دعواتكم لزميلنا المفكر د.الباقر العفيف بالشفاء العاجل
|
|
 الخرطوم ..وأنا ..وحذائي البني!
|
ولم اجد اصدق منه ولا من هو أكثر تحملا لي لأذكره ولأخصه مع الخرطوم
بالحديث عندما يبدأ...
تحياتي لكم..
للخرطوم المجنونه العاقله..
ولحذائي البني صناعة دكتور شول!
|
|
 
|
|
|
|
|
|
|
|
Re: الخرطوم ..وأنا ..وحذائي البني! (Re: غادة عبدالعزيز خالد)
|
والخرطوم التي تبدو ضائعه أو تائهه..مدينه غريبة الأطوار..
تفرح بك عند وصولك وتقتح لك ذراعيها وتحضنك في شوق..
مدينه تخفي ضجيجها وراء جدران اسمنتيه..ثم وراء كلمات وحوف من قوانين مخصصه لأهل السودان...
ثم حذر من "المتوقغ حدوثه"..
تظن في الوهلات الأولي أنك غير مدرك لأحداثها..لكنك ان أجتهدت ..فأنك مدركها لا محاله..وواجدها بنشاطها ومكانها الجغرافي..وعندما تفعل..يصدمك الواقع بقصر اليوم..وعجزك عن متابعة كل شيْء!
Quote: أديها قعدة
و لبسنا الذاء البني بتاعنا
في إنتظار الحكي الكثير
سلامات يا منى لك و لماما جارة
غادة |
مرحب غاده..
يا ريتك المره دي برضه كنتي هنا!
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: تماضر الخنساء حمزه)
|
Quote: منى ..أوعي تكوني سافرتي من الخرطوم ورجعتي
حأزعل شديد
لأنو عاوزة أشوفك كنتا! |
انتي بتعملي حركات ولا شنو يا تمرا؟
كان بتعملي حركات تكوني يتتسدي..ولا شنو؟
لكن علي كل حال بتلقي تلفوني في المسنجر..وتعالي نتلاقي سريع علشان تحصلي برنامج
جري الوحوش وتنضمي لفرقة الحذاء البني أبو فردتين وقيونكتين بالجنب!
سي يو ان خرطوم!
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: تاج السر حسن)
|
ابتسمت ابتسامه ملأت القاعه المكتظه بالنساء والقتيات حبورا..ثم وقفت وكل مافيها ينبيء عن سعاده تكاد تعانق السماء..
المهيره..ورقصه لا أجد تشبيها لها!
ثم وقفت..
تمايلت يمينا..ثم يسارا..ثم جرت للأمام مع ايقاع الدولوكه وغناء القنانه..ثم خلفا..ثم كل الأتجاهات..
شعاع من الجمال الفرح.. والذهب اللامع ..والحنه المرسومه بعنايه..خفه في الرقص وطرب وهي تؤديه قي تلقائيه.. كأن جسدها هو الذي يدعو عقلها لتنظيم الحركات أثناء الرقص..
بنت العشرين بكل حيويتها وجمالها وأمالها..رقصت كما لم ترقص من قبل..وفي عيونها بريق فرحان أقوي من بريق الذهب الكاسي لشعرها الحريري وفستانها البمبي..
ثم تعالي الصريخ من النساء والفتيات والقنانه تغني..
راجل المرا حلو حلا!
Quote: يا منى - سلام فى السودان
مالك بتحاكى .. امبارح القريبه اشتريت لى "شبط" بنى لا مؤاخده يتحول الى "شبشب" يعنى ينفع فى الحالتين .. لكن ما عارف منو الضائع فينا، انا ولا هو ؟؟ |
الموضه يا تاج السر اللون البني..أوريك الضايع منو؟
الحذاء الأسود!
تحيات خرطوميه وقريب بتكون قاهريه..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: Amira Elsheikh)
|
Quote: زى بتاع انعام حيمورة( الامبارح فى سودانا)
بس الطاقية الفيها احمر خطييييييييرة.
مرحبا بيك يا منى خوجلى يااا....يااا.. |
وافتقدناك كثيرا يا أميره..
في دعوة منال..
وفي قندهار التي أتت بدون تخطيط..
وفي مشاويرنا اليوميه..انتي ما بتجي مع الناس ليه؟؟
الطاقيه هديه من زميل وصديق عزيز اشتريناها سويا من أديس ابابابعد احدي الورشات كتذكار..هو دفع القروش وأنا شلتها
اين تقفون من حملة وليد دارفور؟؟
كنت قد سعدت كثيرا وانا اري انهماككم في جمع الملابس وتقسيمها وغسلها وكيها..
فخرت بانتمائي لكم وأنا اراكم تكدون كل هذا الكد..ولكن عارفه اكتر حاجه ادهشتني
شنو؟
لما سمعت انك في اليوم السابق نزلتي الطشت وقعدتي تغسلي بادينك الملابس!
بنشوفك متين؟
عايزين نمشي رحله زي بتاع المدرسه زمان بس بعد ماكبرنا!
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: محمد على طه الملك)
|
ازيكم...
الحديث عن الخرطوم يحتاج الي تركيز في وقت يبدو كل شيء في مشتت
وتايه!
الخرطوم العاقله تبدو حزينه احيانا..أو متعبه...ساكنه علي الرغم من حركة العربات والمواتر والركشات المنافس الخطير لكل سبل المواصلات بما فيها سودانير التي تعلن عن رغبتها الأكيده في أن تمارس الطيران بالوقود الا انها تعجز كثيرا عن فعل ذلك..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: محمد على طه الملك)
|
Quote: أقعدي مدي قرعينك ..
وزحي شبشبك القاشره بيه ده من وشي ..
وقولي ليَ المجنونه بتين بتجيها الحاله ؟
وبتين بتبقى عاقله ؟ |
هي الخرطوم المقصوده..ومن يعرف الخرطوم يمكنه أن يتوقع فقط..ويزيد من توقعاته
حسب قراءته لأي شيء..لكنه قطعا لا يستطيع ان يقطع بشيء!!
كل ما يخص الخرطوم أحداثها السياسيه مثل..ناسها وما ينتج تجاه الأحداث منهم..
يظل لحد كبير توقع وحدث مجنون مدهش!!
تستطيع ان تصنع لنفسك مع البع خرطومك الخاصه..خرطوم قد يعرفها البع ولا يعلن عنها..
ولا يحدثك عنها علنا حتي تكتشفها مع مجموعتك فتصير مدينه مدهشه..جميله..مفرحه في جنونها العاقل اجتماعياربما!
لذلك لا استطيع ان اخبرك بلحظات الجنون محمد علي طه..فتفسير الجنون نفسه مختلف ..
وطرقه كثيره ممتده..
اكتشف جنون الخرطوم بنظرتك انت واحساسك انت..في نفس الوقت الذي تشاركنا فيه احساسنا بها..
وعلي فكره..أمس ورنشت حذائي البني ونالني فيه ثواب!
تحياتي
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: انعام عبد الحفيظ)
|
اول أمس انفشينا في الرجال11
راجل واخد يجي داخل الحنه مافي!
جنس تفرجح وترقص واستعراضات..برانا كده والحمدلله..
كل أعمار النساء من يوم ولدوهن ليوم قربوا يموتوا فيه من الكبر..
وحلاة البوكان بدون رجال..
انفشينا ..
وكدي يا يمه..حبسنا عازف الأورغ وراء الجدران..ليس بسبب أي جريمه ارتكبها..لكن بسبب انه راجل!
وعلشان عينه ماتجي بالغلط ولا بالتلصص علي الجمع النسوي الذي سبب ارتجاج لجدران القاعه الزجاجيه بحماسه الصوتي ورقصاته..تم احضار طربيزات كبار...قلبوها وغطوا بيها الباب والشباك..
واهه انفشينا..
Quote: أها الحذاء البني دا لابساهو بكره المساء ولا كيف؟
منوية مشتاق ليك وانت معايا |
نعومتي..
ماهو اساسا مافي غيره..
اسه أي زول بمجرد مايجي يسلم علي بيعاين لحذائي علي امل أكون غيرنه
اشوفك بعدين ..ما تتأخري!
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: طارق جبريل)
|
Quote: عليك الله يا منى حذائك البني دة
تمشي بيهو الامتداد وتسلمي لي عليه بيت بيت
خصمتك بالنبي |
ومرضت يا طارق قبال ما أعمل وصيتك!!
افتكرونا قرحه..لكن الحمد لله طلعت ماياها..
أسه كان كانت قرحه..تفتكر كانوا بيمنعوني من القهوه؟
جايز ..صح؟
المهم انا كنت خايفه أموت وكنت عايزه بتي وماما جاره لكن الدكتور طمني قال لي بتبقي كويسه..والحمدلله ربنا أكرمني بالأستجابه لدعواتكم وبقيت كويسه..
يا طارق..
الخرطوم دي بتمرض الناس بأمراض كتيره .. لكن أصعب مرض مرض الشوق والذكريات!!
وخسيمك ماني ناسياه..باذن الله بمشي الأمتداد وقدر ما اقدر أخبط البيبان..
تسلم اخوي وتسلم الخرطوم..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: walid taha)
|
هي سعيده بأذن الله مادمنا بين الناس الخيرين في وطن نعشقه..
بس لو انت والباقيين كمان كنتوا موجودين سعادتنا كانت بتكبر..
الخرطوم وقبل حضوري لها بساعات.. شهدت أكبر تجمع بوردابي أتي من الخارج ومن الداخل ولم أكن محظوظه تماما في لقائهم..
لكن قبل يومين تجمعنا ايضا في دعوه من منال..والتقينا بعدد كبير يشرح القلب..
ويؤكد علي صلات رسمناها هنا بالقلم.. ورعيناها بحب يسطره ..ثم بلقاء يزيد من تأكيده..
وما أجمل الأنسان حين يكون ساعيا للبقاء في قلب الأنسانيه!
تحيات خرطوميه أخي وليد طه..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: Muna Khugali)
|
الخالة ولا الاخت مش عارف
منى خوجلى
كيفك
والف حمدلله على سلامتك
ونتمنى لكى اقامة طيبة بيننا فى السودان ارض المليون مشرد ...
لكن سمؤال قال لى انتى قديمة خلاص
ومن زمن حاجات الحبوبات ...
كدة ركزئ شوية مع انعام حيمورة وعبدالحفيظ ديل
لحدى ما نقابلك ...
تسلمى ....
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: عاصم ابوبكر حامد)
|
Quote: الخالة ولا الاخت مش عارف
منى خوجلى
كيفك
والف حمدلله على سلامتك
ونتمنى لكى اقامة طيبة بيننا فى السودان ارض المليون مشرد ...
لكن سمؤال قال لى انتى قديمة خلاص
ومن زمن حاجات الحبوبات ...
كدة ركزئ شوية مع انعام حيمورة وعبدالحفيظ ديل
لحدى ما نقابلك ...
تسلمى .... |
اي بالحيل انا قديمه خالص..زي ما انتو جداد خالص
علشان كده لازم تقول لي خالتو..
اتمني انك تتغلب علي حزنك بالخروج للدنيا..
عارف الحزن ده اصله ما هايغادرك تماما..بيكون دايما موجود..لكن انت لازم
تتعلم ماتخليه يتحكم في حياتك ..
وعلشان تعمل كده..يبقي لازم تقابلنا قريب وتقعد معانا وتضحك بس..
ولما تمر علي شارع فيه ناس بتضحك اضحك معاهم..
ولما تلقي ناس حزينه قاعده.. اقعد خفف عليهم وخليهم يضحكوا معاك..
ولما تعمل عمل خير اتذكر انه اجرك عند الله فقط وفي راحة ضميرك..
وجميله هي حملة وليد دارفور..
وجميله روح الحب الموجوده فيكم..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: essam&amal)
|
وصلت البيت من مطار الخرطوم في تاكس عامل زي علبة الصلصه المفتوحه من جهتين!
مافيه ولا سنتي قزاز في الآبواب..بس كتر خيره السواق..
محافظ علي الزجاج الأمامي!
دي كانت اغرب عربيه شفتها في حياتي..
عربيه من غير اي حاجه!
حتي قدام مافي غير الدركسون والتعشيقه..بس ما متأكده العربيه فيها فرامل ولا لأ..
المهم المطره كانت صابه ودخلت لي من كل الأتجاهات..
السواق راجل كبير..بعد ما اتبليت كلي..قلت ليه ياعم حرام عليك
أنا المطره غرقتني مويه..وسألته..ياربي انا ماشيه برجليني ولا راكبه عربيه؟
يقول لي حالا يا بنتي ..هانوصلك سريع!
وطبعا المطره شديده..وماعنده نشافات..بس كويس عنده نور شغال..يقوم كل شويه
يطلع ليه قطعة قماش.. ويطلع ايده من الشباك ويمسح القزاز بطريقه بهلوانيه..
هو يمسح وهي تصب زباده..بتغيظه ولا بتغيظني ماعارفه..
العربيه ترقص يمين وشمال وانا اتشهد واقرا ما تيسر من القرآن..وبالطبع
ومن الخوف لم يتيسر الكثير..وكل ما أشوف نور بيرقص من بعيد من عربيه جايه
من الأتجاه التاني..أغمض عيوني وأقول..اكيد دي هي لحظة النهايه!
هي تكاسي المطار دي وأي تكاسي تانيه بيرخصوها كيف؟
وكيف يسمحوا لعربيه زي دي تشتغل و تشيل ركاب ويغامروا بحياتهم؟
تعريض حياة البشر للخطر..جريمه يجب أن يعاقب عليها القانون بصرامه!
Quote: دكتور شول ؟؟
ولا تموت تخلى اصلهم كلهم بنى
وبينى وبينك بنفعوا الايام دى مع الطين والخمجيبة الحاصلة دى
الف مرحب بيك يا منوية
ام وضاح |
عارفه يا أم وضاح
ألواني محدده جدا في الأحذيه..
بني كحلي أسود رمادي!
وبعدين بزهج من اللف في محلات الأحذيه..
بخش المحل وأطلب نفس الموديل والمقاس بالألوان اياها وأريح نفسي
كيفك انتي؟؟
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: Muna Khugali)
|
منى خوجلي .. وانا.. وحذائي البني ...
ايوووووة قلتي لي ... اتاريك جايبة لي واحد بني معاك وماركة دكتور شول كمان عشان نقدل بيه سواء في شوارع الخرطوم ...
والله من اول يوم وانا طالعة فيه (طلعة مسئولة) وفرحانة بيه جدا لانه في وجه شبه بين حذائي وحذائها...
واللذيذ في الامر انو كل يوم بنتلاقى وكل واحد فينا ممطتي حذائه البني وهي تعلق على وتقول لي بمعني (يابت ياجزمة)
واميرة الشيخ بتكون شافت فرحتي كيف بهذا الحذاء البني الذي سوف لن يغادر قدمي يوم (تموت تخلي)
منى وحذائك البنى انا سعيدة جدا بيكم الاثنين وكذلك سعيدة بحذائي (الماركة) ..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: abubakr)
|
مني خوجلي سعدت بسماع صوتك من ارض السودان وتحديداً شارع المقرن وسماع صوت السيارات وإنشاء الله
اسجل معكم حضور والحفلات ما تكتلوها براكم وإلا بعمل لي عرس عديل كده واكتلو براي .
| Quote: الخرطوم ..وأنا ..وحذائي البني! |
تخيلي توقعت ان يكون حذائك ابيض ولكن بفعل الامطار والطين اصبح بني !!!
| |
|
|
|
|
|
|
|
|
 Re: الخرطوم ..وأنا ..وحذائي البني! (Re: الملك)
|
بالأمس يا منى "انقلب" حنطور وسط كبرى التحرير فى القاهرة .. وكان صوت المسجل يردد أغنية "قابضه الجو" هذه الأيام تقول:-
ياعمى يا بتاع الحنطور .. انا نفسى اركب الحنطور واتحنطر .. لكن الراكب القادم من منطقة تقع جنوب دنقلا ابتسم لأنه قطع نصف المشوار دون أن يدفع مليما حمراء.
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: Muna Khugali)
|
سلام كيف الخرتوم
اها انا صحيت السوداني الثاني
و قراء جزء كبير من جواب علي ود السره
وقلت احصلك بيهو قبل
ما تلبسي كركبك البني العاجبك ده
و تحومي
لو نفسك في قراصة بي ملاح ثلج ملايق بي ويكي وبصلة بيضا
معزومة غداء الخميس الجاي
بس بدون الكركب البني
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: osman righeem)
|
المطر .. المطر كيف؟! يعني لسع ممكن الواحد
يمشي بشبب بني؟ .. لأنو في الموية الكتيــرة
يفضل فيها المشي بدون حزاء .. يعني أقدم بنية
تكفي مع الطين والمزالق .. لكين في كل الأحوال
الكلام في الأحذية البنية أحسن من الكلام
في (البحر).. والبيوت البقعن قبل أغسطس ما
يجي .. وغايتو ربنا يستر لهسع ..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: Mohamed Abdelgaleel)
|
سلام اهل الخرطوم ومن يعشقونها...
التجول الروحي بين القاهره والخرطوم له مزاق جميل..
لكن عندما يكون التجول الروحي مصاحب للجسد يصبح لكل شيء طعما اخر!
لآول مره في حياتي تصادفني أيام حر خانق اصعب من حر الخرطوم..
مصر جوها لا يطاق في شهر 7 و8 علي الخصوص..
لكن موجة الحر لها العام بمصر لم تمر مثلها بها من قبل!
واصبح الخروج نهارا في شمسها ورطوبتها الخانقه ضرب من الجنون..
.....
.....
وصلت الخرطوم بعد رحلة عداب طالت ساعاتها..
تصدقوا ناس سودان ايرويس بيكرهونا وبيفرحوا بتعديبهم لينا؟؟
بيكرهونا كده لله..ولا امكن في تار بايت بينا وبينهم واحنا ماعارفين!
كيف؟؟
هاوريكم..
بس دلوقتي خلوني اسلم عليكم واحد واحد..
واقول سلام للخرطوم حبيبتي..
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: Muna Khugali)
|
Quote: بس دلوقتي خلوني اسلم عليكم واحد واحد..
واقول سلام للخرطوم حبيبتي.. |
الخوجلية كيف حالك؟؟
إنت بقيتي زي ابن بطوطة مرة في القاهرة ومرة في الخرطوم مالك أبيتي البلد دي!! يعني بقى مافي جنجويد بي غادي ولا شنو
| |
|
|
|
|
|
|
|
|
|
Re: الخرطوم ..وأنا ..وحذائي البني! (Re: Muna Khugali)
|
عسل منى دي والله ياناس ...
اجمل صدفة ، أجمل من صدفة وردي زاتو
نتلاقى في القاهرة .. ونقوم نجي راجعين ليكم الخرطوم مع بعض
رغم تعب الجري هناك والنعاس التقيييل جدا صحصحتنا طوال الرحلة
وأضحكتنا وابهجتنا رغم ثقالة الإنتظار ...
أحكي ليهم يامني الجا معانا منو ؟!! وناس سودانير قصدونا كيف
مرة أسمعها تتكلم مصري مع جارتها الأسوانية
بعد شوية تقلب خواجاتي مع موبايلها
وفجأة تتلفت علينا وترص الشايقي كما أنزل
أظرف موقف وما حانساهو خالص يامني في مطار الخرطوم ونحن منتظرين العفش
متحلقين حول (السير) وأي زول (طابي) درداقتو تحتو وقاعد مترغب
والله بس ذكرني حش التمر والتجمع حول (الكوم) وانتظار (الحق)
وطبعا كلامك ولغتك جسدّت لي الجو دا تماااما
يعني لو قعدت اتكلمت لبكرة .. حا أكون عملت شنو ؟!
ولا شي ..
عشان كدا كدي النمرق .. لمن اجي تاني
| |
|
|
|
|
|
|
| |
Muna Khugali
غادة عبدالعزيز خالد
انعام عبد الحفيظ
محمد على طه الملك
طارق جبريل
walid taha
عاصم ابوبكر حامد
essam&amal
omar altom
انعام حيمورة
abubakr
رأفت ميلاد
هاشم أحمد خلف الله
الملك
osman righeem
Mohamed Abdelgaleel
Mohammed Haroun
ملكة سبأ
فيس بوك
تويتر
انستقرام
يوتيوب
بنتيريست