|
|
 **** شمس النهار ****
|
شمس النهار..
لو عارفه يا شمس النهار
طلة شعاعك من بدار ..
طوت الظلام كشفت ستار
خجلن فراشاتنا الكتار
طارن بعيد تركن ديار
حزن الورد جف الخدار
والزهيرات النضار
اتلفحن توب الوقار
حتى العصافير الصغار
ا تلملمن سربين وسار
*****
لو عارفة يا شمس النهار
كنتى بدلتى القرار
وكنتى اخرتى المسار
شلتى الصبر والانتظار
رغم الصبر كيفنو حار
حتىالبلوم من عشه طار
شايل الحنين فى كفو نار
خايف الضياع خايف الودار
لو عارفه يا شمس النهار ..
طلة شعاعك من بدار..
طوت الظلام كشفت ستار..
اسماء صديق الطيب الجنيد
مسقط سلطنة عمان
|
|
 
|
|
|
|
|
|
|
 Re: **** شمس النهار **** (Re: HOPELESS)
|
العزيزة الاستاذة سومه
لك التحية
ما اجمل الصباح حينما يقترن بشمس الصباح
وما اجمل شمس النهار عزيزتى تلكم الكلمات الرائعات التى نظمت كاحلى ما يكون النظم فاستعدتنا بعد ان طال انتظارنا لك ولجديدك المشرق دوما والرائع روعة الوطن الحبيب والذى اجد نفسى انتقل اليه مع كل حرف من احرفك الندية ..
ارجو ان تغيبى عنا كثيرا عزيزتى فانت اثراء لهذا البورد الرائع بك وبكلماتك..
مع كل الود
| |
|
|
|
|
|
|
|
|
|
Re: **** شمس النهار **** (Re: soma)
|
تسلموا انتو يا احبة *** الاخ العزيز جمال عبد الرحمن لك التحية والتقدير اخى العزيز على كلماتك جميلة المعانى .. واقدر تماما وقفتكم بجانبى .وما زال امامى الطريق طويلا ووعرا ..لكن بكلماتكم الندية وبطيبة قلوبكم .. اجد نفسى فى واحة . تحفونها باصالتكم وصفاء سريرتكم .. التحية لك اخى جمال وتسلم يا ابن بلدى .......
الرائع الكثيف عمدتنا قرشو .. تحياتى لك وسعادتى لا توصف بوجودى بينكم .. الشكر بلا حدود على كل كلماتك التى تمطرنى بها دوما .. وكثيرا ما تخجلنى عبارات الثناء ..وانا لم اقدم الا القليل ..واتمنى ان اسعدكم اكثر كسعادتى بوجودى معكم ..ربنا يخليك يا عمده ..ويجمعنا جميعا فى ارضنا العزيزة الغالية تحت راية الحب والحرية ..
يديكم الف عافية ..وتسلموااااا كتير يا احبة..
| |
|
|
|
|
|
|
|
|
|
Re: **** شمس النهار **** (Re: soma)
|
شمس النهار المشرقة
مين اللقال أنو المسافة البينا بين الشط طاقة
من كل الفرح الممكن أرددك باقة عطر فواح
عذرا لآقتحامي عوالمك دون أحم و لا دستور
كوني بخير
| |
|
|
|
|
|
|
|
|
|
Re: **** شمس النهار **** (Re: soma)
|
زوربا يا كثيف العباره .. حبابك فى بيتنا المتواضع ..وبوجودك عمرنا وهلت علينا كل تباشير الخريف .. وظللت سحاباتك شمسنا الحاره ..
ما اروعك يا شمس النهار .. حين زار زوربا الدار
يديك الف عافية يا مبدع
التحيه ليك ممتده بى طول بحرنا ومخضره بى خدار جروفه
ايهاب ود امى كيفنك
هى الشمس دى زاتها الزاد سخانتها شنو ..ما شفقتك دى ..جبتها قبال يومها ..مع انه الخريف قرب
عديلتك قااااااعده بس جهز كروت الدعوة لووول
تسلم يا ايهاب والله ليك وحشه .. البركه السخانه دى الليله جابتك تبرد شويه فى ضل نيمتنا
تسلموااااااا
| |
|
|
|
|
|
|
|
|
|
Re: **** شمس النهار **** (Re: soma)
|
الرقيه دائما سومه
كيف الحال
عايزين لينا لمه كده فى البالتالك نسمع منك ونستمتع بهذا الانتاج الجديد مع ناس نصار وحسن سته وبابا ملامح وبوكو وورورووك وكل الاحباب
| |
|
|
|
|
|
|
|
|
|
Re: **** شمس النهار **** (Re: soma)
|
يا هلا ويا حبابك يا البعيو .. ما عندى مانع والله
كم افتقدت هذه الجلسات الرائعه معكم ..
نظم البرنامج واختك تحت امركم
وتسلم كتير على كلماتك الرائعه اخى البعيو
| |
|
|
|
|
|
|
|
|
|
Re: **** شمس النهار **** (Re: soma)
|
الاخت الغاليه سوما ....
اكاد اشتم نسيم بلادي يتسلل من خلال مسامات كلماتك الرائعه....
كم اشتقت اليك والى تلك الحنّّيّه الاصيله...
الى الامام دوما يا جميلة الروح
كل الود
كل الحب
كل التقدير
ليون
| |
|
|
|
|
|
|
|
|
|
Re: **** شمس النهار **** (Re: soma)
|
يا مراحب اخى عمر جوده ..كيف حالك واحوالك واحوال الجماعه كلهك .لكم كل التحايا والود .. شمسى مشرقه بوجودكم حوالى وساطعه فى كل الملأ بنقاء قلوبكم وصفاء سريرتكم ..ودعواتكم الصادقه ..
يديك الف عافية اخى عمر .....
المبدع الانسان الشفيف استاذ موصلى .. لك عاطر التحايا .. كل ما انت والاحباب والاخوان والاخوات بجانبى احس اننى مندفعه الى الامام ..لولا وجودكم بجانبى لما سطرت حرفا ..
مقدرة تمام كل كلمة يا استاذ يا رائع .. وسعيده كل السعادة بكلماتك .كيف لا ..وانت كلك ذوق وفن وابداااااع
ربنا يديك الفى مرادك ويديك العافية يا رب..
الرقيقه كالنسمة الحنينه ..ليون
مشتاقه ..مشتاقه ..مشتاقه يا ليون ليك ولكلماتك الناعمة ولطيفة مثلك يا غالية
تسلمى كتير با بت بلدى الاصليلة .. حنينك للوطن نابع من اصالتك المتفردة .. ربنا يرد غربتنا جميعا ..ويحقق كل احلامنا بتواجدنا وسط الاهل والاحباب..
تسلمى كتير ليون ولكى كل حبى ..
| |
|
|
|
|
|
|
|
|
|
Re: **** شمس النهار **** (Re: soma)
|
سلام مبيوع كيف حالك
متاسفه جدا اخى مبيوع ما جيت طوال هذا اليوم لى البورد ..فعذرا اخى
تشكر كتير على اعجابك بالنص البسيط
جدا انا ما عندى اى مانع والله .. لكن احب اعرفك انه هذا النص الان هو بين يدى الاخ الفنان الشفيف مصطفى السنى
وممكن جدا تلحنه ويغنيه ويكون عمل ثلاثى بيننا
ولا رايك شنو ؟
وبرضو لى قدام يكون بينا اعمال مشتركه
ولك كل الود والتقدير
| |
|
|
|
|
|
|
|
|
|
Re: **** شمس النهار **** (Re: soma)
|
سوما ( نسيبتنا الحبيبة )
دعيني أقول لك مرة ثانية :
الشمس أحيانا نستبطؤها الطلوع ، حتى لا تقتحم خلوتنا و مناجاتنا. و أحيانا نستعجل طلوعها ، حتى نسرع الخطا لمقابلة الحبيب. و لكن العاشقين يحبون الليل ، المرهفين يعشقون الليل ، فهم يبثوه شكواهم دونما أن تلهيهم عصفورة مغردة ، أو فراشة طائرة ، أو بلبل يصدح ، أو ضوء شمس يغمر أبصارهم ، فينصرفون عن هذه المناجاة الليلية المحببة.
سوما :
أعلم أنك تدركين أن الشمس لن تتأخر و لن تتقدم : و لكنها تورية جميلة عن إستبطاءك طلوع النهار ، و كأنك تعاتبين الشمس و ضوء النهار.
أنا أعشق الليل ، أينما كنت أعشقه. و فوق دربك يا أسماء
| |
|
|
|
|
|
|
|
|
|
Re: **** شمس النهار **** (Re: ودالجزيرة)
|
سوما ياروعة كهذا انتي دوماً ابداع فابداع لكي التحية يا بت بلدي نيمة ظليلة واحة مخضرة وبديعة بس ياريت نقدر نقعد فيها على طول ونشرب فيها فنجان جبنة كاااارب كده مع اخوي العريس هوبا
| |
|
|
|
|
|
|
| |
قرشـــو
زوربا
ايهاب
omergoda
Elmosley
مبيوع
ابو جهينة
ودالجزيرة
ebrahim_ali
فيس بوك
تويتر
انستقرام
يوتيوب
بنتيريست