البوست ده ملكيه عامه!! الرجاء من اي زول في حاجه مزعلاه..ولا في زول كاره ليهو زول او متغاظ منه..يجي يرجم الشيطان ده.. ممكن يرجمه بخمسماية حجر ولا بحجر واحد يطقه في نص وشه المخيف ده! دي فكره احسن من فكرة نمشي لي بوستات الناس علشان نشتمها..
يا هاشم والله النيه في..اصلو انا حجيت وانا في الجامعه مع الخليفه..وقربت اموت بالعفيص.. لكن باذن الله احج واتمتح بعرفات وبصلاتي في الكعبه الشريفه والمدينه..وشكرا علي عرض مهمة التطويف..
وياسلمي ام العروس.. مافي حاجه والله العظيم..لكن بس زي ماكتبت قبيل البوست ده للجميع اي زول عنده زعله يجي يرجم الشيطان ده ويتفشي.. ما انتي براك شايف الحال كيف..وأمس كان من عينة الأيام اياها..عايزين نمشي السنه الأرشيفيه الجايه بنفوس حلوه ولازم الناس تطلع غضبها في الشيطان..
وياهن ديل 5 درابات مني في عينه اليمن..وزيهن في عينه الشمال..بس
12-06-2007, 10:59 AM
abubakr abubakr
تاريخ التسجيل: 04-22-2002
مجموع المشاركات: 16044
بسم الله الرحمن الرحيم اعوذ بالله من الشبطان الرجيم منى يسعد اوقاتك ياخ ما جابت ليها شياطين...هسه باقى ليك شيطانك الاحمر ده بفشها؟؟؟ دى ما بفشها الا الا نام لا اكل الطعام.. خليها على الله بس
12-06-2007, 01:44 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
شوفتي يا تايسا في الحج لو ما ماسكك زول قوي..تقعي ويطلعوا فيك ولا يجيبوا خبرك ..وبس تموتي طوالي.. وعارفه اكتر ناس بتعفص الناس التانيه منو؟؟ الحجاج بتاعين تركيا والتانيين بتاعين نايجيريا..أوعك تساليني من المصدر..أنا قررت كده وخلاص! اسه انا منتظره لما يقسموا الحج علي الجنسيات..يقولوا السنه دي من شرق افريقيا وشمالها..وبس طوالي اقدم وأمشي..
حجارتك وين؟؟
12-06-2007, 04:34 PM
اسعد الريفى اسعد الريفى
تاريخ التسجيل: 01-21-2007
مجموع المشاركات: 6925
جيب يا اسعد حالة الشقاق العندك..وانا اجيب المدهوله علي عينها العندي.. واهه حبه منك وحبه مني ونرجم الشيطان.. نديه حجر قوي شديد في الحته البن عيونه البتخوف دي..ايه رأيك؟؟
12-06-2007, 05:29 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
اسه في اللحظه دي انا قاعده افلع الشيطان الفوق داك..لآنه الشيطان التاني ده وشه قاعد يزوغ ويسيح كل ما ارمي فيه حجر...وكل حجر معاه شتيمه.ز يا شيطان ياشين.. يا شيطان يا مجرم.. يا شيطان يا كعب.. اعوذ بالله من الشيطان الرجيم..
انتو حجارتكم وينا؟؟
12-06-2007, 10:38 PM
خالد حاكم خالد حاكم
تاريخ التسجيل: 08-25-2007
مجموع المشاركات: 3434
منى انا ماعندى رجم عندى بلاغ , مش هنا برضو مكتب البلاغات ؟ البلاغ كالاتى بس ما عارف حيدون تحت المادة كم بوستك (لحظة من فضلك ) مسكون ومحتاج لبخور كارب انا الليلة اربعة يوم ما قادر اقرا فيه ولا قادر اكتب فيه , مجرد دخلتى المؤشر بتاع الماوس بيعلق الى ان اخرج من البوست خروج اضطرارى , والكلام ده لو كان بيحصل لى فى كل البوستات قلنا من الكمبيوتر , لكن زى ما انتى شايفة حايم بمزاج فى البوستات الاخرى الا البوست ده! غايتو شيل شيلتك بهنا رجم وبهناك بخور.
12-06-2007, 11:31 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: إخيتي منى سلااااااااام يا الزينة قولي بسم وتاني القول علي رسول الله
محمد جانا ماتغشانا دا شنو دا ؟
تحياتي منى
خالد
أهلا خالد المنسي أخوي.. مالك مهجوم؟ الشياطين دي ماقاعده ولازم نرجمها.. وانا سهلت ليكم المهمه..جبت ليكم صورها..أرجموها قدر ماتقدروا..خففوا الطاقه السلبيه فيكم..أنا غايته عملت لي واحد شيطان تاني صغير..بفلعه بنبق جبته من السودان.. كل ما اتضايق بفلعه شديد..وأجي برضه معاكم هنا افلق الشيطان الشين ده..
كل سنه وانت طيب..
12-15-2007, 10:03 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
حسي عليك الله يا بت عمي خوجلي الشيطان داك ولا ده الما عنده حد للمسخره كلما تفتح عليه تلقاه كدي.
أما شياطينك الجايبه صورهم ديل فالحجار بتفوت فيهم ساي وما تسوي ليهم الحبه ... غايتو أنا عندي قناعة أنه ما في شيطان أشطن من بني جن (أقصد بني آدم).... هو اتو تصور الفنان الرسم الشيطان تخبلوا إنسان بمواصفات محددة مكروهة للإنسان وهذه المواصفات تطورت عبر العصور والأمم وحسب ظهور سحن من البشر بملامح محددة ربطت بأفعال أيضاً محددة وفي النهاية تراكمت فصارت صفات لأشكال رمزية لأفعال بشرية. وزي القصة المابقدر أحكيها حياءاًُ حقت الجني والبدوي والجمل؟؟؟؟
بعيداً عن المسائل الإيمانية الشيطان هو جزء من صفات الإنسان الكثيرة والتي يغلب بعضها عند البعض عن البعض الآخر....
كان قلتي ما فاهمه،،، بقول أنا زاتي!!!! الشايقي
12-17-2007, 11:39 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
يا مني أنا الايام دي مدبرسسسسسسسسسسسسسسسسسسسسسسسسسسسسسسسسسسسسس شديد
والله الاقي الشيطان بتاعك ده ارجمو لامن يقول بسسسس وكفاني وكم جا راجع ارجمو تاني لامن يقول واااااااااي... ربنا يسترنا واياك من شر الشواطين من جميع الاجناس ؟؟!!
12-19-2007, 09:53 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
الزعلان من روحه برضه يرجم الشيطان! انت قايل شنو..الشيطان بيكون حرشه يعمل حاجه كعبه خلنته يزعل من روحه! انت اسكت بس فلق هو اصله الشيطان ده كان انت مافقلتوا بيفلقوه ناس تانيه يا نور الهادي.. غايته حاول تعمل عيد سعيد..
12-19-2007, 01:32 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
انا مزعلني ناس بعثة الحج السودانية نفسي كده يجيبوا لي حجار الحجاج الحيرموا بيها كلها بعد الرمي (3 أيام وما يومين بتاعة المتعجلين) ويوقفوهم واقعد افلع فيهم حجر حجر لحدي الحج التاني ما يجي!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muna Khugali
هاشم أحمد خلف الله
سلمى الشيخ سلامة
abubakr
ateif abdoon
Siham Elmugammar
تيسير عووضة
اسعد الريفى
محمد البشرى الخضر
محمد على طه الملك
Mohamed Omer
خالد علي محجوب المنسي
خالد حاكم
د.محمد حسن
مجدي عبدالرحيم فضل
Al-Shaygi
Salah Waspa
ibrahim kojan
الطاهر عثمان
Mohamed Ahmaed Olyesh
فيس بوك
تويتر
انستقرام
يوتيوب
بنتيريست