دعواتكم لزميلنا المفكر د.الباقر العفيف بالشفاء العاجل
|
|
 قريبا..منال خوجلي حبوبة!
|
تم يوم الاثنين 12 يناير 2009..بفندق قصر الصداقه بحري..
عقد قران ريهام عصام عبدالله الخضر..وفاردن محمد قاسم ماكسيدي..
مبروك للغاليين منال عوض خوجلي والدة العروسة.. وعصام عبدالله الخضر والد العروسة..
........
........
مافيها حاجه يامنال لو بتك قربت تبقيك حبوبة!
|
|
 
|
|
|
|
|
|
|
 Re: قريبا..منال خوجلي حبوبة! (Re: خالد علي محجوب المنسي)
|
Quote: ألف مبروك عليهما ومبروك لوالدي العروس
وربنا يخلف لهم بالذرية الصالحة لدينها ووطنها |
طيب دعوتك دي يا خالد بالنسبه لهومي..
اسه فاردن ده أفغانستاني..تكون أمه بتدعي ليه نفس الدعاء..أها الطفل بعد الدعاءات دي..يكون عنده ولاء للسودان
ولا ولاء لأفغانستان بلده؟؟
عارف..
علي الأغلب ولاءه بيكون لأنجلترا!
عقبال ماتفرح بولدك..
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
يا نااااااس خلو الشمار
زمنا بقى ما زى زمان، شوفو
000 البنات بقن زى خميرة
البيرة بين يوم وليلةبكبرو
ما تخلعو المرة دى الفيها
مكفيها ، ومامشكلة الكبر
ولكن ربنا يكبر العقول00
تحية منوية وسلام00
| |
|
|
|
|
|
|
|
|
|
Re: قريبا..منال خوجلي حبوبة! (Re: yasir tamtam)
|
Quote: يا نااااااس خلو الشمار
زمنا بقى ما زى زمان، شوفو
000 البنات بقن زى خميرة
البيرة بين يوم وليلةبكبرو
ما تخلعو المرة دى الفيها
مكفيها ، ومامشكلة الكبر
ولكن ربنا يكبر العقول00
تحية منوية وسلام00 |
كيفنك يا ياسر..
والله منال حالتها صعبة شديد..متاثرة خالص!
اسه أنا بعمل ليها كاونسلينج علي اساس اني ماشية ابقي حبوبه للمره التانيه في آخر فبراير..
ومتعوده علي الوضع وتجاربي بقت كبيره وكده..
الرسول ما بلقالي عندك سبحه شرطا تكون خدره منوره البسها في يدي مثل حبوبة أم الحسن؟؟
سمح جيب ويحيده لمنال تلبسها!
عقبال وليداتك..
العروس هومي..شقيقها مصطفي..ثم حبوبة تو بي منال..
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
كــُـــــــر عــلــــيــــــــك صــغــيــرة و جــاهــلـــة
مالك خايفة و لا فرحانة ؟؟؟؟؟؟؟
ألــف مـبـروكــ و ربـنـا إتتم ليها على خير و إحفظها و إحفظ ليها كـل أولادها
و إديكم طولة العمر
تحياتي
| |
|
|
|
|
|
|
|
|
|
Re: قريبا..منال خوجلي حبوبة! (Re: ABUHUSSEIN)
|
Quote:
كــُـــــــر عــلــــيــــــــك صــغــيــرة و جــاهــلـــة
مالك خايفة و لا فرحانة ؟؟؟؟؟؟؟
ألــف مـبـروكــ و ربـنـا إتتم ليها على خير و إحفظها و إحفظ ليها كـل أولادها
و إديكم طولة العمر |
انت قايلني بحب أمشي قندهار ليه؟؟
ماعلشان أهل فاردن من هناك!
منال مصيرها تتعود وتعرف انه كلمة حبوبة دي كلمة لذيذه حتي وهي بتعبر عن حقيقيه "صعبه"
عقبال ما تبقي جد يا ابو الحسين..
منال..ثم العريس فاردن..ثم والد العروس عصام ثم مصطفي..
| |
|
|
|
|
|
|
|
|
|
Re: قريبا..منال خوجلي حبوبة! (Re: محمد البشرى الخضر)
|
ألف مبروك
ربنا يهنيهم و يسعدهم إن شاء الله
آمين..ربنا يسمع منك وعقبال أولادك يا رب..
هومي في التاسعة عشر أو علي وشك أن تكون..تدرس بجامعة لندن علوم سياسيه وفاردن في العشرين وويدرس الطيران..
الزفاف باذن الله سيكون بلندن بعد انتهاء الدراسه..
.........
.........
كان من المخطط ان يكون هناك احتفالا كبيرا بالعقد..ثلاثة أيام متتاليه من الاحتفالات..
الا اننا كنا نفكر وكان الله يدبر..
شاءت ارادة الله أن يتوفي ابن عمة العروس أسابيع قبل موعد عقد القران..فتم التأجيل ..ثم لاحقا الاستغناء عن الاحتفالات والاكتفاء بعقد القران بفندق قصر الصداقه... والاكتفاء بالمرطبات والعشاء دون موسيقي أو غناء..
تم تنظيم كل الأمر في يومين بعد الالغاء الأول..
لذلك نعتذر لعدم تمكنا من الاتصال بالجميع ودعوتهم..
شرفنا عدد كبير من البورداب..اسرتنا الممتده وسعدنا بهم..وكان بودنا حضور الجميع..
تم عقد القران بعد صلاة العشاء وأنشد اهلنا الختميه الراتب.. ثم تبادل الجميع التهاني..
شكرا يا ود البشري..ماعدمناك..
| |
|
|
|
|
|
|
|
|
|
Re: قريبا..منال خوجلي حبوبة! (Re: عبدالوهاب علي الحاج)
|
Quote: الف مبروك
بيت مال وعيال |
سلام يا عبد الوهاب..
جيتك كانت بالدنيا..
كل الأمل كان باقي البورداب الماجو يكونوا معانا!
هذا اعتذار آخر لمن لم تصله الدعوه فكل شيء تم علي عجل وفي أقل من 48 ساعه..
اسه فاردن اتصل وقال لندن مسيخه شديد وعايز يجي الخرطوم!
المفروض نجيبه شهر 6 و5 علشان يآمن..
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
ألأخت/منى..
ألأخت منال...
ألأخ/عصام..لكم جميعآ نقول ألف مبروك..وإن شاء الله تحضروا جديد أولادهم يارب.....
منال عادى...............أصلو البنات بكبرو..........................خالص مودتى....ورينا يتمم على خير...........إسماعيل محمد احمد عباس...
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
مليارات التهاني ريهام و فاردن
مليارات التهاني منال وعصام عبدالله الخضر
مليارلات التهاني الوالدة جارة ومنى وماجدة
مليارات التهاني آل الخليفة عوض خوجلي
غوالي الأماني بعش سعيد
مكلل بالحب والستر والصحة
مزدان بالذرية الصالحة
عاطف / سعدية
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
مبروك .. مبروك .. مبروك
وربنا يديم الأيام البيضا ويحلي أيامكم كلها يا ستنا
ويدي العرسان أكتر مما يتمنو وأجمل
الغريبة ده العرس الأنا أجلت ليهو إجازتي 10 يوم باإتفاق معاك لكن الله في .
بالعنية كده
نحنا دايرين لينا تسمية جديدة لأنو الزمن ده الحبوبات ذاتن بقن عجيبات خلاص
ياخي ديل حجا ما بعرفن يحجن .. الواحد لو قام ليهو حبن ساي يقولن ليهو أمشي الدكتور
العجب حبوبة ناجية ديك , ياخي دي هارشة ليك بنات بتها ومحزراهم ليك من قولة حبوبة دي لمن بقن يقولن ليها " منّاجية "
أما إنتي فقصة تانية .. الود إبن بنتك يس قرب يعرس وإنتي لسه زي القمر لوووووووووووووول وسبحانك , أما الحبوبة موضوع الحديث
فدي الطفرة ذاتا وأنا لي هسي ما مصدق وأقول ليك شي : ده الإعجاز العلمي في الإنسان ذاتو.
شوفو لينا شيتاً نناديكم بي يا إنتين
كلمة حبوبة دي بي أردب ويكة ما بتتلايق فيكن
غايتو جنس غايتو !!!
هو
عيني باردة عليكن التلاته
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
ماما شهيد ماما بطل (ج .. عمكم مختار ) تستاهلو وعجبنى ليكم وشمتااااانه لمن فرحانه فيكم و مافى زول يسالنى
وحلاتى ياناس الله على هومى حبيبة ربنا يغطيها من كل شــر ...
ماعندكم اغنية ملك الطيور تنزلوها لينا هنا
| |
|
|
|
|
|
|
|
|
|
Re: قريبا..منال خوجلي حبوبة! (Re: انعام عبد الحفيظ)
|
Quote: غايتو يا ماجدة مافي داعي للشماتة لأنو الدور جاييك 
مبروك والف مبروك لهومي العسل وفاردن
ومنال غايتو حالتها صعبة شديد |
الحمد لله انا ماعندى بت ،الاولاد ماقاعدين يسوى الامات حبوبات يادى والحبوبه عن طريقة الخالة بتكون ذى الهظار
الله يبارك فيك نعومى يديكى الفى مرادك يارب
| |
|
|
|
|
|
|
|
|
|
Re: قريبا..منال خوجلي حبوبة! (Re: السمؤال بدرالدين)
|
بالغ الزمن
و بالغت يا منى خوجلي ده عنوان ليك ؟
و الله يا منال ما عارف اقول ليك شنو
غايتو احكي ليك قصة حصلت زمان عندنا في الشمالية
واحد عرس فوق مرتو
اها بقو حريم البلد يجو خاشين عند المره الاولى يقولو ليها : وجعنا ليك
يمرقو يخشو عند المره الجديده يقولو ليها : عجبنا ليك
هسه انتي عجبنا ليك و وجعنا ليك
عجبنا ليك فرحتك بالبنيه
و وجعنا ليك موضوع الحبوبه ده
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
ألف مبروك لعروستنا الحلوة أولا،
و للحبوبة تو بى منال العسل،،
ربنا يهني العرسان و يسعدهم يا رب،،
و يا منى،
فاردن أمو أكيد دعت ليه (بالأفغانى)،
عشان تكون قسمته كدة،،،
ماشاء الله،،،
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
الف مبروك للعروسين
والف مبروك لمنال وللاسره وربنا يسعدهم ,,,
ومنال حبوبة الهناء والسرور ,,,
وبخته من كانت مني ومنال حبوبة له ,,,
كل التهاني بالافراح وربنا يديم علي الجميع السعاده
| |
|
|
|
|
|
|
|
|
|
Re: قريبا..منال خوجلي حبوبة! (Re: معتصم محمد صالح)
|
منى ؟
الحسادة ليك شنو ماقلنا عرس بت مديحة ياخ !!
أها .. مديحة ذاتها البشوفها مايقول عندها بت للعرس ماشاء الله عليكم كلكم وربي يحفظكم يارب
والف مبروك لأجمل عروس في الدنيا هومي وزوجها .. إسمو منو ؟
إنتو ماتسموه هيثم أسهل ياخ
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
سبحان الله مغير الحبوبات
اسع انا اتذكرت حبوبتي الله يرحمها الشلوخ وحقة التمباك والمحفضة
وحبوبة 2009 لا شلوخ ولا تمباك ولا محفضة عسل بس
ماشاء الله عليكم ربنا يحفظكم ويبارك ليكم في ذرياتكم
لكن اسع يا منال عروستكم الحلوة دي بتعرف تعمل تميس
تحياتي وعينا بارده
زاتووووو
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
الف مبروك للعروسين بيت مال وعيال
والله انتو حبوبات غتيتات
بناتكم السمحات ديل داسنهم مننا ما بنشوفهم الا بعد العرس
والغريبة الامتداد نحن مقددنها شارع شارع .. اصلو ما شفنا زى ده
| |
|
|
|
|
|
|
|
|
|
Re: قريبا..منال خوجلي حبوبة! (Re: Muna Khugali)
|
حبوبة
بطلي الشماتة والحسادة يا منى أنتي وماجدة
البت منال الظاهر عليها عرست صغيرة أصغر منكن بي كتير، صاح!
خليها تفرح
والأيام ستأتي لها بأنجال يعيدون الطفولة والشباب إلى سيرتهما الأولى
ألا يقولون بأننا نصغر مع الأطفال أكثر منهم!
ومبروك للعريس والعروس
وبيت مال وعيال وسعادة وحب
| |
|
|
|
|
|
|
| |
Muna Khugali
خالد علي محجوب المنسي
yasir tamtam
ABUHUSSEIN
محمد البشرى الخضر
عبدالوهاب علي الحاج
osman righeem
jini
ابراهيم بقال سراج
ismeil abbas
عاطف عمر
tarig almakki
الطيب شيقوق
شول اشوانق دينق
ماجدة عوض خوجلى
انعام عبد الحفيظ
نبيل عبد الرحيم
رأفت ميلاد
rosemen osman
الملك
كمال سالم
ناهد بشير الطيب
خالد العبيد
Mohammed Haroun
Maawya Hussein
سارة علي
سلمى الشيخ سلامة
mohmed khalail
Yassir Tayfour
احمد العربي
elsharief
شمس الدين ساتى
mamkouna
Nader Abu Kadouk
خضر حسين خليل
رانيا قاسم
نجوان
خالد عبد الله محمود
السمؤال بدرالدين
حمور زيادة
بكري الخير
العوض المسلمي
على محمد على بشير
ابو جهينة
معتصم محمد صالح
Mohamed Abdelgaleel
سيف بخيت موسي
Deng
انعام حيمورة
ALZOLZATOO
Zomrawi Alweli
محمد عبد الماجد الصايم
بابكر التوم
عبد الدائم سيد أحمد
هند محمد
NGABY AJOOZ
هضيبي علي سعيد
بله محمد الفاضل
محمد صباحى
فيس بوك
تويتر
انستقرام
يوتيوب
بنتيريست