الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-09-2016, 01:37 PM الصفحة الرئيسية

مكتبة السماني مبارك ابراهيم(اساسي&رومانسي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

السودانين بتكسروا في الخواجيات

03-20-2004, 04:15 PM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

السودانين بتكسروا في الخواجيات

    هوس السودانين بغزو بريطانيا قديم منذ عهد الخليفة عبد الله التعايشي الي عهد مصطفي سعيد بطل موسم الهجرة الي الشمال للطيب صالح وكل اراد ان يغزو بريطانيا عبر نسائها .... هذا مشهد تخيلته لفكرة غزو بريطانيا الاول والذي فكر فيه الخليفة عبد الله وارجو من الاخوة في حزب الامة ان لا يغضبوا فانا احب الانصار والمهدية ولكن هذه رؤية للامر بمنظور تاريخي كوميدي سرقت فكرتها مع سبق الاصرار من قصيدة لشاعرنا الطيب برير
    الخليفة عبد الله التعايشي مع الامير يونس ود الدكيم يجلسان في مجلس الخليفة يتسامران ويقزقزان فول مدمس وتسالي ..
    الامير: اتا يا ابوي الخليفة دحين ملكة الخواجات الكفار ديل معرسة ولا عزبة..؟
    الخليفة : والله يا ود دكيم ماني خابرها لكن !!؟ عندك فوقها راي ولا شنو؟
    الامير: والله بيني وبينك يا ابوي الخليفة كان عزبة حرم باخدها..
    الخليفة : يازول خير بجيب ليك خبرها تب ...بس اصبر لي اتا ..
    الخليفة ينادي علي كبير الكتبة في دار الخلافة في بيت المال ..
    الكاتب : ايوا يا ابوي الخليفة بتدورني انا ؟
    الخليفة ايوا بالحيل .. دوايتك وورقك جاهزات ..؟
    الكاتب : بالحيل ابوي الخليفة بدور ترسلك مرسول ؟
    الخليفة ايوا يا جنا .. امسك اكتب ...
    من الخليفة عبد الله التعايشي خليفة المهدي الي فيكتوريا ملكة بريطانيا ..سلمي تسلمي .. ونعرض عليك الدخول في الاسلام فان قبلت وامنت ودخلت في دين الله ..طهرناك ( ختناك ) وزوجناك الامير يونس ود الدكيم ان هو قبل بهذا ..والسلام علي من اتبع الهدي .
    وهكذا ارسلت الرسالة الي ملكة انجلترا اعظم ابراطورية في ذلك التاريخ ولما قرأتها كانت جالسة علي كرسي الملك ..وقفت فجأة ووضعت يدها اليسري في وسطها وفزرت اليد اليمني الي الوراء وقالت : اجي يا بُري!!؟ واسترسلت ..
    سجمي يا كتشنر ما يكون الدرويش دا جادي ؟؟ وواصلت ... بعدين انا بايرة ولا بايرة !!؟
    هو زاتو القال ليهو انا عزبة منو..؟
    بعدين عليك الله شوفوا قال شنو (يطهروني ) بعد العمر دا كله يطهروني ؟؟
    سجمك يا فكتوريا يا الامك ما شافت جديدك بقيتي لبانة في خشم اليسوي والمايسوي ؟
    مييييش اييييش جنس دروشة لكن !!
    ومنذ ذلك التاريخ لم يهدأ لكتشنر (الجكس بتاعها ) بال الا بعد ان حسم امر المهدية في ام دبيكرات .
    علي ان مصطفي سعيد حفيد ود الدكيم لم يخيب ظن جده عندما غزا بريطانيا عبر البوابة التي ارادها جده وفعلها مع صديقته الانجليزية حفيدة وصيفة الملكة فكتوريا وخالة مارغريت تاتشر لزم .
                   |Articles |News |مقالات |بيانات

03-20-2004, 04:26 PM

sentimental


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)

    اساسى

    ورب الامام المهدى انت ماك طيب..!!
    خلاص خلصت شكل مع الكائنات الحية وقبلت على الكتب والتاريخ...
                   |Articles |News |مقالات |بيانات

03-20-2004, 04:33 PM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: sentimental)

    العزيز سنتي منتال

    قلنا بدون زعل ودي ما شكل ياخي دي نظرة تاريخية بمنظور (كوميدي )
    كدي عليك الله مراة الامير يونس ود الدكيم لمن سمعت الخبر ما بتكون قالت :

    يالصغيرة وماك كبيرة ..جايب ليك ضرة اميرة
    يا العاقلة وحاشاك جن الكلك.. جايب ليك بت الملك
    يا الرزينة وماك خلاقة... جايب ليك بت الكافر الخواجة
    يا الراسك بين النسوان اطول رقبة... اخر جزاك يطبقوك بالعزبة
                   |Articles |News |مقالات |بيانات

03-20-2004, 04:38 PM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)

    طيب قول انه الملكة فكتوريا وافقت واتزوجت الامير يونس و الدكيم
    انا شخصيا بتخيها
    قاعدة في البنبر وفي يدها الدوكة تمسح في صاج العواسة وممشطة السودان قفل وعامله مساير لافاها في اضنينها لكن في بالك كان شلخها تي ولا سلالم ؟
                   |Articles |News |مقالات |بيانات

03-20-2004, 04:38 PM

sentimental


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)

    لكن الخواجية بتكون قالت شنو?
                   |Articles |News |مقالات |بيانات

03-20-2004, 07:23 PM

sentimental


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)












    take care ya MAAAAN...
                   |Articles |News |مقالات |بيانات

03-20-2004, 08:17 PM

ABUHUSSEIN
<aABUHUSSEIN
تاريخ التسجيل: 08-14-2002
مجموع المشاركات: 28950

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)

    الأخ أسـاسـي ســــلام

    سـلام على المـزاج الـرايـق و الخـيـال الواسـع

    ســلام عـلـى الناس الحـلـوة



    Quote: الامير: اتا يا ابوي الخليفة دحين ملكة الخواجات الكفار ديل معرسة ولا عزبة..؟

    حـرضت علينا غير المسلمين !!!!!!!!!!!!!!!!!!!
    Quote: الامير: والله بيني وبينك يا ابوي الخليفة كان عزبة حرم باخدها..

    و هـنا كـمـان البـايـركـس
    Quote: من الخليفة عبد الله التعايشي خليفة المهدي الي فيكتوريا ملكة بريطانيا ..سلمي تسلمي .. ونعرض عليك الدخول في الاسلام فان قبلت وامنت ودخلت في دين الله ..طهرناك ( ختناك ) وزوجناك الامير يونس ود الدكيم ان هو قبل بهذا ..والسلام علي من اتبع الهدي .


    و هـنـا حرضت علينا المناوئين للفكر الذكوري

    يعني يا أسـاسـي ننتهي من حــرب تفتح لينا ثلاثة حـروب في بـوسـت واحد
                   |Articles |News |مقالات |بيانات

03-24-2004, 05:19 PM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: ABUHUSSEIN)

    العزيز ابو حسين
    حرب شنو ياخي انت عارف انا فتحت البوست ا عشان ارتاح من الحرب الهدت حيلنا ومسخت علينا المنبر عليك الله ما شايف المنبر بقي ممل كيف من كترة الحروب والخلافات انا شخصيا قررت من الليلة تاني لا مشاكل لا سياسة زول ساي بس
    لكن مع زي ناس سنتي دا الجايب لي بعاعيت دا يسو فيهو شنو
    الراجل قال هبشنا جدوده
    طيب نهبش منو هاهاهاهاهاهاها
    التمسكو كله يطلع ليك من تحته عقرب
    غايتو نغمض ونكتب تاني
    لووووووووووووول
    او كما قال ايهاب
                   |Articles |News |مقالات |بيانات

03-24-2004, 05:35 PM

PLAYER
<aPLAYER
تاريخ التسجيل: 04-23-2002
مجموع المشاركات: 10230

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)

    اساسي يا فرده
    ما تقول لي الامير يونس ودالدكيم جدك.. و ناوي علي خواجاتيه
    واحد من دكاتره(ديك وتور علي قول خالي ) قال: ان المشاكل في البورد تدل علي صحه وعافيه الديمقراطيه فيها
    واحدي ظريفه بس دمها تقيل قالت: انا اشاكل اذن انا موجوده في البورد
    بسم الله والقادر الله ...انشاء الله كلامي دا مشاكل
                   |Articles |News |مقالات |بيانات

03-24-2004, 05:41 PM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: PLAYER)

    الحبيب بلير
    ود الدكيم ما جدي لكن السودانين ديل كلهم قرايب بعض كل ما ترجع ورا تلقى جد واحد والعرق دساس زي ما بيقولوا عشان كدا خواجاتية كان لقيتها هوادة حرم باخدها لوووووووووول يازول كدي خلينا نعمل ضريبة الوطن ونحرق قلب راغب علامة في بناتنا العاجباتننا ديل وبعدين نفتش للخواجيات لكن تصدق الموضوع دا ما تستبعدوا تب بس ما يسمعونا
    يازول قول لي الديك تور دا المشاكل دي دليل اه الناس وصلت معاها خلاص وبقت ما بتشوف غير رايها هي وبس رايها وبس ومستعدة تموت من اجله وتخسر اي زول عشان رايها يكون هو السائد ودا بعيد عن اي حرية في الدنيا
    اما البتشاكل اذن هي موجودة دي كان لم فيها واحد من ناس دكين بخليها زي ملكة الخواجات دي لمن خطبوها لود الدكيم هاهاهاهاها
                   |Articles |News |مقالات |بيانات

03-24-2004, 06:30 PM

PLAYER
<aPLAYER
تاريخ التسجيل: 04-23-2002
مجموع المشاركات: 10230

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)

    اساسي الفرده
    ضريبه الوطن لابد منها...لكن ناس الوطنين زينا ديل يدفعوا لياتو منهم
    اوعاك ضريبه الوطن بيعفي من خدمه الوطن
    اما موضوع شيخ راغب(ما اندو علاقه بالدين)..حبوبتي قالت: الراجل ما اندو موضوع
    قلت ليها :كيف يا حبه(دا اسم الدلع لحبوبه) قالت: شوف ياضنا ضناي..المابتلحقوا جدوا
    اما في البورد...كلهم صاح زي ما قال جحا (جيران جحا مراه وراجلها اتشاكلو، المراه دخلت لجحا وحكت ليهو، جحا قال ليها :انتي كلامك صاح..مشت..الرجل جاء وحكا..جحا قال ليهو انتا كلامك صاح ...مراة جحا زعلت وقالت ليهو: انتا قلتا للمراة صاح وللراجل صاح دا نقاق...جحا قال ليها: انتي كلامك صاح
    قلتا لي النيه للخواجاتيه واصلة...هاك الخبر دا(بس ما تكلم زول)
    Quote: 200 إسترليني لزيجة مرتبة تصمن إقامة وعملا في دول الاتحاد الأوروبي
    لندن: «الشرق الأوسط»
    تستطيع بمائتي جنيه استرليني ان تتزوج اوروبية، او اوروبيا اذا كنت فتاة، وتحصل على جنسية وجواز سفر بلد اوروبي وان تتجول في دول الاتحاد الأوروبي وتعمل فيها بكل حرية.[/
    B]

                   |Articles |News |مقالات |بيانات

03-25-2004, 08:38 AM

شمهروش
<aشمهروش
تاريخ التسجيل: 09-14-2002
مجموع المشاركات: 1052

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: PLAYER)

    اساسي المؤرخ
    بيني وبينك الخواجيات طااااااعمات وفي نفس الوقت اللون بديك احساس السكون.
    لكن والله لو تم مراد ودالدكيم كان ماكان وكان
    الدوقة مريومة
    الامير كسار الجبور امير مقاطعة ويلز
    الليدي ام مساير والدة ادم وكوة وتبن ومحمد احمد اصحاب متاجر الكلكة الماليها ملكة
    حي التعايشة بمانشيستر
    عبدالله المسيري هداف الارسنالشمهروش عمدة لندن وصاحب شركة اللواري المعروفة فورد



    وقلنا بدون زعل
                   |Articles |News |مقالات |بيانات

03-25-2004, 08:40 AM

faisal44
<afaisal44
تاريخ التسجيل: 04-07-2002
مجموع المشاركات: 617

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: PLAYER)

    اساسى

    تعرف دة احلى بوست كتبتو انت ...ايوة يا حبه خليك من الساسيه وقرفها... خليك زول بهجه وضحك ساااااااى يا .......... امسك قووى بس


    اسمع انت مالدين اوربرايت عزبه ولا معرسة

    هههههههههههههههههه طبعا ما لى انا الحمد الله اخووك مرتو تمل عين مليون خواجيه ... دة واحد من الرياض بسالك؟؟؟؟
                   |Articles |News |مقالات |بيانات

03-25-2004, 08:51 AM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: faisal44)

    يا بلير اسع فتنتنا مع شمهروش دا والله
    كان سمع الخواجية بي متين استرليني حرم يبيع الكارو حقتو والوراهو وقدامو بس عشان يصل

    شمهروش
    تحياتي يا صديقي
    اعرف انك مهوس بهذا الغزو منذ دهور هذا الهوس يجري في دمائك ويستفذك مثلما استفذ اجدادك ود الدكيم ومصطفي سعيد لغزو بلاد الخواجة فالساميات لك هدف والعيش في ديارهن
    امسك بلير نزل ليك اعلان مجاني تبيع الكمبيوتر وبتاخد خواجية حمريطيةهاهاها لكن مبالغة لو الكلام دا حصل زي ما قلت كان اسع حالي غير اساسي يتحدث في الهايد بارك ويهاجم رئيس الوزراء بلير لتضليله الشعب في حرب العراق ( ويورور ليه في عيونه)

    العزيز فيصل

    والله دي مبالغة صاحبنا في الرياض رامي عينه في عجوز النصاري دي بالله هاهاهاهاها ياخي دي جده ما بيرضي بيها لكن بيني وبينك زولنا دا ما مضمون ما عنده قشة مرة ههههههههههههههههههههه
                   |Articles |News |مقالات |بيانات

03-25-2004, 11:35 AM

شمهروش
<aشمهروش
تاريخ التسجيل: 09-14-2002
مجموع المشاركات: 1052

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: السودانين بتكسروا في الخواجيات (Re: اساسي)

    اساسي بقدرة عجيبة قد البست السياسة ثوب لو
    اننا نتوق لحياة كريمة تحترم فيها الادمية التي ننتمي اليها ولكننا لانمارسها فيما بيننا.
    نحن قوم اذا غضب الرجل من اخيه تحول النقاش الى ونسة مشاطات وقمة الروعة حين يطلق الواحد منا لفظ يا ابن الكلب.
    فكيف يكون الكلب قد تمخض وولد بشراً

    ويا اساسي وجع الضرس بتاور فلو قررت ان لا تتحدث عن السياسة نطقا فانك ستخرجها غصبا عنك وعني وعن الحكومة والمعارضة ورغم عن انف اسطول بني الاحمر (ههههههههههه)


    علاقتك حلوة مع بلير اعمل لي توصية ولاقوني قدام
    العقد عقب صلاة المغرب بمسجد حي سوهو العتيق
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de