دعواتكم لزميلنا المفكر د.الباقر العفيف بالشفاء العاجل
|
|
 تماضر دى ..ما حصلت
|
كانت امسية أول أمس غاية فى البهاء
فقد حلت علينا فى شقتنا الصغيرة بأبوظبى المبدعة الجميلة تماضر بت شيخ الدين
و تحلق حولها مجموعة من المحبين* و زوجاتهم.
جمعت الجلسة الكاتب و القصصى الكبير صديقنا عثمان حامد سليمان و الذى جعل تماضر تفطس من الضحك بقصصه وطرائفه البديعة.
محسن خالد كان كعادته حاضر البديهة كثير الابتسام
المنصورى البديع اتى ومعه زوجته اللطيفة التى لم تكف ابدا عن الضحك وكان معهما صغيرهما محمد الذى أعجب جدا بسارة ورفض فى النهاية الذهاب مع والديه و قرر البقاء مع سارة فقالت له تماضر: يا ولدى أنت قايل الحكاية دى سهلة .. دى حكاية فيها فتح خشم.. وكلام رجال وكلام نسوان...ولما رأته مستمرا فى البكاء ..قالت لوالده: خلا ص يا منصورى شوفو ليهو فتحة خشم صغنطوطة على قدرو...
الرقيقة تيسيير عووضة ايضا كانت حاضرة وهى شابة تأسرك بحضورها البديع.
غايتو تماضر دى ماحصلت
جنس حكاوى وجنس قصص
تونسنا
و تونسنا
وضحكنا كترة ضحك
عالم بهيج من المتعة والبهجة والفرح
الباقى أخلى تجى تحكى ليكم تماضر براها لمن تجيكم راجعة
* ملحوظة:
المحبين هنا تعنى محبى فن تماضر و معجبيها
|
|
 
|
|
|
|
|
|
|
|
Re: تماضر دى ..ما حصلت (Re: هشام المجمر)
|
المجمر الجميل
سلام يجيك حافي
يهرول وتلتبج الحروف
لك الود بزبزبات عاليه جدا
كما تماضر
تعرف انا تحديدا حاسدكم عديل كده
لكن برضو كان عندنا يوم امس وتماضر من حيث لاتدري ولاتعلم
دخلت برنامجنا العفوي جدا كنا تلاته ونوباويه
اقول ليك سر الكهربه بتاعت دبي الكتيره ديك كانت ضلمه
وكنا قاعدين بي نور تماضر جنس فول وفطائر وصور
ونكات وموت من الضحك
ولجمال البوست ده وجمالك حا انزل ليك صور يوم امس
مودتي
| |
|
|
|
|
|
|
|
|
|
Re: تماضر دى ..ما حصلت (Re: احمد العربي)
|
يا مجمر ..
في كل يوم ( يغيظنا ) الغائظون - زيك طبعا - بأنهم كانوا و تماضر .. و نهلوا فيض نبع لاينضب من الألق الجميل .. و الحسن الانساني البهي .
ونحلم ( بنا ) نرد لكم الغيظ ( أغياظ ) حين ترأف و تحن نخلتنا باطلالة علينا في الدوحة .. تلقي رطبها .. فتبتل عروقنا و اللهاة ( الملهلة ) تزيدونها أنتم بمدكم اللسان .. و ( كيه لينا ) ..
فنلعن حظنا الشوم و طول الظمأ..
أخي هشام ..
أحكي عن تماضر .. حدثنا عن هذه السيدة الفريدة ..
أو .. ضعوا بين أيديها جهازا تدخل به سودانيزأونلاين و .. ( تناغمنا ) قليلا ..
طال غيابها .. و نحن - بعد - دون سن الفطام ..
خالص مودتي
| |
|
|
|
|
|
|
|
|
|
Re: تماضر دى ..ما حصلت (Re: احمد العربي)
|
أحمد العربي
النحات الذي نهوى
الفنان ياعزيزنا
مزيد من الصور
متعنا متعتك العافية
ناس كتيرين فنانين
زي تماضر فنانة لكن ونسة افن من فنها
افنك برة البوست
| |
|
|
|
|
|
|
|
|
|
Re: تماضر دى ..ما حصلت (Re: محمد سنى دفع الله)
|
الجميل
منبع السعاده
والفرح الذي يمشي ساقين
جراب الجمال السامق فينا
حملناك كما الوطن مبدعا
محمد السني دفع الله
موده خالصه
وحب مطر يغرق
وطن
مودتي
وتماضر هي الجمال كما انت
ونحن مراءة لكم نعكس دواخلكم
حب متواصل
| |
|
|
|
|
|
|
|
|
 Re: تماضر دى ..ما حصلت (Re: محمد سنى دفع الله)
|
متين ياطـمطم ترجـعي وتحكـي لينـا بأي حـاجـة?
الناس دي كـلها بيتحـبك صـح...بس أنـا بأحبك أكـتر...
أنـا ماشية أشـوف الصـور في انترنت كـافي كمبيوتري مابيظـهرهـم..
شـكرا اسـتاذ هشـام...
مـني خـوجـلي
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
العزيز احمد العربى
شكرا على هذه الصور الجميلة و....ضع المزيد
محمدالسنى
يا فنان
ما تفن احمد
خلى لينا يجيب ليناالصور
منى خوجلى
شكرا ليك يا لطيفة و خليك متابعة
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
سلام
ومبروك عليكم
وما حاسدسن
ولا بغرانين
بس مهريين ..
بعدين دا شنو ؟
| Quote: تحلق حولها مجموعة من المحبين* و زوجاتهم. |
| Quote: محسن خالد كان كعادته حاضر البديهة كثير الابتسام |
الزول دا ما لقيتو ليه سدنى
ولا نيولوك تلمو ..
قاعد زى الكباية الفردية ..
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
معتصم الطاهر
سلامات
الزول كان الوحيد العزابى
لكن انا دغمست الكلام ده وما قلتو صراحة
انت البوديك تنكش المحلة دى شنو
اها النقول ليك محسن ما عزابى
انا كنت معاهو يومين.. وفى اليومين خطب مرتين..برضو تقول لى عزابى
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
الاخوة والاخوات الكرام.
تماضر شيخ الدين أنسانة رائعة بمعنى الكلمة, أنا أحد الذين سمحت لهم ظروفهم بالتعرف و التعامل مع تماضر من قرب. فهي فعلا زولة ممتازة بمعنى الكلمة.
دينق.
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
ليلة ويالها من ليلة ..
نحن بلابلها وسمّارها
نحن أهلّتها وأقمارها
غنينا وفرحنا
وأمسينا وصبحنا ..
كانت أمسية حلوة شديد
نورت أبوظبي بوجود تماضر الباهي ..
زولة تشدك بروحها الجميلة
وبساطتها
وخفة دمها ..
والرائعين عثمان حامد ومحسن خالد ومنصوري ..
وأصحاب الكرم والذوق هشام المجمر وزوجته اللطيفة ..
وكل الحاضرين الحلوين
الضحكة لم تفارق الشفاه
والونسة لذيذة و مفيدة ..
بالجد ليلة جميلة جداً
وما حصلت زي تماضر ..
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
..
أممم،.
يسعد صباح النونا طمطم،..
ويسعد صباحك يا هشام،..
قعدتنا البراحة ديك في بيتك، لا تُنسى،..
طبعاً أي قعاد فيهو نونات بيتي محروم منو، قالوا شُرَّاركم عُزّابكم،..
أوكي، خلاص نقوم نشوف لينا ست منزلَة ومضيفة، وندخل نقابة المتزوجين الأخيار،..
شخصياً اتكيفت من البيت المأهول بنساء، ومدام سلمى امرأة نادرة، طيبة أهلنا المسيكتاب وكرمهم، ممزوج مع مدنية ورقي من كوكب تاني، وكفاياها أدّتك سارة وسُهى، وربنا يخليكم لبعض،..
صديقي عثمان حامد ود سليمان، أوشك أن يقتل الطمطم ضحكاً بقصة تلك المرأة التي علّقت على الحج،..
طمطم بتقول دي تاني أسمح قصة تسمعها في حياتها، الأولانية قصة الفنّان الحقيقية الذي سألوه لماذا لم تتزوج؟
شكلها بتنطبق عليّ،..
كمان مشيا زرنا منصوري وزوجته "سيدة" في بيتهما، يا الله ناس صافيين كأنهم مغروفين من بحر ملايكة،..
الأمسية ديك، حسيت فيها بإني رجعت السودان، وهسع رجعت تاني أبو ظبي،
كونوا بخير،..
وإنت برضك يا تيسير الأنيقة
..
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
اللهم لا حسد يا ناس الإمارات ...
بصراحة إنتو ناس حلوين ، الزول السمح عثمان حامد ، هشام المجمر ، ولدنا أحمد العربي ، والولد الحلو محسن ، والأسمح منهم كلهم محمد سيد أحمد ، والزول الرايق عجب الفيا ، وقريبي عباس ، ويعني كلكم ناس حلوين ،،، صدقوني والله بتكلم جد ،،، تستاهلوا تجيكم تماضر ، وتستاهلوا تدخل بيوتكم ، وتتصور معاكم ، وتضحك لما تسمع قصصكم ، وتضحكوا وإنتو بتسمعوا منّها ...
لكم ولتماضر تحية الجمال ، وشوق النضار ...
أحمد العربي :
قد لا تعلم أن تماضر قريبتك ! لو لاقيتها أسألها إن تكن قد سافرت بعد ،،،
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
محسن خالد
يا زول يا جميل
كلامك بالحيل حلو و حضورك اليوم داك كان أحلى
شكرا لك على هذه الكلمات أصالة عن نفسى ونيابة عن أسرتى الصغيرة( حلوة دى)
وما تنقطع البيت بيتك
ود قاسم
يارجل يا لطيف كلامك كلو ذوق
طيب ما دام بتحبنا كده ما تطل علينا مرة وليك على نفقهك بالضحك ونرجعك سمين وامين بس انت تعال.
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
هناك مثل نيجيرى يقوله الضيف حينما يبالغ المضيف فى اكرام وفادته
والترحاب ولايجد ما يرد به الجميل
فيقول: عندما اموت لا يلزمك الحضور للعزاء...
فأنت يا هشام المجمر وانت يا ايتها الراقية الملامج واللمسات سلمى وانتن ياحلوات الطفولة سارة وسهى ...اعفيكم من الحضور الى مراسم العزاء حين اموت
اخبروا الكاتب الكبير عثمان حامد "عسل الجنوب" وعسل جنوبه بثينة التى يحملها فى احداقه اين ما ذهب
واخبروا المنصورى الهائم بين الاوتار والكلمات ..وزوجته نقية القلب سيدة جبريل
اخبروا جميلة بنات جيلها تيسير وعووضة ووالدها ووالدتها وهم يرسلون لى السلام فى طرفها
اخبروا محسن خالد الشاب الهادىء الخجول كثير الابتسام وهو يراقبنا ..بعين لاتخطىء الاشياء طوال السهرة ولا نعرف من سنكون حينما يعكف على نشر البصيرة بعد البصر ..
اخبروا كل من هاتفنى ، ورفع من شأنى واشعرنى بأننى قيمة..وتستأهل كل هذا العشق
اننى اعفيهم من جنازتى ...ولكنى لا اعفيهم من محبتى..ابدا
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
تماضر العسل
محبة باقية فى قلوب كل من زكرتيهم
هى محبة كانت اصلا موجودة و زادها اللقاء حب على حب
تسلمى من كل شر
وجيتك لينا هى الهدية(ده غير بوكيه الورد الجميل)
شكرامجددا
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
حكاية ممثلة غادرتناإلى.......أمريكا
غادرتنا مساء الرائعة تماضر شيخ الدين إلى أمريكا بعد أنتهاء ايام الشارقة المسرحية.
تماضر كانت مشاركتها فى المهرجان مميزة ومشرفة
الناس الفى الإمارات كلهم إما وصلتم او تكلمت معاهم بالتلفون خاصة بعد ما ركبنا ليها اضان تالتة مؤقتاحتى تستطيع الرد عل كل المكالمات.
شكرا تماضر على هذه الطلة البهية وانا سعيد ومعى كل اسرتى :سلمى وسارة وسهى بالتعرف عليك وما قصرتى معانا.
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
ومن الجمال الما حصل يا السني ومجمر
مازالت انوار الشارقة تضحك ..
تعرف يا مجمر والعربي انا حاغير من البوست بتاعكم
عن صاحبتي وارجع أنشر كل حاجة حصلت منذ أن نزلت الحبيبة
تماضر الى مسقط والى ان غادرتنا منكم اليكم ثم الىامريكا
تسلموا احباب تماضر
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
الباشمهندس هشام المجمر
شكرا جزيلا علي هذا الخيط الرائع
شكرا لاحمد العربي علي الصور التي نزلت في خيطه و في هذا الخيط.
و شكرا للجميلة الرائعة تماضر حتي و هي تزور كل دول الخليج و تنسي وطنها.
كنت امل ان تمتد زيارة تماضر و تشمل الوطن, ثم اذهب الي الخرطوم خصيصا للقاءها و التعرف اليها عن قرب.
فجعتونا عندما اخبرتونا انها عادت الي امريكا.
و يا فرحة لم تكتمل.
ان شاء الله يكون في لقاء في مرة قادمة.
و التحية من علي البعد لك يا ابن بحري المدينة و المدرسة و التحية مجددة لك ياتماضر التي تشعرنا بالفخر لكونها من وطننا.
ولكم كل الشكر
و لا عزاء للمقييمن في الوطن.
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
| Quote: الناس الفى الإمارات كلهم إما وصلتم او تكلمت معاهم بالتلفون خاصة بعد ما ركبنا ليها اضان تالتة مؤقتاحتى تستطيع الرد عل كل المكالمات. |
الا انا ....
لكن تتخيل ياهشام الكلام دة كلو فاتني ...
الا بس وصلت معاها لحدي جنب الطيارة..
التقيتها لاول مرة ...دخلت من دون استئدان ..
شعرت بانني فاتني الكثير الكثير....
انسانة رائعة لا مجاملة وتستاهل الف بوست محبة..
قالت لي(ولتسمح لي تماضر ) بانها بكت كثيرا للفراق والوداع.....
الم اقل لكم انها كما يقول اخي القردابي(فارسة من الزمن الجميل)
تماضر
حفظك الله
واسمحي لينا قصرنا معاك..
| |
|
|
|
|
|
|
|
|
|
Re: تماضر دى ..ما حصلت (Re: Ahmed El Gasim)
|
الما حصلتو انتو ديل
انا لو ما نعسانة لقلت فيكم مالم يقله مالك فى الخمر
يا مجانين ..........
بجيكم صاااااادة حتما بس خليكم مدوزنين زى ما شفتكم
"عارفين اتثاءبت كم مرة الليلة فى الشغل"؟؟
| |
|
|
|
|
|
|
|
|
|
Re: تماضر دى ..ما حصلت (Re: Tumadir)
|
المجمر ،،
سلامات ..
الاستاذة الشاملة تماضر رمز من رموزنا الثقافية الراسخة وبدل العزومات (الدكاكينية دي).. (نظرة حاسدة جداً) ،، يفترض مهرجانات تكريمية وقومية لها ولامثالهاومن حظنا اننا مازلنا نملك من نحتفل به ، لكننا لا نجيد سوي التلويح بصوت العنج .
اراهن ان الاغلبية في انتظار عودتها لتحكي عن رحلتها .
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
أحمد القاسم
سلامات يا رائع
البركة بالشوفة
والمرة الجاية بنخليك فى وفد المقدمة
متوكل التوم
سلام
اقتراحك اكثر من جميل
يلا فكر كيفن ننفذو
تماضر
صحى النوم يا جميل
نحن هنا فى إنتظارك
ما تتأخرى علينا
تقبلى سلام التلات سينات ( سلمى ،سهى،سارة)
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
وهذا خاص بناس ابو ظبى
سرقنى هشام المجمر من المهرجان وجاء الى لوبى الفندق وضرب تلفون وفال انا تحت انزلى حتمشى معاى ابو ظبى
وهرعت الى بهو الفندق وانا احمل شنيطة ..
وقلت اننى يجب ان اعود قبل سبعه عشان العروض المسرحية
كانت معه مريم الفكى وووفاء الفكى وبنت مريم مشاعر التى كانت احدى الممثلات الصغيرات اللاتى شاركن معى فى تلفزيون السودان لما كانت طفلة الآن هى شابة جميلة وودودة كامهاتها ولم تفارقنى لحظة
جاءوا ومعهم حاسة الاقناع السودانية ديك
ما كان عندى خيارات كتيرة غير ان استجيب للاختطاف
وضربنا الشارع ومعانا كان محسن خالد "ده قصة تانية كمان"
على مدى ساعتين او اكثر كنت اصرخ من المناظر ال"ما طبيعية" المدهشة ..وعربية هشام المجمر الفاخرة وتسجيلاتو النوستالجية ..وردى كان معنا
ووصلنا الى منزله الانيق
اول حاجة علقت عليها هو الاحساس الفنى العالى الذى يحيط بالداخل
كل شى له لون مقصود وكل لوحة او لون كنبة او حيطة منتقاة بعناية
جاءت سلمى وسارة وسهى
امرأة عامرة بالذوق والاناقة والحفاوة
احسنت استقبالنا وبدأت التلفونات ..
جاء عثمان حامد وبثينة ..زوجين تعمر المساحة بينهما بالحب والاحترام الواضحين
وجاءت فتاة جميلة ضاحكة الوجه .قالوا انها تيسير عوووضة ..ذكرتنى ملامحها فورا بالراحلة جميلة معهد الموسيقى والمسرح نعمات هارون واخبرتها..
كانت ودودة ومرحة ..
جاء منصورى "ياتماضر يا مفرحة" وزوجته سيدة جبريل ..امرأة لا يعرف النقاء اجمل منها
وابنهما اللطيف..
واكتمل المجلس وبدأنا الونسة
ضحك ودموع تخر..
وجاء طعام سلمى ليسد انوفنا بالشهية ..
واكتملنا ...
بكى ولد منصورى لانه بيحب سارة وما داير يفارقها ..وبكت ساره حتى يبقى الولد الحبيب بقربها
كان مشهدا بريئا وحزينا "عملنا فيهم نكت الله والرسول" وتلذذنا بحزنهما البرىء ضحكا..
حتى اقترب الصباح منا..قدمنا ناس سيده انا ومحسن بالاقدام ..ولكن ما كان ممكن ما ندخل بعد اصرار سيده..غنى لى منصورى الاغنية يا تماضر يا مفرحة ورقصتها معى سيده بالشايقى وصفقها معى ابنه اليافع ..كان مساءا روحانيا ..
وفى الصباح غادرتهم لمنزل اهلى وكان عبد المنعم محمد الطيب ابن خالتى آمنة وزوجته فايزة قد وصلا حديثا لابى ظبى
احسنت اقبال اختها وفادتنا ..وطبعا الاكل والمنازل المريحة ..بعدها خرجنا للشاطىء
ابو ظبى مدينة فخمة..جميلة ونظيفة ..بها مناظر لا تنافس ..كل زواية منها تنفع "كرت معايده" كنت اقول لهم دايره لى توب من قماش العمارة دى وبلوزه من ديك ..كل شىء طراز فنى حديث
بعدها اخذتنا اقبال الى مطعم الشوكة الذهبية وتنعمنا بوجبة الاسماك الامشوبة المشكلة ..
وفى هذه الاثناء كانت الساعه اتنين قد اتت
موعدنا للذهاب الى هشام المجمر ..والعوده الى الشارقة
اصر ان ندخل البيت وناكل "تااااااانى" ملاح ورق كدت ان اترك اصابعى على صحنه
وانقضى الوقت المحسوب
وعدت للفندق وكان بمعيتى كل الاسرة ودعتهم وعدت للعمل والمشاهدة ..والمهرجان
شكرا هشام على الاستضافة الجميلة والمشوار البديع والتعرف على اسرتك واصدقائك كان احد نعم الاله على..
محبتى
| |
|
|
|
|
|
|
|
|
|
Re: تماضر دى ..ما حصلت (Re: هشام المجمر)
|
العزيزة تماضر
الما حصلت
وأنا أقرأ كلامك الجميل خنقتنى العبرة وتذكرت تلك السويعات البديعة التى قضيناها معا.
روح الجمال و الاسرة و الدفء كانت هنا
نحن لا نستحق هذا الشكر بل تستحقينه انت
فلولا وجود لما تجمع هؤلاء الجميلين
وكدى اصبرى لمن اجيك كده برواقة
| |
|
|
|
|
|
|
| |
هشام المجمر
محمد سنى دفع الله
احمد العربي
Emad Abdulla
Muna Khugali
معتصم الطاهر
Ibrahim Algrefwi
Deng
تيسير عووضة
محسن خالد
ودقاسم
Tumadir
عشة بت فاطنة
Ahmed El Gasim
فيس بوك
تويتر
انستقرام
يوتيوب
بنتيريست