|
كتب الكاتب الفاتح جبرا المتوفرة بمعرض الدوحة
|
|
 Re: تونس ترفض..المغرب ترفض... ليبيا ترفض .. مصر ت (Re: أمل الكردفاني)
|
السودان دا من الله خلقو معروف بلد هجرات،الحدود الواسعة المفتوحة دي صعب جدا السيطرة عليها حتى من قبل اعلى الدول إمكانيات،المهاجرين الأفارقة ديل لو جابوهم هنا ماح يستمروا في المعسكرات كتير،ح ينخرطوا سريع في المجتمع،سحناتنا متشابهة عكس دول شمال أفريقيا..بعدين البلد واسعة والناس شوية وحولنا دولتين جارتين عندهم كثافة سكانية عالية وأطماع في اراضينا..عليه نرحب بكل المهاجرين بشرط أن يندمجوا في المجتمع..
| |
 
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عليش الريدة)
|
السلام عليكم الأخ عليش و كل المتداخلين لكم التحية الشئ الذى أستغرب له أن كل من يدخل السودان من الأجانب يجد عملا و يسترزق ما عدا السودانيين الذين يشكون من البطالة و العطالة يبدو أن تربية الداخليات و الأكل المجانى أثرت كثيرا على سلوك الشعب السودانى
المصريين لديهم مقولة يقولون السودانيين لا عايزين يفلحوا الأرض و لا عايزين غيرهم يجى يفلحها فكرة صائبة التى ذكرتها أخ عليش فى الإستفادة من المهاجرين كعمالة فى الزراعة و الصناعة بضوابط صارمة فالإنسان هو عمود التنمية و الان جميع السودانيين تكوموا فى جمهورية الخرطوم ما أدرى ما الميزة فى الخرطوم عن باقى المدن هل من الصعب إنشاء خدمات فى المدن توازى الخرطوم للحفاظ على الإستقرار.
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عبده)
|
مرحب ياعبده،الكثافة السكانية واحدة من مزايا الخرطوم،ناس كتيرة معناها سوق كويس..
في مدن في السودان دا سوقا بتاع الخضار مابتحمل اكتر من تلاتة بكاسي عجور في اليوم..لوجيت بالبوكس رقم 4 إلاّ تنتظر لي بكرة أو تشتت المركزي الخرطوم.
انا المحيرني إنو البلد دي بتعاني من فقر سكاني من زمن بعيد جدا،رغم إنها جاذبة..في حلقة رايحة في الحتة دي.
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: أمل الكردفاني)
|
عبده وعليش الريده
البلد اطرافها فضت بسياسة حكومية ممنهجة مثل محاربة المزارعين بالضرائب وعدم دعمهم بمدخلات الانتاج.
وقتل المدنيين في مناطق النزاع المسلح حتى في المخيمات وكلها من اجل اخلاء الارض.
شوفوا الحكومة بتعمل شنو في الشمالية . تحرق النخيل التي ورثها اهل المنطقة عن آبائهم ومصدر الدخل الرئيسي لسكان الاقليم ...... لماذا؟؟!! لاخلاء الارض للمصريين والعرب لينتجوا ويصدروا لشعوبهم. هذا غير نشر السموم لابادة الناس اذا اصروا على البقاء في ارضهم .. او مغادرتها واخلائها صاغرين للاجانب!!
* انتو الاتنين شكلكم ما سودانيين ... يعني عهدكم بهذا الوطن العزيز قريب. عشان كده ما بتمانعوا يجونا اجانب بنفس حجة الحيوان على كرتي.
الارض ارضنا ونحن احرار فيها والسودانيين ليس لهم ذنب اذا كان في شعوب بتتوالد كتير دي مشكلتهم ويجب ان يتبعوا سياسة ضبط المواليد مثلما فعل الصينيين.
وانتوا يعني خلاص نيسيتوا السودانيين المغتربين واللاجئين ال مايقلوا عن 10 مليون وهجروا البلد غصبا عنهم. هم عائدون مع ابنائهم لارض اجدادهم.
شكرا د. أمل للمقال الهادف
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عليش الريدة)
|
سلام محمد نصر الشعب السودانى صاح ناس طيبين و مسالمين لكن ما بتاعين شغل مافى التفكير الإنتاجى الواسع لاحظ أسهل شغلة الواحد يا بقى فنان أو مداح أو سمسار ما عايز يبذل مجهود حتى العندو قروش يا إشترى ركشة أو أمجاد أو هايس فى إقتصاد بلد بقوم على ركشات أين مزارع الألبان الكبيرة و نحن أصحاب الثروة الحيوانية الأضخم فى أفريقيا أين تصدير اللحوم و تعليبها أين مزارع الدواجن الكبيرة أين المحاصيل الإقتصادية حتى التمور التى ذكرتها هل يصدر السودان أى نوع من التمور حتى للدول الأفريقية هناك مناطق فى السودان الأمطار 6 شهور فى السنة يعنى لو جبت شوال بذور و شتتها فى الخلا بتقوم ليك محصول لكن وين مع السفة و قعاد الضللة أما قصة ما سودانيين دى ما بتحلك كل الدول بتستقدم العمالة من الخارج حتى أمريكا أكبر إقتصاد فى العالم لكن نحن خلينا فى دا سودانى و دا ما سودانى لحدى ما نمشى التوج دا كان ما مشيناه لهسه .
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عبده)
|
عبده وعليكم السلام
مشروع الجزيرة عصب الاقتصاد السوداني حصل فيه شنو؟
تم تشريد كم تاشر الف اسرة سودانية وبلدنا طلعت من السوق. هل الحصل كان سببه كسل السودانيين ولا سماسرة الكيزان؟.
الراجحي بيديك شنو من زراعة القمح ومشغل كم سوداني.
الامارات مكتفية من مزارع تربية الماشية .. ومعاهم المصريين بيزرعوا ويصدروا لبلادهم ويستنزفوا مياه الحوض النوبي.
لاحظ ان المصريين شالين حق السودان من موية النيل ومخزنين موية في ارضنا ويمشوا الحوض النوبي.
هل ده من كسل السودانيين ولا فشل اداري وخنوع للمصريين والعرب.
مافي دولة بترفض عمالة وزي ما السودانيين بيمشوا بره في نا س اجانب حتجي. لكن استيطان لا؟
ناس ركشة وهايس يعملوا شنو مع سياسة التمكين .. اولادهم واهلهم يموتوا من الجوع؟ ديل معظمهم كانوا منتجين في اقليمهم
وجو المدن طافشين وانت عارف الاسباب .
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: محمد نصر)
|
يامحمد،الحكومة سيئة دي حاجة واضحة جدا ومادايرا غلاط ..لكن المسألة هي هل تنعدم الوسائل بتاتا لامكانية أن ينجز المواطن شيئا ما في ظل هذه الحكومة السيئة؟
يعني باختصار،لو رجينا الحكومة تصلح الحال،اتخيلي ح نطول..
كلامك وكلام عبده مافيهو فرق كبير،كلو بدندن حول المشكلة ..وأضيف عليه التسويق هو المعضلة الكبيرة في الموضوع دا كلو..رغم الأوضاع المزرية دي لو لقينا فرقة بسيطة وصلنا بيها حاجاتنا دي للسوق الاوربية مثلا، مؤكد الإمور ح تصلّح كتير..أقوليك حاجة عن تجربة،بصلنا بمشي الحبشة عن طريق القلابات وجزء كبير بمشي من هناك للصادر الأوربي..ناس الحكومة بقولوا الحظر الاقتصادي سبّب صعوبة التصدير..لكن ناس الشركات الخاصة بقولوا الجبايات الحكومية هي السبب..
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: محمد نصر)
|
اؤمن على كل كلمة ذكرتها اخ محمد نصر
دائما ما يدفع اي شخص للتمسك بعمل او مشروع هو العائد المادي والراجحي ليس انشط مننا ولكن تم توفير كل شيء له وبالمجان في حين ان الانقاذ تلاحق المزارعين المحليين بالضرائب والجبايات والرسوم وتفرض حتى نوع المحصول المفترض زراعته واتعجب جدا لمن يفرح بنهب ثروته الآن وثروة ابنائه مستقبلا ماذا نستفيد من الراجحي او غيره لا شيء البتة غير ضياع المياه واستهلاك خصوبة التربة .مشروع الجزيرة كان يصرف على السودان كله بالرغم من تعب مزارعه وانهاك صحته بالبلهارسيا والقارديا نتيجة شرب الماء الملوث بالرغم من ذلك عمل المزارع ليأتي انسان غير منتج ولم يعمل عملا واحدا في حياته وبصفه بالكسل بل وسعيد بنهب ثرواته وثروات اجيال قادمة رخصة فقط لا اكثر ولا اقل
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: نيمو)
|
رغم الأوضاع المزرية دي لو لقينا فرقة بسيطة وصلنا بيها حاجاتنا دي للسوق الاوربية مثلا، مؤكد الإمور ح تصلّح كتير
**********
عليش/ السوق الاوروبية فقدناها كيف؟ ياخي كيف الاوروبي يسكت لينا ويتقبل حاجاتنا اذا بلدنا جابت بن لادن البدعوا بقتلهم كلهم.
وتسلح حماس بصواريخ من داخل الخرطوم وبلدنا عارفة ان اليهود هم المسيطرين على المال والتجارة العالمية؟
التنعت وركوب الراس ضد اروروبا وامريكا نتيجته:
الاجنبي يجي يستغل ارضنا وممكن يصدر لاوروبا امريكا المحرمة علينا.!
دي بلادة ادارة حكومية وما كسل مواطنين: والدليل ان السودانيين بره بلدهم بيبدعوا وفي دول فيها انضباط واحترام زمن.
كسل السودانيين وسيلة حرب نفسية لتبرير خصخصة وبيع السودان باسم الاستثمار
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: محمد نصر)
|
افرج جهاز الامن مساء اليوم الاحد عن القيادي بالمجتمع المدني وحركة المزارعين حسبو إبراهيم بعد ساعات طويلة من الإحتجاز وطالبه بالحضور في وقتٍ مبكر من صباح الاثنين.
وأفادت مصادر (التغيير) ان قوة من الامن إقتحمت منزله بالخرطوم بحري صباح الاحد واعتقلت احد ابنائه.
ولم يُعرف على الفور سبب الإعتقال إلاّ أن مصادر رجحت ان يكون الامر ذو صلة بحراك المزارعين المتصاعد.
وكان حسبو قد تعرض لاعتقالات متكررة الاشهر الماضية مع عدد آخر من الناشطين في تحالف مزارعي الجزيرة والمناقل.
وهو من مواليد العام 1938 وانضم إلى الحزب الشيوعي منذ منتصف خمسينيات القرن الماضي قبل ان يغادره في وقت لاحق ويُعتبر أحد القيادات التاريخية لحركة المزارعين بالسودان ومن الناشطين على نطاق واسع في الحراك الشعبي والسياسي.
وفي سياق متصل، يعقد تحالف مزارعي الجزيرة والمناقل مؤتمراً صحفياً نهار غد الاثنين بدار حزب الامة بامدرمان ويتناول المؤتمر الموسم الزراعي الصيفي والتمويل وقضايا الفساد ونهب أصول المشروع.
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: علي)
|
*يامحمد نصر،المقال دا دليل قوي على العلاقات الجيدة بين أوربا ونظام الانقاذ.
********
لا لا يازول ... الاوروبيين حرفا دايرين يحتووا الكيزان ومشاكلهم لانهم متورطين في الهجرة عبر البحر المتوسط. وكانهم بيقولوا ما تلزوا لينا
الناس ختوهم عندكم وضوقوا الاعباء من ضمنها الامنية. واكيد فيها سمسرة تقيلة يعني الجماعة بكون ملوا ليهم حساباتهم في بنوك اوروبا.
الرئيس وكم وزير مطلوبين للعدالة الدولية وبلدنا دولة لها علاقة بالارهاب وشركاتهم ناس شيفرون وتوتال وتاليسمان لمن طلعوا خوفا من عقوبات
.... الكيزان جروا جابوا صينيين وغيرهم لذلك صعب يفتحوا لينا مجال تجارة لان التجارة العالمية تسيطر عليها الشركات والشركات هي الحاكمة العالم.
قبل كم يوم البلد كانت محتاجة 102 مليون دولار فقط لفك ازمة الوقود. الاوروبيين ليه ما قدموا القروش دي للسودان؟ السبب لانه السودان قل ادبو مع الشركات
الغربية ولحسن الصدف في ذات مجال البترول.
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عليش الريدة)
|
افرج جهاز الامن مساء اليوم الاحد عن القيادي بالمجتمع المدني وحركة المزارعين حسبو إبراهيم بعد ساعات طويلة من الإحتجاز وطالبه بالحضور في وقتٍ مبكر من صباح الاثنين.
وأفادت مصادر (التغيير) ان قوة من الامن إقتحمت منزله بالخرطوم بحري صباح الاحد واعتقلت احد ابنائه.
ولم يُعرف على الفور سبب الإعتقال إلاّ أن مصادر رجحت ان يكون الامر ذو صلة بحراك المزارعين المتصاعد.
وكان حسبو قد تعرض لاعتقالات متكررة الاشهر الماضية مع عدد آخر من الناشطين في تحالف مزارعي الجزيرة والمناقل.
وهو من مواليد العام 1938 وانضم إلى الحزب الشيوعي منذ منتصف خمسينيات القرن الماضي قبل ان يغادره في وقت لاحق ويُعتبر أحد القيادات التاريخية لحركة المزارعين بالسودان ومن الناشطين على نطاق واسع في الحراك الشعبي والسياسي.
وفي سياق متصل، يعقد تحالف مزارعي الجزيرة والمناقل مؤتمراً صحفياً نهار غد الاثنين بدار حزب الامة بامدرمان ويتناول المؤتمر الموسم الزراعي الصيفي والتمويل وقضايا الفساد ونهب أصول المشروع.
الخبر الجابو اخونا علي دليل واضح جدا جدا على انو المزارع السوداني ممنوع من زراعة ارضه بالتضييق عليه لمرحلة تصل السجن ولو كان عمره 80سنة وناس الامن زي عليش بقول لينا الراجحي ما كسلان وانتو كسلانين والسوق الاوربية والسوق الخليجية !
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: نيمو)
|
ياسيدي أنا مزارع قاعد في قلب المأزق وقنعان من حكومة ومعارضة وبحاول أشوف مخرج ..
هسّ لو قلتليك اقتبس كلام عليش القال فيهو كسلانين بتقعد تتلفت..
بديتا بعوير وثنيت ببليد وتلتا بمسحلب والليلة شايفة جابت ليها أمنجية،ودا كلو ح نفوتو ليك،لكن لو جيت قلتلي يادكتور...بلحقك الصح.
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عليش الريدة)
|
يا دكتور ...عليش
مخارجة بالصح ولا بالتمني ؟
هي ناس ما قادرة تزرع والانقاذ اهي دي بتسجن في المزارعين بسبب وبدون
الاراضي الكانوا بزرعوا فيها طماطم وخيار شالوها وادوها لمستثمرين يزرعوا فيها رودس !!!!بستهلك موية ومزرعة بعوض بامتياز لسكان المنطقة اللي اصبحت الملاريا ملازمة ليهم طول السنة وحتى المزارع دا ذاتو ابو ملاريا كيلو الطماطم عنده ب100.000الف جنيه (بالقديم عشان غشة الاصفار الشالوها )اها كيلو طماطم بالسعر دا ومزارع عمره 80سنة مسجون وانت تيجي تقول لي السوق الاوربية ولا السوق الخليجية ؟
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: نيمو)
|
شوف يانيمو ياأخوي،الحكومة دي بالنسبة لي عندي ليها خيارين: ياأقلعا أو أتجاهلا..
أفرض كتبنا مليون مقال عن سوء الحكومة..أها سو وات؟
كلامي القلتو هنا دا كلو واقعي وعن تجارب حقيقية..وانا الان بكتب وزراعتي قايمة في الحيضان..
رغم كل السوء،لسّ عندنا محاصيل تقليدية بتطلع بوفرة وبتغرق السوق المحلية ودي واحدة من أكبر مشاكل المزارعين بعد ارتفاع تكلفة الانتاج..
المحاصيل دي مفروض تتوجه للخارج...
بعدّا التوجه دا يجي من الحكومة من المعارضة من الشركات الخاصة من الايقاد...دي حاجات مابتهم المزارع كتير..
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عليش الريدة)
|
نقول تور تقول احلبوهو
حيضانك المزروعة دي لامن تنتج شيلها في عنقرتك وديها اوروبا
ولا الخليج ولا الحبشة حتى ولو نجحت كورك لينا احلق شنبي واقوم ازرع حيضاني ...لو ما امنجي 😆كنت ليك اتغطى كويس من البعوض عشان تكمل احلامك مافي شيء بقوم لو ما قلعت الweeds ونظفت المكان حتين بعد داك زرعت والweeds هي الانقاذ
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: محمد نصر)
|
أنا اتحدث عن السوق وانت تتحدث عن الهبات والمعونات والاستثمار..أعني السوق الذي يقوم على المصالح الاقتصادية المتبادلة البحتة وعارف ومتأكد إنو منتجاتنا فيها مزايا مغرية جدا وومكن بسهولة تثبت نفسها لكن مشكلتنا في الفهم التسويقي دا محور كلامي باختصار..عندنا حاجات قعد تمشي الخليج والاخفاقات البتحصل مع الحاجات دي في معظما راجع لسوء إداري بخصنا برانا ودا بدحض كلامك بتاع بني جلدتنا وماشابهه..لكن طالما مافي تفهم للخط الماشي فيهو أنا، خلونا ننتظر الانقاذ تفوت وبعداك نشوف موضوع التسويق دا..لكن للزمن داك أنا خايف نموت بشموخ..يللا على بركة الله..
كنت دار اواصل معاك في النقاش ـــ رغم إنك قلتلي أجنبي ــ لكن الأخ الكريم نيمو شتمني وقالي يادكتور،وبيني وبينك أنا في البداية استجبت لاستفزازو البالغ في هذه الشتيمة النابية،ودخلت ورديت عليهو :نيمو ياودأمبعلو ياكدمبس ياريشة في ضنب جداداة فيومية.. لكن تاني لعنت الشيطان ومسحت الشتيمة وقلتليهو سلاما سلاما (الضمير في قلتليهو راجع للأخ الكريم نيمو ماللشيطان،مع إنها مافارقة كتير) ..
فرصة سعيدة
| |
|
|
|
|
|
|
|
|
|
Re: تونس ترفض..المغرب ترفض... ليبيا ترفض .. مصر ت (Re: عليش الريدة)
|
رغم إنك قلتلي أجنبي
*************
ياخي انا آسف ياعليش وعبده
كلامكم مستفز زي كلام على كرتي عشان كده انا قلت انكما يمكن جديدي عهد بالسودان.
* كده ورينا فايدة الاستثمارات "النهب" العربية اماراتية - سعودية - مصرية للسودان.
- اديك مثال لاستثمار بالمعنى. شركات اسامة داؤود شغالين فيها 7 الف سوداني وقدم مساعدات للدولة عربات الشرطة مثلا .... مع انه محسوب على الكيزان.
الراجحي براهو خليك من مصريين واماراتيين ممكن كان يطلع ال 102 مليون دولار من طرف جيبو!. مع انه الاراضي البيرزرع فيها قمح وغيره ماخدها مجانا
بعد ما آكل السمسار اللعين. عشان كده بنقول دي نهب واحتلال وليس استثمار.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أمل الكردفاني
عليش الريدة
فيس بوك
تويتر
انستقرام
يوتيوب
بنتيريست