منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-21-2017, 08:45 AM الصفحة الرئيسية

اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

المتألقة داليا إلياس بين الصادق المهدي ومحمد عثمان الميرغني ؟ ثروت قاسم

11-21-2013, 05:07 AM

ثروت قاسم
<aثروت قاسم
تاريخ التسجيل: 10-26-2013
مجموع المشاركات: 99

للتواصل معنا

FaceBook
تويتر Twitter
YouTube


المتألقة داليا إلياس بين الصادق المهدي ومحمد عثمان الميرغني ؟ ثروت قاسم

    المتألقة داليا إلياس بين الصادق المهدي ومحمد عثمان الميرغني ؟
    ثروت قاسم

    Facebook.com/tharwat.gasim
    Tharwat20042004@yahoo.com

    1- وما أدراك ما داليا إلياس ؟

    أما داليا إلياس فهي القائلة :

    وشوف الناس الديمة تصلي وليها دقون

    وتسرق وتنهب وعادي تخون

    كانها يوم ما عايشة معانا

    وعاشقة السلطة عشق مجنون

    أعطني شعراً يعبر عن حقائق المأزق السوداني ، أصدق من هذه الكلمات .

    مساء الأربعاء 13 نوفمبر 2013 ، دشن السيد الإمام ديوان ( متأسفة ) للشاعرة الفحل داليا إلياس.

    وشهد السيد الإمام لداليا أنها استخدمت العامية السودانية في ديوانها ببلاغة. فالبلاغة لدى بعض الناس هي الالتزام بقيود علم البلاغة ، ولكن في جوهرها هي النص الذي يحسن التعبير عن المعنى المراد ، أو كما قال الذي عنده علم من الكتاب .

    السيد الإمام يقرأ دواوين الشعر للشعراء الشباب ويقدمها للناس في المنتديات الشعرية ، ناقداً وشارحاً ومشجعاً وداعماً . أعطني سياسياً واحداً في هذه البلاد الحدادي وكانت مدادي يتعامل مع الشعر ويقرضه ويسوقه للناس ليوقظ أحاسيسهم ويبعث فيهم الأمل لغد مشرق في هذا البلد الجميل .

    السيد الإمام يجاهد بالشعر والنثر والفعل ليخرج الناس من حيرة صديقه الشاعر العبقري عالم عباس ، الذي تسآل يوماً :

    هل التي تعممت أرجلنا

    أم رؤوسنا اتخذت أحذية

    القميص ما نلبس أم كفن؟

    وطن..وطن. كان لنا وطن !

    نتمنى أن نعيش لنرى السيد محمد عثمان الميرغني يقدم شاعرة شابة سودانية ويدشن ديوانها الشعري .

    في هذا السياق ، وفي يوم الاربعاء13 نوفمبر 2013 ( اليوم الوطني للرياضة للجميع ) فاز السيد الأمام وزميله في الماتش بكأس بطولة التنس ( زوجي رواد ) في الجمهورية . وبعدها فاز بكاس لعبة البولو في الجمهورية .

    لم يمنع تقدم العمر السيد الإمام من الفوز بكاسات مختلف فعاليات الرياضة البدنية ، التي تحتاج الى مجهود بدني قد لا يتأتي لرجل في عمره . إذن ما الذي يمنع السيد الإمام من رئاسة كيان الأنصار وحزب الأمة بالإنتخاب الحر المباشر وهما تحتاجان لمجهود فكري يملك السيد الإمام منه خزانات لا ينضب سيلها
    الدافق .

    أعطني سياسياً واحداً في العالم قاطبة يملك على هذه الخاصيات المتفردة ؟ نتمنى على السيد محمد عثمان الميرغني أن يحذو حذو السيد الإمام ، ويكون خير قدوة للشباب في مجال الرياضة البدنية ، وأهميتها في تكوين المواطن السوي .

    السيد الإمام ؟ كفر وفكر .

    أتلوم ، يا هذا ، الأيقونة مريم وهي تبخر حبيبها مرددة قوله تعالي :

    اعوذ برب الفلق ... ومن شر حاسد إذا حسد ؟

    والآية 53 في سورة فصلت :

    ونريهم آياتنا في الأفاق وفي ( أنفسهم ) حتي يتبين لهم إنه الحق ؟


    11 - السيد الإمام .

    أستعرض كثير من الكتاب سيرة ومسيرة السيد الإمام ، وعقد بعضهم مقارنات بينه وبين السيد محمد عثمان الميرغني ، مرشد الطريقة الختمية .

    يمكن الأشارة إلى بعض هؤلاء الكتاب : مصطفى الفقي ( مصري ) ، حسن نافعة ( مصري ) ، فتحي الضو ، محمد الشريف سليمان ، عبدالعزيز خالد ، وصديق محيسي ، من بين آخرين .

    + تسآل الأستاذ فتحي الضو ( السبت 9 نوفمبر 2013 ) :

    في تقديري أن الذين ينظرون لتقاعس السيدين بعين الريبة والشك يهدرون وقتاً ثميناً ويضيعون جهداً مقدراً، فمنذ متى كان السيدان في طليعة انتفاضة شعبية؟

    نقول للأستاذ فتحي إن السيد الإمام كان في طليعة أنتفاضة شعبية في 21 أكتوبر 1964 ، وفي طليعة إنتفاضة شعبية ثانية في أبريل 1985 ، بل كتب بخط يده مانفستو ثورة أكتوبر وميثاق إنتفاضة أبريل . وكتب ميثاق ( النظام الجديد ) الذي سوف يحل محل نظام الإنقاذ ؛ وتمثل مسودة الميثاق الوثيقة المرجعية لهايدلبرج 2( المؤتمر القومي الدستوري الجامع ) .

    نتمنى ان لا نبخس الأبطال الوطنيين أشياءهم ، وأن لا نفتئت بالإتهامات الظالمة والباطلة والعشوائية على عطاء وتضحيات أبي الثوار الذي خطط السفاح نميري لإغتيال 8 من أطفاله ( أول أبريل 1972 ) ، وأسالوا رندة الصادق لو مكضبيني . ثم كيف جاز الاستاذ فتحي لنفسه أن يجمع بين متدابرين في العمل الوطني :

    بين مشارك في النظام ومعارض له ، بين من شارك في قتل شهداء سبتمبر ( أكثر من 250 ومنهم أطفال في مرحلة الأساس ) ، ومن يُطالب بالقصاص لهم ؛ بين من يعمل ، ومن لا يعمل ويؤذيه أن يعمل الآخرون ؛ بين من يكتب و ( ينضم ) ويعقد الندوات والحوارات ، وبين من لا يدخل يده إلا في الفتات الباردة وهو كظيم ؟

    هذا ظلم بائن بل جريمة لا تُغتفر في حق بطل وطني قاد صلاة الجماعة على جثمان القرشي العظيم ، وقدم أبناءه وبناته يحملون السلاح ويحاربون في جيش الأمة نظام الإنقاذ 4 سنوات حسوما ؟

    أين كان الأستاذ فتحي عندما تركت الأيقونة مريم الصادق بنتها الرضيع وزوجها لمدة 4 سنوات قضتها حاملة السلاح في كراكير إريتريا تحارب نظام الإنقاذ بالفعل وليس بالنضمي ؟

    أم لعل البقر قد تشابه على أعين الأستاذ فتحي ؟


    + في مقاله ( هدير السودان والصواعق السياسية : السيد محمد عثمان الميرغني ) في صحيفة سودانايل يوم الخميس 7 نوفمبر 2013 ، شن الدكتور العلامة محمد الشريف سليمان هجوماً شديداً على زعماء الاحزاب الطائفية ( الصادق المهدي ، ومحمد عثمان الميرغني ) الذين يدعون احتكار الحقيقة ، ويضعون عصمتهم فوق أي حق ، ولا يبقى في حياتهم أو قيمهم أية فسحة للآخرين .

    ولكن هل حزب الأمة حزب طائفي ؟ وهو الحزب الذي قال مكتبه السياسي ( لا ) كبيرة للسيد الإمام في عدة مواقف !

    وهل يحتكر السيد الإمام الحقيقة ، ويضع عصمته فوق كل حق ؟ وهو المجتهد الذي يمرر المسودة الأولى لخطبه ومقالاته واوراقه العلمية والفقهية لزملائه في المكتب السياسي وهيئة شئون الأنصار للمراجعة والتعليق والتحسين ، قبل أن يعلن النسخة النهائية للناس . هل هذه تصرفات من يحتكر الحقيقة ؟
    هاتوا برهانكم إن كنتم صادقين .

    نورد أدناه مقتطفات نصية ( بدون زيادة أو نقصان ) من مقالة الدكتور العلامة محمد الشريف سليمان :

    + لابد من الإنصاف لعائلة المهدي بان السيد الصادق أتى لرئاسة حزب الامة بإنتخاب ، وإن عائلة المهدي تعرف الشارع السوداني ، عكس عائلة السيد علي الميرغني ، التي لم تحتك يوما مع الجماهير ، ولم يعيشوا الآمهم ومعاناتهم ، لان مراحل تعليمهم اختصرت على مدرسة ( الاشراف والمدارس النموذجية الخاصة ) داخل دار ابو جلابية ، ثم الخارج .

    + منذ عام 1986 وحتى اليوم يتربع المرشد على عرش رئاسة الحزب الاتحادي الديمقراطي بدون أي انتخابات .
    + هبت جماهير الشعب السوداني في انتفاضة هادرة في نهاية شهر سبتمبر المنصرم ... وشكل محمد عثمان الميرغني لجنة لفض الشراكة مع المؤتمر الوطني ، ولكن سافر في اليوم التالي الى عاصمة الضباب ( لندن ) . ثم جاءت الطامة الكبرى بنقض قرار اللجنة الموصية بالخروج فورا من جميع مناصب حكومة الديكتاتورية العسكرية . نعم ، اعلن سيد الحزب بتمسكه والتزامه بجميع الاتفاقيات الموقعة مع المؤتمر الوطني وهاتف البشير مؤكدا تأييده الكامل لسياسته في قمع الانتفاضة.


    + وعند انقلاب العقيد جعفر النميري على الشرعية الديمقراطية في 25 مايو 1969 ، سارع محمد عثمان الميرغني بالتخلي عن قيادات الحزب الوطني الاتحادي ( يموت رئيس مجلس السيادة اسماعيل الازهري في سجن النميري صبيحة السادس من اغسطس 1969 ، والشريف حسين الهندي يكافح في الخارج ضد الديكتاتورية العسكرية حتى موته عام 1982) ، ولم يكتفي مولانا بتأييد الانقلاب ، بل شارك بوزراء في الحكم ، اضافة لتعيين شقيقه المرحوم احمد الميرغني عضوا في المكتب السياسي للاتحاد الاشتراكي .

    أنتهى الإقتباس من مقالة الدكتور محمدالشريف سليمان .

    + في يوم الخميس 7 نوفمبر 2013 ، طالب رئيس حزب التحالف الوطني السوداني سعادة العميد ( م ) عبد العزيز خالد كلا من السيد الإمام والسيد محمد عثمان الميرغني ودكتور حسن الترابي بالتقاعد السياسي الأختياري ، لكبر سن كل منهم .

    بعض الأسئلة التي تتوسل أجوبة :

    + هل المعيار السن أم العطاء ؟ هل منعت السن السيد الإمام من حصد الجوائز ( وقش ) كاسات الجمهورية في الألعاب الرياضية من تنس وبولو وما رحم ربك ؟

    + هؤلاء الثلاثة زعماء وفيهم سعادة العميد ، من منهم كتب مانفستو ثورة أكتوبر 1964 وميثاق إنتفاضة أبريل 1985 ؟ من منهم يحاوره كل يوم من أيام الأسبوع السبعة صحفي سوداني أو أجنبي ؟
    + ومن هؤلاء الثلاثة زعماء ، من منهم بنى مبدأه ومرجعيته الأخلاقية على مقولة ( إلى القصر رئيساً وإلى السجن حبيساً ) في أكبر كذبة على الشعب السوداني في القرن العشرين ؟
    + ومن هؤلاء الثلاثة زعماء ، من منهم شارك في نظام الإنقاذ وقتل أكثر من 250 شهيد ، وجرح أكثر من الف ، وإعتقل أكثر من الفين في مظاهرات سبتمبر 2013، ومن الشهداء والجرحى والمعتقلين تلاميذ أطفال في مرحلة الأساس ؟
    وهل من العدل والإنصاف جمع المنقة مع العُشر في سلة واحدة ؟

    + أما الأستاذ صديق محيسي فهو كاتب محترم ، ختمي الجذور ، وقد عرف السيد الإمام وكذلك السيد محمد عثمان الميرغني معرفة لصيقة لأكثر من 50 عاماً . ولن تجد مثل خبير لينورك ويفقهك في أمر السيدين .
    في مقالة له منشورة في 28 نوفمبر 2011 ، كتب صديق محيسي :

    الفرق بين السيد الصادق المهدي , والسيد محمد عثمان الميرغني ، هو إن الأول يفكر , ويؤلف الكتب , ويحاضر , ويشارك في المؤتمرات الإقليمية والدولية ، ويقدم الأوراق في شتى شئون السياسة , والفلسفة , والاقتصاد والفن , والثورات... والصادق المهدي كتاب مفتوح تستطيع قراءته سطرا سطرا, بينما الميرغني هو صندوق اسود ضائع في أعماق محيط متلاطم موجه, ويحتاج إلى مجهودات خارقة للعثور عليه أولا , ثم فك شفراته.
    الصادق المهدي كثير الكلام , والميرغني قليل الكلام بل شحيحه , لا لفكر عميق يضن به على الآخرين , ولكن لخصام متصل مع المعرفة والتحصيل ! وإذا فعل ذلك مرغما فأن السامع له لا يخرج منه بشيء مفيد , أو غير مفيد ؛ فهو يعطيك جملا وكلمات لا تحمل معان محددة , ويتخلل ذلك ضحكات مجللة قد يعقبها خروج متعمد عن الموضوع كله ... السيد الميرغني لا يرتاح أبدا لمثقفي الحزب الذين يريدون جعله حزب مؤسسات تشاع في داخله الديمقراطية والرأي والرأي الأخر ، ويبتعد بقدر الإمكان عن هذا النوع من الأعضاء لا يصالحهم ولا يعاديهم ، ويفضل إن تنطبق عليهم الآية الكريمة ( لا يموت فيها ولا يحي ) ! وجرى إبعاد عدد كبير منهم وبعضهم غيبه الموت متكفلا بمهمة كان سيقوم بها هو.

    من منكم سمع يوما إن الميرغني قد إلف كتابا , او قدم محاضرة , أو شارك في ندوة , أو كتب دراسة عن الحزب , او عن شيء ؟

    إنتهى الإقتباس من العبقري صديق محيسي .

    كيف يسوغ البعض لنفسه ، إذن ، المقارنة بين الزعيمين ؟

    يقول سبحانه وتعالى في الآية 76 في سورة النحل :

    وضرب الله مثلا رجلين ، أحدهما أبكم لا يقدر على شيء ، وهو كل على مولاه أينما يوجهه لا يأت بخير ، هل يستوي هو ومن يأمر بالعدل ، وهو على صراط مستقيم ؟

    ونشهد بأن السيد الإمام يأمر بالعدل ، وهو على صراط مستقيم . والله جعل لكم السمع والأبصار والأفئدة لعلكم تتفكرون .
    ما بين مولانا هارون ... رجل النفير وجماعة ( حفر الباطن ! )
    الدسو المحافير .... ولاية شمال كردفان تترنح ... (1)
    ... الأُبيض .... ياسر قطيه ...
    تنويه ... المقال ده طويل جداً جزءين فى جزء عشان دايرين نلحق المولد ... الزول النفسوا قصير يمتنع ..... ولا عذر لمن أنذر . ومرمى الله ... ما بترفع .
    وكان جيت ترفعوا ..... برميك . ومنذ أن خلق الله سبحانه وتعالى هذه الدنيا وأنبتنا فيها خلق معنا الخير والشر ، الإساءه والإحسان ، القبح والجمال ، الرجال والنساء وقس على ذلك . ومنذ أن خلق الله سبحانه وتعالى هذه الدنيا ونفخ كائناتها الروح وبدت تدب وتسعى فى الحياة الدنيا وضع الله لها منهجاً كونياً شاملاً ينظم شؤونها وما فرطنا فى الكتاب من شىء . ومن يعمل مثقال ذرةٍ خيراً يرى ومن يعمل مثقال ذرةٍ شراً يرى والحلال بينٌ والحرام كذلك وبينهما أمورٌ مشتبهات ! لذلك فقد يصادفك أحدهم فى هذه الفانيه وهو يرتكب كل الموبقات ومثقال شره يتضخم حتى ليغدوا مثل جبل أحد ، ثم فجأه يتوب هذا الرجل ويسلك درب الإستقامه ويعمل لله صالحاً يرضاه فيمحوا الله سبحانه وتعالى كل ذنوبه ويفوز فوزاً عظيما .
    يحدث هذا والأمر ليس بمستغرب وباب التوبة مفتوح الى ما قبل قيام الساعه بساعات وبالمقابل قد تصادف معكوس ذلك تماماً ... رجل يعمل عمل أهل الجنه ومن ثم ( يدقس ! ) ليدخل النار بالمزيكا ! وهذا هو الإنسان الذى خلقه الله ظلوماً جهولا .... وهذا هو ديدن الحياة ومشهدها .... والله لم يخلق كل الأشياء شراً ولا كلها أمناً وبرداً وسلاماً .... فقد خلق المولى عز وجل بعض الأشياء ونهى عنها وخلق الشجره وقال لا تقربوها وخلق الموت والحياة ليبلوكم إيكم أحسن عملا وكذلك أحل الله بعض الحرام وحرم عليكم بعض الحلال والطيبات .... ولهذا أيضاً وأنت تركب على ظهر سفينة الحياة وتمخر عباب لجة الدنيا متجهاً الى عالم البرزخ والشاطىء الأخر المقابل تمر بك صنوف وأصناف عديده من البشر ... فقد يصادفك واحد إبن ستين ###### ، دجال ومرتشى وحرامى عدييييييل كان نشال جيوب ولا بتاع لجان وفواتير ودى ما مشكله وكذلك قد تصادف بشر أخر وشو مجلد ... ( حلوه مُجلد دى يا التمارى ... قلته لى قدوره توريه وشو شنو عشان كده بترسلوا يكشكش الناس البقربوا من دوله ؟ أيوااااااااا ... ما وريتونا لكن ... دى ي التمارى راجع ليك ليها بمقال منفصل وشوت ضفارى لأنى يادوب خشيت الفيلم وعرفته توريه بكشكش فينى الأربعه وعشرين ساعه لشنو ... أمانه ما وقع راجل )
    المهم ... قلنا ممكن يلاقيك بشر وشو مجلد لا بخجل ولا بعرف الخجل ، وصولى إنتهازى كضاب وفى النجر لا يُشق له غبار وهمباتى درجه أولى .... بصلى صلاة شوفونى بدون وضوء وقشة عمك لعيونوا الصباح بلقى ليك وش زى الصنفور واقف قدامو !! .. (سمعته بالصنفور ي حنفى ؟ هههههههههه حنفى الونش وأجرك على الله ... قلته بيعه مش ؟ دى بيعه من بيع ي حنفى مش بيعه .... ناسك ديل ببيعوا ما بشتروا وبرضوا راجع للنويدى بتاعك ده ... النويدى الكاثوليكى الخاتى صورتوا أمس ) ... وكان ما عرفته الصنفور ي حنفى ي ونش إنته أسأل طبيق ! والى أن تلاقى طبيق وكن لقيتو أدينى شلوت ) أنا ياهو بسألك : ... حصل من الله خلقك وسواك وعدلك شفته ليك زول أسرع من الضوء ؟ ... كويس ، الزول الأسرع من الضوء ده ... ده زولك ده يا ونش ! زولك إبليس ... إبليس الأعظم ... على بالطلاق بدخل لعمك قبل الشمس !! ومش الجن قال لسيدنا سليمان لما قال داير عرش بلقيس سأتيك به قبل أن تقوم من مقامك ؟ ... خلاص زولك ده حفيد مباشر للجنى الأونطجى داك والغريبه بطبق فى نفس النقلات وعمك ساكت !! داير عرش بلقيس ... فى !
    داير لبن طير ... فى !
    داير جبل الداير إزيك ي جماع ... فى ! كلوا فى بس م تجيب زول تانى يشتغل ......
    دايرين الإستاد ده بكره يكون فُل ...
    : الله أكبر... لمن يدفق ي مولانا ! وعييييييييك ....
    دايرين اضخم حشد جماهيرى على مستوى السودان لا مسبوق ولا ملحوق .... ! الله أكبر يا مولانا من كل فجٍ عميق وعلى كل ضامريأتوك ...! وعييييييييييك !
    دايرين الدنيا دى كلها تسمع وتشوف ... لازم ترفعوا راسنا وراس جماهير شعبنا فى هذه الولايه المخرومه فوق وتحت الله يخرم سستمكم قولوا أميين ... الله أكبر ي مولانا الله يخرم بستمنا ذاتو بس يدك على الفكه ... وعييييييييك
    .... دايرين قناة الشروق وقناة الغروب وقناة الضحى ... فى !
    دايرين النيلين والنيل الأزرق ... جاتكم نيله منيله فى نيلتكم ... !
    الله أكبر وعشان كلامك الحلو ده نجيب ليك البحرين والنهرين والنيل الأزرق والأبيض ذاتو ... نجيبم سوا ومفرقات... كل نيل براو ... الأبيض أبيض والأزرق أزرق يا مولانا ... دى خليها علينا ( هههههههههه ) يطلق إبليس الأعظم ضحكته اللزجه المعهوده والتى تجمع ما بين البراءة والبلاهة والعواره والحقاره وهى بمثابة رصاصة الرحمه التى يقضى بها على للضحيه ... أخطر ضحكه فى التاريخ ودى الضحكه الشعللت حروب الرده وحرب داحس والغبراء وحرب البسوس بالإضافه لحرب الجنوب وحروب القرم ... الضحكه دى يا ونش دى الإتسببت فى كارثة دنشواى وإحتلال أبوزبد ... ومن قبل أحرقت أبوكرشولا .. لو جمعتك ( الظروف ) ... نعم الظروف ... الظروف الجايه من دكتور هتلر للعيديه ومتعودا .... دايماً .... لو جمعتك تلك الظروف فى جلسة جبنه حبشيه داخل أوكار النويدى الكاثولوكى فرع السجانه وضمك مجلس قطيعه مع ناس دخلنا النهر عشرةً وخرجنا تسعةً وكان يترأسها الشيخ مسليمه الكضاب وحنان بلو بلو !! وشغالين حش وحفر لنفير النهضه وبخططوا لتغطيس حجر مولانا عشان يجيبوا... أبوكم مين ؟ ( نميرى ) ... قايدكم مين ( نميرى ) سيدكم مين .. ( نميرى .. ! ) ... رفعاعكم مين !! ؟ ... عدم المؤاخذه يعنى قاصدين من يعلى ( مراتبكم ) ما من يعلى ( مراتبكم ديك ) ... فهمتونا غلط يا بشر نقصد يعلى ... يعلى ... يعلى شنو يا أب جيب .... ؟ المهم .... محبوكم مين ... ؟ ( نميرى ..! ) .... ( راجلكم مين !! ) .....( إششششششش ... إنقطع الإرسال ) ... على كل حال لو مشيت تستلم عيديتك الجايه من بتاعكم مين ده ... والمدفوعه كمقدم حفر ولاقيت إبليس الأعظم وسمعتوا أنفجر بدون مقدمات بالضحكه دى ... أركب الشارع وأطلق ساقيك للريح وحاول أن تغادر محيط الضحكه بسرعة الصوت وخلى أي حاجه وراك ... ليه ؟ لأنو لما الأعظم لما يفك الضحكه المسوسه دى يا بشر أفهم أنو ( كتمت !!) ... وبالعربى كده أعرف إنو كبير الأبالسه ... ( ن .... أم حلتكم !! ) ... !!
    ههههههههههه دى بتودى الأخره .... ، دى رصاصة الرحمه .... ي حنفى ... 0 ( كٌر عليكم ) ...
    إنتوا رحتوا فى الباي الباي ي حنفى ... بعد البتاعه دى فى كتاحه غريبه جايه حنفى ... وكر عليكم ي ود أمى ي حنفى ... إنتو لسه صغار ي حنفى ... إبليس غشاكم ي حنفى ... بقيتوا حنفيه ي حنفى ... المويه قاطعه من الحنفيه ي حنفى ... وأقعد لى مع الجماعة ديل لمن تتحنف لى ي حنفى ... !
    وخلى بالك .. فى حاجه تانيه مهمه ... حاجه أخطر من الضحكه زنة 900 طن تى إن تنى دى ... النظره ي حنفى .... لغة العيون يا حنيفه ... أنا ما بنوم ي حنيفه ! خلى بالك للنظر ي حنفى ... الدفاع بقى بالنظر ي حنفى هههههههههه ... لو كنته قاعد تتكلم تابع نظرات إبليس الأعظم بتلاحظ بسهوله وبالنظر إنها تلك الأعين الحجريه الصغيرة الصفراء تدور فى محجريها بعكس دوران عيون البشر !! وتابع سرعة الدوران بتلقاها ماشه زياده والسرعه بتزيد بمعدلات مضاعفه أعرف أنو اليربو بسخن ... بعد شويه حتحس بأنو الزول المهم القدامك ده بدأ يتغير وبين كل ميكرو ثانيه ومينى جيب بدى الأعظم كحله هنا أعرف أنو التربو فتح ... بعدا طوالى ببقى لون العيون أصفر غامق أغمض من بلوزة ميمى ! ( وين ي منقه ؟ ) ... هنا ي عمك تأكد نهائياً إنو الزول المهم الإنته قاعد تنجر ليهو ده كان بقى الوالى أو المعتمد أو سعاتو حافظ ... نعم سعاتو ح ح ذاتو .. حافظ حبابكو ( ما قلته حليت الحكومه ي مولانا ؟ ) ... طيب الزول ده مالسه مركب نمره صفرا وشغال بالترخيص القديم ؟ الكلام ده كيف ؟ ولا حلك ده حلال على سعاتوا ح . ح ... وحرام على عم أمى جدى خالد معروف ! ) رجع جدى ي مولانا وخلى الكيل بمكيالين الله بسألك ... المهم قلنا لما لون العيون يقلب أصفر غامض أغمض من بلوزة ميمى بكون البث والنقل المباشر بدا ... تتحول هنا عينا إبليس الأكبر لإستديو البث المباشر على الموجه القصيره FM 104 ( ود المأموم أداكم قروشكم ولا لسه ؟ ) ... تلقوها قدام يا سمى فإن موعدكم الجنه .... التردد أفقى والذبذبات رأسيه والنقل مباشر عبر القمر الصناعى الرهيب ( تحريشسات ) وأفهم طال عمرك إنو البث بقى موحد مع القنوات الأرضيه وإبليس هسى مذيع ربط على الهوا .... هنا ي عمك أقطع كلامك وقوم أتوكل شوف ليك شغله تانيه تنفعك لأنو الأعظم وبهذه الذبذبات الكهروضلاليه والفوتو فواتيريه ... والهبرو لجانيه قبييييل سلم عمك الشفره وسلموا الديكودر ودخل ليك فى موجتك وإتشوشت وإنته ي روح أمك لا فى العير ولا فى ( النفير ... قلتوا لى يا بتوع النويدى الكاثوليكى فريع السجانه يشيلوا قروش الفطور من طلبة الأساس لشنو ؟ ..... أيواااااااا ... من حنيتكم ورهافة أحساسكم مش ؟ يا سلاااااام ع الحنيه .... محتجين يا المؤلفه قلوبكم ؟ زعلانين يا العاملين عليها ... ؟ خلاص أسألوا مولانا بوريكم وكان رجال يا عيال أم زغده أمشوا قولوا الكلام ده لعمك هناك .... متجدين لى فى البنابر ولا قين الهوا ده وتضرو... فصاحتكم دى أمشوا سووها للزول أبومسدسات هناك كان رجال ... ) ... وإنته يا الشيخ مسليمه الكضاب بل راسك عشان تانى كان قال ليك قول طابور دى فى خشمك تقوم جارى ... ود أم زغده ... جيت من دار الريح سنة الجفاف والتصحر سايق ليك تلاته غنمايات وتيس يا تيس الله الأنطح هسى خالف رجل على رجل وبقيت تصنف فى الناس كمان مش ؟ نحنا أولاد قلبا يا مان و جاييك بالهبل خلى بالك طويل بس و90% عمك يناديك ... أكرب صلبك وما تبقى لي زول بنابر ساكت ود أم زغده .... ) ... نواصل ي حنفى ... وقلنا قبيل يا حنفى أنو إبليس الأكبر وصل لعمك رسالتو بالنظر وعمك فك الشفره وقرأ ( أعمل حيطه ... ) ... على جهاز المورس عمك يرسل .. ( تتيت تيت تواك كاك تيت .. عود ليل مدينه ... عُلم ... حول ... ) ... يرد إبليس الأعظم ( تتيت كاك كاك كوكوكو كاك ديك.... يعنى .. كضاب ساكت ... ما يخمك ي سعادتك بعد يمشى أنا بوريك الزول ده شنو ... حول ...تويك ويك .. رصيد ... !! ) ... يرد عمك بشىء من الدهشه ... ( كواك تيك كتاك ؟ ... يعنى رصيد شنو كمان ؟ ) ... الأعظم : ( كتتيت تكيت بكيت شموشين زان زون عاق لا زين ... سيس بيس إبليس ... الترجمه من لغة المورس للعربيه إضغط واحد .... يعنى إبليس معاي فى اللجنه وهبت القروش وشمو وأدم أبوعاقله محتجزنوا رهينه دايرين نحول ليهم رصيد زين عشان أريبا م بتتباع بسهوله ... حول ... بسرعه ) .... وإنته ي حنفى ي واد ي ونش إنته بقيت أتوس .... أطرش فى الزفه ... لذلك شتت ... ومرقتك بهنا تعال شوف ليك بنجر وبحفر ... على الطلاق الزول القاعد ده وهب إنو مولانا تانى لو عبرك ولا سلم عليك زى الناس ولا أداك تعريفه تف لى فى وشى ... لا حول ولا قوة إلا بالله العلى العظيم والله ما تقول مولانا مكدك ولا شارب برميل محايه ذاتو ... ده إبليس الأعظم يا عمك ولو مغالطنى شوف كم ماسوره مسكا لعمك من يوم 21/7/2013 م ؟ كم ماسوره ؟ هؤلاء الإبالسه بسوقوك من قولة تيت وقبل ما تفتح كويس ,,, سواقه على الطريقه الروسيه ي عمك ... أبنص لحام ولو فى التسعين يوم الأولى ما قدروا عملوا حاجه ودى خمسه وعشرين سنه ما حصلت ببدو يشغلوها ليك ... بدقوا ليك الكيته ... وبدل المداحين الأجانب البتلاته مليون يا مولانا بيجيبوا ليك حنان بلوبلو ... ولو لقوها محجوزه للشريف .. شريف نجيريا ... مبسوط منى فسميره دنيا ! سميره دنيا لو كل الدوائر مشغوله وتعاقداتها لراس السنه فى كم صاله كده بشوفوا ليك إيمان لندن .... قال لى مشيتى الصين .. يعنى نسميك إيمان جاينا ههههههههه هاك الترطيبه دى ... مره صين ومره لندن ومره جده معقوله ي عمك ... وده كلوا بقروش منو يا حبى ؟ على بالطلاق راجع لموضوع البتاع داك اللى إسمو درع الجفاف والجزيره القضيتو لينا كلوا سفر وعرس وحج وخج ده ... تكفروا عن ذنوبكم بقروشنا كمان مش ؟ تسفوا قروشنا سف وتلهطوا من طرف ولا بترحموا لا بتخلوا رحمة الله تنزل وبعد شويه لما تتوازى الثروه مع الذنوب الواحد فيكم يركب مع خلق الله الصف فى الكعبه وبكل جرأه يردد مع الحجاج لبيك اللهم لبيك !! لبيك مين واللهم مين يا عيال أم زغده ... إنتو قايلين الله ده بتاع المراجعه الداخليه المعاكم ولا شغال مراجع عام فى ولاية ش ك م مظلله 69 ! أيه الأونطه والكلام الفارغ البيحصل فى البلد دى ي مرسى ؟ أقصد ي حنفى ؟ مش البيه حنفى برضو ... ولا أنا غلطان ؟ طب لما إنته حنفى ي عمى وخاتى ليك دبابير قدر دى فى كتفك ومتقشط بالميرى المموه ده أربعه وعشرين ساعه مقضيها لينا بين القبه ونص السوق وفندق زنوبيا ( شفناك فى الصفوف الأماميه فى أبوزبد ... الله أكبر ... تكبير ... ) لما إنته حنفى كده هو ليه بتخلى الملكيه ديل ينفجطوا فى البلد ؟ هى م عنداش أصحاب ولا أيه ي حنفى ؟ وكيف يفتى الأبالسه ومالك فى المدينه !! هههههههه ما مالك إنته يازول قول بسم الله ... لكن ذكرتنى مع أنو مولانا قال ما يكشكشوكم ليهو فى اليومين ديل عشان ما يجفلوكم لكن داير أذكرك إنو البتاع بتاعكم إنته وصحبى داك مدتوا منتهيه ... أأأأي ... منتهيه ي زول ليها أكتر من أربعه سنه ؟ أنا قلته أذكركم عشان خايف ليكم من جماعة أبا يزيد ناس المواصفات وجيب أضانك ... ( البتاع داك ... الكابلى يا مان عشان غندره ما ينقش الشغله ... الكابلى الحلو داك مايبوظ من كتر الدس أقصد التخزين .... جددوا الرخصه والإستيكر فى العبوات 8 كيلوا .... معقول وزن الكيس يكون 2 كيلوا ؟ غايتو ده إلا كان كيس الصايم ) ... والمهله إسبوع يا سيدنا الإمام ... الأمام مالك ... ومسعول من الخير يا السيد الأمام ... إين ذهب ثالثة الأثافى ؟ أوعه تقول لى رجع ( الهيلتون ) ... الزول ده قريب ده ما جا من غوانتنامو . ؟ معقول إجازتو إنتهت بالسرعه دى ؟ ولا ..... متعودا ........ دايماً ..... ههههههه ، والله إنتو يا ناس إفتراق أصحاب الجمل وتالتكم الذى فزه بما حمل ... حيرتونا ... لكن نقول شنو ؟ ... ده خشمى عندى ) ... ولما أخلص من ناس ( حفر الباطن ديل ) وأوسدم ليك البارده إحتمال كبير جداً أمر عليكم بهناك الواحد يشرب معاكم الشاي على الأقل ... الشاي بتاعكم طاااااااااعم .... حلو وحلال ده ‘حنا إخوات ي عمى وعيب كده والله الواحد يغيب منكم المده القصيره دى ويجى يلقاكم صتوا الوطه .. ! إنتو فى الحقيقه وزعتوها وإبليس شال 576 متر إنشا الله 576 سنه سجن ي عيال أم زغده قولوا أأمين ... إنتهى الجزء الأول وباقى 575 متر أقصد جزء .... فعلى قدر الشوق يا كحيل رشا بنكتب يكتب أوزاركم .
    يتبع ............. yasserdayeen@yahoo.com
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to bakriabubakr@cox.net

© 2014 SudaneseOnline.com

Software Version 1.3.0 © 2N-com.de