الحزب الشيوعي السودانى يأكل خيرة ابناءه بقلم شوقي بدرى

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-11-2018, 05:05 AM الصفحة الرئيسية

اراء حرة و مقالات
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-09-2015, 01:55 PM

شوقي بدرى
<aشوقي بدرى
تاريخ التسجيل: 25-10-2013
مجموع المشاركات: 492

للتواصل معنا

FaceBook
تويتر Twitter
YouTube


الحزب الشيوعي السودانى يأكل خيرة ابناءه بقلم شوقي بدرى

    02:55 PM Sep, 02 2015
    سودانيز اون لاين
    شوقي بدرى-السويد
    مكتبتى فى سودانيزاونلاين






    علاقتي واحترامي للحزب الشيوعي ستنتهي بموتي . لان الحزب الشيوعي السودان لن يمت وليس من المفروض ان يموت.

    الاخ خالد الحاج اكثر انسان احببته في من قابلت في اوربا . اظهر وابطن لي اضعاف ما احسسته نحوه . كان اخي الصغير الذي كنت اقرعه وقد لا اكون علي حق . وكان يكتفيبا، يقول لي . ,, انا ياشوقي بحبك لله . وانت بتظلمني ,, . خالد طيب الله ثراه كان من اميز الشيوعيين . لم يكن يشرب الخمر او يدخن . كرس كل حياته لاسرته وعمله والحزب الشيوعي الذي خدمه بتفاني . وهو الذي بذل جهدا خرافيا في الاحتفاظ بأرشيف الحزب وتنقيحه وتسجيله الكترونيا . واسس موقع سودانيات ، وموقع البركل فيما بعد .

    تطرق خالد الحاج للفساد في منظمة ضحايا التعذيب . وقبلها اشارت اصابع الاتهام الي الشيوعيين الذين سيطروا علي منظمة حقوق الانسان .وضاعت فلوس كثيرة . وتوقفت بعض الجهات من دعم المنظمة . ولقد شاهدت فتاة سودانية في القاهرة تقول للخال محجوب عثمان طيب الله ثراه ، انها تعرضت لتحرش من بعض الشيوعيين .وقد ساوموها لكي تحصل علي الشهادة التي تتيح لها الحصول علي دعم ، هي وشقيقها .

    دخل خالد الحاج في معارك الاستاذ عبد الله بولا وزوجته الاستاذة نجاة مخمد علي والفنان حسن موسي , واخطأ الجانبان بالرغم من الانتماء لنفس الكيان . وكانت هنالك قضية كيدية، اخذت جهدا ومالا كبيرا من خالد . واضافت احمالا علي ظهره. وتعمد الآخرون رفع الدعوة في باريس لان لهم اصدقاء من المحامين . وباريس مسكنهم . وبعد ان برأت المحكمة خالد الحاج من الاساءة . حدث الاستئناف. وكسب خالد القضية .واصر محامي خالد علي رفع قضية ضد مجموعة باريس لدفع تعويض المحامي الذي دفعناه واتعاب اخري وامكانية تعويض لانهم خسروا القضيتين . وفرضت انا علي خالد رفض المطالبة بالتعويض . لان هذا لا يصدر من الشيوعي الجيد .

    وذهب خالد وهو الذي يتمتع بقوة جسدية عالية وروح طيبة وضحكة مجلجلة الي الخرطوم . واتصل بي من فراش المرض في المستشفي في ليسأل عن حالي. وقال انه سيحضر الي هولندة . وعندما اتصل بي الفنان خضر من هولندة ، قلت له انني في طريقي لمقابلة خالد . ولكن العزيز خضر اعلمني بان خالد احضر من الخرطوم لكي يموت في هولندة . وكان قد فارق الروح في نفس اليوم . وهرعت الي هولندة وحضرت تكفينه وكنت مع الاج عبد القادر كابو آخر من شاهد جثمانه. قبل ارساله الي السودان . وصليا عليه في الجامع بجوار مطعم السمك الذي كان خالد يحب زيارته . وانشأ اهل البركل عنبرا للاطفال بأسم خالد في البركل .

    خالد كان يقول لي بعد طرده من الحزب . انا كنت شيوعي شايقي شين ربنا ريحك ياشوقي من الشين الاولي . وخالد كان من اجمل واعظم البشر . لقد تخلص الحزب من خيرة ابناءه .

    اقتباس

    محن سودانية (37) خالد الحاج .. بقلم: شوقي بدري

    سودانيل نشر في سودانيل يوم 20 - 12 - 2009

    بعد فصل خالد الحاج من الحزب الشيوعي السوداني بالتلفون كتب خالد الحاج موضوعا بعنوان (فصل خالد الحاج من الحزب الشيوعي بالتلفون) . والتقط الاستاذ عادل عبد العاطي القفاز وشن حملة ضارية علي الشيوعيين وأذناب الشيوعيين أمثال شوقي بدري الذي غلّط خالد الحاج .
    حقيقة هنالك غبينة بيني وبين خالد الحاج سأعود لها . ولكن أنا أول من اتصل به خالد الحاج قائلا : الشيوعيين فصلوني من الحزب بالتلفون
    ورد فعلي كان : تستاهل.
    وتفسيري كان ماذا كان ينتظر خالد الحاج ؟ . وعندما فتح خالد الحاج موضوعا في سودانيات كانت مداخلتي تقول
    اقتباس:
    يا خالد الحاج إنت غلطان ، ده الحزب الشيوعي السوداني ما تنظيم بتاع كشافة . وقبل ما أرجع ليك في غلطك أوافق ليك علي قصة السرعة في قرار الفصل. وأسه لو قالوا يدوا خالد الحاج ميداليا مافي أي زول حا يتحرك لكن بالأنجليزي بيقولوا (Bad news trvel fast).
    بعد رجوع الدكتور محمد محجوب عثمان رحمة الله عليه من سجن كوبر وكسلا وشالا . وجد أسمه بدون استشارته في البرلمان الإنقاذي . فقرر أن يستفيد من هذه الفرصة لكي يلحق بإبنته وزوجته في أوروبا . وتحصل علي فيزة خروج ثم أتي إلي الس

    . وفي الصباح كان هنالك اجتماع في ظروف الإنقاذ الكريهة الأولي وقرر طرد الدكتور محمد محجوب عثمان من الحزب الشيوعي السوداني . وفي أيام انعدام البنزين تحركت أكثر من عربية لتسليم الدكتور محمد محجوب عثمان قرار فصله من الحزب .
    يا خالد الحاج يا أخوي أنا علي اقتناع بأنك أخطأت في التصرف بي موضوع مشاكل داخلية في الحزب بالرغم من أنها لم يصدر فيها قرار والموضوع قد طال ، إلا أن الأسافير والمواقع الالكترونية ليست مجال لنقاش مشاكل داخلية تخص الحزب الشيوعي السوداني.
    والمؤلم أنك كتبت أنك لن تصوت للحزب الشيوعي السوداني بوضعه الحالي وهذا يعني أنك كمن قدم استقالته من الحزب . فالحزب الشيوعي السوداني له لوائح وقوانين.
    أذكر أن الأستاذ إبراهيم زكريا رحمة الله عليه سكرتير عام النقابات العالمي كان يحفظ اللائحة عن ظهر قلب ، وعندما كان الشيوعيين صغار السن في مؤتمرات الحزب الشيوعي في براغ يخطئون كان الأستاذ إبراهيم زكريا يذكرهم باللائحة التي كان يحفظها بالكلمة والشولة .
    وإنت يا خالد بصفتك كنت يوما مسئول تنظيمي مفروض تكون عارف اللوائح دي وأنا الما شيوعي ما مفروض أكلمك بيها .
    بعدين يا خالد يا أخوي الشيوعيين الفي هولندا ديل ما سودانيين وبيتصرفوا زي السودانيين.
    وكنا بنقول أنو الأخوان المسلمين زولهم ده مهما يعمل هم بيمسكوا فيه والشيوعيين زي كأنهم بيتربصوا الغلطات وأي حاجة يقولوا ليك يلا .
    أنا يا خالد كنت عارف وحاسي أنه حا تحصل ليك مشكلة مع الحزب ، وأنه بعد مشكلتك مع الزملاء في باريس حا تكون تحت المجهر . ولما قلت لي ماشي السودان للمؤتمر بتاع الإعلاميين بالخارج شددت عليك وقلت ليك مية مرة ما تخطو أي خطوة بدون ما تاخد موافقة كتابية وما تتحرك بدون ما تتأكد أنه كل الأطراف تكون موافقة وأكتر من جهة واحدة توافق .
    لأنه في ناس كتار طردوا من الحزب لأن "التوصيلة" أنكر أو نسي . وإبن عمي دكتور حسن فرح في دول البلطيق خير مثال لهذا . ولن يشفع لك يا خالد أن السيدة والدتك رحمة الله عليها كانت توزع منشورات الحزب الشيوعي في سوق السجانة قبل صلاة الصبح وأن والدك أفني حياته في خدمة الحزب الشيوعي . ده براه ودا براه .
    في اليوم الذي وصلني الأستاذ الدكتور محمد محجوب عثمان كان هنالك إشهار من الحزب الشيوعي السوداني في جريدة الشرق الأوسط بأن محمد محجوب عثمان قد طرد من الحزب الشيوعي السوداني.
    والمؤلم أن الإشهار أتي من الدكتور عزالدين علي عامر مسئول الاتصال الخارجي والذي لعشرات السنين كان يرافق محمد محجوب عثمان في رحلات حول العالم شملت حتى منقوليا .
    لقد قمت بكتابة 17 صفحة كخطاب للزعيم التجاني الطيب بابكر . فعندما اتصلت به بخصوص أوراق قد تساعد محمد محجوب عثمان للحصول علي لجوء سياسي في السويد ال انتهرني واحتد في القول معي . والتجاني الطيب بالنسبة لي عبارة عن قدوة وقائد وأخ كبير . وكنت أقول له كذلك أنا علي اقتناع بأن محمد محجوب قد أخطأ ولكن محمد محجوب أخي وصديقي . وكان ولا يزال رحمة الله عليه أستاذي وأكثر إنسان أثري تفكيري . وإن الحزب الشيوعي السوداني لا يمكن أن يمسح تأريخه ونضاله في لحظة .
    وانتهي الأمر برجوع الأستاذ محمد محجوب عثمان إلي حظيرة الحزب . وكنت أذهب بطريقة مكثفة إلي . التجاني الزعيم التجاني الطيب وكان يقول لي طول الوقت : قول لي صاحبك . كلم صاحبك..... .
    إلا أن الخال محجوب عثمان الذي كنت أسكن عنده في القاهرة كان مرنا ومعقولا . ويكتب جوابات طويلة كنت أحملها للدكتور محمد محجوب
    آخر وصية من الزعيم التجاني كانت لمحمد محجوب عثمان هي : قول لي صاحبك ما يستشهد بي موضوع فلان وفلان . كل موضوع قايم بذاتو . وفاروق أبوعيسي في كل مناسبة بينتقد نفسه . وبيوري غلطه . صاحبك ينتقد نفسه عديل والناس تنظر في موضوعو .
    التجاني الطيب كان يتعامل معي ومع محجوب عثمان كالإخوة الصغار ، فهو قد عرف محمد محجوب منذ طفولته ، وشاركه السكن في براغ وفي المعتقلات وفي نفس الزنزانة . ولم يكن هنالك انسان يحب محمد محجوب عثمان مثل الزعيم التجاني الطيب والخال محجوب عثمان. ومحجوب عثمان كان يقول دائما : محمد محجوب زولي ..زولي .. يعني زي روحي. ومحمد محجوب رحمة الله عليه كان رجلا يحب .
    وعندما عاد محمد محجوب عثمان إلي الحزب الشيوعي السوداني كنت أنا من أسعد الناس. ,, ولكن لم يطلعني محمد محجوباو اي انسان برجوع محمد محجوب للحزب . فانا لست بعضو . وعرفت بالصدة بعد سنين .,, الحزب الشيوعي السوداني ليس بالحزب العادي . هذا حزب الوسيلة يا خالد والجزولي سعيد والشفيع وعبد الخالق وجوزيف قرنق وسلام وقاسم أمين والشهيد النقابي الشفيع .
    حقيقي أن الحزب بيعمل غلطات وأنت انتظرت ثمانية أشهر وأنك تعرضت لي سخافات في الخرطوم . ولكن عندما اردت مقابلة الزعيم التجاني الطيب استدعي الأمر ثلاثة دقائق ، ولكن الذين لم يولدوا عندما كان والدك شيوعيا لم تستطع أن تقابلهم لعدة مرات . ولكن هؤلاء هم ليسو بالحزب الشيوعي . نحن أصدقاء الحزب علي استعداد أن نتقبل الكثير من أناس لا يسون أي شيئ ولم يقدموا . الحزب الشيوعي هو الحزب الذي (ما حق زول) وكل إنسان يحاسب وينتقد نفسه حتى نقد والتجاني الطيب .
    فيا خالد الحاج إنت شيوعي . وما حاتقدر تكون أي حاجة غير شيوعي . فيا أخي ألعن الشيطان .
    التحية
    شوقي .
    وهذه المداخلة ولأنه لم يكن عندي من يطبع والموضوع مستعجل فقد استعنت بخالد الحاج لكي يكتب رأيي الذي احترمه خالد الحاج كشيوعي يؤمن بالنقد والنقد الذاتي . إلي الآن أقول أن خالد الحاج قد وقع عقدا . والانضمام إلي الحزب الشيوعي يعني الالتزام بلائحة وخالد مسئول تنظيمي سابق في الحزب ويعلم أن الإخلال بالائحة تعني الطرد أو المحاسبة . هنالك خطأ تنظيمي في إجراء الفصل ولكن يبقي الشيء الأهم وهو أن النقد من خالد الحاج لتصرفات الشيوعيين في المجالات الاسفيرية والمواقع الالكترونية يصنف حسب لائحة الحزب الشيوعي كخطأ يعاقب عليه العضو..
    لقد كتبت مجموعة من المواضيع تحت عنوان الشيوعيون الذين اعتقلوني وطردوني من تشيكسلوفاكيا وموجوده في مكتبة شوقي بدري . وكتبت عن تصنيفي كعدو للشيوعيين والاشتراكية لأنني كنت أقول في براغ أن الاشتراكية هي أفضل نظام حكم ، ولكن الشمولية وعدم اتاحة الفرصة لحرية التعبير جريمة . وأن تكميم أفواه الشعوب خطأ . وإذا كانت الشيوعية تعني النعيم فلماذا تبني حولها الأسوار ؟ ولماذا يمنع الناس من التحرك والسفر ؟ ولماذا تطلق يد الشرطة للفتك بالبشر والتصرف وكأنهم جيش احتلال ضد مواطنيهم .
    من الستة مليار من البشر رجال ونساء علي هذا الكوكب خالد الحاج الشايقي صاحب السفة المميزة هو الانسان الوحيد الذي أتكلم معه بحرية وبصراحة . ولا يمر إلا يوم أو يومين حتى يفتقدني أو يلومني علي عدم الاتصال . ولكن قالوا صديقك من صدقك وليس من يصدقك .
    أتقبل النقد من خالد الحاج حتى في أموري الأسرية .
    لم أتداخل أبدا في موضوع خالد الحاج "هل يتستر الحزب الشيوعي علي فساد منسوبيه" .
    وأنا أعرف أن بعض الشيوعيين قد مارسوا ممارسات خاطئة ، فالشيوعيون بشر قبل كل شيء .
    ولكن خالد الحاج كشيوعي ملتزم كان من المفروض يعطي الحزب الشيوعي فرصة في الأول كي يتصرف مع عضويته .
    وعندما دخل خالد الحاج في معركة مع الأستاذ عبد الله بولا وحسن موسي والأستاذة نجاة محمد علي وحصلت أخطاء من الجانبين وانتهي الأمر برفع قضية ضد خالد الحاج في المحاكم الفرنسية . قلت لخالد الحاج وفي منزله وأنا (متجدع) بعد وجبات متعددة من الفول المميز الذي أحبه وخالد يفتك باللحم وهو من المدمنين لأكله (يا خالد الكلام الإنت كتبتو عن نجاة ده لو كان كتبتو عن مرتي أو أختي كنت جيتك بي كرعيني. في دي يا خالد إنت غلطان) .
    وعندما أتي وقت الذهاب إلي المحامي في باريس . وعرفت أن خالد الحاج سيكون وحيدا ذهبت له في ورافقته إلي باريس بالسيارة لأن المشوار طويل ويحتاج للرفقة وخد وهات والرجوع في نفس اليوم وهذا مشوار مرهق يحتاج لأكثر من انسان . وفي الطريق وفي منزله لم يغضب خالد الحاج لتغليطي له . ولهذا احترم خالد الحاج لأنه لم يطالبني أن أقف معه لأنه صديقي ، ولم ينقطع حبل الود بيننا . بل أن رفضي للوقوف معه قد جعل علاقتنا أمتن وأوضح . فمن المحن السودانية أن الناس تطالبك أن تقف معها فقط لأنك قريبها أو صديقها . مرة أخري أقول في كل هذا العالم خالد الحاج هو الشخص الوحيد الذي أخاطبه بحرية كاملة ويخاطبني بنفس الحرية . ولا يمكن أن أضمر له شرا . أو أن أكون أحد أذيال الشيوعيين .
    قالوا الحلو ما بيكمل . عادل عبد العاطي الذي لا يخلو من عبقرية ومقدرة ذهنية عالية يتفرغ لصراعات وكتابات لا تفيد ، وأنا أكن له الكثير من الاحترام وشوية ريدة . وكان يمكن أن أشتكيه لرئيسته نور تاور وتربطني معها علاقة أسرية ونحن أهل . المشكلة أن االناس تتخيل أن شكوي خالد الحاج التي أتت من رورموند يجب أن يرد عليها مباشرة . رورموند دي العرفتها وقربت أكون أحد سكانها عبر خالد الحاج كل سكانها أقل من عدد سكان حي ا لتلتميات في امدرمان، الحزب ده بس قاعد مربع أيدينو ماعنده مشاكل إدارية مالية تأمينية تنظيمية بس كده أخنق فطس يقوم يركز علي مشكلة خالد الحاج والعشرين شيوعي الفي الحزب هولنده . الحزب الشيوعي عنده مشاكل في
    والأبيض وجوبا ... بورسودان و ... وا إلخ ..
    خالد الحاج صاحبي ده عندو مشكلة مع علي بابكر الكنين . أنا أعرف علي الكنين من تشيكسلوفاكيا .وأظن أنه قد أخطأ بطريقة عفوية وأعتقد أن هذه المشكلة كان يمكن أن تحتوي بسهولة فعلي بابكر ما فيه شق ولا طق ، وهو بشر من الممكن أنه قد أخطأ بدون قصد .
    من المحن السودانية أن الناس تخلق مشاكل عندما لا يكون هنالك مشاكل .
    مشكلتي الحاضرة اليوم مع خالد الحاج وغبينتي هو أنه وزوجته قد اتصلوا بزوجتي من خلف ظهري وحضرت كي أواجه بزوجتي قائلة : خالد وأماني قالوا نقضي رأس السنة معاهم . قولي لي شوقي بس يدور العربية وتجيبوا الأولاد ونحن منتظرنكم .
    بالله الشايقي ده مش مفتري ؟ المشوار ده زي كل السنين دي زس الخرطوم بروسودان او اكتر . دي بس مشكلتي الوحيدة مع خالد الحاج لحدة أسه . الشايقى رصا لى بنك .
    التحية
    شوقي

    أحدث المقالات
  • كان نصف المشكلة..!! بقلم عبدالباقي الظافر 09-02-15, 02:51 PM, عبدالباقي الظافر
  • وفاة الإنقاذ!! بقلم صلاح الدين عووضة 09-02-15, 02:49 PM, صلاح الدين عووضة
  • الوطني وسياط الرئيس ! بقلم الطيب مصطفى 09-02-15, 02:47 PM, الطيب مصطفى
  • تناقضات ..!! بقلم الطاهر ساتي 09-02-15, 02:46 PM, الطاهر ساتي
  • أبكر_بابكر_بكري بقلم كوكو ككيقلية 09-02-15, 05:57 AM, مقالات سودانيزاونلاين
  • مرحبا سبتمبر الاخضر بقلم امير نالينقي تركي جلدة اسيد 09-01-15, 11:53 PM, امير نالينقي تركي جلدة اسيد
  • سياسة العزل إعدامٌ للنفس وإزهاقٌ للروح (2) بقلم د. مصطفى يوسف اللداوي 09-01-15, 11:38 PM, مصطفى يوسف اللداوي
  • ماذا يعنى بالحوار النوبى النوبى؟؟؟؟ بقلم الزاكى دبة عبدالله 09-01-15, 11:25 PM, الزاكى دبة عبدالله
  • أجراس تدق برائحة الحنوط! بقلم هاشم كرار 09-01-15, 10:18 PM, هاشم كرار
  • بدلاً من"كلفتة" حوار لايحل ولا يربط بقلم نورالدين مدني 09-01-15, 10:14 PM, نور الدين مدني
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>

تعليقات قراء سودانيزاونلاين دوت كم على هذا الموضوع:
at FaceBook




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de