دعواتكم لزميلنا المفكر د.الباقر العفيف بالشفاء العاجل
|
|
 قراءة للمنبر تجعلنا نتحسر في أسى علي بورداب امريكا
|
اي متفحص للمنبر لديه خلفية كافية عن اعضائه من خلال مشاركاتهم او بروفايلاتهم بامكانه ان يجمع خلفية مناسبة عن اماكن وجود معظم اعضاء المنبر النشطين ... شهد المنبر في الثلاثة اشهر الاخيرة هزات عنيفة ادت به احيانا وكادت في احاين اخر ان تنسفه لولا رحمة الله علي منبرنا الحر لكان الان زكريات تحكي في ماسنجرات الياهو او الام اس ان ...
ظللت طيلة الاسبوعين الاخيرين احاول قراءة واقع هذه الهزات واعادة قرائتها احصائيا باعادة قراءة المنبر طيلة الشهرين الماضيين بواقع احصائي (حقيقي) ومتجرد وحاولت فيه الحياد قدر الامكان ... الا اني هنا ساقرا لكم ما وصلت اليه من خلال الارقام ولولا خوف الاحراج لعرضت الاسماء والالقاب المستخدمة من الاعضاء والتي تبين وتؤكد وجهة نظري في قراءتي السابقة للاحداث داخل المنبر الحر ...
96% من الخلافات داخل المنبر الحر في الشهور الماضية كان احد او اكثر اطرافها من بورداب الولايات المتحدة تحديدا
60% من الخلافات الحادة جدا كانت مشاكل حوار انتهت بخلاف شخصي بين الاعضاء
40% من الخلافات كانت شخصية بحتة ذات رواسب خارجية وتمت تصفيتها من خلال المنبر الحر او بالاحري لم تتم تصفيتها بل تم تذكية نارها في المنبر الحر ...
باثتثناء مشكلة اعضاء حزب الامة ومشكلة بعض اعضاء الحزب الشيوعي من الاخ الذي استقال من الحزب الشيوعي سابقا فان كل الخلافات التي حدثت كان احد اطرافها او الاثنان من بورداب الولايات المتحدة والمشكلة الاخير اي بعض اعضاء الحزب الشيوعي مع المستقيل لا اعلم اماكن وجود اطراف المشكلة كلهم بالتفصيل اي غير متاكد من اماكن وجودهم
لدي احصاءات اخري كثيرة مشابهة عن اشياء اخر تضع بورداب امريكا في قمة الهرم الخلافي في المنبر علي ان هذه هي الاحصاءات البارزة
اخلص في النهاية الي بعض الاراء حول بورداب امريكا :
1/ بورداب امريكا من اكثر الاعضاء حدة وشراسة وافتعالا للمشاكل داخل المنبر الحر من واقع الاحداث التي مرت علي المنبر
2/ معظم خلافات الراي عند بورداب امريكا تنتهي شخصية او تنتهي بمشكلة شخصية بحتة
هذا الامر يقودنا لبعض افتراضات عن بورداب امريكا :
اولا هذه الشراسة اما نتيجة كبت او حرية زائدة وبما ان امريكا بلدا حر فالكبت يستبعد الا ان الحرية الزائدة لا تولد شراسة بل العكس ونخلص الي ان الكبت الشخصي والانغلاق علي الذات يولد هذه الشراسة في التعامل والمعروف ان امريكا بلد الفردية المطلقة مما يجعل نظرتهم للامور نظرة شخصية فردية مطلقة ..تاثرهم بالحياة المادية المطلقة ذات الايقاع السريع غير المتبصر للامور لذا الاحكام عندهم جاهزة غير مدروسة فعلائقهم الاجتماعية سريعة الانعقاد وايضا اسرع في الانتهاء
هذا الامر يقودنا للامبالاة بالاخر والاهتمام بالمكاسب الشخصية في حالة الدخول في خلاف اي اظهار الانتصار بكافة الطرق ولو تم اتباع كافة الاساليب غير النظيفة وعدم الاكتراث حتي بنظرة الاخر لنا ...والاخر هنا هو طرف ثالث .. النظرة السطحية للامور وتلاشي المثل والقيم السودانية الاصيلة والافتقار حتي للمجاملة والمكابرة في الراي والمغالاة فيه والنزوع للكيد والتشفي من الاخر ..
هذه جزء يسير من بعض قراءاتي لما يحدث في المنبر الحر خلال الفترة السابقة وما كاد ان يؤدي به في خبر كان
|
|
 
|
|
|
|
|
|
|
 Re: قراءة للمنبر تجعلنا نتحسر في أسى علي بورداب امريكا (Re: Ishraga Mustafa)
|
اساسى ما عارفه اقول ليك شنو
هجمتنى فى حتتى
النعمنه انا مسكينه الغنمايه تاكل عشاى
وامريكا والحاصل فيها والحريه من غيرو يعلم الله ما عندى عنها اى خبر
انا من البيت لى الشغل ومن الشغل لى البيت
وتشهد دومه عندى 3 ترابيس فى الباب بتقفله كل يوم من الساعه5:45 دقيقه لغايه تانى يوم الساعه7:30صباحا ويوم السبت والاحد لو ما عندى غسيل ولا حاجات اجيبها من الدكان بتقفل بعيد عنك من الجمعه ما بفتح الباب الا يوم الاتنين الصباح
عشان كدا بلاك دا شيله ارميهو فى حته تانيه وابعد منى
والله بكلم ليك دكين
ملحوظه الاسبوع الفات وانا مقفوله فى الويكند يوم الاتنين لما مشيت الشغل لقيت الشارع كله مليان ورود وزهور والشجر بقى اخضر
سمعت بى اهل الكهف
| |
|
|
|
|
|
|
|
|
 Re: قراءة للمنبر تجعلنا نتحسر في أسى علي بورداب امريكا (Re: Rawia)
|
راوية
انت في شيكاغو بلد الكابويات ولا شنو؟
يعني الحريات الموجودة دي كلها ما استثمرتيها تعرفي عليك غربتين
كدا غربة مكان وغربة داخلية من وحدتك غايتو ربنا يكون في عونك
ويطلعك لي برة شوية
طبعا ما هجمتك لانه من يوم دخلت المنبر دا متمني اشوف ليك شكلة
انت كان باريتي لي كلام دكين دا يادوب الحتبقي شريرة
غايتو انت اشهر بوردابية في امريكا عشان كدا الجماعة ديل وصلوا ليك طرف السوط
انا زي ما قلت ليهم امريكا زي ما فيها شياطين فيها حبة ملايكة وابدا ما بختوكي الحبة ديل
| |
|
|
|
|
|
|
|
|
|
Re: قراءة للمنبر تجعلنا نتحسر في أسى علي بورداب امريكا (Re: اساسي)
|
العزيز جدا اساسي
هل تعلم انك كتبت عن مشكلة غربة امريكا دون ان تدري كتبت عن كارثه حقيقه حاصله وبتزيد كل يوم
كتبت عن معاناة من نوع تاني مابيعرفا الا العايش فيها واتغرب وفارق اهلو وناسو وبيتو ووطنوا لعالم تاني مجهول الهويه عالم لا يمت ليهو بي صله واصبح امل الرجوع منيه عالم الله ح تتحقق متين
تتخيل ده كله ماباثر في شخصيته ناهيك عن الضغوط الرهيبه البواجها اي سوداني عايش في امريكا تفتكر ده مابغير حتى في نظرته للحياة .......
بغير وبنسبة تمنين في الميه ........
بلد الحريات امريكا هي اكتر بلد بتشعر فيها بالغربه وبالوحده وبالكبت كما تفضلت كلمتك كانت في محلها تمام التمام البلد الوحيد البتديك احساس الكبت
لو اتناقشت مع اي مغترب في جميع بقاع العالم ح تلقى نظرته للامور مغايره تماما لانه لسه محتفظ بشخصيته الجا بيها من بلدو ومااتغير اماالمهاجر لي امريكا اديهو سنه وتعال حتلقاهو انسان مختلف تماما
تماما.......
ابدا العيب مامنو ولا هو قاصد التغيير لكن البلد كده بكل الضغوط الفيها الاعباء الفيها احساس الدخيل العمرو ماممكن يفارقك واحساس عدم الانتماء الملازمك احساسك بالوحشه كل العوامل دي بتادي للتغيير
وغيرا .......الاختلاف الشاســــــــــــــــــع في العادات والتقاليد والقيم والمبادئ والاخلاق وحتى الاعراف حتى اللغه
بتخليك في حالة صراع دايم بالتمسك بسودانيتك وانك مستحيل تتخلى عنها وتتمسك اكتر بي دينك بالمناسبه ده جهــــــــــــاد
حقو تسموهم مجاهدين امريكا وليس بورداب امريكا .......
مابدخل في الصراع ده الا السمحت ليهو نفسو بانه يتخلى طوعا عن كل القيم والمبادئ واول شي عن جنسيته كسوداني في الحاله دي بس ح يكون ماعندو شي يصارع من اجله لانه اتخلى عنه طوعا والنوع ده والحمد لله ماعندنا هنا في البورد لسبب بسيط انو ما سوداني(any more
ده رائ شخصي خالص قد تكون الحقيقه مغايره لكنه بفضل رائي
لك الشكر عزيزي اساسي وكلامك في محلو لكن لاسباب وجيها جدا جدا
اتمنى من الله ان يرد غربة السودانيين
لك كل التقدير
نوف
| |
|
|
|
|
|
|
|
|
|
Re: قراءة للمنبر تجعلنا نتحسر في أسى علي بورداب امريكا (Re: Muhib)
|
احمد الريح يا فردة
طبعا انت اسمك مكتوب ونص وخمسة وانت الشكل السويتو هنا هين هاهاهاها احمد مهما كان امريكا اثرت عليكم وما تحاولوا تنكروا
سلبا او ايجابا في النهاية اثرت قد اتفق معك من ناحية شخصية في كثير من الاراء التي تطرحها ولكن من يختلف معك يجد فيك مثيرا للخلاف
وعشان ما تقول انا قلت فيكم الكلام دا براكم انا فرعكم في الخليج
هاهاهاها
محب طبعا انت غرقان في مشكلة اسع مما يدعم كلامي وانت من بورداب امريكا الذين يدعون الي الافراط في الحرية وبتزكرني المحامين بتاعين آلي ماكبيل يقيفوا للزول في حلقوا ولكن بتفق معاك في كثير الا انك تظل مثير للشغب مثلي وكان مغالطني نمشي بوستات قريبة 
| |
|
|
|
|
|
|
|
|
|
Re: قراءة للمنبر تجعلنا نتحسر في أسى علي بورداب امريكا (Re: WaD OmI)
|
العزيزة نوف
تحية واحترام
حقيقة كتبت حينما كتبت راي هذا وفي ذهني تجارب لي مع بعض بورداب امريكا لي معهم علاقات شخصية وبقية من اهل واصدقاء خارج المنبر
حقيقة امريكا اثرت عليهم جدا واثرت علي سودانيتهم جدا الي درجة انهم صاروا جزبا بين طرفين فلا نالوا عنب الشام ولا بلح اليمن
اي فما هم انفصموا عن سودانيتهم سوي مثلها وقيمها ولا نالوا من هناك الا المثل والقيم الدخيلة علينا وعليهم وللاسف اكتسبوا السئ فيها انا اقول هذا وانا ااسي عليهم ويا ليت تاتي انت او غيرك من يجد في نفسه الكفاءة لتفنيد هذه الارقام وتطبيقها علي واقعكم الذي تعيشوه والله الذي لا اله الا هو كانت تراودني فكرة الهجرة الي امريكا
الا انني بما رايته هنا من بورداب امريكا وبعض اصدقاء صرفت النظر عن ذلك تماما
نسال الله العفو والعافية للجميع
| |
|
|
|
|
|
|
|
|
|
Re: قراءة للمنبر تجعلنا نتحسر في أسى علي بورداب امريكا (Re: اساسي)
|
فهمتها صــــــــــــــح يااساسي
عارف..
لمن تقول لي سوداني ماتمشي امريكا ح تندم بيقول عليك حاسد
وماعايزو يمشي لي قدام..... وحصلت
عزيزي
بالرغم من كل القلناهو في ناس لسه اصيله ولسه متمسكه بي اصلها وسودانيتها ولسه مابقت مسخ
في ناس لسه حقيقيه......... ومازالو بيفتخرو بسودانيتم لكنهم للاسف قله ........
اايد جدا فكرت انك تصرف نظر عن الهجره لكن ما ميه ميه هاجر يمكن
ربنا يطرح فيك الخير والبركه وتكون مثال حي
ربنا يكتب ليك النجاخ والتوفيق اينما حللت
نوف
| |
|
|
|
|
|
|
|
|
 Do U mean USA "50 states*" Or America as USA and Canada? (Re: اساسي)
|
Salam ya Asasi
Do U mean USA "50 states*" Or America as USA and Canada?
"So We in Canada R considered American and also in the 96% who created the probs? Or "Canadab”
R different
I will be back with my feed back
Sorry I do not have Arabic key board and I'm writing from a place where there is no Arabic at all
50 states and 1 district*; Alabama, Alaska, Arizona, Arkansas, California, Colorado, Connecticut, Delaware, District of Columbia*, Florida, Georgia, Hawaii, Idaho, Illinois, Indiana, Iowa, Kansas, Kentucky, Louisiana, Maine, Maryland, Massachusetts, Michigan, Minnesota, Mississippi, Missouri, Montana, Nebraska, Nevada, New Hampshire, New Jersey, New Mexico, New York, North Carolina, North Dakota, Ohio, Oklahoma, Oregon, Pennsylvania, Rhode Island, South Carolina, South Dakota, Tennessee, Texas, Utah, Vermont, Virginia, Washington, West Virginia, Wisconsin, Wyoming
| |
|
|
|
|
|
|
|
|
|
Re: Do U mean USA "50 states*" Or America as USA and Canada? (Re: elhilayla)
|
اساسي
ما دام بنيت كلمك دا من واقع البورد ما حا اغالطك فيهو...لان في ناس ادتك الصوره الغلط دا...بس احب اقول لك كلمتين
1/ما اي سوداني عائش في امريكا سواء كان لاجئ طالب الخ امريكي بمعناه الحقيقي
2/ ما اي سوداني في امريكا يعرف ويفهم كيف يعيش الحياه الامريكيه الحقيقيه
نوف
انتي قلتي | Quote: بلد الحريات امريكا هي اكتر بلد بتشعر فيها بالغربه وبالوحده وبالكبت كما تفضلت كلمتك كانت في محلها تمام التمام البلد الوحيد البتديك احساس الكبت |
اذا انتي عايشه في امريكا بالطريقه دا فدا اختيارك وانتي ظالمه نفسك
واذا انتي ما في امريكا فانت ظلمتي نا س كتيره بكلامك دا
| |
|
|
|
|
|
|
|
|
|
Re: Do U mean USA "50 states*" Or America as USA and Canada? (Re: PLAYER)
|
الحليلة
ناس كندا ديلك تكفي عنهم رودا براها
انا بتكلم عن الولايات الخمسين القلتها دي ,
بلير
والله يا بلير من واقع مشاركات وخلافات ومماحقات وعراك احصيته بنفسي واحصيت افراده وجدت النسب المشار اليها عاليه ولم اتي بها من راسي يعني جمعت اطراف النزاع في كل شكلة وصنفتهم حسب معرفتي بالدول المقيمين فيها ووجدت الغلبة لبورداب امريكا دون منازع وايضا صنفت الشكلات حسب نوعها ما بين شخصي وخلاف وجهات نظر سياسية واجتماعية ووجدت النسب عاليه كما اسلفت
حتي الحياة الامريكة التي لم يستطيعوا ان يعيشوها من ذكرتهم ومن خلال مشاهدتنا لها من خلال منافذ كثيرة نجد انها موغلة في السطحية والفردية والانانية اخ بلير وهي غير مغرية بالمرة هذا من وجهة نظر شخصية استخلصتها بعد تمحيص وتفكير عميق اخ بلير ولك ودي
ما تنسي انت وانا اتشاكلنا في المنبر دا لمن قلنا كفي لوووول
وانت من بورداب امريكا هاهاهاها الان انت صديقي المفضل
| |
|
|
|
|
|
|
|
|
|
Re: قراءة للمنبر تجعلنا نتحسر في أسى علي بورداب امريكا (Re: اساسي)
|
اساسي الاساسي اولا السلامة لانك نجيت من احداث جدة
قلت
**96% من الخلافات داخل المنبر الحر في الشهور الماضية كان احد او اكثر اطرافها من بورداب الولايات المتحدة تحديدا **
ثانيا لا اعرف كيف بنيت النسب دي كيف بودراب امريكا(((( قليل جدا منهم من يكون طرف في مشكله)))) و الاحداث الاخيره تؤكد دلك......والا يخفي علي القارئ الكريم انهم يحبون العدل لدلك يقولون الحق .لدلك يتضح لك ان هدا له مشكله مع هدا إن محاولات نفي الخلاف ، ورفض الحديث عنه ، لا يحل المشاكل ، ولا يلغيها ، قد نهنأ لبعض الوقت ،إلا أن المشكلة تبقى تتربص بنا الدوائر لتنفجر بوجهنا لحظة يشاء الآخرون ، وكل هذا ليس من مصلحة أحد أبدا . هذا ، فضلا عن أن الجميع يعرف جيدا حقيقة الخلافات وعمقها وأسبابها ، فلماذا ننكرها ؟ وعلى من نخفيها ؟ والى متى نظل ندور حولها ولا نقتحم غمارها ؟ إما خوفا أو تهربا ؟ . لماذا لا نتحلى بالشجاعة فنقتحم المناطق المحظورة ونتحدث بصوت مرتفع في ظلم الانسان لاخيه الاخر .
تسلم ياحبيب
| |
|
|
|
|
|
|
|
|
|
Re: قراءة للمنبر تجعلنا نتحسر في أسى علي بورداب امريكا (Re: Anwar Ahmed)
|
بلدي يا حبوب
انحنا ناس الني للنار المديدة حرقتني دي ما شايلنها في مواد السنة دي لوووول تسلم يا غالي
انور
شكرا ليك وربنا يحفظك
النسب دي بنيتها كالاتي
دخلت اي بوست فيهو شكلة وخلاف ومطاعنات ودواس
حسبت الاطراف المختلفة فعليا وليسوا الحجازين
من كل بوست وجيت صنفت الدول المقيمين فيها
حسب معرفة سابقة لي بهم او حسب ما جاء علي البروفايل حقهم
ولو راجعت شوية بتلقي انه النسب دي ما من فراغ
دي نسب عن واقع الحال ولا اقصد هنا كل بورداب
امريكا علي الاجمال ولكن نسبة بورداب امريكا
من اهل المشاكل كانت عالية جدا وبنفس النسبة هذه
وهو ما قادني للتحليل والذي كان محض اجتهاد شخصي
ولك ودي اخي
| |
|
|
|
|
|
|
| |
اساسي
Ishraga Mustafa
Rawia
WaD OmI
Muhib
elhilayla
PLAYER
بلدى يا حبوب
JAD
فيس بوك
تويتر
انستقرام
يوتيوب
بنتيريست