|
دعواتكم لزميلنا المفكر د.الباقر العفيف بالشفاء العاجل
|
|
 Re: تسلم يا أب عاج أخوى يا دراق المحن (Re: مريم بنت الحسين)
|
ونحن بدورنا ننتهز هذه المناسبة المشؤومة لنهني حارسنا وفارسنا
الغريبة يا هشام كنت قبل دقائق أتناقش مع زميل لي في المكتب عن هذا
الموضوع وقلت ليه تلقاه اليوم محتفل بهذه المناسبة وجموع المهنئين تتقاطر
عليه بما فيهم المشير الثالث
ولا نكتفي بالإعتذار فقط عن الإنتفاضة بل نتعهد له ولغيره أن لا تسول لينا أنفسنا
بأن نكرر تلك الفعلة التي تقلق منام سعادتهم
| |
 
|
|
|
|
|
|
|
 Re: تسلم يا أب عاج أخوى يا دراق المحن (Re: هشام المجمر)
|
الأخ العزيز هشام،
تحية طيبة
لا زلت أذكر الأيام التي سبقت قيام انقلاب 25 مايو 1969.. في تلك الأيام كان الأستاذ محمود في جولة على غرب السودان انتهت بمجموعة من المحاضرات في مدينة الأبيض.. وفي يوم 21 مايو كانت هناك محاضرة في نادي الأعمال الحرة على ما أذكر وقد قام فيها أحد المتهيجين [بتحريض من آخرين] بضرب الأستاذ محمود بعصا غليظة على رأسه أثناء تقديمه للمحاضرة، وقد كنت شاهدا على تلك الحادثة.. وفي اليوم التالي لذلك الحدث مباشرة قدم الأستاذ محاضرة بعنوان "مشكلة الشرق الأوسط" في نادي السكة الحديد.. وقد تحدث في بداية المحاضرة الأستاذ الحاج الطاهر المحامي فاعتذر باسم مدينة للأبيض للاستاذ عن الحدث.. الجزء التالي من المحاضرة يوثق لتلك المسألة حيث نستمع للأستاذ محمود يشكر الأستاذ الحاج الطاهر ويقول له بأن مدينة الأبيض ليست في حاجة لاعتذار ولا مثقفي مدينة الأبيض بحاجة لاعتذار.. أوردت هذه القصة اليوم في بوست التوثيق هنا..
ياسر الشريف يقدم معرضا بالصور والصوت.. للأستاذ محمود محمد طه
حيث يمكن سماع الجزء الأول من المحاضرة..
ولك شكري
ياسر
| |
|
|
|
|
|
|
|
|
|
Re: تسلم يا أب عاج أخوى يا دراق المحن (Re: nada ali)
|
ترددت كثيرا قبل كتابة اى كلمة وقلت يابت مالك فاكة فيك اقلام ورصاص كل زول وزيادة كمان ابو كرش شخصيا.لكن الوحدة والبرد اقنعونى ثم ثانيا كلها كم يوم واسقط فى عالم البامبرز والبزز يعنى الزوغة جاهزة.
يا هشام كل سنة ونميري اكثر خرفا.......والبشير اكثررقصا لانى قرت اعينو بدل قسمة فى حالة خروجة لصالح العام..... وسهام اكثرا نجاحا لانها اليوم بالذات نجحت وماتنسي انها كمان عيد ميلادها اليلة فبارك ليها وماتنسي انو ل16 سنة خلت ما كان فى زول بيقول ليها غير ياكج دة يوم تتولدى فيهو..........
| |
|
|
|
|
|
|
|
|
|
Re: تسلم يا أب عاج أخوى يا دراق المحن (Re: هشام المجمر)
|
مريم بت الحسين
شكرا على المرور
الشايقى
زى ما قلت بالضبط بيت المشير حيكون مليان اليوم بالوهم و الناس الموهومين. و مبروك يا جعفر و خطوة عديلة على الأعداء الله اكبر المشكلة انو المشير الأول ح يأخذ ليهو دقسة و يصحى صائحا الأخوة أعضاء مجلس قيادة الثورة.
ندى على
مافى مخارجة ....إلا بالعمل الدءوب مع مراعاة النفس الطويل
الناس ديل جلدهم تخين وما بحسو
الأخ العزيز د. ياسر
الحمد لله على مرورك و شكرا على المداخلة.
دوما كنت أقول لنفسي أن موقف الجمهوريين من نظام مايو حتى 1983 هو النقطة السوداء الوحيدة في تاريخهم المضيء والمليء بالنضال الفكري و المادي وربما كانت مشية الشهيد الباسلة نحو المشنقة تجعل هذه النقطة اصغر من نملة على كثبان من الرمل. ولكن يظل السؤال قائما لماذا تأخر الجمهوريون حتى إصدار قوانين سبتمبر ليعارضوا نظام مايو ولماذا أيدوه حتى ذلك الوقت؟ أرجو أن أجد عندك الإجابة الشافية
| |
|
|
|
|
|
|
|
|
|
مايو (Re: هشام المجمر)
|
امس يا هشام كنت استمع
للطيب سيخة وهو يتحدث في احتفال للسكر
قال الغبيان
السكر في السودان مرتبط با فضل العهود
زمن حكم عبود
وزمن نميري
وزمن البشير
شفتا سيخا دا غياظ كيف
| |
|
|
|
|
|
|
|
|
|
Re: تسلم يا أب عاج أخوى يا دراق المحن (Re: هشام المجمر)
|
| Quote: امس يا هشام كنت استمع للطيب سيخة وهو يتحدث في احتفال للسكر |
يا أستاذ البوديك تستمع للناس ديل شنو؟
وبعدين قلت المناسبة كانت ... (احتفال للسكر)؟ السين بالضمة ولا أنا غلطان؟
وبعدين يا جماعة ما تنسو من أسع تعتزروا مقدما للدكتاتور العسكري في الإنقلاب القادم؟
ولأننا جربنا مايو ويونيو أظن الستاشر سنة الجاية خاصة بشهر يوليو. وللأسف سننال فيها من النصيب اليسير لأن العمر لن يسعفنا بالتأكيد لسطاشر سنة قادمة بعد إكتمال الدورة الحالية.
| |
|
|
|
|
|
|
|
|
|
Re: تسلم يا أب عاج أخوى يا دراق المحن (Re: هشام المجمر)
|
بعد فترة بسيطة من انقلاب يونيو..وفي النشاط بالجامعة..محمد طه قال الإنقلاب دة بيسندوا تيار اسلامي عريض..واذا عبود قعد 6 سنين..ونميري 16 سنة..الانقاذ حتقعد 16 +6 اضربوها في عشرة....والطريف انو تعرض في ذلك اليوم ايضا لموضوع السكر...وقال زمان الحكومة تغلي السكر الطلبة يطلعوا مظاهرات..هسي الانقاذ غلت السكر..تاني يوم الطلبة كانوا بينضفوا مع يوسف عبدالفتاح في شارع علي عبداللطيف...
| |
|
|
|
|
|
|
|
|
|
Re: تسلم يا أب عاج أخوى يا دراق المحن (Re: هشام المجمر)
|
والله يا آل المجمر عينا باردة.. يخزي العين كما يقول أهل الشام..
هيام المجمر: تحية.. وربنا يتم بالخير ويسلمك ويسلم وليدك وتدخلي عالم البزز والبامبرز والسهر.. أبشري بالخير..
سهام المجمر: مبروك الماجستير.. هنينا قبل أيام، لكن الإعادة واجبة..
ويا هشام محمد سيد أحمد دا أحسن زول بلف عمة، مع أنه لا بديري ولا شايقي ولا جعلي.. دخلت بوست التور الخائب فضحكت كثيرا وتذكرت الكثير من نكات الشايقية والدناقلة والجعليين.. غايتو أصغر أولادنا عمره 8 سنين، عندما يرى أناسا من "الدونكل هويتيقا" وتعني الملونين يبتهج ويسألني هل يتكلون أيضا بالسوداني زينا؟؟
وسلام على الجميع مني ومن إلهام، فقد قلت لها البارحة لماذا لا تكتبين في البورد.. فقالت لي أنا بالقراية بس حالي بقى قريب من حالك، لما أكتب أبقى كيف؟؟
| |
|
|
|
|
|
|
|
|
|
Re: تسلم يا أب عاج أخوى يا دراق المحن (Re: هشام المجمر)
|
اخي هشام المجمر .. اليك هذه القصيدة في ذم دراج المحن ..
شاف الناس مشت امريكا قال لازم يزور امريكا
لو القصة اصلها ( كامبنق ) يعملوا ليهو كامب افريكا
ابشري غني يا امريكا جاك زولا ضعيف انتيييييكا
لا دارس حساب لا عربي لا دارس علوم بلوتيكا
جاك الحاج وجاك اب عاج وجاك اسد الخلا اللجلاج
يجوز قاصدلو فيك علاج يجوز داير سرب ميراج
جاك راشيهو سيل غيمة كان تديهو كم خيمة
وجاك الجوع هلك ناسو مشيهون صار بتقسيمة
صحيح امريكا فيها امور وجعفر فيها صار دكتور
اصلو شهادتو دكتاتور نعم الديك ونعم التور
خربانة البلد بيكا وزدت الامر تلبيكا
حتى الفار شرد من بيتنا ما لاقيين ملاح ويكا
قافل شعبي راجيكا جوكرو فوق وفاك تيكا
ومن هنا نحي ثورة مايو الظافرة ونحي المؤتمر الوطني ( من اقوال اب عاج )
ود الباوقة
| |
|
|
|
|
|
|
|
|
|
Re: تسلم يا أب عاج أخوى يا دراق المحن (Re: هشام المجمر)
|
عمر محمد عبد القادر
شكرا على القصيدة المعبرة لواقع الحال تلك الأيام
المرحوم سوس كتب قصيدة طريفة عندما نصبت الكشافة السودانية النميرى كشافا أعظم ولكني لا أذكرها الآن
أرجو ممن سيذكرها من البورداب إنزالها بهذا البوست.
| |
|
|
|
|
|
|
| |
هشام المجمر
مريم بنت الحسين
nada ali
Yasir Elsharif
mohmmed said ahmed
Elawad Eltayeb
Siham Elmugammar
فيس بوك
تويتر
انستقرام
يوتيوب
بنتيريست