الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-09-2016, 07:48 AM الصفحة الرئيسية

اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

تفاصيل أمرقبض ( سرى !!) الأُبيض ... ياسر قطيه

12-05-2013, 06:04 AM

ياسر قطيه
<aياسر قطيه
تاريخ التسجيل: 10-26-2013
مجموع المشاركات: 170

للتواصل معنا

FaceBook
تويتر Twitter
YouTube

كيف احذف مداخلة من بوستى

مكتبة الفساد

من اقوالهم
(مكتبة مفتوحة للتحديث)
للتواصل معنا
FaceBook
تويتر Twitter
YouTube
Google Plus
تفاصيل أمرقبض ( سرى !!) الأُبيض ... ياسر قطيه

    تفاصيل أمرقبض ( سرى !!)
    الأُبيض ... ياسر قطيه .
    *( ... أعطنى إعلام بلا ضمير .... أعطيك شعباً بلا وعى ) ..................................... جوزيف جوبلز وزير أعلام النازيه .
    وجوبلز ( إعلام الولايه ! ) .... إبليس الأعظم إعلامى بلا ضمير . وبلا وعى وبلا ... شعب ( ذاتو!!) .... يمتطى جوبلز إعلام الولايه هذا ( سرجين ) .
    الأول محطه إذاعيه تبث على الموجه ( حوِل ! ) برامجها الأساسيه والمفضله مدفوعة البث مقدماً هى الوالى قام الوالى قعد الوالى ( أكل !) والوالى شرب ، الوالى رقد !!
    والثانى تلفزيون ولائى ... ( شغال بحبل !) ( أي والله حبل ... حبل عديل كده زي ولادة العصر الحجرى ) وهذا التلفزيون ( الدلو ) وفى عصر الموجه الثالثه والفضاء الرقمى لا تتعدى مساحة بثه واحد كيلو متر مربع تنتهى وفى أحسن الأحوال بمحاذاة بنابر حاجه حليمه تلك التى يدمن على الجلوس فيها تيس الله الأنطح بتاع الحزب الحاكم فى ولاية شمال كردفان المنهوبه سيدنا المقدوم مسيلم الكضاب ! والإثنان ... الإذاعه الطرشاء والتلفزيون أبو حبل كون منهم جوبلز إعلان الولايه جسم هلامى فضفاض أسماه الهيئه الولائيه للإذاعه والتلفزيون إقتطع لهذا الجسم الغريب ذو الإسم الرنان ميزانيه مقدره و( عش هادئ ) منزوى أطلق عليه إسم المكتب أو ( المخدع ) الرئيسى لمدير عام الهيئه الولائيه للإذاعه الطرشاء والتلفزيون أبو حبل !
    قد تنتابك الحيره وقد تتساءل والحال هكذا طيب جوبلز إعلام الولايه ده مدير عام على شنو ولا على منو ي حسره ؟ ... انت تتساءل أليس كذلك ؟ .... حسناً ونحن نجيب ... مدير عام على مافيش طال عمرك ! أي نعم مدير عام على مافيش لسبب بسيط جداً مفاده إن هذا الزول مدير عام ساكت لأنو لا فى مدير إذاعه ولا فى مدير تلفزيون فى الهيكل ولا حتن جاي !! وعشان ما تنخلط يا عمك وتانى تسألنى ( كيف الكلام ده ) ؟ انا أرميها ليك بُب ... يعنى صم لم .... إتضح أنوهيكل ذاتو مافى !! .... أمنته ؟ الهيكل يا بشر لحق خط هيثروا وعلى بالطلاق يا السودانيين دى تستاهلوا فيها جائزة نوبل للهبر .... عيال أم زغده . وعلى ضوء ذلك ووفقاً لهذه الحقائق التى إنجلت وتجلت وهى تفوق الخيال نكون قد حصدنا ثمار النتائج كالأتى : معالى الأخ محمد توم الرجل الذى كان قيد الإيقاف بتعليمات مباشره من جوبلز إعلام الولايه بصفته ( مديراً للإذاعه ولسبب أنه قد ( شغل ) ( بت ) ساكت بدون الرجوع لسيدنا إبليس الأعظم طلع لا مدير ولا خفير ولا هم يحزنون ... مدير شنو خفير شنو وهيكل مافى ! وإتضح كذلك إن عبقرية إبليس الأعظم تتجاوز عبقرية العقاد ! وبدل محمد توم المدير المامدير يشغل البت ... إتضح أنو إبليس الأعظم ( مشغله لمحمد توم المسكين ده من سنة دو !! ) ومن سنة دو لماذا لأنو ايضاً وببساطه إتضح للجنة الهيكل إنو الهيكل ده مافى بأثر رجعى غير معلوم .... وفى هذه يستحق جوبلز إعلام الولاية وسام النازيه بجداره لانه قد أخفى الهيكل ! وهذا الإخفاء نجم عن خطه عبقريه مذهله إستقاها جوبلز إعلام الولايه من بروتوكولات بنى صهيون ! إيهود إلمرت وبنجامين نتنياهوالمولود فى الشماليه مسقط رأس إبليس الأعظم يؤشر لصلة قرابه لصيقه لم يكشف النقاب عنها أحد حتى الأن وهذا الدور هو الدور المرتجى والمنتظر أن يقوم به الإستاذ ( خالد الشيخ حاج محمود ) الأديب الأريب والكاتب الصحفى المعروف المتخصص فى التراث والتاريخ والأدب الشعبى . وثمة رابط مابين هيكل الهيئه الولائيه للإذاعه والتلفزيون أبو حبل وما بين الحفريات التى يقوم بها الصهاينه أسفل وفى محيط المسجد الأقصى تحت ذريعة البحث عن ( هيكل سليمان !! ) .... فمن الذى أخفى الهيكل يا ايها اللصوص ؟ من الذى سرق الهيكل ؟ من الذى هبر الهيكل الوظيفى لمتاعيس الهيئه الولائيه للإذاعه والتلفزيون أبو حبل ي عيال أم زغده . وما هو منطبق على معالى الأخ مدير الإذاعه الطرشاء الذى إتضح إنه مدير ساكت زيو زي ( دكتواره ) جنابو مالك عيسى يقع وقع الحافر على الحافر
    وينطبق بحذافيره على سيدنا عادل مدير تلفزيون ولاية ش ك أ ( 69 ) ! .... وللذين يقرأون بتطرف يلزمنا التوضيح حول ما أقحمناه فى الأعلى ومايتعلق بجنابو مالك .... فجنابوا مالك عيسى ومع إنه كان مدير عام وزارة الثقافه والإعلام المهيكله والمستوفيه شروط المنافسه والعطاءات وفتح المظاريف بخصوص بيع العربه الغلبت الوزاره دى وهى من نوع تايوتا دبل كابين ( ش ك أ 101 !!) دكتور مالك من الناحيه دى لا غبار عليه فهو برتبة مدير عام مليان وهو أيضاً دكتور ، دكتور فعلاً لكن دكتور ساكت كمان !! يعنى ما دكتور بتاع حُقن ... مالك عيسى ده دكتور ساكت وقد غلبتنى الطريقه التى أصيغ بها العباره لمزيد من الشرح لذلك فمن سمع بنكتة الراحل المقيم العلامه ( الدكتور ) عبدالله الطيب مع الجنوبى فى الباخره يورى اخوانو . لأنو دكترة جنابو مالك زي دكترة عبد الله الطيب .... فعبدالله الطيب دكتور فى ( الأدب !) وجنابو مالك دكتور فى قلتوا !! ... يعنى فى ( قلة الأدب ....) ... مش ( قلة الأدب ديك يعنى قلة الأدب ... متعودا .......... دايماً ) لا لا ...... إنتو ناس تفكيركم دايماً بمشى للأسوأ قلة أدب ... أقصد دكتوراه جنابو مالك دكتوراه فى المكتبات والمكتبات لصيقة الصله بالأدب ولوجود نقص فى المراجع لغياب قدوره توريه بدعاوى الزواج حتعانوا معى فى شح كبير فى الشمارات خاصه أنباء ما بعد الظهيره لما موظفين وزارة الإعلام يمشوا ويخلوا الجو .... فالدكتوراه أصليه والله يا كمندان ولو فى أي زول غالطك أنا حاضر وجاهز للشهاده . طيب .... ديل دكاتره شئنا أم أبينا .... إنته يا سجم الرماد المِطحك عينيك ديل ... هويتك ؟ إنته شنو يا زول ؟ .... راكب ليك عربيه ش ك أ 69 مظلله وناطى ليك فى مكرفونات وبنابر وإلا كن ما شفته ليك مسؤول حكومى كبير ولائى على مضض ولا إتحادى متوهط فى الصف الأمامى ... قبضتك للمكرفون دى تانى يحلها الجليل وينا دكتوراتك مع الناس ديل ؟ إين دكاكيرك يا أيها الأعظم الذى أطاحت بعرشه ملكة جانسى ؟ بإي مشيئةٍ يا حوبلز تطيع بنا الولاة وتزدرينا بأي مشيئةٍ يا جوبلز نكون لغيلكم فيها قطينا ؟ .... أ أ ؟ ... رد يا إبليس الأعظم وكبير الأبالسه رد يرد رُقعك ؟ ثم ثانياً يا ايها الأعظم الزنديق .... ده شنو العملتوا فى نص إستاد الأبيض ده يوم زيارة السيد الرئيس ؟ .... هبته قروش اللجنه زُت ومليت لأركانحربك إبليس الأصلى ( تنكيوا فُل ) زي ملية مولانا لتنوكة فضل الله رابح وكمان داير تظهر قدام الرئيس إنك زول طيب وحنون وشهم لما جا تكريم عمنا ( سليمان دقق ) تنط من محلك يا كبير الأبالسه وتمسك عمك سليمان دقق من كتافينوا وتجى قايدوا ########ه للسيد الرئيس ؟!! مالو عمك سليمان دقق ؟ ما نصيح وفى أتم الصحه والعافيه وجاء من بيتوا ماشى برجلينوا ديل لما دخل الإستاد إنته كنته وين الوكت داك ؟ المسافه بين السيد الرئيس وعمنا الحاج سليمان دقق كانت أربعه خطوات فقط لا تزيد دى دايره ليها شيل ولا قلقيل ... ! ؟ إنته يازول إستهبالك ده ما داير تخلى ؟ ولو أصلوا شيل لشيل ما كان تشيل ( يسن جاد الرب ) أحسن ؟ ولا ياسين تقيل ي أونطجى ؟ والله يا أب رقبه إستنكاحك ده ما تسيبوا يلموا فيك ناس المحليه ( محلية إغتيالسان ديل ) يرسلوا ليك تلاته جمب الجامع الكبير داك شايلين مفك ومفتاح عجل يدقوك دق فى الدنيا دى ، على بالطلاق ما تخلى لبطك دى ولا تانى تتحاوم جمب المعتمد ولا تلحم سلكك مع الوالى طوالى كده تندق دقة ياسر قطيه ديك ود أم زغده .
    .... انا هين ودرب مرق .... حأجيب لعمك دوله فواتير مرضيه وتقارير طبيه على بالطلاق ما تقول لى فواتيرك مع إبليس ديك بتاعت الميه وخمسين مليون الرايحه ليوم الليله دى .... فواتير مضمونه عليها حوالى ميه وخمسين ختم وتذاكر سفر للصعلكه فى ألمانيا ... أقصد للعلاج فى ألمانيا . أردن شنو كمان المنتعالج فيهو أنا وصحبى معتصم ميرغنى ، الأردن دى بقت بتاعت ناس قريعتى راحت ديل لكن نحنا جيرمان يا مان زول داقه محليه كامله دايرنى أمشى الأردن ، هى الأردن لوفيها علاج كان الملك حسين مات ؟
    وعشان القضيه يا إبليس الأعظم ما تموت ليك فى يدك أتلحلح شويه كده وشوف ليك مرابحه جديده من بنك أم درمان الوطنى إنته بالضبط كده وعشان التلفزيون ينقل نفير النهضه كويس محتاج لترانس ميتر ... ترانس ميتر شنو يازول إنته محتج ليك عديل كده لمبلغ وقدره 126 مليون جنيه سودانى قديم . صحتك أهم لينا من الترانسميترات ديل اللا بياكلن ولا بشربن ولا بصومن ولا بصلن يا كافى البلا .... شيل القروش وأدى عمتى 20 وولى عهدك الأمين إبليس 33 وريح بالك وكن بقت على الدهى ده كمال حقنه قاعد ... ههههههههه !!
    حقنه ؟ حقنه ي راجل ما تخجل ؟ حقنه ولا حنه يا سعاتك ؟ خلاص ياخى شوف لينا دوستُميتر المره دى الدُستميترات ماشه هوا اليومين ديل فى البلد يبقى الحساب بقى كم يا أخوانا ؟ .... ها .... الساده هيئة المحلفين التابعه لمحكمة جنايات الفيس .... أدونا ششنه سريعه كده دايرين نلحق السوق ..
    نعم قلتوا كم ؟ .......... 150 مليون هبرة زيارة السيد الرئيس + كور الهلال الإتنين لمن جبتو طيش الدورى بهبتكم ده + لجنة تكريم مولانا جلال محمد عثمان 20 مليون + المؤتمر الرياضى 135 مليون جنيه سودانى .. + زيارة دكتور نافع لعوض الله ودى إختفت من الرادار .... جات عليها الطامه الكبرى زيارة مولانا دوسه وهى الهبره الأدسم والأخيره فى مضمار الهبت وبلغت جملة ما لُهط منها مبلغ وقدره 37 مليون جنيه سودانى قديم ..... ديل شردن
    أقرعوا الواقفات .... ففى الأنباء التى أذيعة عشية يوم أمس سينعقد الملتقى الدورى للإستثمار فى مدينة الأبيض خاضرة ولاية شمال كردفان ويستمر لمدة يومين برئاسة وزير الماليه الأتحادى أبو مصاصه ملك البيتزا الأستاذ على عواسه . وبحضور كل أمناء بيوت مال المسلمين من الولايات الأخرى وكالعاده ركب إبليس الأعظم على صدر الضيافه وتصدرت قائمته التى تضم ولى عهده الأمين إبليس الساكت وأكلوا لأنفسهم معمة ترأس اللجنه العليا للإستقبال وقروش الضيافه المارقه من هنا دى ما مشكله ماهى أصلاً مارقه للرباء والتلاف والشعب قنعان منها لكن إنتو يا الجايين جداد لنج ديل والقايلين القبه فيها فكى أعملوا حسابكم كويس لمحافضكم .... أمسكوا جيوبكم كويس وبالذات إنتوا ناس القروش ذاتم وعلى بالطلاق تفرطوا لشنطكم ولا مخافضكم ولا جيوبكم تتنشلوا نشلة برشلونه من بايرن ميونخ الألمانى السنه الفاتت .... ودرء اثار الجفاف + شيكان للتنميه الريفيه + إتحاد أصحاب الجمل الذى ذهب بما حمل وعاد على متن كندكروزر أوباما عندى معاكم ونسه خاصه جداً يوم الجمعه البكره ده .... فكونوا معنا أما حبايبى الحلوين الأهلن جونى وأنا ما قايل ناسى ناس محلية إغتيالستان حلفتك بربك ي طبيق أخوى كن تنشر الورق العندك ده .... الله خصيمك يا طبيق .... كما كنت يا عزيزى وحسك عينك تنشر المستندات دى لو أنا حى أو أنا ميت ..... فمهما جرى يا عزيزى مثل هذه المسائل الشخصيه البحته ومثل ذاك الثراء الفاحش المدسوس والأموال الملبده والمخزونه بالإضافه للأراضى المهوله والمزارع الخاصه والمنشأت التجاريه القائمه بالشراكه من الباطن حتودى الناس ديل فى ستين نكله لذلك وسع دائرة المشاوره مع جمهور الغراء فى الفيس والرأي العام المحلى والمواطنين أهل المصلحه وسياد الجلد والراس ومن ثم تصرف على ضوء ذلك ...... فالأمر برمته يخص الشعب والأمه وهذا الشعب وهذه الأمه يجب أن تقف عليه أولاً وتقيم مألاته والنتائج الوخيمه المترتبه على ذلك بالنسبه لمرتكبى تلك الموبقات لذلك رد الأمر لأهله يأتوك بالخبر اليقين .
    ويا سادومبا كورتك فكت ويا وير دعاية النازيه طيارتك قامت ويا السكى بيكى ويلى .............. قطيه عندما يقول يفعل وغذا وعد صدق وإذا أؤتمن أوفى وأذا ضرب اوجع ..... وأمر القبض ده مكتوب بالحبر السرى ؟ ولا سرى للغايه ؟
    ..... خلاص خلو أوامركم دى قبلها وهاكم العينه البسيطه دى من ما جملته شوال من النوع المصنف سرى للغاية ويا أنته ..... بل راسك . على بالطلاق الهدى هيلتون بالمزيكا ..... عيال أم زغده أكالين الرغيف .
    [email protected]
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de