|
|
|
 Re: حبوبه المكلومة تصرح: الأمة ماتت لو مات ال� (Re: لا تتاجروا بالمآسي !!!!)
|
يامن تسمى نفسك لا تتاجرو بالمآسى
من الذى يتاجر بالمآسى؟
ولماذا تكون هناك مآسى فى الأساس بهذا القدر من الوحشية حتى يتاجر بها من
تحسبون أنهم من ذوى النفوس المريضة؟
أهل يرضى ضميرك بهذا القتل من أى من كان؟
ما المبرر لكل هذا القتل البشع والناس تدين فى سوريا وإسرائيل على قتل المدنيين؟
نحن قوم مع الأسف فقدنا أقل مقومات الإنسانية وأخذنا نبرر كل جريمة بإتهام
من ناء ضميرة بالأسى والألم بأنه يتاجر!
أنا والله يورقنى موت أى إنسان بهذه البشاعة.
وقسما برب العزة وجلاله يتقطع قلبى على درجة الوحشية التى وصلنا لها
مع سبق الإصرار وتبريرها كأن شيئا لم يكن بل التعتيم عليها ورفض عرضها
وإتهام من يعرضها بالمتاجرة!
المظاهرات تجوب شوارع الخرطوم والناس يبكون على الضحايا فى سوريا
وفسلطين ويجمعون لهم فى الأموال والحلى المتبرع بها؛ وأهلنا لحمنا ودمنا
وبنو وطننا يقتلون شر القتل ثم يجئ من يبرر نقد القتل بأنه متاجرة.
فلتصحوا الضمائر ولتتقوا الله.
| |
 
|
|
|
|
|
|
|
|
Re: حبوبه المكلومة تصرح: الأمة ماتت لو مات ال� (Re: عبدالرحمن ابراهيم)
|
حسبنا الله ونعم الوكيل
لاحول ولا قوة إلا بالله
يااخوانا كفانا دموم وموت. هسى أنا بكيت لامن عيونى وجعنى. هسى عليكم الله فى واحد فينا قادر يتخيل أنو دا ولدو وللا بتو وللا اخوه وللا اختو وللا واحد من شفع البيت. ليه يا اخونا نسمح لنفسنا اننا نسكت على الجرائم دى. ياربى المسؤلين ديل بيورهم الصور دى
والله نحنا محتاجين لمحاسبة ضمير بشدة. نحنا امة انتهت. لى شنو وفيشان شنو الكتل دا. زنبهم شنو
الله يرضى عليكم خلو المكاجرة دى وشوفوا كتل الأبرياء دا يقيف كيف. اتصورا انو فى بيتكم
حرام والله حرام حرام. الله ينتقم من الكتلوهم ويوريهم فى جناهم
| |
|
|
|
|
|
|
|
|
|
Re: حبوبه المكلومة تصرح: الأمة ماتت لو مات ال� (Re: مكي صالح مكي)
|
يا مكي صالح مكي
عليك الله أنتا لا بتخاف الله لا بتختشى؟ تجى تبرر لى كتيل الأطفال بى منو بدا... ومنوا ما بدا، بس زى كلام الشفع. ياخى دى أرواح أبريا. مافى شى بيبررها.
إنتو الله ما بتخافوهوا. وكمان مصرين تكتلو زيادة. وبكل جراءة بتقول: لو ماتو الملايين ما هاميكم. هو منو البتاجر بالصور يا عديمين الإنسانية. إنتو كاتلين الأطفال ديل عشان شنو لو ما دايرين الناس يفضحوكم يا قتله؟ إنتو العالم البتقولو عليهو دا شاهد. أى والله شاهد على اجرامكم. عليك الله الحكومة دى من ما جات ستة وعشرين سنة عملت شنو غير كتيل الناس بالآلاف. عليك الله الأرواح الضيعتا الحكومة دى من الثورة المهدية ماتو ناس قدر ما ماتو فى عهدكم دا؟
عشان شنو؟ هسى الماشى صاح شنو فى البلد غير فضائح الإختلاسات والحسابات الفى البنوك الخارجية الجابو اسرارا ناس ويكى ليكس دا كلو عشان يكنكشو فى الحكم ويقتلو فى الشعب،. والبلد راجعة لى ورا. الحكومات بتجى عشان تحمى شعوبا انتو بتكتلو الشعب صغيره على كبيرو. وشابكننا بشار الأسد قاتل شعبو وقذافى ساعدنا عشان يكتلوهو لانو قاتل شعبه وناس غزة مساكين كاتلاهم إسرائيل. إنتو فرقكم منهم شنو؟ وتقعدوا تلمو ليهم فى القروش ودهب النسوان المضللات عشان تدخلو جيوبكم يا منافقين. وتدفعوهو سمسرة عشان تجيبو بيهو سلاح تكتلو بيهو الأبريا. مش أولى ارواح المواطنين السودانيين؟
وساختكم دى وكتل الأبرياء هو البيوغر الصدور. وبخلى أى زول إنكتل أبوهو واللا ولدا وللا بتو وللا أخوه وللا عمتو وللا قريبو وللا صاحبو يحقد عليكم وعلى الناس المساكين الفى العاصمة الماعندهم ذنب فى كتيل أهلهم. بالله أنتا عندك عقل وللا منطق تجى بكل جراءة تكتب:
"إنما ذلك تجسيد متعمد لزيادة آلام الناس وزيادة الأحقاد في النفوس"
البزيد الأحقاد فى النفوس كتيلكم للناس. إنتو قايلين الدنيا زى زمان تغتغتو فى جرئمكم؟ إنتو المجننكم إنو وسائط التواصل الإجتماعى بدت تكشف كذبكم وتعمية الجرائم البترتكبوها.
شوف انا ومعزة الله لامن دار فور لا من جبال النوبة لا من النيل الأزرق. أنا خرطومى أما عن أب إتولدنا وإتربينا هنا فى الخرطوم دى، ما عندنا غيرا. وأنا فى حياتى ماكنت عضو فى حزب واللا تنظيم ولا فى المعارضة، لانو المعارضة ذاتا عندى فيها رأى. لكين أحمد الله خدمت بشرف فى الغرب والشرق والجزيرة، وعشت مع الأبرياء ديل. وإتعلمت أنو الظلم وقتل الأبرياء ما من شيمة الرجال ولا الشرفاء. وشرفى بكون حزين لأيام لامن أشوف زى الجرايم دى. تجى إنتا بكل برود تقول لى تتاجروا. أها أنا وريتك لا لى فى الغرب ولا الأحزاب ولا المعارضة. بس يتاجرو دى معناتا شنو؟ وأنا عمرى دا كلو ما شفت زى الفظائع دى. الله يبارك الجابا ونورنا بيها عشان نعرف البلد دى الناس مكنكشا فى حكومتا كيف وبيكتلو فى الشعب ليه. يعنى الناس يسكتو على الجرائم دى عشان يرضوكم ما يتاجرو. ياخى إنتو كاتلينهم ليه؟ ما تهربو بى تحويل الجريمة لى إتهام بالمتاجرة. وعزة الله وجلاله أنا غير إنسانيتى وضميرى ما كسبان من كل الكلام القلتو دا شى. لكين موجوع على وطنى وأهل بلدى البقو ضحايا للإجرام المنظم بأسم الدين.
ومن الليلة عشان كلامكم المشين دا فى تبرير الجرائم ماشى أطاردكم فى كل موقع وكل وسيلة إتصال عشان أفضح كذبكم وجرايمكم يا مجرمين يا كتالين النسوان والأطفال. إنتو قسما بالله بأعمالكم دى ما عندكم ذرة من الدين وللا الإنسانية ولا الرجولة. وأنتا مؤكد قابض تمن كلامك العفن دا وللا متواطئ لانو الساكت عن الحق شيطان أخرص. كدا ورينا أنتا فى ياتو وحدة فى الأمن؟
خلى ضميرك يصحى وقول لرؤساءك وقفو كتل الأبرياء بدل ما تجى تبرر ليهم جرايمم... وللا أنتا زاتك واحد منهم؟
| |
|
|
|
|
|
|
|
|
 Re: حبوبه المكلومة تصرح: الأمة ماتت لو مات ال� (Re: محمد المصطفى عبدالسمي)
|
يا محمد المصطفى
التحيات للقراء الكرام
دعك من ذلك الكلام الإنشائي العاطفي الذي لا يقدم ولا يؤخر . وخاصة عندما تتهرب من الخوض في صلب الموضوع لتنسب الأكاذيب الفارغة .. حيث أقوالكم تلك الباهتة مثل : ( ماتوا في عهدكم دا .. وخلى ضميرك يصحى وقول لرؤساءك ) . وعلشان نخرس أمثالك من الطافحين الأغبياء المتسلقين في ساحات الكتابة ،، حيث كلام الجهل والجهلاء وحيث كلام الغباء بدون أدلة وبراهين نقول لك هنا بالصوت العالي .. فليسقط حكومة ( الإنقاذ ) .. وليسقط عمر حسن البشير .. ولعنة الله على كل من ينتمي لخندق حزب المؤتمر الوطني أو ينتمي لخندق ( الإنقاذ ) .. ولعنة الله على كل يدافع عن الحكومة القائمة .. ولكن كل ذلك لا يبرر حججك تلك الواهية العبيطة الغبية البليدة غاية البلادة .. ولو بدأت تكرر مقالك لأف سنة فإن مقالك لا يوافق العقل والمنطق .. ولا يحمل مثقال ذرة من الحكمة .
الحروب الأهلية تعني الموت وتعنى الخراب وتعني المجازر البشعة .. ومـن يتصورها غير ذلك فهو مخدوع غشيم يحلم بالمستحيل .. فالحروب الأهلية هي ساحات تتلاشى فيها الأخلاقيات بذلك القدر .. وفي الغالب أطرافها تدعي البراءة وهي المسببة لتلك الدماء .. ومن عجائب الجهل في هذا الزمن من يتواجد في ساحات الموت ويخلق الموت والدمار والفواجع للآخرين .. وعندما يواجه الكيل بالكيل والويلات بالويلات والفواجع بالفواجع يلفت أنظار العالم بصور الدماء والأبرياء .. وكأنه يحلل دماء الآخرين من الأبرياء كيف يشاء ثم يقدس دماء أهله هـؤلاء .. وتلك صورة من صور الرياء والنفاق والتحايل .. وهي صورة تؤكد المتاجرة بالدماء .. وهنا الكل متفق بأن تلك المجزرة هي بشعة وفظيعة للغاية .. ولكن نشر الصور ثم لوم الآخرين بعدم نشرها يدخل في نطاق الدعاية والمتاجرة بالدماء .. والكل يعلم جيدا أن نشر تلك الصور الفظيعة لن يعيد الحياة لهؤلاء الضحايا الأبرياء .. إنما الهدف من نشر تلك الصور هو إشعال المزيد والمزيد من الأحقاد .. وإشعال المزيد والمزيد من الحروب والموت للأبرياء .. وتلك حقيقة تؤكد المتاجرة بالضحايا الأبرياء .. وهي تهمة لاصقة مهما يراوغ البعض ويحاول التهرب منها !! . ولذلك نلاحظ دائما أن أجهزة الإعلام في دول العالم تتفادى ذلك النوع من الإثارة والصور التي تؤجج الصدور بالأحقاد .. ولا يفهم ذلك النوع من الأمور العقلانية أصحاب العواطف الجياشة الذين تعودوا البكاء مع كل من يبكي في الساحات .. والبكاء لا يحل مشكلة الحروب الأهلية إطلاقا .
| |
|
|
|
|
|
|
|
|
 Re: حبوبه المكلومة تصرح: الأمة ماتت لو مات ال� (Re: سعيد علي مرضي)
|
الكل يكتوي بنيران الأوجاع في ساحات الحروب الأهلية ، وهي تلك المجازر البشعة التي لا تخطر على عقل إنسان ، وساحات الحروب الأهلية هي عادة تعم بالفوضى ، وتكون فالتة بذلك القدر الكبير ، وإذا كان التاريخ يؤكد أن تلك المناطق كانت تعيش في سلام ووئام لمئات السنين فما الذي يجعل الأطراف في تلك الحروب أن تصل لذلك النوع من الانتقام الرهيب الفاجع ؟؟ ، حيث قتل الأطفال الأبرياء بشاكلة همجية فاقت كل التصورات . ولكن لا يمكن بأي حال من الأحوال أن يصل الإنسان لتلك الحالة الهمجية في الانتقام إلا إذا كان يعاني بالمثل من التعدي والهمجية والمجازر ، وانتقام الأطراف بذلك القدر من البشاعة والفظاعة لا يمكن أن يولد من فراغ ، إنما هي نتيجة لأفعال وردود أفعال عنيفة ، حيث الكيل بالمثل وأشد من المثل ، فإذن من البلاهة وعدم الحكمة أن يجتهد البعض في إشعال المزيد من الفتن والأحقاد بنشر تلك الصور الدامية المفجعة ، وعندها من الطبيعي أن يتساءل الناس هل نشر تلك الصور سوف تمنع وقوع المزيد والمزيد من تلك المجازر البشعة في تلك المناطق بين القبائل ؟؟ ، والإجابة بالتأكيد لا وألف لا ، فإن نشر تلك الصور المؤلمة سوف تزيد المجازر بذلك القدر المتلاحق الذي يعني دائرة مستديمة من الأفعال وردود الأفعال لها ، فأين الحكمة في نشر مثل تلك الصور ؟؟؟ ، ومثل تلك الصور لا تدين طرفاَ معيناَ في ساحات الحروب الأهلية حيث تعـم فيها الفوضى بالمعنى الكبير ، وكل الأطراف المتحاربة تشترك في تلك الجرائم البشعة بنفس القدر ، ومهما يجتهد المجتهدون فإن أصابع الاتهام لا يمكن أن تدين طرفاَ لتعاضد طرفا آخر بحجة المجازر البشعة ، إنما كل الأطراف في تلك الحروب مدانة ومجرمة ولا تستحق أي مقدار من التأييد والسند ، والعبرة ليست في الخوض في إرهاصات تلك الأوجاع والمجازر بنشر الصور والبكاء على المآل ولكن العبرة في اجتهاد عقلاء الناس من كل الأطراف المتحاربة وغير المتحاربة في إيقاف تلك الحروب الأهلية ، وإيقاف القتل والإبادة والمجازر المفجعة .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عبدالرحمن إبراهيم محمد
Mohamed Yassin Khalifa
فيس بوك
تويتر
انستقرام
يوتيوب
بنتيريست