|
|
|
 Re: ماذا يميزكم? سوي ان الانقاذ افضل منكم (Re: اساسي)
|
أخي الحبيب أساسي الأساسي
لك التحية وأنت تعبر عن فترة زمنية كنا شاهدين على عصرها و(عصرها)
، ولكنني أحببت فقط ان اضيف لحديثك هل كانت تلك الفترة تتميز عن
الإنقاذ بديمقراطيتها ؟؟ فلفت نظري واسترجعت ذاكرتي للوراء قليلا
لأتفحص أي ديمقراطية كانت هل تقصد ديمقراطية الفوضى أم فوضى
الديمقراطية ، أي ديمقراطية تلك التي لم تستطع الدفاع عن نفسها
واي ديمقراطية تلك التي لا يدافع عنها مؤيديها؟؟؟
فالإنقاذ أخي أرحم ألف مرة من تلك الديمقراطية ( هذه وجهة نظري )
ودمت ولك المحبة
| |
 
|
|
|
|
|
|
|
 Re: ماذا يميزكم? سوي ان الانقاذ افضل منكم (Re: سحلوب)
|
اساسي الما اساسي
انت كوز من حقك لكن الما من حقوا يكون فعلا هوبلس مجنون هو جمال الناس في شنو والحسانية في شنو
احترم رايك رغمي اختلافي معك في كل تفكيرك وفي كل حاجاتك لانك ....................................؟؟؟؟؟؟؟؟
ماف داعي
الديموقراطية التالتة الناقصة لانها ولدت ناقصة لكن من دمرها من خلخلها من عمقها غير امثالك من ناقصي العقل ومن هم التجار غير تجاركم ومن سرق غيركم ومن قتل وشرد غيركم ومن ومن ومن الانقاذ دايره هي في نفسها انقاذ دعك من ان تنقذ هي السودان ولا نضرب المثل القالوا على الحاج للبشير بمناسبة زواجه من حرم ابراهيم شمس الدين
اتقى الله يا اساسي وخلينا من الكلام الفاضي ده
الدين يكون بوليس
تخالفوا تتكفر
تنهان وتندفر
لكن نسى المهوس
يوما كريه وعبوس
يوم الجموع تنهر
يوم الغضب يظهر
ما شان فحم او زيت
لكن غضب للحق
وكرامة اهل البيت
انشاء الله تستنى
وما اظنك استنيت
يا كوز حتهرب وين
يا اساسي حتهرب وين
يا هوبلس حتهرب وين
امان ما اتزريت
| |
|
|
|
|
|
|
|
|
 Re: ماذا يميزكم? سوي ان الانقاذ افضل منكم (Re: اساسي)
|
بداية التسعينات:-
البطاقة التموينية , كل أسرة عندها عيشة في الفطور وعيشة في الغدا وتالتة في العشا ولو جاكم ضيف يجيكم بي عيشتو .
الفقرا إتقسموا النبقة؟
النبقة القعدت تبكي ؟
قالتلهم كيفن
انا ما بحوق في السن
ما تقولوا لي معليش
كيفن أكفي الديش
ما ياني حتة نبقة
ماني فدان عيش
؟؟؟؟؟؟؟
عيشتي فيها مية سوسة بس .
يمة عيشتو انضف من عيشتي .
ياد اكل اتسمم سوسة في بطنك .
يا ولية حرام عليك ما كفاية السوس البياكلوا فيهو ليهم شهر ؟
يابا السوس شنو ؟؟
يا ولدي السوس زول بنخر في عضمك بالجوع ولدو بياكل تلاتة وجبات بي عيش فينو مستورد وأبوهو مابجوع وبتعب في الجري في شوارع الخرطوم في شان حق لبن ولدو الشافع ولا دوا يتو العيانة والساكناها الملاريا تقول سجلوهاليها في شهادة ميلادا .
صيدلية المواطن علبان الشعبية:-
داير شاش ؟ شاش جروح ولا رتينة ؟ ولا كهربتكم شغالة ؟ يا مواطن غلبان رتينتنا في الصيدلية مفكرين نشتري بدلا جننيتر لانها بتصرف نفس كمية الجاز من كتر ما بنشغلا .
حوادث امدرمان :-
وده مالو ؟
جاتهم في البيت طلقة طايشة أصلهم ساكنين جمب كبسولة الشرطة الشعبية
بختو الجات في كراعو جارنا جاتو في ضهرو (سيافي) لأنو كان نايم بالليل
الله يرحمو ,بس ما قلت لي ننوم واقفين ؟
تعرفي انتي أجمل كتير من بنات الخواجات ديلك .
جد ؟
هناك كل شي بارد ومافي نيل زي ده نقعد قدامو .
راجع متين ؟
ناوي أستقر هنا .
سجمي تستقر وين ؟
في السودان , تعبت من الغربة وتكمل بيتنا ونكمل العرس وتكوني أحلى ملكة في مملكتها .
بس السودان بقى صعب والظروف ما زي زمان وبي قرشك ما تقدر تعيش .
بس انتي عشمي التعبت وسهرت وهاجرت عشانو ما بخليك وراي , سوى نقدر نعمل أي شي دايرنو .
بتعرفا من وين؟
سعادتك ...
سجمي ديل ناس النظام العام !!!
يا جماعة دي خطيبتي وعقدنا في نهاية الشهر ده .
خطيبتك ولا ...
انا ما بسمح ليك .
انت شنو ؟
ارفعوهم
بس لكن يا جنابو ..
جنا ......
تعرف يا جوك , الليلة عرس فلانة
نمشي بس الحفلة بي منو ؟
كاجر هباشي
أبوهم مش كوز ؟
ونحنا مالنا نحنا علينا بالهجيج والطرب والجكس و ...
دفار الإلزامية أجروا قبل ما تحضروا الحفلة في فتاشة .
عمرك كم ؟
اتنين واربعين
انت بتلعب علينا انت عمرك ما نط التلاتين ,
الاوراق قدامك سعادتك .
داير بالجواز شنو ؟
ماشي سوريا العمرة .
انت مستهبل ؟ سوريا فيها عمرة ؟
من هناك أسهل وأرخص ,أخوي قال لي كدة
أخوك شغال شنو ؟
بغسل صحون .
والعرفو بالعمرة شنو ؟ عمرو كم أخوك ؟
تلاتين .
يعني أصغر منك وداير تصدق كلامو وتمشي تتبهدل ؟
لا انا الأصغر .
انت مش عمرك اتنين وأربعين ؟
الورق قدامك بقول شنو سعادتك ,
أمضي ليهو خليهو يمشي .
حاضر سعادتك .
أبنوسي
| |
|
|
|
|
|
|
|
|
|
Re: ماذا يميزكم? سوي ان الانقاذ افضل منكم (Re: tabaldy)
|
Khartoum is the capital ,and you can't put it as the basis to estimate Alinghaz achievments,what about the country side,have you seen how the far north has suffered during these 10 years,or you just judge by looking at the Qs infront of the bakeries!!
| |
|
|
|
|
|
|
|
|
|
Re: ماذا يميزكم? سوي ان الانقاذ افضل منكم (Re: اساسي)
|
جاتني ملاريا نزلت السوق قلت اتعالج
في الباص دوشت قربت اطرش
لما نزلت لقيت الورقات انتشلت مافيش غير الفكة
قلت اضرب تلفون واشحد
طلعت النمرة غلط
سيد الكشك قال لي فتح ليك خط؟
ادفع تاني
ماعندي
مشيت مشوار لما لقين فاعلين الخير
مشيت المركز قالوا افحص حلل
اليوم يازول عندك ملاريا
لي دوا
الشعبية ادوني ورقة فيها حبوب
لما جيت البيت قلت ابلع الحبوب
لقيتها حبوب سلفة
ياخواني انا اتغشيت
حبوب الكينا جاتني بدل سلفة
ياناس حبوبتي جات قعدت في الصيديلية
الدواء عندها سلفة
الحبوب سلفة
ياناس الملاريا دي جات من وين
بتقولوا في شنو؟؟؟؟
شن جاب السلفة والكينا
| |
|
|
|
|
|
|
|
|
|
Re: ماذا يميزكم? سوي ان الانقاذ افضل منكم (Re: اساسي)
|
الاخ اساسي
وجميع من بالدار
سلام
قال تعالى فى محكم تنزيله
(انا عرضنا الامانة على السموات والارض والجبال فابين ان يحملنها واشفقن منهاوحملها الانسان انه كان ظلوما جهولا)سورة الاحزاب الاية
72
كرم الله تعالى الانسان بنعمة العقل وحرية الاختيار فلا يحق لاى كا ئن من كان ان يسلبه اياها ...هذا من حيث المبدأ
فماذا فعلت الانقاذ؟؟ طرحت نفسها صوت السماء والحاكم بامر الله وادعت لخياراته الدنيوية قداسة دينية فاصبحت التعددية شركا والتميز زندقة والمعارضة خروج على الدين وكنتيجة لتلك التصورات الشمولية اطلقت ايادى اجهزتها الامنية بلاضابط ولا رقيب فاقتادت العشرات الى السجون ومعتقلات التعذيب فى وحشية لا مثيل لها ولا يمكن لاى كائن ان يتسامح معها مهما كانت المبررات ..ولندع الحديث عن الجانب السياسي من حل الاحزاب وتدمير مؤسسات المجتمع المدنى و....فانا هنا فقط احاول تقييم الانقاذ بذهنية مواطنة سودانية عادية كما فعل اخونا اساسي
جاءت بشعارات ناكل مما نزرع ونلبس مما نصنع فماذا كانت النتيجة؟؟؟تدهور مريع فى الانتاج الزراعى فدخل المزارعون السجون ودمرت مشروع الجزيرة دمارا شاملا اما الصناعة فالمصانع العاملة حاليا 30% فقط من الطاقة الانتاجية وبالتالى ارتفعت وتائر التضخم ارتفاعا مهولا فالدولار الذى اتت الانقاذ لئلا يصير بعشرين جنيه تمنه اليوم الفان وستمائة وسبعون جنيه (احسبوها زيادة كم فى المية)فى الوقت الذى لم يجارى هذا التضخم زيادة فى الاجور والمرتبات بل فى الوقت الذى تعجز فيه الدولة عن دفع مرتبات العاملين لديها تصرف صرفا بذخيا على احتفالاتها ومخصصات وزرائها (26 ولاية و119 محافظة واكثر من 600 محلية بجهاز ادارى يفوق ال10 الاف بكامل مخصصاتهم وعرباتهم وفواتير موبايلاتهم)..نعم يا اساسي لا توجد صفوف خبز وهذه محمدة لكن كم اسرة تستطيع شراء هذا الخبز البدون صفوف ..كم اسرة تستطيع توفير ما يسد جوع اطفالها ؟؟استخرجنا البترول والنتيجة ؟؟ زيادة فى سعر البنزين !!!كم اب يستطيع توفير حق المواصلات للذاهبين للمدارس
الحديث عن التنمية فى ظل حكومة يرزح 94% من مواطنيها تحت خط الفقر يظل بلا اسس (ساتى للحديث عن الدمار الاجتماعى المرتبط بالفقر لاحقا")ويظل رصف الطرق زرا للرماد فى العيون عندما تطالعنا التقارير عن معدلات الصرف على الصحة والتعليم فالصرف على الصحة 1% من جملة الناتج الاجمالى والنتيجة مئات الوفيات بالملاريا ,وتموت 660 امراة من كل 100 الف حالة ولادة ويموت طفل من كل الف طفل حديث الولادة ...اما المستشفيات فحالها يغنى عن السؤال ...ولا زال الحديث عن مجانية العلاج والتعليم حديثا تتداوله الصحف فقط...
اما الفساد والرشوة :عن ماذا اتحدث؟ عن طريق الانقاذ الغربى وخلوها مستورة !!!ام عن تقارير المراجع العام السنوية !!!ام عن ما تتناقله مجالس المدينة ونراه بام اعيننا عن مظاهر الثراء المجهول المصدر!!!
الحرب: باوهام الحق الالهى دفعت بالاف الشباب الى محرقة الحرب بدعاوى الجهاد وجاء منظروها اليوم بلا ادنى ذرة حياء (بعد الاختلاف) ليحدثونا عن ان ما كان يحدث ليس جهادا "..ابادت القرى وساقت الاطفال قسرا من معسكرات التدريب لارضاء اوهام الدولة الاصولية والمشروع الحضارى وهاهى الان تحت ضغط امريكا وحفاظا" على مقاعد السلطة تفاوض كفار الامس حلفاء اليوم...فعن اى ذهنية انتهازية تتحدثون (يا ريت لو زول يقدر يمدنا بخطب يونس محمود النارية)
ان اسوأ ما ارتكبته الانقاذ فى تقديرى من جرائم بعد الحرب هو الدمار الاجتماعى الفظيع الناتج عن سياسة الافقار ,فتحت الحاح الحاجة طفت على السطح ظواهر غريبة على مجتمعنا الرشوة والفساد (فقد اصبح منظرا عاديا ان يوقفك بوليس الحركة وتتفاوض معه على عينك يا تاجر مقابل الا يحرر لك مخالفة واصبح عاديا ان تتفاوض مع اى موظف حكومى على تسهيل مهامك والا ستظل تلف فى تلك المصلحة الى ما شاء الله)
الزواج العرفى ...الاطفال اللقطاء...بيع الجسد ...لقد تعرض النسيج الاجتماعى الى ضغوط هائلة والصورة حقيقة اكثر قتامة من مجرد صف عيش اختفى وبنزين على قفا من يشيل
عن ظاهرة الاطفال اللقطاء مقال قيم لعثمان ميرغنى ساحاول انزاله هنا
| |
|
|
|
|
|
|
|
|
|
Re: ماذا يميزكم? سوي ان الانقاذ افضل منكم (Re: اساسي)
|
حديث المدينة - عثمان ميرغني
حسب الإحصاءات الرسمية تتسلم دار المايقوما (ملجأ الأطفال) حوالي 50 طفلا في الشهر .. وبعبارة حسابية مقربة حوالي طفلين كل يوم .. يتنكر لهما الأب والأم ويتم التخلص منهم بوضعهم في مكان عام فيلتقطهم القدر .. إما كلب مسعور فيقضى على حياة المولود البريء .. او رجل محسن فيحمله إلى السلطات التي تحمله إلى ملجأ الأيتام.
لكن المشرحة في مستشفي الخرطوم تتلقى ويوميا ربما ضعف هذا العدد من الأطفال الذين يتخلص منهم ذووهم بصورة أو بأخرى أو الذين وُضعوا في مكان عام لكنهم ماتوا قبل أن تمتد إليهم يد رحيمة..أي حوالي (4) أطفال في اليوم الواحد ..وإذا وضعنا في الاعتبار أن الأطفال الذين يصلون إلى المشرحة أمواتا والذين يصلون إلى الملجأ أحياء هم بالتأكيد أقل من نصف العدد الحقيقي الذين ربما تم قتلهم في صمت وتم التخلص منهم بصورة لا تصل إلى السلطات يصبح العدد التقريبي للأطفال غير الشرعيين في العاصمة وحدها الذين يولدون كل صباح جديد حوالي (12) طفلا (في اليوم الواحد في العاصمة الخرطوم وحدها!!) يولدون خارج رباط الزوجية الشرعي فيقتلون فورا بعد ولادتهم أو يقتلون مؤجلا بعد أن يكبروا ويشبوا في المجتمع فيجابهون الوصمة الكبرى التي لا ذنب لهم فيها ولا يد.
صحيح انه بالمنطق المجرد من الإنسانية فإن الذين يتوفاهم الله إلى رحمته من هؤلاء الأطفال أفضل حظا من الذين يبقيهم القدر في مسالك الحياة الصعبة بقية حياتهم ،ولكن لان الله قدر انه لا تزر وازرة وزر أخرى فإن المجتمع مطالب بقوة أن يجد حلا يرفع الوزر الاجتماعي عن الأطفال المحرومين من رعاية الأسرة بسبب جريمة لم يرتكبوها ولم يكونوا سببا فيها ..
الجهات الرسمية والطوعية تقترح نظام التبني بواسطة أسر بديلة .. حتى يجد هؤلاء الأطفال جذورا يمتد إليها عمقهم الإنساني ، لكن التبني يمنح الماعون الحافظ للطفل لفترة محدودة حتى يشب ويكبر ويواجه المجتمع فيجد أمامه معضلة أكبر إذ أنه مربوط بسلاسل من حديد إلى تلك اللحظة الحرجة التي هوى فيها أبوه وأمه إلى الخطيئة التي كان هو ثمرتها.
ليس من الحكمة - طبعاً - أن تمتد آفاق البحث عن الحل إلى درجة تطبيع الإحساس بـ (الفضيحة).. فالتي تتخلص من العار والفضيحة بالتضحية بمولودها مدفوعة بقوة الكابح الأخلاقي الكبير في المجتمع الذي يعتبر فعلها خطيئة كبرى، فإذا حاول المهتمون تهوين الأمر حتى تتقبل الأسر وجود الأطفال غير الشرعيين بينهم فإن الأمر يجر المجتمع كله إلى أوحال ومستنقع الإباحية.. فتصبح (الفضيحة) مجرد (جنحة) صغيرة لا تستحق أكثر من استنكار لطيف خفيف..!!
لكن النظرة الرشيدة للمشكلة يجب أن تنبني على مسارين الأول يحارب الظاهرة في جذورها ويحاول ان يقلل أعداد هؤلاء الأطفال بأية طريقة حتى ولو تدنت إلى درجة تحريز المنزلقين في الفتنة من مخاطر الإنجاب بمختلف وسائل منع الحمل (وأكرر.. حتى ولو تدنت إلى هذه الدرجة) والمسار الثاني تشجيع أسر بديلة للتبني بشرط توفر متابعة مؤسسية لهؤلاء المتبنين حتى لا يصبحوا ضحايا ظروف الأسر التي ينشأون فيها.. فبعض الأسر قد تتحمس لرعاية الطفل المحروم من الأسرة لكن الظروف المادية قد تجعل الأسرة غير قادرة على تحمل نفقاته .. وقد أفتى مولانا صديق الضرير بأن الدين يحتم على الدولة توفير النفقة لهذا الطفل .. وبعض الأسر قد تتحمل ماديا نفقات تربية الطفل لكنها تفشل في زرعه في كيان الأسرة وقد يصبح سبباً لمشاكل كبيرة في الأسرة ..و قد يتطلب الأمر أن تقوم الدولة بتوفير حماية لهذا الطفل من غلواء المجتمع بسن قوانين تحرم السباب بأي لفظ يجرح أصل الطفل ..!!
الرأي العام – الأحد 3/8/
| |
|
|
|
|
|
|
|
|
|
Re: ماذا يميزكم? سوي ان الانقاذ افضل منكم (Re: اساسي)
|
تعرف يا اخوي الاساسي انت كنت متمتع بالحباة ايام زمان
تمشي تقيف في الصف عشان تجيب ومبسوط لمن تلقي الحاجة الانت عايزو
ولكن تعال شوف حسع الواحد ما عنده نفس حتى يمشي يشتري علاج لولده المريض ولا حتى امه المريضة سيبك من المرض والله الواحد ما عنده نفس يمشي يشتري حلاوه من الدكان حتى الرغبة انعدمت عند الناس يطلعوا بره البيت والمصيبة انك لو طلعت ولاقيت جبهجي بره البيت طوالي نفسك ينسد لانهم بامانه بيجيبوا للواحد طمام والله يكرمكم يوصلوك لمرحلة التشبع القرفي صدقني يا اخوي ما داير اكمل لانه الكلام فيهم بس نقول الله يرحمك يا ايام زمان
بس يا اخوي كلامك كله بيناقض بعضه مرة تدعي انك جاهل بالسياسة وتنظيماتها وفجأة تقوم تردد كلام الكيزان وبنفس اسلوبهم الاستفزازي كمان وعلي فكرة ما عيب انه الواحد يكون جبهجي نحن نحترم كل شخص ليه مبدأ بس هو يكون متشرف بمبدأه
بخصوص ذكر الشاش ما عايزين شاش هندي ولا بيض هندي
الله المستعان
| |
|
|
|
|
|
|
|
|
 Re: ماذا يميزكم? سوي ان الانقاذ افضل منكم (Re: اساسي)
|
اخى اساسى
تحية طيبة
اتفق معك فى ان احزابنا بحاجة الى تطوير و لحاق بركب التقدم لان التطور سنة الحياة و التطوير مطلوب لكل السودان و ليس للاحزاب السياسية فقط و لكنها محل الحديث هنا
و اسمح لى اخى ان اختلف معك فى ما ذهبت اليه من ان الانقاذ افضل من معارضيها و هنا لى وقفة
مهما ساءت الاحزاب فعلى الاقل النهوض مامول وقريب وواقعى و لكن الانقاذ ارجعت البلاد القهقرى ولا امل يرجى من ان ينحاز قادتها الى مصلحة السودان المجردة دون مصالحهم الشخصية -على الاقل فى الافق القريب -حيث لا تطعم النوايا الحسنة وحدها خبز الحقيقة، و لى عودة مفصلة اكثر باذن الله
فى امان الله
| |
|
|
|
|
|
|
|
|
|
Re: ماذا يميزكم? سوي ان الانقاذ افضل منكم (Re: اساسي)
|
اخي / اساسي
مبروك لكم انقاذكم... والذي قبلها من حكم
وقلبت جوانب معاناتك (الخرطومي) ولك الحق كله
بودي ان اقول لك نحن اهل الهامش لم يتغير نمط حياتنا
منذ ان غادر الحاكم العام الانجليزي و ماموره مستر مور
ارض السودان المختزل في عاصمته ( المتلتة) .. صدقني
لم يتغير شي فيما كنا نعيشه ... وساحسدك لاحساسك بان كل
شي تغير عندك ( نحو الاحسن) كثيرة هي العناوين التي
يعطي الانطباع بعدم تطابق ما نريد !! انت
تتبرم من دحرجة انبوبة الغاز .. وانااجلب الحطب من البرية
وتمتعض دغشة الطابونة .. واهلي يحفرون بيت النمل ليقتاتوا
العدم .. وتتوجع للوصول الي راس الشارع لجلب الدواء
وتموت الام ووليدها علي ظهر الحمار في الطلاق وعسر الولادة
تحكي عن الزبادي والفول .. واحكيك عن القوقور و التمليكةهل سمعت بهما .. انها طعام اهلي الغبش في دارفور
جد لمختلف
وانت تفخر بصبينة مترعة و الدافوري .. وانا لم ار المخلوق الذي
يسمونها(كرة) ولا حتي الجوراب لاصنع منه ما يشبهها
هل تصدق وجود مثل هكذا اماكن في سودانك الحبيب
ام اعتبرت السودان هي شارع الموردة والمعونة و محمد نجيب؟؟
تذكر اخي حتي الانقاذ في عهده الاول قد اتت بها الهامش
المخدوع بهرطقات الاخوان المتاسلمون
قبل لن يضيع في زواريب ساس و يسوس
قليل مما يحلم به الابعدون عن طلمبه الغالي لم يتحقق منه شي
وكثير مما يحلم به المهمشون لم تنتبه اليه انقاذك بعد
حتي تكتمل فرحتك الوحدوي .. سودان يسعكم و يسعنا
وتسق الينا بشراك بلانقاذ او حتي ديمقراطية (العدم)تلك
في الختام اخي لسنا مختلفين
فقط ...انت تنظر الي موضع قدميك
ونحن نرنو الي حيث السراب
لان افقنا مفتوح الي مالا يحدده نظر
وانت (الخرطومي ) يحجبك العمارات من ان تري
الابعدين ديارا
ولكم الله يا اهل الهامش
تحياتي
| |
|
|
|
|
|
|
| |
اساسي
خالد
manubia
المسافر
bitalneel
lana mahdi
hamid hajer
فيس بوك
تويتر
انستقرام
يوتيوب
بنتيريست