|
|
|
هواية تعذيب الناس في السودان !!! بقلم فيصل الدابي المحامي
|
02:52 PM Aug, 06 2015
سودانيز اون لاين
فيصل الدابي المحامي-الدوحة-قطر
مكتبتى فى سودانيزاونلاين
زار أحد الأصدقاء السودان مؤخراً ثم غادره وكتب ما يلي:
في زيارتي الأخيرة للسودان كان علىّ استخراج تاشيرة خروج (لاحظ أنها ملغية وغير دستورية ولا أعرف بلداً اخر يعمل بها)، لكي تستخرج التاشيرة عليك المرور بنافذتي الالتزامات والتسديد بجهاز المغتربين ، كل نافذة تحتاج لنصف يوم وقوفاً في الصف في مكان ساخن مكتظ بالمراجعين!!! علماً بان العمليتين كان بالإمكان إجراءهما في نافذة واحدة وكفى الله البني آدميين شر المزاحمة والانتظار، الم يسمعوا بحاجه اسمها كمبيوتر؟! اذا كنت مسدد كل التزاماتي فلماذا اقف في الصفوف؟!! الا يمكن ان اسدد الياً أو في البنك؟!!
في المطار طلبت مني موظفة الخطوط العربية ابراز التاشيرة للبلد المقصود، بكل براءة ابرزت التاشيره من الموبايل الخاص بي في شكل ملف pdf وكانت المفاجأه ان طلبت مني الموظفة ابراز التاشيرة مطبوعة في ورقة لا للاحتفاظ بها في ملفاتهم ولكن لأن الموبايل قد يفقد شحنته عند وصولي للجهة المقصودة !! وعندما اوضحت لها أنني بالمثل قد أفقد الورقة المطبوعة قبل وصوليِ، قالت كلامك منطقي ولكننا نريد ان نراها علي الورق وليس على الشاشة!!! تري ماذا حدث عند جهه الوصول؟! لا موبايل ولا ورقة ولا يحزنون، التأشيرة مسجلة لديهم في الكمبيوتر حسب رقم الجواز!!
تعليق من عندنا!
في قديم الزمان وفي مدينة ربك كان في حي اسمو (تجيني خاتي)!! اي زول بمشي ليهو كان بدقا عديل كده وقروشو تنقلع منو عينك يا تاجر وما يقدر يقول بغم !!! اليوم السودان كلو بقى اسمو (تجيني خاتي) !!! ، فقد تواترت الأخبار والشواهد القادمة من السودان بأن هواية تعذيب الناس القاعدين والزايرين والغايرين تبدأ بقطع الموية والكهربا وارتفاع الاسعار واجبار الناس على المشي في الشوارع وسط اكوام القمامة وتنتهي ببهدلة عجيبة في المطار عند المغادرة !!! أخيراً ، أقول لصديقي العزيز الشليق: ياخي هو القال ليك امشي السودان منو؟! براك سويتا في نفسك ولا أملك إلا أن أقول لك: (وقعت يا فصيح فلا تصيح)!!!
أحدث المقالات
- تكميم الأفواه لدحر الارهاب باتريوت- بقلم عثمان محمد حسن 08-06-15, 02:13 PM, عثمان محمد حسن
- نكتة جديدة لنج (سودانيين في الخليج)!! بقلم فيصل الدابي/المحامي 08-06-15, 02:11 PM, فيصل الدابي المحامي
- هل شارك علي عثمان في انقلاب رابعة العيد ؟؟ بقلم جمال السراج 08-06-15, 02:09 PM, جمال السراج
- خير الكلام ما قل ودل يافخامة الرئيس بقلم سميح خلف 08-06-15, 02:07 PM, سميح خلف
- انقاق الدولة " ماسورة "... ووعد الحسن الميرغني!! بقلم أبوبكر يوسف إبراهيم 08-06-15, 02:06 PM, أبوبكر يوسف إبراهيم
- كيف صار الرئيس البشير وسيطاً يتهافت عليه المعجبون المتعشمون ؟ بقلم ثروت قاسم 08-06-15, 02:04 PM, ثروت قاسم
- سيد قطب وظلاله! بقلم محمد رفعت الدومي 08-06-15, 02:02 PM, محمد رفعت الدومي
- الفصل بين المنظمة والسلطة وفتح استحقاق فلسطيني بقلم نقولا ناصر* 08-06-15, 02:00 PM, نقولا ناصر
- يحكى ان ..... يحكى عنا.............!! بقلم توفيق الحاج 08-06-15, 01:59 PM, توفيق الحاج
|
|
  
|
|
|
|
فيصل الدابي المحامي
فيس بوك
تويتر
انستقرام
يوتيوب
بنتيريست