قررت ان أفتح هذا البوست و تخصيصه فقط للشكل والمعارك الشخصية
السبب الأول ( نبيل جدا ور ئيسى): حتى أسجل أعلى نسبة مطالعة فى البورد السبب الثانى ( تافه وهامشى) : حتى يتفرغ الناس للبوستات الجيدة التى تضيع هدرا بسبب غبار هذه المعارك السبب الثالث ( اتفه من الثانى) : حتى لا يسعد الذين يريدون أن يذهب البورد كنافذة حرة للسودانيين فى ستين دهية
مع إحترامى للشكل و المتشاكلين ومنهم أحبة و أصدقاء عزاز
02-19-2007, 01:08 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 27729
هشام تحياتي ياخي انا عندي زول كايسوا علي جنبة كده ممكن لي زي ستة شهور..وكل مرة كابي الزوقة لو قدرت تجيبوا بجاي تكون قدمت لي خدمة لا تنسي واكون شاكر....
02-19-2007, 01:46 PM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
نوبي سلام الغريبة انك مطلع علي الخطط وبعد ده بتكابس مالك ارجي الراجيك حسب الخطة الشكلية الثلاثية 1- ملس زيناوي 2- زول رايحة ليهو مساحة قطر 3- واحد مشكلتوا اني ممسكوك منو ..وحجازو كلامو ما بنزل (وطة) وعلي اي حال له علاقة وثيقة بالقونقليز .. ويا هاشم ممكن تساعدني في برمجة الشكلات الثلاثية الابادة دي
البارح القريبة دي قدامي اتنين سائقين واحد خرم للتاني لما ضايقو في التلوتوار...وسب ليه...صاحبكم السبو ليه ...نزل من عربيتو ومشي علي الزول التاني وجاء راجع فتح العربية...وكأنه يبحث عن طبنجة من الحرقة
شوف عيني ومعاي جماعة شال ليه سفنجة ومشي لي صاحبو رافع السفنجة في الهوا والناس يحجزو فيه...شويتين كدا الناس اتباوسو وضحكوا ومشوا
دحين انت قول الداير شكل يطالعني...وحدد اي خلا في راسك..
باقي لي الغربة بتأثر في الشكل زاتو...
قريب دا ما شفت زول مفلوق تب
02-19-2007, 02:35 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
هشام ربما نسيت باننا نمثل هنا قطر فيه حاليا (اكبر شكله في التاريخ) فطبعا لن نتبادل الورد هنا. وعلى فكره اهلنا في الجنوب الاعزاء بيسمون (الحرب) (شكله) يبقى فعلا نحن منتمين لبلد فيه اكبر شكله وود المجمر عايزنا ربما نحتفل بالفالنتين ولايهمك يا هشام لك على اكتب بوست اسمه فالنتين الثوار
أها ملس زيناوى ده ما بقدر عليهو لأنو النبى (ص) وصانا على الحبش خيرا ونحن المسلمين وخاصة السودانيين ما بنقدر نجازيهم على خدماتهم الجليلة لنا عشان كده طلعوا برة اللستة وكدى شوف لى الباقيين
02-19-2007, 05:16 PM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
Quote: زمان يا هشام لو بتتذكر الواحد لمن يكون عندو شكله مع زول يقوم يقول ليهو كان راجل طالعني الخور
يا معاوية
سلام
حسع الشكل بقى أسفيرى ساى وخور الأسفير ما زى خور زمان
بس المشكلة انو هنا الحضور اكبر و الكلام البتقولو ما بتسمح والناس السودانيين الطيبين ما بنسوا ليك أبدا تجى تقول حاجة يقول ليك انت مش الزمان قلت كدة وكدة وفى ناس يجرو القوقل ويمرقوها ويختوها ليك فى وشك.
02-19-2007, 05:24 PM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
الأخ هشام السلام عليكم معقول بس.....بوست للشكل عديل و سيده منو؟ ود المجمر بتاع اللؤم اللأدانا إنذار و حمانا ناخد راحتنا لا لا لا لا لا لا....دي ما بتتفات أنا جايب شنطة الحديد بتاعة عمر الفاروق الفيها الطحنية و البرش و العراقي و السفنجات ألات دكين و شايل عكاز جني المضبب أب صامولة وقاعد ليك هنا الليلة, و كايسو معاك عديل وعلي كيفي أحكي نكتة , أتعنقد أتلاءم أجيب غنية قصيدة ,أسوي الدايرو الله يقدرك و تقول لي عندك كرت , عكازي المضبب راسك إلا ياباو و زول بحجزك مني مافي و بوستك العاجبك دا أنا بتحكر ليك فيه يحلك مني الحلا محسن خالد من الحبشي زح كدا ولا كدا
02-20-2007, 05:04 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
تعرف يا هشام الشهر الفات في جوبا كنا قاعدين وأخونا عبد الباقي محمد مختار فتسآلنا هل هناك أي أخبار جديدة في السودانيز أون لاين ،وكان هناك بعض الأخوان اللواييق مع قليل من" ذات وجد"، فذادت اللياقة ،فأقترح عبد الباقي أن يسمى المنبر بالقعدة فقلت لماذا ، أجاب قائلا بأنو كما تلاحظ قعدات السودانيين تنتهي بشكلة أو شكر طوالي أصلوا ما بيخلوا الموضوع محل النقاش يصل آخره،، على كل أي زول داير يشاكل جاهزين بأستثناء الكيزان لأنو أهلنا علمونا ما نشاكل النسوان
02-20-2007, 05:28 AM
عواطف ادريس اسماعيل عواطف ادريس اسماعيل
تاريخ التسجيل: 08-11-2006
مجموع المشاركات: 8006
أمال الخلانى أكتب البوست ده شنو؟ كتبت موضوعين و لقيتهم بسرعة غطسوا سنارة صيد ما تجيبهم. عاينت لقيت البورد كلو شكل قلت طيب احسن نعمل بوست واحد للشكل و الداير يتشاكل يتشاكل و الداير يحامى يحامى و الداير يحمش يحمش و الداير يقعد فى الحيطة ويسمع الزيطة يقعد
انا عارف طالما فى ناس طالما فى شكل
لكن شوية نلتفت لما يفيد
02-20-2007, 06:03 AM
salma subhi salma subhi
تاريخ التسجيل: 06-29-2006
مجموع المشاركات: 4817
الاخ هشام المجمر لك التحيه قبل مانبدا اولا شكرا على اتاحه هذه الحلبه انا عندى واحد اسمو عمر الفاروق معانا هنا فى البورد بفتش عليه داير اكفتو عارف محلو وين ؟؟؟؟
02-20-2007, 06:08 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
يا هشام اذيك تاني...........غايتوا لحد هسع ما شاكلت زول في المنبر والله لاجاب شكل .....لكن بوستك ده حيخلي العندة حتة زعل من زول يفشها وكان قراها الطرف التاني حتبدأ صحي صحي المشاكل....ما تدخل واسطة خير
02-20-2007, 06:45 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
هشام المجمر . أنا طالبك شكلة قديمة كده و إنتظرتك فى شارع المزاد زى كم شهر كده و أخيراً واحد فاعل خير قال لى تعيش إنت، الزول ده إغترب... حسيت بى زعل شديد و قلت فى سرى لكن بصوت عالى...... جبان ، عرفها. أها يا أخوى إنت إجازتك متين عشان ننسق و أنا ذاتى أنزل إجازة و أول ما أشوفك أفاجئك بــ ( هوك ) مستلف من بتوع ديوم بحرى ديك ، و بعد كده ممكن نمشى السكة حديد نتمها هناك ، بس أوعك تجى مرِّدف ، خلاص إتفقنا ؟؟؟. و ما تجيب معاك ناس همّام عشان يحامو ليك .
تخريمة مهمة :-
أحسن السكة حديد و لا كوشة الجبل ؟؟
دمت يا عدو يا وفى
02-20-2007, 10:09 AM
اسعد الريفى اسعد الريفى
تاريخ التسجيل: 01-21-2007
مجموع المشاركات: 6925
تقول شكل للبيع و صارى وشك و برضو مشتاق ليك يا هشام .. و اخونا الهادى ، كان مشيت وين و وين .. ليك منى الف سلام و شوق و حليل كوشة الجبل .. بقت كافورى مربع كم كده و سيجا وويتا .. و وحياتك الخرطوم كلها ما فيها سهلة واحدة .. كلها اتوزعت و اتبنت و اتباعت و اشتروها .. عشان كده .. شاكلنى فى خيالك ..
02-20-2007, 11:20 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
هشام حبابك وحباب الدواس..ولو وزعت مع البوست ده عكاكيز القصة بتكون مكرمة هشامية لا مثيل لها اطلاقا.. جماعتي انا اصلهم اربعة وكل مرة سنزيح الستار عن واحد .حسب مقتضيات المرحلة..
1- حسين ملاسي 2- زول رايحة ليهو مساحة قطر 3- واحد مشكلتوا اني ممسكوك منو ..وحجازو كلامو ما بنزل (وطة) وعلي اي حال له علاقة وثيقة بالقونقليز .. 4_ زولة دائما (ماسكة العصاية من النص) ..
02-20-2007, 11:35 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: عبدالكريم هوووووووووي دي بضاربكـ فيها رسمي يعني بالدرب عديل كده
نوبي ياخي ما تروق المنقة.. انت يا زول شكلك كده شاكي في انو اسمك في اللستة دي ولا شنو..وملاوز من الطقطقة.. فيانوبي روق..وممكن تكون ما فيها ..ما تتخلع لي كده عليك الله.. بعدين الزولة الماسكة العصاية من النص دي احتمال تكون ما زولتكم دي ياخي..يازول اختاني عليك الله
02-20-2007, 11:53 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
Quote: يا زول نوبي في اللستة ما مشكلة لكن زولتنا دي أختاها كان من قريب كان من بعيد عارفها شترا لكن نسوي شنو ادي الله و ادي حكمته
انت عارف يانوبي بوست هشام ده حقق لي فائدة لا مثيل لها في الكمين الرباعي بتاعي وياريت العقد الفريد المطلوب للعدالة يكتمل من 1 الي 4 في اللستة المرفقة.. ... ويازول انتو لو متاكدين ان الزولة المقصودة (ياها) زولتكم..قولو ليها (ديري بالك) D
02-20-2007, 12:23 PM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
Quote: مع إحترامى للشكل و المتشاكلين ومنهم أحبة و أصدقاء عزاز
انا عن نفسى مابحب اشاكل زول لكن لو زول ختى على بدون سبب يانى المابخليه لكن برضو فى الحدود وطالما بقت فى مساحه مخصصة للشكل انا لوسمحت لى بجى بى هناتانى اشاكل وارجع تحياتى
02-20-2007, 12:37 PM
Tabaldina Tabaldina
تاريخ التسجيل: 02-12-2002
مجموع المشاركات: 11844
Quote: - ملس زيناوي 2- زول رايحة ليهو مساحة قطر 3- واحد مشكلتوا اني ممسكوك منو ..وحجازو كلامو ما بنزل (وطة) وعلي اي حال له علاقة وثيقة بالقونقليز .. ويا هاشم ممكن تساعدني في برمجة الشكلات الثلاثية الابادة دي
أنا اسمى مكتوب !!؟ غايتو عملتها ظاهرة .. وتأبط شراً يا كيكى .. يو مصت منشن زا نيمس دايركت .. واى يو يوسنغ كودس ياخى الناس دى والله قلوبها زى اللبن امشى شيل عكازك دا وادقش شله بشاشا وآخرون ..
Quote: أنا اسمى مكتوب !!؟ غايتو عملتها ظاهرة .. وتأبط شراً يا كيكى .. يو مصت منشن زا نيمس دايركت .. واى يو يوسنغ كودس ياخى الناس دى والله قلوبها زى اللبن امشى شيل عكازك دا وادقش شله بشاشا وآخرون
عجيب يا تبلدينا.. وشايف مع (القونقليز دي) لبست الجلابية طوالي واصابتك (حمي نوبي).. يازول قلنا الاسامي ستكشف قريبا..اصبر فعليك الله (استيي كووول) لحدي ما ننده الاسم الثالث واحتمال تطلع ده ما انت.. ولكن للضمان كده برضو بنقول ليك (دير بالك)
02-20-2007, 03:53 PM
أبو الحسين أبو الحسين
تاريخ التسجيل: 11-07-2006
مجموع المشاركات: 7987
[في البداية يا هشام الواحد لازم يقيف شوية ويشيد بيك كمنظم شكلات اسفيرية لايشق له غبار ..وترتيبات ما قبل الشكلة ماشة عي قدم وساق .... اما الزولة الماسكة العصاية من النص فيا زول حتجي حجتي بكان الشكلة ده بس انت كتر (الريفرشات) للبوست ده..
عشان تعرف إني جاي زول مشاكل كيف ولا قريت الكلام المكتوب وتووووووشك جيت خشيت والله لو ما كلامك القلتو ده ما كنت لاحظت لي عم شنبو البيفتش فيني .. يا هشام الله يرضى عليك امسكني من الزول ده ..اي نعم انا بتاع مشاكل لكن كمان ماااااااا للدرجة دي..
02-21-2007, 09:55 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
سلام يا هندسة و الله انت حريف حرفنه لسه في ثلاثة اعضاء ما دخلوا هنا، عليك الله لما يدخلوا اقفلهم جوه البوست ده بي طوق و ارمي المفتاح في البحر و الله تكون ريحت خلق الله راحة!!، و اوعدك بي جائزة مجزية من بكري .. غايتو انا متخارج ..
02-28-2007, 04:43 AM
هشام المجمر هشام المجمر
تاريخ التسجيل: 12-04-2004
مجموع المشاركات: 9533
Quote: لسه في ثلاثة اعضاء ما دخلوا هنا، عليك الله لما يدخلوا اقفلهم جوه البوست ده بي طوق و ارمي المفتاح في البحر و الله تكون ريحت خلق الله راحة!!، و اوعدك بي جائزة مجزية من بكري .. غايتو انا متخارج ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام المجمر
حيدر حسن ميرغني
فيصل نوبي
Muna Khugali
إيمان صالح
عبدالكريم الامين احمد
محمد عثمان محمد طه
هاشم أحمد خلف الله
doma
أبو الحسين
نادر محمد الراضي
Moawia Mohammed
nazar hussien
Tragie Mustafa
محمد البشرى الخضر
عواطف ادريس اسماعيل
salma subhi
أيمن الطيب
عبدالله شمس الدين مصطفى
اسعد الريفى
ماجدة عوض خوجلى
Salah Waspa
عصام عبد الحفيظ
عمر الفاروق
محمد الأمين موسى
مأمون
صديق الموج
elsawi
فيس بوك
تويتر
انستقرام
يوتيوب
بنتيريست