دعواتكم لزميلنا المفكر د.الباقر العفيف بالشفاء العاجل
|
|
 ماعرستوا البتحبوهم ليه?
|
ماعرستوا البتحبوهم ليه?
استمرارا في السبق والحجز...
خاصة اني الأيام دي كل ما أفكر في موضوع كتير.. القاه ظهر فجأة في النت..
علي الرغم من اني اصله ما اتكلمت فيه مع زول..وبقيت خايفة افكر من خوف انه زول يقرا
افكاري ويسرقها..زي البيشوف الكحلة ويسرقها..
وراجعة اسه دي
بس قلت في الأول تاني أحجز..
|
|
 
|
|
|
|
|
|
|
|
Re: ماعرستوا البتحبوهم ليه? (Re: Hussein Mallasi)
|
| Quote: لأنهم عرسوا البيحبوهم!! |
يعني هم كلهم كانوا بيحبوا او قالواانهم بيحبوا..
لن كل واحد كان بيقول للتاني أنا بحبك وفي باله كان بيقصد زول تاني..
لما قامت ساعة الجد جات.. قام الحب قال.. ولا هم القالوا ماعارفة..
الآن حصحص الحق..
المهم قام الحبيب أو الحبيبة لقي حبيبته عرست واحد تاني..
هو او هي اتهجم..وبرضه إنذهل..وقال او(قالت) لنفسه..
أتاريها كانت بتغشني...
حسين ..النبي كان ماكبرت سطرك الخطر ده لسطور زياده..وسلم لي علي الخرطوم
| |
|
|
|
|
|
|
|
|
 Re: ماعرستوا البتحبوهم ليه? (Re: Muna Khugali)
|
| Quote: ماعرستوا البتحبوهم ليه? |
بت أعمي عوض خوجلي...
تحايا نواضر من أبي الحسين...
وأقول ليك أنا غايتو ما عرست لي هسع...
لكن لو ربنا حبس العوارض وسهل... حا إتزوج البحبها وميييييييت فيها منذ أن كانت تلميذتي في ثانوية الزومة ...
بس دعواتك يا بت الخلفاء الخوجلاب...
كميات مودتي...
أبو الحســــــــــين...
| |
|
|
|
|
|
|
|
|
|
Re: ماعرستوا البتحبوهم ليه? (Re: أبو الحسين)
|
Quote: بت أعمي عوض خوجلي...
تحايا نواضر من أبي الحسين...
وأقول ليك أنا غايتو ما عرست لي هسع...
لكن لو ربنا حبس العوارض وسهل... حا إتزوج البحبها وميييييييت فيها منذ أن كانت تلميذتي في ثانوية الزومة |
أبو الحسين قايلنا بننسي ولا ماشين نموت?
راجينك..
ليه ماشي تعرس?
الحب ليك وليها صعوباته شنو?
أوعك تعمل لينا حركات الشايقيه و نحنا خابرنها سممممح
يعني مثلا ..
تخطيطك لما بعدين نعرس ونجيب ولد ونسميه حسين دي حركات مكشوفة..
ولا
وبعدين انا باقي عليك.. ان شاء الله لو بعد عشرة سنين بعرسك وعلشان تصدقي ..ياهو ده اسمي
الجايب اسم ولدنا..أنا بااااقي عليه 
| |
|
|
|
|
|
|
|
|
|
Re: ماعرستوا البتحبوهم ليه? (Re: صديق الموج)
|
Quote: ما انتى يا منى قمتى سافرت وعملتيها لى شغل وكده....يعنى كان فى
داعى توريهم اننا اتحاببنا وكده؟؟؟ |
والله تقول شنو ياصـديق..
ماهو كمان لازم كان واحـد فينا يشتغل..
أمال كنا هناكل من وين..وندفع الفواتير كيف?
يللا رجـع لي جواباتي..
مصر تحتفظ بيها ليه?
| |
|
|
|
|
|
|
|
|
|
Re: ماعرستوا البتحبوهم ليه? (Re: محجوب البيلي)
|
Quote: منى ... سلامات
أنا شخصيا جاوبتك هنا:
Re: ود وبت الجيران..
عايزة توصلي لي شنو بالضبط؟ |
يعني يا محجوب من عمرك كان 5 سنوات ماحبيت تاني?
غايتو انا عندي حكاوي كتيرة بعضها عن نفسي وبعضها عن اصحابي..
لكن انتو مامشجعين الزول يكتب!
اها كيف?
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
مني سلام ..
طبعا انا متابع بهناك وعامل ما عندنا بت جيران علما اني حبيتهم كلهم .
هنا دا حاعمل فيها ملك المشكوكشين ..
مواضيعك جميله جدا .. تقول ما حبوبة ..
او باعتبار ما سيكون .
احترامي ..
| |
|
|
|
|
|
|
|
|
|
Re: ماعرستوا البتحبوهم ليه? (Re: malik_aljack)
|
الاخت منى
تحياتي لك
اخشى من تداعيات هذا البوست على العلاقات العاطفية والتي يسعى اي من طرفيها لتجذيرها في نفس الاخر .
الاثر السلبي الذى اخشى منه ايضا هو ان تتساقط اعمدة حب وهي في طور النمو يا منى اختي .
هذا فضلا عن ان السؤال في حد ذاته وضع فرضية تحمل بين دفتيها ادانة للرجل قبل سماع اقواله ما لم يكن القصد منه توجيهه للطرفين .
المهم السؤال للجنسين ام للرجل لوحده ؟ وقطعا لكل حادثة حديث
اطيب المنى
| |
|
|
|
|
|
|
|
|
|
Re: ماعرستوا البتحبوهم ليه? (Re: الطيب شيقوق)
|
Quote: اخشى من تداعيات هذا البوست على العلاقات العاطفية والتي يسعى اي من طرفيها لتجذيرها في نفس الاخر .
الاثر السلبي الذى اخشى منه ايضا هو ان تتساقط اعمدة حب وهي في طور النمو يا منى اختي |
.
يكونوا ناس متلككة!
هم بس قاعدين كده منتظرين سؤالي ده يخرب البينهم?
ديل أحسن ذاتو يفرتكوا من اسه ومايضيعوا وقتهم سـاكت..لأنه في الحالة دي معناتو مافي حاجة حقيقية أو قوية بينهم..
ومش امكن برضه يقود لنقاش الأسباب بدلا من التداعي?
Quote: هذا فضلا عن ان السؤال في حد ذاته وضع فرضية تحمل بين دفتيها ادانة للرجل قبل سماع اقواله ما لم يكن القصد منه توجيهه للطرفين .
المهم السؤال للجنسين ام للرجل لوحده ؟ وقطعا لكل حادثة حديث |
الصحيح ان السؤال لم يوجه للرجال فقط.. ولا ادري من أين اتيت بالفرضية هذه?
فالنساء أيضا لا يتزوجن احيانا ممن يحبن لأسباب مختلفة بينما يسعي الرجال للزواج منهن..
يالطيب أخوي ..ده سؤال عام.. يبدو صعب علي لنساء الإجابة عليه لأسباب عديدة.. امكن برضه
منعتهم من المشاركة.. زي برضه ما احتمال تكون منعت بعضهن من المشاركة في بوست ود وبت الجيران..
وعلي كل حال الاشكالية برضه موجـوده بالنسبة للرجال لحـد كبير..بمعني انه في تردد في الحكي برضه..
نهايته ..
علي الرغم ن معرفتي لعوائق الحـديث..الا اني أود ان أناقش هذا الموضوع بشكل عام..ولم اوجه سـؤالي للرجال فقط او النساء فقط..
وأتمني أن يخرق العنوان عقل الجميع ويثير فيهم التساؤلات وربما التفكير في المواقف..
تحياتي ود شيقوق ومرحب كبيره بك..
| |
|
|
|
|
|
|
|
|
|
Re: ماعرستوا البتحبوهم ليه? (Re: malik_aljack)
|
Quote: منى
When the true chemistry fires up nothing in the ground or any where else can stop them from making a life partnership
العرس partnership |
نظريا كده كلامك صح..
لكن ما صح شـديد..البتقوله ده المفروض يحصل..وبيحصل لكن برضه في أوقات كتيره جدا ما بيحصل..
أما الحب يا روحي عليه..
اغني ليكم أغتية أم كلثوم يعني?
بين صعوبة تكوين الذات والفلس الشديد.. والهبوب والخريف البيوقع البيوت بتاعة الإيجار..
وبين جاني عريس جاهز..
ولا أمي عاملة مشاكل وماراضيه بعرسي منك..
وبين ربنا قال مانقول ليهم أوف..وكان عرستك ده بيكون أكعب من الأوف..
و......
و......
الكيمستري بتغيير كيميائها ذاتها مع البلاوي وخساره..ضاع المشوار!
ليه الناس البتحب بعضها مابتناقش كل الحاجات بعقلانية وتقتح?
أرجع لينا يامالك الجاك
| |
|
|
|
|
|
|
|
|
|
Re: ماعرستوا البتحبوهم ليه? (Re: حيدر حسن ميرغني)
|
رفضت عائلة عروس تقطن بإحدي القري الواقعة بجنوب دارفور غربي السودان اتمام زواج احدي بناتها
خوفا من العطش، وبرر اهل العروس رفضهم إتمام الزواج بأن العريس يقطن في قرية تشكو العطش وان
النساء في تلك القرية يقضين ما بين ثلاث الي اربع ساعات يوميا حتي يتمكن من الحصول علي
احتياجاتهن من مياه الشرب. ومعروف ان كثيرا من مناطق دارفور تعاني العطش في فصل الصيف الذي يمتد
لنحو سبعة اشهر
[Quote: عائلة ترفض تزويج ابنتهم لعريس خوفا من العطش
رفضت عائلة عروس تقطن بإحدي القري الواقعة بجنوب دارفور غربي السودان اتمام زواج احدي بناتها
خوفا من العطش، وبرر اهل العروس رفضهم إتمام الزواج بأن العريس يقطن في قرية تشكو العطش وان
النساء في تلك القرية يقضين ما بين ثلاث الي اربع ساعات يوميا حتي يتمكن من الحصول علي
احتياجاتهن من مياه الشرب. ومعروف ان كثيرا من مناطق دارفور تعاني العطش في فصل الصيف الذي يمتد
لنحو سبعة اشهر
| .
اها شايفين العوامل البيئية ممكن تؤثر علي من يريد الزواج كيف؟
ده اسمه 'الطبيعة قست علينا'
يعني طبعا الأهل لازم يخافوا علي بنتهم.. هو العمر بعزقة؟
عرفنا ممكن يعيشها فقيرة.. كمان عايز يعيشها عطشانه؟
كده ما ينفع..طيب هو ليه مارحل سكن معاهم في مكانهم الفيه مويه؟
قلبي بيقول لي في سبب تاني!
يكون شنو السبب يا حيدر؟
وبعدين انت موافق حسين في كلامه بدون ماتشرح لينا ليه..
لخمتنا بس وجبت الرابط ومشيت!
| |
|
|
|
|
|
|
|
|
|
Re: ماعرستوا البتحبوهم ليه? (Re: 3mk-Tango)
|
Quote: مني سلام ..
طبعا انا متابع بهناك وعامل ما عندنا بت جيران علما اني حبيتهم كلهم .
هنا دا حاعمل فيها ملك المشكوكشين ..
مواضيعك جميله جدا .. تقول ما حبوبة ..
او باعتبار ما سيكون |
.
خلاص يا عمك تانجو..
احكي لينا قصتين بس ونحن راضيين..بس كلمنا فيهم بالحقيقه..
ويعدين انت ماعنـدك مشكلة لا اسمك صورتك لا عنوانك..
مجهول مجهول مجهوووول يا ولدي!
أنا حبوبه 'مودرن' بإعتبار ماسيحـدث بإذن الله
خلاص منتظرنك..
| |
|
|
|
|
|
|
|
|
|
Re: ماعرستوا البتحبوهم ليه? (Re: محارب)
|
Quote: انا كل ما اخت عيني في واحدة أو اعجب بيها ساكت وقبل ما احبها كويس تتعرس طوالي !!
محتار أعمل شنو ؟؟ |
يامحارب انا نطيت الباقين وجيتك سريع..علشان آخـدك من إيدك ونجري علي ناس
"......" بيتهم مليان بنات عايزين منك نظرة..
قلت شنو?
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
من ناحيتي أنا
فالجواب
تغني به هاني شاكر
فى أغنية ( المفروض )
يا ريت لو واحد قدر ينزلها في البوست دا
عشان بتنفع موسيقي تصويرية جد جد
هيجتوا علينا الذكري
ذو الشوق القديم وإن تعزي مشوق حين يلقي العاشقين
| |
|
|
|
|
|
|
|
|
|
Re: ماعرستوا البتحبوهم ليه? (Re: Fadl Karrar)
|
Quote: من ناحيتي أنا
فالجواب
تغني به هاني شاكر
فى أغنية ( المفروض )
يا ريت لو واحد قدر ينزلها في البوست دا
عشان بتنفع موسيقي تصويرية جد جد
هيجتوا علينا الذكري
ذو الشوق القديم وإن تعزي مشوق حين يلقي العاشقين |
ليك عليا..أجيب 'المفروض' هنا..وهي شغاله علي طريفةالتداعي الحر الطويل
اسمع منك الإجابة.. ايه رايك فضل ود كرار?
| |
|
|
|
|
|
|
|
|
|
Re: ماعرستوا البتحبوهم ليه? (Re: ماجدة عوض خوجلى)
|
سلامات
شفتى يا منى ، أنا و إنتى ردينا لى "محارب" فى نفس الوقت !! ههههههههههه
شايلين هم الناس
كدى النجى لى سؤالك " ما عرستو البتحبوهم ليه" ؟؟؟؟
مرات الواحد بيحب ليهو زول ، و لكن لمن تيجى لى قصة العرس بتلقى نفسك بتفكر مرتين ، يا ربى دة الزول الدايرة أقضى معاهو حياتى كلها ؟؟؟ لأن الزواج لا يحتمل الهزار و اللعب، لازم تكون متأكد مية المية إنو الزول دة ياهو الممكن تعاشرو و تكون "خلقتك فى خلقتو" 24/7 ، فى ناس ممكن تتحب و تتونس معاهم و يدوك كمية حنان كدة مبالغة ، لكن ما بتحس إنو ممكن تضيع عمرك معاهم ((و دى ممكن تكون أنانية)) بس بتحصل و واقعية جداً...
الأسباب طبعاً كتيرة جداً و كل زول ممكن يقول ما هو منظوره أو تجربتو الشخصية...
و بحاول أرجع تانى أواصل معاكم
تحياتى لى ناس لندن
| |
|
|
|
|
|
|
|
|
|
Re: ماعرستوا البتحبوهم ليه? (Re: عبد المنعم سليمان)
|
منى خوجلي تحياتي وسلامي وللجميع
والله بوستك دا أنا من صباح الرحمن أزازي فيه أدخل ما ادخل لأنو مرات كده وزراة الداخلية تبعنا بتأخذ ليها طلة هنا وخوفاً من الجرجرة وكترة الأسئلة وليه وما ليه وأنت بس بترد على البوست الزي دي ليه ما تشوف بتاعت السياسة ولا الكورة ولا أي حاجة من الجنس الخشن أقول ليها حأااااااااضر ولكن في البوست دا السكات غلبني تب
عشان كده بسألهم برضو ليه ما عرستوا البحبوكم ؟؟؟؟؟
| |
|
|
|
|
|
|
|
|
|
Re: ماعرستوا البتحبوهم ليه? (Re: عصام دهب)
|
Quote: يكونوا ناس متلككة!
هم بس قاعدين كده منتظرين سؤالي ده يخرب البينهم?
ديل أحسن ذاتو يفرتكوا من اسه ومايضيعوا وقتهم سـاكت..لأنه في الحالة دي معناتو مافي حاجة حقيقية أو قوية بينهم.. |
كتلتيني بضحكة والله انت الواحد اكان جاى يشاكلك يضحك ويعاين ليك وبس
| |
|
|
|
|
|
|
|
|
|
Re: ماعرستوا البتحبوهم ليه? (Re: ismeil abbas)
|
| Quote: إسمه عادل صديق بابكر .مهندس جيلوجى |
إسماعيل
لا أعرفه ولكن سأسأل لك عنه..
| Quote: وود وبت الجيران أديناك حقك فيه إنتظرينى |
زغبير ...
بطل حركات..
البوست ده غير داك.
.
منتظرنك في الإتنين
| |
|
|
|
|
|
|
|
|
 Re: ماعرستوا البتحبوهم ليه? (Re: Muna Khugali)
|
..
.
لازم تحرجونا يعنى !!
فى داعى يا منو للاسئلة الصعبة دى !!؟
_________________________
انا غايتو زى المحارب دا ( الزين )
او كما يقول الصحاب وشى حلو على الجكس
افرفر جنبو طوالى يطير .. فى ثنائية اخرى 
| |
|
|
|
|
|
|
|
|
|
Re: ماعرستوا البتحبوهم ليه? (Re: قاسم المهداوى)
|
تحياتي منى
بوست ظريف ... وبناء عليه اسمعي الحكاية دي
صديق صديقي ويدعى كمال وهو من مغتربي جدة .. أعزب وسيم طويل القامة يعمل محاسبا في شركة مرموقة لاينقصه شئ سوى زوجة تؤنس وحدته .. نزل للسودان خمسة مرات خلال ثلاثة سنوات ولم يوفق في العثور على رفيقة الدرب والأسباب عديدة ولكنها كلها تصب في أنها ليست المكتوبة له .. المهم في النهاية قنع صاحبنا وفوض الأمر لله ثم بعد ذلك لأخته نفيسة .. وقال لها إختاري من شئتي ولا ترجعي لي وتمو العقد ورسلوها لي .. لا أريدكم حتى أن ترسلوا لي صورتها .. حالة من اليأس يعرفها تماما من عاني مثله
إختارت نفيسة فتاة على زوقها وعقدوا عليها وزفوها لأخيها طرد إستلام مطار الملك عبدالعزيز بجدة .. أخذ كمال معه صديقه عامر والشلة وإنتظروا وصول العروس .. وبما أنه لايعرف عنها شيئا سوى إسمها وأنها عروس ركزوا أنظارهم على من تبدوا كذلك .. ولكن ذلك اليوم كان هناك أكثر من طرد مرسل .. أخذوا يعلقون عليهم دي حلوة دي شينة دي نص نص .. وجاءت واحدة باهرة الجمال فعلق العريس كمال وقال: العرس دي ما عرس
وبعد برهة سمعوا ضابط الجوازات ينادي بإسمة فذهب له فقال له بإنتظارك واحدة بمكتب الجوازات .. فذهب ليسلمها التاشيرة وعندما دخل المكتب إذا بتلك العروس ذات الجمال الباهر تقف في المكتب أمامه فقال وهو يخرج التاشيرة من جيبه
لكن نفيسة ما بالغت
وصارت مثلا بعد ذلك بين الشلة
القصة اعلاه مقتبسة من هذا الرابط وهو من اطرف ما قرأت في هذا المنبر
حكاوي الغربة ...طرائف ونوادر ......1..العروس الطرد
هشام حامد العبيد
| |
|
|
|
|
|
|
|
|
|
Re: ماعرستوا البتحبوهم ليه? (Re: هشام حامد العبيد)
|
وآدي طوبة
دة محلي محجوز
والله يا منى انا مبارياك من ود الجيران
وعشان السؤال دة موجه للرجال فقط دخلته
كدي نشوف اعذارم شنو ؟
كل زول بجيك بي عذرو لكين ما في واحد بقول امو رفضت
كدي نشوف في زول حا يقولا
متابعين
| |
|
|
|
|
|
|
|
|
 Re: ماعرستوا البتحبوهم ليه? (Re: Tara)
|
منـــــــــــو
مساء الخير
عارفه البنحبهم من ما عرفوا أننا بنحبهم بقلوبنا وإنهم سلبونا عقولنا قاموا يتعززوا تقول ليهم يمين يقولوا ليك شمال ، تجيهم بي جاي يمشوا ليك بي هناك ، يعني هسه العذاب ده يامنو في ليهو داعي ( يقطع الحب وسنينه ) غايتو نجضونا نجاض . بس الله غالب ويا ظالم ليك يوم . 
| |
|
|
|
|
|
|
|
|
|
Re: ماعرستوا البتحبوهم ليه? (Re: nourelhadi awad)
|
Quote: ماعرستوا البتحبوهم ليه?
صعب يامنى نعرسم كلهن
وإنتي عارفة براك الحالة صعبة العيشة مرة
وعشان كدا البلال كب الزوغة
وما بلومو كان مازارة مرة
معليش لو كان في فك تسجيلات
أو إنتقال لاعبين |
نور الهادي ياخطر..
| |
|
|
|
|
|
|
|
|
|
Re: ماعرستوا البتحبوهم ليه? (Re: عزاز شامي)
|
Quote: منونة
سلامات و8 مارس طيب عليكي وعلينا
السؤال ده رجالي ولا ستاتي؟
علشان نعرف نجاوب عن نفسنا ولا بالإنابة
فتك بعافية ... |
وين انت ياحبيبتي يا شبه القمر?
عارفه أمس فرمت طعميه بالفول والبقدونس والشبت والبصل الأخضر..
وبعد كده حمرتها ياحبيبتي وعلي وشها السمسم..
شوفتي ياماما عملت سلطه طحينه..أصله في اكلتين لازم يكون معاهم سلطه طحينه.. الطعميه
المفرومه من الفول والسمك..
المهم..
جبت عيش مدور وحشيتو طعميه وعليها خس وطماطم..
وبعدين سلطة الطحينه..
وقعدت افكر فيك..
أصلك بتفتحي نفسي علي الأكل وعلي الحياه المفرهده..
اذا عايزه تتكلمي ياحبيبتي..أهو أنا قاعده سامعه وكلي آذان مقتحه علي الآخـر وبشوق كمان..
وكذلك هم الزايغين والمتحـدثين ..
أما اذا كان لا..
ولا يهمك.. وأقول معاك بلا حب بلا نيله..كفايه علينا الطعميه
كل سنه وانت وماما وكلم طيبين
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
Dear Muna
as usual , a great topic
HONESTLY , these are some of the reasons in my opinion although I am not married,
1. A huge percentage of Sudanese men don't marry a girl whom they had a relationship with thinking he wants a girl who never knew a man in her life , the rest of the relationships are for fun and exploration.2. Girls on the other hand ' not all' may have relationships for different reasons but will end up with the guy who can afford a better life and has a greater income .
I am not suggesting men are hypocrites and women are materalistic , and I am sorry if my opinion seems negative , but these are the 2 reasons that came on my mind and will come back for more .
Love and Respect
Rawan
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
Quote: وآدي طوبة
دة محلي محجوز
والله يا منى انا مبارياك من ود الجيران
وعشان السؤال دة موجه للرجال فقط دخلته
كدي نشوف اعذارم شنو ؟
كل زول بجيك بي عذرو لكين ما في واحد بقول امو رفضت
كدي نشوف في زول حا يقولا |
Quote: كل زول بجيك بي عذرو لكين ما في واحد بقول امو رفضت
كدي نشوف في زول حا يقولا |
شـكرا سلمي..
ده خيط كويس جـدا لبداية النقاش الحقيقي..
وخاصة بالنسبة للرجال.. بإعتبار انهم الذين يمسكون بزمام المبادرة في الزواج
في مختلف بيئاتنا السودانية..
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
شوفوا يا جماعة نشخصن الموضوع شوية
بيت الخليف العمدة عوض خوجلى
فى حلتنا كنا اسمه بيت السمحين بنوصف بيهو المغتربين ومبدان الرابطة ومركز الشرطة
يعنى نقول للواحد تنزل محطة البراميل بالردمية وتتجه غربا يلاقيك بيت اصفر ناصية ناسو كلهم سمحين ميدان الرابطة حبكون تانى ناصية!
وو عشان كدا أولاد الامتداد مشهورين بالحب من طرف واحد يحبوا وما فى زول بشتغل بيهم الشغلة!
بوست حق كتاحة عديل
كله شواكيش وحزن قديم وشرايط ودبابير!
تحياتى يا منى بت عمى وخالتى
جنى
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
| Quote: انا الحمدلله عرست الحبيتها وحبتى ولسه بحبهاوبتحبنى |
احيييييييييييييييك والله
أحبها وتحبني ويحب ناقتها بعيري
تعرف يا صلاح واسبة عنوان موضوع منى القادم انتو سميتو اولادكم بأسماء حبايبكم الاوائل والمباراة
ماشة بس ياواسبة اوعك تقع قاعد خليك واقف
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
| Quote: ماعرستوا البتحبوهم ليه? |
بسيطة .. البداية كلهن يحبن كلهم وكلهم يحبو كلهن ..يعني انتي ما بتحبي الشوكولاتة ولما تلقي علبة مليانة شوكولا بتحبي تاكليها كلها واللا واحدة واحدة .. واحدة بس واحد بس ..... صعبة دي
اها طرشقت ليكي موضوعك يامني( المرحلة الاولي من الثأر البايت) ؟؟؟
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
إزيك يا منى
كيف الحال
تعرفى الإجابة على السؤال ده، رواية كاملة
عايز "أحنس" صاحبى محسن خالد يكتبها
أنا بديهو الفكرة وهو ينفذ
لأنه ما بعرف أكتب الروايات
طبع "البطل" ما أنا
لكين سؤال صعب بشكل
| |
|
|
|
|
|
|
|
|
|
Re: ماعرستوا البتحبوهم ليه? (Re: أبوذر بابكر)
|
الناس زايغة ياموني عشان عايزينك إنت اللي تتقدمي وتخطبيهم وتدفعي المهر والشبكة وتعرسيهم وتشيلي
حملك وحمل الأولاد وبعد دة كله يشيلوك جميلة عاجبك كدة يا سكككككككككككر ؟
| |
|
|
|
|
|
|
|
|
|
Re: ماعرستوا البتحبوهم ليه? (Re: عواطف ادريس اسماعيل)
|
Quote: الناس زايغة ياموني عشان عايزينك إنت اللي تتقدمي وتخطبيهم وتدفعي المهر والشبكة وتعرسيهم وتشيلي
حملك وحمل الأولاد وبعد دة كله يشيلوك جميلة عاجبك كدة يا سكككككككككككر ؟ |
بس ده طـرف تاني ياتوفي..
النساء يمسكن بأطراف النقاش ويبادرن بفتحها..
ماذا عنكم نصفناالذي يقولون عليه "الآخر"??
| |
|
|
|
|
|
|
|
|
|
Re: ماعرستوا البتحبوهم ليه? (Re: عواطف ادريس اسماعيل)
|
| Quote: ما بتحبوا العرستوهم ليه ؟؟؟؟؟؟؟ |
الفاروق انت عرااااااااااااااااااااااااااااااااااااااااااااف
الزمن ده الحتاتة بحبوها وبعرسوها طوااااااااااااااااالي الفاروق لكن العاملة تقلة وبتجلس في الحفلة وراء بعيييييييييييييد
انا عايز اجاوب على السؤال بتاع منى لكن خجلالالالالالالالالالالالالان بس انشاء الله تكونوا لماحين وفهمتوا الفي قلبي .
اوعى تلفوا وتدوروا وتضعيوا الزمن بحثا عن الاجابة يا ايها الرجال ؟؟؟؟؟
| |
|
|
|
|
|
|
|
|
|
Re: ماعرستوا البتحبوهم ليه? (Re: الطيب شيقوق)
|
Quote: الفاروق انت عرااااااااااااااااااااااااااااااااااااااااااااف
الزمن ده الحتاتة بحبوها وبعرسوها طوااااااااااااااااالي الفاروق لكن العاملة تقلة وبتجلس في الحفلة وراء بعيييييييييييييد
انا عايز اجاوب على السؤال بتاع منى لكن خجلالالالالالالالالالالالالان بس انشاء الله تكونوا لماحين وفهمتوا الفي قلبي .
اوعى تلفوا وتدوروا وتضعيوا الزمن بحثا عن الاجابة يا ايها الرجال ؟؟؟؟؟ |
انا ماقاعده افهم يللا ورينا?
الطيب شيقوق دايما زايغ.. خجلالالالالالالالالالالالالان قال!
وأسه فاروق يعمل فبها ما عنده كيبورد عربي والإنجليزي بلخبط..
غايته جنس معاناه!
| |
|
|
|
|
|
|
|
|
|
Re: ماعرستوا البتحبوهم ليه? (Re: عواطف ادريس اسماعيل)
|
الأخ إبراهيم علي
| Quote: عشان كده بسألهم برضو ليه ما عرستوا البحبوكم ؟؟؟؟؟ |
إنت ما تسأل..مني ما مقصره وما محتاجة وكيل..يا تحاوب عديل ويا كمان تورينا عرض أكتافك..هلا..هلا..الحيكومه عندك قويه..الظاهر عينها تولع السجاره..عفيت منها..قال بسأل قال..
| |
|
|
|
|
|
|
|
|
 Re: ماعرستوا البتحبوهم ليه? (Re: nile1)
|
الأخت مني
تحياتي
أنا بصراحة وبالجد كنت خاطب كم سنه وطبعا مرقت من البلد عشان أساعدها في الدراسة وأصلح ظروفي أنا كمان وارجع أتزوج وأول مااشتغلت ربطت أمورها مع مديرهاوقالت في نفسها أنا لسه حأنتظر الأغبش الكحيان داك؟؟؟ المهم الله أكرمني وعرفت الموضوع لكن قلت ياولد ماتتسرع إمشي وإتأكد عشان ما تظلمها وتظلم نفسك..لما مشيت عرفت الحكاية جد..وإبتدت هي في التمهيد لوضع النهاية..ولكن حبت تلعب معاي لعبة القط والفار وتمرمطني قبل ما تقول باي ..ربك رب الخير خلاني عرفت الموضوع وبدت اللعبة معاي بمحاولة إملاء شروط..طبعا أنا كنت شايف الشاكوش الداساهو وراء ضهرها..إتناولت الشاكوش وكسرت راسها قبل ما تفكر ترفعه..وفكيتها عكس الهواء..الغريبه زولها ذاتو أداها شاكوش واتغابي فيها العرفه..حاولت ترجع المويه لمجاريهالكن أنا كنت خلاص..بعجت الجدول وكسرت القله..الغريبه الحكايه دي مرت عليها سنوات طويله وهي لي هسع ما عارفه إني عارف حكايتها..الحكايه أول مره أحكيها..لأني قدام الناس كلهم شلت اللوم وقلت بس أنا الما عاوز اتزوج وإني غيرت رأيئ ولي هسع الناس مفتكرين إني الجاني عليها..والأجاويد الرديتهم لي هسع زعلانين مني..يااااه يا مني..دا تاريخ..منو القال ليك أهبشيهو..تحياتي
| |
|
|
|
|
|
|
|
|
|
Re: ماعرستوا البتحبوهم ليه? (Re: nile1)
|
عارف يالزاكي ...
فترة السبعينات والثمانينات ومابعدها حتي وقتنا الحالي..جاءت بمعاير مادية لتقييم الإنسان طبعا للأسباب السياسية والإقتصادية.. وتحكمت فيها أيضا لحد كبير مجموعة المغتربين واصحاب الأعمال الحرة والوظائف الكبيرة في مصير عدد من الشباب بإدراكهم او بدون ادراكهم في نهاية ارتباطات كتيرة..
لكن أعتقد ان هناك ايضا ضعفا في العلاقة ومفهومها من الأساس..هل نبحث لنفسنا عن شريك بقناعات متكاملة ..ام نبحث في الشريك عن صفات محددة?
هي ربما أحبتك لأنها رأت فيك حلما في مرحلة..ثم فاقت من الحلم الصغير لأنها رأت حلما أكبر ..
يحقق لها طموحا أكثر..لم يكن حب كان 'تشويش حب'..
إحتياج لم يعد حلمها القديم معك بقادر علي ان يشبعه..
| |
|
|
|
|
|
|
|
|
|
Re: ماعرستوا البتحبوهم ليه? (Re: عواطف ادريس اسماعيل)
|
عارفة يا توفي الموضوع شكله ساهل..لكن هو في الحقيقة معقـد..
ليه?
لأننا لسه بنخاف نتكلم في حاجة مالمفروض تخوف..يعني عارفة..
نوع تجي تكتبي حاجاتك وبحماس..تقومي تخافي (صيغة التأنيث هنا للمثال فقط)!
قبل 6 أشهر تقريبا..أرسلت لي احـدي القارئات لسودانيز أون لاين رسالة..
تحـدثني فيها عن من ارتبطت به عاطفيا وارتبط بها..كان مغتربا في إحدي دول الخليج..
وبدأت بينهم خطط الزواج علي وعـد منه يالرجوع للخرطوم والزواج منها..وبس خلاص اختفي
ولم يحضر للزواج ولم يخبرها بسبب اختفاءه..
أعلم ايضا ان هناك ايضا بيننا نحن النساء من تكن علي علاقة حب بشخص ..
وتقرر فجأة ان لا تتزوجه لأسباب قد لا تبدو مقنعة للغير اوحتي له هو..
ارجع بعد شـوية..الطباعة صعبة شـديد لي كيبورد بكري
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
| Quote: ماذا عنكم نصفناالذي يقولون عليه "الآخر"?? |
المقلب هنا في "النص" ؟ يعني نص حتي لو عايزاه اكتر ما ممكن ولكن هو بحكم "واحد" مستولي عليه من مجتمع ذكوري بساوم علي النص ويعطي اقل او ما يدي ؟؟ " شريك" يامني ؟
شفتي كيف ؟
| |
|
|
|
|
|
|
|
|
|
Re: ماعرستوا البتحبوهم ليه؟ عشــان الأٌغنيـة دي!!! (Re: nile1)
|
| Quote: بالمناسبه يا مني في حاجه مهمه جدا فات على أذكرها في مداخلتي الفاتت وهي مقولة عرس البحبك مش البتحبه.الكيس بتاعي بينسف النظريه دي تماما..لأنها هي الكانت مبادره بالحب..يعني مسألة نجاح التجربه مع البحبك أو البتحبك دي ماها صحيحه ميه في الميه..تحياتي |
اوافقك الزاكي..
النظرية شكلها بيكون مقبول في الأول..
لكن الحياة الزوجية بتـون تعيسة اذا واحد بيحب شريكه والتاني لأ..
الأصل ان الحب يفترض ان يكون متبادل..والا فإن كل منا يقود حياه منفصلة في طبيعتها.. حتي وان استمر الزواج كمظهر اجتماعي..
| |
|
|
|
|
|
|
|
|
|
Re: ماعرستوا البتحبوهم ليه? (Re: Muna Khugali)
|
الاخت منى
يستحضرنى الان قول نزار
الحب ليس روايه شرقيه
بختامها يتزوج الابطال
لكنه الابحار دون سفينه
وشعورنا ان الوصول محال
ولان الوصول محال
ولاننا لم و لن نصل برغم محاولاتنا المستمره الى اخر يوم لنا فى الحياه
قنا اخير ...... نعرس
عشان ضروريه التناسل والتكاثر والازواج والانفس والتانس والموده والرحمه وووو الخ
وبعد داك لسه بنحاول نصل برغم من ان الوصول محال
لكن........
بعض منا يكتشف من غير ما يقصد انو وصل بعد زواجه
طبعا دا بيكون ساكى ليهو شبح وكان بيجرى فى الاتجاه الغلط.... لكن فى النهايه طلع محظوظ ووصل
وفى ناس بتكون قايله نفسها بعد الزواج خلاص وصلت وانتهى المشوار... لكن بيكتشفو انو لسه وركبو البص الغلط .......
سبب تانى ....
لما تحب بتحب من غير رتوش ومن غييرحساب ومن غير ما تقصد
ولما تعرس بتكون شايل مسطره وقلم وبرجل وبكون معاك ناس البيت وناس الحله والجيران
وفى اغلب الاحيان قلبك يكون عندو مقاس ومسطرتك الشايلا انته وشايلنها معاك الناس تكون مقاسا مختلف تماما
الحب بيمثل 10 % من اسباب نجاح الزواج
والباقى بيكون عوامل اخرى كتيره جدا جدا منها ( الموده والرحمه والسكينه )
تخيلى لو بحب واحده جنها نوم وما تعرف تطبخ وما عندها بالنظافه كتير شغله وعندها انا اهم زول وباقى الناس ( واهلى ) ما عندهم ضروره وحريقه فيهم ....
اها دى كيف اعرسا ....
حتقولى لى حبيتا كيف ... اقول ليك ما عارف فجاءه لقيت نفسى بحبها
وفى سبب تالت
وفى سبب رابع
وعشان كده كلو
ما عرسنا البنحبهم ........
و
تحياتى
| |
|
|
|
|
|
|
|
|
|
Re: ماعرستوا البتحبوهم ليه? (Re: abubakr)
|
Quote: انا ماقاعده افهم يللا ورينا?
الطيب شيقوق دايما زايغ.. خجلالالالالالالالالالالالالان قال!
وأسه فاروق يعمل فبها ما عنده كيبورد عربي والإنجليزي بلخبط..
غايته جنس معاناه! |
| |
|
|
|
|
|
|
|
Muna Khugali
Hussein Mallasi
walid taha
أبو الحسين
صديق الموج
محجوب البيلي
malik_aljack
الطيب شيقوق
حيدر حسن ميرغني
Fadl Karrar
عبد المنعم سليمان
نوسة
ماجدة عوض خوجلى
ebrahim_ali
عصام دهب
نجوان
الرفاعي عبدالعاطي حجر
khaleel
ismeil abbas
قاسم المهداوى
هشام حامد العبيد
عزان سعيد
Faisal Al Zubeir
فاروق حامد محمد
علوبه
essam&amal
Mustafa Mahmoud
عواطف ادريس اسماعيل
jini
abubakr
أبوذر بابكر
nile1
Haytham Abdulaziz
عبدالمنعم الرزوقي
يوسف الولى
فيس بوك
تويتر
انستقرام
يوتيوب
بنتيريست