دعواتكم لزميلنا المفكر د.الباقر العفيف بالشفاء العاجل
|
|
 لحظة من فضـلك .. ممكن?
|
ها نحن نواصـل لحظتنا بعـد أن ذهب ما بدأناه قبل اكثر من عام ونصف الي المكتبه..
نواصل بنفس روح الأسـره.. والتواصل في النقاشب مواضيعه ومساحاته المختلفه..
برغبه في المعرفه وحب لها>>
نواصـل الحكي عن ذكرياتنا..عن ما افرحنا فيها وما أتعسنا..
عن مواقف مرت بنا أو مررنا نحن بها وشـاهدناها... فضحكنا وبكينا وقررنا الحكي عنها
عـودا حميـدا بإذن الله وكل سـنه وكلنا طـيبين!
نواصل..
مني
|
|
 
|
|
|
|
|
|
|
 Re: لحظة من فضـلك .. ممكن? (Re: Muna Khugali)
|
| Quote: لحظة من فضـلك .. ممكن? |
الحمد لله
اصلو قلبنا طار بالارشفة الخلعتنا دي
ياربي ما تأرشف حبيب من جماله
ذي منوني حبيبتي دي ،،
بركة الرجعتيةمنو خلينا نفضفض شوية ،،
جاياكي راجعة ،،
مودتي ،،،
| |
|
|
|
|
|
|
|
|
|
Re: لحظة من فضـلك .. ممكن? (Re: خالدة البدوي)
|
مهم جـدا خـلودتي ترجعي..فالوحده لا تخاف الا نفسها!
وسـأتذكـر دائما أنك أول من تواصـل معي هنا>>
أعجبني جـدا اللون الجـديـد للمنبر.. فيه رقي وراحة للعين..
انتي وانتو كيف معاكم اللون ده مع تداخله مع الأحمر??
نواصـل..فمشـوار المليون يبدأ بخطـوه..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: د.محمد حسن)
|
Quote: العزيزة منى
كل سنة وانت طيبة وآية بخير (وزوجها)
والامتداد بخير |
وإنت طيب ياطارق..
آيه وبودي كويسين والليله لنـدن "مثلجـه"
كيفك وكيف أولادك?
سـلم عليهم كتير..
نواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: نواصـل الحكي عن ذكرياتنا..عن ما افرحنا فيها وما أتعسنا..
عن مواقف مرت بنا أو مررنا نحن بها وشـاهدناها... فضحكنا وبكينا وقررنا الحكي عنها
عـودا حميـدا بإذن الله وكل سـنه وكلنا طـيبين!
نواصل..
مني |
كل سنة وانت طيبة يا منى وسنواصل معك السرد والبوح
وحنبقى ليك في حلقك !!!!!!
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
منى عوض خوجلي ياااااه مرت سنة؟
ذلك البوست الماراثوني حَضرته و هو في البدايات ثم ضعت وسط الحكايا و الدروب حينما كنت أزوره، فأصبت بهاء سكت (بشرى الفاضل) أقرا على مهلي...
تحياتي منى عوض خوجلي و كل عام و أنت بخير
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
سلام للكل
منى عوض خوجلى
آية -- يا مزيجا من خليط الدهشة ألأولى --
حتى مبروك خجلانة من الخروج بس إحساس الإنسانية ح يتخارج كيف ثقتى فى
غفرانك و محبتك حتما سبعيدك إلى عالم الدهشة --
بمجهول المحبة فهل أنتم بخير أتبعك بشلل و هدوء مزعج عبر النت فهل أنت آنية
من عالم الدهشة
منى أول من حلم و سعى لجمع أهل الإمتداد با نجلترا
ألا زال الحلم مستمرا
عاطف وديدى
يا منى الكلام الفوق دة مكتوب في بوست الامتداد
| |
|
|
|
|
|
|
|
|
|
Re: لحظة من فضـلك .. ممكن? (Re: Tabaldina)
|
خطوط الطيران البريطانيه تلغي كل سفرياتهاالداخليه والعديد من السفريات الأوربيه
وخاصة المتجهه الي فرنسـا.. بسبب سـوء الأحوال الجويه بفعل الضباب الذي تتعذر معه
الرؤيه!
وصـلت درجه االحراره الي '2' درجه.. وزاد الضباب الذي هو عائق امام الطيران مع هذا
الانخفاض...
المشكله الآن لها بعدين..
أحـدهما متعلق بالمسافرين الذين نظموا اجازاتهم واحوالهم لقضاء الأعياد مع اسرهم..
والذين يصـعب عليهم قطع اجازاتهم والرجوع الي العمل..أو الحصـول علي فرص حجز ومقاعد
علي شـركات الطيران الأخري.. خاصه أن كثير من الشركات الأخـري قد ألغت سـفرياتها..
البعـد الآخـر.. يتعلق بالخسارات الماديه للشركه بسبب هذا الوضـع والذي قـد يستمر لعدة
أيام..مما يعني تعطل في سـفرياتها وحـدوث أشـياء أخـري مترتبه عليها..خـاصه ان الضباب
سيستمر حتي عطله نهاية الإسـبوع.. واحتمال استمراره حـتي السنه الجـديده..
كما انه يتعلق أيضا بإحـتمال حـدوث اضـراب قريبا يضـيف الي خسائر الشركه الماديه..
نواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: اسبغ الله عليك النعم دوما
وانت تفتحين نافذة اللحظة الاشراق
بك يحتفي كل حرف يدخل هنا
مودتي ايتها النخلة |
تسلم كتير ..
كـل حـرف كتبناه جميعا هنا هو شـعاع وأمل لشـعاع..
أرجـو ان لا تبعـد عنا..فالقرب كثيرا مايكون قوه..
لك أيضا الموده الجميله دكتور محمـد حسـن
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
ألعزيزة الفاضلة منى
لك مني كل الود مفعم بالأماني السندسية
بأن تكون سنتك رائعة روعة يراعك وقلبك الطيب الوارف المحب للكل
لي طلب بصفتي أحد عاشقي ألفنان محمد الأمين بأن نسمع منك أخبار
طيبة ونحن في هذه الأيام المباركة *
أطنان مودة
صلاح واسبة
| |
|
|
|
|
|
|
|
|
|
Re: لحظة من فضـلك .. ممكن? (Re: Salah Waspa)
|
تتبعت حركاتها وهي ترشق بخطواتها الحشائش الخضراء الزاهيه..بينما تناثرت الزهور
البيضاء الصغيرة الرقيقه أمامها..
تابعتها حـتي غابت عن عيني.. فرجعت الي كتابي وتنهيـده طـويله مرتاحه تصـدر مني
دون ان أرتبها..
فجـأة أحسست بحركه خـفيفه..
حـولت نظري ببطئ ناحية الحركه..رأيتها هي..نفس الحمامه الرماديه تقف أمامي في
وداعة ولطـف..
بادلتها النظر بحرص .. فرمشةالعين السريعه قـد ترعب ايقاعها فتبعدها عني!
أتراها شـعرت بمتابعتي لها وأتت لتعلمني بذلك?
ارتجف جناحها الأيمن قليلا..التفتت برقبتها ناحية اليسـار..ثم تبعهاجـسـدها..
واصلت خطاها الرشيقه في هـدوء..
نواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
يا سيدتي، حديثك عن المطارات و الطيران ذكرني يومٌ قضيت جُله قبل أعوام في أحد المطارات، لم يكن بجيبي ما يمكن أن يمنحني رفاهية وجبة في بردِ المطار و الوقتُ شتاء و أجهزة التكييف بالمطار تتجاهل هذه الحقيقة بلامبالاة تُحسد عليها، وعلبة سجائر أنفثُ مع دخانها ملل الساعات الطويلة. في الوقت الذي كنت أنظر فيه بحسد لجموع المدخنين في منطقة التدخين كان هنالك من يحاول بإصرار الإتصال بهاتفي دون جدوى و اعرف الآن أن عنايةٌ أعرف مصدرها قد منعتني الإجابة عليه. قضيت جُل الوقت أجولُ هنا و هناك أجلس حينا أُرقبُ الجموع المسرعة أمامي للحاق ببوابة للوصول لطائراتهم أو الذين تعبوا من معاقرة الملل فتوسدوا متاعهم والأرض أو استمع لصوت المضيفة الأرضية وهي تفرق الجموع بعيداً عن بلادهم وأهلهم حيناً و تعيد بعضهم سالمين لأهلهم وأحبائَهم بعد أن فشلت في مواصلة القراءة كوني مجبرٌ عليها في تلك اللحظة لتبديد الملل و بفعل الجوع أيضا و الحوجة لدخان (سيجارة)، ثُم سعادتي الطفولية حينما توصلت لمعادلة حصيفة تُرضي مزاجي وتسكتُ صهيل الجوع و يساوي طرفها الذي يخصني ما بجيبي على ضآلته، المعادلة التي كلفتني غرامي لقطع الشوكولاتة حتى اليوم.
إن أعجبتك الحكاية ساوافيك ثانية
| |
|
|
|
|
|
|
|
|
|
Re: لحظة من فضـلك .. ممكن? (Re: Mohammed Elhaj)
|
| Quote: إن أعجبتك الحكاية ساوافيك ثانية |
حكـايتك عاجبانا شـديد.. ومنتظرين إكمالك ليها علشان نحكي كلنا عن المطارات ومحنها
ومحنا نحن كمان فيها..والأخيره دي تخصصي أنا..وعايزه أحكي معاك عن خيبتي "الأحـديه"
المختلفه من خـيبة الناس "السبتيه" بس خـايفة من اتنين ..فاروق حـامـد الذي ينوي شـرا
بالإقامه في حـلقي ..وأبوبكر سـيد أحمـد الذي يمتلك حبوب الستريبسيل ومعه جـزء كبير من
حقيقة هذه الحكاوي ..ممكن يللا تبتدي تحكي علشان اتشجـع?
مازال مطـار هيثرو علي حـاله.. واليوم تم الغاء فوق المائتين سفريه داخليه..وتم ترحيل
حـوالي 2000 راكب بالكاوتشات للمدن الداخليه بينما مازال المطـار مكتظـا بالمسافرين من
رجـال ونساء وأطـفال..
بعض السفريات سـيسمح لها بالسفر اعتمادا علي حالة الجـو..وتأمل شـركة الخطوط البريطانيه
بأن تسـتأنف وتواصل سـفرياتها بنسبة 95% ربما ظـهرا..كما أنها أعـدت طائرات ضـخمه تحمل
عـدد مضاعف من الركـاب..
لا يستطيع أحـد ان يلوم الشركه علي رداءة الجو ولكن اللوم يكون علي الطـريقة التي تعاملت
بها الشركه مع زبائنها من الركاب ..كان هـذا سـؤال ال BBC لشركة الطـيران البريطانيه..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: nourelhadi awad)
|
Quote: كل سنة وانت طيبة يا منى وسنواصل معك السرد والبوح
وحنبقى ليك في حلقك !!!!!! |
مرحب بيك فاروق في بيتنا بعـد السنه الجـديـده..هذا مكانك ارتاح فيه فونستنا ستطول..
أها قهـوه كيف?
نواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
ومازالت السفريات ملغيه بسبب الضـباب الشـديد..
تقول الأخبار أنه تم الغاء عدد 330 سـفريه..كما تم تحويل بعض السفريات الي مطار
جاتويك Gatwick حيث الرؤيه أفضـل..
الفقر برضـه نعمه!!
يعني الناس المامسافره بسبب فقرها.. هاتكون مرتاحة من فشل الخطط وضياع الإجـازه
ونرفزة الأعصـاب..نعمه برضه.. يستحق حمـده..
ولا شـنو يا لؤي?
Quote: مُنَى الحلوة
تحاياي العطرات
أسجّل حضوري هنا ..
ومعاك ...
محبّتي |
مبسـوطـه شـديد بجـيتك..خليك معانا في بيتنا هنا..فلك من المحبه أضعاف..
تسلم..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Ahmed Hamza)
|
صـباحـك ورد ممكونه حـبيبتي وباقي أحـبائي...
أنا بكتب دلوقتي والساعه 7:45 .. والضوء يادوب بيسـري في نهارنا بهـدوء شـديد..وكله
بسبب الضباب!!
مازالت سـفريات هيثرو ملغية..والسفر بالطريق غير محبز تجنب الحـوادث الحركه..
وفي هيثرو توزع المسافرين علي كل المقاعد وعلي الأرض ..آملين ان يتحسن الحال في أي لحظة
علي الرغم من القراءه الواضحة للطـقس في الأيام القادمه..
الخطوط البريطانية الغت اليوم أيضا كل سـفرياتهاالداخليه.. والعديد من سفرياتها لأوروبا..
بينما استمرت معظم الشركات الأخـري في سـفرياتها علي الرغم من سـوءالأحـوال الجـويه..
والله ياممكونه حـننتني واحـده جـايه من أمريكا بعـد سنين طـويله تزور أهلها.. وطـبعا عامله كونيكشـن من لنـدن لمدينه داخليه وماعارفه تعمل شـنو!!
لا السفر بالجـو نافـع ولا بالأرض نافع!
علشان كده إحنا خلينا كـده ياحلوه قاعدين مع بعضنا نشرب قهوتك ونصـحصح ونتونس..
بلا سـفر بلا خيبه!
نواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: منى عوض خوجلي ياااااه مرت سنة؟
ذلك البوست الماراثوني حَضرته و هو في البدايات ثم ضعت وسط الحكايا و الدروب
حينما كنت أزوره، فأصبت بهاء سكت (بشرى الفاضل) أقرا على مهلي...
تحياتي منى عوض خوجلي و كل عام و أنت بخير |
محمـد الحاج الزول الهادي وجميل..
مر أكثر من عام ونصف علي لحظه!
تعارفنا خـلالها وتواددنا وسـردنا وفرحنا كما شـئنا وبكينا وجففنا دموعنا فلحظتنا في
الدنيا قصـيره..
تذكرنا لحظات شـقاوتنا وحكيناها دون تردد أو خجـل..وامتدت لحظتنا في نفس كـل منا فمررنا
ذكراها لبعضنا في صـدق أسعـدنا جميعا..
ما أجمـل الإنسان عندما يكون بسيطا!!
كتبت لي في أول بوست ان الفكره ( فكرة البوست) كانت تختمر في رأسك وقد سبقتك لها ..
علقت أنا بأن البوست ملكك.. أكتب فيه ماوددت فالأرض ملكنا جميعا.. والحب موجـود في
قلوبنا جمـيعا..
أؤكـد لك أن ما قلته حقيقي وسـاري بقوة أكـثر ..
اكتب كل ما بدا لك من ذكريات..أحـلام او افكار..وأبقي معنا هنا دائما
كـل أرشفه وانت طـيب
نواصـل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
..
.
Quote: لحظة من فضـلك .. ممكن؟
جــداً يا منى
مع نهايات عام قديم ومشارف عام جديد
قررت أن امدد اقامتى هاهنا ..
لك التحية والاشواق
والامانى وآيه والاسرة بالسعادة والصحة؛ |
العزيـز تبلدينا..
من عم البوستات في أول صفحاتها أنها تسهل علي الراغب في المشاركه علي الكتابه ..
عكس البوستات الطـويله بوجـه عام..
ميزة لحظه من فضلك تعد الوان مواضيعها ووسعة افق مساحاتها..لذلك ان غاب منها البعض
أورغب البعض في المشاركه يرجعون أو يأتون ولا يجـدون منا جميعا الا فرحه بالرجوع أو
القدوم ..
مازالت أخي صـالح ذكريات اللقاء في الخرطوم معشوقتنا حيه في الدواخل..
أبقي معنا.
نواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: الملك)
|
Quote: ألعزيزة الفاضلة منى
لك مني كل الود مفعم بالأماني السندسية
بأن تكون سنتك رائعة روعة يراعك وقلبك الطيب الوارف المحب للكل
لي طلب بصفتي أحد عاشقي ألفنان محمد الأمين بأن نسمع منك أخبار
طيبة ونحن في هذه الأيام المباركة *
أطنان مودة |
عارف يا صلاح ..
أنا أول ماشفت بوست مرض الأستاذ...دخلت فيه وطـلبت العنوان..تاني يوم نزل بوست جـدبـد
من ابنه..قال والده كويس وخرج..وعلي هذا نحمـد الله كثيرا ونشكر فضله..
علي كل حال لم يترك ابن الأستاذ أي رقم اتصـال ..لذلك يكون من الصعب بالنسبه لي الوصـول له..
علي كل حال ..سـأحاول معرفة أخباره من بعض الناس في لندن وان شـاء الله تكون كلها خير..فهذا واجبناامام عمره وفنه الذي غذا وجـداننا به..
قررت فجـأة أمس حـوالي السادسة مساء أن أذهب للسينما..غيرت ملابسي سـريعا بأخري صوفيه..
ارتديت معطفي وفي جيوبه وضـعت الموبايل ومفاتيح المنزل..ثم وضعت "مفحضتي" حـول رقبتي..
أكره حـقيبة اليـد ولا أحملها الا في المهمات الرسـميه..إجـتماع ..عمل..ورشه عمل أو سفر!!
أغلقت انوار المنزل وأبوابه بينما تركت الكومبيوتر والتلفزيون علي حـالهما..أحـدهما يعرض
برنامج ممل والآخـر ينظف نفسه من الفيروسات!
وصلت الي السينما التي تبعد 5 دقائق سير بالأقدام من منزلي..تبقي علي عرض الفيلم 15 دقيقه..
أخرجت ثمن التذكرة من مفحضتي 8.30 جـنيه دفعتها وأنا انظـر من زجاج السينما لفترينة أحـد
المحلات المجاورة للسينما..رفعت يدي لأري ان كان الوقت يسمح لي بالذهاب للمحل...تذكـرت..
ماعندي سـاعه..فتحت الموبايل..تبقت 8 دقائق!
الفيلم الذي سـأشاهـده اسمه جابرييل Gabrielle..وهو فيلم فرنسي بترجمه انجليزيه مكتوبه..
فيلم صـعب في حكيه..لكنه غني بمشاعر معقده للغاية عن علاقه بين زوج وزوجته...
سـلام تاني صـلاح ولك من الأمنيات الجميله مايكفي لأن يورد كل أيامك..
ولك من أطنان الموده أطـنان..
ونواصـل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: ومعك
في كل الخطاوي
وفي كل الحكاوي
الرائعة دوما
مني |
وأنا لو مافي زول بيسـمعني ما بقـدر أكتب خـالص!
مددت ساقي أمامي وأنا جـالسه هلي الأريكـه الخشبيه في بارك برومبسري الصغير...
طالت نظـرتي الي حـذائي البني الشول scholl والذي أكـاد لا ارتـدي غيره..
أخـذ شكـل قـدمي القبيح ببروز عظام الأصبع الكبير واصبح مريحا لي أكثر من أي حـذاء
آخـر..
أخـرجت من جيبي منديل ورقي ومسحت حـذائي في ود شـديد وأنا أعلمه بوجـوب محافظتي عليه
مادام يريحني ومادمت أحـبه!
رفعت نظـرتي من حـذائي لمبني كلية الصيـدله أمامي..إبتسمت..وفي شـوق تساءلت كيف هو صـديقي
الذي عرفني بها?
ذهبت لها معه للحصـول علي معلومات دراسيه....مبني قـديم طـوبي أحمر عريق... يعج بطلبه
معجونين بالأمل "وبالآسيويه"..الآسيويين من الهنـد علي الأخص يعشـقـون الدراسات العلميه..
ويتفوقون بالتحـديد في علم الكومبيوتر..
سـلام لك صـديقي الصـيـدلي أينما كنت..
وخليك معانا دكتور خـالد تاج السر انت وعصافير الحب...لك ولهم كـل المحبه.
نواصـل ..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
هادئة ... رزينة ....
الكلام يطلع منها براحة لدرجة الواحد يسترق السمع ....
عرفتوها ...
انها ماما جارة
التقيتها في سوداننا الحبيب ... فكان لقاء هادئ كهدؤها...
اقول ليكم سر بتشبه منى شبه شديد !!!
ربنا يخليها لينا ويديها العافية
| |
|
|
|
|
|
|
|
|
|
Re: لحظة من فضـلك .. ممكن? (Re: إدريس البدري)
|
وانت يتابعي في الحمامة الرمادية وفي ايدك كتاب
شوفتي يامنى السودانيين ديل قراين
وبريدوا حاجة اسمها الكتب
حاكي ليك عن الكتاب المسافر عند السودانيين
وجاييك للبوست الذيذده
مودتي
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: ياربي ما تأرشف حبيب من جماله
ذي منوني حبيبتي دي ،،
بركة الرجعتيةمنو خلينا نفضفض شوية |
إنتي عارفة يا خالدة البدوي يا أختي... أنا دعوتك دي حسيت بي صدقها العمييييييييييق... آميييييييين ربنا يتقبلها ويديك الصحة والعافي...
وربنا يجمع الحبان دايماً ودايماً في ساعات الخير...
ويحفظ لينا منى وصالونها العامر واللمة الفيها دي...
مودتي...
أبو الحســـــــــــين...
| |
|
|
|
|
|
|
|
|
|
Re: لحظة من فضـلك .. ممكن? (Re: أبو الحسين)
|
Quote: منى الحبيبة...كل سنة وإنت معانا ومنورا حياتنا
كل سنة وكل من تحبين بألف خير
مع تحيات ماما إحسان
حبي لك أيتها الغالية
سحر |
سحـورة ياحبيبتي..
قـولي لماما أختك مني لازم تشوفك السنة البادية دي..
يا إما هي تجـيني يا أنا أجـيها!
تحياتي لإحسان ولإخـوتك الصغار ياجميلة..وتعالي هنا ياسحـوره
أحكي معانا..إحنا اهلك واصحابك وبنحبك كتير..
كل سنه وانت بألف خـير...
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: الجيلى أحمد)
|
| Quote: وحنبقى ليك في حلقك !!!!!! |
| Quote: وانا حارسل ليك ستربسيل لزوم وجع الحلق ؟؟ |
أبو بكر صباحك خـير ورحمه وبـد اسبوع هايكون لحمه..
طـيب إنت ذاتك ماستربسيل وبانادول ذاته!
أسه فاروق ده من قال كلمته دي مارجـع تاني..يكـون موفر "صحة حلقي" لغاية ما
عيـد الضحية يجي ويمشي?
جـايز برضه!
عـارف دي فرصه علشان أهنئ أخـي مجـدي زوج شقيقتي مديحة..وطبعا هي كمان.. بنيتهم للحج هذا العام ..سـفرهم الأربعاء ان شاء الله..أوعـدنا يارب!
ومديحة انا ماكلمتكم عنها كتير..سأفعل ان شـاء الله بعـد رجـوعهم سـالمين
"وغير معفصين" قـولوا آمين..
ودعوة تاني كمان... مايجيبوا لينا معاهم النزلات الآسيـوية..تلقي نفسك مشيت تبارك ليهم
الحجة طـلعت منهم بفيروس النزله الفظيع داك ..من ناحية يـدوك سبحة ولا مصلايه ..ومن ناحية
تانية يمرضوك ويحرموك من استعمالهم!
نواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
صباح الفل يا مُنمُن و كل زوار البوست الطاااااعم ده..
الأخبار شنو يا منى؟
لسه المطار مقفول و السفريات متأجلة؟
إتذكرتك أمبارح و أنا بقرأ الخبر الطريف ده..
Quote: ناشدت إحدى شركات الطيران الصينية مُسافريها الذهاب إلى الحمام قبل ركوب طائراتها... بغية الحد من إستخدام حمامات الطائرة !
فبعملية حسابية توصلت الشركة إلى أنه في كل مرة يستخدم فيها أحدهم حمام الطائرة على إرتفاع 30 ألف قدم..يتم هدر ما لا يقل عن لتر من الوقود...!!
تأتي هذه الإستراتيجية رغبةً من الشركة في تخفيض نفقات إستهلاك الوقود !!! |
عاد دا تسميهو شنو يا ختي !!؟؟؟
| |
|
|
|
|
|
|
|
|
|
Re: لحظة من فضـلك .. ممكن? (Re: mamkouna)
|
Quote: منى..
كل سنة وانتي و الجميع بخير.. |
مولانا الفاضل ..
أمنياتك جميلة..
عارف لو كنت جيت السنه الفاتت والقبالها في المواعيـد دي..
ديسـمبر يعني..كنت هاتشوف العجب والصيام في رجب علي الرغم انك "..."
كنت هاتكون قاعـد متمحن ماعارف تعمل شنو ولا تقول شنو!
ناس بتشتم في بعضها..وناس بتجـر الشكل مع بعضها..وأخري بتجر ماتم جـره من البعض
من شكل برضه مع بعضها..والله شـفت الضغط والسكري كان ممكن يجيك منهم..
وانا كنت شـايفه شهر 12 ده موسم ..موش علشان عيـد الكريسماس ثابت فيه بس..لأ علشان كمان
موسم الشكل مع آخـر السنه!!
كـان في حـرقه أعصاب خـرافه كـده..بيتهيألي كـده..انه ده الحج بتاعهم.. لأنه عنـدهم
ايمان مطـلق به وتجدهم ملتزمين فيه بطقوسه كامله من شتائم وتهـديدات واغتيالات شـخصيه!
إنت بقي جيت في زمن هادئ وجميل وأعيادك اهي حـلوه وهاديه..
يبقي إحـنا كمان نقول ليك كل سنه وانت طـيب..وربنا يسعدك ويكرمك دائما بأزمان زي دي...
ونواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: سمية الحسن طلحة)
|
| Quote: لعنة الله تغشى كل من عذب البشر! |
نعم لعنة الله تغشاهم دنيا وآخـره!
تمكن بعض من زملاءنا هنا وغيرهم من ضحايا التعذيب في بيوت الأشباح من توثيق الذي جري لهم..
وهو عمل ليس بالسهل علي الإطـلاق..هو مجهـود وطـني..فالتوثيق في حـد ذاته يخـدم الوطـن..
ايقاف المجرمين هو عمل وطـني..توثيق التعذيب هو فضح لممارسه اجراميه يجب ان توقف.. وان
يحاكم مرتكبيهاأمام قانون رادع وفي محاكم عادله..تقوم بعض المنظمات مثل تلك في فيلم
الفيديو بهذا الدور المهم من التوثيق..
لكن.. كم من البشر عـذب ولم يعرف الطـريق حـتي لأي جهه تستمع لقضيته وتهتم بتوثيقها?
كم بيننا عـذب وعجـز لسانه عن الاخبار ببشاعة ماتم له?
الخوض في الحـديث عن التجربه مؤلم ياسـعد لدرجـة تفضيل البعض الموت بآلامه عن الإخبار به...
يحبون الوطـن ..وبسبب حبهم يعـذبون..يتحملون ويمرضون وقـد يموتون..
ولكن يظـل الوطـن هو الوطن..حـب فوق اي حـب ..
تحياتي لدكتور محمـدالقاضي وأستاذ عـلان وكـل من شارك في هذا التوثيق....
نواصـل...
مني
| |
|
|
|
|
|
|
|
|
|
Re: أختي الكبيرة مـديحـة! (Re: السوباوي)
|
العزيزة"حبوبة " منى كيفك والأسرة
نيو سـوداني الهادي..
أنا بخيرأتمتع بنعم الله الكثيره وأشـكر فضله..إنت وين يازول?
عاين شـوف مـديحة أخـتي دي زوله مختلفه مننا كيف..
وليكون مـدخلنا الحج بما أنها ستؤديه مع زوجها اخي الكبير مجـدي هذا العام..
مديحة دي زوله كـده عجنتها براها..خريجـة فلسفة وعلم نفس ودراستها العليا كـذلك..
يعني بالعربي "هاريانا"..
ولغاية دلوقتي علي الرغم من رجـوعها الي جـذورها من وقت طـويل وهي في منتصف المرحلة
الإبتدائيه ربما..الا ان لها لسان ينتمي أكـثر الي مسقط رأسها.. وميول في حـب الفن ايضا
من هناك..ويتمثل هذا في عجـزها عن حفظ مقطـعين في اي أغنية سـودانية ..وان حـدثت المعجزة
وحـدث ذلك ..فإنها قطـعا عاجزة عن اداء اللحـن المصاحب للبيتين..من يسمعها حينها سيضطـر
لأن يسألها هكذا:
اوعي تكوني بتغني في ....?
أنا ماقادرة أفهم الزول يبقي جـلجـل وسط بلده القضي فيها طـول عمره كيف??
صـعب جـدا تلقي رد علي السؤال ده..خاصة من الناس الفي باليي!
سـمعناها ماجـده وأنا في احـدي المرات تدندن بلحن لإحـدي أغنيات ثنائي العاصمة..ركزنا..
وركزت ماجـده اكثر بأخـلاق الثعلب ..فسـمعنا عجبا!!
كـانت تظن انها تغني لثنائي العاصمة فأدت مقطـع..
"البيقي علي أنا هين"
هكـذا
"اللي بيبأه علية أنا هين" !!
والأمثله كثيرة..ولكن نكتفي بهذا فقط ليشرح بعض الشئ عن أختي الكبيرة مـديحـة!
نواصل مع مديحة غالبا..واليحصل يحصل!
مني
| |
|
|
|
|
|
|
|
|
|
Re: أختي الكبيرة مـديحـة! (Re: Faisal Al Zubeir)
|
Quote: إزيك منى
جيت أسلم عليك ومارق
ماتسوي أي حاجة
كفاية إنك بخير
كوني كذلك دائما
ودي |
نور الهادي عليك الله أقعـد ماتمشي..عاين الناس الحـلوه دي كلها قاعـده..
مالك مستعجل?
أنا مانفسي في حاجة ..الا اني كنت أشـوف مـديحة برقتها الشـديـده دي هاتعمل شنو في
رجم الشيطان!
اتخيلت المشهد والسيناريو ده..
تقيف مـديحة خـايفه شـويه لغايه مامجـدي يقول ليها(ده باعتبار انهم ماتاهو من بعض)
ماترجمي يامـديحة واقفه منتظـره شـنو?
خـلاص ابتـدي يعني?
كـويس..دلوقتي هاخبطه!
بعدين وبيد مرتجـفة من الخوف وعيشة الدور..تطلع من جيبها..زلطاية ولا نواواية وترميها علي "الشيطان" بأقصي قوتها.. والتي اشك انها ستصل حـتي لأطراف الزون المخطط..وهي تقول
انشالله تموت!
او..
قـد تضيف لها..
ياوحش يامجرم..
ثم تلتفت لمجـدي تسأله خلصت التسعه كلهم?
يللا نطـلع من الزحمه دي!
وسـوف ترتدي مديحة ملابس لها سـوست حتي تحمي السبعة زلطـات من الضياع ..فتحتاس هي
في صحة وصلاح رجمها..
حـذرت مـديحة كثيرا من الآسيوين والنيجيريين أو اهل غرب افريقيا علي العموم..فلهم من
القوة الجـسـدية مايجعلهم يستضعفون أي انسان آخـر اثناء أدائهم مناسك الحج..انتو قايلين
الناس البيعفصوهم في الحج ديل البيعفصهم منو يعني?
نواصل مع مديحـة..
مني
| |
|
|
|
|
|
|
|
|
|
Re: أختي الكبيرة مـديحـة! (Re: د.محمد حسن)
|
Quote: الفاضلة مني
لك والاخوة والاخوات المشاركين السلام وكل عام وانت والجميع بكل الخير
احمد |
ولك منا جميعا كل الأمنيات الطـيبه..
ربنا يسعـدك ويخليك معانا دائما..
عنـدما استمع لوردي ..تجتاحني موجة مشـاعر قوية من حب وغضب..
يشبه حـب الأم اللا محـدود لإبن ارتكب خـطأ تراه كبير...فتعلنه بغضـبها
ثم تحتضنه في قلبها قويا وهي تقول..
عارفه بحبك لي أنا امك وقلبي وطـنك..وانت عارف بحبي ليك ..مهما عملت إنت ما
بنسي ليك أصلو حـاجاتك الكتيرة السمحة..
لو لحظة من وسني..
تغسل عني حزني...
تحملني.. ترجـعني الي عيون وطـني
نواصـل
| |
|
|
|
|
|
|
|
|
|
Re: أختي الكبيرة مـديحـة! (Re: Muna Khugali)
|
Quote: لحظة من فضلك
البوست ...ستو ...وزواره ...
..كل عام وانتم بخير.. |
كـل سنة وانت طـيب ياناجي...
شـكرا علي الأغنية الجميلة ..البلابل فرح كبير..
ياربي ممكـن يرجـعوا التلاته يغنوا سـوا?
ولو رجـعوا بيكون ليهم نفس آلق الماضي?
ماضي شـنو?
مني دي اظنها ماناقشة الدنيا..
البلابل ديل لورجـعوا امكن يكونوا أجمل...
نواصـل..
مني
| |
|
|
|
|
|
|
|
|
|
Re: أختي الكبيرة مـديحـة! (Re: Muna Khugali)
|
Quote: سلام للكل
منى عوض خوجلى
آية -- يا مزيجا من خليط الدهشة ألأولى --
حتى مبروك خجلانة من الخروج بس إحساس الإنسانية ح يتخارج كيف ثقتى فى
غفرانك و محبتك حتما سبعيدك إلى عالم الدهشة --
بمجهول المحبة فهل أنتم بخير أتبعك بشلل و هدوء مزعج عبر النت فهل أنت آنية
من عالم الدهشة
منى أول من حلم و سعى لجمع أهل الإمتداد با نجلترا
ألا زال الحلم مستمرا
عاطف وديدى |
صـديقي الجميل عاطـف..
فرقتنا الأيام هنا وأخـذتنا متطلبات الحياه بعيـدا عن لندن التسعينات.. وما أتت لنا الألفيه
الا بالتفرق وذكريات لأيام طـويله قضيناها نحلم بسودان في داخله امتداد جميل!
من يصـدق ان مايفصلنامن مسافات جـغرافية لا يتجـاوز الاميال القليلة..ومايجمعنا اقرب من
أكبر من أي توقع او وصف..ويصـدق أنه عل الرغم من كل ذلك ..مازلنا عاجزين حتي عن التلاقي
وجها لوجه?!
خـيبة الأمل والضيق والتخبط من اين نبـدأ.. وماذا حـدث ليضيع من اهل لنـدن ما كان لهم من
حيوية ونشاط ..ومن ثم تضيع منا كـل تلك الآمال والرغبة في التلاقي في كـل سبت أو أحـد?
أكـنا ضـحية انفسنا المتوهمة ام ضـحية وهمهم هم?
ولا يهم ان كنا منظمين في أحـزاب سياسية او منظـمين فقط في حب الوطـن..
جميعنا اصابتنا خيبة الأمل وأعراض التقوقع حـول ظروفنا الخاصه.. فلم تعـد لنهارات السبت
طـعم النـدوات والتلاقي في منـاقشة او استماع لمنـاقشة أو حتي شـاي او قهوه!
تحياتي لك صـديقي ولنجـلاء والأبناء..
شـكرا طـارق
| |
|
|
|
|
|
|
|
|
|
Re: أختي الكبيرة مـديحـة! (Re: Muna Khugali)
|
عزيزتي منـــو
تحية طيبة طيبة قلبك النقي الطاهر ، ، ،
أسجل حضور أينما كنتي لاستمتع بالسهل الممتنع ، وجمال التسطير وروعة الكلمة وحلاوة المعنى
عماد أخـوي وولـد حـلتي..
دائما معاي..قـول آمين
مسـافر ولا لـع?
حـاجة غريبة... طـريقة تحريفنا للحـروف مضحكة احيانا..
يعني هي لا... ايه اليخليها تبقي لع?
ولا التسعة تبقي دزعة..ولا تزعة!
خــلينا في موضـوعنا وهو المواصلة مع مـديحة واصله الموضـوع في نهايته كـده ولا كـده
هيكون نوع الكلام ده...
إنتي يابت انتي مش ميت مره كلمناكي ماتجيبي سيرتنا في هبابك البتكتبيه ده?!
وسيتبعه برود من ناحيتنا يظـهر في غباء اعتقـد انه طـبيعي يطلع من عيوني التي تقول عليها
امي من زمان عيون "سحـارة" فقط لان لهم شـكل الإسـتدارة!!
وثم تمتـد التعاليق واكثرها يصـدر من ثعلوبتنا ماجـده..تتخللها بعض التعليقات "الموحية"
بكتابة أخـري من مجـدي..تمتد اللحظة عنـدي وأختزنها لأحكيها لكم هنا ضاربة بتهـديدات
وتحـذيرات مـديحة عرض الحائط ..المهم نضحك!!
مـديحة لها تعليقات ان تابعتها تضحك ..هي لا تقصـد علي الإطـلاق ان تضحكك فقط تقولها..يعني
مثلا لها تعليق قالته وهي في قمة حـزنها ومنـديلها مبتل من غـزارة الدموع..
كانت تشاهد فيلم فيـديو سجلناه في تشييع حبيبنا الخليفة والدنا الي ضريح المحجـوب ..تضمن
الفيلم وصـول جثمان الصالح الي مطارالخرطـوم.. ثم السير به في القافلة الي المنزل الذي
قضي به نصف عمره..ثم السير به الي الضريح والصلاة عليه..ثم اجراءات الـدفن كاملة..
هو فيلم صـعب للغاية..جلست مـديحه تشاهـده وتبكي ..ثم اتت الينا وهي في شـبه انهيار من
التأثر لتقـول تعليقها هـذا..
الله ..جـنازة بابا كـانت جميلة بشـكل!
نواصـل...
مني
| |
|
|
|
|
|
|
|
|
|
Re: أختي الكبيرة مـديحـة! (Re: Muna Khugali)
|
| Quote: ما أجمـل الإنسان عندما يكون بسيطا!! |
Quote: ما اجمل الانسان period
(يامني : كل انسان بني ادم لكن هل كل بني ادم انسان ؟ ) |
وماقالته مديحة.. والذي تقصـد به أن 'الحضور' ومراسيم وداع والدنا الخليفة كانت عظيمة
ومشرفة..
فخرجت كلمة جميلة هكـذا!
ويذكرني هـذا يوقف مشابه حـدث في الخرطـوم قبل سـنين طـويلة ..حينما توفي أحـد الأشخاص في
أحـد مستوصفات الخرطـوم..وكانت اسرته بجانبه...
بكت ابنته وكانت بالطـبع في قمة الصـدمة للفقد العظيم..
حاولت ايقاظ والدها من النوم الأبدي ..وعندما لم يستجب بالطـبع لعدم قدرته علي فعل ذلك..
مضت تصرخ وتولول..
أول مره تعملها يابابا!
ربما استهجن البعض الضحك علي ذكر هـذه المواقف..لكني اود ان أذكركم او ربماأشـرح نفسي
وفلسفتي في هذه الفانية..
أن الحزن يحتاج لأن نضحك عليه.. وان اي لمحة قـد تأتي بالضحك حتي وهي في لجة الحزن ..يجب
علينا ان ننتبه لها وننميها حـتي تساعـدنا علي النسيان ومواصلة الحياة..
وربما كان هـذا يا أبو بكر.. يصب في خانة التفرقة بين الإنسان والبني آدم علي الرغم من
قسوة المظهر الحادث في الموقف
نواصل...
مني
| |
|
|
|
|
|
|
|
|
 Re: أختي الكبيرة مـديحـة! (Re: Muna Khugali)
|
Quote: وماقالته مديحة.. والذي تقصـد به أن 'الحضور' ومراسيم وداع والدنا الخليفة كانت عظيمة
ومشرفة |
كان عظمة الشرف للحضور الذين واروا جثمانة الثرى . له الرحمة والمغفرة بإذنه تعالى .
| |
|
|
|
|
|
|
|
|
|
Re: أختي الكبيرة مـديحـة! (Re: Muna Khugali)
|
والليله الأربـع..يسافر أحـبائي مجـدي ومديحـة الي الحج..
حجـه مقبولة يارب.ورجـوع سـالم..
وأرجـوكم كمان ابعـدوا من الجـدران فربما كانت مثل ذلك الفيلم المخيف والذي كان
اسمه "الجـدران المتداعية"..
ويارب ترجعوا لينا كـده حاجين سالمين وأوعكم من الهـدايا "اياها"..
وكمان ماتنسوا كماماتكم تحميكم من النزلات القبيحة بإذن الله.. والتي ان اصابتكم فأنتم
قطـعا ناقليها لنا..وكل شـئ بأمر الله..
باي باي أخـتي حـبيبتي مديحة.. وماتنسي تدعي لينا بالصحـة وراحة البال وحفظـنا كلنا
لبعض..وكنت عايزاك تدعي لينا نكسب اللوتري ونكسب الملايين.. لكن ياخسارة المناسبة
ماتسمحش!
وباي باي أخـوي حـبيبي مجـدي..إنت اخونا وابوناوربنا يرجـعك لينا بالسلامة ونرجـع كلنا
كـل يوم سبت وأحـد مع بعض نحكي ونضحك وماما جارة فرحانة بينا..ويارا الحلوة ترقص وتغني!
ونواصـل...
مني
| |
|
|
|
|
|
|
|
|
 Re: أختي الكبيرة مـديحـة! (Re: Muna Khugali)
|
أختي الجملية منــو
Quote: عماد أخـوي وولـد حـلتي..
دائما معاي..قـول آمين
|
لي عظيم الشرف أن أكون دوماً حيث أنت ، لذا أقولها وبالفم المليان وبدواخل قلبي آآآآآمييييييييييييييييييين .
لع ، كنت ناوي أمشي الحج بس ما إتيسرت .
| |
|
|
|
|
|
|
|
|
|
Re: أختي الكبيرة مـديحـة! (Re: عماد محمود علي)
|
عزيزتي منـــو :
Quote: والليله الأربـع..يسافر أحـبائي مجـدي ومديحـة الي الحج..
حجـه مقبولة يارب.ورجـوع سـالم.. |
أأأأأأأأميييييييييييين يارب العالمين .
وما تخافي عليهم يا منى الحج هذه السنة أفضل مليون مرة من سابقيه . تنظيم راقي وترتيبات أمنية مكثفة من لدن خادم الحرمين الشريفين وولاة الإمر المعنيين هنا بهذا الأمر . لذا أتوقع بأن يكون ايسر حج في السنوات الأخيرة . مع أمنياتي لك بحجة قريبة جداً ويا ريت نلتقي هناك السنة القادمة ونحج سوى إن شاء الله . وســلام .
| |
|
|
|
|
|
|
|
|
|
Re: لحظة من فضلك! (Re: عماد محمود علي)
|
منى..
كل سنة وانتي و الجميع بخير..
مولانا عادل سـمير.. الأرشفة دي حـارة لكن التحايل عليها ممكن ..
ووبرضه البركة في المكتبات..
وشـوف معانا أفلام أبيض وأسـود الكوميـديا فيها حـلوه كيف...
ذهبت الأم تبلغ عن ضياع ابنتها عفاف ذات الثلاثة وعشرين ربيعا من يومين..
وفي نفس الوقت .. جـاء احدهم(إحـسان) يبلغ عن فقـد زوجته عفاف والتي تزوجها قبل
يومين ..
ربط ظابط المباحث بين البلاغـين فـوجـه حـديثه للأم...يبلغها بالأخبار
بنتك لقيناها يامـدام!
بنتك إتجـوزت..إتجـوزت إحسان!
ردت الأم وهي تخبط صـدرها من الخضـة..
يا لهـوي..إتجـوزت إحسان?
إتجـوزت بنت زيها يعني?!
نواصـل
مني
| |
|
|
|
|
|
|
|
|
|
Re: لحظة من فضلك! (Re: Muna Khugali)
|
Quote:
هادئة ... رزينة ....
الكلام يطلع منها براحة لدرجة الواحد يسترق السمع ....
عرفتوها ...
انها ماما جارة
التقيتها في سوداننا الحبيب ... فكان لقاء هادئ كهدؤها...
اقول ليكم سر بتشبه منى شبه شديد !!!
ربنا يخليها لينا ويديها العافية |
ماما جـارة دي شـخصية براها كـده..
عارفه بقي يانعومي.. لو قعـدتي معاها سـاعات طـويلة كنتي ما بتزحي منها خـالص تاني..
وياسـلام بقي لو مشيتي ليها بعـد ماتشوف نشرة الأخبار!
والنكته عنـد ماما جـارة مابتاخد منها ثانية..بتطـلع منها كده في الكلام وبدون ترتيب..
وياريتك لو حضرتي لما هي والخليفه كانوا يكونوا بيتونسوا ويكونوا بيغيظـوا بعض..
بجيكم بكـلام عنها في وقت تاني ان شاء الله..
ومازلنا في فيلم ابيض وأسـود>>>
هربت العروسـة من عريسها وهي في ثوب زفافها القصير..وكان هروبها عن طـريق النط من
البلكونه..
صادف قفزها البراشـوتي سـقف أحـد التاكسيات والذي كان سـائقه نائم بداخله..
طبعا النطة صحته ..ومسافة مارفع راسه عشان يشـوف الحاصل..كانت هي تنزل بساقيها
العاريات..ومن النافذه لم ير السائق الا ساقيها..قـال بفرح مذهـول
يا قـوة الله!!
السـما بتمطـر سـتات حـلوة!
نواصـل ..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
الاخت العزيزة منى خوجلى كل عام وانت وآية وكل اهلك بخير
اولا :- اشتاقك.
ثانيا:- تعرفى؟ جلست اكتب ردا مسهبا فى اخر البوست السابق
لحظة من فضلك . وبعد اكثر من نصف ساعة افرغت فيها كل ما لدى
فى انطباعات عنه وعنك وردود على اقتراحاتك ماذا تفعلين بخصوصه
بعد موضوع الارشفة وغيرها من شجون احدثها فىّ ذلك البوست الذى
كنت نادرا ما اشترك فيه ولكنى اداوم على متابعته .
ما عارف عملت شنو ولا دست شنو غلط فتبخر الرد.
ما كنت اود قوله انك ابدع من ان تتحنطى فى بوست واحد
والحمد لله انك فتحتى هذا البوست لتتأكد به عبقريتك لنفسك اولا
وقدرتك على الايثار .
خارج الإطار:-
كان معى لفترة من الزمن الصديق الفنان مصطفى السنى
وسألته منك .وكان بودى لو سمحت الظروف بلقائك ولكن الله غالب
المهم تهنئتى بالبوست الجديد الذى اتمنى ان يكون شحمان زى
اخوه الفات ضياء ميرغنى الطاهر
| |
|
|
|
|
|
|
|
|
|
Re: لحظة من فضـلك .. ممكن? (Re: altahir_2)
|
Quote: مني خوجلي
تحية طيبة
بوستيك ده لذيذ ودمو خفيف
وتأكدي إني خلاص أجرت ليهو في غرفة
تحياتي |
إدريس البدري أسعـدتنا كثيرا بحضـورك ثم بوعـدك بالإقامة معنا..
شـفت الحجاج الليلة شـكلهم حلو كيف ?
ماشاء الله عليهم بختهم!
الإيمان الذي يشعر به الجميع في نفس اللحظة ويوحد ايمانهم.. والاحساس به
به بهذا الشـكل العميق ..هو قطعا احساس صـادق عظيم ..حقيقي..مريح..غامر وسعيـد..
ربنا يوعدنا جميعا به..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
كل عام وانتم بخير جميع زوار ام ريشريش ده اول هام تانى هام وبرضو بااعياد راس السنة الميلادية تلقاكم كلكم سالمين
وتامين ويحقق ليكم كل المنيات الظاهر منها والمدسوس وطبعا المدسوس بيكون اكتر من الواضح لكن اسمحو فى الاول اشكر الاستاذ بكرى ابوبكر مشكوووووووور كتبر انشالله يارب يوم شكرك مايجى بابتسهيلك ليناالرد وفى الحاله دى بيكون الرد عند المقدرة ونحنا وصلنا للحاله دى بعد عفو كتير عند المقدرة ياجماعة بصيغه الجمع وكده لانى بتكلم نيابه عن مجموعة من المتضررين من قوالات وكلامات ام ريشريش هى اوعى تكونى بس ماكلمتيهم عن الاسم ده وكده عموما يامافى الجراب ياحاوى
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: أم روشيريش يعني شنو في الأول?
أسـمعوا أنا إتصلت بماجـده قلت ليها يعني شنو..قالت لي خلي أصحابك
يوروك..
في زول عارف?
نواصل بعد شـويه |
عليك الله منو السماك الاسم الشين ده ؟؟؟؟؟ !!!!!!
قالوا المرة في الحج تزاحمت مع الناس للوصول
الى بئر زمزم فلما وصلت بعد مكابدة شربت منها
فلم تجدها حلوة كموية النيل التي تعودت عليها
فأرادت تفلها ولكنها خافت من الناس ... فبلعتها
على مضض وهي تدمدم : عاد منو البفتو ده يا زمزم !!!!!!!!
أها هسع منو البفتو ده يا منى ؟؟؟!!!!!
ثم قال : عليك بالمسنجر ... عليك بالمسنجر ,,,,
عليك بالمسنجر ... ولم يزل يرددها حتى رشرش عليه !!!!
| |
|
|
|
|
|
|
|
|
|
Re: لحظة من فضـلك .. ممكن? (Re: Ahmed Hamza)
|
كل سنة وكلكم كده بخير ومبسوطين وملمومين
العيد كيف يامني?
أرسل ليك صحن مرارة? ولاكمونيه?
مشتاقين يا جماعة لكن لازم امشي في خروف راجينا
ماما بتسلم عليكم كلكم وبتعيـد عليكم
مني وماجدة
أسه جينا من عند بابا وبلغناه سلامكم
منال
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: Re: لحـظـة مـن فضـلك! (Re: Muna Khugali)
رأيتني أراه مـن زاويتين ..
رأيته كالطاووس وذيله الملون وراءه يثير في مـن يتابعه.. الرغبه في لمس ريشـه
الناعم وتحسس لونه الرائع..
ومن الزاوية الأخري ..رأيته كالحمام الزاجل.. يقف بفرح تاركـا رسالة تفرح أكثر من
يسـتلمها...
أعشـق أنا اللون التركواز في 'خـرز' يبعـد الحسـد..يزيـن خاتما أو قرط... وأعشـقه
أكثر في صـندوق المسنجر الخاص بسودانيز اون لايـن.
.مني
5-12-2005, 05:19 م |
انقل ماكتبته في العام السابق عن المسنجر الداخلي لسودانيزاونلاين..
كان قـد أحزنني إختفاءه..
اما وقد رجع .. فإنني احتفل به حبا في رسائله حتي وهي قليلة..في لون الحياة فيه..
وفي شكله الجميل..
شكرا عمو بكري..كل سنة وانت طـيب
نواصل وعامنا يبدأ..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
وصلت عندنا بالسلامة 2007 قبل دقائق وسط استقبال حافل من لندن تلون بكل
اشكال وأصـوات الألعاب النارية..
وفي قلبي أنا حب لكم بقوة الوانها واصواتها
وداعا 2006 وكل سنة وانتو طيبين...
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
العزيزة منى - سلامات
كتبتى:-
Quote: فجـأة أحسست بحركه خـفيفه..
حـولت نظري ببطئ ناحية الحركه..رأيتها هي..نفس الحمامه الرماديه تقف أمامي في
وداعة ولطـف..
بادلتها النظر بحرص .. فرمشةالعين السريعه قـد ترعب ايقاعها فتبعدها عني! |
الشاعر الشفيف الرقيق (الحسين اونسه) اهدى شقيقه (مجذوب اونسه) كلامات أغنيه نبعت عند ملاحظته (لطيره) مكسورة الجناح لا تقوى على الطيران.
كتب هذه الكلمات الجميله:-
يا الطير الحزين وينك ..
منو العاداك كسر ليك جناحينك
عذاب الدنيا مقسوم بينى ما بينك
مجذوب (سودانى) بسيط وعفوى فيه (ظلاميه) خفيفه وظريفه، قال لى هذا (كفر) فقد جعل (الحسين) عذاب الدنيا كله مقسم بينه وبين ذلك الطائر، ونسى باقى الخلق!!
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
| Quote: كل عام وأنت وأحبابك وزوارك بخير ياام ريشيرش. |
هي مني ام ريشيرش ؟؟؟
ياملكة الدوبيت انتو ما قتو يوور مزر تنق عربي هسع ام ريشيرش دي عربي ؟؟؟
انا قت قايل مني هي ام اية بس طلع عندها ريشيرش؟
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
أتكأ بذراعه الأيمن علي القضبان الحديدية المشيدة سـورا لسلسلة الفنادق..بينما كانت
كف ذراعه الأيسر ترتجف وهي تمسـك بمقبض العصا المهوجنية اللون..
كـان عمره قـد تجاوز الثمانين عاما...أبيض البشرة حـد التجير وفي عيونه نظرة تعبه
كساقيه..
ترددت قبل ان أسأله ان كان في حاجة لمساعـدتني..
أجـابني بالنفي والشكر العميق..إستمريت في سيري ..فقد كنت اتوقع اجابته!
هو يسعي بكل قوته لأن يعيش باقي أيامه في حركة وحياة..وأنا قضيت أمسي ألعن يومي وألفظ
مافي جسـدي من حياه!
وفي الدنيا اناس اكثر منا ايمانا وتقديرا واعترافا بنعمة الله ..يعيشونها بينما نحن ننعيها
وهي مازالت قويه تنتفض في عروقنا..
Quote: وانت يتابعي في الحمامة الرمادية وفي ايدك كتاب
شوفتي يامنى السودانيين ديل قراين
وبريدوا حاجة اسمها الكتب
حاكي ليك عن الكتاب المسافر عند السودانيين
وجاييك للبوست الذيذده
مودتي |
الكتاب صـديق وفي .. يعطيك ويملأ وقتك وعقلك وروحك..لكن..
قلت صحبتي الجادة له في الفترات الأخيرة!
كـل سنة وانت طـيب يالسني..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: shazaly gafar)
|
Quote: إنتي عارفة يا خالدة البدوي يا أختي... أنا دعوتك دي حسيت بي صدقها العمييييييييييق... آميييييييين ربنا يتقبلها ويديك الصحة والعافي...
وربنا يجمع الحبان دايماً ودايماً في ساعات الخير...
ويحفظ لينا منى وصالونها العامر واللمة الفيها دي...
مودتي... |
أبو الحسين..
حصل مرة فرحت كـده شـديد بدون سبب ظاهر?
ولو حصل..بتحاول تعرف السبب شنو وتقعد تبحت لغاية ماتعرف ولا يغلبك تعرف?
طـيب أنا الليلة حاسة بفرح وتفاؤل كـده غريب..
واستغربت جـدا في الحالة دي..فحسب علمي من تجربتي أن اول أمسي كان سخيف وحزين ..ثم جاء.أمسي بكثير من الحياد..ثم يومي.بهذا الفرح!
أنصح نفسي كثيرا بعدم "التبحيت" في السبب ..خوفا من خيبة الأمل!
فربما لم يكن هناك سببا بل هو شكل من أشكال الأطوار الغريبة يصيبنا لأسباب مختلفة..
وعدم التبحيت يحتاج الي اغماض عين التشاؤم وفتح عين التفاؤل بقوة..عملية صعبة!
يعني تعمل زي ناس الخرطوم وبالذات الأيام دي...تعيش بعين مفتوحـة والتانية مقفولة...
تفرح بالعيـد..تلبس جـديـد..تاكل الخروف..تشرب الشربوت..تزور الأهلوتضحك كتير..
وأصله ماتفتح عيونك الإتنين الا بعـد العيـد ماينتهي..
كـل سنة وانت طـيب أبو الحسين سـعدنا كثرا بزيارتك لينا..
ممكـن تجينا كتير?
ونواصـل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Mohammed Elhaj)
|
الأخت منى وبقية الإخوة المتداخلين ، تحياتي الحارة للجميع وبعد
كل عام والجميع بخير وصحة وعافية وأتمنى أن يأتي العام القادم والكل قد حقق مبتغاه وما تمناه ..
فالعيد بالنسبة لي طعم خاص جربته وأنا طفل يافع أمشي الهوينى من مدينة الخرطوم بحري أو بالأحرى حلفاية الملوك ، فمدينة بحري بالنسبة لي كل شيء ، الأهل ، الدراسة ، الأحبة ، اللعب ، السينما ، وأشياء آخرى ..... يصعب الحديث عنها أو تذكرها......
فمحطات العيد عندي في الصغر تعني :
حديقة عبود ، منتزه النيل الأزرق وسوقه الخيري السنوي ، تجاوز كبري النيل الأزرق سيرا على الأقدام ومجاراة المجانين والمارة على جانبيه ، آثار لطلقات قيل أنها أيام المرتزقة أو 1978 ، جسر يكاد ينهار بك عند مرور القطار......
شارع النيل ، حديقة الحيوان ، البنطون وجزيرة توتي ، ليمون بارد لا ندفع له ثمنا ، سباحة على النيل الأزرق ، هرولة من التماسيح ونحن على ظهر البنطون ........ ثم عودة إلى سينما وطنية بحري ، ومن أراد ............ غرب وطنية بحري فله ذلك .
هذه ا لنقاط كانت " كيسا من العماري الجيد " حتى لا يشطح فكركم بعيدا........
ورغم تبدل الأحوال ومناوشة الزمن لأعضائنا جميعها فمازال للعيد طعم جميل وأجمل ما فيه الأنس مع الأحبة وفي ظني أن كلمة الإنسان من الأنس وليست من النسيان كما يعتقد البعض وما أجمل أن يؤانسك حبيب وما أكثرهم ، فلقد جربت الوحدة والعزلة سنين عددا داخل وخارج السودان فما أتعسها من وحدة وما أقبحها من رفيق ، رغم أنها أحيانا أفضل من غيرها ولكن أحيانا قليلة ....
وأتمنى أن يعود العيد على أطفالنا بأفضل مما نتوقعه لهم ، كله لعب ، أكل ، شرب ، جري وبهجة أينما كانوا ........
ولكم شكري .. وكل عام وكل من مر بهذه الدوحة الظليلة بخير وعافية ... ودمتم سالمين .
| |
|
|
|
|
|
|
|
|
|
Re: لحظة من فضـلك .. ممكن? (Re: Manal Awad Khugali)
|
مجـدي اتصل قبل أيام وكان مبسوط شـديد ..
الحمـد لله.. قال الحج ماشي كويس والصحة آخـر جمال..
ودعي لينا في اي مكان مقـدس زاره..
لكن هو كان فرحان برضه بيني وبينكم لسبب تاني!
غايتو بقوله ليكم وخلاص..
هو ومديحة كانو تايهين من بعض 3 يوم!
Quote: ماذا يود
رحيل مبكر نحو شفق
ماذ يود
دم يعانق دم
ماذا نود |
مرحـب بيك الجيلى أحمد في بيتك..طقوسنا هنا موده وجبنه وونسه..
جيتنا بمودتك الحلوة ..إتفضل اقعـد اتونس واشرب الجبنة..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: د.محمد حسن)
|
Quote: أن الحزن يحتاج لأن نضحك عليه.. وان اي لمحة قـد تأتي بالضحك حتي وهي في لجة الحزن ..يجب
علينا ان ننتبه لها وننميها حـتي تساعـدنا علي النسيان ومواصلة الحياة.. |
بداية طيبة لسـنة جديدة
كل سـنة وإنتى طيبة
| |
|
|
|
|
|
|
|
|
|
Re: لحظة من فضـلك .. ممكن? (Re: رأفت ميلاد)
|
ناشدت إحدى شركات الطيران الصينية مُسافريها الذهاب إلى الحمام قبل ركوب طائراتها... بغية الحد من Quote: إستخدام حمامات الطائرة !
فبعملية حسابية توصلت الشركة إلى أنه في كل مرة يستخدم فيها أحدهم حمام الطائرة على
إرتفاع 30 ألف قدم..يتم هدر ما لا يقل عن لتر من الوقود...!!
تأتي هذه الإستراتيجية رغبةً من الشركة في تخفيض نفقات إستهلاك الوقود !!!
عاد دا تسميهو شنو يا ختي !!؟؟؟ |
عارفة ياممكونة حبيبتي الدنيا دي فيها ناس عندهم افكار عجيبة..
زي جماعتك ديل!
وانا فكرت كـده من قريت كلامك..طيب يكونوا الجماعة ديل برضه خـدماتهم داخل الطائرة مختصرة
جـدا..
يعني مثلا اتخيلي انك راكبة الطيارة رحلة مدتها 7 سـاعات..يقوموا هم يختصروا في الأكـل
والشراب علشان خايفين علي حماماتهم وقبلها مصاريف الوقود..وبعدين بيكونوا شغالين بحكمة
تاكل قليل توفر كتير..
ولا داري علي وقودك تطـير!
ومع حكم زي دي..لو قلتي عايزة اشرب.. يقولوا ليك بعد تلاتة ساعات.. ليه?
علشان نكون هاف واي..
ما انتي مسموح ليك بلتر موية بس ولا شنو?
وقريب هايعملو مقاعـد مخصوصة بسعر خاص للعايز يمشي الحمام أثناء السفرية..تذكرة ليها تعريفة خاصة..اسمها تسهيلات حمام..ودي المسافرين علي متن الطائرة 'ام عنين صغيرة' بيدفعوا فيها تمن
3 او 4 لتر وقود زيادة..وبتقع في نطاق رأسملة الحمام ..وعلي فكرة المسافرين الزي ديل
بيكونوا حاسين بعظمة زي ماجسمهم حاسي بإرتياح..وتلقي الناس الماعندها التسهيلات دي بتحسدها
وتقرب ليها اثناء السفرية املا في اخـذ فرصة تبرع علشان الزنقة واستعمال الحمام..
و
نواصل..
مني
| |
|
|
|
|
|
|
| |
Muna Khugali
خالدة البدوي
طارق جبريل
د.محمد حسن
فاروق حامد محمد
لؤى
mamkouna
Mohammed Elhaj
Salah Waspa
Sahar Abdelrahman
abubakr
Adel Sameer Tawfiq
saadeldin abdelrahman
الملك
انعام حيمورة
إدريس البدري
محمد سنى دفع الله
أبو الحسين
الجيلى أحمد
السوباوي
Faisal Al Zubeir
altahir_2
ماجدة عوض خوجلى
Manal Awad Khugali
shazaly gafar
انور الطيب
رأفت ميلاد
ناجى أحمد البشير
فيس بوك
تويتر
انستقرام
يوتيوب
بنتيريست