دعواتكم لزميلنا المفكر د.الباقر العفيف بالشفاء العاجل
|
|
 قاموس" اللؤم" عند السودانيين
|
اقوال لم أحبها ولن أحبها فى يوم من الأيام:
1- "المشتهى الحنيطير يطير"
2- "نحن لقينا شنو من وشك لامن تدينا ضهرك"
وهناك الكثير
أرجو أيراد ما تستطيعون مع وعد بعدم إستعمالها
|
|
 
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
ومن الامثلة التى لا احب سماعها و يسير الكثيرون على نهجها:
1/ سالهبروا ملوا
2/ القندول المباين يشبعك غباين
3/ اللقيناهو فى شلوفة بت السلطان راح فى طيظ مرجان. و من اراد قصة هذا المثل,ما فى اى مشكله.
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
تبارك شيخ الدين
عبد المنعم سليمان
تحياتى
شكرا على المشاركة
نايل 1
سلام
والله قربت أديهو ليهو بس خفته يقولو جهوى وقبلى أو صدروا ما واسع
غايتو الكرت فى طرف جيبى و يا ناذر بس مر بى هنا
الدور ده أنا محرش
وقالوا " المحرش ما بيكاتل" بس أنا فوق أهلنا الشايقية بكاتل تب
| |
|
|
|
|
|
|
|
|
|
Re: قاموس" اللؤم" عند السودانيين (Re: Kamal Karrar)
|
ناذر
مساء الخير
ناجي عبد المنعم دا منو؟؟؟ما أظن بعرفه قبل كدا....
ثم سيبنا هسع من ناجي عبد المنعم ..خلينا في جنا الشايقي الداير تكتلو دا..برضو بقول ليك ..إن تكن أنت بعيد عن يدي...حتي كان في أمريكا..فالترابله مالين أركان الدنيا.....أنا بمد ليك في حبال الصبر عشان تسحب تصريحك وتحريضك بالتصفية العرقية لعيال شايق...هسع إنت روجت بالمثل دا لتصفيتنا وأهدرت دمنا..وما باقي إلا تستشهد بالآية الكريمة أقتلوهم حيث ثقفتموهم..طبعا دي مافيها إتنين تلاته دعوه للإرهاب...وحرم نحن مجلس الأمن ما بنلجأ ليهو لأنه أخير منه إي بنبر في أي مجلس...والجماعه المالين المنبر دا بالجعجعه عن حقوق الإنسان إتحيزوا ليك وسكتوا... هسع كان عاملناك بالمثل وأهدرنا دمك يقولوا إرهابيين..دحين ياخوي تعال نلم الموضوع بي أخوي وأخوك......بس ممكن تحدد موقفك من المثل دا أولا وبعدين على ضؤ ها نقرر ونحدد طريقة التعامل معاك.....عندك 24 ساعه عشان تقرر مصيرك...أها...قصرنا معاك؟؟؟؟؟
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
أخي هشام أنا أيضا لا أحب هذا المثل.. وكرهي له دفعني للتفكير فيه مليا إذا لا يشبه السودانيين اللذين يعيبون تهميز المومس علنا ما بالك بالأم... ووجدت أن العرب في هذه المنطقة تقصد بالتهميز المساج ..عندما كنا صغارا كانت أمهاتنا وحبوباتنا (يكروننا) عشان نعمل مساج لأقدامهم التي أعيتها الوقفة من الدقيش.. فهل يا ترى المقصود بالتهميز هنا المساج (علما بأنه التهميز كلمة أستعيض بها عن مقابل كلمة المساج في العامية (التعصير أو العصير) ربما!! فالأمر يستحق التأمل.
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
مدّعي الخبرة بيقول: (أنا واقع من السما سبع مرات)
في تقديري دي ما خبرة ولكن (بلادة) .... يعني لما وقعت المرة الأولى .. الطلّعك تاني شنو؟؟؟؟، والرد على المثل دة (لا يلدغ مؤمن من جحرٍ مّتين)
بجيكم راجع
مودتي
| |
|
|
|
|
|
|
|
|
|
Re: قاموس" اللؤم" عند السودانيين (Re: Kamal Karrar)
|
بوست قيّم و خفيف الظل. أود أن أتّّفق معكم في الرأي بخصوص
المثل السوداني الشهير:" الفايق بيهمز أمّه " أعتقد أنّ الرأي السلبي في القالب اللغوي لهذا المثل الشهير مصدره ألربط بين الأم، و ما لها من أجلال و تقدير في نقفوسنا نحن السودانيين، و عمليّة الهمز بكلّ إيحاءاّتها و إرهاصاتها الجنسيّة. لذا فأنا أستغرب لماذا جري هذا المثل القبيح
علي ألسن السودانيين زمانا طويلا. و بحكم كوني أعيش في أمريكا، أحب أن أنوّركم أنّ عمنليّة الهمر لا تحمل أيّة إيحاءاّت جنسيّةفي الثقافتين الأمريكيّة و الاروبيّة بشكل عام. الهمز أو " الكلكلة " تمارس في أطار بعينه داخل المجتمع الأمريكي و لا يري فيها ألأمريكيّّون أيّّة إرهاصات جنسيّة. بل إنّهم يمارسونها في أطار ضيّق بعينه لإدرار الضحك. فتري الأب يهمز طفله أو طفلته، و العكس ليس صحيحا.
و تهمز الحبيبة حبيبها، و الزوجة وزجها، و العكس في الحالتين صحيح أيضا. وحينما تحدثالهمزة
أثرا كهربائيّا في من همز ( فعل مبني للمجهول )، يضحك الفاعل و المشاهدون علي المهموز بشكل برئ.
علميّا، بعض الناس تحذث فيهم الهمزة أثرا كهربائيّّا فتستجيب أعصابهم الحسيّة بشكل تلقائي و يصاحب ذلك " كشّة " من قبل المهموز. يا جماعة تعبير " كشّة " دا في محله أم أن ا لتعبير خانني؟
و بيقولو الكلام بيجيب الكلام: " أيه يعني إرتعدت فرائصه؟ ما هي الفرائص؟ و كيف ترتعد؟ و ما هو
أثر العيني للإرتعاد؟
و الكلام بيجيب الكلام للمرة الثانية:
هل أنتم مثلي تمقتون المثل السوداني السمج أدناه؟
" مجبورة خادم الفكي علي الصلاة "
المعني العام للمثل جميل لكن قالبه اللغوي و مفرداته منفّر.
عبارة " خادم " إستعملت هنا كنظير مخفّف لعبارة: " عبدة " . التعبير الدارج السوداني: " الفكي "
يعني الفقيه. أنا أحب الدارجة السودانيّة. و لا غبار عندي إذا حدث تحريف بسيط في المقابل الدارج للأصل الفصيح. بس عبارة " الفكي " ليست تحريفا للأصل الفصيح، لكنّها نوع من ال
ization
لللعبارة الفصيحة: " الفقيه ". تعرفو مرّات كدا بفكّر و أقول يمكن يكون أول من أدخل عبارة : الفكي" في الدارجة السودانية لتعني العبارة الفصيحة: " الفقيه " زول عجمي ساكت غلبه ينطق كلمة فقيه، فخرجت من بين فكيه كالاشكل التالي: " فكي ". ضحك الناس عليه. و صاروا يستعملونها من قبيل
المزاح. و تدريجيا أصبحت عبارة " الفكي " خطأ شائعا. و أحيانا أخري بقول: كلمة فكي ربما تكون الدليل اللغوي " vestige " علي أصالة العجمة في مقابل الفصاحة، فينا نحن السودانيين. ( وجه ضاحك ) يعني زمان السودانيين كانت تغلب عليهم العجمة و كانوا جميعا ينطقون عبارة فقيه ك" فكي "
و استمر هذا اللإإستعمال الخاطئ لكموة فقيه حتي بعد أن طغت الفصاحة علي العجمة في حديثنا، نحن السودانيين.
و الله من وراء القصد.
طارق الفزري
ود زينب
| |
|
|
|
|
|
|
|
|
|
Re: قاموس" اللؤم" عند السودانيين (Re: Kamal Karrar)
|
الاخ هشام
هنالك مفردة سودانية شهيرة اذا تمعنتها تجد فيها الكثير من القسوة
يطلق اهلنا السودانيون صفة "الشافع" على الطفل الصغير الذي لم يبلغ الحلم.
وهذا الوصف مردّه ان الطفل اذا مات صغيراً فانه يشفع لوالديه يوم القيامة.
يعني اي طفل هو مشروع "شفيع" ويبقى ان يتحقق شرط واحد وهو موته صغيراً.
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
| Quote: يبخرو فيها وهي بتضرط !! |
هسه دا فرقو شنو من حنة الأضان يا أبو النيز
في أمثال بتقول
طالع السماء بجـ....... دليل علي التكبر والقرضمة زي عريان ولابس صديرية
طيـ........ في لباس دليل علي الخوة والصداقة
كان غلبك سدها وسع قـ ....... دليل علي اليأس والاستسلام زي عايره وأدوها سوط
صنفرة:
استهبال شنو وبطيخ شنو يا ناذر ما ياها دي أمثالنا هو أناجبت حاجه من عندي
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
معاوية محمد
أظنك تقصد النار تلد الرماد وهو مثل لئيم جدا لوصف الأبناء فى حالة كان والدهم شخصا مميزا او مشهورا و طلع الأبناء ناس عاديين زينا كده.
يا نزار أنا ما محزرك قبل كده!!! المثل البتقصدوا عارفنو و أوعك تجيبو هنا. ده مثل بيودى الخور
كمال كرار
تحياتى
فى رواية أخرى : كثرة الطلة already مسخت خلايق الله
مثل مرادف آخر هو: البعد محنة. كناية عن أن كثرة التخالط تولد المشاكل (خاصة بين الأقرباء) واقطع دراعى لو ما كان المثل ده بالذات نجرتو زوجة تعبانة من حمواتها.
ود زينب
تحياتى وشكرا على المداخلة القيمة
واصل كفاحك
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
خالد المنسى
تحياتى
| Quote: * الزارعّنا غير الله الأجي يقلعنّا |
القلعوهم كتير وبعدين تانى يقلعوهم من شنو؟
كلام سكت
شكرا على إيراد المثل "اللئيم"
ناصر موسى
تحياتى و شكرا على المساهمة
معروف سند
سلام
لو جينا لى قاموس الكلمات اللئيمة حنلقى عجب
شكرا على المشاركة
| |
|
|
|
|
|
|
|
|
 Re: قاموس" اللؤم" عند السودانيين (Re: هشام المجمر)
|
| Quote: يا نزار أنا ما محزرك قبل كده!!! المثل البتقصدوا عارفنو و أوعك تجيبو هنا. ده مثل بيودى الخور |
هشام
البشوف كلمة محذرك دي..يقول عليك حقاني وعاوز تطير في حلقو...ها...دا كلام ساكت....زي ما بقول المثل (حشاش بي دقنو) نزار دا ما عدييييل كدا حرض على كتل جنيات الشايقيه..وإنت زي عجبك الكلام وسكت ماجبت لينا حقنا منه...ودي فبها حق عرب..ونحن حرم حقنا ما بندبي ليهو...نشبلو حمرة عين..وساعة الكترابه تقع..أبقي قول ليهوإنك محذرو قبل كدا وإنت يانزار بس أركز أركز ما تجيب رخوه
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
إتصال هاتفى لطيف جائنى من الصديق الأستاذ عثمان حامد
عثمان تحدث لى بعمقه المعروف عن بعض الأمثلة السودانية
هنا بعض ما أورده:
أمثال تمثل الإتكالية و إلقاء المسئولية على الآخرين:
" السكران فى ذمة الواعى "
إلقاء المسئولية على شخص و عدم الرغبة فى مشاركته فيها:
" كل شاة معلقة من عرقوبها"
أمثال لقطع الطريق على شخص متميز هنداما أو حديثا
" كدى ألزم الجابرة"
أمثال لا تمت للواقع بشئ:
" الفقراء تقاسموا النبقة"
أمثال ذات أصل مصرى و درج على إستعمالها فى السودان:
" يدى الحلق للمالوش ودان" كناية عن الحسد و تبخيس الناس أشيائها
" تجرى جرى الوحوش غير رزقك ما تحوش" مثل مثبط للهمم و قاتل للطموح
| |
|
|
|
|
|
|
|
|
|
Re: قاموس" اللؤم" عند السودانيين (Re: tasneem)
|
* أمـــها ميته وأبــــوها مشى الحجاز
يضرب هذا المثل عندما يكون هناك شخص يفعل مايشاء وما عنده رقيب ولا عتيد
* دا أمير ودا أمير ... ومنو البركب الحمير ؟؟
يقال هذا المثل عندما يكون جمع من الناس وكل منهم يريد أن يقودهم وتمشي كلمته
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
تسلم كتير يا المنسي ..
زي نوع معاوية دا داير يلف ويدور وبعد دا يقول ما جاب حاجة من عندو (التقول الأضان دي ما جابا هو)
هاكم المثل دا :
العريبي لمن يتفلهم بجيب الإساءة لي أهلو !!
شنكل :
نايل الشايقي ...
أنا جبت حاجة من عندي .. تراهو مثل وحايم في البلد
خلي خيالك واسع ياخ
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
شكارتها دلاكتها...
أها دي يقولوا فيها شنو...
يعني لو فهمت سياق المثل كما تقول الكلمات.. فإن المدلكة( وهي من تدلك العروس أستعدادا للزواج) لاتؤتمن على سر مما ترى..لكن طبعافعلا هي الأكثر تأهليا لذكر محاسن العروس المستخبية..
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
Quote: أمثال لا تمت للواقع بشئ:
" الفقراء تقاسموا النبقة" |
زمان يا هشام واحد حكي لينا انو النبقة دي امرأه كانوا الفقراء متشاكلين فوقا وما مقصود بيها النبقة بتاعت السدر المعروفه دي
ودا كلام منطقي لانو لو المقصود حاجه صغيرة كان قالوا الفقراء اتقاسموا السمسمة
بعدين اتذكرت برضو المثل البقول الما عارف يقول عدس
وقصة المثل دا غايتو الا يحكيها ليكم ناذر أنا ما بقدر
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
في مثل كدة غريب خلاص إتذكرتو هسي !!
لمن تشيل عربية أخوك أو صحبك شدة وما تقدر تدورا مهما حا ولت !! وتقوم تنادي لي سيد العربية وهو بي كل بساطة يقوم يدورا وبي نفس الخطوات الإنت ما قدرت تدورا بيها !! تقوم تستغرب وتقول ليهو : عليك الله دورت كيف وعملت ليها شنو ؟
متذكرين المثل البيقولو سيد العربية ولا اقولو ليكم أنا :
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
فضلة الحمار في الحنضل !!
بيقولوهو للزول البياكل بي شراهة وما فضل إلا حاجة بسيطة ويقوم يخليها وتكون أمو راجياهو يكملا عشان تغسل الصحن لمن يابا يكملا تقول ليهو بي زعل (فضلة الحمار في الحنضل) !!
يقال أن الحمار كان يأكل في حنظلا في مزرعة رعم مرارة الحنظل !! وعندما قضى على كل الذي وضع له ترك فقط حنظلة صغيرة ولما سألوه لما تركتها قال لهم وهو (يكرع) : الأخيرة دي مُرَة !!
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
شكرا للإخوة المتداخلين و الذين أثروا البوست بالفعل
من الأمثال العجيبة " السمكة لمن تشبعبتنط من البحر"
وهذا مثل يستعمله الناس غالبا لشخص ما قرر رفض عرض ما وقد إستعمله جعفر نميرى فى وصف عمال السكة الحديد المضربين فى السبعينيات وقام بعده بحملة إرهابية لم تطل العمال وحدهم بل طالت السكة حديد نفسها "فلم يبق فيها نفاخ النار"
| |
|
|
|
|
|
|
|
|
|
Re: قاموس" اللؤم" عند السودانيين (Re: Kamal Karrar)
|
ناذر
| Quote: جنا الدابي مالو ؟!! عيبو لي !! يكتلوهو لييه بس ؟!!! |
جنا الدابي حاشاهو العيب
نداء...نداء ...نداْء
إلي جميع جنيات الشايقيه...في جميع أرجاء المعموره
كان لاقاكم جنا الدابي وجنا ود الخليفه....أكرر..جنا ود الخليفه....ما تقصروا معاهو..أكرر..ما تقصروا معاهو...و...الواعي ما بوصوه....نرجو إفادتنا عاجلا...عاجلا..
| |
|
|
|
|
|
|
|
|
 Re: قاموس" اللؤم" عند السودانيين (Re: هشام المجمر)
|
نايل دا كلام شنو !!
Quote: إلي جميع جنيات الشايقيه...في جميع أرجاء المعموره
كان لاقاكم جنا الدابي وجنا ود الخليفه....أكرر..جنا ود الخليفه....ما تقصروا معاهو..أكرر..ما تقصروا معاهو...و...الواعي ما بوصوه....نرجو إفادتنا عاجلا...عاجلا.. |
إنت قريت المادة دي من لوائح المنبر ولا لا !
| Quote: -17 الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ |
أنا رسلت شكوى لي بكري لأنو كلامك دا إهدار دم عدييييل كدة .. ودي مواعيد بكري البيجي فيها يعني من هسي أمشي جهز ليك أكاونت في أقرب منبر من هنا (أظنو منبر الصداقة داك) ، عشان بعد نص ساعة حا تكون برة الجك وعشان تاني ما تعمل لي فيها حريف ..
بلا دابي بلا ورل معاك !! 
خليك شاهد يا المجمر ..
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
بعض قبائل السودان مشهورة بالردود المسيخة واللئيمة أكثر من غيرها و بيقول ليك الجماعة ديل ما بيفتشوا على الكلام. الدكتور عبد الله إبراهيم فى محاضرة ترجع للتسعينات كان قد تحدث عن هذا الموضوع فى قاعة الشارقة و نفى الإتهام عن تلك القبائل و إعتبر هذا السلوك نوع من سرعة البديهة مقرونة بشئ من الإبداع.
عموما نرجع لموضوعنا
" كاتل نفسو ما باكين عليهو" مثل صعب جدا
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
من الأمثال المحبطة
" منو البقدر يقول البغلة فى الابريق"
وهو مثل يحض على الجبن
" الماعندو ضهر بينضرب فى بطنو". فى الوصولية وتجلياتها فى الواسطة والحسوبية
" شبهينا وإتلاقينا" . فى إزداء الأشخاص و التقليل من مكانتهم
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
الاخ هشام سلام تقول النساء( ود ام الشطير ما فيه خير) كناية عن عدم امانة الرجال وتقول النساء
( الحسنة فى المايسواها ، مغسة على السواها ).
ومن الامثلة العامة
أفجخ البصلة قبل ما تبقى أصلة
العشر قام ليهو شوك
إن غلبك سدها وسع غدها
| |
|
|
|
|
|
|
|
|
|
Re: قاموس" اللؤم" عند السودانيين (Re: هشام المجمر)
|
سلام هشام و ناذر و الشباب
هرشتونا بي كروتكم الحمراء و الصفراء دي
تقول نعم يقهموك بي "نعامة تزازيك!"
ما لقو غير النعامة دي ?
عشان جراية و رقبتها طويلة يعني ( شفتوا المضرة)
كان بقيت جراي برضو تجيبك بي فارق (الرقبة) من عنقرتك !
و بعدين المزازاة ما سمحة ( كتلوك ولا جوك جوك)
اها تقول لا يقولوا ليك "الوي حنكك"!
دي حالة دي?
ما قال لا قط الا في تشهده و لولا التشهد كانت لاءه نعم
ده لو جاء عندنا الا يبقى كارل لويس!
| |
|
|
|
|
|
|
| |
هشام المجمر
Mohamed E. Seliaman
ناذر محمد الخليفة
حيدر حسن ميرغني
محمد البشرى الخضر
حمد فتح الرحمن
saadeldin abdelrahman
عبد المنعم سليمان
تبارك شيخ الدين جبريل
nile1
فاروق حامد محمد
محمد أبوالعزائم أبوالريش
Kamal Karrar
حسن الجيلى سعيد
خالد علي محجوب المنسي
Moawia Mohammed
Marouf Sanad
elsawi
هجو الأقرع
فيس بوك
تويتر
انستقرام
يوتيوب
بنتيريست