|
|
 عيدكم جا تانى ؟ بقلم اكرم محمد زكى
|
عيدكم جا تانى؟
على البلاد
شرف وصل
طيب كمان ما نحتفل؟
هو منو الفضل شان يحتفل
عمر البشير
ومعاهو كم مليون اسير
سجنك مليناهو وقفل
والباقى
بى بره انسطل
لاقى المخدر
بس اكيد
مالاقى حل
والكل معاكم بحتفل
بس انت اشر يابطل
كل البلاد تهتف تقول
هو شنو الحصل
الدنيا مالا عجاجا يلوى
وجوه فى نفوسنا الخلل
ثورة فساد
عمت وجات
كل المداين والحلل
والمهدى يا
يا الميرغنى
الله الغنى
من الخوازيق والعلل
وانا يالترابى
الدمى كابى
شهيد فطيس
كرشو انبهل
مليون يتيم
ينعل ابوك ياحرب ويا
سبب الحصل
يا خادع الناس بالكتاب
يا الله يا رب الكتاب
من لا ينام ولا يكل
ندعوك كتير
شعبا كبير
هون عليه
خطبا جلل
صايم سنين
ما طل فيها عليهو حق
لا بان نجم
لا هلال يهل
واحمد بلال
حجب المقال
من صوتو
اى حمار جفل
طبعا اكيد راح نحتفل
بالخمسه والعشرين سنه
من حكم فاسد . . متصل
من قهر دينى . . ودينى بقهر
وحالو ماشى زى العسل
دقنو الطويلة الاحلى حيله
وبت التابا
حجابا جابا
سفيرة فى اجعص محل
والمستنيرة
اريت حريرة
يجلدوها على عجل
طبعا مؤكد نحتفل
والشعب يا اولاد ال . . فساد
جسمو الرقيقون انتحل
مصيتو دمو قرشتو عضمو
طعم رائع
بس كمان صحنك كمل
الحس عليهو حبة عسل
مليار اراضى . . وامشى غادى
كتل الباقى الفضل
فالارض حبلى بالغضب
لابد . . وجب
وبعدين اكيد
راح نحتفل
اللهم ارحمنا اجمعين
رمضان كريم
اكرم محمد زكى
|
|
 
|
|
|
|
اكرم محمد زكى
فيس بوك
تويتر
انستقرام
يوتيوب
بنتيريست