نعم ماعارفين حاجة لان القبلية هي التي تتكلم الان!!!! بقلم عبدالباقي شحتو

مرحبا Guest
اخر زيارك لك: 03-19-2024, 12:18 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-21-2015, 06:19 PM

عبد الباقي شحتو علي ازرق
<aعبد الباقي شحتو علي ازرق
تاريخ التسجيل: 10-31-2014
مجموع المشاركات: 27

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
نعم ماعارفين حاجة لان القبلية هي التي تتكلم الان!!!! بقلم عبدالباقي شحتو

    06:19 PM Sep, 21 2015
    سودانيز اون لاين
    عبد الباقي شحتو علي ازرق-
    مكتبتى فى سودانيزاونلاين





    اخي و صديقي و لد ابوي و صدقتي و بنت امي و بقية الحضور .. انا زول بتاع مراحات ساكت الفي قلبي في لساني , يعني لا امارس اكاديمياتي و لا مهني فهي متروكة لاكل العيش و هي تحمني من ان يرفدني المتسلق في غفلة الدهر الي سدة قيادة اي شيئ, اهل السودان قالوا مهنة في اليد امانة من الفقر , اضيف من القهر . احبائ بني وطني المكلوم , انا زول عادي و لما لم يكن في خشمي جراداي...اي جراده بقول الحقيقية , فالدكتور الفلاني القائد العلاني لا اعرفه عن قريب و لم اعايشه حتي احكم عليه , انا اقصد الكثيرين الذين انضموا للحركة والحركات بعد السلام , وفي عينهم المنصب و الجاه و البرستيج , هل تصدقوا ان في ناس كنت اقابلهم في المقرن اي مكتب الحركة و بقول ليك انا شغال في الحركة و الراتب و الله كويس و الحمد لله , اخي انا عندي ناس بالاسم يعرفهم الكثيرون , انضموا للعربية و المهية و القعد من البنيات و كده !!!! يا اخوي امثال هؤلاء لزموا الصمت بل كانوا ينقلون اي نقاش الي مجندهم وولي نعمتهم الذي يقول يلنا ياشحتو شنو حكاية امبارح !!! ؟؟؟نتبادل البسمات و النظرات و نمشي...يابني و طني ان موضوع القانون و الدستور ده انساه , انت في القبيلة الفلانية يعني انت في الحركة العلانية او في داخل الحركة انت في الفصيل الفلاني . اذا انت ليس لانك ثوري و مؤهل لكي تصل الي المكانة الفلانية , المعيار اضحي حسب قبيلتك و جهتك او القشر بيك و حسب مزاج البنجات , نحن كنا بنقول اصلحوا الحال منذ الثمانينات حتي مع اصدقائنا الاثيوبين, مثال الكولونيل ابرراا و زراهون ,و كان الرد علي الدوام من قادة احترمهم حتي الان ....يارفيق نحن في حالة حرب الان !!!!....نحن في حالت الحرب !!!...و الان خلاص الفاس وقع في الراس و للاسف في بعض المتسلقين النفعين تواروي و ابتعدوا , او ادعوا ان باسويرداتهم اتهكرت !!!!! شفت كيف عندك مصلحة تسكت و تتسلق هذه هي ازمة المثقف, لايهمك اذا في نظام و لايحزنزن ما تغشوا انفسكم و تضللوا الشعب اكثر من كدا , و الله الناس بقت ما بتتكلكم اذا اذا السوط لحقها , اتروكوا استراتيجية جحا دي التي صنعت الدكتاتور الثوري .ليس شماته و الله لكن الحسنة الوحيدة العدوء لن يتركهم يتهنوا بازاحت رفاقهم, تدخل الخركوم يجردك و يهينك .و الفي خشموه جراداي ما بعضي , و ام فكو مابداوس!!!
    انا اقدر خوف الرفيق الزمان!! ياسر عرمان علي مصيره و حشده اصدقائه من قبيلة اليسار او سواقط بعض الاحزاب اليسارية, الذين وجدوا ضالتهم في الحركة برضوا من اجل شوية برستيج و اغاظة لمن رفدهم من الاحزاب او تجاهلهم , برضوا دي الشلة القبيلة اي القبلية الجديدة تجمعها المصالح و غريزة البقاء, نعم ليهو حق وهكذا مصير كثيرين عندما , واجهاهم العنصرية و القبلية في داخل تنظيماتهم ..فاذا ماعندك داخل الجسم المسمي ثوري , قبيلة وحاصرتك العنصرية ماذا تفعل ؟؟ هذا بسبب غياب الدستور النظام الداخلي و لوائحه ,اذا ليس لك مجال الا ان تصنع ليك قبيلة او درقة و كتار ناس درقت سيدوا!!!! اخوتي و اخواتي انا اتداخل هنا و هناك في الفضاءات الاسفيرية و يهمني فقط ,اكرر يهمني فقط ماحدث لرفاقي المرفودين من حركة ثورية !!!و داير اشوف رائ المثقف شنو؟؟؟ هل قراء, او سمع ان حركة ثورية بتحيل ضباطها للمعاش؟؟؟؟
    و الله !!! و للاسف انا صديقهم و كنت علي اطلاع كيف انضممنا الي الحركة في الثمانينات يعني كمريد او كومر قديم موديل الثمانينيات ,,,و لو بتذكروا يا رفاق كنت الوحيد الذي يقول يعيش جون قرنق في اركان نقاش جامعة القاهرة الفرع زمن نميري يعني المي حار مالعب قعونج .و انا مؤسس للمؤتمر الوطني الافريقي جناح الحركة بالجامعة .و اشكر عرمان لانه خصني بقراءة بيان انضمامه للحركة و نحن اتخذنا من ظل اشلاق السجون مكانا امنا و بعدها شرفنا بالانضمام مناضلا حقيقي وفماذا دهاك يارفيق؟؟؟؟..و اذكر بعدها سافر القائد ياسر ,ولد البطل جعفر و تبعه الحبوب و اخرين و كانت معناة و مخاطر ..هؤلاء الرفاق, و استمر الرجال في السفر و كنا احد حلقات التجنيد برغم المهاك و الاخطار بدزن مهية ولا برستيج فقط نريد و الي الان الانعتاق و التحرر من اي متسلط . الرفقا كانو متبرعين لازالت التهميش مننا نحن ناس الهامش الحقيقي ,اذا جاز التعبير يعني مش شغالين او عاملين بمهية ...بسم الله ياناس يا هوي , جيش تحرير ثوري ما بمهية ,لكن للاسف الان يصعد انصار سنة دباب اي محاربنا 20 سنة الي مفاصل القرار عشان القبيلة و ليس ايمانا بالمبادئ الثورة و في نفس الوقت يحال و يقال للمعاش ثوري قضي زهرة شبابه للثورة .مثال حي الرفيق ياسر جعفر ..و اذكر جيدا شجاعة امه التي كانت تودعه باغنية ..اغلي للؤلة غضة جلبت لجيش التحرير ..دي ام جلابية عديل كده!!! ...بالمقيايس العادية في تفكيرنا الجمعي لكنها امنا و ثورية للنخاع .....ياخي فترنا و احد يتخلي عن غرفته لقائد حردان , يكافئ بوظيفة فياتي و يتطاول علي الثورا و يقول انتو ماعرفين جاجة ..بتتكلموا من منازلكم ياخي انا مواطن ساكت عندي حق النقض و صدقني انا امتلك ادلة للخيانة لكن كلوا في وقته ..!!! نعم ماعرافين حاجة لان مافي دستور ولاقانون يحاسب المتفلتين و لانتهازين و كساري التلج وقاتلي جون قرنق ...نعم ماعارفين حاجة لان القبلية هي التي تتكلم الان !! نعم لان الزمان تغير و نحن لايضرنا سننكفئ الي اهلنا تعال قلعنا !!!!! العن ابو النفاق....سؤال اخير و بي خجل للذي وصلنا اليه ..( !هل اذا انضم زول ليس من القبائل المتحكمة في الحركة الفلانية ان يصل بمؤهله و نضاله الي القيادة ).؟؟؟؟؟؟
    الشعب السوداني ما ح ينخدع ابدا.......لانه يتعلم دوما بالطريقية الصعبة ....لا ينتظر منظرين و لا محرضين بالحرب و الهلاك لكي يصعد الانتهازي .و هو الان عرف ما معني دين الجبهة الاسلاربوية ....و عرف كيف يحللون اغتصاب حرائره في دارفور برغم حفظهن كتاب الله ....عرف انتم سرقتو بترول الجنوب و فتنتوا اهله ...الشعب عرف انكم لادين لكم لذي ترككم الشهيد خليل ابراهيم بعد ان تعرف هو بنفسه انكم تاجرتم بالدين و انتم عنصريون و مزقتم النسيج الاجتماعي بين اهل النيل و غرب السودان حتي داخل منظومتك الاسلا حرامية .....الشعب من لايثق في الجميع لامعارضة و لاحكومة ...الشعب يعرف المتاجرين بالاسلام و المتاجرين بالتهميش و المهمشين ...هذا هو الدرس الاول الدرس الثاني, اي زول يعتقد ان الشعب معه احسن يعيد حساباته ..فهبت سبتمبر قام بها اهلها بالداخل بدون وصياية .....مثلها و مثل ابريل .....اكيد هنا من يدعي اليد العليا في الانطفاضة , لكن الايام القادمة ستحشرهم جميعا في جحر ضب ...و للحقيقية و التاريخ عدا القائد عبدالواحد مافي زول يشارك في قرار تحرك جماهيره و معجبيه في الداخل ...وقد قمت بالفحص و التدقيق في الداخل خلال الثلاثه سنوات السابقة في زياراتي للداخل التي كانت متكررة كل 3 شهور.. في السنة ...فبرغم كبر عدد محبي الحركة الشعبية الا اننا جزر معزوله ...و مزقها الانتهازين و المتسلقين بعد نيفاشا و الامنجية العنصرين الذين التحقوا بها بعد موت القائد ..اما بقية المجموعات الثورية الاخري برغم ثوريتها الا انها عبارة عن حماس قبلي شقته الحكومة بالمناصب و الاموال ..ز التفاقيات الوهمية ..فهلا عدلنا من حالنا , الان و لابد للجبهة الثورية و تحالف كاودا ان يسترد ثقة الشعوب.
    هل اصلحنا الحال الان و غيرنا في القيادات للثورية و غيرها و لماذا لا نندمج في جسم و احد و خلفه كل الجماهير ....الان كل شيئ بقي و اضح ماداير درس عصر..و الله ما اضعف هذه الحكومة , انها قوية لاننا اضعف و اوهن من خيط العنبوت و لا و الله بل هو اقوي ازا حزم و جمع مع بعضه البعض , ودرس الاخير يا رفاقي في المعارضة الشعب داير بيان بالعمل لاوعود و لاسرقة مجهوده و لامتاجرة بمعاناته...الشعب داير يشوفنا نحن نمارس الديمقراطية و العدالة و تتطبيق كل ما ندعيه داخل منظوماتنا الثورية ...هذا لا يقلل من الجهد الذي تقوم به قواتنا الثورية المسلحة ...لكن دايرين ان ينعكس دستورنا و مبادئنا في سلوكنا اليومي و خطابنا الاعلامي و جلساتنا الخاصة
    الشعب ده عنيد ....وقوي و ماهو هوين بس بالوا طويييييل



    عبدالباقي شحتو \ زيورخ

    أحدث المقالات


  • قضية الكنيسة الإنجيلية المشيخية بالسودان:الفصل الأخير(1/2) يطرحها حيدر احمد خيرالله 09-21-15, 06:54 AM, حيدر احمد خيرالله
  • الإخوان .. والعربات بقلم د. عمر القراي 09-21-15, 06:52 AM, عمر القراي
  • ربيع عبد الخالق محجوب الثامن والثمانين: وليشهد عذابه طائفة من النميريين بقلم عبد الله علي إبراهيم 09-21-15, 03:03 AM, عبدالله علي إبراهيم
  • السلام لنا ولسوانا بقلم نورالدين مدني 09-21-15, 00:52 AM, نور الدين مدني
  • الشاعر أليكسندر راداشكيفتش Alexander RADACHKEVITCH ! بقلم د.الهادي عجب الدور 09-21-15, 00:50 AM, الهادى عجب الدور























                  


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de