سؤال السودان ومعضلة الآجابة بقلم محمد صالح رزق الله
إزالة أجمل لافتة في السودان..
الذكرى الخامسة لرحيل محمود الزين حامد الذي رحل في 20 سبتمبر 2011.
المؤتمر الرابع للحركة المُستقِلة، 30 سبتمبر - 2 أكتوبر 2016 - بيرمينغهام
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-26-2016, 08:09 PM الصفحة الرئيسية

اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

في مناسبة عودة أحد (شهداء) الانقاذ من الموت! بقلم أحمد الملك

06-27-2016, 09:40 PM

أحمد الملك
<aأحمد الملك
تاريخ التسجيل: 11-09-2014
مجموع المشاركات: 74

للتواصل معنا

FaceBook
تويتر Twitter
YouTube

كيف احذف مداخلة من بوستى

مكتبة الفساد

من اقوالهم
(مكتبة مفتوحة للتحديث)
للتواصل معنا
FaceBook
تويتر Twitter
YouTube
Google Plus
في مناسبة عودة أحد (شهداء) الانقاذ من الموت! بقلم أحمد الملك

    08:40 PM June, 27 2016

    سودانيز اون لاين
    أحمد الملك-هولندا
    مكتبتى
    رابط مختصر







    حين إستشهد المغناطيس!

    كان حاج عبدالله يجلس وحيدا فوق تل الرمال أمام دكان حاج سليمان، يبدو
    بطاقيته الحمراء الممزقة الأطراف، ووجهه الجاف ببقايا الشلوخ التي إختلطت
    مع تجاعيد الوجه بسبب الفاقة والزمن، وجلبابه الطويل الذي لم يعد له لون
    محدد، والذي يخفي قدميه، مثل شجرة غريبة نبتت فجأة في الرمال، يستمع دون
    إهتمام الى لغط النسوة اللائي يشترين بعض إحتياجاتهن من داخل الدكان،
    الذي تحجبه فراندة نصف متهدمة إنتصبت شجرة سيسابان على جانبها، كأنها
    تخفي الجدار الذي تهدّم بسبب مياه فيضان نهر النيل، التي أغرقت المكان
    قبل سنوات. جاء بعد قليل حفيده الزين جاريا، كان هناك ضيف من إحدى القرى
    المجاورة يقف أمام البيت سائلا عن حاج عبدالله.

    أحضر حاج عبدالله الشاي للضيف بعد أن أدخله الى المضيفة الصغيرة. يبدو أن
    الضيف كان متعجلا قليلا، فقد بدأ الكلام قبل أن يصب له حاج عبدالله كوب
    الشاي. عرّف نفسه: أنا ساتي ود شيخ الأمين، والدك كان زمان اشتغل مع
    والدنا في إدارة المشروع التعاوني، لكن الزمن دة مع المشاكل والشغلة
    الناس بقت ما بتتعارف.

    عندنا في الحقيقة بت كانت قاعدة ما إتزوجت، زي المعمول ليها عمل، البنات
    الاصغر منها عرّسن، الا هي قعدت، وهسع كبرت شوية، وبقت تجيها مرات حالات
    نفسية كدة، تحرد الأكل والكلام. قلنا نحاول نزوجها يمكن أحوالها تتصلح.
    الزول الكان متزوج بتكم دة جة قبل أيام طلبها، قلنا ناخد شورتكم ونعرف
    ليه هو طلّق بنتكم؟

    رحّب عبدالله مرة أخرى بشيخ ساتي ، صب له كوب الشاي وصب لنفسه كوبا آخر،
    وأمسك بالكوب في يده وقال: حليل زمن المشروع التعاوني الدنيا كانت
    بخيرها، والناس بالقليل حالها مستور. صمت قليلا ثم قال وهو يجلس بجانب
    الضيف على العنقريب:

    والله الطلاق حصل بس عدم اتفاق و قسمة، هو زول طيب لكن مرّات كان يقوم
    بدون سبب يضرب الناس، ولو لقى اي حاجة قدامه يكسرها!

    حاجة زي شنو؟

    كباية، صحن، زير موية، لكن هو زول طيب! بعد يكسر الزير يقعد مسكين يبكي،
    الظاهر يتذكر ان الزيار غالية بعد يكسرها، لكن هو زول طيب.

    قال شيخ ساتي وكأنه كان يتوقع مصيبة أكبر: الزير هيّن، هسع الكهرباء جات،
    بتقطع مرات لكن أخير من عدمها، الله أعلم ما اظن يقدر يكسر التلاجة،
    وتاني مشكلته شنو؟

    والله الزول دة زول طيب جدا، زي الطفل، لكن بس أحيانا عنده جن كدة، لو
    حضر أهل زوجته في زيارة، لازم يعمل مشكلة معاهم ويطردهم من البيت، زوجته
    مشت للفقرا قالوا عين، أدوه بخرات يستعملها ومحاية يشربها، دفق المحاية
    في الارض، ولم في البخرات ولّع فيها النار! لكن هو زول طيب الغضب الشديد
    دة من الطبع، لكن المهم الزول يرجع ويستغفر ربه!



    أها ومعاملته مع الأطفال كيف؟

    والله كويس، لكن مرات وكت الجن يقوم عليه، بيقطع ليه عصاية نيم لينة ويقع
    في شفع الجيران يدقهم، بعدين بيعمل زي المدرسة يخلي ولدين يشيلوا الولد
    العاوز يضربه، انا قابلت الدكتورولد ناس حسن الزين ، كان جة هنا في اجازة
    من السعودية، حكيت ليه الموضوع قال لي الزول دة عنده مرض نفسي والعياذ
    بالله، الظاهر في طفولته كان بيدقوه في المدرسة شديد عشان كدة داير يخلص
    الدق الدقوه ليه في الاولاد المساكين! لكن هو زول طيب صراحة، وفي حاله،
    بيمشي الحواشة ويرجع البيت آخر اليوم! انا قلت لي الدكتور لو حبوب ولا
    حاجة، جبنا ليه الحبوب، شال كباها في المرحاض، وضرب زوجته، قال ليها
    دايرة تجننيني رسمي بالحبوب! تقول بقت على الحبوب عشان يجن رسمي! لكن هو
    زول طيب يعني ما شفنا منه عوجة كتيرة!

    أها ومعاملته مع الجيران كيف؟

    كويس، في رمضان بيجيب فطوره ويجي في المسيد مع انه مرات ما بيصوم، في ناس
    قالوا الجن بتاعه نصراني، لكن بيصلي معانا العشاء. مرة الشفع كانوا
    بيتونسوا بخلف المسيد بصوت عالي في اثناء الصلاة، قام قطع صلاته وجة لم
    في الشفع بعكازه لامن شردوا كلهم، بعد الصلاة العشاء اتأخر لأن الشفع
    الطردهم مفروض قبل نهاية الصلاة يجيبوا العشاء من البيوت! مرة كان تعبان
    نام بعد صلاة التراويح قبل ما يتعشى، الجماعة نسوا يصحوه وخلوه نايم في
    المسيد الظاهر خافوا لو قام من النوم يضربهم ولا حاجة. صحوه عشان صلاة
    الصبح، الظاهر كان تعب في صلاة التراويح، قال ليهم الدفسيبة القبل شوية
    دي ما كان فيها صبح! لكن زول طيب وعلى نياته، الغنماية تاكل عشاه! مرة
    قبل كم سنة في غنماية دخلت زراعته، لمّ فيها ضبحها وفرّق لحمها في الحلة،
    الناس مساكين في جوع في البلد مافي زول سأل اللحم دة من وين، قالوا كرامة
    سلامة وأكلوها! زول طيب الغنماية تاكل عشاه، لكن ما تقدر تاكل من زراعته
    والا تبقى كرامة في الحلة! لكن زول طيب والله وابن ناس، أبوه كان راجل
    طيب لكن جنّ في آخر العمر ولمّ الكيزان! عنده يافطة كلما يجي السوق
    يرفعها في الدكان، مكتوب فيها: لا تبديل لشرع الله! الناس قالوا ليه انت
    زول مستور مافي سبب يخليك تلم الحرامية آخر عمرك. الظاهر تعب من الفقر
    وقال احسن يرتاح شوية، اهو الدنيا كدة لا راحة في الدنيا ولا فرارا من
    الموت، هو برضه كان زول طيب! مسّكوه إدارة الغابات قطع الشجر كله عملوا
    فحم وباعه! لكن كان زول مجامل، أي مناسبة في الحلة يجي أول واحد، ومرات
    يمسك الكشف في المناسبات، في عرس الطاهر ود عمنا الزين، مسك الكشف، وبقى
    يمشي يشجع الناس يقول ليهم الطاهر محتاج للمساعدة تعالوا ادفعوا، أها وكت
    الناس كلها تقريبا دفعت، جمع القريشات وإختفى، قالوا كان مديون مشى سدد
    الدين وفي ناس قالوا الزول دة كان طالب الطاهر قروش، ولقاها فرصة خلص
    القروش، إختفى فترة قالوا مشى الدفاع الشعبي ، رجع بعد فترة بدقن كبيرة
    وغرة صلاة، الدقن سمحة لكن غرة الصلاة ظاهر عملها بحجر ولا حاجة، قالوا
    في ناس بيعملوها بخمسة جنيه في سوق ليبيا! بتاعته يمكن تكون كلّفت أقل من
    كدة! لأن ظاهرة ما أصلية! رجع حكومة، مافي زول يقدر يسأله يقول ليه سرقت
    قروش الكشف ليه! ولو في الزول اتكلم عن بيع الفحم وشتول المسكيت بدون
    ايصال، طوالي يجيب ناس الأمن يقول ليهم الزول دة علماني والعياذ بالله!
    وفي العلماني كمان أكعب نوع: شيوعي! ما داير حكم الله! لكن كان زول مجامل
    وفي حاله! وآخر ايامه عملوه إمام في الجامع، وكت يوعظ الناس يبكي! وينزل
    من المنبر يبيع الفحم، حيعمل ايه المعايش جبارة وأسعار الفحم كويسة! وكت
    الغاز ظهر والناس رسلوا لاهلهم في السعودية رسلوا ليهم بابور الغاز،
    مسكين، الفحم بقى ما بيتباع كويس، حاول ينوّع في الشتول لأن الحكومة منعت
    بيع شتول المسكيت قالوا بيخرب الارض، وناس الحكومة دايرين الأرض يبيعوها.

    نظر شيخ ساتي حواليه محتارا، ثم تشبس بالأمل مرة أخرى، رغم أن الأمل كان
    (يناتل) محاولا الهروب! نظر الى ظل الجدار محاولا تقدير الوقت، ثم قال:
    وفي الشغل كيف، ناجح في زراعته؟

    زراعته سمحة يرمي شوال قمح ويشيل أربعين! الناس قالوا بينجّح القمح
    بالسماد! مع انه هو بينكر انه بيستعمل السماد، ناس قالوا عنده جن نشيط
    بيزرع معاه! في السنين الأخيرة إنتاجه نقص ما زي الاول، ناس قالوا عصر
    الجن في الشغل، يخليه الليل كله سهران يقرع الموية، وكت تعب شرد خلى
    البلد، لكن الحقيقة المزارعين الكويسين في السنين الاخيرة ما بيحبوا
    يزرعوا معاه، مرة العيش اتسرق من القيساب قبل يوزعوه بين المزارعين،
    الناس قالوا لقوا اتر اقدامه! الظاهر جة آخر الليل سرق العيش! دة كلام
    الناس، لكن بعض الظن إثم مافي زول شافه! كان مشى اشتغل فترة في البلدية
    مع ناس الحكومة والظاهر اتعلم السرقة هناك، لكن هو راجل طيب ، والناس
    كلها بتغلط، المهم الزول ما يشيل في نفسه حاجة من الناس!

    ومع ناس البيت كيف، كان بيجيب الطلبات وما منقص عليهم حاجة؟

    ما بيقصر، وكت سكر التموين يجي بيكون أول زول واقف في الصف! يحب القهوة،
    ويحب شاي المغرب دائما يقول شاي المغرب اهم من العشاء! لكن مرات وكت الجن
    يقوم عليه، يقفل نفسه في البيت كم يوم، يخت الرادي جنب راسه، واليوم كله
    يسمع الاخبار، لو جة زول قال ليه في حاجة ناقصة يقول ليهم دقيقة بس في
    اخبار مهمة اسمعها واقوم، لو ما حجارة البطارية انتهت ما يقوم، بعدين وكت
    يتابع الاخبار يبطل اي خدمة تانية، أيام حرب الخليج حضن الرادي لغاية
    الحرب إنتهت! لو ما كان في شوية ويكة وقمح في المخزن كان ماتوا بالجوع
    لغاية ما بوش يمرق صدام من الكويت! بعدين يقول ليك انا ما بنوم الا
    بالراديو، قبل فترة قبضونا في شكلة في السوق، لقيته شغال ضرب في ناس
    البوليس جيت أحجز قبضوني انا ذاتي معاهم، في الحراسة قلت ليه انت طبعا ما
    حتقدر تنوم بدون راديو! قال لي لأ حأكون صاحي للصباح! لسة ما يكمل كلامه
    شخر، نام للصباح الا العساكر صحوه! لكن رجل طيب وخدوم، وكت يكون في فراش
    في المسيد يتولى عمل الشاي والقهوة! ناس قالوا لأن بيحب شراب الشاي
    والقهوة بيلقاها فرصة عشان يشرب كتير مجان! لكن رجل طيب وفي حاله.

    قال شيخ ساتي وكأنه عثر أخيرا على شئ إيجابي: القهوة والشاي هينين، نعلو
    ما بيشرب العرقي؟

    بيشرب شوية قبل ينوم، مرات وكت الموسم يكون كويس بيمشي الاندايات يشرب،
    مرة دخل الانداية ما مرق منها الا بعد شهرين بعد ما قطع قروش الموسم كله!
    لكن زول طيب وفي حاله، لو السكارى اتشاكلوا في الانداية ولا في بيوت
    الاعراس بيقعد بعيد، ما بيتدخل، يقول راسنا دة صرفنا عليه قروش عشان
    يتوزن، ما بنضيع تعبنا ساكت نحجز الناس! أنشاءالله يكملوا بعضهم!

    لكن زول طيب وفي حاله!

    نعله بيشرب في الشارع؟

    لأ، .. بيشرب في البيت أو في الانداية، زول ملتزم جدا، ولو ماصلى العشاء
    ما بيقعد للشراب، دايما يقول بعد العشاء مافي اختشاء، في ناس بيقولوا هو
    ما بيختشي من الصباح، لو الجن قام عليه، يطرد الناس ويقعد يسمع أخبار
    الحروب، يحب الحروب، دايما يقول الحمدلله الانجليز ما رسموا حدود الدول،
    خلوها مطلوقة ساكت، عشان كدة الدول كل ما تلقى قرشين تجيب سلاح، يقوموا
    على جيرانهم!



    لكن كويس يعني بيعامل المرة كويس؟

    والله هو زول طيب، بالذات وكت يشرب يبكي زي الجنا، المرة تسوقه توديه
    يبول وترقده، وكت يشرب يبقى طيب، لكن ناس الحكومة منعوا الشراب وبقوا
    ينطوا على الناس في البيوت ويشموهم لو لقوا ريحة عرقي يجيبوك تاني يوم
    يجلدوك في السوق، هو مسكين، مرة ناس الحكومة نطوا في بيته، لقوه واعي،
    مسكين كان مفلس ومشى حاول يستلف العرقي أبوا يدوه لأنه كان متدين عرقي
    كتير. دينه في الدكان ألف جنيه وفي الانداية عشرة آلاف! لكن زول طيب،
    الفلس مرقه من الجلد في السوق، لكن ناس الحكومة قالوا ليه ما بنخليك
    ساكت، ما دام جبناك النقطة، تبيت وتمشي الصباح! نام في الحراسة مسكين
    بدون راديو، لكن زول طيب وفي حاله!

    وليه ما جاب أولاد؟

    والله مسكين ما فضى من العرقي والراديو، يمكن لو ما حرب الخليج كان جاب
    ليه حاجة! مشينا للفقير أدانا مسحوق قال يشرب منه قبل النوم، رفض يشرب،
    المرة ختت ليه شوية في شاي المغرب، اتضح بعد داك ان الفقير كذاب، كان
    بيجيب الحباية الزرقا يطحنها مع الحلبة ويديها للناس العندهم العجز
    الجنسي، يقول ليهم انتوا معمول ليكم عمل اشربوا من الاعشاب دي العمل
    بيتفك، اها سمعته ضربت لحدود مصر والخلق كسروا عليه، الاعمى شايل المكسح،
    ومعظم الناس كانت بتجيه بالليل عشان الناس ما يشيلوا حسهم! لكن زول طيب
    وفي حاله، لو سكر يبكي زي الجنا، ينوم بالراديو وفي الصباح عينه ما تفتح
    لو ما هبش قزازة العرقي تحت السرير بيده ولقى فيها حاجة! لكن زول طيب وفي
    حاله ويحب الناس.

    كان شيخ ساتي يصارع في (الأمل) الذي كان يقاوم ليهرب، أمسك به من عنقه
    حتى لا يهرب، أملا في أن يجد شيئا ينعش الأمل قليلا: أها وعنده اخوان
    كويسين؟

    عنده أخو واحد اصغر منه، زول كويس، بس شوية بتاع مشاكل، كان فتوة في
    الحلة يدق الناس ولو مشى حفلة يفرتقها. الاولاد كان سامنه في الحلة
    المغناطيس، يحب الحديد، سرق الحديد الفي الحلة كله باعه لشركات الخردة،
    حتى سراير الحديد شالها، لو انت نايم في الحوش في سرير حديد يجي براحة
    ينزلك من السرير ويشيله، الكويس ما يرميك في الواطة يجيب برش صلاة يختك
    فوقه ويغطيك كويس عشان البرد بتاع أول الصباح ما يمرضك، ويشيل السرير
    يمشي يبيعه، الناس كلها رجعت لعناقريب الخشب. أها ايام كدة وكت عدم الشغل
    لم ناس الحكومة ومشى الجهاد، قبل يمشي الكيزان ادوه شوية قروش وعربية
    واشتغل مع منظمة اسمها النشاط الطلابي، ديل قالوا يراقبوا الطلاب
    ويجندوهم لحزب الحكومة ويرسلوهم الجنوب. عرّس قبل يمشي الجنوب، اها بعد
    فترة من سفره، سمعنا قالوا استشهد، جوا الجماعة في بيتهم رقصوا وضبحوا
    تور وادوا امه ورقة قالوا عقدنا ليه على حورية، وواحد من الكيزان الكانوا
    معاه حلف بالله وقال جنازة الشهيد كانت طالعة منها ريحة المسك! نحن ضحكنا
    براحة وكت سمعنا الكلام دة، لأن المرحوم كان وكت حي ريحته ترمي الصقر!
    وكت يجي ماشي جنبك تقول في فطيسة جات ماشة! ما بالك وكت مات. قالوا هسع
    بيكون مشى شهر العسل في الفندق في السما! واحد من المساخيط قال أنا خايف
    لو لقى سرير حديد في الفندق في السماء يشيلو معاه!

    في ناس كانوا طالبنه قروش من حساب عرسه الاول قالوا كيف يعرس تاني بدون
    يحاسبنا على حاجات العرس الاول! واحدين قالوا يا اخوانا نحن لينا سنين
    مرة واحدة ما قادرين نعرسها كيف الزول دة يعرسوه ليه مرتين! قالوا لأ دة
    شهيد وكوز، ممكن يعرس مثنى وثلاث ورباع. وكت قالوا استشهد، ناس كتار
    عندهم شوية حديد في بيوتهم فرحوا وقالوا الحمدلله، بعد شهر من عرسه على
    الحورية رجع تاني فجأة لقيناه حايم في القرية!

    بعاتي؟

    لأ ، ما كان مات، الزي دة ما بيموت ، الظاهر في زول مات وهو كان اتجرح،
    وكت جات البرقية عكسوا الاسامي الناس المجروحين قالوا ماتوا والماتوا
    قالوا انجرحوا! !

    وهسع وين؟

    بقى مسئول كبير في الحكومة، مع الجماعة بتاعين صندوق الطلبة. بنى البيت
    وصلّح أحواله وعرّس تاني تلاتة نسوان، يعني بقى عنده أربعة فوق الحورية!

    وكدة ما حرام لكن!

    الناس قالوا يمكن وكت جة يعرس الرابعة طلّق الحورية! لكن ولد كويس، لو
    قصدته في حاجة بيقضاها ليك، عندك زول مقبوض في شيك، زول اختلس قروش، داير
    ليك جبخانة، داير ليك شهادة مضروبة لولدك، كله بيجيبو ليك وياخد حقه، لكن
    ما طمّاع! وفي ناس قالوا بيبع السجائر الأخضر كمان!

    نعلو بنقو!

    أيوة بنقو، أخضر حيكون نيم يعني! لكن زول طيب وفي حاله، حتى سرقة الحديد
    بطّلها بعد بقى مسئول كبير.

    سرح شيخ ساتي بنظره بعيدا، حاول (الأمل) الهروب لكنه أمسك به وعصره تحت
    عجزه الضخم حتى صرخ (الأمل) وكادت تخمد أنفاسه!

    قال محاولا إحراز أية نصر بأية ثمن يبرر زواج إبنته : وعنده بهائم سمحة!

    قال شيخ عبدالله: عنده تيس واحد مطلوق في الحلة ، يجوا الناس يسوقوه عشان
    يفحّل ليهم الغنم، ياكل مع بهائم الناس، وشغّال عريس جماعي! وكت أحواله
    تتيسر وموسمه يكون ناجح، بيشتري شوية بهايم، لكن في الصيف وكت يحتاج حق
    العرقي كل يوم جاري ليه بهيمة من اضانها على السوق ومن السوق على
    الانداية! لكن زول فاضل ما يتفضل عليك..





    للحصول على نسخ بي دي اف من بعض اصداراتي رجاء زيارة صفحتي

    https://www.facebook.com/ortoot؟ref=aymt_homepage_panel


    أحدث المقالات
  • دوافع و مآلات قرارمُغَادَرَة بريطانية Brexit للاتحاد الأوروبى بقلم طارق مصباح يوسف
  • أخي عرمان وأحزان السودان !! بقلم حيدر احمد خيرالله
  • أيتها المعارضة الحذر، كل الحذر من دخول ( بيت العنكبوت)..! بقلم عثمان محمد حسن
  • تائه بين القوم/ الشيخ الحسين/ عن السيد احمد المرغني
  • رمي الحجر ام تقديم الثمر بقلم سميح خلف
  • خيارات حركة حماس في الانتخابات البلدية بقلم د. فايز أبو شمالة
  • الانفصال الزلزال: أزمة بريطانية متفاقمة ومأزق أوروبي(د احمد حسين ادم) أكاديمي وسياسي
  • ومن المآسي ..!! بقلم الطاهر ساتي
  • في صالة المغادرة بقلم فيصل محمد صالح
  • أشهر أفلام الرعب (الاستثماري)!! بقلم عثمان ميرغني
  • قلب الندم !!! بقلم صلاح الدين عووضة
  • سيدي الرئيس .. NOW or NEVER (2-2) بقلم الطيب مصطفى
  • ميسي وكاميرون وابراهيموفيتش يصفعوننا شعبا وحكومة ومعارضة بقلم أكرم محمد زكي
  • كلمة وغطايتها .... الهروب من الاعتراف . الي متي؟؟؟ بقلم صلاح الباشا
  • الفشل السودانى فى الدولتين ظاهرة طبعية!! بقلم عبد الغفار المهدى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-28-2016, 09:09 AM

Shawqi Zebair


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: أحمد الملك)

    !marvelous
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-28-2016, 05:18 PM

Intifada


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: Shawqi Zebair)

    Quote: المراقب يلحظ عدم حماس حكومي تجاه عملية إطلاق سراح الأسرى، وعدم اهتمام في عكس الحقائق وتسليط الضوء عليها، وكان واجب الحكومة أن تستعجل عملية إطلاق سراح الأسرى، واضح أن الحكومة تتعامل مع الأسرى كالضيف الثقيل الذي فرض نفسه في توقيت الحكومة غير مستعدة له، الحكومة لم تتعامل بذكاء مع مبادرة سائحون واستجابة الحركة الشعبية لها، وأفسدت كل التوقعات بأن تكون هذه المبادرة مدخلاً لتحسين العلاقات وبناء الثقة بين الطرفين بهدف انهاء الحرب، هل يتخيل أحد أن الحكومة لم تشكر الحركة الشعبية على هذه المبادرة الإنسانية الكبيرة، وكان المتوقع أن تقابل الحكومة التحية بأحسن منها وتطلق الأسرى والمحبوسين في كل القضايا السياسية والعسكرية، وبهذا تكون قد حلت أحد أهم عقد الحوار والتحضير له، لكن الواضح أن للحكومة حساباتها، ويبدو جلياً أنها تريد تأخير أي تقدم في الدخول للحوار الشامل بأساليب شتى، ولذلك الحكومة تضع العراقيل ولسان حالها قول المتنبئ ( كلما أنبت الزمان قناة .. ركب المرء في القناة سناناً )،
    حياة الأسرى عبارة عن مأساة إنسانية وربما القصة التي تروى عن الشهيد ( الاسير ) البيروني هي أحدى الصفحات التي تدمي القلوب، جاء من يقول لأهله إنه دفنه بيديه، هذا كان تأكيدأ لوفاته، تزوجت أرملته وأنجبت من زوجها الجديد، والشهيد حي يرزق وهو أحد الأسرى الذين تعرقلت رحلتهم في العودة لذويهم، في كل الحروب تهتم الحكومات بإحصاء ومعرفة الأسرى وأسمائهم، وتضغط في التواصل بينهم وبين ذويهم، وتطالب من خلال القنوات الدولية بمعرفة أحوالهم وتتابع حالتهم الصحية و النفسية ، ولا تترك مناسبة الا وتطالب بإطلاق سراحهم، الا حكومتنا، الكثيرون لم يعلموا أن هناك أسرى الا بعد مبادرة سائحون.
    الجريدة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-29-2016, 07:13 AM

كمال


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: Intifada)

    كاريكتور فى قصه
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-29-2016, 05:35 PM

Fawzi


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: كمال)

    👍
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

06-30-2016, 10:56 AM

محمد عربي


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: Fawzi)

    هههههههه روعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-02-2016, 07:01 AM

Ezzo7


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: محمد عربي)

    great..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-03-2016, 06:29 PM

حميتى


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: Ezzo7)

    شكرا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-10-2016, 02:17 PM

jimy


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: في مناسبة عودة أحد (شهداء) الانقاذ من المو� (Re: حميتى)

    Xx
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
تعليقات قراء سودانيزاونلاين دوت كم على هذا الموضوع:
فى FaceBook
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de