دعواتكم لزميلنا المفكر د.الباقر العفيف بالشفاء العاجل
|
|
 يا جماعة من هو الكاردينال المرشح لرئاسة الهلال
|
Quote: الكاردينال يفجر القنابل ويؤكد
سأترشح للهلال.. حافز عمر مسؤوليتي وسأدعم الهلال بثمانية مليون دولار
فجّر رجل الاعمال المعروف اشرف سيد احمد الكادرينال الكثير من القضايا الساخنة في الحوارالذي اجرته معه الاذاعة الرياضية اف ام «104» التي استضافته في الكرسي الساخن واستمعت من خلاله للعديد من المداخلات للصحفيين. وفي بداية حديثه اكد بانه هلالي ويتشرف بان يأتي رئيسا للهلال وقال ساترشح للهلال بإرادة رموزه وجماهيره ولست منقادا لفرد او تنظيم. وان حافز عمر بخيت والمعز مسؤوليتي ولن اتخلي عن هلاليتي وسأدعم الهلال في كل الاحوال وان مشروعا بـ8 مليون دولار في 180 يوما قائما لدعم مسيرة الهلال. وان صلاح ادريس رئيس النادي نجح في بناء فريق الكرة وفشل في النواحي الاخرى. وانني املك المال ولفكر ولست نسخة من الارباب. وفي تصريحات صحفية عقب اللقاء الاذاعي ذكر الكاردينال بانه كان يلعب بمنتخب مدرسة بورتسودان الحكومية وزامل كوبري واسامة الثغر وترتار والطبق الطائر إلا انه لم يلعب في خانة حارس المرمى وانما كان يلعب في الهجوم ولولا الدراسة لكان في الهلال طبقان طائران. |
نقلا عن صحيفة الكابتن عدد الامس 21/11/07
|
|
 
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: شكل وفدا من مجلسه للالتقاء به و بتكريمه: الارباب يشيد بالكاردينال
الرياض – ابراهيم عوض:اشاد رئيس نادي الهلال الارباب صلاح احمد ادريس لاستعداد القطب الهلالي السيد اشرف سيد احمد الحسين بتقديم العون المالي للهلال متى ما طلب منه مثل ما جاء في لقائه امس عبر اثير الاذاعة الرياضية (fm104). وقال الارباب: بان وفدا من مجلس ادارته برئاسة الامين العام للنادي اللواء (م) عثمان محمد الحسن وعضوية امين الخزينة المكلف السيد عماد الطيب ونائب الامين العام المهندس التجاني ابوسن سيكلفون بالالتقاء بالسيد اشرف سيد احمد في غضون ايام لاستلام دعمه للهلال لمواجهة التزامات التسجيلات. ووعد رئيس الهلال باقامة حفل كبير بالنادي تكريما للسيد اشرف على مبادرته الرائعة واستعداده لدعم الهلال بدون شروط. من جهة اخرى عقد رئيس الهلال اجتماعا مطولا امس مع عدد من المنتسبين لرابطة اهل الهلال بالرياض بمنزل ابراهيم عوض بالعاصمة السعودية الرياض لبحث ازمة الرابطة ومعالجة الخلافات التي ادت لتوقف نشاطها منذ اكثر من 5 سنوات ’ واستمع لاراء عدد من الحاضرين من بينهم رئيس لجنة التسيير صلاح بشير بكراوي وسكرتيرها امين كباشي الى جانب الدكتور كرار التهامي وعبدالله ضبعة وناجي احمد البشير وعوض عمر ’ ثم قام باجراء اتصال مع مزاحم الضوي احد اطرف الصراع من الطرف الثاني , وبعد نهاية الاجتماع اتصل رئيس الهلال على الفور بنائبه الطاش والامين العام عثمان محمد الحسن والمهندس التجاني وتداول معهم الموضوع بالهاتف حيث تم التوصل الى القرارات التالية . ضرورة احترام قرار المجلس السابق برئاسة طه علي البشير والتاكيد على ان تكون لجنة التسيير التي شكلها في وقت سابق برئاسة صلاح بكراوي هي الممثل الشرعي للرابطة بالرياض. تقرر تدعيم اللجنة بعدد من الكوادر والكفاءات الهلالية وفق منظور معين مراعاة لظروف بعض الذين توقفوا عن العمل لاسباب مختلفة وذلك ضمانا لسير عملها وانجاز مهامها بالسرعة المطلوبة. . تعيين لجنة برئاسة العميد شرطة الرشيد موسى الزين مدير الجوازات بالسفارة وعدد من قيادات الروابط بمدن السعودية المختلفة يكون هدفها ازالة الجفوة بين المتصارعين والعمل على وحدة الصف بما يدعم وحدة الاهلة ومسيرتهم. سيتم تكليف لجنة في وقت لاحق لمراجعة الاداء المالي للرابطتين في الفترات السابقة والتاكد من حقيقة المبالغ التي جمعت وكيفية صرفها. ودعا رئيس الهلال كافة الهلالاب في الرياض الاستجابة لدعوته الشخصية بنبذ الفرقة والشتات وضرورة العمل الخالص من اجل الهلال ’ وقال : الهلال محتاج لهذه الرابطة التي تضم بين صفوفها كوادر متميزة ومقتدرة من اجل دعم الهلال والمشاركة في تجاوز أي خلاف. |
نقلا عن جريدة المشاهير
يظهر انو صلاح ادريس ماعرف بحكاية الرئاسة دى لسع
ولا دى سياسة الاحتواء
قصة ما مفهومة
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
يا هشام هذا هو الذي تسبب في سجن وزير مالية جنوب السودان آرثر أكوينفي فضيحة العربات ونهب من وزارة المالية في الجنوب ما يعادل 100 مليون دولار نعم 100 مليون لأن السادة الخرطوم كانت تدفع حصة البترول بالجنيه وهو يقوم بتحويل الدولار،،
رأيته مسجونا في حراسة الشرطة في جوبا
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: NEWSUDANI)
|
كما قال نيو سودانى
ان اشرف هذا متهم مع وزير فى الجنوب والقضية امام المحاكم فكيف يتسنى له الترشيح لرئاسة الهلال .؟
هل فريق الوطنيين اصبح مغسلة لكل من يحمل اموالا مجهولة المصدر ؟
هل اصبح فريق الوطنيين متهما هو الاخر بتلميع سارقى الاموال والمتهمين واصحاب السوابق ؟
اين اقطاب الهلال الذين من المفترض الا يسمحوا لامثال هؤلاء ..اين الرجال الشرفاء من امثال طه على البشير وابراهيم محجوب والسمانى والطريفى وودملاح وعبد المجيد منصور ؟
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: يا هشام هذا هو الذي تسبب في سجن وزير مالية جنوب السودان آرثر أكوينفي فضيحة العربات ونهب من وزارة المالية في الجنوب ما يعادل 100 مليون دولار نعم 100 مليون لأن السادة الخرطوم كانت تدفع حصة البترول بالجنيه وهو يقوم بتحويل الدولار،،
رأيته مسجونا في حراسة الشرطة في جوبا |
نيو سودانى
سلام
طيب ساكت ليه انت ما هلالابى قديم
معقول نخلى الهلال لى الزى ديل
أخير صلاح ادريس
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
هشام اخوى .......
كيفنك ...
للامانة والتاريخ اشرف رجل اعمال من بدرى ... واعرف ان حجم ثروته كانت تفوق العشرة مليار قبل العام 2000 اى قبل التفكير في نيفاشا اصلا او قبل مايكون في حكومة جنوب او ارثر كوينق ... ويبدو ان مخطط العربات مع حكومة الجنوب هو تصفية حسابات مع حكومة الجنوب لأن اشرف حالياً موجود بمكتبه بالمقرن ....
وهو من المستثمرين السودانيين الممتازين خارج السودان ... يمتلك عدة مصانع في اثيوبيا بعشرات الملايين من الدولارات ....
والسؤال عن من اين له هذا رغم ان والده المرحوم كان موظف (مدير شرطة البحر الحمر) فإننى اعلم ان اشرف كان يعمل منذ الثانوى العام ويشترى النفايات من السفن في بورتسودان وكان له اموالا كثيرة من تجارتها ... وقد قرأت انه كان يملك ثلاث سفن في العام 1996 واعتقد ان رجل بهذه المؤهلات المادية ليس نبت شيطانى في عالم المال فهو يملك تاريخ (حسب معلوماتى المتواضعة) جعله رجل اعمال ناجح ...
والاشياء التى يمكن ان نختلف حولها هى ...
هل اشرف مؤهل لقيادة الهلال ؟؟؟؟ في اعتقادى ان الاجابة حتماً (لا) ...
اما لماذا ؟؟؟ فسأعود اليك ياهشام وخصوصا وان الهلال حبنا فيه يجعلنا لا نتعاطف مع احد في سبيل ان يصبح الهلال مارداً هصوراً .......
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: كما قال نيو سودانى
ان اشرف هذا متهم مع وزير فى الجنوب والقضية امام المحاكم فكيف يتسنى له الترشيح لرئاسة الهلال .؟
هل فريق الوطنيين اصبح مغسلة لكل من يحمل اموالا مجهولة المصدر ؟
هل اصبح فريق الوطنيين متهما هو الاخر بتلميع سارقى الاموال والمتهمين واصحاب السوابق ؟
اين اقطاب الهلال الذين من المفترض الا يسمحوا لامثال هؤلاء ..اين الرجال الشرفاء من امثال طه على البشير وابراهيم محجوب والسمانى والطريفى وودملاح وعبد المجيد منصور ؟ |
الكيك
تحياتى ياصديقى
هذه من نوائب الدهر
ان يتصدى الحرامية لقيادة البلاد و العمل العام
لكن حرامى ابونضارة عديل ويجينا يقول داير يدعم الهلال وكمان يبقى رئيسو؟ كارثة
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
| Quote: إلى ذلك قال الاستاذ صلاح ادريس رئيس نادي الهلال انه سيتبنى خطاً من داخل اجتماع المجلس المقبل لقيام الجمعية العمومية لنادي الهلال في الرابع من فبراير المقبل حتى يتيح الفرصة كاملة للسيد اشرف سيداحمد الحسين (الكاردينال) باكمال الثلاثة أشهر وهي الفرصة القانونية التي تتيح له المشاركة في اعمال الجمعية العمومية لنادي الهلال والترشح للرئاسة.. من جهته قال ادريس ان محادثاته الاخيرة مع نادي عجمان الاماراتي بشأن قودوين ستنعقد بعد فراغه من مباراة القمة 29 نوفمبر الجاري.. |
مافهمنا
يعنى الراجل جايبو صلاح ادريس عشان يمسك مكانو فى الهلال؟
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
الكاردينال رفض تسليم تبرعه للهلال للجنة الهلالية البحت
قال شنو؟؟
قال لازم يسلمو لي صلاح ادريس شخصياً
عجبتني حنكة الارباب بارسال الوفد لكشف الكاردينال علي حقيقته
وما عجبني كلام الكاردينال بتسليم الدعم للارباب شخصيا
هو داعم الهلال ولا الارباب؟؟
داير يراس الهلال ولا الارباب؟؟
وهلالنا فوق عزنا، كلام الصعاليق ما بهزنا
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: يعنى طبعة صلاح ادريس
بس
قلت لى ابوهو لواء شرطة
يعنى ما وارث
عمل الفلوس دى كلها من حكومة الجنوب
من دم شعب الجنوب
وجايى يرأس الهلال؟ |
نفس القطعية بأستثناء داك أبوه ترزي وده أبوه لواء شرطة ويسأل عنه أهل بورتسودان ذلك الحين.
أما قضية فلوس حكومة الجنوب هو والقاصي والداني يعلم ، دع عنك كلام البيقول ليك رجل أعمال 1996 وووو .. وبالمناسبة هل لمن يعرفه أن يقص قصة أسم "الكاردينال"
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: NEWSUDANI)
|
يا هشام اخوي
اولا أهنيك ( امسك الخشب )علي التقاط الاخبار المثيرة واتحافك لنا باسماء غريبة كدا . شنو حكاية الكاردينال دي وقصتها شنو؟ في الاول قلت امكن واحد جاي من الفاتيكان لحدي ما قريت الخبر.
بعدين يا اخوان الهلال دا هلال مبادئ منذ ايام الاستعمار ومؤتمر الخريجين ..... ولا يمكن ان يشتري بالمال مهما كثر. عشان كدا اصبح هلال الملايين من الشرفاء وليس من الدولارات.
واخيرا يا باشمهندس يا قائد الاسطول اينك من الحبيبة بحري الثانوية ؟
ودمتم ...
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
(هشام المجمر)... (نيوسوداني) والآخرون :
معقول ؟؟؟؟ أهذا هو منبرنا ؟؟؟ أهذه هي مفاهيمنا ؟؟؟
تحكمون على شخص مازال بريئاً بنص القانون ؟؟؟تتعجلون القضاء كلمته ؟؟؟
ثُم من وإن يكن والده (لواء شرطة) أو(شُرطي) أهذا يمنعه حق الإجتهاد وتكوين ثروات ؟؟
...
...
...
ثُم وهذا هو السؤال الهام من هو إصلاً (صلاح إدريس)؟؟؟
أليس هو الموظف المصرفي الذي صار مليارديراً فجأةً ؟؟؟
كيف صار موظفاً مليارديراًورئيساً لأكبر نادي سوداني ؟؟؟
...
...
...
(الكاردينال) متهماً هذا لا يعني أنه ( مجرم) وقضية عربات الجنوب واموال الجنوب قضية متشعبة وبها إتهامات متبادلة بين قيادات بالحركة ... لم يُفصل فيها بعد... إلا إنكان هناك من يعلم بخلاف ماذكر هنا ... وحتى ذلك الحين من حق (الكاردينال) الترشح لرئاسة الهلال ما إستوفي شروط الترشح وقبله جمهورالهلال ودمتم
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
لعلمي أنه مطلق السراح بكفالة 5 مليون دولار ولقد حقق معه بخصوص بعض المواد التموينية
لقوات فاولينو ماتيب بحوالي 45 مليون دولار !! أكل ب 45 مليون دولار ،، ولو ترشح ونجح
وبقى رئيس نادي الهلال(الله يرحمه)وبعدين حكم عليه بالسجن يتفرج عللى التمرين من
الزنزانة ولا شنو..
يا أخونا هشام تسألني لماذا تركت نادي الهلال ،أذا كان الأنحطاط الحضاري طال كل شيئ
حتى الكورة والفن ..أتفق مع الرأئ اللي بيقول أنه أذا أمثال صلاح أدريس أصبحوا رؤؤساء
للنادي وااله أشرف ليهو مليون حق يكون رئيس Why Not ،،كما قال المرحوم محي الدين
الديم أصلها جاطت
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: هشام المجمر)... (نيوسوداني) والآخرون :
معقول ؟؟؟؟ أهذا هو منبرنا ؟؟؟ أهذه هي مفاهيمنا ؟؟؟
تحكمون على شخص مازال بريئاً بنص القانون ؟؟؟تتعجلون القضاء كلمته ؟؟؟
ثُم من وإن يكن والده (لواء شرطة) أو(شُرطي) أهذا يمنعه حق الإجتهاد وتكوين ثروات ؟؟ |
احمد موسى
سلام
تصدق انو انا الراجل ده اول مرة اعرفو الليلة
يعنى مافى قصد
بس استغربت من طريقة التصريحات لجريدة الكابتن
بعدين يا احمد
انت بتعرف العشرات من الاسر السودانية الثرية (قديما)
وبتعرف انو اى زول بيعرف الناس دى جابت فلوسها من وين ونوع النشاط البيمارسوه
لكن الكاردينال ده اتحداك لو تجيب لى مصدر اموالو الطائلة هذه
يا اخى الحق ابلج
والراجل ده لو كان شريف ليه الشبهات مبارياهو
مش شبهات بي بل وقضايا
الحرامى فى راسو ريشة يا أحمد
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
حسن محمدطه
سلام يا صديقى
| Quote: بعدين يا اخوان الهلال دا هلال مبادئ منذ ايام الاستعمار ومؤتمر الخريجين ..... ولا يمكن ان يشتري بالمال مهما كثر. عشان كدا اصبح هلال الملايين من الشرفاء وليس من الدولارات. |
نعم يا حسن
لكن للآسف يبدو انه فى الطريق الى غير ذلك
كافة المنظومة والقيم الاخلاقية تنهار امام اعيننا
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: لكن الكاردينال ده اتحداك لو تجيب لى مصدر اموالو الطائلة هذه
يا اخى الحق ابلج
|
هشام المجمر وانا مثلك ربما أكون قد قابلته مرة أو مرتين ولم ألقي له بالاً
ولكن لا أفترض السوء في طريقة جمعه للمال ... ثم أطالبه بتبرئة نفسه وماله!!!
وكما ذكر هنا أحد المتداخلين أنه بدأ عمله قبل سنوات ببورسودان ... والأمر ياصديقي نقاش لا يحتمل السخرية والإستهزاء من عينة (شفت الإجتهادياسوداني؟؟) وإن كان الأمر كذلك فأنا آسف لتداخلي علماً بأني لو قابلت المذكور الآن بالشارع قدلا أعرفه ودمت
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
ياهشام والله فايتاك أبوظبي مع وجود الحاجة.. مبالغة
هذا الشخص قصة الكاردينال دي معروفة وقصة أراضي الكنيسة التي قام ببيعها والقصة حقيقة مضحكة
موضوع هذه الأتهامات ليست hear say كلها مثبتة في ملفات الداخلية في حكومة جنوب السودان
أما موضوع نادي الهلال ده منذ أستيلاء هذا الطفيلي "صلاح أدريس" عليه لقد فقدنا الأمل فيه ،فالجيفة مامهم يشيلها كلب ولا مرفعين كلهم بيأكلوا الجيف
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
يا احمد موسى سؤل
هل يمكنك المقارنة بين مصدر ثراء حكيم الهلال طه على البشير و الكاردينال؟
انا اقول لك فطه قريبى و اعرفه منذ ان كان طالبا بجامعة الخرطوم
طه شخص شريف بنى نفسه بنفسه
رفض منذ تخرجه العمل بالحكومة موظفا رغم بريق الوظيفة فى ذلك الزمن
عمل بحجار واجتهد وثابر ليل بنهار احدث نقلة كبرى فى عمل الشركةعندما عين مديرا عاما لها و طور اعمالها
ومن ثم صار شريكا و عضوا بمجلس الادارة
هل سمعت بالحكيم متهما يوم فى قضية مالية او موقوفا فى حراسة كما حدث للكارديتال؟
ها سمعت يوما أى شبهة حول مصدر اموال الرجل العصامى طه على البشير؟
انظر الى مسيرة طه فى الهلال
بدأها من اول السلم
وجد واجتهد فى العمل الادارة لاكثر من عقد ونصف عمل فيها مع الزعيم الهلالى الطيب عبد الله رحمة الله عليه ردحا من الزمن
حتى وصل لمنصب الرئيس
انظر ماذا يريد صلاح ادريس ان يفعل حتى يتمكن الكاردينال من ترشيح نفسه للرئاسة؟
تأخير الجمعية العمومية عشان خاطر عيون الكاردينال
يا احمد موسى الحلال بين والحرام بين وما بينهما متشابهات
نحن لن ندفن رأسنا فى الرمال
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: الكاردينال يتكفل ببقية مستحقات المعز ومعسكر
الفريق لمباراة المريخ و5 الف دولار حافز الفوز
* اعلن السيد أشرف سيد أحمد حسين (الكاردينال) عن تكلفه التام بدفع كافة متبقي حافز حارس الهلال المعز محجوب وهو 300 مليون.. وسيقوم بتسليمه فعلاً للجنة التي
كونها رئيس الهلال لاستقباله وبرفقتها المعز محجوب.. كما أعلن عن تكلفه بكافة نفقات معسكر الهلال اعتباراً من يوم غد الاثنين والمقام بفندق القصر ببحري حتى موعد مباراته امام المريخ يوم الخميس القادم.
كما أعلن الكاردينال عن حافز مادي يسلم للاعبي الهلال في حال سحقهم للمريخ في نهائي الممتاز بواقع 5 آلاف دولار. وجدد الكاردينال عدم ترشيحه للرئاسة أو المجلس مؤكداً أن دعمه غير مربوط بالمناصب. وقال إن الأهلة مطالبون بالالتفاف حول الهلال لمسك الختام امام المريخ.
. |
هنا قروش الكارديمال جايةتنافس قروش جمال الوالى
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
الأخ هاشم ..
وبقية الأخوة ..
الآتي يمثل 90% من حوار الاذاعة الرياضية
مع أشرف سيد أحمد ..
نشر هذا الحوار بمنتدى محبي المريخ
يوم 20 نوفمبر 2007 ..
نعيد نشره هنا كما جاء ..
مع مراعاة أن التعليقات موضوعة بين قوسين
لأني سأستخدم طريقة الكوبي بيست ..
أول حاجة نفى حديث الأرباب عن عدم
عضويته للهلال ..
فقال :
أنا عندي عضوية في الهلال ..
قبلها قال :
البمنعني شنو أكون رئيس الهلال
أنا بدير مؤسسات فيها دكاترة ومهندسين
يغلبني أدير 22 لاعب ؟؟
سأله يوسف السماني :
عن صحة الـ 8 مليون دولار ، فقال :
دي حقيقة لأني أنا زول بفكر وعندي خطط
حيث لا يمكن أكذب على جمهور الهلال .
والـ 8 مليون حقيقة ..
سأله يوسف السماني :
هل امكانياتك قدر صلاح ادريس ؟
فقال :
دي حال الكورة ، مافي امكانيات مافي كورة ..
تدخل محمد أحمد دسوقي فقال :
أفتكر إنو الهلال نادي جماهيري ومن حق أي
زول يترشح فلماذا الناس عاملين ضجة حول الكاردينال ؟؟
قال يوسف السماني لدسوقي :
هل تفتكر بالممارسات الماضية بتاعة جلب العضوية
يمكن أن تكون هناك انتخابات نزيهة في المرة القادمة
فقال دسوقي :
لا للاسف الشديد لأن 99 % من العضوية مستجلبة
ولا تمتلك قراراها وما يحدث في الهلال لا يشبه
الديمقراطية ومن فاز فاز بقروشو وليس لأنه الأفضل
والديمقراطية دوما في الهلال لا تفرز قيادات جيدة
عكس الديمقراطية التي لم تفرز كوادر جيدة لقيادة الهلال .
يوسف السماني سأل :
هل هناك عضوية تم تسجيلها بالدين ؟
فقال نعم وهذا نظام مخالف للديمقراطية ..
فالعوضع الطبيعي أن يأتي العضو بنفسه ويسدد
الرسوم ويأخذ العضوية ..
ولكن هناك قوائم حيث تم دفع العضوية ل 1800 نفر ..
دسوقي سأل أشرف :
ليه يا اشرف أبديت رغبتك في العمل حاليا
وليس في فترات سابقة ..
فقال أشرف :
لكل انسان فترة يدرس فيها امكانياته ..
وفي السابق كنت مشغول بغير الهلال ..
كما لم يكن هناك تناحر وتنافر في الهلال
كما يحدث الآن ..
سأله المذيع :
قالوا إنت شغال بنظرية :
تأنبى الرياح إن تجمعن تكسرا ....الخ
فقال :
أنا اتصلت برجالات الهلال وبديت الالتقاء بهم
وقريبا سألتقي بالأخ العزيز صلاح ادريس ..
وسنعمل للمصالحة ..
والفهم الأكبر إنو الهلال لازم يكون بتاع الجميع ..
سأله يوسف السماني :
هل مقابلتك لصلاح ادريس يعني عدم ترشحك ؟؟
فقال :
هناك رجالات عايزني أترشح وعندهم فهم إنو صلاح ادريس
ورط الهلال في مشاكل وبؤرة رمال متحركة ..
وأنا فهمي أنو لو صلاح أخفق أو ما أخفق له دور في تكوين الهلال
وأعتقد أنو الأرباب شخصية فنية واقتصادية يشار لها بالبنان
فلازم يكون رجل سوي ..
يوسف السماني :
هناك تناقض في حديثك يا اشرف :
قلت ما عايز تترشح
فهل في حال عدم ترشحك ستدفع المبلغ
فقال :
أنا قلت بعد المجلس الجديد للهلال عندي مشروع ناجح
في أقل من 82 يوم ح يجيب 8 مليون دولار للهلال
وهي ليست مرتبطة بمن يرأس الهلال !!!!
سأل المذيع :
ما راي اشرف في سلبيات صلاح ادريس ؟؟
اشرف :
الحاجة الواضحة أنو الهلال كلعيبة وتيم ما فيهو كلام
رغم الاخفاق الأخير للفريق ..
بعد كدا :
تبقى الجوانب التانية مثل
أنا بعتقد إنو صلاح ادريس شتت كبار الهلال وفتن بينهم
ولم يستفد منهم بسبب انفراده بالقرار ..
باختصار يا دسوقي :
التيم تيم رائع ، أما باقي الشياء دكتاتورية وانفراد بالراي
فأعتقد صلاح ادريس ما معاه حق ..!!!!!!!!!!!!!!!!!!!!!!!!!!!!!!
جاء خالد عزالدين :
( مقدمة ومدح للاذاعة ) !!!! ثم قال :
مرحب يا استاذ أشرف ..
ممكن تكون ما طرحت نفسك بشكل مباشر وأنا كتبت عمود
ومافي دخان من غير نار ..
صلاح ادريس شخص ولكنه تجربة قائمة على تقديم نفسه كرجل غني
يعني أساس الدعم إنو رجل عندو قروش لأنو لو قدمناه بأي صفة فكرية
أو مخطط أو عبقري سيفشل
وإنت ماشي في نفس الاتجاه ..
وإنت تكرر التجربة وهذه التجربة لا تناسب الهلال وتكرارها غير مفيد
ولكن يجب أن نتميز على بعض ..
ميز روحك عن كل الهلالاب لقيادة نادي الهلال ليس بمالك بل بفكرك ..
أشرف :
شكرا يا خالد على السؤال :
مع احتراني لصلاح ادريس فقد التقينا فنيا واقتصاديا ...الخ
وحقيقة كل زول عندو شخصيتو وتفكيرو وأنا ما تابع لصلاح ادريس
فأنا عبقري وليس كما قلت يا خالد ..
فأنا عبقري ..
أما مسألة رفضك للتجربة فهذه مسائل تخضع للجمعية العمومية
ممكن الجمعية تجيبنا ..
فما تحكم علي بنفس مقياس صلاح ادريس لأنو ما في زول ما بفكر وعبقري
عمل القروش ..
أما بالنسبة لرئاسة الهلال فاقولها وأكرهها :
أنا ما فاضي عشان أخش مجلس الهلال وإن كان من حقي لأنو
عندي امكانيات أقود الهلال وأقود أفريقيا ذاتها ..
وإنت يا خالد ذاتك مع قعدت معاي عشان ترعف فكري .
وعبقرتي ..
يوسف السماني :
أنا ما فهمت اشرف ح يترشح ولا ما ح يترشح في تناقض ...الخ
لأنو قال من حقو يترشح ثم قال ح يجمع الأهلة ثم قال ح يدفع 8 مليون
ثم قال هو مش ح يدفع انما مشروع ح يدر 8 مليون ..
خالد عزالدين :
رغم خلافي الفكري مع صلاح ادريس لكن صلاح ادريس
قدم نفسو على اساس المال
وممكن اي زول يقول كلام اشرف دا لو لقى قروش ؟
صلاح ادريس قدم نفسو بدعمه للهلال في التسجيلات ..
الآن اشرف ، هو لم يقدم نفسه للهلال ..
المشروع بتاع 8 المليون ما هي الضمانات لأنو صلاح ادريس
الناس بتقول صلاح ادريس دفع ..
لكن ما بتتككلم عن صلاح ادريس شال !!!!
لأنو مافي ميزانية للهلال ، فصلاح ادريس شال كم ؟؟؟
( كلام خطيييييييييييييييييييييييييير )
اشرف ما يقول أنا أنا أنا ..
لأنو أي زول بقول أنا ..
وعلى اشرف يورينا مشروعو البجيب 8 مليون دا شنو
أشرف :
المشروع للهلالاب ايا كان فأنا بقدمو للجمعية
خالد :
ليه تقدمو للجمعية ما تقدمو الآن ؟؟
يوسف السماني :
إنت يا خالد أي حاجة عايز تعرفها ..
يوسف السماني :
هل ممكن تساعد الهلال في التسجيلات القادمة :
اشرف :
أنا مستعد أدفع وح أدفع للعيبة اللي ما أخدوا مستحقاتهم
خالد :
يعني ح تحل مشكلة المعز ؟؟
أيوة وح أمشي لصلاح ادريس وأقولو في شنو ؟؟
والبقولوا لي ح أدفعو ..
تدخل برجاس :
برحب بالأخ أشرف كرئس لنادي الهلال ..
لكن الشئ الشايفو إنو دي حملة مرتبة بدأت بجريدة الكابتن
وانتهت بالرياضية ..
والحملة دي مقصود بيها صلاح ادريس ..
وقد تم الزج بالأخ اشرف في معركة من غير معترك ..
لأنو بداية حديثكم كان مستفذ وقلتو ليهو صلاح ادريس
قال :
ما عندك عضوية صلاح عندو علاقة ودية مع أشرف
والدليل على استهداف صلاح ادريس أول مكالمتين كانوا
من دسوقي وخالد عز الدين ..
المذيع :
يا برجاس تابع عندنا ضيوف من أنصار صلاح ادريس ..
نحن الشئ القلناهو جاء في الصحف ..
أشرف :
الود اللي بيني وبين الأرباب لا يقبل الفوضى بتاعة برجاس
لأني أنا أقوى من اي زول في ادارة الهلال
وأخونا برجاس ما عندو حق يتهمني بتنفيذ أجندة ضد الأرباب ..
خالد عزالدين :
أنا بكتب في القضايا العامة عشان كدا ما برد على كلام برجاس
وأنا في حساباتي أشرف بكرر في تجربة ..
وهذا الأخ يطرح نفسو بكل شفافية ونحن بنتناول الأمر بشفافية ..
يا أشرف عندي أمنية :
أن تطرح نفسك من خلال مشروع تفصيلي ..
أشرف :
دراسة جدوى ولا شنو يا خالد ؟؟
لا رئيس ريال مدريد كان بطرح مشاريع محسوسة ( لاعب ، مدرب ...الخ)
عشان ما نتفاجأ بطرحه لأشياء فضفاضة ..
نتمنى إنو الناس تتجاوز الأشخاص وتنتمي للهلال ..
أشرف :
يا خالد أديني فرصة ، من هذه اللحظة كنت يا أخ خالد
إنو ما يكون عندي ارتباطات خارجية عشان أخش الانتخابات
دي ..
لكن حقيقة لظروف عملية ما بقدر أخش انتخابات ..
خالد :
إذا لو اشرف ما طارح نفسو لرئاسة الهلال يبقى شخص
عادي إنتو عاملين معاه لقاء ليه ؟؟
يوسف :
لأنو الموضوع مطروح للنقاش في الجرائد ..
رمضان أحمد السيد :
أنا ما تابعت اللقاء من بدايتو لكن سمعت كلام خالد عزالدين
وجزء من حديث الأخ اشرف ..
نحن يسعدنا وجود رجال مال في الهلال لأن مثل هؤلاء اضافة للهلال
لأن لا يوجد شخص واحد يستطيع ادارة الهلال ..
سؤالي لأشرف :
لماذا لا يدعم اشرف أندية أخرى مثل الموردة
لأنو لو دعم فرق أخرى وحقق بطولة دا يكون
الانجاز ..
أشرف :
يعني يا اشرف دي دعوة للتخلي عن الهلال
طيب أنا ما دعمت أندية كثيرة فهل أكون رئيس
لكل هذه الأندية ؟؟
رمضان :
لو دعمك تصفية حسابات مرفوضة ..
أشرف :
إنتو ناس ما بتعرفوني لأني ما ممكن يقودني رجل ..
رمضان :
ليه الدعم مرتبط بفترة الانتخابات ؟؟
ما الهلال دا كان محتاج لدعم في الفترة الماضية ..
أشرف :
لو حقيقة عايز أرشح نفسي ما بهاب زول ولا بخاف من زول
إنت يا رمضان ليه فكرت إني بعمل كدا عشان أخش انتخابات ؟؟
رمضان :
لأنك عملت عضوية وظهرت مع الانتخابات ..
( دورت شكلة ... )
!!!!!!!!!!!!!!!!!!!!!!!!!!!!!!!
صلاح دهـب :
عندي تلاتة أسئلة :
أول حاجة اشرف عمل تلاتة حوارات في يوم واحد
في الأول قال ح يدفع 8 مليون ..
في التاني قال مشروع وفي التالت قال عندو استثمارات ..
نحن ما عندنا مشكلة يدفع والكيفية عليه ..
عايزين نعرف :
1/ المساهمة العاجلة في الهلال ..
2/ قال بدير مؤسسات كبيرة وعندو 400 موظف وما ممكن
ما بقدر يدير 22 لاعب ، ونسى إنو الهلال مؤسسة ..
3/ قال إنو الناس دفعوه لمجابهة صلاح ادريس فالناس ديل منم ؟؟
ليه أخونا أشرف يتصدى لذلك وهو راسمالي ناجح ..
وأنا المعلومة العندي إنو كان حارس مرمى في بورتسودان ..
وشـكرا .
يوسف السماني :
أسئلة صلاح دهب يا اشرف ما تنساها :
إنت قلت ح تدفع 8 مليون
ثم قلت ح تجمع
ثم قلت استثمارات ..
فأين الحقيقة ؟؟
أشرف :
أنا احابتي :
أنا غير مسوؤل عن أخطاء الصحفيين ..
فقط أقول :
أنا ح أعمل مشاريع واستثمارات ح تجلب 8 مليون دولار ..
في عام 2008 ولو صلاح دهب عايزني أدفعها بدفعها
( ختييييييييييييييييييييييييييييييييييييييييييييييييييير )
كم ح تدفع في التسجيلات ؟؟
أشرف :
أنا قلت لا اسمح لأي لاعب هلالي
بالذهاب للمريخ ، ودي انتقدوني فيها ناس المريخ
يعني لو عمر بخيت ماشي المريخ والمريخ دفع
مليار أنت ح تديهو المليار ؟؟
اشرف :
نعم .ح أدفع المليار ..
الهلال أكبر من مؤسساتك يا اشرف ؟
مع احترامي لجماهير الهلال لكن الحقيقة كل مشاعر
الجمهور مرتبطة بالـ 22 لاعب فقط ولا ترتبط باي
منشط آخر مع احترامي لباقي المناشط ..
هل أنت تم دفعك لتقدم نفسك ؟؟
كل رجال المال يعرفون اشرف سيد أحمد ، فأنا لا يمكن أن اقاد
وأنا ما شايف زول أحسن مني عشان يقودني ..
المذيع سأل :
أشرف قال ح يترشح في الدورة القادمة ؟؟
لو حصل مستجد هل ح تترشح ؟؟
اشرف :
حقيقة لو في رغبة أو في سواد من أهل الهلال
أترشح سأترشح ..
لكن عشان ما أظلم أعمالي واسرتي أنا مش ح أترشح
حاليا ..
يوسف السماني :
في التسجيلات دي ح تدفع كم ؟؟
أشرف :
أنا جاهز للدعم ..
جاهزين .. جاهزين .. لحماية الدين ( شوفوا الفوضى دي ) !!!!!!!!!!!!!!
يوسف السماني :
بوصفي مدير ادارة الرياضية أعلن أن هذا المكرفون
مفتوح للجميع حتى مجلس الادارة اللي مقاطعنا ..
فنحن لا مصلحة لنا في استهداف أي شخص ..
مستمع عادي اتصل فقال :
عندي ملاحظة ، برنامجكم دا بداية لمشاكل
وبالمناسبة أنا مريخابي ، لكن الرياضية بدأت
تهاجم صلاح ادريس ..
فالسبب اللي اخترتو فيهو أشرف اثارة للشكوك
وأنا أتمنى أنو ناس الهلال تقعد وتناقش الامور بهدؤ
والمثل بقول :
السواي ما حداث ..
ولو ال 8 مليون بتاعتو دي عمل بيها شئ للهلال
كان أفضل من الكلام الكتير دا ..
اشرف :
أنا ما بتفق معاه في جانب إنو أنا مدفوع لأجل
استهداف صلاح ادريس لأنو في النهاية هو رئيس
نادي الهلال ..
ونؤكد احترامنا لرئيس نادي الهلال صلاح ادريس ..
المذيع :
يا اشرف لو ترشحت السنة دي أو السنة الجاية ..
هل ستترشح ضمن منظومة معينة ؟؟
وما هو برنامجك الانتخابي ؟؟
أشرف :
أنا ما عندي اي جناح أنتمي له وقاعد أسمع بالأجنحة دي
فأنا شخصية قيادية بتتفرد بتفكيرها براها وبخططها براها ..
وأنا ما مسؤول من تفكير الناس التانيين ..
المذيع :
إنت رئيس فخري للموردة وقدمت لجزيرة الهلال
فماذا قدمت للهلال ؟؟
أنا قدمت للهلال فأسالوا أسامة الثغر ووليد طاشين !!!!!!!!!!!!!!!!!!!!!!!!
( الزول دا عايز يحاسبهم على حق الفول ولا شنو ؟؟؟؟ )
حقيقة يمكن أنا ما أديت الهلال كتيير لكن أنا جاهز أدي الهلال ..
يوسف السماني :
خلاصة البرنامج :
تعرفنا على أشرف سيد أحمد الحسين ..
وما قدرنا نعرف ح يترشح ولا ما ح يترشح ..
تحدث عن أنه سيجلس مع الأرباب ..
برجاس قال : نحن مستهدفين صلاح ادريس .
ونحن لا نستهدف صلاح ادريس ونقدر جهوده ..
كل مداخلات الصحفيين كانت حول رشحه ودعمه
لهلال وهل دفع به لمحاربة صلاح ادريس ؟؟
نتمنى أن يعود الصفاء بين هذه الاذاعة وبين نادي الهلال ..
(ألووووووووووووووووووووووووووول)
أشرف ح يقول قصيـدة !!!!!!!!!!!!!!!!!!!!!!
فقد تغني له ترباس .. حسين شندي .. فرفور ...الخ !!!!!!!!!!!
دا بيت منهـا :
بدل الدانات نصدر دهب ..
بدل الدوشكا نزرع قصب ..
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: طه شخص شريف بنى نفسه بنفسه
|
هشام ما في شخص شريف مطلق ومافي معايير ثابتة للشرف وما تعتقده أنت شرف قد لا أعتقده أنا شرف و(طه) بني ثراءه على صحة البشر فأين الشرف هنا (مثلاً) وإن أطلقت الحلال والحرام فهتاك من يعتقد بحرمة الإتجار في السجائر والعماري(الصعوط)...
...
...
...
ودمت
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
مشكلتنا ياجماعه بقت فى السودان انو اى حرامى قذر نهب مال الغلابه
وعمل ليهو قرشين , قاموا صحفى الدفع المقدم عملوا منو اسطوره وهاله
اعلاميه كبيره لمصالحهم الخاصه وللاسف النوع ده من الصحفيين بقى غالبيه
وللاسف ايضا العدوى دى انتقلت للفنانين يعنى اى واحد من نوع اشرف ده وهم
كتار بالمناسبه ( سوف اورد اسماؤهم فى بوست منفصل ) طوالى بعد ما يظهر عن طريق
الرياضه الخطوه التانيه بتاعتوا تكون الفن , وبقدرة قادر يبقى شاعر وملحن وتناقش
كمان تجربتو الشعريه واللحنيه فى منتديات العاصمه المختلفه.
اشرف سيداحمد واحد من الذين نهبوا ومازالوا ينهبون فى مال الغلابه . والمؤسف انه
يفعل ذلك بعلم الحكومه لان معظم المسؤلين فى الدوله الان لديهم اكثر من اشرف سيداحمد
يقومون بحمايتهم وتسهيل امورهم مقابل مبالغ ماليه طائله .
ولاشرف سيداحمد قبل قضيته المعروضه امام القضاء الان واللى حتروح ( شمارفى مرقه )
قضيه نصب واحتيال كبرى قبل عدة سنوات كان هو بطلها حيث استطاع ان يزور شيكات معتمده
باسم احد البنوك فى السودان قام بتقديمها لادارة الجمارك ببورتسودان لتخليص بضائع بمئات
الملايين من ميناء بورسودان . وبعد ان استلم البضاعه وقام ببيعها واكتشفت ادارة الجمارك
ان الشيك المعتمد شيك مزور وتم فتح بلاغ ضده كان قد فر هاربا خارج السودان .
وفى تلك الفتره كنت بالقاهره ولم اكن اعرفه الا انه اثار انتباهى بصرفه البذخى الذى كان
يصرفه فى القاهره حيث كان ينزل فى جناح بفندق الماريوت الشهير ويقضى الساعات الطوال فى
الكازينو ( صالة القمار ) فعندما سالت عنه اجابنى مرافقى بان هذا اشرف سيداحمد الحسين
وقال لى بالنص ( انه راجل ضكر متخصص فى النصب والاحتيال على الحكومات فقط عمرو مانصب على
الافراد ) ضحكت وقلت له قروش الحكومات دى ماياها قروشى وقروشك وقروش ( خالد ومؤئد) ابنائنا.
هذا هو الحال فى السودان يااخوتى ,, قال يحكم افريقيا قال , يعنى السودان ذاتو ماطموحو
صدق من قال ( الاختشوا ماتوا )
بعد كل الذى قلناهو وقلتوه هل تصدقوا ان هذا المعتوه سوف يكون رئسا للهلال بل ممكن
يكون رئسا للسودان طالما نحن واجمون .
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: اشرف سيداحمد واحد من الذين نهبوا ومازالوا ينهبون فى مال الغلابه . والمؤسف انه
يفعل ذلك بعلم الحكومه لان معظم المسؤلين فى الدوله الان لديهم اكثر من اشرف سيداحمد
يقومون بحمايتهم وتسهيل امورهم مقابل مبالغ ماليه طائله .
ولاشرف سيداحمد قبل قضيته المعروضه امام القضاء الان واللى حتروح ( شمارفى مرقه )
قضيه نصب واحتيال كبرى قبل عدة سنوات كان هو بطلها حيث استطاع ان يزور شيكات معتمده
باسم احد البنوك فى السودان قام بتقديمها لادارة الجمارك ببورتسودان لتخليص بضائع بمئات
الملايين من ميناء بورسودان . وبعد ان استلم البضاعه وقام ببيعها واكتشفت ادارة الجمارك
ان الشيك المعتمد شيك مزور وتم فتح بلاغ ضده كان قد فر هاربا خارج السودان .
وفى تلك الفتره كنت بالقاهره ولم اكن اعرفه الا انه اثار انتباهى بصرفه البذخى الذى كان
يصرفه فى القاهره حيث كان ينزل فى جناح بفندق الماريوت الشهير ويقضى الساعات الطوال فى
الكازينو ( صالة القمار ) فعندما سالت عنه اجابنى مرافقى بان هذا اشرف سيداحمد الحسين
وقال لى بالنص ( انه راجل ضكر متخصص فى النصب والاحتيال على الحكومات فقط عمرو مانصب على
الافراد ) ضحكت وقلت له قروش الحكومات دى ماياها قروشى وقروشك وقروش ( خالد ومؤئد) ابنائنا. |
شكرا كمال على على ايراد هذه الاخبار وإن كانت اخبار محزنة تؤكد ماذهب له اغلب الناس هنا
ان هذا الشخص مصدر ثراءه محاط بكثير من الشبهات وعلامات الاستفهام
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: المشروعية هنا يددها القانون
وليس (هشام)
و اظنك تفهم ما اقصد لذلك لا داعى للتهكم |
(هشام) معاذ الله أن أتهكم عليكم ... ماجئت به قصدت منه تباين الرأي حول مفهوم (المشروعية)فتجارة (التبغ) يضعها البعض جنباً إلى جنب مع تجارة (العماري/الصعوط) ويحرمها البعض إستناداًعلى الإضرار بالعباد وصحتهم وما يسببه من سرطانات إلخ ... هذا ليس من باب الطعن في (طه) ولا يدخل حيز الدفاع عن (الكاردينال) ولكنه يصب في خانة مناقشة نسبية المفاهيم المتعلقة بالشرف ودمت
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
Quote: مجلس الهلال يرفض حوافز الكاردينال الدولارية!
* رفض مجلس الهلال مبدأ قبول الحافز المالي الضخم الذي رصده رجل الأعمال الأستاذ أشرف سيد أحمد الكاردينال الذي أعلنه قبل لقاء القمة الأخير والذي انتهى بانتصار
هلالي كاسح ومن ثم احتفاظ الهلال بلقب بطولة الدوري الممتاز للمرة الخامسة على التوالي في انجاز حقيقي. يذكر أن الكارينال كان قد أعد احتفالاً مصغراً ظهر الأمس بمباني الشركة بالخرطوم رغم تواجده خارج البلاد. وكان الكاردينال قد خصص مبلغ 5الف دولار لكل لاعب هلالي احتفاءً بالكأس الخامسة على التوالي.
هذا ونشير الى أن السيد أشرف سيد أحمد (الكاردينال) قد تحدث من مقر اقامته ببروكسل عبر الهاتف وابدى أسفه الشديد بعد أن علم أن مجلس الهلال رفض حضور ممثل للاعبي الهلال لاستلام الحوافز.
الى ذلك فقد أكد الكاردينال بأن الهلال أكبر من الجميع وأن هذه الحوافز التي يقدمها الآن لنجوم الفريق هي عطاء خالص من اجل الهلال وليس للدعاية او تسويق منتجات شركاته الناجحة والتي لا تستطيع ان تكفي الطلبات المقدمة لها .. تفاصيل اوفي بالداخل |
نقلا عن الكابتن عدد الامس 2/12/07
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
| Quote: يا جماعة من هو الكاردينال المرشح لرئاسة الهلال |
ود المجمر .... سلام
سمعت عن / أشرف .. من بعض زملائه (خريجي روسيا حديثاً) عن ثروته ... وكان هنالك كلام واضح عن ربط الثروة بالجنوب ..
وبالتحديد بشخص / مارتن م. ، وكذلك عن الخلاف الأخير معه والذي أدى الى دخول / أشرف الى السجن ....
أما حكاية أنه يعمل من الثانوي ... وبعد أقل من 10 سنوات (بأعتبار أنه من خريجي أواخر التسعينات) ...
وخلال الفترة دي عمل كل هذه الثروة .. بصراحة ..عير مبلوعة خالص ....
يابشمهنس .. السودان بقي غريب جداً من ناحية الحاجات دي ... أحكي ليك قصة قريبة من دي ...
أحدهم ... وأزعم ألى حدما أنه كان صديقي ... تركته حتى عام 97 في السودان يمتلك مؤسسة صغييرة جداً ..
للنقل .. وبالضبط شاحنتين وعند الحوجة يستأجر من السوق .... بدأ في التعامل مع الجيش .. مسنوداً بقريبه الكوز الكبير ...
هل تصدق في عام 2005 أصبح يمتلك خمس طائرات شحن جوي + مايتم تأجيره من خارج السودان ..
والأدهى والأمر ... سقطت له أكثر من طائرة .. ويتم التحايل على الطيران المدني بتسجيل نفس الشركة بأسم آخر ...
و... و.... وحاجات تانية في نفس الموضوع .. بس ماقادر أكتبها ...
________________
ماعارف ليه في اللحظة دي سمعت ..
طبل العز ضرب يالسرة قومي خلاص ....
الجنيات هديك في الساحة ختوا الساس
* أكيد المقصود بالجنيات ... الجماعة أعلاه
سلام
| |
|
|
|
|
|
|
|
|
|
Re: يا جماعة من هو الكاردينال المرشح لرئاسة الهلال (Re: هشام المجمر)
|
ياهشام مجمر
الزول ده مش ياهو الزول الجابو في النيل الازرق
على انو شاعر غنائي وكمال ترباس بغني ليهو اغنية كمان
يمين ياهو ذاتو
انتو ياناس قصة الهلال ده شنو الرئيس الحايكون سابق ملحن
والرئيس الحايكون قادم شاعر اغاني
اذن انا ارشح طارق احمد لرئاسة اتحاد الفنانين
حليل ريكاردو
وحليل......
وحليل .....
وحليل....
استغفر الله
| |
|
|
|
|
|
|
| |
هشام المجمر
abuguta
الكيك
nazar hussien
Mohamed Moatasim
حيدر حسن ميرغني
Mahathir
mekki
Ahmed Mohammed Osman
حسن طه محمد
Ahmed musa
kamal ali
عواطف ادريس اسماعيل
Hussein Mallasi
فيصل نوبي
Hatim Yousif
أبو عبيدة البصاص
فيس بوك
تويتر
انستقرام
يوتيوب
بنتيريست