|
|
 يا فرحنا..هالة حسن بلندن!
|
لندن شمسها ساطعة وفرحانة..
لكن فرحنا بوجود المهندسة هالة حسن بيننا أكبر..
وصلت هالة للندن أمس صباحا في اجازتها السودانية..
|
|
 
|
|
|
|
|
|
|
 Re: يا فرحنا..هالة حسن بلندن! (Re: Muna Khugali)
|
| Quote: اجازتها السودانية.. |
يعني كيف إجازتها السودانيه؟؟ جايبه معاها غبار ولا شنو؟؟؟؟
اها الليله بقيت ليك حسين ملاسي
يا مني مرحب بالمهندسه في إجازتها السنويه
وانشالله يطيب ليها المقام
| |
|
|
|
|
|
|
|
|
|
Re: يا فرحنا..هالة حسن بلندن! (Re: ابراهيم محمد الحسن)
|
Quote: هالة ،،
طول عمرها شغالة بنظرية (حوائجكم بالكتمان ،،)
إجازة سعيدة يا هندسة ،، |
والله دي نظريه حلوه وفيها حكمه كويسه لو اتبعناها..
بس مين يقدر؟؟
باذن الله الاجازه تكون سعيده..
خاصة مع مهرجانات لندن الصيفية..
عندك أي وصية؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: rosemen osman)
|
Quote: طيب ما تقولوا لينا احنا جيرانكم :)
مرحب بهالة واجازة سعيدة بس ان شاء الله تكون طويلة شوية عندنا فكرة نجى عليكم كان الله هون
تحياتى ماما منى وبورداب لندن |
زارنا النبي حبيبتي رزومين..
حقيقي لندن في الصيف جميله جدا..
والمهرجانات في الشوارع وفي الحدائق العامه..
وياريت تجونا وهالة موجوده..
علشان الفرح يكبر أكتر..
وكمان علشان أنا ما ضامنه وجودي في منتصف يونيو..
يللا منتظرين..
علي فكرة جية هالة للندن ما كانت مخططة من بدري..
بس ربنا كتبها..لندن بدل ماليزيا..
| |
|
|
|
|
|
|
|
|
|
Re: يا فرحنا..هالة حسن بلندن! (Re: Tabaldina)
|
Quote: ..
.
أنت تستاهل !!
بس انا ماعارف المكتبى ملاصق مكتبها
عملت شنو ؟؟
اسفيريا معليش لكن ناس واقعيا دى مشكلة
الحالة ما كتبت اسم المراجع زاتووو
_________
انا ماشى ركن المضهدين بوردياً مع بت قضيم |
شنو يا تبلدينا انت مضطهدني كده؟؟
مافي سلام حتي لي؟؟
مشتاقين كتير..
| |
|
|
|
|
|
|
|
|
|
Re: يا فرحنا..هالة حسن بلندن! (Re: معتصم محمد صالح)
|
Quote: بالسلامة يا هندسة ..
جارين معاك دولارات يوروهات ما عارف شنو ؟؟ تقومي تمشي بدون ما تكلمينا ...
تحياتنا يا ملكة .. |
يا معتصم هي لكن ما شالت اليوروهات والدولارات علشان تصرفهم هنا..
انت جاي متين؟؟
والله لندن دي أحلي ايامها..
تعال...
تحياتي..
| |
|
|
|
|
|
|
|
|
|
Re: يا فرحنا..هالة حسن بلندن! (Re: ibrahim kojan)
|
Quote: يعني كيف إجازتها السودانيه؟؟ جايبه معاها غبار ولا شنو؟؟؟؟
اها الليله بقيت ليك حسين ملاسي
يا مني مرحب بالمهندسه في إجازتها السنويه
وانشالله يطيب ليها المقام |
غايتو يا ابراهيم مع شمسهاالجايباها..
جايبة معاها برطمان "بعوض"..
نوع توصية يعني كده من أختك مني..
علشان الناس الما هاتظهر علينا في الأيام الجايه!
أختار..
تجي ولا تجيك الباعوضة؟؟
مرحب يا هالة..سعية بيك جدا..
| |
|
|
|
|
|
|
|
|
 Re: يا فرحنا..هالة حسن بلندن! (Re: ibrahim kojan)
|
كوجان،،
| Quote: يعني كيف إجازتها السودانيه؟؟ جايبه معاها غبار ولا شنو؟؟؟؟ |
لا و إنت السادء ....
جايبة معاى شمس للناس المساكين ديل،،
عاصمة الضباب لامن فهمت حاجة،،،،،
طيب و انا أعمل إييه؟؟؟
شكرا للترحيب،،،
| |
|
|
|
|
|
|
|
|
|
Re: يا فرحنا..هالة حسن بلندن! (Re: Muna Khugali)
|
مرحبا بالاخت العزيزة هالة حسن بيننا في لندن
هالة حسن جعلت عاصمة الضباب شمسا ساطعة
وقلبت الليل الي نهار
وانارت الدنيا بقدومها المفاجئ
واسعدتنا جدا بوجودها في لندن
نتمني لها اقامة طيبة وسعيدة
ونتمني ان تخرج من لندن بانطباع جميل
وتقضي اجازة لا تنسي في لندن
وفقكي الله اختي هالة
وجعل ايامك كلها سعيدة
ومتعك بالصحة و دوام العافية
واعادك الي اهلك سالمة معافية
شكرا اختي العزيزة مني خوجلي للبوست
وسلامي لجميع الاهل
| |
|
|
|
|
|
|
|
|
|
Re: يا فرحنا..هالة حسن بلندن! (Re: د.نجاة محمود)
|
Quote:
طول عمرها شغالة بنظرية (حوائجكم بالكتمان ،،) |
النظرية ما عندك
يا ابراهيم الظاهر دا حديث مش نظرية
ذكرتني عمنا كان يقول ليك ان الرسول (ص)(قال ( من حل دينه نامت عينه).
اجازة سعيدة يا هندسة
وعودا حميدا,,
| |
|
|
|
|
|
|
|
|
|
Re: يا فرحنا..هالة حسن بلندن! (Re: معاذ حسن)
|
النظرية ما عندك
يا ابراهيم الظاهر دا حديث مش نظرية
ذكرتني عمنا كان يقول ليك ان الرسول (ص)(قال ( من حل دينه نامت عينه).
اجازة سعيدة يا هندسة
وعودا حميدا,,
مرحب بك..
باذن الله تكون اجازة سعيدة..
| |
|
|
|
|
|
|
|
|
|
Re: يا فرحنا..هالة حسن بلندن! (Re: د.نجاة محمود)
|
Quote: الخيانات دي شنو يا هالة؟؟؟؟
بالجد اجازتها السودانية..
ما قلتي جايانا..
اصبري (مع لمة اصابع كدا وتهديد)
يا منى كان تغيظيها وتجو رحلة ماليزيا |
عارفه يا نجاة اول حاجه قالتها لي هالة انها كان المفروض تمشي ماليزيا
وحكت لي عن خططها معاك....
وانا كمان قلت ليها خلاص نتصل ببيان تجينا..
والسنه الجاية نمشي ماليزيا رحله..
يعني ننظم رحلة نسائية ظريفه..
أسة مافي طريقة تجينا؟؟
والله الجو رهيييب.
| |
|
|
|
|
|
|
|
|
|
Re: يا فرحنا..هالة حسن بلندن! (Re: Muna Khugali)
|
اختنا الغاليه مني
سلام ليك و لي المعاك في العوضه قاعدين
وكيف الحاجه نسال الله لها دوام الصحه والعافيه
وتحياتي للباشمهندسه واعزيميها سندوتش باصطرمه علي
حسابي و الحاسب يجمع
صاحبتك وصلت ابوظبي من حوالي شهر و أول يوم
كسرت يدها ولكن الان تمام بعد فك الجبس
| |
|
|
|
|
|
|
|
|
 Re: يا فرحنا..هالة حسن بلندن! (Re: ابراهيم محمد الحسن)
|
..
.
Quote: شنو يا تبلدينا انت مضطهدني كده؟؟
مافي سلام حتي لي؟؟
مشتاقين كتير.. |
اسفين ..
ونركع فى البلاط المنبر دا ..
والله رسلت المسج وانا اقول ياخى منى دى سلام الله
ما رميناهو .. لك العتبي ..الكبر والطشاش ..
وسفره هاله الاضطهدتنى دى ..
تحياتى ليك ولآيه وبتها .. وكل الاسرة بالمملكة المتحدة
______________
الواحد يقدم للفيزا ولا شنو ؟؟
| |
|
|
|
|
|
|
|
|
 Re: يا فرحنا..هالة حسن بلندن! (Re: Tabaldina)
|
يا صالح،
باخى ما إضطهاد و لا حاجة،
لكن الخواجات ديل قلنا ما نحرجهم بعد ما جروا جرى عشان يدونا الفيزا بسرعة،،،
| Quote: الواحد يقدم للفيزا ولا شنو ؟؟ |
باللا بسرعة منتظرينك،
بس قول ليهم من طرف هالة......
:D :D :D
| |
|
|
|
|
|
|
|
|
|
Re: يا فرحنا..هالة حسن بلندن! (Re: Hala Hassan)
|
Quote: باللا بسرعة منتظرينك،
بس قول ليهم من طرف هالة......
:D :D :D |
ولا اقوليك حاجة يا تبلدينا؟؟
انت امشي المطار ولو سألوك من الفيزا بس اتصل بي..طيب؟؟
يلال تعال قوام هالة اجازتها صغيره ..
| |
|
|
|
|
|
|
|
|
|
Re: يا فرحنا..هالة حسن بلندن! (Re: Tabaldina)
|
Quote: اسفين ..
ونركع فى البلاط المنبر دا ..
والله رسلت المسج وانا اقول ياخى منى دى سلام الله
ما رميناهو .. لك العتبي ..الكبر والطشاش ..
وسفره هاله الاضطهدتنى دى ..
تحياتى ليك ولآيه وبتها .. وكل الاسرة بالمملكة المتحدة
______________
الواحد يقدم للفيزا ولا شنو ؟؟ |
شنو يا تبلدينا ياخ قصتك معاي ؟؟
بت آيه دي ياتها؟؟
الأولي ولا التانية؟
وياربي الاسمها "ياسين" ولا الأسمها "يوسف"؟؟
غايتو الحر عامل عمايلو معاكم..
قدم للفيزا سريع قبل الصيف ومهرجاناته ما تنتهي..
وتاني برضه مشتاقين..
...........
...........
| |
|
|
|
|
|
|
|
|
|
Re: يا فرحنا..هالة حسن بلندن! (Re: Amany Elamin)
|
Quote: مني ازيك:
يعني أنا أوصل الخرطوم وأنا نفسي ألاقيها,
تقوموا تخطفوها الاجازه عندكم ..!!
ياستي حظكم بيها وحظها بيكم ..
ونحن ملناش في الطيب نصيب ..
هاله حبيبتي اجازه سعيده .. |
مرحب يا أماني..
انتي راجعه تاني الصين؟؟
يبقي خلاص الاجازه الجاية عندك..
أنا وهي ومن يحب أن يزور الصين..
احنا اتفقنا مبدئيا انه نعمل رحلة نسائية لماليزيا..
نجاة تحضر لينا شقة او شقتين وتورينا أسعار الايجارات وقائمة أماكن الفسح..
واحناباذن الله ننظم اجازاتنا وجيوبنا..
ايه رأيك؟؟
نتمني ليك اجازه سعيده في وطنك ومع أهلك وحبايبك..
يبقي عليكي تجي معانا ولا نجيك احنا..
| |
|
|
|
|
|
|
|
|
|
Re: يا فرحنا..هالة حسن بلندن! (Re: osman righeem)
|
Quote: اختنا الغاليه مني
سلام ليك و لي المعاك في العوضه قاعدين
وكيف الحاجه نسال الله لها دوام الصحه والعافيه
وتحياتي للباشمهندسه واعزيميها سندوتش باصطرمه علي
حسابي و الحاسب يجمع |
ازيك يا عثمان..
معقولة أأكلها باسطرمه في لندن؟؟
امال تاكل شنو في السودان لما تحب تغير من الفول والجبنة والسمك؟؟
غايتو هي كل شويه تقول لي وزني زاد..
وانا ماعارفه وزنها بيزيد كيف من غير ما تاكل كتير؟
ياربي الجو الحلو بيتخن؟؟
Quote: صاحبتك وصلت ابوظبي من حوالي شهر و أول يوم
كسرت يدها ولكن الان تمام بعد فك الجبس |
اولا حمدلله عليالسلامه ومعاها اولا برضه كفاره..
كسر اليد ده بطال خالص ومتعب..اسأل مجرب..
بتصل بيكم باذن الله..
تحياتي..
| |
|
|
|
|
|
|
|
|
|
Re: يا فرحنا..هالة حسن بلندن! (Re: انعام حيمورة)
|
Quote: يا هلول بختك الظروف جمعتك بي اجمل منى ..
نتمنى ليكم قضاء وقت سعيد وسعيد جدا في (ادورد رود) اها لقيتيني كيف يا منى ؟؟!!
مشتاقة ليك .. |
نعومي انتي الخرطوم تولع بيكم بحرها العجيب البتذكره داك..
وتجي تفشيهو هنا فيني؟؟
والله جو هنا رهيب..فايتك بس..
أمس مشيت أجهز في بيت آيه..
وبعدين في طريقي للبيت مليانه بوهية وغبار..
دخلت الجنينه قلت أرتاح فيهاشويه وبالمره أكل الساندوتش بتاعي..
والله يا نعومي قربت ارقد في النجيلة وأنوم..
اولا الجو كان ما تتخيليه كيف..والناس كلها الراقد فيها راقد والقاعد قاعد..
والورد الملون الصغير..زي ملابس الناس الملونه..منظر بديع جدا..
غايتو من اسة خططي للصيف الجاي لو ربنا احيانا..
بالمناسبة امس غسلت الشبابيك ولمعت الاطار امعدني بتاعهم..ودهنت واحد من السخانات بالبوهية..
موش فالحة؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: انعام حيمورة)
|
Quote: يا هلول بختك الظروف جمعتك بي اجمل منى ..
نتمنى ليكم قضاء وقت سعيد وسعيد جدا في (ادورد رود) اها لقيتيني كيف يا منى ؟؟!!
مشتاقة ليك .. |
نعومي انتي الخرطوم تولع بيكم بحرها العجيب البتذكره داك..
وتجي تفشيهو هنا فيني؟؟
والله جو هنا رهيب..فايتك بس..
أمس مشيت أجهز في بيت آيه..
وبعدين في طريقي للبيت مليانه بوهية وغبار..
دخلت الجنينه قلت أرتاح فيهاشويه وبالمره أكل الساندوتش بتاعي..
والله يا نعومي قربت ارقد في النجيلة وأنوم..
اولا الجو كان ما تتخيليه كيف..والناس كلها الراقد فيها راقد والقاعد قاعد..
والورد الملون الصغير..زي ملابس الناس الملونه..منظر بديع جدا..
غايتو من اسة خططي للصيف الجاي لو ربنا احيانا..
بالمناسبة امس غسلت الشبابيك ولمعت الاطار امعدني بتاعهم..ودهنت واحد من السخانات بالبوهية..
موش فالحة؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: طارق الكوتش)
|
Quote: اجازه سعيده يا هاله
وعودا حميدا للوطن
الهدايا خصوصا لقسطنطين
ومنتظرنك العام القادم ... انشاءالله
تحياتى |
مرحب بالكوتش..
غايتو هاله المفروض تحمد ربنا انه الهدايا لقسطنطين ومش للقسطنطينيه
انت داسي بلدك ليه..قوليها مستنيك واكتب اسم البلد..علشان نصل معاها..
تحياتي..
| |
|
|
|
|
|
|
|
|
|
Re: يا فرحنا..هالة حسن بلندن! (Re: ابراهيم محمد الحسن)
|
Quote: أشرف ،،
Quote: ونتمني ان تخرج من لندن بانطباع جميل
غايتو بعد ده كلو،،
لو هالة ما طلعت بانطباع جميل ،،
تكون إتلومت ،، |
طبعا يا ابراهيم يوم وصول هالة للندن كان يوم خروج ماما من المستشفي..
يعني شمس حلوة جد جد..
المهم أشرف وانا مشينا جيبناها من المطار..
أشرف أخوك مسكين يعتل في الشنط ساااااكت..
واحنا ماشيين جنبة نتمختر..
ايه رأيك تجي تمشي معانا "عين لندن"
أصله لندن عندها عين واحده تشبة الأسناسير من الداخل..
ومن الخارج ومن بعيد تشوفها زي الساقيه في الملاهي..
تمكنك من روية لندن من فوق..يعني متل أكنك جوة طياره
اسمها لندن آي..
تجي تمشي معانا؟؟
هاتعجبك والله..
تحياتي..
| |
|
|
|
|
|
|
|
|
|
Re: يا فرحنا..هالة حسن بلندن! (Re: ASHRAF MUSTAFA)
|
Quote: مرحبا بالاخت العزيزة هالة حسن بيننا في لندن
هالة حسن جعلت عاصمة الضباب شمسا ساطعة
وقلبت الليل الي نهار
وانارت الدنيا بقدومها المفاجئ
واسعدتنا جدا بوجودها في لندن
نتمني لها اقامة طيبة وسعيدة
ونتمني ان تخرج من لندن بانطباع جميل
وتقضي اجازة لا تنسي في لندن
وفقكي الله اختي هالة
وجعل ايامك كلها سعيدة
ومتعك بالصحة و دوام العافية
واعادك الي اهلك سالمة معافية
شكرا اختي العزيزة مني خوجلي للبوست
وسلامي لجميع الاهل |
سلام يا اشرف..
أمس طلعنا اتمشينا مشينا من يوستن رود لغاية راسل سكوير بعدين دخلنا لجرييز ان رود..ثم كينجس طروس والمكتبة
البريطانيه..بس لسه ما دخلناها..
رجعنا البيت وهالة ما قادرة تفتح عيونها من النعاس..مش بسبب المشي بس لكن كبعا السفر والتحضيرات ليه والسفريه نفسها
شيء متعب..طبعا الويك اند ده طويل لانه فيه الاتنين اجازه..مفكرين كده نمشي برايتون..
الليلة باذن الله نحاول نمشي لآسيا ربيع نحمدليها السلامه ونضحك معاها شويه ..
أها انت جاي علينا متين؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: Muna Khugali)
|
Quote: يوستن رود لغاية راسل سكوير بعدين دخلنا لجرييز ان رود..ثم كينجس طروس والمكتبة
البريطانيه |
سلامات يا ملكة ..
طبعا سجلت الاماكن دي كووولها .. بعدين لما اجيكم تودوني ليها شارع شارع ..
وداير اقابل الملكة برضو ..
| |
|
|
|
|
|
|
|
|
|
Re: يا فرحنا..هالة حسن بلندن! (Re: SHIBKA)
|
أختنا العزيزة منى...........السلام عليكم..
| Quote: يا فرحنا..هالة حسن بلندن! |
الحمدالله على سلامة هالة حسن وامنياتنا لها بقضاء إجازة ممتعة إن شاء الله....
والبركة فى طلت الفرح الزارك..وفرحنا بفرحك..يا حنينة...
ليك من الود اطنان.........إسماعيل محمد احمد عباس...
| |
|
|
|
|
|
|
|
|
|
Re: يا فرحنا..هالة حسن بلندن! (Re: ismeil abbas)
|
Quote: الحمدالله على سلامة هالة حسن وامنياتنا لها بقضاء إجازة ممتعة إن شاء الله....
والبركة فى طلت الفرح الزارك..وفرحنا بفرحك..يا حنينة...
ليك من الود اطنان.........إسماعيل محمد احمد عباس... |
والله يا سمعه مشتاقين كتير كتير..
واي حاجه حلوه في البلد دي بتشبهك يازول يا سمح..
السنه الجايه حاولوا تجو بي جاي..
عارف الفيزا دي مشكلة أغلب الناس من غير ما يجربوا يقدموا ليها..
حقوا تجربوا السنة الجاية..
اصله لندن دي زيارتها يافي الصيف يا مافي داعي..
جنها مطر!
ناس البيت في ولا سافروا؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: SHIBKA)
|
Quote: بصراحة يامنى بختكم فعلا بالمهندسة
بلغيها تحياتي وقولي ليها اجازة سعيدة |
مرحب يا شبكة..
والله هاله مبسوطه قالت في لحظة تسجيل اعترافات..
الحمدلله..لا شغل لا وجع قلب..
لا الكومبيوتر عصلج ولا الفايل اتمسح..
عارفة يا شبكة..هي الليله "مشت جوه عين لندن"..
وصورت لندن كلها من فوق..
غايتو لما تصلكم الخرطوم بتنزل الصور..
كلمي معتصم يضم للقائمة لندن آي..
تحياتي لك..
| |
|
|
|
|
|
|
|
|
|
Re: يا فرحنا..هالة حسن بلندن! (Re: معتصم محمد صالح)
|
Quote: طبعا سجلت الاماكن دي كووولها .. بعدين لما اجيكم تودوني ليها شارع شارع ..
وداير اقابل الملكة برضو .. |
يا معتصم،
إنت بس طلع الفيزا و الباقى كلوووو هين،،،،
(راجع وصية تبلدينا)،
:D :D :D
الملكة قالت ليك إستعجل،،،،،
| |
|
|
|
|
|
|
|
|
|
Re: يا فرحنا..هالة حسن بلندن! (Re: معتصم محمد صالح)
|
Quote: سلامات يا ملكة ..
طبعا سجلت الاماكن دي كووولها .. بعدين لما اجيكم تودوني ليها شارع شارع ..
وداير اقابل الملكة برضو .. |
طيب سجل عندك يا معتصم..
آسيا ربيع وزيارة رجعنا منها 12 بالليل..
كلها ضحك وونسة مع آسويه..
لازم تجي تقابل آسيا..
وبعدين ضيف الدوكلاند يوم الأحد..
ويوم للمسرح..
وامكن نلقي وقت للسينما..
و.......
و.......
تحياتي..
| |
|
|
|
|
|
|
|
|
|
Re: يا فرحنا..هالة حسن بلندن! (Re: Sabri Elshareef)
|
غايتو ياهالة بالدس بس يعنى ولا شنو - تبلدينا عرفناهو مشغول بالاجتماعات ( ماعارفو داير يصلح شنو ولا يصل لشنو ) انحنا مالنا ؟؟؟ ولا خايفا من الطلبات ؟؟؟
غايتو و جنس غايتو
---------------------------
تحياتنا للجميع وللاولاد واجازة سعيدة يا هندسة
| |
|
|
|
|
|
|
|
|
|
Re: يا فرحنا..هالة حسن بلندن! (Re: Mohamed Ibrahim Ahmed)
|
Quote: غايتو ياهالة بالدس بس يعنى ولا شنو - تبلدينا عرفناهو مشغول بالاجتماعات ( ماعارفو داير يصلح شنو ولا يصل لشنو ) انحنا مالنا ؟؟؟ ولا خايفا من الطلبات ؟؟؟
غايتو و جنس غايتو |
غايتو هالة ضيعت 80 جنية استرليني في تغيير عملة بس من يومين..
يعني فكت قروش بسعر.. ولما مشت المحل الجنبه لقت فرق السماء من الأرض في السعر..
رجعت للراجل وقالت ليه..
لا..مش عايزه..رجع لي قروشي!
الراجل كمان قال ليها..
لأ..
كان غيرك أشطر...
انتي غيرتي وخلاص..
حلال عليكي القهر..وحلال علي نفسي مالك!
مسكينه هاله..تغط منذ ذلك الحين في نوم عظيم..
وهي تربط رأسها من الصداع!
علي فكره يا محمد ابراهيم أحمد..
انت وصيتك شنو من لندن؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: Sabri Elshareef)
|
Quote: الاخت \ مني
التحية الطيبه
لهاله حسن الاجازة ولكم\ن
الاستمتاع بزيارة الاخن هاله حسن
وامنيات سعيدة لكل من سافر \ت لقضاء الاجازه في جميع قبل الله الاربعه
تحياتي لك يا هاله |
مرحب بالأخ صبري..
زيارة هالة للندن فرحتنا كتبر لانها خففت عنا الشوق للوطن..
بس خسارة اجاوتها قصيره!
احنا ماشيين برايتون يوم الجمعه باذن الله تحب تجي معانا؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: Tabaldina)
|
Quote: ..
.
غايتو سودانيز اون لاين دا كارثة
واحد يمشى اجازة لانكاى
ولا لندن ولا ميامى ..
ويجى يفتح المنبر دا
________
يا ناس استمتعوا باجازتكم المنبر دا قاعد
بطلو الويلاتى دا .. :) |
انت قايل شنو يا تبلدينا..
المنبر ده بقي في الدم..
يعني لو بتمشي النادي في يوم معين في الاسبوع..ما بتقدر تغيب من مواعيده..
واسه المنبر ده ياهو النادي بتاعنا..
اسه لو عاينت يمين بتلقي طربيزة ناس أسماء..وجنبها طربيزة ناس أحمد..
ولو عاينت شمال بتلقي ناس ابوبكر قاعدين متونسين برضه..
المهم الطربيزات الكتيره دي كلها جوه حوش..وكل مجموعه مع بعضها وامكن تتبادل المفاعد..لكن ما بتغيب..
وبعدين هالة دي حايمة اليوم كله وخايفه الأحداث تتزايد عليها ولما ترجع السودان تنسي تحكيها..
أفحمتك..موش؟؟
انت تابع معانا برنامج أمس كان كيف..
وما يفوتك..اسه رأفت ميلاد جاي في نهاية الاسبوع..شوفت الهنا ده؟؟
| |
|
|
|
|
|
|
|
|
 Re: يا فرحنا..هالة حسن بلندن! (Re: Hala Hassan)
|
| Quote: يعني ننظم رحلة نسائية ظريفه.. |
خلاص بطلنا الجية ... نظموا ذي ما عايزييييين ....!!!!!
هالة حمد لله على السلامة ... وإجازة سعيدة إنشاء الله ....
منـــو إزيك ... مشتاقين .... وماما كيف بقت ؟
عماد عوض خوجلي ....
| |
|
|
|
|
|
|
|
|
|
Re: يا فرحنا..هالة حسن بلندن! (Re: Hala Hassan)
|
Quote: عماد محمود،،،
ياخى ما تزعل،،،
خلى لينا الرحلة النسائية،
وإنتوا نمشى معاكم قندهار،،،، |
وبعدين هلي عمده يزعل شويه..
هم يا هالة برضو عندهم غتاتاتهم..
اسه مش شوفتي مرات كتيره كده ناس وهبه والمسلمي وحمور وكمان معتصم ده ذاته معهم..
بيمشوا فجأه كده قندهار..رجال بس؟؟
ويختاروا الجمعه لأنه النساء بيكونن مشغولات فيها في المطبخ والعيال ..
وعلشان يقضوا علي اي بصيص أمل بيصلوا حتي الجمعه في السجد هناك..
| |
|
|
|
|
|
|
|
|
|
Re: يا فرحنا..هالة حسن بلندن! (Re: عماد محمود علي)
|
مؤكد ياهاله طالما إجازتك برفقة الملكه
حتكون خمسه نجوم .
أمنياتى ليك بقضاء أيام ممتعه فى uk
Quote: سلامات يا ملكة ..
طبعا سجلت الاماكن دي كووولها .. بعدين لما اجيكم تودوني ليها شارع شارع ..
وداير اقابل الملكة برضو .. |
يامعتصم يأخى هو فى كم ملكه ؟؟؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: مزمل خيرى)
|
| Quote: أمنياتى القلبية بأجازة جميلة وممتعة لجارتى العزيزة هالة فى عاصمة الضباب .. |
يا مزمل هالة مهيصة في الشوبنج..
قلت ليها أرحمي نفسك ومعاه الوزن..
لكن هي ولا هنا..بالها في السوق..
الفسحة الجد من السبت...
احتمال كبير نمشي برايتون..حيث الشمس والبلاج والملاهي للكبار قبل الصغار..
تجي تمشي معانا؟؟
عازمينك والله..
| |
|
|
|
|
|
|
|
|
|
Re: يا فرحنا..هالة حسن بلندن! (Re: عماد محمود علي)
|
Quote: آآآآميييين .
معقووووول انت يفطوك بس ... ياخي خاتنك تحلية ( وختامه مسك ) .....
الكنداكة إزيـك ....... |
عمده ازيك..
والله نعومتي دي روحها محرقاها براها..
اتقول نحنا قلنا لناس شغلها ما يدوها اجازة!
اها احنا عندنا خطة رحلات..
ناس يعزمونا في بلدهم ونحنا نعزمهم في بلدنا..
اكان جيناكم بتحججونا؟؟
في انتظار ردكم..
والسلام..
| |
|
|
|
|
|
|
|
|
|
Re: يا فرحنا..هالة حسن بلندن! (Re: Hala Hassan)
|
سلاااااااااااام جاكم
والله انعام دي سكررررررررررررررررره ..... مفطوطه من النار انشاء الله
منى ازيك .... قصدك تغيظي تبلدينا مش؟؟
ست الاجازه اجازه سعيده انشاء الله يا باشمهندسه
بث
| |
|
|
|
|
|
|
|
|
|
Re: يا فرحنا..هالة حسن بلندن! (Re: BitAlhana)
|
Quote: هالة ،،
طول عمرها شغالة بنظرية (حوائجكم بالكتمان ،،) |
الكتمان دا بي وين يا عم إبراهيم في الإجازة دي
دي فوقا بوست في يومين عمل 61 مداخلة 679 قارئ
والكاتب منى خوجلي . . داير إعلام أكثر كدا شنو !!
إلا كان في إجراءات السفر
إخيتي منى إزيك
إن شاء الله كما أنتِ
إجازة سعيد يا هندسة
وعوداً طيباً سليماً غانماً
مرفق:
دعواتي
إسماعيل حميم
.
| |
|
|
|
|
|
|
|
|
|
Re: يا فرحنا..هالة حسن بلندن! (Re: إسماعيل حميم)
|
العزيزة منى
بالله الزولة دي ماتقصرو معاها زولة بتستاهل
انا شخصيا ماجاتني الفرصة لكن عندي صاحبي كلما تجي سيرة لندن يقول لي البيبسي عندهم بي جنيه استرليني غايتو كان الواحد فكر يمكن يجيكم في رمضان لوووووووول يكه
الوالده اخبارها شنو بالله
تحياتي
زاتووووو
| |
|
|
|
|
|
|
|
|
|
Re: يا فرحنا..هالة حسن بلندن! (Re: ALZOLZATOO)
|
Quote: العزيزة منى
بالله الزولة دي ماتقصرو معاها زولة بتستاهل
انا شخصيا ماجاتني الفرصة لكن عندي صاحبي كلما تجي سيرة لندن يقول لي البيبسي عندهم بي جنيه استرليني غايتو كان الواحد فكر يمكن يجيكم في رمضان لوووووووول يكه
الوالده اخبارها شنو بالله
تحياتي
زاتووووو
|
سلام يا زاتوو..
لندن قلبت ليها تلاته أيام والمطر فظيع..
لكن هالة ما شاء الله..
قالت للمطر انزل زي ما داير..وأنا يهمني؟؟
ثم هزت كتفيها وركبت البص!
.........
.........
والله لو جيتنا في رمضان السنه دي ولا البعدها..يكون عديل ربنا بيعاقبك..
تخلي شهور رمضان الفي الشتا وشمسها البتغرب 4 العصر ومرات قبال كده..
عشان تحضر غروبها الساعه عشرة؟؟
اسه نحنا مبارين الشمس وساعة غروبها ومبارين الجو في كل مناطق العالم التي يمكننا الوصول لها..
السنه الجايه لو ربنا حيانا نصوم في مصر ونقعد في المكيف اليوم كله!!!!!
امك جاره كويسه جدا وماشاء الله بتستعد للسفر لحضور زواج بت أختها في أمريكا..
ايه رأيك تجي تمشي معاها وتحضر الزواج؟؟
تحياتي لك وللأسرة..
| |
|
|
|
|
|
|
|
|
|
Re: يا فرحنا..هالة حسن بلندن! (Re: ALZOLZATOO)
|
Quote: بالله الزولة دي ماتقصرو معاها زولة بتستاهل
انا شخصيا ماجاتني الفرصة لكن عندي صاحبي كلما تجي سيرة لندن يقول لي البيبسي عندهم بي جنيه استرليني غايتو كان الواحد فكر يمكن يجيكم في رمضان لوووووووول يكه |
الزوول القال ليك البيبسي بجنيه استرليني ذكرني السوداني في لندن وقف التاكسي وسال السواق..
يو سبيك انجليش؟؟
بتتكلم انجليزي؟؟
ما بقدر اقول ليك السواق رد فعله كان كيفّّ
عارف لندن بقت غاليه بشكل مبالغه من الاول والسبب الأزمه الماليه العالميه..قزازة البيبسي ام جنيه قربت تصل الضعف
وقيس علي كده..
أنا بيتهيألي مرات انه النحس فينا احنا..محل مانمشي الحياة تبقي صعبه..ونصعبها علي أهلها ذاتهم!!
ايه رأيك يالزول تجي تمشي معاي سينما..مالاقيه زول يدخل معاي السينما!
لكن انجليش بوكيت..تدفع تذكرتك وادفع تذكرتي..علشان تحس انك فعلا في لندن..
| |
|
|
|
|
|
|
|
|
|
Re: يا فرحنا..هالة حسن بلندن! (Re: نبيل عبد الرحيم)
|
واحد عربي مشى لندن
لما رجع عمل قصيدة سماها (أم ضباب)
لووووووول يكه
يا هالة كمان قاعدة تردي
يا زولة سيبك من ناس سوانيز ديل
اطلعي شارع الشانزليزيه
والا برج بيتزا
والا ساعة بق بن
والا تمثال الحرية
الحاجات دي مش في ام ضباب؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: معاذ حسن)
|
Quote: جنها حوامة في الاسواق!
|
المعروف لايعرف يامنى خوجلى
ورينى واحدة ماجنها حوامة الاسواق
هالة حسن
ازيك وحمدلله على السلامة
واعملى حساب الوزن وانت راجعة
ياناس لندن بالله لو جينا عندكم
ممكن نكلم منو ؟
| |
|
|
|
|
|
|
|
|
|
Re: يا فرحنا..هالة حسن بلندن! (Re: Mohammed Haroun)
|
Quote: ياناس لندن بالله لو جينا عندكم
ممكن نكلم منو ؟ |
ياناس لندن والله الفيكم اتعرفت
يعنى عملتو رايحين عدددديل كدة من البوست دة
بس اوع يكون السبب كلامى الفوق دة
بس انا بهزر معاكم اصلو ذاته بلدكم دى ماعاجبانا
عشان كدة ماجايينها
| |
|
|
|
|
|
|
|
|
|
Re: يا فرحنا..هالة حسن بلندن! (Re: احمد التجانى احمد)
|
Quote: ياناس لندن والله الفيكم اتعرفت
يعنى عملتو رايحين عدددديل كدة من البوست دة
بس اوع يكون السبب كلامى الفوق دة
بس انا بهزر معاكم اصلو ذاته بلدكم دى ماعاجبانا
عشان كدة ماجايينها |
اسه يا أحمد التجاني بكري ده مارجع السمايلي فيس ليه؟؟
والله انا ما رايحة من البوست لكن بس ظروف..
وبعدين ان كان علي هالة السبب زمايلك الفي بوست ده..
قعدوا يقولوليها البوست ملحوق ومافي داعي تدخليه اسه!
المهم يا زول انت بلدنا دي لازم تعجبك..لانها فعلا تعجب..
خاصه لو اجازه..يلا تعالوا الصيف الجايّ!
تحياتي لك ولأولادك الحلوين..
| |
|
|
|
|
|
|
| |
Muna Khugali
ibrahim kojan
معتصم محمد صالح
ابراهيم محمد الحسن
rosemen osman
ASHRAF MUSTAFA
انعام حيمورة
معاذ حسن
osman righeem
SHIBKA
ismeil abbas
Siham Elmugammar
كمال سالم
مزمل خيرى
إسماعيل حميم
ALZOLZATOO
Fadl Karrar
حمد محمد احمد
نبيل عبد الرحيم
احمد التجانى احمد
Mohammed Haroun
فيس بوك
تويتر
انستقرام
يوتيوب
بنتيريست