ... ويتبادل مع الوالده تحية الصباح برطانتنا النوبية المحببة قبل أن ينزل على الجرف الذي يقع خلف بيتنا مباشرة ليمارس نشاطه اليومي ...
    يشغل الوابوار فتسمع خرير المياه المتدفق في الجدول يسبح لله العظيم ... ويذهب عمي محمد علي ليقرع المياه في حيضان المريق (الذره) والبرسيم ....
    وأرى بعض الطرح تتهادى وسط البرسيم ..
    وتتبادل الصبايا تحايا الصباح ثم يشرعن في حش فطور البهايم ....
    قبيل العاشره تنادي علي الوالده ... حيث أن فطور الجماعة علينا اليوم وأحمل الصينية لضل الضحى خلف منزلنا مباشرة ..
    وأرى عمي والعم صالح علي .. وعبد البيّن ..والزبير وقد لمحوني قد رمى كل طوريته على الأرض وجلس على الجدول يغسل يديه وبعض (فحل البصل )
    الذي اقتلعه من الحوض المجاور وأتى نحوي ... وبسم الله .. ياسلام على القراصه بالويكه ..
    وأصلاً ومن غير فخر بت ملك مشهوره بإيدها الطاعمه جداً ... وحتى في المناسبات الكبيرة تتولى هي وستنا نمر الإشراف على الطبخ جميع أنواع الطعام وخاصة طعام الضيوف ....
    والله أيام يا زمان .... وبدعها نقبّل على صحن الشعيريه بالسمنه البلدي ويا سلام .... وأجري يا ولد جيب الشاي ....
    عند القيلوله ... ننزل للنيل ونتلاقى الشله كله شرق وغرب عند الشجرة الكبيرة ونظل نسبح ونمارس التحديات ولعباتنا المشهورة حول الشجرة إياها قرابة الثلاث ساعات ...
    وصدقوني (وأنا آسف لذكر ذلك) كنا نسبح كما خلقنا الله .. كباراً وصغاراً في منتهى البراءة والعبث ....
    بعدها على النخل نأكل (الكتي كول) أي الرطب لمن لا يعرفه ... وعلى أقرب جدول ثم نتدلى على الحلّه وقد أصبحنا غبش بالحيل من آثار مياه النيل ....
    بعد صلاة الظهر كانت الوجبة الأساسية شاي اللبن بالقرقوش ... ما كنا نحتاج ولا حتى نعرف وجبة العداء ....
    ولكن عندما يؤذن لصرة العشاء نذهب إلى المسيد وكل يحمل صينية العشاء التي نضعها خلف البروش ...
    وبعد الصلاة نتحلق جميعنا لتناول العشاء .... في أيام السبت يصادف ذلك (سوق السبت) تحمل أغلب الصواني دمعة اللحم بالقراسه ونتسابق لنتحلق حولها ..
    نتخاطف اللحم أنا وعبد الحي ود الشيخ محمحمد عثمان ..وكان أشقانا ,اخفنا ظلاً .. وسيف الدين ومحمد سيد أحمد أولاد عمومتي ... ياه يا سوما صدقيني ..
    أرى أن العين ترقرق والدموع قد بدأت تنثال مع شريط الزكريات هذا ....

    وتأتي مرحلة السهره .. في القوز الفوقاني خلف منزل عمتي زينب إبراهيم .. مع شليل .. وقعود شل ..
    حتى الهزيع الأخير من الليل ....
    حيث نرجع لعناقريب الحوش .. في سبات جميل عميق تحت ضوء القمر ..لم ولن أذق نوماً مثله من بعدها ...
    وباب الحوش فاتح طبعاً في انتظار آذان الشيخ محمد عثمان ليؤذن معلناً انبثاف فجر جديد ....

    آسف للاطالة ... وحتماً سأعود لضل نيمتكم الجميلة هذه التي فجرت في أعماقي الثكلى شريط الزكريات الجميل ....

    لكم التحية جميعاً .... مع خالص حبي وتقديري ؛؛؛

    يا سلام اخي ادريس
    والله صورة حية من صميم واقعنا الجميل
    ياخوي خليتني حايمه معاكم ووسط بيوتكم وشفت كل الصورة الحية دي
    وعشتها لدرجة اني شميت ريحة الصاج وريحة اللبينة بعدما تفور في النار
    يا الله على قرآنا وطبيعة الجمال الفيها وطبيعة الاهل ولمتهم في كل الاوقات
    البعجبني فيهم البساطة و القناعة والرضا
    مافيهم من بشيل هم باكر ولا هم بعدين
    نحن تلقانا قاعدين في شاي الصباح ويقولو ليك الفطور شنو ؟ الغداء شنو؟
    لسه ما رفعت يدك من الفطور العشاء شنو ؟
    يا جماعة استهدوا بي الله
    علمونا الخوف من اللحظة الجاية
    تسلم يا ادريس يا خوي
    وعليك الله خليك معانا وواصل الحكي السمح ده
    الظاهر عليه بوست الحبوبات ده بقلع لينا مواهب دفينة
    شكراااااااااا ليك كتير وتحايا عبرك للعقاب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 09:17 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 14804

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    الحبيبة اسماء بت الجنيد

    شايف الونسه قاجه في النيماية حقتنا
    وما شاء قهوتك مدورة وبكدا نكون حضرنا البكر والتني
    اها عليك الله ما تنســي حبوب الدغت وحبوب الفناجيل
    عشان حبوبة عايزه تاكل ليها شوية زلطه (سلطه) وتلحق (باظ) الحاج يوسف
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 10:06 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: الامين موسى البشاري)

    Quote: ياخ عليك الله جنس الطيبة والعفوية دي وين تتلقي في زمنا الاشتر ده

    الغناي قال:
    عاد تاني ويّن البسمة دِيّك،
    ويّن تتلقي؟
    الدنيا يا البتجمعي،
    وتعودي تاني تفرقي.

    صدق. والله صحي.

    خالتنا عآشا بت أحمد عليها رحمة الله. كانت تحب التلفزيون لدرجة الإدمان.
    جاتنا مرة في أتبرا, وبمجرد ما بدا التلفزيون إستلمتو. طبعاً زمان التلفزيون قناة واحدة وبينتهي
    الساعة 12 باليل, وهي كان ما يهمها نوع البرنامج المهم تشاهد التلفزيون لحدي ما ينتهي.
    اها، قاعدة صادف بيتكلم بيويو كوان عن الإنقاذ بلغة عربية مكسرة, قال: بلد ده في هكومة
    بتاع أهزاب وصل مرهلة ختير جداً. لكن ثورة بتاع إنخاس ده جا وانخس كل الناس. فعلقت
    بت أحمد في الحال قائلة: والله يا ولدي زول صدق غيرك إنت ما في. والله من يوم ما جو
    نخسو الناس لي حدهم...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 10:37 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    Quote:
    سلام هوى ياتحت ضل النيمة المرشوشة والعنقريب الهباب

    حضرنا ولم نجدكم

    اووووووووه يحي ود عمي ابنعوف
    امانة قهوتك مي اللت كيف ساااااااي آآ خوي
    شايفة ود الموج وود المدير اتناولوها تب
    تتبارك ات آآآ يابا ما تتشارك كفيت الضيوف لا حدهم
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 10:57 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote:
    شـعـارنـا:
    مـا أتـيـنـا هـذا الـبـوسـت لِـحِـوآر،
    إنـمـا أتـيـنـا لـونـسـة و هـزآر.
    والله صـحـي...

    معاوية اخوي نحن قاعدين تحت نيمة مانا في ميدان كورة
    دحين انضم نضمي يفهمنو الحبوبات ديل
    اسمو بجااااااااح
    بجاح
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:08 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: العزيزة/ ســـوما

    النحييك بالإقتباسة دي:

    ((حرقوصك نتل جاب من هواكي دعاش
    خيّم فوقك الليلي ومكاييل هاش
    اتهتم سماك اسقى الـ كانوا عطاش
    عربك تالتة واقفين ، لا برش لا فراش

    ركزنلك بروقك عكّلن قيزانك
    انهلن بشايرك واستعد عربانك
    اتدلقن سحابك نعّ فوق وديانك
    بي فرحة وطرب دقو الرباب عربانك

    أضحو مبسطين شاكرين كريماً حي
    سندوا الواقعة حلبو وشربو من الني
    اتملى التبوب مصعن حمير الري
    قاموا يعافرو في الشقق الرباطن ني

    أخدوا الهجسة لي الكيفة الشميشا ضحي
    يات من كان حلف قال الكرامة علي
    أم ريد لولت القلاي ، جميلة الزي
    أرياح الدمك غمرن ربوع الحي))



    دخان البن يجيب البعيد للحي
    وكلمة الترحاب تسر القليب اللي
    وحكيرة البنابر ديك
    وونسة الحبوبة
    ومعزة تطول
    وضحكة تعم الفريق الفوق
    القهوة
    الجبنة
    القلاية
    الفنجان
    عنقود العشم والذوق..

    تحياتي


    عبد العزيز ود عمي عيسى حبابك يا الدخري
    يتعلا مقامك ويعظم شأنك يابا قول آمين
    وحات الله مالقيتلي رد آآ لفنجري عشان اهديك ليه والحبان المعانا بعد نضميك السمح ده
    الا اهديكم قصيدة عروس النيل
    وبي ونسة حبوبتي الفيها وجبنتها الحنينة
    ان شاء الله تعجبك والمعاك
    شكرا يا ود امي شكرا دعوات حبوبات بعد صلاة العشا ولي عند الفجر
    قول آمين
    وهاكم عروس النيل
    عروس النيل

    زمــــــــــان
    فى مره نادتنى حبوبة ....
    منتكيه فوق ضل الضحى..ومتوسده توبا..
    فارشالا برشاً من سعف ..
    فوق عنقريب تاكلاه بى طوبه...
    تقلالا بناً فوق جميراتاُ تشطشط ...
    طاشه لما تهب نسيمه او هبوبا....
    وريحة القلوة تعكل...
    والفنيجينات تهلل..
    جاهزه للبكريه لما تجيها مصبوبه ...
    وجبنة الطين محكره فوق وقاية السكسك..
    البلخرزه معصوبه ..
    قاتلى..
    تعالى يا بنيتى جمبى حداى ..
    بدور احكيلك الليله ..حكاية السمحه زينوبا..
    بنيةُ من بنات الحله جاهله صغيره يا دوبا ..
    فريعة بانا منقسمة ...
    غزال نافر جبال التاكا والنوبه ..
    يغنيلا الفريق كله..وحياتا ديمه حلفوبا ..
    جنيات البلد يتلمو..ساعة الورده..
    فوق البير يحلموبا ..
    كتير من دق باب بيتا .
    .وكتير من صدً جارى الخيبه والتوبه ....
    شى يقولولو لسه صغيره يا دوبا ..
    وشى يقولولو مخطوبه ..
    رباية عز..جدودا رجال .
    .ركيزه الحله وكت الحاره والحوبه ...
    الا القسمه لما تحين تجيك عديــــل .
    .موبى سكة مزروبه ...
    ***********
    فى يوم عصريه جاتنى التومه بت احمد ..
    تجر توبا..
    تقول كرعيها مكروبه ...
    وبى آخر نفس قات لى ...
    سمعتى الليله بت العازه زينوبا .... ؟
    جاها عريس قدر جدى ..
    وابوها اداها بت امى..
    بنيه رضيه مغلوبه ...
    فى شان شيخ من قبيله مأصله...
    ياختى القصه ياها عديله محسوبه ..
    عليك الله . . !!!!
    .واشرى بت العازه..
    يالدفنوك حليل الكان بغنوبا ..
    وجات السيره شايله الشيل ..
    دفوف وطبول ترز قدامهم النوبه ..
    شى زغاريد... وشى نواحات ...
    عليك يالزينه بت الحله محبوبه ..
    عيون شاردات.... وناس واجمات ...
    وكل الحله مقلوبه ....
    وفجأة تدوى صرخة تشق سواد الليل ..
    تصحى الكان فى غيبوبه ....
    الحقو على يا جنيات ..الحقو على جنايات..
    الحقو على انا الموجوعه احىى ووبا ..
    فى ديك الساعه كان النيل..
    ختف نوارة الحله عروسنا السمحه زينوبا
    اسماء الجنيد
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:22 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: يا سوما،
    عندنا حبوبتنا كانت دايماً تردد: ياااا حليل التِنقِليّز.
    ولمان تسمع إسماعيل حسب الدائم يغني في الإذاعة
    تقعد تبكي وتقول: ياااا حليلو يا اخواني، ده الوِليد
    كدي قاعد يحنني...

    لوووووووووووووووووولز ود المدير
    يا حليلا انا زاتي حننتني حبوبتك
    والله صحي

    عندنا خالة برضها حنينة متل حبوبتك دي
    بتها حكت لي موقف حصل
    انا بجي في الاجازة في ليلي بلف البكيات كلها
    ما بصبح لي بكا للصباح حتى كان تم سنة
    اها بحرص دايما اصل الحلة في وقت بدري شوية العصر على الاقل
    الف الحلة بالكتير بعد العشاء ارجع ويا سرير جاك بلا
    اها آخر حلقة سجلتها لي ناس النيل الازرق كانت في رمضان القبل الفات
    بت خالتنا دي قالت لي يا سوما مع تعب وسهر رمضان يوم العيد وتاني يوم من برى امي بتتكامل تن
    والعصر كلمناها قلنا ليها قالوا جايبين سوما في النيل الازرق
    فجأة كده جابوك في بداية البرنامج والتلفزيون كان في الحوش
    جريت لي امي جوة البيت يمة يمة سوما جات ورجعت جري عشان ما يفوتني شىء
    لما إتأخرت ما جات رجعت ليها تاني
    لقيتها مقنعه بي توبا تغمض وتفتح ومحكرة في نص السرير زي المعاها ضيف
    قلت ليها يمة ما تجي سوما بتفوتك
    ردت ليها قالت ليها هي وينها سوما يا بت لامن تفوت ؟
    سمح المات لينا منو زاتنا ما عزتني فيهو كلميني آآبت قبال تجيني داخلة لوووووولز
    يا حليلا قايلاني جيتها بالدرب لي فاتحة
    عارفني بتحاوم لي نص الليل
    ولله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:30 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote:
    لا تعجبي بنيتي
    إنه الدفق حين يعجب أو يعجب
    إذ لا بد له من أن يحبّ
    وإن أحبّ
    لا شيء يعجزه أو يصرفه بطر
    ب أو لا طر
    ب فالشأن ذا شأن المحب
    إذا دنا من نبع حنان أو اقتر
    ب والحب قد يكون من قلب أب

    وقد يكون للحرف المعذب
    نبع قرب شيئاً فشيئاً يلتهب
    يسعده الأوار، وكم يشقيه البوار
    فلا يشب ويضعف قليلاً قليلاً يصيبه الدوار
    يكاد أن ينهار
    أو يكتئب فلا عج
    ب بنيتي لا عجب ف
    كل شيء فيه يضطرب
    والوخز في جنح الحنايا أمر تلافيه يكون جد صعب
    وإنت أهلاً بيك وألف مرح

    يللّي مليتي لينا كل البوادي جد طرب
    كلمات تقول ليك اتفضّل ادخل لا لا تنسحب

    إنت شرّفت الديار

    وألف ألف مليون مرة مرح

    ب بس رجاء اعملي حساب ناس بخافوا سهام هذا اللهب
    يحترقوا ليك وتبقي في تأنيب ضمير ومساسقات وشدة تعب خليك حنين إنت بس وما تبقى في آخر العمر إنت السبب


    في كل ودار جابه الولف، حد الوصف، حرف الوقف عبّ تبْ
    مالك مليتني كل تعب وشي وصب زي نار تقول لا تقترب --


    هههههههههه

    أها اتوهطنا

    نسمع بس

    الحنين اخوي ابو شيمة اتوهط تب حبابك
    نحن لاقينك وين آآآ يابا
    ومع نظمك الجميل وحنين ده
    اسمح لي اهديك والاحبة ضيوفنا الحنان
    قصيدة حبوبا
    علها توفي السمح الجاني من تالاك

    حبــوبا حبـوبــا
    لولايا.. لولايا..
    كلام يونسنا ..
    قمريه قوقايه..
    حجاك يدغدغنا..
    حنيه وآلايه..
    لهيجك السكر ..
    الحان ودوبايا ..
    دميعتك الجاريه ..
    فى الرايحه والجايا ..
    تجبر الخاطر ..
    زى غيمه مطرايا ..
    حضنك الدافى ..
    شجيره ضلايا ...
    لقيمه تسندنا ..
    فى بطينه صاصايا ..
    جقيمه فى جوفنا ..
    تزيل عطيشتنا ..
    وتروى حرايا ..
    رويحتك الحلوه ..
    تناجى جوايا ..
    هديمك البارد ..
    يغطى بردايا ..
    مسيحه من ايدك ..
    تزيل لمرضايا ..
    بسيمتك السمحه ..
    تضوى عتمايا ..
    كلامك الصادق ..
    يا يمه يا ضنايا ..
    عطفك الزايد ..
    بحسو فى حشايا ..
    دخريك فى الدنيا ..
    ابريق ومصلايا ..
    سبيحه من سكسك ..
    ودعواتك الغاليا ..
    حبوبا.. حبوبا ..
    لولايا.. لولايا ..
    ربى يخليكى ..
    وتشوفى لهنايا
    اسماء الجنيد
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:55 PM

عبدالفتاح أبوشيمة
<aعبدالفتاح أبوشيمة
تاريخ التسجيل: 04-15-2008
مجموع المشاركات: 4163

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    ياسلام

    يا بنتي الشاعرة العطيمة



    كلمات وأبيات جميلة

    خلاص تعالي ادعي لي حبوبتك دي هنا

    دي نزلتها الليلة بس




    تعالوا ندعو الله لي نار الغسق!



    ديل أماتنا وحبوباتنا


    القاموا في فجر الغسق

    سوولنا فيه شاي

    ونتدفى بي نار الغسق

    سووا اللقيمات

    دون قلق

    حنية جد من دون ملق

    وتحصينة بي سورة الفلق

    الله يحفظكم

    ويسعد لمتكم

    وتزهر شجرتكم





    ويسلمن الحبوبات

    ولهيجن السكر
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:23 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: معاوية اخوي نحن قاعدين تحت نيمة مانا في ميدان كورة
    دحين انضم نضمي يفهمنو الحبوبات ديل
    اسمو بجااااااااح
    بجاح
    والله صحي



    إلي اسماء بت الجنيد،
    ورآد البوست...
    جـبـنـة خـالـتـي عـآشـآ بـت أحـمـد:

    منتصف النهار, الصمت يلف المكان حتى لكأنك تسمع ضجيجه يأتيك من جميع أنحاء الباوقة, فأشجار
    النخيل ساهمة, والقماري مسترخية فوقها, والأغنام متفيئة ظلآلها تقصع جرتها من حين إلى آخر. بدأ
    يشق هذا الصمت صوت فندك بت أحمد وقد بدأت في دق البُن الذي ما زال بعض منه في القلاية فوق
    النار...
    بدأت بت أحمد جالسة فوق البنبر وقد تدلت محفضتها حتى لآمست الأرض, وأمامها المنقد, وعلى
    يمينها صفيحة ماء, وبجانبها الهبابة، والشرغرغ على الأرض بجانب الصينية التي حوت الفناجين
    تتوسطهن القداية بألوانها الزآهية, وصحن ينضح بعجوة ود لقاي مع عروق جنزبيل. توقفت بت أحمد
    عن دق البُن ليعود الصمت يلف المكان مرةً أخرى, وبدأت تحرك القلاية فوق النار, في هذه
    اللحظة طارت قمريّة مصفقة جناحيها في الهواء ثمّ أستقرت على صبيطة تمر قوقت لفترة من
    الزمن وصمتت. عاد الهدوء يعم المكان مرةً أخرى لتقطعه بت أحمد وقد بدات تحكي عن
    زمن جميل مضى وهي توزع لنا فناجين الجبنة. قطع حكي بت أحمد, صوت حمارة في الخارج,
    واتى صوت ود الأحمر مخترقاً الصمت: سلآم يا بت أحمد. كيف قيلتو؟.
    بت أحمد: مرحب حبابك ود الأحمر. أدخل أشرب لك فنجان جبنة.
    ود الأحمر: لا لا كتّر خيرك. سادر على الحواشات.
    ثم تواصل بت أحمد الحكي وقلي البُن وقد بدات حبيبات العرق تسيل في مجاري شلوخها
    وهي تحكي وتبتسم بين الفينة والأُخرى, وتصب لنا الجبنة نحتسيها فيمازج طعمها حكاوي
    بت أحمد الجميلة لتصبح عابقة في مكنون ذاكرتنا دوماً تذكرنا بت أحمد بعد أن رحلت
    مع السمحين...
    الآ رحم الله خالتي عآشا كما يحلو لأهلنا نطق الإسم على هذا النحو, ورحم
    جميع من رحل من أهلنا الطيبين...
    مجرّد خاطرة...


    ... ود المدير
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:37 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    Quote: ماشين نحو اللمية
    نحوها عدييييييل كدة

    ناس نحو اللمية ديل كمان ونستهم براها
    امانة ما لذيذة
    والله صحي




    جدنا الحسين ود حاج عمر كان صديق شخصي لجدنا حاج حمد ود التكاوي، وكانوا الاثنين في فصل
    محو الأُميّة.
    طلب المدرس من الدارسين أن يجيبوا كلمة تبدأ بحرف الحاء, فما كان من الحسين إلا أن
    رفع أصبعه بسرعة شديدة, فسمح له المدرس بأن يجاوب.
    جاوب الحسين قائلاً: حا حاج حمد ود التكاوي...ــ

    عمتنا نفيسة بِت الخليفة الله يرحمها, برضو في محو الأُميّة أدوهم ضا, ضفدعة
    وكت جا الدور عليها قالت: ضا ضعوية...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:48 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    Quote: الحبيبة اسماء ليك التحية ولي ضيوفك الاعزاء الظرفاء

    بمناسبة قليب كلام الحبوبات انا عندي حبوبة جنس قليب كلامها ما لاقاني كلو كلو

    اول شي بتقول للخمسة خسمة يعني الخمسة وخمسين بتبقى خسمة وخسمين

    والطرادة (حليل زمن الطرادة) بتقول ليه طيارة والعجب الاسماء كلها مقلباها

    انتصار بتبقى نصة نهار وملاذ بتبقى لماذا ومدثر ببقى مكسر وكوثر بتبقى كستر

    واجمل شي فيها عفويتها انتي عارفة دي مرة ربطت باقي القروش الرجعها ليها الكمساري في توب المرة الجنبها في الحافلة

    والله العظيم جد ولما جات البيت وعرفت الحصل قالت بكل بساطة رزق وجاها من الله

    حكاوي الحبوبات كتيرة ولذيذة وبوستيك تاني تب ما فايتنو كل مانذكر شي نجي نكبو ونمشي

    سامية الحبيبة من القليب قريبة حبابك يا خية من بطن الاهل
    السعادة تبراك يا يمة في كل محل
    والله يا سامية شدة ماني ضحكت في الحبوبا الحنينة
    وكيفني قليب كلامها لامن لغيت لي كم مشوار وحرست البوست ده
    لكن تعرفي اتمنيت كان انا الكنت معاها في البص وباقي الفكة الربطتو لي جارتها جاني انا لووول
    يا حليلا قالت رزقها وجاها ؟؟ النبي شوفي اليقين ده
    هسة كان في زمنا ده
    تلقي الواحدة تعضي اصبعها لامن تقرب تقرمو من الحسرة والزعل
    مافي زول بفكر يقول ده رزق فلان ضمة
    حلينا نحن الزمنا مقلوب ومغضوب عليه
    عندي حبوبا من زمن العملة الورقية كان فيها صورة الجمل
    وبعد جاء عهد نميري شالوا وخت صقر الجديان
    اها كل ما ولدها يرسل ليها قروش من السعودية يكملن في اول اسبوع
    قدر ما ضايرتن ما لفقن وتهرج كل اول شهر
    يوم ولدها قال ليها يمة اصرفي الدايراه ما تضايقي في القروش وما تزعلي روحك
    انا بزيدن ليك كان قصرن
    قالت ليه آآ ولدي ان زدت لامن زدت ما بنفع
    الجنا ده شال الجمل الكان ممهل والقروش تمرق على راحتها تقضيلك قرضك وتفضل
    وجاب لينا الصقر ده
    يعلم الله القروش بقت لفحي شديد
    كف كف كف تطير لا بره
    كلموا اليشيل صقروا ده مننا
    فقرها علينا فقر شديد

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:52 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: عمتنا نفيسة بِت الخليفة الله يرحمها, برضو في محو الأُميّة أدوهم ضا, ضفدعة
    وكت جا الدور عليها قالت: ضا ضعوية...

    لوووووووووووووووووووووووووووووووووووووووووولز
    ود المدير يعني ما نوم ولا شنو
    بطني وجعتني من الضحك
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-30-2010, 11:59 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: الغاليه سومه وضيوفها....ونستكم لذيذه وعفويه....ممكن اتونس معاكم.....لكن pleeeeeeaaase مره مره كده ترجموا لينا .

    منال يا حبيبتنا مشتاقين يعلم الله[
    تعرفي ان فتشتي على الترجمة وحات الله الا ياسر بيناوي يلحقك
    لكن كان جدك ود الموج
    وكان عمك ود المدير
    ديل مافيهم سبب ليك كلو كلو
    ديل الاتنين مولودين قبال سكة حديد السودان لووووووووووولز
    ونستهم كلها من سنة اسكت/B]
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 00:14 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: الحبيبة اسماء بت الجنيد

    شايف الونسه قاجه في النيماية حقتنا
    وما شاء قهوتك مدورة وبكدا نكون حضرنا البكر والتني
    اها عليك الله ما تنســي حبوب الدغت وحبوب الفناجيل
    عشان حبوبة عايزه تاكل ليها شوية زلطه (سلطه) وتلحق (باظ) الحاج يوسف
    والله صحي

    الامين ود ابوي البشاري حبابك يابا[
    وينك آآآ الحنين
    يعلم الله ساعلين منك
    والله صحي
    يا حليلك البتسأل من حبوباتك وعلاجن
    اها بمناسبة الحبوب دي
    صاحبتي في المدرسة جات الصباح تضحك
    مالك يا بت من الصباح تضحكي
    قالت لي حبوبتي صايمة وقالت يدوها حبوبا
    عندها حبوب الكافينول دي زي المخدة بتتوسدهن مع طرف هدمها
    قالوا ليها بعد الفطور بعدين المغرب
    قالت ليهم لا وحات سيدي الحسن ما بصبر
    اها يا حبوبا خلاص افطري
    اجي
    سجمي
    بتدوروا تفطروني ؟ مالي جاهلة ولا غبيانة؟؟
    غبا يغباكم جت
    اها الحل شنو
    ادوني حبوبي قلت ليكم برا موية بقرشن سااااااااي
    ود البشاري يعلم الله شبكتني في شيخ الهنا داك خلاني كان في خواجة نضم معاي اقول ليه والله صحي/B]
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 00:25 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: إلي اسماء بت الجنيد،
    ورآد البوست...
    جـبـنـة خـالـتـي عـآشـآ بـت أحـمـد:

    منتصف النهار, الصمت يلف المكان حتى لكأنك تسمع ضجيجه يأتيك من جميع أنحاء الباوقة, فأشجار
    النخيل ساهمة, والقماري مسترخية فوقها, والأغنام متفيئة ظلآلها تقصع جرتها من حين إلى آخر. بدأ
    يشق هذا الصمت صوت فندك بت أحمد وقد بدأت في دق البُن الذي ما زال بعض منه في القلاية فوق
    النار...
    بدأت بت أحمد جالسة فوق البنبر وقد تدلت محفضتها حتى لآمست الأرض, وأمامها المنقد, وعلى
    يمينها صفيحة ماء, وبجانبها الهبابة، والشرغرغ على الأرض بجانب الصينية التي حوت الفناجين
    تتوسطهن القداية بألوانها الزآهية, وصحن ينضح بعجوة ود لقاي مع عروق جنزبيل. توقفت بت أحمد
    عن دق البُن ليعود الصمت يلف المكان مرةً أخرى, وبدأت تحرك القلاية فوق النار, في هذه
    اللحظة طارت قمريّة مصفقة جناحيها في الهواء ثمّ أستقرت على صبيطة تمر قوقت لفترة من
    الزمن وصمتت. عاد الهدوء يعم المكان مرةً أخرى لتقطعه بت أحمد وقد بدات تحكي عن
    زمن جميل مضى وهي توزع لنا فناجين الجبنة. قطع حكي بت أحمد, صوت حمارة في الخارج,
    واتى صوت ود الأحمر مخترقاً الصمت: سلآم يا بت أحمد. كيف قيلتو؟.
    بت أحمد: مرحب حبابك ود الأحمر. أدخل أشرب لك فنجان جبنة.
    ود الأحمر: لا لا كتّر خيرك. سادر على الحواشات.
    ثم تواصل بت أحمد الحكي وقلي البُن وقد بدات حبيبات العرق تسيل في مجاري شلوخها
    وهي تحكي وتبتسم بين الفينة والأُخرى, وتصب لنا الجبنة نحتسيها فيمازج طعمها حكاوي
    بت أحمد الجميلة لتصبح عابقة في مكنون ذاكرتنا دوماً تذكرنا بت أحمد بعد أن رحلت
    مع السمحين...
    الآ رحم الله خالتي عآشا كما يحلو لأهلنا نطق الإسم على هذا النحو, ورحم
    جميع من رحل من أهلنا الطيبين...
    مجرّد خاطرة...

    ... ود المدير

    ود المدير ما طالبني حليفة يابا
    لكن يعلم الله دي لوحة جميلة تتكلم عن نفسها
    نقلتنا نقلة كبيرة من بوست سوما الغبيشة وحوش بكري اب صلعة
    لي الباوقة واهلها الطيبين
    ياخ انت طلعت مش تربية حبوبات بس
    طلعت جدنا الكبير زاتو بناتك حبوبات
    من الليلة اي فنجان جبنة ات الاول طوالي
    ود الموج ان جانا بنقول ليه جدنا المدير هو الكبير لوول
    ود الموج طبعا بتكيف
    النعمنو عارفاه هو من جيل شباب نجوم الغد واغاني واغاني لووولز
    تسلم يا ود عمي المدير
    يعلم الله الليلة فرقت علي غربتي ووحدتي وسط السقط ده
    التكني قاعدة مع ناس حبوبتك عاشة وحبوبة ود الموج خدرة
    وحبوبة سامية الربطت باقي الفكة في طرف توب جارتها
    امانة دي مي واجعاني بالحيل لوولز
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 00:18 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    منظر تانى:
    التومه بت ابضلف جات تقدل شايلها سعفها فى راسها،و متابطةاساس لمشغوله لم تتخلق
    معالمها بعد،لكن بلا شك سوف تكون النتيجة لوحه من مشغولاتنا اليدوية...
    فى يدها كورية بلا قعر وهى تصيح من بعيد هوى ود السارة ناولنى
    مويه فى الكورية ابل فيها الحنقوق ده..
    باقى الطبق ده ملحقاهـ عرس العوض ود كلتوم..
    القهوة ما بدورهـ لكن عليك الله يابت الجنيد تتباركى الرسول
    شوفى امك كان عندها حرجل اغلى لى منو قبضة اييد..
    عندى نحار داير يلحقنى الرقدو...
    تجلس حبوبة التومة وقبل ان تتمهل فى الجلسه ياتى شافع
    لابس فنيله بى حمالات،حافى القدمين،اغبش كما الفول المدمس ليه كريشه..
    نعم هو معاويه ود المدير..وهو بلوك فى طرف الفنيله يستطرد
    حبوبة التومة امى قالت ليك كان عندك طايوق اديها حته
    فى الكوز ده..
    حاجة التومة متبرمه:
    هسه امك ماعرفت ترسلك للقاشور دهـ الا بعد ما وصلت هنا..
    مابقدر اصد امش شوف ناس خالتك بخيته..
    يذهب معاوية ومازالت الفنيله فى فمه..
    ياحليل فنايلنا كنا نتم بيهن الغداء فى امانة الله كما
    المعيز نلوك فيهن..
    مخير الله لاشفنا مذركير لابامبرز لاسيرلاك،يصدق معنا ان
    نقول منذ خشونة اظافرنا،لانه لانعومه تذكر..
    بت الجنيد والضيوف ضل النيمة مسرح، صور كثيرة تتداعى واخيله متماوجه
    واطياف متشابكه كلها جميلة لدرجة لا تعرف على ايتها تتكى او بايتها
    تمسك لترتاح من رهق هذا الزمن الاشتر الجهجاهـ سريع الاستدارة..
    زمان كانت الحياة جميلة خضلة،والناس اطيب واكثر رحمة..
    قطعا سوف اعود للراكوبة بمشهد اخر،،،
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 00:33 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: صديق الموج)

    Quote: نعم هو معاويه ود المدير..وهو بلوك فى طرف الفنيله يستطرد
    حبوبة التومة امى قالت ليك كان عندك طايوق اديها حته
    فى الكوز ده..
    حاجة التومة متبرمه:
    هسه امك ماعرفت ترسلك للقاشور دهـ الا بعد ما وصلت هنا..
    مابقدر اصد امش شوف ناس خالتك بخيته..
    يذهب معاوية ومازالت الفنيله فى فمه..
    ياحليل فنايلنا كنا نتم بيهن الغداء فى امانة الله كما
    المعيز نلوك فيهن..
    مخير الله لاشفنا مذركير لابامبرز لاسيرلاك،يصدق معنا ان
    نقول منذ خشونة اظافرنا،لانه لانعومه تذكر..

    لوووووووووووووووووووووووووولز مصلحة يا ود الموج
    ود المدير كان كدي ثبت شرعا انه ود الموج هو كبير نيمتنا دي
    استغفر الله العظيم الليلة الضحك كان بكمل كملتو انا في نيمتي دي
    حاج عتمان يرفع في راسو كل مره بي فوق الحيطه يناغم لي حبوبتي يقول ليها
    سكتي بت الجنيد دي حلقوما شاقي الفريق
    اها في داعي يا ود الموج ويا ود المدير
    ودعتكم الله
    النمش ننوم الصباح فضلنلو سويعات بس
    نشوفكم يا حبان في جبنة الدغش ان شاء الله
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 04:57 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: منال يا حبيبتنا مشتاقين يعلم الله[
    تعرفي ان فتشتي على الترجمة وحات الله الا ياسر بيناوي يلحقك
    لكن كان جدك ود الموج
    وكان عمك ود المدير
    ديل مافيهم سبب ليك كلو كلو
    ديل الاتنين مولودين قبال سكة حديد السودان لووووووووووولز
    ونستهم كلها من سنة اسكت

    يهووووووون الله، يا قول حبوبتي.
    بت الجنيد!!!
    انا شِن بيجيبني كمان لصديق ودالموج،
    المولود زمن جدي حي، وابوي صِبي؟؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 05:34 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    Quote: يهوووالله، يا قول حبوبتي.
    بت الجنيد!!!
    انا شِن بيجيبني كمان لصديق ودالموج،
    المولود زمن جدي حي، وابوي صِبي؟؟؟ وووون


    خلااااااااااااااص يا دفعة افراح عصام..
    مخير الله..
    سيد خليفه عنده اغنيه بقول فيها:
    انا كان رضيت بالهم واستعصمت بالبعد عنا
    قال قدرو كمان..
    اتحداك كان قريت روضة والا لبست مريول مدرسى،،،
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 07:03 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: صديق الموج)

    Quote: تجلس حبوبة التومة وقبل ان تتمهل فى الجلسه ياتى شافع
    لابس فنيله بى حمالات،حافى القدمين،اغبش كما الفول المدمس ليه كريشه..
    نعم هو معاويه ود المدير..وهو بلوك فى طرف الفنيله يستطرد
    حبوبة التومة امى قالت ليك كان عندك طايوق اديها حته
    فى الكوز ده..


    هههههههههههه،
    وحات الله يا ود الموج زمنك البتجي حِلتنا، وتقعد
    تتونس مع حبوباتي انا ماني واعي. عِلةً بدور
    اسعلك، زمان حكاية الفنايل المقددة دي شنو؟
    وحات ربي يا ود الموج التقول بيشتروهن لينا
    مقددآت. اصلي ما بتذكر لآبس لي فنيلة بي
    صمتا...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 07:10 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    Quote: خلااااااااااااااص يا دفعة افراح عصام..
    مخير الله..
    سيد خليفه عنده اغنيه بقول فيها:
    انا كان رضيت بالهم واستعصمت بالبعد عناsudansudansudansudansudansudansudansudansudan6.gif Hosting at Sudaneseonline.com


    قال قدرو كمان..
    اتحداك كان قريت روضة والا لبست مريول مدرسى،،،


    خلآس يا القاعد يوديك عمو حسن السواق بالعربية.
    وتشيل سندوتشات الهوت دوق.
    كمان جابت ليها خرف!
    هسّع غنوة سيّد خليفة دي كدي؟؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 11:39 AM

ياسر بيناوي
<aياسر بيناوي
تاريخ التسجيل: 05-18-2009
مجموع المشاركات: 4858

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    سلامات يامنال
    Quote: تعرفي ان فتشتي على الترجمة وحات الله الا ياسر بيناوي يلحقك

    اسمعي كلام اختي بت الجنيد دي

    وفعلا ناس عمو ود الموج وعمو ودالمدير ديل خلاس
    زمانم وغنايم مات



    خالص الود
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 11:57 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: ياسر بيناوي)

    ود الموج هسة الجابلنا افراح عصام هنا شنو ؟ لووووووووووولز
    انت قول ليه خلااااااااص يا دفعة طه سليمان ولا صفوت الجيلي ولا شريف الفحيل
    لكن ات ان ما تبنت على افراح عصام بجيك ابو عديلات
    الشاطر فيكم يعرف لي ابو عديلات هو شنو ,,,
    تلاتة ما داخلين المنافسة
    ود المدير وعمكم ابو شيمة
    و ود الموج
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 01:00 PM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: عبد العزيز ود عمي عيسى حبابك يا الدخري
    يتعلا مقامك ويعظم شأنك يابا قول آمين
    وحات الله مالقيتلي رد آآ لفنجري عشان اهديك ليه والحبان المعانا بعد نضميك السمح ده
    الا اهديكم قصيدة عروس النيل
    وبي ونسة حبوبتي الفيها وجبنتها الحنينة
    ان شاء الله تعجبك والمعاك
    شكرا يا ود امي شكرا دعوات حبوبات بعد صلاة العشا ولي عند الفجر
    قول آمين
    وهاكم عروس النيل
    عروس النيل

    زمــــــــــان
    فى مره نادتنى حبوبة ....
    منتكيه فوق ضل الضحى..ومتوسده توبا..
    فارشالا برشاً من سعف ..
    فوق عنقريب تاكلاه بى طوبه...
    تقلالا بناً فوق جميراتاُ تشطشط ...
    طاشه لما تهب نسيمه او هبوبا....
    وريحة القلوة تعكل...
    والفنيجينات تهلل..
    جاهزه للبكريه لما تجيها مصبوبه ...
    وجبنة الطين محكره فوق وقاية السكسك..
    البلخرزه معصوبه ..
    قاتلى..
    تعالى يا بنيتى جمبى حداى ..
    بدور احكيلك الليله ..حكاية السمحه زينوبا..
    بنيةُ من بنات الحله جاهله صغيره يا دوبا ..
    فريعة بانا منقسمة ...
    غزال نافر جبال التاكا والنوبه ..
    يغنيلا الفريق كله..وحياتا ديمه حلفوبا ..
    جنيات البلد يتلمو..ساعة الورده..
    فوق البير يحلموبا ..
    كتير من دق باب بيتا .
    .وكتير من صدً جارى الخيبه والتوبه ....
    شى يقولولو لسه صغيره يا دوبا ..
    وشى يقولولو مخطوبه ..
    رباية عز..جدودا رجال .
    .ركيزه الحله وكت الحاره والحوبه ...
    الا القسمه لما تحين تجيك عديــــل .
    .موبى سكة مزروبه ...
    ***********
    فى يوم عصريه جاتنى التومه بت احمد ..
    تجر توبا..
    تقول كرعيها مكروبه ...
    وبى آخر نفس قات لى ...
    سمعتى الليله بت العازه زينوبا .... ؟
    جاها عريس قدر جدى ..
    وابوها اداها بت امى..
    بنيه رضيه مغلوبه ...
    فى شان شيخ من قبيله مأصله...
    ياختى القصه ياها عديله محسوبه ..
    عليك الله . . !!!!
    .واشرى بت العازه..
    يالدفنوك حليل الكان بغنوبا ..
    وجات السيره شايله الشيل ..
    دفوف وطبول ترز قدامهم النوبه ..
    شى زغاريد... وشى نواحات ...
    عليك يالزينه بت الحله محبوبه ..
    عيون شاردات.... وناس واجمات ...
    وكل الحله مقلوبه ....
    وفجأة تدوى صرخة تشق سواد الليل ..
    تصحى الكان فى غيبوبه ....
    الحقو على يا جنيات ..الحقو على جنايات..
    الحقو على انا الموجوعه احىى ووبا ..
    فى ديك الساعه كان النيل..
    ختف نوارة الحله عروسنا السمحه زينوبا
    اسماء الجنيد




    الأديبة الوريبة الأستاذة/ سوما


    يا سلام على الكلم وجمال النظم..
    الأحرف تفوح مشاعرا جميلة
    مع عبق البن
    وترحاب الفناجين
    وصوت الحبوبات
    شجرة النيم
    الظل
    يا الله
    ذلك الزمن الجميل..
    تعجز عنه الكلمات
    وتعجز أن تطول نظمك
    فنهتف لك بالصمت
    عزا لك وكبرياء
    فلك التحية
    ولك المجد
    يا سوما الجند...



    تحياتي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 05:36 PM

عبدالفتاح أبوشيمة
<aعبدالفتاح أبوشيمة
تاريخ التسجيل: 04-15-2008
مجموع المشاركات: 4163

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: ود المدير وعمكم ابو شيمة
    و ود الموج


    إنت مالك لاّمّاني

    مع الحكواتية ديل





    أما بخصوص الدايرة تجيبيه



    يا بنتي ولا تحاولي

    أصلاً حالة ود الموج بقت مستعصية
    دا بهضرب بها جوّة البيت والشارع
    حتى مرّة جاته حالة زهجة
    كورك بي علو حسة
    أفراااااااااااااااااااااااح
    قالوا والعهدة على الراوي
    الكتاحة والغبرة اللي قامت
    لمّت السودانيين كلهم اللي في الرياض
    لامن سموا الحتة ذاتا غبيرة
    من الغبرة اللي سوتها مناداة صديق
    الناس اللي اتلمت دي
    لا لاقين طريقة عودة طوعية
    ولا نزوح ذاته
    في حب يخوانا أكتر من كدا؟
    حالة ميئوس منها ما تحاولي
    بس كتري ليه من الجبنة
    عشان ترجع ليه راسو

    ما تربية حبوبات!
    ما شايفاه وصّاف كيفن
    خليه فرحان بي أفراح ودي
    مع إنه من دفعة اللي بقدم البرنامج ذاته
    السر قدور
    نحمد الله اللي ذاتهن حبوباتنا ماتن
    قبال نشوف الدنيا
    معليش أبو الأمواج
    براك سويتا في نفسك
    ولك التحية والود
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

12-31-2010, 08:10 PM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: عبدالفتاح أبوشيمة)



    جدنا الدبان الله يرحمو، قالوا أكان عيان, وراقد. بعدين الجماعة بيشاورو مودينو اتبرا. زمان ما في بنطون مراكب.
    آها في ناس قالوا: يا جماعة نحن باكر الصباح بدري نشيل الزول ده , ونمشي نصلي فوق المشرع.
    (طبعاً لازم يشيلوهو بالعنقريب ما بيقدر يمشي). وفي ناس قالوا نصلي حتا نمرق. هو رآقد يسمع
    في الكلام, ومايّد راي الناس القالوا, يصلوا فوق المشرع. المهم الناس بقو على الصلاة في البيت
    وهو الكلام ده ما واقعلو. الجماعة صلوا, وشالوهو بالعنقريب, وبقو ماشين على المُشرع. في واحد
    عندو دُكان فوق درب المُشرع بيفتح بعد صلاة الصُبُح يبايع الناس. الراجل شاف الجماعة شايلين
    العنقريب قفل دُكانو, وجا كابسُن: الفاتحة يا جماعة, الفاتحة. والدبان من فوق العنقريب يقول للراجل:
    يا زول أرجع دُكانك أنا حي, ارجع يازول, ارجع أنا حي. المهم الراجل عرف الموضوع, ورجع.
    الجماعة وِصلوا المُشرع نزلوا الدبان, الدبان اوات ما نزلوهو قال لهم: أنا ما بقولكم صلوا فوق
    المشرع خايف من الشوم النفر ديل...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-03-2011, 11:49 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    Quote: جدنا الدبان الله يرحمو، قالوا أكان عيان, وراقد. بعدين الجماعة بيشاورو مودينو اتبرا. زمان ما في بنطون مراكب.
    آها في ناس قالوا: يا جماعة نحن باكر الصباح بدري نشيل الزول ده , ونمشي نصلي فوق المشرع.
    (طبعاً لازم يشيلوهو بالعنقريب ما بيقدر يمشي). وفي ناس قالوا نصلي حتا نمرق. هو رآقد يسمع
    في الكلام, ومايّد راي الناس القالوا, يصلوا فوق المشرع. المهم الناس بقو على الصلاة في البيت
    وهو الكلام ده ما واقعلو. الجماعة صلوا, وشالوهو بالعنقريب, وبقو ماشين على المُشرع. في واحد
    عندو دُكان فوق درب المُشرع بيفتح بعد صلاة الصُبُح يبايع الناس. الراجل شاف الجماعة شايلين
    العنقريب قفل دُكانو, وجا كابسُن: الفاتحة يا جماعة, الفاتحة. والدبان من فوق العنقريب يقول للراجل:
    يا زول أرجع دُكانك أنا حي, ارجع يازول, ارجع أنا حي. المهم الراجل عرف الموضوع, ورجع.
    الجماعة وِصلوا المُشرع نزلوا الدبان, الدبان اوات ما نزلوهو قال لهم: أنا ما بقولكم صلوا فوق
    المشرع خايف من الشوم النفر ديل...[/QUOTE
                       |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-04-2011, 01:02 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    سوووومة

    ما بحلّني من تولاك


    إلا بوست ون تُو


    أبقي عافية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-05-2011, 11:37 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: حبيب نورة)

    sudansudansudansudansudan18.jpg Hosting at Sudaneseonline.com

    جايييين...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-10-2011, 10:35 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    حباب اهلنا المنهم طولنا
    كل سنة وانتو طيبين يا الغاليين
    ربي يديكم الفي مرادكم قولوا كلكم آميــــــــــن

    عذرا يا حبايب كنت مسافرة في اجازة رأس السنة
    لكن يعلم الله مشتاقين
    والله صحي
    نواصل قهوتنا ولمتنا
    خبااااااااااااااابكم عشرة بلا كشرة
    ابقوا لا داخل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-11-2011, 07:26 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    بت الجنيد، بركة بالشوفة.
    hl=en_US">hl=en_US" type="application/x-shockwave-flash" allowscriptaccess="always" allowfullscreen="true" width="480" height="385">
    إتكائة علي جدار البوست.


    نواصل...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-13-2011, 00:09 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    يا سلام يا ود المدير ياخ تتبارك ات آآ يابا ما تتشارك
    بجيكم بي مهلة
    باقي عندي عوا بي غادي في فريق ناس بكري
    عوا مع سيد الحوش زاتو
    باقي بقص البكان وضيق الزمان
    لفحت هدمي ودورت فيه عوا لي يومين لامن جاني وجع راس
    والله صحي
    رابطة راسي هسه بي دلقان متل زير الشربوت
    كلو من بكري اب صلعة
    علي قول سجيمان صعلتك يا بكري بقت زي خريطة السودان بعد الانقسام
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-13-2011, 11:24 AM

مها عبد الله
<aمها عبد الله
تاريخ التسجيل: 07-13-2008
مجموع المشاركات: 2271

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    بوست حنين كصاحبته شاعرتنا الجميله سوما
    تحياتي لك ولضيوفك
    حبوبات الزمن دا غايتو خليهم سااااااااي يا بت أمي
    الموبايل في يد وشنطة المكياج باليد التانيه ياااااحليلهم حبوبات زمااااان
    الكلمة الطيبه والحنينه حتي ( زعلهم ) حنييييييين
    أحجزي ليك مكان بينكم وسط ( عنقريبكم ) بس بعيد من ود خالتي ( مونج ) هههههههههه
    بجييييك صاده يا بت أمي كان الله سهَل القواسي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-13-2011, 03:37 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: مها عبد الله)

    Quote: الأديبة الوريبة الأستاذة/ سوما


    يا سلام على الكلم وجمال النظم..
    الأحرف تفوح مشاعرا جميلة
    مع عبق البن
    وترحاب الفناجين
    وصوت الحبوبات
    شجرة النيم
    الظل
    يا الله
    ذلك الزمن الجميل..
    تعجز عنه الكلمات
    وتعجز أن تطول نظمك
    فنهتف لك بالصمت
    عزا لك وكبرياء
    فلك التحية
    ولك المجد
    يا سوما الجند...

    تحياتي

    عبد العزيز ات يا بوي تتبارك ما تتشارك قول آمين
    ات ياكا زاتك آ الحنين من بطن الاهل
    زمن وسط اللمه الحنينة
    ذكرياتهم العطرة محفورة جواك بحبهم الكبير وسماحتهم الما بتتكرر
    ربي يديك قدر يرضيك ويجعل البركة فيك
    ويكتر لينا من امثالك
    الناس الجميلة بقت نادرة جدا
    والله صحي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-13-2011, 03:44 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: سوووومة

    ما بحلّني من تولاك


    إلا بوست ون تُو


    أبقي عافية

    الحبيب حبابو البعز اصحابو
    نحن لاقينك وين آ يابا
    تعال اتحكرلنا في نيمتنا دي متل حكيرتك دي
    كل سنة وانت طيب يا حبيبنا وحبيب نورتنا ونوارة حلتنا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-13-2011, 03:55 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: بوست حنين كصاحبته شاعرتنا الجميله سوما
    تحياتي لك ولضيوفك
    حبوبات الزمن دا غايتو خليهم سااااااااي يا بت أمي
    الموبايل في يد وشنطة المكياج باليد التانيه ياااااحليلهم حبوبات زمااااان
    الكلمة الطيبه والحنينه حتي ( زعلهم ) حنييييييين
    أحجزي ليك مكان بينكم وسط ( عنقريبكم ) بس بعيد من ود خالتي ( مونج ) هههههههههه
    بجييييك صاده يا بت أمي كان الله سهَل القواسي

    مها يا حبيبة الروح البتبري الجروح
    تعالي سااااااااااي يمة نحن لاقينك وين يا السمحة من البداية وحنينة للنهاية
    لكن ما الحبوبات عندكم يا مهوية ولا عند اصحابكم لوول
    نحن يا خية لي هسة حبوباتنا حبوبات زمان
    موبايل ده الا يشوفنو طشاش
    ذكرتيني نكتة حكتها لي بت خالتي
    قالت لي صاحبتها جابوها لي موبايل من السعودية وفرحااااااااانة جات جارية تكلم في امها
    وحبوبتها قاعدة
    قالت ليها ها بت ها مالك بتنقزي جابولك شنو ؟
    قالت ليها موبايل يا حبوبة
    ردت الحبوبة ,, وده شن نفرو ؟
    قالت ليها تلفوووووووووووون اها شوفيهو
    اجي !!!! اها وبتقدري على الجري آآآ بت ؟
    قالت ليها ما ياهو ده البجروا بيهو لي برة كلما ضرب ؟؟
    تسلمي يا مهوية وحبابك وسطنا بالخيلي مشتهين ونستك ونضميك يا غالية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-13-2011, 08:49 PM

الفاتح الجنيد
<aالفاتح الجنيد
تاريخ التسجيل: 08-19-2007
مجموع المشاركات: 1003

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: نلاقيك من الارشيف يا حبوبة اسماء، وجرى الفاتح على الضل ده..
    باقى هو ود حبوبات بدرجة فارس ليك وليه وللعيال تحياتنا،،،


    ود عمى الموج كيفنك
    سنه حلوه عليك وعلى ست بيتك وعقابك
    جيت يعلم الله من بكان بعيييييد اجرجر فى كرعينى
    باقى رطوبة البلد دى اظنها سوت لى روماتزن
    جاى اشحد الله اللمة ما تكون فرتكت
    لكن ما شاء الله وتبارك الله
    الخلق منداحة وريحة القلوة راشه الساحه
    الوجوه وضاحه والنفوس مليانه ود وسماحه

    سوما وود الموج شكيتكم على راجل الزريبة
    يزربكم بى شوك صنط فى شان ما تمرقوا من الضل البارد ده
    ضلها باااارد آآآآ
    عل انا بحس بيهو فى عضامى هجير وسموم لى هسى
    اسعلونى مالك؟
    عمرى 7 سنه وود عمى احمد زايد منى بى سنتين
    جيت ساكيه من نص الحله
    اخسم فيهو بالتكسروا وتدشدشو يدينى نفس
    باقى هو كان قادى ليهو قصبة عيش ناشفه بعد ما نقاها
    ومولعا زى السجاره
    هو يبطرع وانا عاضى جلابيتى وجارى وراهو
    فى ضل النيمه كان قاعد خالى ( الله يغمد روحو الجنة) يتوضأ لى صلاة العصر
    كحلنا ليك جارين ودخاخين القصبة مدخنة قطر
    تعالوا تعالوا هنا
    ود عمى قدامى وقف
    وانا ما شايف خالى جيت توش كابسو ليك من الخلف فرامل مافى
    قبضتك ياود الكتكه ،،،
    لمن القصبة بى نارا وقعت تل قدام كرعين خالى
    عاد العيون ما مرقت متل البلى
    واحس ليك الواطا رمضا تحت كرعينى حااااره نار تنجض فينى
    مع اننا كنا واقفين فى ضل النيمه
    بتشربوا السجار آآآآ جنيات !!!!!!
    يوسف ،،، هوى آآآ يوسف
    ناولنى سوط العنج ده
    يوسف ود المبارك دا (الله يرحموا) كان عندو كارو موديل 60 مكنتا حصانيييييين
    عندو سوط عنج بتمسّح معاه كل يوم بالليل بى زيت السمسم وبرقدو جنبو
    تشيل جناهو ولا تشيل السوط منو
    ساق شجرة النيم ديك لببونا ليهو
    وود المبارك ما سك ايدين الواحد فينا بالجهة التانية بالدور
    خالى نزل فينا عشره سيطان لى هسى وسمهن فوق ......
    من الزمن داك دحين ياود الموج اكان درتنى باكل ليك النيم
    لكن حلفت ما بقعد فى ضلها
    عل ام العيال نيمتها راوياها بالمحنة
    والسمحين الملمومين فيها ديل خلوا ريحتها طلح
    ويانى المتفرجخ فيها
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-16-2011, 08:27 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: الفاتح الجنيد)

    Quote: ود عمى الموج كيفنك
    سنه حلوه عليك وعلى ست بيتك وعقابك
    جيت يعلم الله من بكان بعيييييد اجرجر فى كرعينى
    باقى رطوبة البلد دى اظنها سوت لى روماتزن
    جاى اشحد الله اللمة ما تكون فرتكت
    لكن ما شاء الله وتبارك الله
    الخلق منداحة وريحة القلوة راشه الساحه
    الوجوه وضاحه والنفوس مليانه ود وسماحه

    سوما وود الموج شكيتكم على راجل الزريبة
    يزربكم بى شوك صنط فى شان ما تمرقوا من الضل البارد ده
    ضلها باااارد آآآآ
    عل انا بحس بيهو فى عضامى هجير وسموم لى هسى
    اسعلونى مالك؟
    عمرى 7 سنه وود عمى احمد زايد منى بى سنتين
    جيت ساكيه من نص الحله
    اخسم فيهو بالتكسروا وتدشدشو يدينى نفس
    باقى هو كان قادى ليهو قصبة عيش ناشفه بعد ما نقاها
    ومولعا زى السجاره
    هو يبطرع وانا عاضى جلابيتى وجارى وراهو
    فى ضل النيمه كان قاعد خالى ( الله يغمد روحو الجنة) يتوضأ لى صلاة العصر
    كحلنا ليك جارين ودخاخين القصبة مدخنة قطر
    تعالوا تعالوا هنا
    ود عمى قدامى وقف
    وانا ما شايف خالى جيت توش كابسو ليك من الخلف فرامل مافى
    قبضتك ياود الكتكه ،،،
    لمن القصبة بى نارا وقعت تل قدام كرعين خالى
    عاد العيون ما مرقت متل البلى
    واحس ليك الواطا رمضا تحت كرعينى حااااره نار تنجض فينى
    مع اننا كنا واقفين فى ضل النيمه
    بتشربوا السجار آآآآ جنيات !!!!!!
    يوسف ،،، هوى آآآ يوسف
    ناولنى سوط العنج ده
    يوسف ود المبارك دا (الله يرحموا) كان عندو كارو موديل 60 مكنتا حصانيييييين
    عندو سوط عنج بتمسّح معاه كل يوم بالليل بى زيت السمسم وبرقدو جنبو
    تشيل جناهو ولا تشيل السوط منو
    ساق شجرة النيم ديك لببونا ليهو
    وود المبارك ما سك ايدين الواحد فينا بالجهة التانية بالدور
    خالى نزل فينا عشره سيطان لى هسى وسمهن فوق ......
    من الزمن داك دحين ياود الموج اكان درتنى باكل ليك النيم
    لكن حلفت ما بقعد فى ضلها
    عل ام العيال نيمتها راوياها بالمحنة
    والسمحين الملمومين فيها ديل خلوا ريحتها طلح
    ويانى المتفرجخ فيها

    يا ود الجنيد حبابك عتقت البوست يعلم الله
    طبعا انا كنت فاكرة صاحبك ود الموج براهو الحكاي
    لكن الليلة انت وثقت لي رقبتك تب
    امشي واجي راجعه اتاوق في حكوتك دي
    ومتخيلة المنظر واضحك برااااااااي بي مزاج
    النعمنو شخوصك دي بغرفا تب
    رحم الله الفارقونا
    والله يديهم العافية المعانا
    هسي جليدة زي دي النبي في زمنا ده تقدر تسويها لي شافع من شفع زمنا ده ؟
    والله الا امه وابوه يجوك شايلين نعلاتهم للعوا
    وليه نهرت الشافع وليه وليه ؟؟
    زمان الواحد اهل الفريق كلهم اولياء امره
    من طرف الحلة بي جاي لي طرفها الجمب البحر
    زووووووووول بقول لي التاني ليه شاكلت شافعي مافي
    ولا في زول بسأل من سبب الشكلة
    عكس الزمن الكعب ده
    عشان كده شفع زمان طلعوا مؤدبين لانهم بخافوا من ضلهم
    اي زول ممكن يوبخهم واي زول ممكن يديهم علقة
    لكن الظريف في الموقف انه الجلدة دي جات في قصبة لوووووووووووول
    يعني كان بقت سيجارة جد جد كان سو ليكم شنو ؟
    ود الموج تعال اتفسح في صاحبك بي مزاااااااااااج
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

01-17-2011, 07:30 PM

الفاتح الجنيد
<aالفاتح الجنيد
تاريخ التسجيل: 08-19-2007
مجموع المشاركات: 1003

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    ود الموج تعال اتفسح في صاحبك بي مزاااااااااااج
    Quote: كن الظريف في الموقف انه الجلدة دي جات في قصبة لوووووووووووول
    يعني كان بقت سيجارة جد جد كان سو ليكم شنو ؟


    المغسه يا ام رامى الدقة جات فى قصبة
    اريتا كان جات فى سيجاره عديل كده
    كان الواحد يكون عادل دماغو ومستعد للجلده .. والا مش؟؟


    Quote: ود الموج تعال اتفسح في صاحبك بي مزاااااااااااج

    ود الموج دردقك خلاك تجرينى على ضل النيمه وفات خلانى
    هسى جيتو بى قهوتى ما جا مارق
    لمن فنجانو برد
    ياربى لقى ليهو تكيه تانى والا شنو !!!

    2540394-coffee_pot-Sudan.jpg Hosting at Sudaneseonline.com
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-17-2011, 00:51 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: الفاتح الجنيد)

    ود الموج ورفاقتنا المنهم طولنا
    راجنكم بي جبنتنا ام وقايقة سكسك وزينة وعا########ا
    حبابكم
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-17-2011, 03:01 AM

Abdlaziz Eisa
<aAbdlaziz Eisa
تاريخ التسجيل: 02-03-2007
مجموع المشاركات: 21629

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    sudansudansudan113.jpg Hosting at Sudaneseonline.com


    بت امي سوما


    سلام

    جينا للضل القبيل
    استراحة المحارب

    جينا للتفاكر في خطو قادم
    جينا للخلان والحبوبات
    جينا نتزود
    نعمر سلاحنا
    لك الود
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-17-2011, 11:14 AM

Mohammed Ahmed Saeed
<aMohammed Ahmed Saeed
تاريخ التسجيل: 12-19-2005
مجموع المشاركات: 638

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: Abdlaziz Eisa)

    بت العزاز أسماء
    سلام ليك وللفاتح

    البوست دا صورة حية وهزة فى الغربة ورجوع للزمن الجميل .فلاش باك لايام أشك فى عودتها .
    لك التحية ولكل العقاب بالجنيد وابوفروع والعزيبة وحتى الجنيد البابور والجروف وكل الاهل .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-17-2011, 11:30 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: Mohammed Ahmed Saeed)

    Quote:
    بت امي سوما


    سلام

    جينا للضل القبيل
    استراحة المحارب

    جينا للتفاكر في خطو قادم
    جينا للخلان والحبوبات
    جينا نتزود
    نعمر سلاحنا
    لك الود

    يا سلااااااااااام يا عزيز اخوي الحنين
    صورة المزيرة دي بالله تبرد الجوف
    وتخليك تشم ريحة الجروف
    الله يديك العافية بقدر ما بتسعدنا طلاتك يا ود امي الحنين
    خليك قريب يا يابا وما تحرمنا من طلتك الحنينة زيك
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-19-2011, 06:53 AM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2628

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    صباح الخير أختنا الحنينه سوما ... ورواد النيمة الكرام ...

    من أروع من غنا في حب البلد وجمالها ونبل خصالها وعزتها الشامخة الشاعر الفذ إسماعيل حسن ... إليكموه في قصيدة بلادي تحت ظلال نيمتكم الوارفة :




    مع خالص المودة والتقدير ؛؛؛
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-19-2011, 11:49 AM

معاوية المدير
<aمعاوية المدير
تاريخ التسجيل: 03-24-2009
مجموع المشاركات: 15441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: إدريس محمد إبراهيم)

    إتـكـاءة عـلـي جـدار الـبـوسـت.


    كلما صدح الغناي مُردداً:
    قايمي الصباح متكفلتي شايلي الحِليلىِ على المُراح...
    تراءت لِي صورة حبوبتي فاطنة بت ميدوب أمامي. (مُتقرقبة بقُرقابها الأسود )
    والحِليلة في يدها اليُمنى, تداعبها نسمات الصباح وقد بدأت الطيور تعزف
    الحانها الجميلة فوق أغصان شجرة حرازتها واشرابّتَ غنيماتها يتصايحن
    كأنما يؤدن لها تحية الصباح. تبدأ تحلب وقد فاحت رائحة المُراح في جنبات
    المكان ممزوجة برائحة البرم, ونوار الليمون والبُرتُكان.أراها ماثلةً أمامي
    وقد حلبت اللبينة ثمَّ توجهت بخطىً قد أثقل وقعها مر الدهور والأزمان
    معتمدة على دفارتها نحو شجرة الحِناء النابتة بجوار (المارقون) وقد
    تدلى من أحد أغصانها سِعن اللبن. تسكب فيه اللبينة, وتجلس فوق البنبر
    وتبدأ في خش اللبن.
    أذكرها وهي جالسة فوق عنقريب صغير قريب من الأرض, أمامها
    براح واسع ممتد حتى الجنينة حيث لايوجد سور ولا سياج, ونحن نلعب
    مثيرين الغبار, وهي تبتسم من بين ما خلّف لها الزمن من أسنان. إبتسامة
    يتفجّر من خلالها إحساس بالرضاء عن النفس. إحساس بأنها قد أدت
    رسالتها في الحياة وهي ترى أحفادها أمامها يمرحون في سعادة وحبور.
    ثمَّ تنهض وتدلف متوجهة الى داخل المارقون الذي تتوسطه شِعبة تساعد
    العرش على التماسُك, قد حفرت (الدنانين) أجحارها فيها مُشاركة
    بت ميدوب المكان برفقة (الزرازير) التي هى الأُخرى طول النهار في
    حالة دخول وخروج من خِلال الطاقات في عملٍ دؤوب لِجلب الطعام
    لصغارهن, لايهدأ لهن بال إلا بعد أن ترتمي الشمس في أحضان الغروب.
    ما ضجرت بت ميدوب يوماً ولا تضايقت من هذه الرفقة. ثمّ تفتح
    السحارة لتأخذ شئ فتفوح رائحة السحارة في جنبات المارقون وقد
    عبقَ في جنباتها عطر بت السودان ورائحة الصندل والمحلبية وحتى
    رائحة (الحنوط) الذي إحتفظت بِهِ بت ميدوب في السحارة مع كفنها
    إستعداداً للرحيل. رائحة السحارة هي رائحة بت ميدوب. ما زلتُ أشتمها
    كلما عصفت بى الذكريات المحزونة والحنين للزمان والمكان.
    أذكرها في عِزّ الهجير وهى تقلّب سعون العجوة حتى تتعرض لأشعة
    الشمس, ثمّ تتوجه إلى عنقريبها تحت ضل الحِناء. نعم شجرة حِناء,
    ووالله كنا نتسلق أغصانها. الأرض كانت مِعطاءة, والنفوس كانت صآفية
    كما النسمات تحتَ أشجار الجزائر...

    هكذا عاشت حبوبتي بت ميدوب. معتمدة على نفسها في كل شئ حتى
    بعد أن تجاوزت المئة. ثمّ رحلت في هدوء. وبعد رحيلها غادرت
    الزرازير والدنانين المكان, وآثرت الحِناء السقوط على البقاء من بعدها,
    وأصبح المكان لاهو المكان ولا الزمان هو الزمان بعد رحيل بت ميدوب
    والناس السمحين الذين ابت البركة إلآ أن تتمسك بأكفانهم وترحل معهم
    بلا رجعة...
    كانت الباوقة بخيرها, وكنتُ أتعجب وأقول لأُمي: يا يُمّة البلد, ما شاء
    الله خيرها كتير!!. فترد عليَّ قائلة: يا ولدي الخير ما راح مع أهلو,
    زمآن كُنا لامن تهب الهبوب الصباح ندلي كِرعينا فوق التمُر!!!...


    معاوية ود المدير...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-19-2011, 06:46 PM

عبد الباقي الجيلي
<aعبد الباقي الجيلي
تاريخ التسجيل: 06-23-2004
مجموع المشاركات: 1193

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: معاوية المدير)

    سوما بت الجنيد ...
    الله ينصر دينك ذاتوآبت عمي ..
    وأنا أقول يا ربي الوش الولوف ده شايفو وين (باقي شايف صورتك في الفيس بوك) .. أتاريني شايفك في التليفزيون .. يجااااازي محنك آبت الجنيد ..
    أصلو أنا قبال كمين حول كدي .. كت قاعد مع عما لي اسمو إبراهيم ود حبوبتي الشول بت الشيخ عبد الباقي في واحدة من كافتيريات جامعة الخرتوم .. وبرضو تحت لبخاية باااااردة .. أها .. إبرايهم قام يجيب البارد .. أقوم أشوف ليك زولاً يتوارى لي بعرفو تب .. يا ربي ده منو في الجنيات .. أها أقوم أمشي ليهو طوالي وأسلم عليهو .. زولك ما كضب تب وسلم علي جنس سلاما لامن شككني ذاتو .. لكين لا سالتو هو منو لا سالني أنا منو .. وبعد شويتين كدي وكتين إبراهيم جاب البارد .. قلت ليهو إنت آبراهيم آخوي .. الزول الواقف هناك ده منو؟؟ .. عاين ليهو كدي وقال لي : ده ما الممثل فلان !!
    ونسة الحبوبات أسع بخليها شوية .. باقي ونسات حبوبتي نفيسة بت الجيلي الله يوسدها الباردة .. بتدور لها قعدة مصلحة شوية ..
    علا .. عندي بنات خالات لي .. عليكم أمان الله وما طالبني حليفة .. التقول .. بس كدي لمان تسمعوا دي ..
    أها بت خالة لي اسمها زكية .. عندها بنيتا ليها طقتا ليك مراريا .. أها وبعدين رسلوا جابو الحكيم .. وهو وليدا غريب ما من الحلة .. أها قامت فتحت لها حقنة .. باقي الحقن ألات المراريا عندنا في الجزيرة هناك آبت الجنيد بشتروهن من الطبلية الفي طرف البيت .. إتي ماك عارفة آبت عمي .. المهم .. الحكيم لما جا .. زكية بتدور تديهو حقنةً جديدة .. قامت واحدةً من بنياتا قالت ليها .. يمة أديهو الفاتحة (تقصد الحقنة المفتوحة) .. أها عليك أمان الله وما طالباني حليفة .. قامت زكية طوالي رفعت ليهو الفاتحة .. وهي تقول : الفاتحة .. هي لكين في منو؟
    بجيك صاد آبت عمي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-20-2011, 11:27 AM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: عبد الباقي الجيلي)

    Quote: بت العزاز أسماء
    سلام ليك وللفاتح

    البوست دا صورة حية وهزة فى الغربة ورجوع للزمن الجميل .فلاش باك لايام أشك فى عودتها .
    لك التحية ولكل العقاب بالجنيد وابوفروع والعزيبة وحتى الجنيد البابور والجروف وكل الاهل .

    حباب محمد ود عمي الحنين
    ود الجروف والطين
    الشوق ليك نيلين وترعة , ترع الحواشات الفي طرف بيوتكم
    ريحة طينهن ساي تروي
    وين الحي بيك آآ يابا
    اريتك طيب والعقاب كلهم طيبين
    يعلم الله يا خوي مشتاقين بالحيل
    ما تنقطع يا خوي وسلامك وصل تب لي اهلك
    وات كمان سلم على الطيبين
    تسلم يا ضل بيوتنا على الطلة الحنينة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-20-2011, 12:36 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: صباح الخير أختنا الحنينه سوما ... ورواد النيمة الكرام ...

    من أروع من غنا في حب البلد وجمالها ونبل خصالها وعزتها الشامخة الشاعر الفذ إسماعيل حسن ...
    إليكموه في قصيدة بلادي تحت ظلال نيمتكم الوارفة :

    حبابك إدريس اخوي تسلم على المشاركة القيمة جدا
    يديك قدر يرضيك يا العشا
    الله يرحم شاعرنا الراحل المقيم إسماعيل حسن
    مافي شك شاعرنا القامة ترك بصمة واضحة في تاريخ الكلمة
    ربنا يرحمه ويغفر ليه بقدر ما زرع في قلوب الشعب السوداني من فرح وحب
    شكرا اخي العزيز لمرورك الجميل تسلم
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-20-2011, 03:11 PM

عبدالله الشقليني
<aعبدالله الشقليني
تاريخ التسجيل: 03-01-2005
مجموع المشاركات: 11493

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)




    التحية لأستاذة / أسماء

    في حضرة اللغة العامية نرتاح قليلاً بكتاب قص مرفوع إلى عيونكم لتقرأ ،
    ونتحلل التحلل الأصغر :


    قلت :
    ـ إنتي والله صَعبة ...أنا ما كَنتَ قايلِك كِدة
    قالت :
    ـ كيف ، صغَيرة وما عِندي مُخ !
    قلت :
    ـ أبداً أنا ما قلتَ كِدة !
    قالت كمن يسخر :
    ـ لأ أحسن تقول !
    قلت :
    ـ إنتي كل كلمة تغسِّليها وتَمصُريها لَمَن تكورِك .
    قالت :
    ـ أنا ما جِبتو من عِندي ..دة كلامك .
    المَفروض تَفَكِري في أي حاجة ،
    المُسلمات قابلة لإعادة النظر ...
    ياهو كلامك .
    قلت :
    ـ نعم ...لكن بدون مُبالغة .
    قالت :
    ـ أنا سألتك ، وما تغير الكَلام .
    قلت :
    ـ إنتِ ما سمعتي الشعراء يتبعهم ( القاوون )
    قالت :
    ـ القاوون البياكلو !

    قلت :
    ـ معقول الفصاحة دي فصاحة بِت في المرحلة الوسطى !
    قالت بغضب حلو :
    ـ بِت ... إنتَ مُصِّر ؟
    قلت :
    ـ طيب يا أستاذة ، نرجع للرياضيات ،
    سَمِعِي لي قوانين المُثلثات كلها قبل المسائل .
    قالت :
    ـ دة دَرِس ولا زَعل ؟
    قلت :
    ـ الإتنين ...
    استمر الدرس طويلاً ..، وأحسنت الإستيعاب
    والإختبارات . فجأة بدأت :
    ـ شايفاك زي الزعلان ، قِراية سَاكِت !
    لو زعلان من كلامِي بسحَبو .
    قلت :
    ـ البِحِب ما بِزعَل
    قالت :
    ـ يعني إنتَ بِتحِب ؟ ...مِسكِين .
    .........
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-20-2011, 03:48 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: عبدالله الشقليني)

    Quote: إتـكـاءة عـلـي جـدار الـبـوسـت.


    كلما صدح الغناي مُردداً:
    قايمي الصباح متكفلتي شايلي الحِليلىِ على المُراح...
    تراءت لِي صورة حبوبتي فاطنة بت ميدوب أمامي. (مُتقرقبة بقُرقابها الأسود )
    والحِليلة في يدها اليُمنى, تداعبها نسمات الصباح وقد بدأت الطيور تعزف
    الحانها الجميلة فوق أغصان شجرة حرازتها واشرابّتَ غنيماتها يتصايحن
    كأنما يؤدن لها تحية الصباح. تبدأ تحلب وقد فاحت رائحة المُراح في جنبات
    المكان ممزوجة برائحة البرم, ونوار الليمون والبُرتُكان.أراها ماثلةً أمامي
    وقد حلبت اللبينة ثمَّ توجهت بخطىً قد أثقل وقعها مر الدهور والأزمان
    معتمدة على دفارتها نحو شجرة الحِناء النابتة بجوار (المارقون) وقد
    تدلى من أحد أغصانها سِعن اللبن. تسكب فيه اللبينة, وتجلس فوق البنبر
    وتبدأ في خش اللبن.
    أذكرها وهي جالسة فوق عنقريب صغير قريب من الأرض, أمامها
    براح واسع ممتد حتى الجنينة حيث لايوجد سور ولا سياج, ونحن نلعب
    مثيرين الغبار, وهي تبتسم من بين ما خلّف لها الزمن من أسنان. إبتسامة
    يتفجّر من خلالها إحساس بالرضاء عن النفس. إحساس بأنها قد أدت
    رسالتها في الحياة وهي ترى أحفادها أمامها يمرحون في سعادة وحبور.
    ثمَّ تنهض وتدلف متوجهة الى داخل المارقون الذي تتوسطه شِعبة تساعد
    العرش على التماسُك, قد حفرت (الدنانين) أجحارها فيها مُشاركة
    بت ميدوب المكان برفقة (الزرازير) التي هى الأُخرى طول النهار في
    حالة دخول وخروج من خِلال الطاقات في عملٍ دؤوب لِجلب الطعام
    لصغارهن, لايهدأ لهن بال إلا بعد أن ترتمي الشمس في أحضان الغروب.
    ما ضجرت بت ميدوب يوماً ولا تضايقت من هذه الرفقة. ثمّ تفتح
    السحارة لتأخذ شئ فتفوح رائحة السحارة في جنبات المارقون وقد
    عبقَ في جنباتها عطر بت السودان ورائحة الصندل والمحلبية وحتى
    رائحة (الحنوط) الذي إحتفظت بِهِ بت ميدوب في السحارة مع كفنها
    إستعداداً للرحيل. رائحة السحارة هي رائحة بت ميدوب. ما زلتُ أشتمها
    كلما عصفت بى الذكريات المحزونة والحنين للزمان والمكان.
    أذكرها في عِزّ الهجير وهى تقلّب سعون العجوة حتى تتعرض لأشعة
    الشمس, ثمّ تتوجه إلى عنقريبها تحت ضل الحِناء. نعم شجرة حِناء,
    ووالله كنا نتسلق أغصانها. الأرض كانت مِعطاءة, والنفوس كانت صآفية
    كما النسمات تحتَ أشجار الجزائر...

    هكذا عاشت حبوبتي بت ميدوب. معتمدة على نفسها في كل شئ حتى
    بعد أن تجاوزت المئة. ثمّ رحلت في هدوء. وبعد رحيلها غادرت
    الزرازير والدنانين المكان, وآثرت الحِناء السقوط على البقاء من بعدها,
    وأصبح المكان لاهو المكان ولا الزمان هو الزمان بعد رحيل بت ميدوب
    والناس السمحين الذين ابت البركة إلآ أن تتمسك بأكفانهم وترحل معهم
    بلا رجعة...
    كانت الباوقة بخيرها, وكنتُ أتعجب وأقول لأُمي: يا يُمّة البلد, ما شاء
    الله خيرها كتير!!. فترد عليَّ قائلة: يا ولدي الخير ما راح مع أهلو,
    زمآن كُنا لامن تهب الهبوب الصباح ندلي كِرعينا فوق التمُر!!!...


    معاوية ود المدير...


    معاوية ود عمي المدير حبابك يابا اريتك طيب وكل العقاب ,,
    يا الله يا ود المدير على الناس الحنينة المتل بت ميدوب والزمن العديل , الزمن القبيل
    صدقت يا خوي فعلا رحلوا ورحلت معاهم كل الأشياء الجميلة
    من محنة وبركة وطيبة نفس وروح صفاء ونقاء انعدمت في زمننا الأغبر هذا
    الله يرحم حبوبتنا بت ميدوب ويرحم جميع الرحلوا من زمنها الحنين ويرحم جميع موتانا ومتى المسلمين
    والله يا ود المدير فعلا حبوباتنا الزمان الله يوسدهن الباردة عندهن ريحة بتشبهن براهن , في طرف هدمهم البارد تشمها
    وعندهن طقوس وحكم ومحنة لو درسوها لجيل اليوم لعم السلام والمحبة في البلد كلو إلي يوم الدين
    شكرا اخوي ود المدير والله جيتك بالحيل سمحة وحنينة
    والله صحي
    وبالحيل بنفقدك لامن تطول الغيبة
    والله صحي
    النبي فيك كان تطول يابا
    ودعتك الله والرسول
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

02-20-2011, 09:20 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    Quote: سوما بت الجنيد ...
    الله ينصر دينك ذاتوآبت عمي ..
    وأنا أقول يا ربي الوش الولوف ده شايفو وين (باقي شايف صورتك في الفيس بوك) .. أتاريني شايفك في التليفزيون .. يجااااازي محنك آبت الجنيد ..
    أصلو أنا قبال كمين حول كدي .. كت قاعد مع عما لي اسمو إبراهيم ود حبوبتي الشول بت الشيخ عبد الباقي في واحدة من كافتيريات جامعة الخرتوم .. وبرضو تحت لبخاية باااااردة ..
    أها .. إبرايهم قام يجيب البارد .. أقوم أشوف ليك زولاً يتوارى لي بعرفو تب .. يا ربي ده منو في الجنيات .. أها أقوم أمشي ليهو طوالي وأسلم عليهو ..
    زولك ما كضب تب وسلم علي جنس سلاما لامن شككني ذاتو .. لكين لا سالتو هو منو لا سالني أنا منو .. وبعد شويتين كدي وكتين إبراهيم جاب البارد ..
    قلت ليهو إنت آبراهيم آخوي .. الزول الواقف هناك ده منو؟؟ .. عاين ليهو كدي وقال لي : ده ما الممثل فلان !!
    ونسة الحبوبات أسع بخليها شوية .. باقي ونسات حبوبتي نفيسة بت الجيلي الله يوسدها الباردة .. بتدور لها قعدة مصلحة شوية ..
    علا .. عندي بنات خالات لي .. عليكم أمان الله وما طالبني حليفة .. التقول .. بس كدي لمان تسمعوا دي ..
    أها بت خالة لي اسمها زكية .. عندها بنيتا ليها طقتا ليك مراريا .. أها وبعدين رسلوا جابو الحكيم ..
    وهو وليدا غريب ما من الحلة .. أها قامت فتحت لها حقنة .. باقي الحقن ألات المراريا عندنا في الجزيرة هناك آبت الجنيد بشتروهن من الطبلية الفي طرف البيت .. إتي ماك عارفة آبت عمي ..
    المهم .. الحكيم لما جا .. زكية بتدور تديهو حقنةً جديدة .. قامت واحدةً من بنياتا قالت ليها .. يمة أديهو الفاتحة (تقصد الحقنة المفتوحة) ..
    أها عليك أمان الله وما طالباني حليفة .. قامت زكية طوالي رفعت ليهو الفاتحة .. وهي تقول : الفاتحة .. هي لكين في منو؟
    بجيك صاد آبت عمي

    حبابك عبد الباقي ود اعمي الجيلي حبابك يا يابا
    طلتك امانة مي حنينة يا العشا ,,
    طريتني اهلي يا حليلك ’ امانة نضميك مو سمح بالحيل . و ذكرتني الناس الحنينة .
    بي كلامهم المارق من الجوف ,, ونديان وتريان زي طين الجروف ,,
    ضحكتني قلت لي طايبت الزول وكنت قايلو من اهلك ؟ يا حليلك والله
    تعرف انا لما امشي الإجازة في حلتنا بسوق بت خالتي معاي عشان حوامة الحلة ,,
    واقول ليهم اوعكم تنسوني اي مناسبة في الحلة الحوامة بقدر عليها ,
    لكن اللوم ما بدوروا تب ولا بدور زعل الناس الحنان ديل ,,,
    اها بنكون طولنا من الناس , الصغار بكونوا كبروا والكبار كلهم بعرفونا بالإسم
    اقول ليها اي زول طولت منه وريني اسمو قبال اصلو عشان ما اغلط في الإسم واتلوم معاه...
    مرات يمشي عليك زول ويقول ليك يا فلان كيفك إن شاء الله طيبين , وانت تكون ماسح الإسم
    اها دي بتخجلني شديد واقعد اتضاير واقول يا ربي ما ياخدوا في خاطرهم مني ويقولوا نسيناهم ونسينا حتى الاسامي,,
    تسلم يا عبد الباقي اخوي يديك قدر يرضيك إن شاء الله , ويسعدك ديمه ,, ما تطول مننا يا ضل شبابيك بيوتنا
    تعال لينا وونسنا في نيمتنا السمحة دي , سمحة بي لمتنا وونسة حبوباتك الحنان
    شكرا أردب محنة ,,,


                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

03-27-2011, 09:03 AM

مها عبد الله
<aمها عبد الله
تاريخ التسجيل: 07-13-2008
مجموع المشاركات: 2271

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    ***********
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

03-27-2011, 05:20 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: مها عبد الله)

    مهوية يا حبيبة الروح
    يعلا مقامك ويعظم شأنك يا بنية من بطن اهلنا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

03-31-2011, 08:33 PM

اسماء الجنيد
<aاسماء الجنيد
تاريخ التسجيل: 03-31-2010
مجموع المشاركات: 4730

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **** في حلتنا وتحت ضل نيمتنا **** (Re: اسماء الجنيد)

    جيناكم يا حبايبنا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 2:   <<  1 2  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de