|
|
 للأنسانيه أبواب كثيره..انعام حيموره!
|
سر ارتياحنا وراحة الضمير..
الأنسانيه..
نمارسها بأشكال عديده..ونفرح بالأستجابه لنداءها..
صديقتي والتي أحبها كثيرا مع العديد ممن أحب..
أنعام حيموره..
تدخل من ابواب لأنسانيه الواسعه..
وتقدم دون تردد كل وقتها وعاطفتها المخلصه لها..
لذلك نحبها..
|
|
 
|
|
|
|
|
|
|
|
Re: للأنسانيه أبواب كثيره..انعام حيموره! (Re: Mohamed Abdelgaleel)
|
منذ انضمامها لسودانيزأونلاين..
وأنا اراها كالنحله..
نشطه وكريمه..
علي كل المستويات..
أثبتت حضورا قويا..
وعاجبني فيها
انها بتسوق أمجاد..
لكن يا خساره..
ماعايزه تجرب وتبقي سواقه للركاب..
تجربه بتكون لذيذه يا نعومي..
اتخيلي كده سايقه الأمجاد..
وبعدين عندك زول بياخد الأجره من الركاب..
وبعدين يركبوا ناس ويقولوا ليك..
والله يابنيتي ماعندي قروش أعفي لي!
ونظره من هنا لعيون وصوت متوسل..تقولي بعدها اصلو مافي مشكله..
وأنا ألبد ساكت..
ويتكرر هذا وترجعي البيت بدون قروش..
ومش كده وبس..كمان دفعتي من جيبك قروش الوقود..
ايه رايك في يوم زي ده نقضيه سوا في الخرطوم؟
أنا بلم الأجره من الركاب..ممكن؟
بس أجرتي تفطريني وتغديني وبالليل لما نمشي للقاء البورداب تدفعي لي الشيرنج
بتاعي..موافقه؟
عرفتي عرفه مهببه ..موش؟
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: الطيب شيقوق)
|
منى الغالية ,
عارفة انعام حيمورة
نقاء و طفولة دائمتين مع احساس عالى بمن حولها
حيوية و نشاط و مبادرات تشجيع اراها هى زادنا حين اليأس او الاحباط او حتى الكسل
رافقتها فى دروب الامل و الخير و يا لها من رفقة !
عارفة انا بحس بالتفاؤل بغمرنى و انا بسمع ضحكتها بترن و تملا المكان الفة !
شكرا يا منى كتير كتير !
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: الطيب شيقوق)
|
يا سلام علي احساسي بسنجكيتي..والله احساس بحبه بشكل عجيب..وفرحانه جدا بيه 
اسه انت يا شيقوق مش مشيت بلدكم وجيت سعيد زي الكنت في الجنه؟
أها أنا ده احساسي طوالي كل ما أفكر أني سنجكاويه..
ياخ الزول لو ابوه وامه نخله بيفرح بيهم ويقول أنا بلحه..
وده بيكون احساس اي زول بيحب دمه وعرقه وقبيلته وماعنده مشكله معاهم..
شوف ابو بكر ده أسه بيحب حاجات أهله كيف؟
لكن بعد ده كله شهادتي ماها مجروحه شي..
انعام دي بت جدعه..ودي كلمة خالتي المفضله كل ما تعجبها حاجه..ياجدعه يا جدع!
عارف..
لو مشيت الخرطوم واحتست لأنك اساسا بتحتاس في الخرطوم ..وده مش لأنك ما من أهلها..لكن لأن
الخرطوم الزمن ده هي مدينة الحوسات من حاس..يحتاس هو محتاس..
يبقي طوالي تطمئن قلبك وتقول لنفسك..
مافي مشكله..انعام موجوده..
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: انعام عبد الحفيظ)
|
نعومتي ...
كنت اتمنى ان نلتقى في الزمن السمح بالجد ...
------------------------------------------------------------
الطيب شيقوق ومحمد عبد الجليل
وكذلك كنت اتمنى ان التقيكم في اجازتكم ولكن يظهر ما لينا في (الطيب ) نصيب لكن الجايات اكتر بس لو عايزين تجوا اجازة وصيتي ليكم تنسقوا مع منى خوجلي لانها بتعرف كيف تلم الناس ...
عزرا ان كنا قد قصرنا معكم ولكن هي ظروف العيد ...
| |
|
|
|
|
|
|
|
|
 Re: للأنسانيه أبواب كثيره..انعام حيموره! (Re: Muna Khugali)
|
الأخت/ مني خوجلي ..
ليتكـ لم تفتحين الباب ..
عارفا كدا بتخلي الزول ينحرج عديييييل كدا !!!
لأنو أنعام حيمـــورة ..
ما أعتقد في كلمة بتشبها ..
ولا حروف ممكن توصفها ..
عشان كدا جيت أقول ليك بابكـ دا خليه قافل ..
وخلينا بس نستمتع بدواخلنا ..
أنعام حيمورة ..
أنت كبيـــــرة وبس...
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: فدوى الشريف)
|
Quote:
اتصلت بالاخت سمر وقالت انها بدأت تصلها بعض التبرعات واليوم الاول وصلتها 450 الف ج ...
ساتابع معها بأذن الله اول باول ووعدتني بان تاتيني بالورق حتى نقدمه لاهل الخير ...
من الان قد عينت نفسي مسئولة عن هذه الحملة ....
وربنا يوفقنا ويوفق الجميع في السعى لعمل الخير
دعواتنا له بعاجل الشفاء وعمل العملية |
جاءت في البوست دا وطوالي شالت التقيله عاجباني بالحيل لانها قداميه و صباحه خير ليها الانحناءه والتقدير . واتمني لو الزمن يمهلني والاقيها قبل الرحيل . شكرا مني وملايين التحايا ليك يا انعام حيموره
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
منى خوجلي .. منذ ان سافرتي قطعت عهد على نفسي بانو اي لحظة اعيشها تكوني معاي فيها ... وبس
اتمنى من الله ان يقدرني ان اكون باب للانسانية لاني هسي ( حتة طاقة )...
في داعي هسي تبكوني بي كلامكم دا كلكم ؟!!....
لكن بتمنى من الناس كلها تحب بعض وتسامح بعض ونكون اخوان في الانسانية ...
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: انعام حيمورة)
|
الليله الجمعه وعصابة الخرطوم كلها مافي..
هناك عدة اسباب لفتحي هذا البوست غير السياي المعلنه..
السباب المعلنه هي الأحتفال بالجمال ورحه ..
النسانيه وصور التكافل والمحبه بيننا..
وحقيقي الخرطوم حسب مشاهداتي الاخيره بها.. تذخر بالكثير من تلك الصور ومن يتبناها بفرح..
احد السباب الخفيه..
هو أنني أود أن اذكر الخاله حنانه والدة انعام..انه رمضان قرب..
وانه العجين المر النشفته لي المره الفاتت قرب يكمل!
انتهازيه واعيه مني.. موش؟
شكرا ياحلوين البوست بوستكم وانعام هي انتو..ياللا ساعدوني علشان العجين المجفف!
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
يا الملكة منى
انعام دي قريبتي شديد,
لكني تعرفت عليها عن قرب , قبل فترة قريبـة
العســل لا يكفي في وصـف حلاوتها وانسانيتها أبرز ما يلقاك
قبل كل شئ,
وعندها روح عمليـة شديد أيضـاً
أحسن اسم أطلقه الوالد أحمد يوسف حيمورة عليها أن سماها (إنعام)
لكما التحية ولأصدقائكما
أحمـد الشايقي
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: أحمد الشايقي)
|
إنعام حيمورة ... شخصية لا تتكرر ... إلا ما ندر ,
لم أر فى هذه الدنيا إلا القليلين الذين يفتحون قلبهم
على الناس وبكل غرفه وردهاته ... فإنعام ممن ربطوا
سعادتهم وشقاءهم ... فرحهم وأحزانهم بالآخرين ... عبر
آصرة متينة ونوايا مستوشجة حب الناس والتوفر لخدمتهم ,
وسلوك عملي يؤكد على خصائصها الإنسانية النادرة ... وهكذا
عرفت إنعام وتشرفت بالإنتماء إلى رقعة رادارها الصحبوي الآلق .
لها العافية ... وسعد الطالع ... وأحلى المني ... وكل الخير .
وهي كما قيمها كل الناس من قبلي ... وديعة طيبة خدومة هميمة ,
بل هي بالاحرى ثروة إجتماعية/أخلاقية عالية المضمون والقيمة ...
فلنحافظ عليها من أضاهيب الإستهلاك { العشوائي } ... لأن إنعام لا
تعرف أن تقول { لا } ... خاصة وأن حوجتنا للمبادرين والناشطين فى
مضمار العمل الإجتماعي والإنساني ... لا تنقطع ... فرفقا بهذه الصبية
يرحمكم الله .
مع مودتي
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: HAYDER GASIM)
|
الأخت الغالية ... منى خوجلي
معليش ما حييتك فى مداخلتي أعلاه ,
وتراني جيت داخل فى الموضوع { توووش }
معزتي إليك أكبر من مراسيم التحايا الإجتماعية
فعشت ... وشكرا على هذا الموضوع ولما تستحق سيدته
... وأنت كذلك كل الخير ... وكل الشكر
مع مودتي
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
يامني ياخوجلي
يازولة ياسمحة
كتر خيرك وإنتي بتخلينا نعبر عن ما بدواخلنا تجاه البت الحليب دي
ياسلام يا مني ياخوجلي
إنعام حيمورة دي عندها ضحكة كان وزعوها بالتساوي صدقيني ما كان حيكون
في الدنيا بني آدم شقيان وتعيس ....( ههههههههههههاااااااااااي) هكذا تضحك
لتجمل سماوات البلاد ونهارات الخرطوم والعرق النازل شو من جبينها زي نهر بيغسل
مجراه . هكذا تعرفت علي ضحكتها قبال ألاقيها .
شكراً مني
......
المقر بجمال هذه الشابة
خضر
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: خالد العبيد)
|
بتجي على خاطري طوالي مبتسمة ..
أنيسة ولطيفة ودايماً في عيونا لمعة فرح
ما عارف بتجيبو من وين !!
ما بتاخد وكت كتير عشان تدخل قلبك لأنها
إنسانة صافية وما شايكه ..
إنعام يا منى من الناس البيخلوا للخرطوم
دي معنى ، هي والزيها ..
وبيجعلوا من أمر التمسك بالحياة شيء عادي ..
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
Quote: ماعايزه تجرب وتبقي سواقه للركاب..
|
والله ما فكرت لانو المسألة بعد داك بتتطلب حاجات كتيرة ما بقدر عليها- بلية سفة ولاتكون السجارة قصبة -
لكن كان بتجي تأزريني ما عندي مانع ...
وكدي النخليه تحت الدراسة
_________________________________________________________
رمضان قرب وحنانة قالت ليك المرة دي مش عجين معاه ابري كمان
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
الأخت مني خوجلي ...........
(والنقط أعلاه عشان تختارى نوع التحية)
مدخل أول:-
في اعتقادى أن وحدة سوداننا تكمن في وعي
حواء السودانية وها أنا أراها من خلال هذا
المنبر ونفاجات أخرى كثيرة.
مدخل ثاني:-
عن انعام حيمورة المحتفي بها أسال!!!
لدينا (نسب) قديم عبر أجدادى...
جدى عبدالرحيم أحمد حمدالنيل
وجدى ابراهيم أبوعاقلة لهما الرحمة
تزوجا بنات حيمورة
الأول من أبنائه وبناته خيلاني وخالاتي
أحمد, عواطف, معتصم, المرحوم ياسر,
سوسن......الخ
والثاني أبنائه/ بنته اشراقة, محمد, وليد,عصام
كما أنه من هذه العائلة نعرف القامة ذو
التأريخ الذى يسبق اسمه السر حيمورة
فهل هذه ال..انعام التي تتحدثون عنها
من هذه العائلة؟؟؟؟؟؟؟؟؟
وفي كل الأحوال لها مني ألف تحية
طالما حديثكم عنها بهذه الطريقة
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
نادية السر ..
انتي برضو باب من ابواب الانسانية وباب قوي بصارع للصمود وبقهر كل ما يقف في وجه ...
انا كمان سعيدة بالعمل معك بس طولي بالك شديد على كل شي طالما الزول رضي انو يكون باب يتحمل الدق فيه من كل الايادي ...
بتمنى معاك ننجح في كل باب نطرقوا ....
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: انعام حيمورة)
|
يا معشر السناجك
انا طولت من البوست ده ولقيتكم تقطعوا فيني لكن بالخير .
بالمناسبة يا منى مرتضى ابني كان بيعمل مع انعام حيمورة دى في شركة طيران واحدة وقال هى دينمو الشركة كلها بجمال خصالها وطيبتها وعلاقاتها الجميلة مع كل الموظفين . انا قلت ليه يا ود اتوكل على الله و ...............
والناقصة انا بتمها .
هييييييييييييع اكان نجيب لينا واحد زى عوض الجاز يخلي الجاز هبطرش
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
Quote: أنعام حيموره..
تدخل من ابواب لأنسانيه الواسعه..
وتقدم دون تردد كل وقتها وعاطفتها المخلصه لها..
لذلك نحبها..
ما شاء الله
تمنيت لقائها والله
ولسه عندى امل ربنا يجمعنى مع حرائر البورد
انعام حيمورة
انعام عبد الحفيظ
ونادية السر
تحياتى لكن
ام وضاح
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: انعام عبد الحفيظ)
|
| Quote: عارفة انا بحس بالتفاؤل بغمرنى و انا بسمع ضحكتها بترن و تملا المكان الفة ! |
وشكرا منى خوجلى
قريبتى التى احبها
ودائما نستمد
من ضحكتها الصبر على كل
صعب ومستحيل
ودائما تدهشهنابعذوبة روحها
وسعة قلبها
وهى مدرسة للانسانية
وربنا يغتيهاويحفظها دائما
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: عصام عبد الحفيظ)
|
الاخوة أصحاب كبائن المكالمات الهاتفية في الرياض يسغربون جدا في ان كل سوداني يدخل الكابينة ويتحدث مع اهله يخرج وهو يمسح في دموعه .. فيخففون عليه ويقولون له رد الله غربتك ...
وانا أقرأ في هذا البوست الجميل للرائعة الاستاذه منى أحتجت فعلا لمن يقول لي رد الله غربتك .. فأشتقت كثيرا اليك يا انعام ..
شكرا استاذة منى ..
شكرا لكل الاخوة التداخلين ..
شكرا اليك انعام وانتي نظلين كما نريد لك ..
| |
|
|
|
|
|
|
|
|
 Re: للأنسانيه أبواب كثيره..انعام حيموره! (Re: علاء الدين حيموره)
|
إنعام..وما أدراك ما إنعام..هذه التي إقتحمت قلبي عنوة واقتدارا كأغلى ما تكون الإخت..جديرة هي بمكانتها في قلبي وقي قلوب من أحبوها..فشخص نتنسم عبير إنسانيته قبل أن نلقاه ودون أن نلقاه لهو جدير بكل الحب والتقدير...لمني خوجلي وإنعام كل الود والتقدير
الزاكي
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: علاء الدين حيموره)
|
| Quote: هي انعام دي شردت من البوست دا ليه؟؟؟؟ |
تكون مشت تاخد ليها بكية وتجى..
سمعت ببت جدعة شدييييد قالو اسمها انعام حيمورة..
والليلة لاقيت بت سمحة شدييييييييييد برضو اسمها انعام حيمورة..
دى مسج كانت منى لانعام...
الكلام دا تانى يوم لحملة انقذوا وليد دارفور...
| |
|
|
|
|
|
|
|
|
|
Re: للأنسانيه أبواب كثيره..انعام حيموره! (Re: Muna Khugali)
|
اشراقة حيمورة ... صديقتي منذ ان فتحت اعيوني على الدنيا فدائما معا .. الله يخليك لي
منال خوجلي ... اول مرة تكوني جادة ... مرتبطة بذهني بالهزل دائما .. ياجميلة ... تستاهلي ..
عمر عثمان .. صديقي الجديد (انا جديد) .. وانا سعيدة جدا جدا بمعرفتك ...
عصام عبد الحفيظ .. عملتني معنى الحياة ...
علاء شقيق الروح وصديق الدهر ... هكذا غرسنا ...
Nilel .. ليتني استطيع ان افعل ما تفعله فانت ساحر ...
اميرة الشيخ ... مشينا الخطوة الاولى والمشوار لسة طويل ...
ختاما ...
بيان .. ندمانة عديل على اي زمن فات ما عرفتك فيه وبس
منى خوجلي الام الروؤم ساشتاق اليك الى ان تصلي ...بمرحبا بك مرة ثانية .. وشكرا لفتحك لهذا الباب
| |
|
|
|
|
|
|
| |
Muna Khugali
انعام عبد الحفيظ
الطيب شيقوق
Mohamed Abdelgaleel
انعام حيمورة
محمد عكاشة
معروف حمدين
فدوى الشريف
doma
عبد المنعم سليمان
غادة عبدالعزيز خالد
أحمد الشايقي
HAYDER GASIM
خضر حسين خليل
خالد العبيد
طلال عفيفي
السمؤال بدرالدين
Zeinab
Atif Makkawi
نهال الطيب
Ishraga Haimoura
Manal Awad Khugali
omer osman
essam&amal
عصام عبد الحفيظ
علاء الدين حيموره
nile1
bayan
عاصم ابوبكر حامد
Deng
فيس بوك
تويتر
انستقرام
يوتيوب
بنتيريست