دعواتكم لزميلنا المفكر د.الباقر العفيف بالشفاء العاجل
|
|
 صدق أو لا تصدق دخل السودان من النفط فى شهر أكتوبر أكثر من مليار و نصف دولار
|
لأول مرة منذ استخراج النفط في السودان يتم رسميا الكشف عن دخل السودان من البترول فقد جاء في جريدة الشرق الأوسط نقلا عن سودانايل بتاريخ 25/10/2005 التالي:
| Quote: بعد يوم واحد من تشكيل الحكومة الجديدة، توجه الحكومة المركزية بشكل علني، لأول مرة، بضخ 761 مليون دولار لحكومة الجنوب، عبارة عن نصيبها من عائد صادرات النفط لشهر أكتوبر الجاري |
وبما أن نصيب الحركة 50% من نفط الجنوب نجد وبحسبة بسيطة أن حكومة السودان كان دخلها طوال هذا العام الذي ارتفعت فيه أسعار النفط أكثر من مليار ونصف دولارشهريا يعنى فى ال9 شهور الفاتو حوالى 13.5 مليار دولار. مبلغ مهول.
عدة أسئلة تطرح نفسها؟
ما هو دخل السودان من البترول فى السنين السابقة؟
أين ذهبت هذه الأموال و المستشفيات خراب؟ و المواطن يدفع مقابل أي خدمات صحية تقدم له؟
أين ذهبت هذه الأموال و الملاريا والآسهالات تفتك بالأطفال و الكبار كل يوم؟
أين ذهبت هذه الأموال و المدارس تعانى من نقص حاد في الأدوات والكتب و المدرسين تتأخر مرتباتهم لأكثر من 3 شهور؟
أين ذهبت هذه الأموال و النازحين ما يزالون يسكنون عشوائيا حول الخرطوم بدون المتطلبات الأساسية للحياة؟
أين ذهبت هذه الأموال ومدن السودان ومن ضمنها الخرطوم تفتقد لأنظمة الصرف الصحي و مياه الشرب النظيف؟
أين ذهبت هذه الأموال ومشروع الجزيرة يحتضر و الزراعة والثروة الحيوانية لا تجد من يصرف عليها؟
أين ذهبت هذه الأموال و نسبة العطالة بين الشباب في ارتفاع مستمر؟
أين ذهبت هذه الأموال و أجهزتنا الثقافية في الحضيض و الخرطوم عاصمة الثقافة العربية تسجل فشلا زريعا ؟
أين ذهبت هذه الأموال ورياضتنا تعانى الأمرين وليس لنا منشئات رياضية يمكن أن تصفه بالإقليمية ناهيك عن الدولية؟
بعد افتضاح حجم الأموال الداخلة لجيوب شيوخ المؤتمر الوطني ألا يحق لنا أن نسال الرئيس ودويتو فلوس السودان وين؟ وعلى من تصرفون هذه الفلوس؟
|
|
 
|
|
|
|
|
|
|
 Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: هشام المجمر)
|
هشام صباحات بطعم القرنفل
اولا تعرف يا صديقي المبلغ المعلن دا زاتو الجماعة
لاحسين نصو
ومستنكحين الحركة الشعبية في كم مليار
وبعد دا
تعال نشوف الجماعة ديل بيودوا القروش دي وين ؟؟
قبل القروش ما تصل بره برة عوض الجاز بكون لحس لحسته
والباقي البجي داخل يلمو فيهو باقي التماسيح
المؤتمر الوطني وصلاح قوش
وصرف علي اجهزة امنية وهمية وبعض فصائل الجنجويد
وشراء زمم بعض لصوص السياسة ( الزهاوي ومسار مثلا)
والجزء الباقي يلم فيهو عبدالرحيم ابو ريالة يشفطو
شفط ،، خاصة الراجل بقا وزير دفاع وبعمل صفقات سلاح
مع الصين ،، لأنو حكايات العمارات البتقع دي بقت
ما تجيب فائدة ،،
والحتحت البفضل بوزعوه علي باقي عصابة الشوايقة
واولاد شندي
كدي شوف انت ،، يمكن يكون في تمساح كبير نسيتو!!
| |
|
|
|
|
|
|
|
|
|
Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: ahmed haneen)
|
Quote:
والحتحت البفضل بوزعوه علي باقي عصابة الشوايقة
واولاد شندي
|
دائماً يا حنينه غباء في التحليل ناتج عن غشاوة وعمى الحقد العنصري القبلي.
متمنى أعرف تاريخ حياتك مع الشوايقة بالذات؟؟؟؟
أنت شخصياً سووا ليك شنو البخليك ما تضيع مناسبة وإلا تسبهم بهذه الطريقة البشعة
قد ما فهمنا فيه
حرف واحد ما أفادة
والقلم ما .........
Quote:
عصابة الشوايقة
واولاد شندي
|
وبعدين يا حنينه إشمعنا عصابة الشوايقة وهناك لمن بقوا أهلك قلت أولاد شندي ؟؟؟
يعني ليه التمييز (رجل) و (كراع)؟؟؟؟؟؟؟؟؟؟؟؟؟؟؟؟؟
إنت طالما إنك حنين على الوطن وشايل همه قدر ده ما تدينا نبذه كدة عن عديلك الفاشل صاحب الراتب الملاييني وكيف بيحصل عليه ؟؟؟
ولا أقول ليك ما تريحنا من قواريكك دي وتخليه يسوقك معاه ترتاح وتريحنا وتبقى من (رجل) أولاد شندي وتنفك من (كراع) عصابة الشوايقة ...
يا أخي عيب عليك تسب قبيلة بكاملها لهوى في نفسك أو حقد قديم أو مرض وفي هذه الحالة قول ووالله نعمل صندوق نعالجك بيه..
الشايقي
| |
|
|
|
|
|
|
|
|
|
Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: هشام المجمر)
|
احمدحنين
بشير حسن بشير
صلاح الدين عبد الله محمد
كل عام وانتم بخير
شكرا على المداخلات ولكن فعلا أنا اريد أن أعرف اين تذهب هذه الاموال. ما ذكرتموه عبارة عن توقعات بسبب الفساد المستشرى فى البلد . نريد أن نعرف أين تودع هذه الاموال طالما انها لاتودع فى السودان و بنوكنا و سقوفها الإتمانية المضحكةحدث و لاحرج.
Zaki
كل عام وانت بخير
أميل لتصديق الأرقام التى أوردتها أنت وربما يكون الصحفى قد أخطأفعلا ولكن مبلغ 2.5 مليار دولار فى السنة مبلغ ما هين لبلد مثل السودان و ما زالت الأسئلة قائمة.
| |
|
|
|
|
|
|
|
|
 Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: هشام المجمر)
|
هشام
سلامات
رغم القروش اللاحسنها الجماعة
شوف بعمل في شنو
الصحافة
توقف حركة تسويق المحاصيل بالقضارف احتجاجاً على الرسوم
القضارف: ناهد سعيد
توقفت حركة التسويق في أسواق المحاصيل بولاية القضارف أمس، نتيجة احجام المزارعين والتجار عن دخول السوق في اليوم الأول لإفتتاحه، وذلك بسبب قرار مجلس إدارة أسواق المحاصيل بفرض رسوم على المحاصيل بنسبة 8%.
وقال الأمين العام لإتحاد مزارعي الزراعة الآلية، حيدر عبداللطيف البدوي لـ «الصحافة» إن المزارعين يرفضون قرار زيادة الرسوم.
وتشير «الصحافة» إلى أن القرار تم ايداعه بالمجلس التشريعي للولاية توطئة لإجازته.
| |
|
|
|
|
|
|
|
|
|
Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: هشام المجمر)
|
charles deng
تحية طيبة
سؤالك مشروع و دفع نصيب الجنوب بالنسبة لناس الإنقاذ حيكون حار وحار جدا لأنهم بيفتكروا أنهم ملوك السودان المتوجين و لولا أتفاقية السلام لما إنكشف المستور و ظهرت أموال البترول. على الحركة الشعبية عدم التهاون فى نصيب الجنوب ولا حيكون مصيرهازى مصير واحد صاحبنا قالو دين جارا ليهو 10 ألف جنيه ووعده الجار بارجاعها فى ظرف اسبوع. و لم يرجعها له وظل زايغ من الشارع ومن البيت زمن عشان ما يلاقى الديان. لكن الصدفة حكمت انهم يلتقوا وكان المستدين يأكل فى بلح وعندما طالبه الدائن بفلوسه قال المستدين: شفت البلح الباكل فيهو ده انا ح اجمع نواتو ولمن امشى البيت بزرعها و ارويها و اراعيها وبعدين لمن تكبر اقفذها ولمن تشيل التمر و ينجض أقوم احصدوا و ابيعوا فى السوق ب 100 الف كدة اقوم اديك ال10 الف بتاعتك و اشيل التسعين. فضحك الدائن فقال له المستدين : ليك حق تضحك ما ضمنت قروشك.
حنين
شكرا على ايراد الخبر
المنتجون يتعرضون للضغط و الابتزاز وفلوس البترول ما معروف ليهاجيهة.ويحيا العدل
| |
|
|
|
|
|
|
|
|
|
Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: هشام المجمر)
|
تحياتى هشام
Quote: ما هو دخل السودان من البترول فى السنين السابقة؟
|
دى ماعارفاها
Quote: أين ذهبت هذه الأموال و المستشفيات خراب؟ و المواطن يدفع مقابل أي خدمات صحية تقدم له؟
أين ذهبت هذه الأموال و الملاريا والآسهالات تفتك بالأطفال و الكبار كل يوم؟ |
دخلت محل دخلت والله مابنشوف منها الا عربية فااااااااارهة ماشة فى نص الشارع والقبليها بتكون اقل بى شوية رفاهية عنها
Quote: أين ذهبت هذه الأموال و المدارس تعانى من نقص حاد في الأدوات والكتب و المدرسين تتأخر مرتباتهم لأكثر من 3 شهور؟
|
اما من ناحية الكتب دى انا بشوف كل تلاتة او ارعه طلبة بكونو فى كتاب .. فى حين انو الكتب بتكون متوفرة قرب الجامع الكبير بتتباع بالسوق الاسود وزارة التربية والتعليم ماعارفاها عارفة بالبحصل دة وعاملة طنااااش ولا بحصل من وراها(لا اكيد عارفه)
| Quote: أين ذهبت هذه الأموال و النازحين ما يزالون يسكنون عشوائيا حول الخرطوم بدون المتطلبات الأساسية للحياة؟ |
النازحين اكتر ناس تعبانين مع الحكومة.. كل يومين مرحلنهم من حتة لى حتة .. لية؟ عشان الحكومة شايفه انو الحتة دى مناسب تتعمل عمارات وفلل استثمارية ..
| Quote: أين ذهبت هذه الأموال ومدن السودان ومن ضمنها الخرطوم تفتقد لأنظمة الصرف الصحي و مياه الشرب النظيف؟ |
الكلام دة بس امشو السوق العربى اليومين ديل وبتشوفو التصريف على اصولو .. والله حاجه تطمم البطن
Quote: أين ذهبت هذه الأموال ومشروع الجزيرة يحتضر و الزراعة والثروة الحيوانية لا تجد من يصرف عليها؟
|
مابهمهم كتير التفاح الامريكى بسوى فى شنو
Quote: أين ذهبت هذه الأموال و نسبة العطالة بين الشباب في ارتفاع مستمر؟
|
؟
Quote: أين ذهبت هذه الأموال و أجهزتنا الثقافية في الحضيض و الخرطوم عاصمة الثقافة العربية تسجل فشلا زريعا ؟
أين ذهبت هذه الأموال ورياضتنا تعانى الأمرين وليس لنا منشئات رياضية يمكن أن تصفه بالإقليمية ناهيك عن الدولية؟
|
واشريرى على الرياضيين روحم طالعه من صحن البوش
| Quote: بعد افتضاح حجم الأموال الداخلة لجيوب شيوخ المؤتمر الوطني ألا يحق لنا أن نسال الرئيس ودويتو فلوس السودان وين؟ وعلى من تصرفون هذه الفلوس؟ |
دى مابقدر اتكلم فيها لو اتكلمت بقوم بحصل شنو كدا ماعارفه
| |
|
|
|
|
|
|
|
|
|
Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: nour tawir)
|
Dear All
I believe that the issue of petroleum revenus is a serious one, and cannot be left hanging. The SPLM/A should be encouraged to ask for a full account of the oil income since 1999. It is shameful to let a few run away with oil resources of the whole country. The lost portions of these revenues could have made a lot of difference in the life of the Sudanese masses, if they were used properly and for the purpose of benefiting all.
Regards
| |
|
|
|
|
|
|
|
|
|
Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: فتحي الصديق)
|
بسم الله الرحمن الرحيم
ياباشمهندس رمضان كريم وكل عام وانتم بخير
بالحساب كده دا يعنى الانتاج اكثر من 500 برميل
بعدين المليار ونصف ده قاعدين ينفقوه وين والشعب الرمدان
ده يعيش حالة اليباب والجفاف .. يعنى بالمنطق كده من ناحية
إقتصادية نحن ما محتاجين
اولا سوداتل دخلها اليومى ؟؟؟؟؟
السوق الحر دخله اليومى ؟؟؟؟؟
مدخلات البترول اليومية ؟؟؟؟؟
المنتجات واللحوم اليومية ؟؟؟؟؟
المنتجات الزراعية ؟؟؟؟؟
الجمارك والاتاوات ؟؟؟؟؟
قيمة الاراضى المباعة ؟؟؟؟؟
ضرائب وزكاة المغتربين ؟؟؟؟؟
رسوم الجامعات لابناء المعتربن ؟؟؟؟؟
--------
المجموع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله الدخل ده اذا قسمناه بالتساوى على الكم وثلاثين مليون نسمة سودانى
لا يكون هنالك شقيا او محروما لكن مين يقدر يقول البقرة فى للابريق ..
| |
|
|
|
|
|
|
|
|
|
Re: صدق أو لا تصدق دخل السودان من النفط فى شهر أكتوبر أكثر من مليار و نصف دولار (Re: هشام المجمر)
|
الاخ لؤى
كل عام وانت بخير
عارف يا لؤى المشكلة وين؟ المشكلة فى غياب الشفافية فالدولة لم تعلن ابدا قبل هذا الاعلان عن دخلهامن البترول.ألا يشكك هذا فى زمة هذه الحكومة؟ ما السبب الذى كان يحتم سرية هذا المدخول؟
الشىء الثانى ان مدخول هذا البترول تذهب خلاصته لفئة محددة وذات لون سياسى تابع للحكومة وهذا ما يجعل الجميع يشعرون بالغبن خاصة اغلبية الشعب الذى لا يحس بهذا التقدم الذى ذكرته بل يحس بالتقهقر بسبب نقص قوته الشرائية بصفة يومية.
فتحى صديق
تهانينا بالعيد
ونأمل معك أن يكون دخوا الحركة للحكومة سببا فى ضبط المسروق من مال الشعب السودانى.بعد ان كان دخولها سببا فى الكشف عن المدخول.
آدم الهلباوى
كل سنة وانت طيب وشكرا على المرور و التعليق.
| |
|
|
|
|
|
|
| |
هشام المجمر
ahmed haneen
Al-Shaygi
Zaki
بشير حسـن بشـير
صلاح الدين عبدالله محمد
عبدالرحمن عبدالله أبوشيبة
nour tawir
luai
فتحي الصديق
ادم الهلباوى
Khaalaleyaal
فيس بوك
تويتر
انستقرام
يوتيوب
بنتيريست