دعواتكم لزميلنا المفكر د.الباقر العفيف بالشفاء العاجل
|
|
 **** حررررررم نتلب في تل أبيب ****
|
ناس الهوشة الديمة مدووشة
الجخ على قول ود المشرف
اها النحكي ليكم القصة من البداية
يقووم يجي زول خامي الشمار لي البشير
قالوا في طيارة يا ريس خبتتلها نفرين آي والله
الرئيس مهجوم ومنفخ الجضوم وين ؟؟؟؟
سيد الشمار
والله ماني عارف علا قالو في جهة سنكات ’ لا استغفر الله العظيم سواكن
لا يا ريس الميناء ,, الميناء , المهم بورسودان بورسودان يا ريس
يا زول جيب ليك شمار كويس ما تجهجه باكاتنا برانا ملخلخين من السجم اوكامبو
لي شفع الوش بوك ديل . الله لا كسبكم
طير جيب لي عبد الرحيم هسسسسسسسسسستعية
يجي عبد الرحيم وزير دفاعنا يتهوزز ويتلولح ويرجف من الخوفة
والله ما عارف واللـــــــــــــــــه علي الطلاق ما ني عارف يا ريس
ينهروا ليك اتلهي !!!!
وداك بغم ما يقولا
ما عارف شنو ؟ والقاعدلها شنو وانت ما عارف حاجة ؟
نحن ناقصين خلعة ولا ناقصين حرق اعصاب
غور شوف النصيبة دي جات من وين وهبتت منو
الله يهبتك ويريحني منك ,
هسع تلقى خلق الله كلها عارفة علا انا قاعدلي فوق نصيبة زيكم كدة
اصلو الناس قالوا الكلام يصل القيف وعن سيدو يقيف ,, آآآآي وقف عندي انا
يجي داخل واحد نفسو قايم بشمار الأكيدة
يا عمك قالوا دي صاروخ جانا من اسرائيل اقسم بالله سمعت ناس الجزيرة هستعية
رئيسنا,,,
آآآي ناس الجزيرة ديل قاعدين لي الأزية
ناوين علي انا عارفهم
جزوا مبارك وبن علي وهسة بجزوا في معمر
ان ما قبلوا علي انا وجزوا عرفي ما برتاحوا
شكيتهم علي شيوخي ناس الصوفية
ينط وزير دفاعنا
لا لا حررررررم ما اخليهم يهبشوك
آآآ زول اسمع مني انا
وتشيلوا الهاشمية وينط لالالا فوق ويتب ويقول
حررررررررررررم من دربي ده علا اتلبلك في تل ابيب
ويعض جلابيتو متخارج من الزنقة زنقة دي
|
|
 
|
|
|
|
|
|
|
 Re: **** حررررررم نتلب في تل أبيب **** (Re: اسماء الجنيد)
|
ياها دي حالنا في كل المواقف والزنقات البتمر بيها البلاد
يتحزم ويتلزم ويتجزم رئيسنا
ويتم الباقي حرررررررم وعلي الطلاق
واعفصهم وتحت مركوبي وتحت اباطي
يصنع من نفسو رجل خارق وديناصور يأكل الأخضر واليابس
ويقلب البحر طحينة على قول اهلنا المصاروة
لي اللحظة دي ما جاتنا مصيبة
قعدوا ليها في الجابرة دي واتفاكروا فيها واتشاوروا مشورة رجال
وحلوها وردوا وادانوا وشجبوا
كلها معدنها
نحن ونحن ونحن ودق صدر في الفارغ
الله هونيني على قول اخوي الكلامو حنين هاشم نوريت
بالحيل عجبتني مفرداتك وبستأذنك اشفها منك يا نوريت يا خوي
| |
|
|
|
|
|
|
|
|
 Re: **** حررررررم نتلب في تل أبيب **** (Re: اسماء الجنيد)
|
Quote: ناس الهوشة الديمة مدووشة
الجخ على قول ود المشرف
اها النحكي ليكم القصة من البداية
يقووم يجي زول خامي الشمار لي البشير
قالوا في طيارة يا ريس خبتتلها نفرين آي والله
الرئيس مهجوم ومنفخ الجضوم وين ؟؟؟؟
سيد الشمار
والله ماني عارف علا قالو في جهة سنكات ’ لا استغفر الله العظيم سواكن
لا يا ريس الميناء ,, الميناء , المهم بورسودان بورسودان يا ريس
يا زول جيب ليك شمار كويس ما تجهجه باكاتنا برانا ملخلخين من السجم اوكامبو
لي شفع الوش بوك ديل . الله لا كسبكم
طير جيب لي عبد الرحيم هسسسسسسسسسستعية
يجي عبد الرحيم وزير دفاعنا يتهوزز ويتلولح ويرجف من الخوفة
والله ما عارف واللـــــــــــــــــه علي الطلاق ما ني عارف يا ريس
ينهروا ليك اتلهي !!!!
وداك بغم ما يقولا
ما عارف شنو ؟ والقاعدلها شنو وانت ما عارف حاجة ؟
نحن ناقصين خلعة ولا ناقصين حرق اعصاب
غور شوف النصيبة دي جات من وين وهبتت منو
الله يهبتك ويريحني منك ,
هسع تلقى خلق الله كلها عارفة علا انا قاعدلي فوق نصيبة زيكم كدة
اصلو الناس قالوا الكلام يصل القيف وعن سيدو يقيف ,, آآآآي وقف عندي انا
يجي داخل واحد نفسو قايم بشمار الأكيدة
يا عمك قالوا دي صاروخ جانا من اسرائيل اقسم بالله سمعت ناس الجزيرة هستعية
رئيسنا,,,
آآآي ناس الجزيرة ديل قاعدين لي الأزية
ناوين علي انا عارفهم
جزوا مبارك وبن علي وهسة بجزوا في معمر
ان ما قبلوا علي انا وجزوا عرفي ما برتاحوا
شكيتهم علي شيوخي ناس الصوفية
ينط وزير دفاعنا
لا لا حررررررم ما اخليهم يهبشوك
آآآ زول اسمع مني انا
وتشيلوا الهاشمية وينط لالالا فوق ويتب ويقول
حررررررررررررم من دربي ده علا اتلبلك في تل ابيب
ويعض جلابيتو متخارج من الزنقة زنقة دي |
أجازي محنك ياسوما الحبيبة ضحكت لماً بكيت..
شر البلية مايضحك ..
عميق مودتي لك ولاسرتك العزيزة ..
| |
|
|
|
|
|
|
|
|
|
Re: **** حررررررم نتلب في تل أبيب **** (Re: حبيب نورة)
|
Quote: أجازي محنك ياسوما الحبيبة ضحكت لماً بكيت..
شر البلية مايضحك ..
عميق مودتي لك ولاسرتك العزيزة .. |
البركة في ضحيكتك دي يا يمة
مشتاقين والله يا اماني
صدقيني الرواية دي حاتكون ياها كده
ديل ياها حالهم غير الهوراط والتطبيل والحليفة بي الطلاقات ما عندهم حاجة
لامن يجوه ليك في عقر داره ويهبتوه
ده هسه ما إنزار وااااااااضح
نحن بنخبت الدايرين نخبتوا
وباليل
والوراه والقدامه ما بنهبشهم مهما كانت المسافة قريبة
والله هسي تلقيهم عينهم واقعة من السهر
نوم سااااااي ما بنوموا
سلام للأسرة الكريمة
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: كااااااااااااااك
انا خايف المرة الجاية إسرائيل تجي تضربنا بي ركشة
معقولة لكن أباتشي ؟؟
عليك الله شوف الحقارة دي
وين اللسد النتر |
عارف يا الحبيب
ركشة شنو
ديل حديده تاني ما بخسروها فينا
انا خايفة يتلبوا ويقعوا في الناس ام دلدوم ساي
عينهم ما قوت خلاص
ولا يرسلولنا حديدة صغيرة من هناك تخبت الداير تخبته
ان شاء الله الخبتة الجاية في مكاتبهم ومحل شغلهم
محل النهب والسلب تهجمهم وتقلع عيونهم
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
العزيزة اسماء ..الله يضحكك ..أسلوبك لذيذ واللهجة طاعمة ..
الله يخليكى ..ويقطع اللى فى بالى .
Quote:
ناس الهوشة الديمة مدووشة
الجخ على قول ود المشرف
اها النحكي ليكم القصة من البداية
يقووم يجي زول خامي الشمار لي البشير
قالوا في طيارة يا ريس خبتتلها نفرين آي والله
الرئيس مهجوم ومنفخ الجضوم وين ؟؟؟؟
سيد الشمار
والله ماني عارف علا قالو في جهة سنكات ’ لا استغفر الله العظيم سواكن
لا يا ريس الميناء ,, الميناء , المهم بورسودان بورسودان يا ريس
يا زول جيب ليك شمار كويس ما تجهجه باكاتنا برانا ملخلخين من السجم اوكامبو
لي شفع الوش بوك ديل . الله لا كسبكم
طير جيب لي عبد الرحيم هسسسسسسسسسستعية
يجي عبد الرحيم وزير دفاعنا يتهوزز ويتلولح ويرجف من الخوفة
والله ما عارف واللـــــــــــــــــه علي الطلاق ما ني عارف يا ريس
ينهروا ليك اتلهي !!!!
وداك بغم ما يقولا
ما عارف شنو ؟ والقاعدلها شنو وانت ما عارف حاجة ؟
نحن ناقصين خلعة ولا ناقصين حرق اعصاب
غور شوف النصيبة دي جات من وين وهبتت منو
الله يهبتك ويريحني منك ,
هسع تلقى خلق الله كلها عارفة علا انا قاعدلي فوق نصيبة زيكم كدة
اصلو الناس قالوا الكلام يصل القيف وعن سيدو يقيف ,, آآآآي وقف عندي انا
يجي داخل واحد نفسو قايم بشمار الأكيدة
يا عمك قالوا دي صاروخ جانا من اسرائيل اقسم بالله سمعت ناس الجزيرة هستعية
رئيسنا,,,
آآآي ناس الجزيرة ديل قاعدين لي الأزية
ناوين علي انا عارفهم
جزوا مبارك وبن علي وهسة بجزوا في معمر
ان ما قبلوا علي انا وجزوا عرفي ما برتاحوا
شكيتهم علي شيوخي ناس الصوفية
ينط وزير دفاعنا
لا لا حررررررم ما اخليهم يهبشوك
آآآ زول اسمع مني انا
وتشيلوا الهاشمية وينط لالالا فوق ويتب ويقول
حررررررررررررم من دربي ده علا اتلبلك في تل ابيب
ويعض جلابيتو متخارج من الزنقة زنقة دي |
| |
|
|
|
|
|
|
|
|
 Re: **** حررررررم نتلب في تل أبيب **** (Re: اسماء الجنيد)
|
Quote: ركشة شنو
ديل حديده تاني ما بخسروها فينا
انا خايفة يتلبوا ويقعوا في الناس ام دلدوم ساي
عينهم ما قوت خلاص |
 هاهاهاهاهاهاهاهااااااااااااااااااا
تتجازي
أحيييي يا مصاريني
أتخيلت طبعاً اليهود مدورين في الجيش السوداني أم دلدوم وشلاليت وما تسمع إلا كو رو كاع
واول ما يحتلو الإذاعة ويصدروا بيانهم الأول
يخشوا القصر الجمهوري ويشتغلوا في جماعتك كافتريا طااااااااااااخ
ياخ لكن مبااااااااااالغة
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote:
العزيزة اسماء ..الله يضحكك ..أسلوبك لذيذ واللهجة طاعمة ..
الله يخليكى ..ويقطع اللى فى بالى .
|
سلاااااام يا أمونة
البركة في رجعتك يا خية
تحلا ايامك يا يمة
عارفة الناس دي بقت لا بتخجل لا بتختشي
والمصيبة في ناس لسة بتدافع عنها
لا تعرفيها قوة عين
لا تعرفيها برود اعصاب
لا تعرفيهم قنعوا الآخرة
لأنه ديل ما ناس دنيا ضمة
خوفي ما يصحوا من الهم فيهوا ده
إلا بعدما الضربة تكبر وتصل العاصمة
اصلوا الجمرة بتحرق ال و ا ط ي ه ا
تنضرب بورتسودان ولا كردفان ولا مدني ولا سنار ولا جوبا ما مهم
الخوف البجهجهم لما تصلهم في محل وكرهم
يمهل ولا يهمل
الله هونيني ,,, حقوق الكلمة لي اخوي نوريت
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: هاهاهاهاهاهاهاهااااااااااااااااااا
تتجازي
أحيييي يا مصاريني
أتخيلت طبعاً اليهود مدورين في الجيش السوداني أم دلدوم وشلاليت وما تسمع إلا كو رو كاع
واول ما يحتلو الإذاعة ويصدروا بيانهم الأول
يخشوا القصر الجمهوري ويشتغلوا في جماعتك كافتريا طااااااااااااخ
ياخ لكن مبااااااااااالغة |
لوووووووووولز يا الحبيب
عارف لما يدخلوا القصر
هنا الخوفة تقع هبطرش
والجماعة يبدوا يتزاوغوا
اها عشان يثبتوا لي الناس البضربوا انهم ما مع الإنقاذ .
يبدوا في التشجيع
اول ما يعمتوا ليك عبد الرحيم من رقبتو الماكنة ديك
تقوم الكواريك
وجماعتك يصفقوا ويهتفوا
اديلوا ادي ادي ايوااااااااا اديلوا اديلوا كرهنا حياتنا زاتا
لووووووووووولز
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
ويحك يا بُنية أتسخرين من الريس المشير البشير العوير
وبهذه المناسبة السعيدة أُهدي سوما وضيوفها الكرام أغنية إسرائيل
هييييييييع أنا النعجة البشير .... بخشمي الكبير ... بهرش إسرائيل
تضرب .... تمشي وترجع تاني تغير .... وفي بلدي .... بهرش الصغير والكبير
وهييييييييع
مطلوب ملحن للأغنية
مشتاقيييين يا سوما ياخ
| |
|
|
|
|
|
|
|
|
|
Re: **** حررررررم نتلب في تل أبيب **** (Re: مها عبد الله)
|
| Quote: انا غايتو دى جرادتى البتلب بيها فى اى زقاق من ازقة اورقة تل افيف |
اجييييييييش يا يمة
اريتها جرادة الرجال لا حدهم آآآ قاسم ود عمي المهداوي
هم كان عندهم جنس الجبتها دي كان خبتونا في ضهرنا وجروا الصهاينة ؟؟
نحن القروش نحمد سيدها بنعمل بيها الحفلات والهجيج
وبنبني بيها العمارات ونشتري بها العربات
طيارات ودفاع ارضي جوي ما فينا
شغلتهم شنو في حماية الرواح
ات يا خوي ماك عارفهم ؟
تسلم يا ود عمي المهداوي وإن شاء الله كان جيشنا ربعه بس زيك
ما بتجينا عوجة تب
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: ويحك يا بُنية أتسخرين من الريس المشير البشير العوير
وبهذه المناسبة السعيدة أُهدي سوما وضيوفها الكرام أغنية إسرائيل
هييييييييع أنا النعجة البشير .... بخشمي الكبير ... بهرش إسرائيل
تضرب .... تمشي وترجع تاني تغير .... وفي بلدي .... بهرش الصغير والكبير
وهييييييييع
مطلوب ملحن للأغنية
مشتاقيييين يا سوما ياخ |
هلا وحباب مهوية الحبيبة وقريبة
مشتاقين ياخ
والله صحي
هسه امانة في ظمتك على قول شفع افبتدائي
الويحو منو فينا انا ولا انتي ؟
حقارتك فيني انا عشان لقيتيني عيانة وبطني مبعوجة لووولز
والله صحي
ما بقدر على الملاوة
إنتي جبتيها قصيدة عصماء في هجاء القائد اب حنك
تقوليلي شنو وتقوليلي منو ؟؟
قصيدة عديييييييل كده ما دغمسة ساي
جاية تداقشينا في رزقنا ده يا بنية ,,
وكمان كايسة ليك لي ملحن وفنان ..
غايتو بقترح ليك الملحن يكون ود المدير ,, بعرف يلحن
والله صحي
والفنان شعبولا
مافي زول غيرو بصراحة يا مهوية بقبل يغنيها ليك
والله صحي
وكمان حا تطلع رهيبة لما يقول ليك هيـــــــــــــــــي لووولز
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
الله إجازي محنك يا سومة ضحكتيني ضحك شديد
Quote: يجي عبد الرحيم وزير دفاعنا يتهوزز ويتلولح ويرجف من الخوفة
والله ما عارف واللـــــــــــــــــه علي الطلاق ما ني عارف يا ريس
ينهروا ليك اتلهي !!!!
وداك بغم ما يقولا
ما عارف شنو ؟ والقاعدلها شنو وانت ما عارف حاجة ؟
نحن ناقصين خلعة ولا ناقصين حرق اعصاب
غور شوف النصيبة دي جات من وين وهبتت منو
الله يهبتك ويريحني منك , |
عليك الله عبد الحيم ده هو عارف كوعو من بوعو عشان إعرف الحاصل في البلد شنو
يا اخي ده قاعد ساكت في السهلة
ده يوم حصل حريق في محطة بري الحرارية قبل كم سنة كده سألوهو الحصل شنو
رد بعوارتو ديك وقال ليهم والله قالوا البتاع طار في الهناي بوظ الشغلانية
والكلام ده قالو في التلفزيون وعلى الملأ تقوليلي شنو وتقوليلي منو
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote:
حررررررم نتلب في تل أبيب
|
التليب حااااصل ...
هو داب تليب يا سوما اختي!!؟
ما ياهو يا اما يعزوا حلفم دا و يتلبوا تل ابيب و يتلببوا نتنياهو في فقرتو الماكنة دي!؟
يا كمان ح يتلبوا من نظر الشعب دا
ابشر بالتليب يا اللسد النتر لي جوة جعجعة في فنجان ساااي .. و طحين لي برة اصلو ما شفناو ليك!!
الله يرحم المغدورين و يحسن اليهم و يصفح عنهم إن كانوا مسيئين
و يرحمنا نحن ديل في رقبتنا دي العايشين لينا في بلد ارخص ما فيها " الانسان "
و حيكومة ما عارفين حاكمان في شنو؟ و عشان شنو؟
----
ازيك يا سوما بعد الارشفة
دي كتابة سمحة ياخي!
| |
|
|
|
|
|
|
|
|
|
Re: **** حررررررم نتلب في تل أبيب **** (Re: معاوية عبيد الصائم)
|
سوما العزيزة
يا بت ابوي يجازي محنك..
تجهزت للجمعه وشفت البوست..
عارفة الحالة من الضحك..
يعني عايز اعمل فورماتينغ للجمعة دي تاني..
يعني في الغربة دي والزول يموت بالضحك براه جوة بيته..
عشان ناس الحكومة بعد خرتمية سنة يسمع بخبر سوداني بعيد هناك..
ضهاري الخرتوم ما عارفين الحاصل فيها شنو..
ضربة مصنع الشفاء اول تصريح قالوا طائرت..
يعني مسؤول عسكري يقول ليك طيارتين.. واحدة أضاءت والتانية ضربت..
وما عارفين الطيارة من الصاروخ..
ودي كانت في الخرتوم
وما بالهم بي ضربة هناك عند الهامش!!
قالوا صواريخ من ناحية البحر..
قالوا الضربة من منصة ثابتة..
د. خليل وصل داخل ام درمان بقواته وهم نيام..
بعدها قالوا: أصلا عاملين ليهو كمين....
إن لم تقل خيرا فاصمت..
ان لم تعرف ما تقل فاصمت..
بكرة حيطلع المشير ويقول الرد بالسد..
وبالمرة نفرح لتسهيل السفر عبر جسر السد للعمرة والحج
ويطلع القيقم ويغني عجبوني الليلة جوا
ويشمر الدبابون ويخوضوا ليك المالح
ويترسوا ليك تل أبيب
وتصرخ اسرائيل وا أمريكاه
ويحتفل الاعراب في مشارق الارض ومغاربها بالفتح المبين
بنصر المشير..
وما قلنا ليكم من زمان احذروا غضبة الحليم..
يا أمريكا انت ذاتك بلي راسك
الاسود الخاضت المالح ما بيغلبها الاطلنطي
وانتي قايلة نحن كنا بنغني أمريكا دنا عذابها دي ساي..
وأنت يا الكاروي تصلي الجمعة الجاية في ضاحية كافوري..
اقصد ضاحية روما.. في الفاتيكان ...
مش نحن زمان قلنا بنرفع فيها الاذان..
وكدي يا ابوالعفين شوف لينا لو في دويلة عدوة تاني
كلمهم كووولهم..
الما معانا ضدنا..
وبكرة بنحول العاصمة دي لي تل ابيب..
عشان نسهل مهمة التسليم لي عيسى
وطالما وصلت عيسى يا سوما
نمشى صلي الجمعة أحسن
فتك وضيوفك بعافية
مودتي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Abdlaziz Eisa)
|
سوما كيفنك؟؟؟
كتلتينا بالضحك يا اخي.
اتاريك ماك هينه وولا لينه(ههههههه)
يمين الله مهجومين هجمه عدوك قال لك يا سوما.
والبشير قرب يكفتهم من طرف
والعجب قال لك لما يقولوا لهم الاعلام عايزكم تنضموا
الناس تتضارى لوراء وتدفر في بعضها البعض
منو البطلع للاعلام ويقول شنو؟؟؟
غياتو حاله آخير منها زرة ال###### في الطاحونه.
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Tragie Mustafa)
|
يا سومه نحن محنطين في توابيت من زمن النحاس والدرقه والسيف
والاسد النتر والفارس البقود تسعين
ولو نترت فينا توم هوك تخلي الارض بلقعا
الناس بتتقدم بعلمها وتقنيتها نحن قاعدين للجخ .
عندنا مشكله تفكير يستصحب الحقائق الماديه .
نعيش في عالم من نسج خيالنا .
| |
|
|
|
|
|
|
|
|
|
Re: **** حررررررم نتلب في تل أبيب **** (Re: doma)
|
Quote: إنتي جبتيها قصيدة عصماء في هجاء القائد اب حنك
تقوليلي شنو وتقوليلي منو ؟؟
قصيدة عديييييييل كده ما دغمسة ساي
جاية تداقشينا في رزقنا ده يا بنية ,,
|
بالله يا سوما بمناسبة الضرب المباح لأرض السودان من قبل إسرائيل أتحفينا بقصيدة ( صاروخية علي الطاير ) كدا لوووووووولز . عصماء دي خليها الأيامات دي . كل ماهو طائر وصاروخي ح يكون قوي لووووووووولز
وأهديك لحني الجديد ( بكره البشير ) مع كامل الإعتزار لشعبولة عبد الرحيم
أنا بكره البشير والأربعين حرامي
ننضرب من إسرائيل وما حدش قلبو حامي
وهييييييييييييييي
يطلَق نساوينو الإتنين وح ننضرب كمان
دي البلد بقت فوضي ومافيش أمان
وهييييييييييييييي
بكره البشير حتي لو تلب في تل أبيب
دا أمر مستحيل ... أيوه وكمان صعيب
وهيييييييييييي
( ههههههههههههههههه )
| |
|
|
|
|
|
|
|
|
|
Re: **** حررررررم نتلب في تل أبيب **** (Re: مها عبد الله)
|
حرررررم دى
حقت عوين
ولا حقت رجال ؟؟
________________
آفوووووووو
يا بنية هوى
ألعبى طرف
الرجالة شرادة ووراده
النساوين ما بتقول حرررم
كنا حاريين منك الزغرودة يا بت الجنيد
على الحرام تزغردى
ندخلها وصقيرها حايم
زغردى ..زغردى يا بت الجنيد
مع تحياتى وعاصف التواريخ
والزمكانيات القديمة!!!
قور بتاع سلمى الشيخ
يعنى قور سلمى هركات راندوك بالشكل دا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Abuelgassim Gor)
|
اها النحكي ليكم القصة من البداية
يقووم يجي زول خامي الشمار لي البشير
قالوا في طيارة يا ريس خبتتلها نفرين آي والله
الرئيس مهجوم ومنفخ الجضوم وين ؟؟؟؟
سيد الشمار
والله ماني عارف علا قالو في جهة سنكات ’ لا استغفر الله العظيم سواكن
لا يا ريس الميناء ,, الميناء , المهم بورسودان بورسودان يا ريس
يا زول جيب ليك شمار كويس ما تجهجه باكاتنا برانا ملخلخين من السجم اوكامبو
لي شفع الوش بوك ديل . الله لا كسبكم
طير جيب لي عبد الرحيم هسسسسسسسسسستعية
يجي عبد الرحيم وزير دفاعنا يتهوزز ويتلولح ويرجف من الخوفة
والله ما عارف واللـــــــــــــــــه علي الطلاق ما ني عارف يا ريس
ينهروا ليك اتلهي !!!!
وداك بغم ما يقولا
ما عارف شنو ؟ والقاعدلها شنو وانت ما عارف حاجة ؟
نحن ناقصين خلعة ولا ناقصين حرق اعصاب
غور شوف النصيبة دي جات من وين وهبتت منو
الله يهبتك ويريحني منك ,
هسع تلقى خلق الله كلها عارفة علا انا قاعدلي فوق نصيبة زيكم كدة
اصلو الناس قالوا الكلام يصل القيف وعن سيدو يقيف ,, آآآآي وقف عندي انا
يجي داخل واحد نفسو قايم بشمار الأكيدة
يا عمك قالوا دي صاروخ جانا من اسرائيل اقسم بالله سمعت ناس الجزيرة هستعية
رئيسنا,,,
آآآي ناس الجزيرة ديل قاعدين لي الأزية
ناوين علي انا عارفهم
جزوا مبارك وبن علي وهسة بجزوا في معمر
ان ما قبلوا علي انا وجزوا عرفي ما برتاحوا
شكيتهم علي شيوخي ناس الصوفية
ينط وزير دفاعنا
لا لا حررررررم ما اخليهم يهبشوك
آآآ زول اسمع مني انا
وتشيلوا الهاشمية وينط لالالا فوق ويتب ويقول
حررررررررررررم من دربي ده علا اتلبلك في تل ابيب
ويعض جلابيتو متخارج من الزنقة زنقة دي
'''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''
العزيزة اسماء الجنيد الف والف تحية
ذي ما ذكرتي دا الحصل بالضبط لي حيكومتنا
ودا يا هو تناولهم لقضايا بلدنا
وطريقة ادارة امور البلد - جعجعة في الفاضي - وحرامات وطلاقات .
------------------
اريتك طيبة والعيال
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: لتليب حااااصل ...
هو داب تليب يا سوما اختي!!؟
ما ياهو يا اما يعزوا حلفم دا و يتلبوا تل ابيب و يتلببوا نتنياهو في فقرتو الماكنة دي!؟
يا كمان ح يتلبوا من نظر الشعب دا
ابشر بالتليب يا اللسد النتر لي جوة جعجعة في فنجان ساااي .. و طحين لي برة اصلو ما شفناو ليك!!
الله يرحم المغدورين و يحسن اليهم و يصفح عنهم إن كانوا مسيئين
و يرحمنا نحن ديل في رقبتنا دي العايشين لينا في بلد ارخص ما فيها " الانسان "
و حيكومة ما عارفين حاكمان في شنو؟ و عشان شنو؟
----
ازيك يا سوما بعد الارشفة
دي كتابة سمحة ياخي! |
قيقا يا قيقا حبابك يابا
تسمح ايامك انت إن شاء الله
وإن شاء الله تكون عرفت البورد وجخاخينو ونفاجاتو
شايفااااااااك ما عندك عوجة تب
حايم الفريق كلو تبارك الله
آآآي خليك مفتح , الزمن ده كلو زول بتلب يشيل حقو براه
هسة ما شفت عمك عبد الرحيم ده قال ماشي يتلب في تل ابيب؟
اها شوف الحالة دي
قلت لي يتلبوا في فقرة نتياهو ؟؟ منو ديل , ناس الأسد النتر , والسد السد ؟؟
آآآ زول ات بي صحك ؟؟
ديل وحات الله ما يتلبوا في مطمورة عيش
تقولي نتنياهو ؟ والله كان ياكلوهم لحمة لحمة وفقرة فقرة وضلعة ضلعة
والباقي يسوهو شوربة كوارع بي عدس ..
لكن حكاية يتلبوا من الحكم دي قطع شك مافيها اتنين تلاتة
قرط على كده وارجا الخبر اللأكيدة قريب
ودعتك الله ود امي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: طارق جبريل)
|
Quote:
يسال منك الخير يا بت الجنيد
اريتك طيبة يازولة
حسب المعطيات ..بيضرب
رز بلبن مع الملائكة......... |
ود عمي الصائم حبابك آآآلحنين
قلت لي رز بي لبن ..؟؟ لوووووولز
يأكلوا الحمت رمت على قول الحبيبة دوما
تسلم يا ود الصائم وسلامنا للحنان المعاك
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
طيب با بت الجنيد
اليسار شابكنا تسقط تسقط الأمبريالية
Down down USA
ما شفناكم تلبتوا في واشنطن؟؟
بعدين الشعارات دي وين راحت بقيت تصفقوا لأسرائيل؟؟؟
وين ارحت شعارات تسقط قوى الهيمنة والصلف
وين النضال الأممي ضد الرأسمالية والعملاء والشركات عابرة القارات؟؟؟
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote:
سوما العزيزة
يا بت ابوي يجازي محنك..
تجهزت للجمعه وشفت البوست..
عارفة الحالة من الضحك..
يعني عايز اعمل فورماتينغ للجمعة دي تاني..
يعني في الغربة دي والزول يموت بالضحك براه جوة بيته..
عشان ناس الحكومة بعد خرتمية سنة يسمع بخبر سوداني بعيد هناك..
ضهاري الخرتوم ما عارفين الحاصل فيها شنو..
ضربة مصنع الشفاء اول تصريح قالوا طائرت..
يعني مسؤول عسكري يقول ليك طيارتين.. واحدة أضاءت والتانية ضربت..
وما عارفين الطيارة من الصاروخ..
ودي كانت في الخرتوم
وما بالهم بي ضربة هناك عند الهامش!!
قالوا صواريخ من ناحية البحر..
قالوا الضربة من منصة ثابتة..
د. خليل وصل داخل ام درمان بقواته وهم نيام..
بعدها قالوا: أصلا عاملين ليهو كمين....
إن لم تقل خيرا فاصمت..
ان لم تعرف ما تقل فاصمت..
بكرة حيطلع المشير ويقول الرد بالسد..
وبالمرة نفرح لتسهيل السفر عبر جسر السد للعمرة والحج
ويطلع القيقم ويغني عجبوني الليلة جوا
ويشمر الدبابون ويخوضوا ليك المالح
ويترسوا ليك تل أبيب
وتصرخ اسرائيل وا أمريكاه
ويحتفل الاعراب في مشارق الارض ومغاربها بالفتح المبين
بنصر المشير..
وما قلنا ليكم من زمان احذروا غضبة الحليم..
يا أمريكا انت ذاتك بلي راسك
الاسود الخاضت المالح ما بيغلبها الاطلنطي
وانتي قايلة نحن كنا بنغني أمريكا دنا عذابها دي ساي..
وأنت يا الكاروي تصلي الجمعة الجاية في ضاحية كافوري..
اقصد ضاحية روما.. في الفاتيكان ...
مش نحن زمان قلنا بنرفع فيها الاذان..
وكدي يا ابوالعفين شوف لينا لو في دويلة عدوة تاني
كلمهم كووولهم..
الما معانا ضدنا..
وبكرة بنحول العاصمة دي لي تل ابيب..
عشان نسهل مهمة التسليم لي عيسى
وطالما وصلت عيسى يا سوما
نمشى صلي الجمعة أحسن
فتك وضيوفك بعافية
مودتي |
حبابك عزيز العزيز حبابك يابا
ياخوي اضحك الدنيا دي زايلة
وهم الغربة ووجع البلد عامل لينا ورم فشفاش
عشان كده خلينا النتفش في نوعية الهبل ديل
والله ضحكتني قلت لي بترسوا البحر المالح ؟ لوووووووووووووولز
انت قايلة صعبة على اب رسوة ؟؟؟
هيع وتاني هيع وكع كمان
يردموه زيو زي خور اب عنجة
انت قايل الردم ده هين عليهم ...؟؟؟
ويمشوا يوصقروا لي بنو إسرائيل في نص تل ابيب
ويجيبوا نتنياهو من اضانو ويعفصوهو بي مركوب البشير
واي يهودي يطلع جبلوا
وهنيئا لي اخوانا الفلسطينيين
والحاجة دي طبعا بتجيبلنا الحسادة من جيرانا
لكن برضو بجو يتحاموا فينا
تسلم يا عزيز على النص الجميل وظريف
والله ضحكتني بالحيل
اضحك الله سنك ياخ
ودعتك الله يابا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: سوما كيفنك؟؟؟
كتلتينا بالضحك يا اخي.
اتاريك ماك هينه وولا لينه(ههههههه)
يمين الله مهجومين هجمه عدوك قال لك يا سوما.
والبشير قرب يكفتهم من طرف
والعجب قال لك لما يقولوا لهم الاعلام عايزكم تنضموا
الناس تتضارى لوراء وتدفر في بعضها البعض
منو البطلع للاعلام ويقول شنو؟؟؟
غياتو حاله آخير منها زرة ال###### في الطاحونه. |
اهلين يا تراجي كيفك إن شاء الله طيبة
والله يا تراجي شر البلية ما يضحك فعلا
انتي قايلة ما بكون لفخهم بي نعيلاتو ديل على قول حبوبة ؟
وحاتك المركوب البتشمر ويحلف ويقول اعفص بيهو فلان وفلان تحت مركوبي
بكون في البداية لفح بيهو ناسو ديل عينة عبد الرحيم والربوب المعاه
لكن بعد ده كلو ما جايب اي فايدة
شوفي الحال في حالو
لوووووووووولز قلتي لي بتضايروا من ناس الإعلام ؟؟؟
قول ليهم التسوي بي إيدك بغلب اجاويدك
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: تم رصد هذا البوست و تم عمل قائمة بها صاحبة البوست و كل المتداخلين معها
و سيتم إجراء اللازم. |
لوووووووووووووولز ابو حسين خلاص الأصبع نشف
نويت علينا بتدور تخمنا كلنااا وترصدنا؟
ما تنسا في البوست ده في إتنين بقبلن عليك
خسوووووووسا إنه عندنا موساد في عقر دارك
يعني الأصبع التاني في شأن الله والرسول
لوووووووولز إن كيدهن عظيم
سامية الليلة غداء الجمعة خليهو خيارة وبصلة بس
قولي ليهو الرجيم بقى رجم نواشف ساااااااي
والبادي اظلم لوووووووولز
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: يا سومه نحن محنطين في توابيت من زمن النحاس والدرقه والسيف
والاسد النتر والفارس البقود تسعين
ولو نترت فينا توم هوك تخلي الارض بلقعا
الناس بتتقدم بعلمها وتقنيتها نحن قاعدين للجخ .
عندنا مشكله تفكير يستصحب الحقائق الماديه .
نعيش في عالم من نسج خيالنا . |
سلام الحبيبة دوما
والله صدقتي
والمشكلة الكبيرة يا خية إنه العالم المن خيالنا العايشين فيهو بكامل قوانا العقلية
الشيء المحير مقتنعين بيه مية المية
كللللللل المشاكل والأخطاء الفادحة والفاضحة البتحصل للبلد ما بتعظوا منها ولا بشوفوا عوجة رقبتهم
إن لله في خلقه شئون
الله هونيني
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote:
بالله يا سوما بمناسبة الضرب المباح لأرض السودان من قبل إسرائيل أتحفينا بقصيدة ( صاروخية علي الطاير )
كدا لوووووووولز . عصماء دي خليها الأيامات دي . كل ماهو طائر وصاروخي ح يكون قوي لووووووووولز
وأهديك لحني الجديد ( بكره البشير ) مع كامل الإعتزار لشعبولة عبد الرحيم
أنا بكره البشير والأربعين حرامي
ننضرب من إسرائيل وما حدش قلبو حامي
وهييييييييييييييي
يطلَق نساوينو الإتنين وح ننضرب كمان
دي البلد بقت فوضي ومافيش أمان
وهييييييييييييييي
بكره البشير حتي لو تلب في تل أبيب
دا أمر مستحيل ... أيوه وكمان صعيب
وهيييييييييييي
( ههههههههههههههههه )
|
لا لا ده انتي بقيتي خطيـــــــــــــترة يا بنية لوووووووووووولز
معقولة بس المواهب المدفونة دي ونحن نايمين ما مكتشفنها ؟؟
لا لا لازم بخور اول حاجة
ولازم ناس رابطة مشجعي الهلال يشوفوا صرفة ورشوة مدغمسة ومدمسة لي ناس المريح
ونقلعك منهم الضحى اوالعين تشوف
كنز من دهب ما بنفرط فيهو
دايرنك تألفينا لينا اغاني حماسية للثورة لووولز
اما القصيدة الغنائية المعبرة دي
حاشا وكلا ما بنديها لي شعبولا
دي لازمها فنان محنك وملحن بارع
الموضوع ده داير دراسة وتفاكر
وللوقت داك اعملي لينا حساب على رويحتك الحلوة دي
ونحن ما بنفرط فيك تب
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: حرررررم دى
حقت عوين
ولا حقت رجال ؟؟
________________
آفوووووووو
يا بنية هوى
ألعبى طرف
الرجالة شرادة ووراده
النساوين ما بتقول حرررم
كنا حاريين منك الزغرودة يا بت الجنيد
على الحرام تزغردى
ندخلها وصقيرها حايم
زغردى ..زغردى يا بت الجنيد
مع تحياتى وعاصف التواريخ
والزمكانيات القديمة!!!
قور بتاع سلمى الشيخ
يعنى قور سلمى هركات راندوك بالشكل دا |
اوووووووووه ود عمي قور
زارتنا البركة ,,, زارتنا البركة وحات الله
نزغرت لي جيتك دي في الأول
ونزغرت لي حليفتك الما بتنكسر يا يابا
زغروتة تشق الفيافي وتجيب المافي وتصحي الغافي
ايويويويويويووييييييييييييييييييييييييييييييييي اها شنو ليك ,,,,
دحن يا عشانا جايينا طابق السمح من زمن الرندوك
سلمي واخوي ابو القاسم
قاسم مشترك للحنان والحنين والمحنة
ينصر دينك ياخ
حرم حقتكم مافي شك ضمة
علا بت عمك بتحاكي في ناس الحيكومة العاملين تفتيحة وبنخلعوا من ضربة الصفيحة
ولما تزرزرهم سلاحهم حرم وطلق ونعفصها وندردقها تحت البحر وننط في الرقبة نقصقصها زي العونكيليبة
ولما تجي ساعة الحارة يجفلوا زي الحمـــــــــــــــــارة الله يكرمك
و يبقوا هم البرجفوا زي قصب سكر الجنيد في وقت الحصاد
مع أحترامي وإعتذاري لي قصب سكر بلدي وطعمه الحالي
اخوي ابو القاسم عمي قور
وحات الله جيتك تستاهل ضبيحة تور
شكرا أردب محنة
ودعتك الله يابا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
بنت الفراس
أسماء
"بت عمك بتحاكي في ناس الحيكومة العاملين تفتيحة وبنخلعوا من ضربة الصفيحة"
باقى الكمبيوتر أحياناً بسوى جنس صحرمه رفض يعمل اقتباس دُت
لى زمن ماضحكت مثل الضضحكة دى
انت الكلام دا بتجيبى من وين
هسى أنا رسلت لأهلك البقارة
ألف فارس ضكر راكب جواد ضكر
عشان نشرب بحر ازرائيل
ونخلى بلابط البحر الأبيض بررررررا
هيييييييعععععع زغردى ...
هذا فتح .......
غنائم.......غنائم !!!
(صدقينى بوست يستحق المتابعة ...يجمع بين النكته والنقد السياسى الساخر ، والأدب السودانى)
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
عزيزتي الاستاذة/ سومـــــــــا
حياك الله
الليلة بقدر ما ضحكت وقعدت في البوست ده قبل الصلاة..
لكن بعد انتهاء الصلاة مباشرة...
وبعد السؤال الناري الما قدرت ارد عليه..
ومن قبلي الناس الفوق ديل غلبهم يجاوبوه!!
سؤال مسّخ لي فرحة الجمعة وبداية الويك اند!!
(كيف طيارة معادية تقتحم أجواء البلد وتنفذ عملية دون أن تواجه بدفاعات وصد؟!!!)
السؤال أكيد اليوم في راس أي سوداني قبل الاجنبي!!
اتمحنت.. صقعت.. دنقرت.. وما عرفت كيف أخارج نفسي!!
بس يا سوما.. المحيرني كيف يرد وزير الدفاع؟ كيف يرد البشير؟
ما عايزين النفخ بعد الفاس وقع في الراس..
عايز نعرف كيف وقع؟
وليش وقع؟
فمن حق أي مواطن سوداني يعرف الرد
ما تجو تقولوا لينا سد
سدة نية
ورمّة مرمية
ناس الصحة العامة علمونا من الابتدائي " الوقاية خير من العلاج"
هسي لو كان وضعوا تمرجية هناك
كان طعموا لينا الجو
لا طيارة ولا كتاحة حتى!!
طيب بعد الفاس وقع في الراس
قالوا الرد المناسب..
اوكامبو وردوا عليه بالسد!!
غطسوا حجروا في بحيرة السد
ياربي المشير بيكون مشغول بتفصيل بدلة الرد!!
ايوة.. مش فيها عرضة وهز!!
والمرة دي كمان بالبطان!!
والرهيفة تنقد!!
تحياتي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Abdlaziz Eisa)
|
Quote: العزيزة اسماء الجنيد الف والف تحية
ذي ما ذكرتي دا الحصل بالضبط لي حيكومتنا
ودا يا هو تناولهم لقضايا بلدنا
وطريقة ادارة امور البلد - جعجعة في الفاضي - وحرامات وطلاقات .
------------------
اريتك طيبة والعيال |
محمد عثمان يا اهلنا الحنان
مشتاقين والله
حبابك وحباب احبابك , سلامي ليهم كتير الحنان
ربي يحفظكم إن شاء الله وجمعتكم مباركة
طريقة إدارة البلد كواريك وهوراط وجعجعة فارغة على قولك
الجعجعة الكبيرة الطبالين عصبجية الإنقاذ
كان ضرات مطرفة زي بتجي في صناقيرهم هم عوجة مافي تب
خليهم يتهنوا بي عذاباتهم البقسموها بالمجان على المطحونين من الشعب الغلبان
لكن المغيسة تقع في الغلابة الما عندهم ذنب غير إنه تحكمهم الإنقاذ كم ونيف سنة
الله هونيني ,,,,,,,
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: ههههههههههه ....
تحياتي سوما فقد لخصتي الحال تماما كما يحدث كل يوم مع الهُبل ديل....
يا ريت المرة الجاية يجيهم صاروخ في معاقلهم ليرتاح الوطن منهم
ياااا رب.. |
حباب اديبنا الأريب
حبابك يابا وحلات الحلوين في بروفايلك ما شاء الله ودقر العين ربنا يحفظهم إن شاء الله
يسمع منك ومن الغلابة الله إن شاء الله والصاروخ الجاي يجيهم هم في دقانيسهم الفارغة دي
ويبعدو من الشعب الغلبان ومن اسرهم الما عندها ذنب و اهلهم ايضا
نحن لا نشمت ولا نتمنى الشينة لي اهلنا ولا لي اسرهم رغم وجع عمائلهم وشناتها
لكن لا اسرهم ولا اهلهم عندهم ذنب
عشان كده دعيت عليهم كان صاروخ كان هجيمة تجيهم في مكاتبهم محل السفسفة وسرقة مال لشعب المظلوم
| |
|
|
|
|
|
|
|
|
|
Re: **** حررررررم نتلب في تل أبيب **** (Re: محمد حسن العمدة)
|
| Quote: يا بت ابوي ما بالغتي مع الرئيس |
حباب ود ابوي الحنين
يعلم الله الشوق نيلين
النبي في ظمتك دي بالغت انا مع الريس ولا بالغ هو مع الغلابة
اريتو يا يابا بي خبتة الدبابة التسويهو خرابة وتلحقوا الضهابة
قول آمين انا خيتك واليوم جمعة
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: الايامات دى بكون وصى عبدالرحيم يجهز ليهم الملاجىء لزوم الاختفاء ...
أكيد الضربة الجاية قاصدة الخرتوم!!!!!!!!!!
كيف حالك يابت امى
تحياتى |
مهيرة حبابك يمة يا حبيبة الضلمة
عليك الله عبد الرحيم ده دحين ان ادوه قفة الخضار ما بجيهم صادي فاضي ؟؟
عبد الرحيم شنو البوصوه يشوف الملاجيء والمخابي
ده شغل داير ناس تفتيحة بتعرف الجخاخين
ده ان انتكلوا عليهو والله علا يسكنهم المقابر الضحى ونصة نهار كمان
هي كان قصدت الخرتوم وقصدتهم هم في مكان لهفيهم ولهطيهم دي ما بتبقى سمحة يا خية
لكن الخوف تقع في المساكين وداقشين لي رزقهم
الله هونيني ,,,,,,
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: بت الجنيد
يعنى بقيتى شيخ تُلب
تتذكرى قصيدة شيخ تُلب للقدال غناء مصطفانا:
ياشيخ تُلب
أنزل كُبو كُب
ورمى الحُترب
في الميضنا |
يا ود الأمير حبابك وليك السلام كتير
كيفن ما بتذكر قصيدة القدال الكلامو سترة حال وفرحة اجيال
الله يديهو العافية
ويرحم مصطفانا الفات خلانا للوجع برانا
شكرا يا امير
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: طيب با بت الجنيد
اليسار شابكنا تسقط تسقط الأمبريالية
Down down USA
ما شفناكم تلبتوا في واشنطن؟؟
بعدين الشعارات دي وين راحت بقيت تصفقوا لأسرائيل؟؟؟
وين ارحت شعارات تسقط قوى الهيمنة والصلف
وين النضال الأممي ضد الرأسمالية والعملاء والشركات عابرة القارات؟؟؟ |
بركات ود عمي الشريف حبابك يا خوي اريتك طيب
عليك الله كدي بي رواقة وهداوة بال
قولي هنا في كلام خيتك الغبشة الكتبتوا فوق ده كلو ولا حتى المتداخلين من اخوانك وخياتك
وريني النبي فيك منو الفينا كلناااااا صفق لي إسرائيل ؟؟؟؟
ولا جبنا طاريها هنا ولا طريناها بي خير ولا فرحة ولا شمتنا في الحاصل
نحن موجوعين بالحيل يا يابا
وشمتانين في حكومة السجم ومن حقنا نشمت لا باكر وبعد باكر
حكومة ما قادرة تحمي روحها من طيارة واحدة تتوقع الناس تقيف ليها طابور وتصفق ليها ؟؟
اكيد المواطن الشريف يديها على صنقورها حتى لو كان منهم وفيهم
لأنه هنا الحاجة جات في اللحم الحي
ودعتك الله يا خوي وشكرا على المرور تسلم كتير
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: بنت الفراس
أسماء
"بت عمك بتحاكي في ناس الحيكومة العاملين تفتيحة وبنخلعوا من ضربة الصفيحة"
باقى الكمبيوتر أحياناً بسوى جنس صحرمه رفض يعمل اقتباس دُت
لى زمن ماضحكت مثل الضضحكة دى
انت الكلام دا بتجيبى من وين
هسى أنا رسلت لأهلك البقارة
ألف فارس ضكر راكب جواد ضكر
عشان نشرب بحر ازرائيل
ونخلى بلابط البحر الأبيض بررررررا
هيييييييعععععع زغردى ...
هذا فتح .......
غنائم.......غنائم !!!
(صدقينى بوست يستحق المتابعة ...يجمع بين النكته والنقد السياسى الساخر ، والأدب السودانى) |
حباب ود عمي قور سيد الناس وود الناس أهلي البضربوا نحاس
البركة في الضحكة ياخوي والبركة في اللمة والونسة ,,
اما يا خوي تعال النحدثك
اهلي البقارة ما برضوا الحقارة ولا بخافوا من الطيارة ولا بتخلعهم العمارة هيـــــــع
ديل برا فرسان بخوضوا النار وبشيلوا التار هيــع ابشر ات وبزغرت انا
انا خيتك آآآآ بو القاسم ,,,
عارف الجماعة ديل انا هسة متخيلاهم زي مسرح كوميدي رغم الوجع
مكتب الرئيس عامل زي سوق العيش
كواريك شديدة وغلاطات وطلاقات زي شوالات العيش , ردم صاح ,,
وهو قاعد حلقوا انقرش من الجوعارة
يمرق واحد ويدخل واحد يتجغموا في الشواهي والعصائر والقهاوي
ومدور وسطهم الأكل . ما هم بطينين ونفسهم صغيرة وجنهم رمرمة وقلبهم ميت
اها يكوضمو ويلغلغلوا في الفاضي وكل واحد يرميلوا دليبة اكبر من التاني ,,
واقل كركبة يعضوا جلاليبهم ويا فكييييييك , جكتهم طبعا بتكون تحفة ,, الأشكال كروكية ناس تنابلة السلطان
هسة كان قالولهم اجروا ما يقدروا ,, متندلين كروشهم وجضومهم ,,
والله حايكون فلم تحفة هيلاهوب ما يحصلوهم ,,
بس يتعمل فيهم مقلب دولي مثلا يجيبوا زول بشبه اوكامبوا
و يفكوا في حوش القصر ويجي التاني يلبد تحت حيطة يطرقعلوا صفيحة بي حديدة زي المسحراتي الزمان
ويخليهم يتخوججوا بي جوة
امانة ما تحصل فضائح
على شرط تكون في كاميرات خفية ,, لووووووووووولز
قلت لي ضحكتك الصفيحة ..انت يا ابو القاسم اخوي قايلني آآ بعرف الصفيحة ؟؟ ات قايلني جاية من الأسكيمو ولا كزابلانكا ؟؟؟ لووولز
خيتك غبيشة من بطن اهلك الغبش ناس جدك الجنيد بيوتنا مبارية البحر وسط الجروف
هبوبنا بااااااردة وقلوبنا صاااااافية نحمد سيدنا وهدمنا ملان ريحة حبوباتك الحنينات الدمعتهن في طرف شلخهن
انا كنت دايرة اكتبلك قيروانة لكن قلت ود قور ده شكلو طول من اهلي البقارة بالحيل
وسكن وسط الخواجات , بكون نسا القيروانة والجبخانة والشفخانة لوووووووووووووووووولز
يا حليك ياخ ونستني يعلم الله ,, النبي تجيني صاد بي مهلة
ودعتك الله ود امي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote:
عزيزتي الاستاذة/ سومـــــــــا
حياك الله
الليلة بقدر ما ضحكت وقعدت في البوست ده قبل الصلاة..
لكن بعد انتهاء الصلاة مباشرة...
وبعد السؤال الناري الما قدرت ارد عليه..
ومن قبلي الناس الفوق ديل غلبهم يجاوبوه!!
سؤال مسّخ لي فرحة الجمعة وبداية الويك اند!!
(كيف طيارة معادية تقتحم أجواء البلد وتنفذ عملية دون أن تواجه بدفاعات وصد؟!!!)
السؤال أكيد اليوم في راس أي سوداني قبل الاجنبي!!
اتمحنت.. صقعت.. دنقرت.. وما عرفت كيف أخارج نفسي!!
بس يا سوما.. المحيرني كيف يرد وزير الدفاع؟ كيف يرد البشير؟
ما عايزين النفخ بعد الفاس وقع في الراس..
عايز نعرف كيف وقع؟
وليش وقع؟
فمن حق أي مواطن سوداني يعرف الرد
ما تجو تقولوا لينا سد
سدة نية
ورمّة مرمية
ناس الصحة العامة علمونا من الابتدائي " الوقاية خير من العلاج"
هسي لو كان وضعوا تمرجية هناك
كان طعموا لينا الجو
لا طيارة ولا كتاحة حتى!!
طيب بعد الفاس وقع في الراس
قالوا الرد المناسب..
اوكامبو وردوا عليه بالسد!!
غطسوا حجروا في بحيرة السد
ياربي المشير بيكون مشغول بتفصيل بدلة الرد!!
ايوة.. مش فيها عرضة وهز!!
والمرة دي كمان بالبطان!!
والرهيفة تنقد!!
تحياتي
|
عزيز العزيز حبابك يا الدخري
ما عاش البزعلك آآ يابا
كلنا موجوعين يعلم الله وواجعانا الحقارة وبلدنا الهاملة بلا حامي ولا سند
قاعدة ساااااااي في سهلة الله والرسول هملة صاح
الغاشي والماشي يتفسح بي مزاجو
هم الخربوهو ما شوية
كمان جابتلها تطاول ودايرين يجيبوا الهوا لي اهلنا الغلابة
الله لا كسبهم
لكن عليك الله بعد كتابتك الطاعمة دي ما تزعل روحك ولاك مجبور تجاوب
تختها في الحكومة طوالي وتتخارج ده ياهو الحاصل
حكومة تغاينة سارقة مال الشعب وما عارفة تحمي بلدها
يردوا يقولوا شنو ؟ كان البشير كان التليفة الوزير !!!!
ده تلتخ بيهو ده
هم كان قلبهم حار والجمرة حارقاهم في حشاهم
كان في ليلو داك اتشمر إن شاء الله بالكضب
وطلع زي يوم طلعتوا ديك وقال اوكامبو تحت كدري
كدرك بي البتر شاحدة ليك الله ورسول مكة
كان يقيف برة ويهورط هوارطوا البسوي فيهو كل مرة ده
على الأقل كان الإعلام حسبها في صالحو واول شيء يكشح التليفة الوزير ده برررررة
عشان يوري الناس إنه عنده حسن النية وبعرف يوزن الإمور مرة في حياته
لكن تقول شنو يا ود امي!!! الله غالب
و الفهم قسم
ونحن نحمد سيدنا بلدنا الله بلاهو بي زولا مخو عضيرة الله يجيرك
يحلنا منهم الله من فوق
تسلم يا عزيز وجمعتك مباركة وما عاش البمسخ لحظة من عمرك
انت بي مية منهم والزيك كتار من اولادنا البسدو عين الشمس
ربي يرد غربتنا ويخليكم سند للبلد
ودعتك الله يابا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: سوما غشيناك بهناك
والله يا اسماء يا اختي البلد كلها موجعة وتئن لكن الزول المفرجخ فيها بالقوة زي ديك العدة دا مشكلة كبيرة
كان هشيتو كسرا وكان خليتو كسرا وبكرة كانوا مافي شي حصل تلقيهو يرقص ويعرض ويتجوعر ويجعجع حسبنا الله ونعم الوكيل حاكمانا في شنو وعشان شنو حيكومة ما خابرالنا شي
|
ود عمي العمدة حبابك يابا
تغشاك يا يابا العافية وتسكن الصافية
كان ناس اللسد النتر خلولنا في البلد فريقة لووووووووولز
شفتك يا عشانا وقريت مداخلتك الصباح
صدقت والله يا قريبي
زولنا ده ما هامهيو ايتها حاجة
هستعية على قول حبوبتي كانوا جابولو دلوكة وحات الله علا تلقاهو يصوقر ويتخوجج زي سعن الموية في لواري القضارف
مدلدل كريشتو ويتخوجج سااااااااااي
وكمان حكمتو بالغة آآآ بخجل ضمة
بديها مرة مرة كده تبة وعرضة لاآآآ فوق ويجي خبتك خابت الدلجة لامن يوم يتوكلو زول
زولا نصيح ساي يقعدوا في مواعينو ويعدلوا راسو مافي
نصيحة ساي لله في الله من رفاقتو الغتيتين ديل , فيها شنو كان قالولو وقف التلافة البتسوي فيها دي
ود العمدة تغشاك السعادة وتعشعش في بيتك يا بوي
قول آمين
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: وريني النبي فيك منو الفينا كلناااااا صفق لي إسرائيل ؟؟؟؟
ولا جبنا طاريها هنا ولا طريناها بي خير ولا فرحة ولا شمتنا في الحاصل
نحن موجوعين بالحيل يا يابا
وشمتانين في حكومة السجم ومن حقنا نشمت لا باكر وبعد باكر |
ولكن اليس من الأفضل إدانة الأعتداء اولا والترحم على ارواح الموتى وهم سودانيون ثم بعد ذلك لك ان تشمتي في الحكومة كما تشائي !!!!
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Barakat Alsharif)
|
Quote:
ولكن اليس من الأفضل إدانة الأعتداء اولا والترحم على ارواح الموتى وهم سودانيون ثم بعد ذلك لك ان تشمتي في الحكومة كما تشائي !!!! |
يا ود الشريف سلام تاني رغم انك لا بتسلم لا بترد السلام في مداخلاتك الأتنين ,و بي راحتك طبعا ,,,,
لكن اقول ليك امشي شوف كم بوست اتفتح من اول يوم للضربة
اول شيء سودانيين دي ما اعترفتوا بيها نهائي , قلتوا فلسطيني وإيراني , ثم مقولة اخرى الجثث متفحمة يعني ما معروفة لي منو زاتو !!!
غير كدة الموت واحد والبشر بشر
وانا اترحمت عليهم في عدة مداخلات بدون ما تجي انت تقول لي ولا غيرك ينبهني ..
الحمد لله بعرف الواجب
إدانة ادنت لأنه ده واجب ايضا وده ما يمليه علي ضميري
برضو لا انت لا غيرك ما بوريني وطنيتي
إنتو سويتوا شنو ؟
الضربة دي مع حكومتكم العاجباكم دي
سويتوا شنو لي إسرائيل ’’ لا سمعنا إدانة لا شجب لا وعيد البشير المتعود عليهو ده إن شاء الله بالكضب
ولي هسة الوزير ووزارة الدفاع سبب الثغرات والفجوة القاتلة دي , لي هسة ما سمعنا عملوا خطوة إيجابية تشرف البلد
بالعكس سكاتهم ده خجل اي سوداني غيور ,,,,
اما حكاية اننا نشمت
نشمت وبي مزاااااااااااااج عالي كمان
ده السلاح القوي البقطع القلب وبزعل وده المقصود
سلاح النقد الساخر ده سلاح قاتل انا عارفاه
والشماتة دي اصلك لا توصيني عليها ولا توصي الناس الكتاااااار دي المكويين بي نار الإنقاذ
والميت ما بوصوه على البكاء
برضو انت ما وريتني صفقنا لي إسرائيل وين ؟؟؟
على الأقل ومن ادب الحوار
طالما اكتشفت انه كلامك الأول ما صاح
الإعتذار فضيلة ومن ادب الحوار
اعترف إنه مافي زول صفق ليها زي مانت اتهمتنا في مداخلتك السابقة
وتاني تعال وزع نصايحك
نقبلها منك بي صدر رحب وفي اي وقت
شكرا للمرور
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
خلاس .. غلبك العفيريت قبلتي علي تل أبيت ?!
" زي الزول البدق البنقز انطط بين الآتنين الصغار
سااااي ومرة مرة ادي الكبيرة خبتة"
الفريق ود الجـنيد مفروض يصـدر أوامـر فورية ب :
منعه مـن شـراب الميرندا و ترحـيله من آيرلندا
إلحاقـه بمعـهـد شـروني فـور وصـوله الخـرطـوم
عجـيييب الولـد ده !
والله صـحـي !!
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Abd Alla Elhabib)
|
Quote: خلاس .. غلبك العفيريت قبلتي علي تل أبيت ?!
" زي الزول البدق البنقز انطط بين الآتنين الصغار
سااااي ومرة مرة ادي الكبيرة خبتة"
الفريق ود الجـنيد مفروض يصـدر أوامـر فورية ب :
منعه مـن شـراب الميرندا و ترحـيله من آيرلندا
إلحاقـه بمعـهـد شـروني فـور وصـوله الخـرطـوم
عجـيييب الولـد ده !
والله صـحـي !! |
لووووووووووووولز عبد الله
شفت صاحبك بقى خطير كيف ؟؟
انت ما متذكره من زماااااان في محنو دي
مره زمان في البال تولك كان معانا الكتيابي الله يطراه بالخير
اتونسنا كتير من ايام احلا عنيدة الناس الجميلة دي فقدناهم
اها جاني تلفون استأذنت منهم وانا لسه معاهم في الروم وخليت الكمبيوتر مفتوح ونزلت تحت
جاء بي واري شال المايك طوالي وفاكاها ليك في الروم
قال ليهم احكي ليكم نكات ؟؟ طبعا الجماعة يعجبوك
وقعد في الكرسي وخلف كراع في كراع يحكي ويضحك
والجماعة ميتين والتكست ماشي تعليقات وكواريك
لما جيت ولا اشتغل بي الشغلة
قلت ليه ده شنو يا واد
قال لي حكيت ليهم قصص ضحكوا كلهم
بعدما رجعت الجماعة قالوا لي دايرين مؤيد بس لووووولز
قال ليك شعبية ألف
امشي شوف صفحته في الفيس بوك
اصحابه كلهم ناس آسيا ربيع ومصطفي السني وعمر إحساس وناس كبار وطالع زول فن
بقى عاشق الجيتار
قول ما شاء الله بس
سلامي للجماعة كلهم بالله
| |
|
|
|
|
|
|
|
|
|
Re: **** حررررررم نتلب في تل أبيب **** (Re: ihsan fagiri)
|
Quote: والله يا اسماء رسمتيهم صاح
بس انا خايفه بعد ما يتاكد الشمار
يشيل العصايه وينقز |
لووووووووووووووووولز يا دكتورة
مباااااااااااااالغة تعليقك ده
كتلتيني بالضحك ياخ
ان صحي نقز بعد الشمار ده
ناسو يشيلوه يكبوه في الزريبة طواااااااالي
ويكربوه
بتكون فكت يا بت امي
فكت منو جد جد
والله صحي
اللهم يا مثبت العقول
| |
|
|
|
|
|
|
|
|
|
Re: **** حررررررم نتلب في تل أبيب **** (Re: معاوية المدير)
|
عزيزتي الاخت/ سومــا
حياك الله
بالامس فتحنا ملف الاعتداءات على الوطن لنضيف حادثة جديدة..
ومن تحت الآرفف..
هنالك ملف حميل وبغلاف لامع مكتوب عليه:
الرد الشافي على كل عدوان آتي
أول ما نفتح الغلاف هنالك موسيقى وايقاع حماسي..
تزداد تدريجيا حتى تهتز معها اليد..
وتتسرب الايقاعات لباقي الجسد
ويمتلئ المكان ضجيجا
وتشق كلمات الأسد النتر السماء
كأنها صواريخ استنجر
وتلوح عصاة المك تعانق السماء
وتلهب فضاءنا المحروس من اسرائيل والمجوس
وتبرز جضوم المك
ونورها يضوي زي برّاق شلع
وفيها تحدي لتوم هوك الجد الجد مافيش دلع..
هسي تاني جانا الشد
وعايزين الرد..
كدي خلي فكر الراس
وافتح الكراس
نحن عندنا ماضي وعندنا ساس
شوف اوكامبو وين انداس
يطلع هتاف:
الرد الرد.. الرد بالسد
المرة دي اسرئيل
ونحنا عليها ما بلحيل..
ووزيرنا كضم
وسوما قالت حرّم
ياها الورطة عديل
انقاذ السجم والغم
مودتي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Amira Elsheikh)
|
Quote: لووووووووووووولز يا بِت اعمي،
هي امريكيا روسيا قد دنى عذابها.
إسرائيل السجمانة الماعندها طعم كمان شنو؟؟؟!!!
طلآق طلآقين، وباكر القريبة دي تلقي الجماعة
متلبين فيها. بخت الفلسطنيين.
والله صحي... |
لوووووووووووولز ود عمي المدير
كيفنك آآ يابا
والله يا ود المدير شيء يحير عديل البحصل في البلد ده
والسودان بي تاريخه العريض ده كلو
ومن زمن لا تكنلوجيا لا اسلحة نارية
قدر قدرة اهلنا الزمان وبالسلاح الأبيض كمان
قدروا بي فكرهم وتدبيرهم وتخطيطهم
قدروا دحروا العدو الإنجليزي وحرروا البلد ووحدوها تحت راية السلام والحرية
يجونا ديل مفرشخين 22 سنة نهبوا واكلوا وسرقوا وصاطوا البلد بي عود لعوت
وبعد ده قسمونا وشردونا والباقي من اهلنا الفضل جابوا ليهم الجلاء
مشاكل مع إسرائيل وصفقات اسلحة وخيانة وصواطة
ووقت الحارة يلبدوا هم زي السحالي في الجحور
والله صحي
ويخلوها تقع في رأس السوداني البسيط رجل الشارع العادي
تقع فيهم صاقعة تدشش عضامهم بركة ال لا نام لا اكل الطعام
قول آمين يابا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
بوست إنصرافي
يثبط من عزيمة جيسنا الباسل
ويقدح في مقدرته على الرد
على العدوان الغاشم
وهو للعلم لمن لا يرعووووووون
يمتاز بمضادات فاتكة
قوامها
هز العصا
والضرب بيد من .... (تموها براكم)
لكل من تسول له نفسه الأمارة بالتعدي على أي شبر أو إحساس متبقي منه
ونصرح أيضاً لمن لا يرعووووووووووون (سمحة يرعووون دي يا اخي عا########ي)
سيقوم جيسنا الباسل
بدك تل أبيب طوبة طوبة
وزنقة زنقة
وتارة تارة (دي شني كمان إلا نرجع للرفيق القذافي)
.
.
.
الخ الخ الخ
وفيما يبدو
أن الزولة الماكن إحساسا هذه
قد تم أثناء فترة اختبار محبتنا لها
هبش سلك كان مطمور في زوايا جنونها
قام اشتغل
فجاء بهذا البوست الإنصرافي
وأخذها قليلاً بعيداً عن الشعر
والذي هو سلوكه ما تزال متصلة حسب إفادات مصدر موسوق
وكاملة الدسم أيضاً
سمح الجن
كعبة البشتنة
أقول قولي هذا
واستغفر الله لي ولكم
ـــ
ما قادر أسوي الصور البتضحك والبتبكي وكدا لذا لزم التنبيه
| |
|
|
|
|
|
|
|
|
 Re: **** حررررررم نتلب في تل أبيب **** (Re: بله محمد الفاضل)
|
Quote: عزيزتي الاخت/ سومــا
حياك الله
بالامس فتحنا ملف الاعتداءات على الوطن لنضيف حادثة جديدة..
ومن تحت الآرفف..
هنالك ملف حميل وبغلاف لامع مكتوب عليه:
الرد الشافي على كل عدوان آتي
أول ما نفتح الغلاف هنالك موسيقى وايقاع حماسي..
تزداد تدريجيا حتى تهتز معها اليد..
وتتسرب الايقاعات لباقي الجسد
ويمتلئ المكان ضجيجا
وتشق كلمات الأسد النتر السماء
كأنها صواريخ استنجر
وتلوح عصاة المك تعانق السماء
وتلهب فضاءنا المحروس من اسرائيل والمجوس
وتبرز جضوم المك
ونورها يضوي زي برّاق شلع
وفيها تحدي لتوم هوك الجد الجد مافيش دلع..
هسي تاني جانا الشد
وعايزين الرد..
كدي خلي فكر الراس
وافتح الكراس
نحن عندنا ماضي وعندنا ساس
شوف اوكامبو وين انداس
يطلع هتاف:
الرد الرد.. الرد بالسد
المرة دي اسرئيل
ونحنا عليها ما بلحيل..
ووزيرنا كضم
وسوما قالت حرّم
ياها الورطة عديل
انقاذ السجم والغم
مودتي |
والله يا عزيز يا خوي اليومين ديل شدة ماني متكيفة لي كتاباتك الطاعمة دي لامن فرحانة بي هناك
يعني لازم تتلب فوق الحيطة حتى تكتشف فرحتي دي
طفحت فوق راس البيت زاتو
قلت لي شنو إسرائيل نحن عليها ما بالحيل ؟ متلب لا غادي منها لووووووووووووولز
لا دي قوية شديد
فت اب رسوة بي غادي يا جنا
يا حليلك والله
ياخ الضربة الحصلت دي مبالغة عدييييييل
مرقت مواهب كانت مكنوزة ومدفونة
ياخ مداخلتك دي وحات الله كيف جبنة وشاي
والله صحي
دبل عدييييييييييل
ده غير الشعر البقى جاينا منهمر زي المطر من سحابات اليابان
وانا اقول الزلزال الجاء نابل ده من وين ؟؟ تراه ده السيل البشد الحيل .. هيع يا ود عمي عيسى
عزيز العزيز كيفنك يابا
يعلم الله نضميك سمح بالحيل
تسلم ياخ اثريت البوست بحق وحقيقة
ربي يسعدك زي ما بتسعدنا يا جنا مننا وفينا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
وليد إزيك ياخ
كيفنك واريتك طيب
دي شنو السبعة تمانية العملتها لي ومرقت دي لوولز
ياخ عليك الله هسى كان سلمت علي الله بحاسبك ؟
مالك بقيت جافي كده ومكجني ؟؟
وسع قلبك وخليك ديموقراطي كما عهدتك دوما يا اخي
السياسة براها والأخوان براهم
ما تلخبط الكيمان
احترم فكرك وإتجاهك جدا , ارجو ايضا ان تحترم افكاري
وسيظل الود بيننا مهما اختلفنا
سلام لك والأسرة وكل العقاب
وشكرا لي السبعة تمانية
تنفع رسمة حنة تصدق ؟ لوووووووولز
شكرا للفكرة من دربي ده قايمة اسويها
اهو شوف جيتك برضو جات بي فايدة
تسلم ياخ
| |
|
|
|
|
|
|
|
|
|
Re: **** حررررررم نتلب في تل أبيب **** (Re: صبري طه)
|
Quote: بت الجنيد
الف تحية ليك وعتابك على العين والرأس
لكن لو راجعنا ردود معظم المتداخلين ستجدي انهم دخلوا في الموضوع (توش)
بدون تحية، لكن لننظر للجانب الأيجابي للموضوع ونقابل العتاب بالإعتذار، ولك العتبى حتى ترضي |
ود الشريف حبابك يا بوي ,, وحات الله ماني قاصدة اللومك الله عالم بي ,,
اعفا لي يا خوي ,, اما حكاية الناس جاية داخلة توش وحات الله ما عندي فرز في زول
امكن لاحظت ليك انت لأنه اول مره نتداخل مع بعض ,, خلاص كده درون لوولز حبايب يعني
Quote: واجب عليك ولا شكر عليه، ولو قلت لك وفعلتي أو نبهك غيري فلا تثريب فالدال على الخير كفاعله،
لا منقصة عليك ولا فضل لنا، وبما ان البورد متسع والبوستات تنخفض وترتفع مثل ق واديس الساقية،
فعدم اطلاعنا على ترحمك لا ينفي وجود الترحم وتوضيحك كاف، ولسنا الجهة التي تحاسبك،
ولكن كلنا مواطنون سودانيون نتفق في حي الوطن ونختلف في اسلوب الإدارة للوطن المحبوب.
لذا اتفق معك في قولك |
صدقت ,, بالحيل واجب وعداك العيب
ما تفهم ردي انه ما قبلانه التنبيه ,, حاشا والله ,,إمكن إسلوب المداخلة وردي ادى الرد بعد آخر
بيني وبينك ممكن كم مداخلة تمر بدون ان تلحظها .. لكن تنبيهي ليك لتأكيد حسن النية ,,
ولا انا ياخوي الجهة البتحاسبك انت ولا غيرك ,,
زي ما قلت كلنا للوطن وربنا يوحد كلمتنا ويرفع رآية الوطن عالية خفاقة
وينصر الجميع على القوم الظالمين ... وانا اتفق معك ايضا في قولك هذا ,,,
Quote:
شمتنا عليكم ثلاثة شهور واكثر حين فشلتم في اخراج الشعب للشارع وشمتنا على مظاهراتكم الهزيلة،
وجاءتكم هذه الفرصة على طبق من ذهب ومن حيث لا تحتسبون،
لذا لا مفر من استقبال شماتتكم بروح رياضية فالدهر كما يقول المثل يومان يوم لك ويوم عليك،
لكن هل يستقبل كتابكم الشماتة بروح رياضية ايضا؟؟
كلا..راجعي هذا البورد الربع الأول تحديدا وستري الكم الهائل من البوستات التي تطالب بمقاطعة (الكيزان)
|
ود الشريف اخوي في مثل بقول كل شاه معلقة من عرقوبها
انا هدي القدامك دي تخاطبني في عضمي ده
اختلف كل الإختلاف مع الأفكار ,, لكن تربطني علاقات مع عدة اشخاص افكارهم مختلفة
ولدي مداخلات عدة مع كيزان إخوة واخوات اعزاء ,, وحتى في البوست ده شوف ردي لي وليد
انا معاك في ناس منكم اساليبهم انتو نفسكم متأكده انكم متبرين منها
محسوبين عليكم زيادة عدد
وايضا في معارضة شترة للغاية ويشهد الله انا خيتك القدامك دي بتقزز من كلامهم وما بدخل ليهم اي بوست
بعتبرهم مهرجلين ليس إلا ,,, ايضا ناسكم المشاترين في كلامهم ايضا لا اتداخل معهم ابدا
اللهم إلا قليل جدا , حين يجب التداخل فعلا , وهذا يندر جدا
لكن بيننا هنا في البورد اناس احترمهم واتداخل معهم رغم إختلاف افكارنا
فلا تجمع الناس تحت سقف واحد
عامل كل شخص حسب فكره وعقله وتفكيره ,,
اما الشماتة لو ما استقبلناها بروح رياضية يبقى اصلا مافي داعي للحوار يابا
بعيد عن الإساءة والتهريج يجب ان نتفهم ثغرات المعارضة والإنقاذ
وكلنا الوطن ,,, لي الليلة وباكر ضد الإنقاذ لكن بإسلوبي الذي عرفت به وإحترام الجميع
لا يعني انني سخرت من الإنقاذ انني سخرت من ود الشريف في عضمو مثلا ,, حاشا وكلا
حاتفضل اخ احترمك واقدرك مهما انتميت لهم , ودي قناعة راجعة ليك ,,
لكن رأي فيهم لن يتزلزل ولن يترجل ودي قناعة راجعة لي والود محفوظ,,
Quote:
(صفقتوا) هي لجميع اطياف المعارضة
تراجي مثلا ..كتبت (Thank you Israel)
ثم خذي هذه العينات:
خذي هذه العينات:
ونبدأ اولا باسماء شخصيا: |
ود الشريف اخوي كونك تجيب لي بوستات ناس تانية وتحاسبني بيها , هنا مافي اي عدالة
الشيء التاني شوف كان انا ايدت البوستات دي ولا الأفكار مثلا ,,
لكن لا هذا ولا ذاك ولا تلك ,,,
غير كده حتى مداخلات الناس الفي البوست ده برضو على مسؤلية صاحبها
اما مداخلتي اعلاه ,, عليك الله راجعها تاني بي رواقة
وانا قلت ليك شمتانة وماني ناكرة شمتانة في ناس البشير وزمرته
مش في الكيزان من شعب الله الواحد ,, في نظري الناس التابعين للبشير حايفتحوا يوم ويعرفوا انهم غلطانيين
كوني اقول انه اللسد النتر وقاصدة بيها البشير ووزيره انهم لو حاولوا ينطوا في رقبة نتنياهو بقطعوهم وبياكلهم لحم , مش معناها بصفق لإسرائيل
لكن بأكد ضعف البشير واتباعه من شلته في الحكم,,,
Quote:
عموما لا اريد افساد هذا العرس عليكم، فهذه فرصة قد لا تتكرر قريبا - إن شاء الله ما تشوفو زيها تاني -
وقد قبلنا هذا الهدف في الشباك رغم انه جاء من حالة تسلل
تحياتي لك |
لووووووووووووولز عجبني ردك هنا والله صحي
قلت لي تسلل ,, ات آزول حكم رآية ولا شنو ؟
بكجن رجل الخط في المبارة ديمة رافع رايته ويقول حالة تسلل خصوصا لامن الهلالابي ينفرد بالمريخ
قلبي يقول لي ادخلي جضميهو وامرقي تاني
والله صحي
اها النقول ليك يا ود الشريف
وحات الله وماك طالبني حليفة نحن زي الحصلت دي مافي زولا بتمناها تحصل تاني
وإن شاء الله ما تحصل
مش عشان خاطر عيون البشير ولا نافع ولا الناس المعاه
لكن الخوف انها مصيبة زي دي ضحيتها الشعب الغلبان ورجل الشارع البسيط
هي كان بتقع في صنقور واحد منهم وحات الله هسه ازغرتلك في البوست ده
لكن يشهد الله لا بنتمناها لي اي كوز بعيد عن الحكم ,حتى لي اسرهم الما عندهم ذنب
فيا خوي ما كل كوز يمثل الإنقاذ
ولا كل معارض بمثل المعارضة
ولا كل مواطن حر بقبل الحقارة ولا بشمت في بلده
في النهاية ان رضينا ام ابينا يانا كلنا سودانيين
وكلنا رايحين في حق الله
وحاتفضل كلمتنا الطيبة للأجيال القادمه ان شاء الله
ربي يصفي القلوب ويعمرها ويوحد الوطن ويجمع الشتات تحت راية المحبة والوئام والوحدة والسلام
ودمت اخا عزيزا
مشاققة
طالباك ترسل لي فيكس اصابعي اتعسمن من الكتابة
والله صحي
ودعتك الله
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: بوست إنصرافي
يثبط من عزيمة جيسنا الباسل
ويقدح في مقدرته على الرد
على العدوان الغاشم
وهو للعلم لمن لا يرعووووووون
يمتاز بمضادات فاتكة
قوامها
هز العصا
والضرب بيد من .... (تموها براكم)
لكل من تسول له نفسه الأمارة بالتعدي على أي شبر أو إحساس متبقي منه
ونصرح أيضاً لمن لا يرعووووووووووون (سمحة يرعووون دي يا اخي عا########ي)
سيقوم جيسنا الباسل
بدك تل أبيب طوبة طوبة
وزنقة زنقة
وتارة تارة (دي شني كمان إلا نرجع للرفيق القذافي)
.
.
.
الخ الخ الخ
وفيما يبدو
أن الزولة الماكن إحساسا هذه
قد تم أثناء فترة اختبار محبتنا لها
هبش سلك كان مطمور في زوايا جنونها
قام اشتغل
فجاء بهذا البوست الإنصرافي
وأخذها قليلاً بعيداً عن الشعر
والذي هو سلوكه ما تزال متصلة حسب إفادات مصدر موسوق
وكاملة الدسم أيضاً
سمح الجن
كعبة البشتنة
أقول قولي هذا
واستغفر الله لي ولكم
ـــ
ما قادر أسوي الصور البتضحك والبتبكي وكدا لذا لزم التنبيه |
لووووووووووووووولز قلت لي انصرافي
بلة يا بلة
حبابك يا ود الفريق والحلة
بجيك صادة بعدين بي مهلة
عجبتني مداخلتك بالحيل وبدور ارد عليها بي رواااااااااقة
والله صحي
ودعتك الله
لوووووووووولز تاني
| |
|
|
|
|
|
|
|
|
|
Re: **** حررررررم نتلب في تل أبيب **** (Re: صبري طه)
|
Quote: انا كنت بشجع في موهبة مها
لكن معاك مهوية ما تقدر تأكل عيش
وكمان هلالابية اجييييييييييييش يا يمة حال حسن في بلاد برة
ما تسأليني حسن منو , لأني انا زاتي ما عارفة والله لوولز بس جارتنا يا حليلا طوااااااااالي لما يعجبها شيء بتقول كدة لوووووووووووولز
|
الليلة واااااااب علينا مهوية صاحبتى فتنتينى معاها يا اسماء وهى قايلة روحه بطخابية وشاعرة كبيرة،
عجبتنى حال حسن فى بلاد برة دى ،تسلمى يا عزيزة،
ملحوظة
القصيدة الجاية وح تكون نمرة 2 فى حياتى بمناسبة تلبنا فى تل اييب،
عنوان القصيدة ود تلوب بهديها للحمام الرقاص وابو ريالة،كما بهديها لماما وجدو ابو مركوب نمر.
ممكن نديك منها مقطع
تلب ماتخاف ذى الحمام الرجاف
شيل العصايا والمقداف
تلب تلب حيطة حيطة سلك شائك من غير زيطة(زيطة يا اسماء معناها هيلمانة وحشد جموع وهز بالعصايا السحرية والمركوب الماخمج)
والله حبل افكارى انقطع وح نواصل غدآ هههههه
لقيتنى كيف؟؟؟؟؟؟؟؟؟؟؟
ن
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
اها يا بلة جيتك آآ يابا
اريتك طيب وحالك زين في الزمن الشين
عارف الجيش الباسل البضرب بيد من عصا دي ذكرتني السيرة في الجنيد
والله صحي
نقووووووم كده يا يابا نتلملم ونجيب الدلوكة والشتامة المي خمج
ونملخ العصي من النيم
اها عصينا اللت الشتامة ديك اقوى من عصي جيشنا الباسل
ونقول كدي ندق الدلوكة ونخبت الشتامة
التخ تخ تخ تخ الليلة والليلة ونار امبادر يا حلايلا بدور زولي
اها ونقوم نعوج الأغنية ونجيب ونقول الليلة الليلة وازايا الليلة وحرق بي نار الكماين ديلا
مشيت للعمدة وقال لي ما بمضا حليل الزول الحماني الغمدة
ومشيت للقاضي وقال لي ما فاضي حليل الزول الخبت الرادي
اها شفت يا بلة الزول الخبت الرادي ده ياهو البشير
الرادي جاب ليه الخبير الشين
والعمده الما فاضي ده ياهو وزيرنا الدلاهة الله لا كسبه
ما فاضي ما فاضي لامن الكمائن ولعت في بورتسودان لووووووووووولز
تقول لي جيشنا باسل يا بلة ياخ ؟؟
والله ده جيش جاهل وفي الجهل ما ساهل
اما سلكي المطمور في زوايا جنوني دي , والله تستاهل فيها بشيرة وكم طلقة كده في الهواء
وزغريتة مني
وينو يا اخونا ابو القاسم ود عمي قور هيـــع يا سيد الجبخانة البتقرش الخرصانة وتهبت الضهبانة
الضهبانة من غارات العدو الصهيوني ,,
والله يا بلة ما قصرت معاي كلو كلو
كفيت ووفيت
وابشرك يا عشانا دي سلسة من حلقات بعيدة عن الشعر
سوف اساكك بيها جيوشنا البواسل وشياطينهم العلموهم البسالة
زقاق زقاق وزنقة زنقة
والزارعا غير الله اليجي يملخا
ودعتك الله
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
هي نان وين مشرقة بتوودعي فيني آ اللخت
كدي أقيفي
والتفتي
حررررررررررررم دي ساكت
طلقيت تفكيها
وبعدين
المعنى تجي تقولي
ودعتك الله
حلف بِله
أكان تتمي كلامك
هو نان بتنلقي بالساهل خيتي
أني زول خرف
وماعندي قدرة اللت مساسقة
فدحين خليك في محل النخجي دا (على قول ود جبرين يقطع شياطينو)
وما تمشي بعيد
تمي مشهادك دا
وكت جابتلها كلامن زيادي علي الجبتيهو فوق داك
وبعدين انبشرك
شي بنملخ ما في
اسعلي وداعمنا قور
مروتن في الكضب والبحيت
والطربيش لي بعضن
تاني الحبة
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: والله يا عزيز يا خوي اليومين ديل شدة ماني متكيفة لي كتاباتك الطاعمة دي لامن فرحانة بي هناك
يعني لازم تتلب فوق الحيطة حتى تكتشف فرحتي دي
طفحت فوق راس البيت زاتو
قلت لي شنو إسرائيل نحن عليها ما بالحيل ؟ متلب لا غادي منها لووووووووووووولز
لا دي قوية شديد
فت اب رسوة بي غادي يا جنا
يا حليلك والله
ياخ الضربة الحصلت دي مبالغة عدييييييل
مرقت مواهب كانت مكنوزة ومدفونة
ياخ مداخلتك دي وحات الله كيف جبنة وشاي
والله صحي
دبل عدييييييييييل
ده غير الشعر البقى جاينا منهمر زي المطر من سحابات اليابان
وانا اقول الزلزال الجاء نابل ده من وين ؟؟ تراه ده السيل البشد الحيل .. هيع يا ود عمي عيسى
عزيز العزيز كيفنك يابا
يعلم الله نضميك سمح بالحيل
تسلم ياخ اثريت البوست بحق وحقيقة
ربي يسعدك زي ما بتسعدنا يا جنا مننا وفينا |
الاخت العزيزة/ سومــا
حياك الله بت امي
يوم الجمعة طل فارس
غنت واحتفلت نوارس
ذكراك يا ابريل ومارس
لي بلاد كان ليها حارس
أهو يا سوما
مش قالوا
بجاه الملوك نلوك..
يعني في ضل سوما
بناخد الزاد
والمعين لحرف الضاد
ومن هناك لي هون
انا حرفي بس اللون
فرحتي بالمولود يا بت أمي حتنسيني السياحة بين الحروف ومعاناتنا مع الطيارة..
لكن التليبة حاصلة..
ومك البلد لسة ما صرح وما جانا منو الرد
المرة الفاتت جرّ شخيط ورجع لي وراء..
ومرة تانية جرّ شخيت وقال حرّم..
أتاريه لسه ولسة بتعلّم
ويخيل لي فيها بطان وفيها طلاق..
أخير واخير من بحين نتلم
أخير سوما بس نتلم
شفتي الراس كبر كيفن باطرائك الجميل ده..
الا أقوم أحفظ الشهادة دي ليوم عكاظ..
مودتي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: خالد المحرب)
|
Quote:
الليلة واااااااب علينا مهوية صاحبتى فتنتينى معاها يا اسماء وهى قايلة روحه بطخابية وشاعرة كبيرة،
عجبتنى حال حسن فى بلاد برة دى ،تسلمى يا عزيزة،
ملحوظة
القصيدة الجاية وح تكون نمرة 2 فى حياتى بمناسبة تلبنا فى تل اييب،
عنوان القصيدة ود تلوب بهديها للحمام الرقاص وابو ريالة،كما بهديها لماما وجدو ابو مركوب نمر.
ممكن نديك منها مقطع
تلب ماتخاف ذى الحمام الرجاف
شيل العصايا والمقداف
تلب تلب حيطة حيطة سلك شائك من غير زيطة
(زيطة يا اسماء معناها هيلمانة وحشد جموع وهز بالعصايا السحرية والمركوب الماخمج)
والله حبل افكارى انقطع وح نواصل غدآ هههههه
لقيتنى كيف؟؟؟؟؟؟؟؟؟؟؟
|
لووووووووووووووولز يا نجاة والله انتي عسل عديل
ياخ انا طماعة بعدما بقينا اصحاب انا دايرة اقلعك من نجلاء زاتها
تبقي انتي اختي وصاحبة نجلاء لووولز
لكن قصيدتك رووووعة والله ضحكتيني كيف لوووولز,,,
احلا مافي القصيدة دي الزيطة يا نجاة لووولز ذكرتني زنقة القذافي
لكن يا خية انتي بتشرحي لي كلمات زي زيطة وغيرها ,,
إنتي قايلاني جاية من اليابان ولا مولودة في اليونان لوووولز
خيتك غبشة من وسط الغبش اهلك ناس الجنيد
عشان كده ما تتعبي نفسك في الشرح
احكي ساي واختك بتفهمها طايرة
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: إنتي قايلاني جاية من اليابان ولا مولودة في اليونان لوووولز
خيتك غبشة من وسط الغبش اهلك ناس الجنيد
عشان كده ما تتعبي نفسك في الشرح
احكي ساي واختك بتفهمها طايرة
|
تسلمى يا بت البلد انا عارفاك سودانية ومن الغبش لكن اخيتى ما شايفة الشرح بتاعى موجه وين يعنى صنع خصيصآ
للجماعة بتاعننا ديل ود المقصود من الشرح،
كان حكينا ساكت ظيطة ح تكونا لمة ساكت مافيها عصايا سحرية ومركوب نمر
وفللى ح تكون جرية ساكت من غير عض جلاليب ولا شيل مركوب فى اليد،،تسلمى ومرحب بخوتك وصداقتك يا غالية.
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Nagat Sid Ahmed Elshiekh)
|
Quote: هههههههههههه
غايتو أظنو اليومداك كان مزاجك عالي لما كتبتي البوست دا
وكان قراهو الرئيس ووزير دفاعو يكونوا ماتوا من الضحك
ياهو يا سوما حال يبكي وحال يضحك .... والله صحي
|
ود ابوي البشاري العريس السيرتو باللواري
حبابك يابا اريتك طيب ات وست بيتك
قلت لي ينبسطوا عدييييييل ويموتوا من الضحك ؟
ليهم حق القلوب مي ميتة يابا
والله صحي
بعدين لازما يضحكوا ويقرقروا كمان
النعمنو القلتو كلو صحيح وما جبت شي من راسي
والله صحي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: بتنا اسماء الجنيد اهنيك على طرحك الجرى الذى ازعج
وازعج دى اذكر تماما التهكير السافل انت محل اهتمام
مزعجه جدا كل ما ذكرته تحته خطوط لكن عمك هرم
ما بنقدر على الجرجير بقبنا كبار ولى القوى الضعيف
المولى باقى ستار |
شيخ العرب ود عمي المحرب حبابك يا الدخري يا سند ضهري
والله يا ود عمي الحكاية بقت جايطة وهبشت في اللحم الحي
عشان كده قلنا النقابلا بي السخرية لي عمايلهم البقت ما بتتعد ولا بتنهضم
والله يا حليلك يابا
ذكرتني ايام هجمتهم العجيبة ديك الله لا اطراهم
دي مشكلتهم يعملوا العملة ويتضاروا زي العوين
هم كان بركزوا زي الهاشمية الشايلاهم والهوشة الفي رقيصهم داك ما كان مافي عوجة
لكن زي الصبرة , بتعرف الصبرة البتنفش ريشها ؟ , اول من تسمعلها كركبة جري على جحرها
ده ياهو حالهم هم
والله صحي
ود المحرب جيتك سمحة بتشرفنا بالحيل
سلملي علي ست بيتك والعيال وكل العقاب
تسلم يابا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: هي نان وين مشرقة بتوودعي فيني آ اللخت
كدي أقيفي
والتفتي
حررررررررررررم دي ساكت
طلقيت تفكيها
وبعدين
المعنى تجي تقولي
ودعتك الله
حلف بِله
أكان تتمي كلامك
هو نان بتنلقي بالساهل خيتي
أني زول خرف
وماعندي قدرة اللت مساسقة
فدحين خليك في محل النخجي دا (على قول ود جبرين يقطع شياطينو)
وما تمشي بعيد
تمي مشهادك دا
وكت جابتلها كلامن زيادي علي الجبتيهو فوق داك
وبعدين انبشرك
شي بنملخ ما في
اسعلي وداعمنا قور
مروتن في الكضب والبحيت
والطربيش لي بعضن
تاني الحبة |
حبابك يا بلة,,, مشيت ياخوي عندي شغلة ما تميتها , بديتها هنا وتميتها بي غادي
ارح تعال لينا بي هناك شوف باقي الحكاية
ال لا ليها اول ولا نهاية
تلقانا معلقين كلنا في الطيارة ام ضنب
اها تعال فسراع كمل باقي ونستك بي غادي
ودعتك الله
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: الاخت العزيزة/ سومــا
حياك الله بت امي
يوم الجمعة طل فارس
غنت واحتفلت نوارس
ذكراك يا ابريل ومارس
لي بلاد كان ليها حارس
أهو يا سوما
مش قالوا
بجاه الملوك نلوك..
يعني في ضل سوما
بناخد الزاد
والمعين لحرف الضاد
ومن هناك لي هون
انا حرفي بس اللون
فرحتي بالمولود يا بت أمي حتنسيني السياحة بين الحروف ومعاناتنا مع الطيارة..
لكن التليبة حاصلة..
ومك البلد لسة ما صرح وما جانا منو الرد
المرة الفاتت جرّ شخيط ورجع لي وراء..
ومرة تانية جرّ شخيت وقال حرّم..
أتاريه لسه ولسة بتعلّم
ويخيل لي فيها بطان وفيها طلاق..
أخير واخير من بحين نتلم
أخير سوما بس نتلم
شفتي الراس كبر كيفن باطرائك الجميل ده..
الا أقوم أحفظ الشهادة دي ليوم عكاظ..
مودتي
|
يا حليلك يا عزيز الحنين تسلم يا ود عمي عيسى
ياخوي انت هين ولا لين
ماك محتاج تب لي إطراء من سوما الغبيشة ولا غيرها من خلق الله
ات يا ابو الوليد يا خوي ات زول فنان ومبدع وقلمك مميز وبشبهك براك
دحين يا يابا يا ضل السحابا خليك قريب بالحيل خلينا نتلفح كلامك البرد الروح وببري الجروح
تسلم يا خوي ويسلم قلمك وفكرك يابا
| |
|
|
|
|
|
|
|
|
|
Re: **** حررررررم نتلب في تل أبيب **** (Re: اسماء الجنيد)
|
Quote: يا حليلك يا عزيز الحنين تسلم يا ود عمي عيسى
ياخوي انت هين ولا لين
ماك محتاج تب لي إطراء من سوما الغبيشة ولا غيرها من خلق الله
ات يا ابو الوليد يا خوي ات زول فنان ومبدع وقلمك مميز وبشبهك براك
دحين يا يابا يا ضل السحابا خليك قريب بالحيل خلينا نتلفح كلامك البرد الروح وببري الجروح
تسلم يا خوي ويسلم قلمك وفكرك يابا |
عزيزتي الغالية/ سومــا
حياك الله وأدام محياك
منّ الله علي بالوليد
شد الله عضدي
أحس برغبة أكبر في الطريق
الى تلك غاية
فهنا من يحمل الراية
هنا من يقول :
أبي قد مضى
خطاه كانت هنا
تحدثني عن ذلك العشق
عن وطن الجدود
سوداني الهوى
..........
يا بت أمي .. فرحة المولود دي زاد واي زاد.. دي بتخلي الزول يكتب بحس افضل رغم المواجع التي لا تنقطع في البلد..
لكن الشئ التاني الاهم:
كلماتك لو قلنا شموع ظلمناك
لو قلنا سيوف حزمناك..
نحزّمكنّ يا سوما.. فالزمان لكنّ والثورة بكنّ
مودتي
| |
|
|
|
|
|
|
|
|
|
Re: **** حررررررم نتلب في تل أبيب **** (Re: Abdlaziz Eisa)
|
Quote: عزيزتي الغالية/ سومــا
حياك الله وأدام محياك
منّ الله علي بالوليد
شد الله عضدي
أحس برغبة أكبر في الطريق
الى تلك غاية
فهنا من يحمل الراية
هنا من يقول :
أبي قد مضى
خطاه كانت هنا
تحدثني عن ذلك العشق
عن وطن الجدود
سوداني الهوى
..........
يا بت أمي .. فرحة المولود دي زاد واي زاد.. دي بتخلي الزول يكتب بحس افضل رغم المواجع التي لا تنقطع في البلد..
لكن الشئ التاني الاهم:
كلماتك لو قلنا شموع ظلمناك
لو قلنا سيوف حزمناك..
نحزّمكنّ يا سوما.. فالزمان لكنّ والثورة بكنّ
مودتي |
عبد العزيز العزيز ,,,
حبابك يا حنين
يعلم الله الوليد عجبني ليك وسره بالي
السمح بعجبني ليك يا خوي
ربي يخليه ليكم ويجعلو من ابناء الوطن الصالحين
الف حمد الله على سلامة امو تحياتي ليها
كتر ألف خيرك يابا على كلماتك البتشد الضهر
وتنير الطريق طول الدهر
وتدي العافية طول العمر
يديك قدر يرضيك ويسعدك ويجعل البركة فيك وفي وليدنا الجديد
تسلم يا عزيز على طلتك الحنينة ديمة
| |
|
|
|
|
|
|
| |
اسماء الجنيد
حبيب نورة
Mahmoud Mustafa Mahmoud
Amani Al Ajab
AMNA MUKHTAR
Hadeer Alzain
قاسم المهداوى
مها عبد الله
ساميه حامد
قيقراوي
Abdlaziz Eisa
Tragie Mustafa
ABUHUSSEIN
doma
Abuelgassim Gor
كمبورة
طارق جبريل
مهيرة
بدر الدين الأمير
Abd Alla Elhabib
Nagat Sid Ahmed Elshiekh
معاوية المدير
وليد الطيب قسم السيد
بله محمد الفاضل
الامين موسى البشاري
خالد المحرب
فيس بوك
تويتر
انستقرام
يوتيوب
بنتيريست