وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-05-2016, 10:28 AM الصفحة الرئيسية

مكتبة الشاعرة اسماء الجنيد(soma)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

**** نهارات الفريق ****

10-20-2004, 09:31 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
**** نهارات الفريق ****

    رمضان كريم يا اهلنا لكم جميعا .
    اسمحوا لى فى السانحه دى وتلبية لرغبة اعزاء وحنان على نفسى اهديكم مره اخرى نهارات الفريق .. وعذرا للتكرار للذين سبق وقرؤها .. ودمتم ..


    نهارات الفريق
    *******
    يا دروب شاقه الخلق ...
    والخلق ما بتتلحق ..
    دايشه فى دريب الرزق ..
    والرزق لى خالق الخلق ..
    فى نهارات الفريق ...
    والعرق وصل الحلق ...
    ناس جهالا بتتشرق ...
    وناس تجر ..ما بتتلحق ..
    مرات تقوم .. مرات تقع ..
    فى مطامير الورق ..
    تجمع تعد .. تشرط تشق ..
    تصرخ تهيج .. تزعل تطق ..
    همها الدنيا ام قدود ..
    ناسيه يوم.. بتمر برق ...
    وناسيه يوم جمعاً كبير ..
    كل زولا ليه حق ...
    الدروايش الكتار ..
    لا بتنوم .. لا بتتفرق ..
    سبح لالوب تجر ...
    فى سواد الليل تطق ..
    تذكر المولى الكريم ..
    والايادى بتتسبق...
    نوبه ترزح من بعيد...
    تشرح القلب البرق...
    والعيون تعطف ..ترق..
    والدميعات تنهمر ..
    زى مطيرًة فى الشرق...
    زى مطيرةً فى الشرق...

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-20-2004, 10:38 AM

samo
<asamo
تاريخ التسجيل: 09-04-2002
مجموع المشاركات: 862

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: soma)

    Quote: وناس تجر ..ما بتتلحق ..
    مرات تقوم .. مرات تقع ..

    والله ديل نحنا زاااتم ... جارين جري ... الفاكينو بي نبله مايلحقنا ..

    بالمناسبة .. اسمك دة عامل لي ... .زغللة في عيونى .. وكل ما اشوف واحد من بوستاتك الكتيرة ..في الصفحة الاولى ..طوالى افتكر انو في هكر استولى على حسابي وكتب بيهو ... ثم انتبه لوضع ال A ... وال O,, .. فاتنفس الصعداء..
    يلا خلينا نتفق يا زولة على انوز واحد فينا يغير اسمو ..وبما انو انا الراجل .. و(اقوم) منك .. فاامرك ان تتنازلى عن الاسم .. (بس ربنا يستر والجندرية ما تجينا)

    لك كامل احترامى .. سوما
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-20-2004, 10:47 AM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: soma)

    العزيزة سوما
    رمضان كريم
    انتى عارفة انا سميت الدنيا دى طاحونة تطحن دون توقف

    بعدين القصيدة شفافة جدا وبتمس الكل فى وتر ملامس
    للحقيقة ....

    سوما .. ليك الجمال يا مدهشة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-20-2004, 01:03 PM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 8935

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: alfatih)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-20-2004, 01:45 PM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: Dr. Moiz Bakhiet)

    الاخت العزيزة

    سوما

    كل سنة وانتي والاسرة الكريمة بكل خير

    وربنا يتقبل الصيام والقيام

    ربنا يحفظك ويحفظ ابداعك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-21-2004, 10:24 PM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: garjah)



    حباب سامو ..
    كيفنك يا العشا ..
    اول شىء حبابك واليوم السعيد اللينا جابك والله..
    ورمضان كريم عليك وتصوم وتفطر على خير ..
    وتانى شىء بالنسبه للتنازل عن الاسم يا اخوى.. غالى والطلب رخيص ..
    لكن بس كدى النكلمك بى حاجه .وبعدين الرأى متروك ليك يا سامو( القوام) على سوما ..لوووول ..
    انا اسم سوما دى فى البيت بنادونى بيه .. مشتق من اسمى الحقيقى اسماء ..
    انت سامو ده جبتو من وين ؟ شقلبتو كده وسويتو اسم .. سامو ده وحات الله فى اهلنا الغبش ما لاقانى .. غايتو الا سمعت بيه فى بلاد ساماو ..ولا السومو .. ولا مافى بلد زى الاسم ده .. اكون قطعتو من راسى ساى ؟ وكان فى مثلا .. عاد انت من هناك ؟ ما ظنيتك انت البتعرف النبله والجرى المشلهت .. ياكا اغبش متلنا تب .. وفى الغبشه حنين ومكشح بالسماحه ومدمدم بالطيبه ..
    وبعد ده بقول ليك انا خيتك يا العشا .. بتنازل ليك تب .. ولا عشان ما تشيلك الهاشميه وتقول لى لا حرم خليتو ليك .. رايك شنو نعمل سوما soma.. .. دى تبقى فى مكانا لى انا .. وانت عشان الراجل يبقى اسمك كده SOMA .. عينى بارده ..راجل وملؤ هدومو .. اها ما حليتها ليك على قول حبوبا ..
    يلا ابقى داخل وكمل كباية الحلو مر دى .وان شاء الله تنفعك ..
    اخى سامو الشكر لك دعوات قدر دعوات الشهر الكريم ..وتسلم ..

    ******
    اخوى الفاتح ..
    فتح الله لك كل ابواب الخير فى هذا الشهر الفضيل ..
    والله الدنيا فعلا طاحونه ..
    لكن نحن بنحاول نبرد جوفنا من الطحين المتواصل ده بى وقفات فى شديرات المحنه ..
    عسى ولعلا نسيمها البارد يخفف علينا زمهرير الجرى فى الاتجاهات المعاكسه .. ويطرينا الزمن المفارق ..
    الفاتح رمضان كريم عليك وتصوم وتفطر على خير .. ونسأل المولى فى هذا الشهر الفضيل
    صالح الاعمال .. وربنا يتقبل منا صالح الدعوات ..

    ****

    د/ معز
    كل سنه وانت طيب ورمضان كريم عليك وعلى اسرتك وكل اهلك
    تصوموا وتفطروا على الف خير ..
    بالنسبه لمشاركتى معكم فى عكس الريح ..

    وهل اتردد لحظه ؟ او اقف برهه لكى افكر ؟
    هذا شرف لى انا والله اخى العزيز
    وكم اسعدتنى مبادرتك هذه ..
    غااااااااااالى والطلب رخيص .. اعدك قريبا بالكتابه لك فى بريدك الالكترونى ..
    اخى المرهف .. الشكر نيلين ..والود مساحه .. والمحنه خضرااااء

    ******
    اخوى قرجه .. رمضان كريم عليك وتصوموا وتفطروا على الف خير
    ربنا يعيده علينا جميعا ونحن فى محبه ووئام
    يديك الف عافيه اخوى قرجه .. اسعدتنى طلتك يعلم الله بعد غياب ..
    التحيه لك وعبرك لافراد اسرتك الكريمه .. وكل سنه وانتو طيبين
    والشكر ليك ممتد شوق اهل يا حنين .. وتسلم ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-22-2004, 00:06 AM

خضر عطا المنان
<aخضر عطا المنان
تاريخ التسجيل: 06-13-2004
مجموع المشاركات: 5191

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: soma)

    Quote: همها الدنيا ام قدود ..
    ناسيه يوم.. بتمر برق ...
    وناسيه يوم جمعاً كبير ..
    كل زولا ليه حق ...


    فراشتنا الجميلة : سوما

    صحيح قول أهلنا المعتق زيك : (الدنيا أم قدود)

    وهو وصف بليغ يصور حقيقة ( الخربانة ام بناين قش )
    كما يقول حكماء ديار شايق يا سوما .

    عشان كدا نقول ليك :ما أروعك وأنت تحفرين ذاكرتنا التراثية دوما
    لتأتي الينا بـ ( المدكن جوا داك ) أو الآتي الينا (من بيت الكلاوي)

    تسلمي لينا يا سوما .. ورمضانك كريم .. ومعتك ربي بكمال العافية وتمام الصحة.. ونحنا يا سوما في انتظار المزيد .

    لك ودي وسلامي بلا حدودللأسرة الكريمة.

    خضر عطا المنان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-23-2004, 11:34 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: خضر عطا المنان)

    ود عمى عطا المنان .. الود مكشح فى دريبك فى كل مكان ..
    والمحنه شجراتها مزروعه حوالينك متكيه فروعا والاغصان ..
    تحى جمالك ونبل خصالك وتقالد طيبتك بالاحضان ..
    وتبارك ليك عقاب الباقى من شهر رمضان ..
    الف شكر يا معتق على كلامك العتيق .. وربنا يديك قدر نواياك يا ابيض
    ويبيضها فى وشك وين ما تقبل .. قادر يا كريم
    اخوى خضر
    التحايا ليك دعوات بمقدار العشره الاواخر ..
    والود قيف بحر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-23-2004, 11:39 AM

لؤى
<aلؤى
تاريخ التسجيل: 06-01-2003
مجموع المشاركات: 14343

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: soma)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-23-2004, 09:03 PM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: لؤى)

    سوما
    بت جزيرتنا الخضراء
    تحياتى
    ياقمح مخضر
    فوق التقانت...
    امس زرت واحد بلدياتنا بعد الصلاة. جارو بالحيطة...سوررى ...بالشقة من ناس الجنيد..الزول انا بشوفو من رمضان لرمضان لانه بعد صلاة التراوحيح عنده بنتين حليوات بنتظرنه فى خشم الباب لى كم سنة كل رمضان بشفن..اها امس لما قابلتو قربت اقول ليه بتعرف سوما..لكن خفت ..ادخل نفسى فى حرج معاه ويقول لى كمان افووووووووو ياقليل ادب حتى نسوانا بقيت بتعرفن...ما بعرف اسمه
    لكن طويل اصفرانى وبناته صفر زى قمح الجزيرة...ساكن حى غبيرا الرياض...

    اها بقولك متاخرة كدا(رمضان كريم)
    ما عندك ابرى ابيض انشاء الله يكون عاول.والله نفسى فيه ..او احمر حتى..لانى امى ما ارسلت لى السنة دى..اتصلت عليها قبل يومين...يمه المصاريف وصلت ..قلت ايوة ..وربنا يديك الفى مرادك..طيب يمه وين حاجات رمضان....قالت لى انت لسع مندرع فى حاجات امك...اخطب لى واحدة ولو كضب..عشان انا ذاتى يجينى قطر..فى رمضان دا...والله ياسومة المرة حيرتنى عديل كدا...
    تصدقى ياسماء حتى اللحظة ودا اليوم العاشر من رمضان ما ختيت لقمة عصيدة فى خشمى ...والله متقريف ...قريفة العتود الفكوه من الحبل....مشتاق لملاح نعيمية...او تقلية...جيرانا القدام سفروا عيالهم...وزملياى المتزوجين زوجاتهم جامعيات...بنوت تقانة..الواحدة وضعت اخر ورقة امتحان وجاءت للغربة....اها دى يعلموها كيف.....وانا لى 11 سنة مغترب..6 قراية و5 شواية
    دوام فى دوام....حتى ياكافى البلا اسبوع رمضان الاول كله دوامى وقت الفطور...لكن الاسبوع دا بطلع مع مغيب الشمس ممكن القى لى ناس فارشين وبفطروا فى الشارع...عشان اكل عصائد
    قبل اقولك مع السلامة
    ما تنسى ترسلى لود اهلك صحن عصيدة مملح بنعيمية وتقلية..لانى بحب اللخبطة...
    وشوية شطة وشمار..بس شمارك بكون قديم ما عاوزه...لكن الرسول يابت الجنيد...اكان ما ختيتى لى مع الصحن معلقة ابداع...اها ودعتك الله

    رمضان كريم
    وتحياتى للاسرة
    وناس عمان
    وبدر الدين شنا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

10-25-2004, 07:44 AM

soma

تاريخ التسجيل: 09-14-2002
مجموع المشاركات: 4120

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: **** نهارات الفريق **** (Re: abuguta)

    الضى الحنين حبابك يا غرة الوالدين ..
    وحباب جيتاك كلها البتسر القلب وتفرح العينين..
    تسلم ود امى انت .. وتلقى مرادك يا بذرة الطيبين ..
    لؤى .. التحيه ليك جدول محنه ..
    والشكر بستان فرح.. وتسلم ..

    ****
    اب قوته .. سلام يا سقف البيوت .
    يا جرتقنا يا الخرزة والياقوت ..
    يا عشانا ومقنع البنوت ..
    يا ضلنا الحارسنا وما بفوت ..
    تسلم ورمضان كريم عليك وتصوم وتفطر على خير
    وبركة الشهر الفضيل..
    تلم فى العصيده وملاح النعيميه والتقليه
    ومعاهن قلوة وجبنه متكيه
    وبنيه فنجرية وقعدة عصريه..
    كر على يا الحنين ..قلت لى متقريف ليك لى عصيده ..
    الله ينعل الغربه وعمايلا السوداء ..
    ياخوى الشكيه لى الله مافى سودانيه ولا واحده تعمل ليك العصيده وملاحها ؟
    ما معقول يا ود امى .. كدى قول بسم الله وامشى لى ناسك ناس الجنيد ديل ..
    وما تقول ليهم بتعرفو سوما .. قول ليهم داير لى عصيده وملاح روب ..لووول..
    والله يا ابو قوته ضحكتنى الليله من الاعماق ..رغم انه حالت تحنن ..
    واكتر ما ضحكنى كلام الوالده الحنينه ليك لووووووووووووووووووووووووووول قدر كرتونة الابرى
    الشكيه لى الله باقى ليها فى رقبتها لى هسه انت ؟ ..كلامها صاح اكان جيت للنصيحه .. انت قايل ياخوى الحاجات
    زى زمان ساهلات .. وبى تراب القروش ؟
    عشان تعمل ليك كرتونة آبرى دايره الشىء الفلانى ..وانت ترسلا بى هنا وداير يناولوك ليها بى هنا ؟ افووو عليك
    اعمل بى نصيحة الحاجه وشوف ليك بنيه مى بنية تقانه ..لوووووول عليك ابو قوته ..
    واعتق الحاجه دى من طلباتك يا الحنين .. وتانى ما تندرع على قولا .. ربنا يسعدك ويهنيك يايابا قدر يا كريم ..
    شكرا ابو قوته على الاستراحه الجميله منك وربنا يديم الاخوه والمحنه ..
    التحيه ليك صينية فطور رمضان فى برش فى طرف الحوش ولمة اهل وحبان ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de