|
دعواتكم لزميلنا المفكر د.الباقر العفيف بالشفاء العاجل
|
|
 Re: أنى للبانتين أن يستعيد ثقتكم (Re: اساسي)
|
| Quote: كنت احادث فتاتي التي احب فقالت لي ماهذا الاعتزار لشيري البت دي بتعرفها من وين ودا كلام شنو الكاتبه ليها دا ودا اعتزار ولا حب دا وانت كم مرة زعلتني معليش ساي ما سمعتني ليها وعليك الله ما بتخجل في وسط البورد كدا تكتب كلام زي دا وفي داعي للجرسة دي كلها |
اشتر تخربه بجاي تصلحه بهناك تصلحه بهناك تخربه بجاي
اساسي الأساسي
ازيييييييك كيفنك
مشتاقون ومشتاقين
حمد لله علي السلامه
والعود احمد
واكتمل العقد
ويا مرحب ويا ميه سهلاً
| |
 
|
|
|
|
|
|
|
 Re: أنى للبانتين أن يستعيد ثقتكم (Re: HOPELESS)
|
تعرف يا جمال
فكرت كثيرا ان اكتب ما اعتبرته شتارة ودقسة مني ولكن البت في النهاية اقتنعت بانه شيري هي شيري وربنسون ياهو ربنسون وانا مستحيل احب لي زول ما شفته لوووووووول قلت ليها اسع كان طلعت قدر امي
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: اساسي)
|
اساسي ازيك
حمد الله علي السلامة .. واذا سمحت انا حاجز الشكلة الجاية
ولووووووووووووول دي ما تكتر فيها خليك جادي شوية ..
لول دي حقت ايهاب بيجي ..من السودان ويزرزرنا فيها ...
ممكن اهدي البوست ده ؟؟؟
ومعاهو لول صغيره كده ؟؟؟
تمبس
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: مهاجر)
|
تمبس
ومهاجر
اتدركون ان هذه البت النضامة جعلتني لمدة اسبوع كامل انسان مسكين والله بقيت زول مسكين عديل كدا لمن احترت في نفسي
والله يا شيري الله بيني وبينك تاني دي حالتها تست بس ما شكلة
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: tmbis)
|
ٍسلام مربع
اخوي اساسي
تجدني ممعنة في انبساطي وموغلة حد الكشبه في ابتساماتي
وانا التقي بعبقك المضمخ بباقات
ورودوك
قاتل الله لحظات العتاب ..كادت ان تعزي البورد في رقما
مهما مرسوم على شكل قامتك
المديده
اصابتني كميات من المخاوف ، حتى انني بت على تهوجس من الامر
حينما انقضي كثير من الصباح
ثم كثير من النهار
وتبعه العصرية
وكثيرا جدا من الليل
ثــم كثير من الصباح
وحــتى هسع حينما لمحــتك
تتربع على واجهـة البورد
فشلت النفس شيلة ردتني متفائلة الى روحي
لا اريد ان اهترش كثيرا
بيدي باقات من الورد
الى احبابك كلهم اهديها اياهم
وواحدة اضمخها بكثير من العطر
فاهديها الى صحبة الورد
الى جميع احبابي بالبورد
فردا فردا
والى تماضر
والشرير والبرتقاله
وروبنسون
والاخري الى خطيبتك
وان لم يكن هنالك صعوبة
دعني احادثها ، تلك المجنونه
مثلك لا يفــرط فيه ..
لا اريد ان اهمس لها : امسكي عليك قردك ما يطلع ليك اقرد منو
ههااههاهاهاهااه
امازحك ايها الشكال .. مازل
للبورد اشواقه المترنحه
مابين الحب والنبض
فسامحونا ان تسامجنا عليكم
باقات الوردود المضخمه باريج الحب
اهديها اليكم احبتــي
وأسالكم ان تسامحوني
فانتم اهل للسماح
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: shiry)
|
اساسى
معنى الحساسيه
الموقف الذى كان واتمنى ان لا تشكل الظروف مثله
مره اخرى كشف عن مكنوناتك المرهفه
والبالغه الحساسيه التى تحاول القضاء عليها داخلك
ليه انا ما عارف
؟
اكشف هنا عن رسالتك الرقيقه لى عبر الماسنجر وانك تشكلت داخلها
بكل ذلك الالق الجميل واحسستك حتى لامست اناملك المبلله المرتعشه
الانيقه
شكرا لك اخى الحبيب واتمنى ان تكون دائما بكل عافيه التصالح
والعفو واقبلنى صديق امد لك يدى مصافحا
دمتم
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: HAMZA SULIMAN)
|
عزيزى أساسى..
لاخوف عليك أو علينا طالما أنك تكتنز كل هذا الجمال داخلك..فهما تمترست الألفاظ خارجك محتشدة للشكل لووول فان هذا العمق الكامن من الصفاء الداخلى قادر على محو تلك الصور المؤقتة..لاتكن بانتين أو هيد آندشولدر...كن كما فضحت مظهرك الشاكال ...حروفك العميقة الرقيقة ...وأخوك ما خاتى كان أكلك سلطة لوووول
تحياتى
ودعزة
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: wadazza)
|
بس ياوليدى بطل النضمى دة وقوم امشى الزريبة جيب لينا خروف سمح نكرم بيه بكرة الجمعة
وانتى يا بنيتى يا شيرى عليك الكمونية انتى وبت قضيم
وتماضر عليها المرارة
وانا على المفروكة
وخالتك بيان عليها الضلوع
وما تنسى يا اساسى
تدق اعلان فوق البورد
الغداء بكرة عندنا
والدعوة عامة
وكلم هوبلس يجيب الخضار والعيش والكسرة
وحمزة سليمان قول ليه ما تنسى العود
ومر على بيت العمدة-قرشو قول ليه ضرورى يجى الغداء بكرة طولنا ما شفناه
تحياتى
امكم مهيرة
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: اساسي)
|
أظنك عرفتي عذاب المغني
وطبله المجدع شظايا التمني
حروفه البتجزع في لحظة تجني
خطاه البتهرع متين تطمئني
مسرج خيالك حصاني القبيل
معربد غباره وخلى الصهيل
مسافر مسافر وفاقد دليل
أظنك عرفتي هموم الرحيل
ـــــــــــــــــــــــــــــــــــــــــــــــــــــ
اساسي وشيرى
بؤكة الشفناكم طيبين
وتورتوا نفسنا معاكم
ياخى البورد دة جميل جدا
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: hala guta)
|
مهيرة ليه تماضر عليها المرارة طواااااالى كدة
مش كفاية مرارة الحرمان
ما علينا لو مرارتى بتخلى الفرح يبقى ملون اكتر وبتنفخ فيه بالونات سعادة وتولع ليه انوار زينة ابهرج
على... المرارة على
شايفين شرايين البورد اتملت دم مؤكسد كيف
يا شيرى واساسى
بركة الجيتو
واكتر زول ضرب الجرسة هدا حمزة سليمان دة، شوف عينى
| |
|
|
|
|
|
|
|
|
|
اساسي.. (Re: اساسي)
|
اساسي..
سلام..
اسعدتني رجعتك انت وشيري قبل ما اجي..
عليك الله الزول الساكن في جواك ده ما تقهمو خليهو يتنفس شويه ويجينا مره مره او طوالي
تقهمو دي وقعت ليك..اقصد فهمتها..loool
| |
|
|
|
|
|
|
|
|
|
Re: أنى للبانتين أن يستعيد ثقتكم (Re: الجندرية)
|
أساسي الأساسي .. ذاك الذي أضفى للجديد جديده .. وتمثل المتصالح في ذاته وغيره ليس تقمصاً ولكن بروح استعدت لحظات الإنفلات فيه .. أضناني ضيق الوقت كثيراً فصرت أقلب الصفحات على عجل وكثيراً ما لمت ذاتي في تقصيرها غير المتعمد تجاه هذا أو ذاك .. ولكني أيقنت بأنها ليست مصادفة تلك الكلمات التي تكررت على مرأى ومسمع مشربة بكل جميل وودود .. لم تفت علي أريحية لحظات الهناءة بوجودكم الذي تمنيته أن يتكرر ولا من خلال مداخلتي تلك التي كانت عليكم برداً وسلاماً رغم شدتها ولا من خلال إتصالاتي التي أسمع فيها صوتاً حميماً يتساءل باستغراب وأمعن في جره لبواطن الإفتراض ويفشل .. وأعلن عن وجودي ويتملكه الترحاب والبشاشة.
كان قريباً لها بأشد ما تكون القربى, وكان يبغضني ،رغم أنني لم أعرف لهذا مكاناً بداخلي، بغير سبب أراه وأكثر علي الهمز واللمز .. وجرني في كثير من المعتركات التي كان يدرك هو قبلي أنها تلك الأراضي التي ألفتها ولم يزرها قط .. لم يشأ ابناءي الضحك على أبيهم، احتراماً، ربما خجلاً وحياءاً .. استوعبت الدرس بنت أبيها وولجت لغرفتها بسرعة وبعد عدة دقائق دعتني .. هالت علي وابل من جام غضبها وسط دموع محيرة .. ثم انكبت على رأسي تقبلها .. لم أعن ما قلت ولكني أعرف تماماً أنك تتجاوز كل الذي قيل من أجلي .. لماذا إذن ؟؟!!
كان صديقاً حميماً .. ودوداً حبيباً .. يحب الضحك كثيراً ويعشقه .. يضحك كثيراً كما لو أن الغد لن يأتي .. تعلم في الآونة الأخيرة أن يضف عبارة تنم عن تشبعه بالضحك .. وكما قال الطيب صالح: إذا ضحكنا كثيراً نستغفر الله، ولكن كان يقول: (والله انت ما عندك ضمير) أو (بالله انت عندك ضمير؟؟؟) باستفهامية يدرك من يعرفه كنهها ولكنا لم نكن ندري أنها ستكون وبالاً عليه في يوم ما حينما تقع في أذن من يستنكرها فكانت زوجته في شهرها الأول .. إذ تركت البيت غاضبةً..
لا تسلني أخي أساسي عن كنه هذه الرواية وتلك .. ولكن أسألني عن ماهية الروح الرءوم تجاه الآخرين ولا أظنك تفتقرها ولذا لن تسلني ..
سعدت أيما سعادة بهذه الكلمات الحميمات وتلك الروح التي تتجلى وداداً وسماحة ورفاقية .. وأعيد مرة أخرى .. لم يكن المكان المكان ولذا لم يسرقني أحد من موطني ..
| |
|
|
|
|
|
|
| |
اساسي
tmbis
مهاجر
shiry
Habib_bldo
HAMZA SULIMAN
مهيرة
Tumadir
bamseka
bayan
توما
الجندرية
SalahDirar
Yassir7anna
فيس بوك
تويتر
انستقرام
يوتيوب
بنتيريست