ما أشطر مني يانعومتي.. وأحسن أوصف ليك خضاري بتاع سلطة الدكوه .. واوريك أنا بعملها كيف.. قبال ما اسمه منوداك يجي يقول لي اهدرتي الباندوث كما يهدر مين دم مين.. ولا يجيني معرفش مين يقول لي الناس بتموت وانتي بتعملي في سلطه.. ولما اجيب البصل الغمق لونه ده يجيني كده ويقول لي جبتي بصل غامق يا عنصريه.. المهم أنا بحب زيكم كلكم سلطة الدكوه..وبحبها موت.. بس المشكله.. آكل منها شوية جرامات..يزيد وزني كم كيلو! مديحه اختي قالت لي الأكل ده حاجه تحير..تاكلي الليله بلحايه..بكره تتحول في جسمك كلم كيلو.. وكلامها صح!
تجيبي الطماطم والبصل والدكوه وقرن شطه خبيث..
الدكوه لازم تكون محمصه كويس وسلطتي ياكرمه احلي من سلطة خالتك.. حتي ضوق المعلقه دي وانت تتأكد.. انتظروني أكمل السلطه وأوريكم تقطعوها كيف؟
يامنى حرام عليك !!!! هسه والله أنا صائم ومطقتيني ســاكت ، الله يسامحك .
إنت ما عارفة دي وجبتي المحببة بأكلها في الفطور والغداء وكمان في العشاء ، أنا بموت فيها عديل كده .
وكمان يا منى أنا مشهور بيها في الامتداد هي وموية الفول ومافي حد بنافسني فيها خااااااالص . وأنا والوحيد البعملها كان للشباب خاصة في المعسكرات والرحلات . أها أنا بتحداك إنت وإنعام عبد الحفيظ وكمان زيادة تحدي كده جيبوا معاكم عاصم أبوبكر . وح أكتب ليك الطريقة الخاصة بتاعتي بس بعد ما أشوف طريقتك وطريقة إنعام دي كيف ....
05-03-2007, 04:36 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: وكمان يا منى أنا مشهور بيها في الامتداد هي وموية الفول ومافي حد بنافسني فيها خااااااالص . وأنا والوحيد البعملها كان للشباب خاصة في المعسكرات والرحلات .
عماد انت كنت بتاكل موية الفول وتخلي الفول طيب أنا والجماعه التحدي قبلناه! وأسه كل واحد فينا يجيك بطريقه أحسن من طريقة أخوه.. الله علي سلطة الفول لما ماتكون خفيفه وماتكون تقيله! وتكون الطماطم الفيها المقطعه ماسكه نفسها..الله علي طعم الليمون فيها!
هوي عماد.. أنا جني وجن الناسي البيسيحوا ولا يحلو الدكوه بادينهم..المعلقه دي بتعمل شنو؟ بعدين لما تقطع البصل فيها.. قطعوا قبل الأكل بشويه علشان طعمها يكون حلو..بس ضيف الطماطا ساعة الأكل علشان أعصابها ماتبوظ زي أعصابك كده وانت جعان.. قلت ليك شنو..
جربت الطغميه السخنه مع العيش التركي مع الدكوه؟ خلاص جرب وكلمني..والله لو ما الأرشفه البقت لينا في رقبتنا دي كان وصلنا البوست ده لرمضان..
04-28-2007, 11:47 AM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
والله كلام.. مالك يامني وسيرة سلطة الدكوة كمان حسع.. انا عندي (خالتي) الله يطراها بالخير ممكن اقدمها في مسابقة علي مستوي العالم (كاحسن زولة بزبط سلطة دكوة في العالم ده كلو)...!! يامني ديك سلطة دكوة تاريخية ومميزة وفيها خلطة بنسبة موزونة اكبر معامل السلطات العالمية ما تعمل زيو... يبداء الشغل بنوعية الدكوة (ذاتتها) ودي مفروضة تكون دكوة مرحاكتها (سنينة) ولازم يكون( فول درت) ثم كمية الخلطة بالموية وبالاضافة الي كمية الطماطم والتبش (ما عجور زي ما عندكم). ثم شطة دنقابة وياريت الشغل ده كلو لو لقي ليهو زيت (سمسم) بالجنبة كده..!!! ياخي ديك سلطة دكوة تظل في كل لحظات الجوع في الغربة زانة ليك في (راسك)....!! ..بالله يا مني تاني ما تجيبي سيرة الحاجات الزي دي عليك الله....
04-28-2007, 12:48 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
عارف ياكرمه أنا بعمل الحاجات دي وبحب اشوفها في الأكل وما آكلها!
يعني مثلا سلطة الدكوه دي لازم أقطع ليها بصل موش؟ وشطه حمرا واحيانا خضره.. انا ما باكل شطه خالص.. ولا بصل ولا توم الا يكون مستوي في الأكل..طول حياتي كده..لكن بعملهم في السلطه للناس التانيه.. لكن برضه سلطتي دي أنا مستعده ادخل مع خالتك في سباق عديل ينتهي بجائزه..وآخد انا الجائزه.. شفت كيف؟ كمان شفت الفول... الفول بالدكوه والبصل يستوي معاه وتفعصه وتخت ليه زيت وشمار أخضر... غايتو ده برضه لا انت ولا خالتك تقدروا تغلبوني فيه.. أهه قلت شنو؟ قلت ليك مع الليمون بتخت حبة خل ولا لأ؟
04-28-2007, 12:19 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
لما جيت من كاس ياعادل جباره..جبت معاي 'فول اجات' كتير جـدا.. وكنت فرحانه بيه خالص..
بس سحوره بنت اختي قالت لي انتي ماعارفه انه الفول بيسبب السرطان? وقعدت توصف لي وتتكلم كتير..لغاية ما زحيت الفول من فدامي انا زعلانه شديد لأنه نفسي كان فيه..
04-28-2007, 11:36 AM
Zeinab Zeinab
تاريخ التسجيل: 01-14-2007
مجموع المشاركات: 473
الساعه عندي اسي 2:35 يعني الغداء قرب وطبعن اسهل شي سلطه الدكوه
يا سلام علي سلطه الدكوه
زينب الشفيع
زوبه..
الأسم ده أنا طولت شديد من سماعه.. آخر زول كان بيستعمله من ناسنا الكبار الخليفه عوض خوجلي نور الله قبره.. عارفه هو مربي خالتي..وكان دايما يناديها يازوبه..
المهم.. البوست ده حلاوته انه جه علي ساعة الغدا وانتي محتاسه.. موش بوست مفيد؟ اسه يجي اسمه مين يقول ده موضوع تكتبوا فيه؟ واحنا مواضيعنا الجاده بتضيع.. وانتو السبب في اي مصيبه بتحصل في الدنيا...
لا حول ولا قوه الا بالله.. يقي طبق سلطه يعمل كده؟ ماهي طريقتك المبتكره في عمل سلطة الدكوه يازوبه؟
ناديه الندي.. الأكلات اللذيذه هي الأكلات الزي دي... أنا كنت قايله سلطة الدكوه دي عندنا احنا السودانيين بس.. لكن زمان أيام الدراسه كان عندي زميلتي هولنديه بتعملها زينا بالضبط لكن من غير زيت..وبعدين لازم ياكلوها مع الشيه.. أسه انا نفسي أتلم عليكم في الخرطوم ..وآكل معاكم سلطة دكوه وفول.. لكن ماتقولوا مني نقناقه.. بس انا ما أكلت في حياتي زيت سمسم..وبصراحه مابحبه.. والحمد لله بودي أو عبد الرحيم ما بيعرفه..كان اسه قـال لي عايز السلطه بزيت السمسم ياخالتو!
04-28-2007, 11:57 AM
هاشم أحمد خلف الله هاشم أحمد خلف الله
تاريخ التسجيل: 01-16-2007
مجموع المشاركات: 6449
زمان يا هاشم عندنا جارتنا بتتونس معانا في البيت بالودع.. كل ما نفلس نقول ليها عليك الله أرمي لينا ودع.. علشان عارفنها هاتقول شنو.. وهي ذاتها عارفانا عايزين شنو.. بس أول رميه والتانيه تقول بعد ما ترسم ضحكه فرحانه كده فوق وشها...
ماشاء الله..القروش كترن وجن..ياهن ديل.. وحات سيدي الأمين دخلن خزنتك يا جاره..الا محمدنه مديحه!
وأنا اسه رفعت ليكم البوست علشان تتغدوا سلطة دكوه..
04-28-2007, 11:59 AM
Fadl Karrar Fadl Karrar
تاريخ التسجيل: 12-04-2004
مجموع المشاركات: 1904
سنة 93 فى البركس الدنيا رمضان مشينا بالعصر سوق الخضار فى بحري جبنا ليمون ودكوة وبصل أخضر وشطة خضراء عشان نزيد بيهم فطور الداخلية ( أول دفعة تكت فى الجامعة) المهم ظبطا الدكوة ظبطة شديدة خلاص وما أحلي الأكل مع الأصحاب بعد ما وقفنا فل غلبتنا القومة عشان نغسل أيدينا( عدلناها يا عادل جبارة ، شكراً ) قمت فى لحظة تجلي وقلت للزملاء ( والله يا أخوانا الدكوة دي فيها سر إلهي ) الجماعة من الضحك إنبطحوا عديل وفي بعض الخبثاء اللذيذين سموني ( السر الإلهي ) وفى جماعة ( فضل دكوة )
Quote: شفت يا عادل.. بودي زوج آيه بقي يجي يقعد حلاته.. ويقول لي خالتو ممكن سلطة دكوه! ياهو ده الأتعلموا في العربي.. باكر كمان يقول لي عايز قراصه
أم آية والله طالما بودي بحب سلطة الدكوة معناها بعرف عربي أحسن مني ومنك كمان .. وعلى فكرة طالما جات سيرة الدكوة .. أنا شخصيا ما لاقاني زول مابحبها .. لكن في الأيام الأخيرة سمعنا الكثير عن بعض المشاكل الصحية البسببها الفول المسحون وده المهم .. أنا كنت فاكرك عايزة تفتحي الموضوع ده .. طيب خلينا في موضوع بودي بصراحة عايزين نتعرف عليه .. ممكن
04-28-2007, 12:46 PM
غادة عبدالعزيز خالد غادة عبدالعزيز خالد
تاريخ التسجيل: 10-26-2004
مجموع المشاركات: 4806
يا مني .. دكوة .. يعني شنو ؟؟ بربري اها تعملي شنو؟ يا د.محمد : من فضلك اتاكد انو علبة الحبوب مافي المطبخ ؟ وانسي انك بزنزس مافي وما تقوم تعمل لنا سلطة دكوة بالحبوب دييك ؟
04-28-2007, 01:42 PM
اساسي اساسي
تاريخ التسجيل: 07-20-2002
مجموع المشاركات: 16468
آولا يا دوللي..إسم دلع اساسي ماسوسو.. إسمه أوسه.. يعني ولد عمره 19 سنه يسمي نفسه عبد الرحيم ليه? أصله هو قدر محمد عبدالجليل! ولا الأسامي يعني عدمت? بجبك راجعه..
04-29-2007, 09:53 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
مع انو الدكوة والشطة .. تؤدى الى الشروع فى البهجه .. ودى زمان كانت فيها عقوبه حديه
مشتاقين والله يا منى ..
بشير انت بتظهر مع الأكل بس؟ انتظرني في رمضان وبوستات ملاح الروب والطعميه.. والكنافه والمحمر وكل فرخة نايمه علي جنبها.. سلطة الدكوه تعمل فيك كده؟ ليه حق بودي الغريب يموت فيها.. الأيام دي عامله نفسي ما متذكراها..
الشافع يقول داير الأكل..لما أعملوا ليه وياكله...يجيني يقول لي
khaltu, you are feeding me too much! وبقي يقول وزنه زاد..خلاص مش اكلي ده بخليه..وسلطة الدكوه الا يحنسني اعملها ليه..بس!
الشوق اكوام يا بشير..انشالله تكون بخير..
06-10-2007, 11:22 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: ما شايفك بقيت تكتب بالانجليزي وانت مالك ومال الدكوة؟؟
انت عارف يا بكوري اجمل ايام انا عشتها لما كنت محاميا في مدينة السوكى وقد صادف ذلك مرحلة انشاء بيارات مشروع السوكى الزراعي التى شارك فيها مجموعة من مهندسي المؤسسة الفرعية لاعمال الري وقد كانت لنا علاقة خاصة بهم وكنا نلتقي كل امسية في ميز المهندسين لنتحدث عن المنبر العام وكان ذلك في عام 1987 تقريبا . من اميز المهندسين الذين عرفتهم السر حماد وحمدان وابراهيم طه و وصلاح الجعلي وقد كان في راسة الموسسة وقتها السر كلودة ومحمد عبد الكريم عساكر واغبش .
يا حليل ايام زمان
04-30-2007, 06:58 AM
بشير دفع الله بشير دفع الله
تاريخ التسجيل: 04-04-2007
مجموع المشاركات: 214
منى لكى التحية و للاخوة الاعزاء البوست بدا بداية تخلى الواحد يمطق و الانزيمات و لا ماعرف شنو يادكتور البى جنبات اللسان تنزل لكن فجاءة البوست انحرف و زى وصلنا سريع للتحلية و كدا تحياتى دقيقة اتذكرت منى زى القالت انو الموضوع يخش النار قصدى الدكوة انا غايتو يطرشنى ماسمعت بى دكوة يلحقوها نار comme si,je n'existais pas
04-30-2007, 08:44 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
طيب يا ياحلوين.. أنا لما فتحت البوست ده كان ومازال هدفي ان أكمل شكري لكل من هنأني في زواج سعيده من سعيد والذي لم ينته في البوستين السابقين بسبب الأرشفه.. ورأيتان طلب بودي المتكرر لسلطة الدكوه مدخل معقول يخرجنا من ملل الطرق التقليديه في العنوان.. وأعلمكم ان بودي هو الأسم الذي اختصرته لإسم عبدالرحيم زوج آيه .. كما اعلمك أن سلطة الدكوه ليست طلبه الوحيد..بل معها يكثر من طلب الملوخيه والتي ينطق ال 'خ' فيها كاف..وكذلك الباميه!
داخل علي طـمع باين عليه موش?
05-07-2007, 06:01 AM
مجدي عبدالرحيم فضل مجدي عبدالرحيم فضل
تاريخ التسجيل: 03-11-2007
مجموع المشاركات: 8885
يا مجدي يا حليلك وحليل أيام زمان.. عارف المدور في القاهره وعنده مصطفي وعائشه حلوين شديد ماشاء الله ربنا يحفظهم.. والمدور لسه في حركاته..وأيام كورة الهلال في مصر عمل عمايل غريبه.. عارف المدور طبعا هلالابي زينا.. عمك الخليفه والشهيد ومحمد..وماما جاره من منطلق حبها لأودها..كانوا مريخاب.. أحنا البنات كلنا وماما عاشه وخالي الوحيد والمدور كنا هلال.. بعد الغداء والذي غالبا ماكان لسلطة الدكوه فيه حيز.. كان دايما في نقاش عن الكوره يحتد وتعلو فيه الأصوات قدام مكاواتنا لفريق مريخ بيتنا.. ولما عمك الخليفه يتغاظ من المكاواه يقوم يحاول يستعمل سلطاته علشان نبطل.. تقوم ماما عاشه تتدخل..ويضطر هو يسكت قدامها..امال ايه مش أم مرته وليها مكانتها؟ لكن كدي اسألك يا مجدي سؤال كده علي الماشي.. انت المريخاب ديل ليه بيبكوا لما يغلبوهم؟ عارف..زمان المورده بعد الهلال كانت منجضاهم نجاض..وهم بس تلقاهم يبكوا..غايتو!
المهم دي صورة المدور عصوم علشانك..
06-08-2007, 10:15 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
تتملكني صوره معينه للنسيبه..يعني النسيبه علي طريقه سودانيه من الطرق الماعديده.. ونفسي اتقمصها واوعملها للود بودي ده.. وهو انا اصله لو ما مارست سلطات النسيبات ولا الحموات يكون الفايده ايه من عرس بتي؟ يكون كده عرس بتي ناقص..ناقص قيمة النسيبه وعمايلها الصعبه..النسيبه العندها نظره كده تخلي زوج الأبنه يعرف الله واحد اكتر مما هو عارف.. طيب النسيبه ام نظره زي دي في راسي عندها شكل معين..يعني مثلا تكون صحتها اولا مساعداها.. يعني اسم الله عليها.. وبعدين تكون مشلخه..وانا ماعارفه سبب اني شايفاها في خيالي مشلخه ايه...لكن احتمال بدري شفت واحده نسيبه صعبه بالمواصفات دي.. وجنها تحنن رجلينها وتلبس شيشي أبيض.. وفي صباع يدها الشمال خاتم جنيه دهب..وما لابسه غوايش!
بعدين اتخيل نفسي كده قاعده اوزع في الأوامر..والسراميس مرصوصات جنبي في الحوش والمكيف ابو عجلات مقبلاه علي أنا..وحتي التلفزيون يكون مقبل علي انا..
وكدي النفكر في الباقي..
06-08-2007, 10:20 PM
معتز القريش معتز القريش
تاريخ التسجيل: 07-07-2006
مجموع المشاركات: 11343
سلطة الدكوة دي دايرة جنبها صحن فول تمام وطعمية حاااارة
مررت لالقاء التحية لأخت عزيزة.....مودتي واحترامي لك منى
سلمي حبيبتي ليك فتره كده غايبه..خير؟
الطعميه انا بحبها شديد وممكن آكلها كل يوم..علشان كده بيتي ماممكن يفضي خالص من طعميه مفرومه..بفرمها كيف؟ سمح أوريك علشان اخواني الرجال الهنا ديل يتعلموها ويعملوها براهم..أصله رمضان قرب..
مثلا كيلو كبكبي..
نخته في مويه تغطيه وكل ماتنقص المويه نزيدها لمدة يوم تقريبا.. اربعه بصلات كبار توم.. شطه خضرا ممكن طماطمايه علي اربعه وممكن نستغني عنها.. نصفي الكبكبي ونقسمه علي اربعه وكذلك نقسم المقادير علي اربعه.. نفرم الكبكبي فرمه حفيفه براهه الأول.. بعدين نضيف المواد ليه ونفرمه لغاية مايصبح عجينة..
ونقسمها في اكياس ونختها في الفريزر..
عايزين تحمروها وتاكلوها مع سلطة الدكوه زي ما عملت انا الليله؟ خلاص..تطلعوا الصباح لما تقوموا من النوم كيس طعميه من الفريزر..ده اذا كنتوا نمتوا .. علشان يسيح من التجميد
سلطة الدكوة دي دايرة جنبها صحن فول تمام وطعمية حاااارة
مررت لالقاء التحية لأخت عزيزة.....مودتي واحترامي لك منى
سلمي حبيبتي ليك فتره كده غايبه..خير؟
الطعميه انا بحبها شديد وممكن آكلها كل يوم..علشان كده بيتي ماممكن يفضي خالص من طعميه مفرومه..بفرمها كيف؟ سمح أوريك علشان اخواني الرجال الهنا ديل يتعلموها ويعملوها براهم..أصله رمضان قرب..
مثلا كيلو كبكبي..
نخته في مويه تغطيه وكل ماتنقص المويه نزيدها لمدة يوم تقريبا.. اربعه بصلات كبار توم.. شطه خضرا ممكن طماطمايه علي اربعه وممكن نستغني عنها.. نصفي الكبكبي ونقسمه علي اربعه وكذلك نقسم المقادير علي اربعه.. نفرم الكبكبي فرمه حفيفه براهه الأول.. بعدين نضيف المواد ليه ونفرمه لغاية مايصبح عجينة..
ونقسمها في اكياس ونختها في الفريزر..
عايزين تحمروها وتاكلوها مع سلطة الدكوه زي ما عملت انا الليله؟ خلاص..تطلعوا الصباح لما تقوموا من النوم كيس طعميه من الفريزر..ده اذا كنتوا نمتوا .. علشان يسيح من التجميد
يعنى انتى لى فاتحة لينا كدا . انا اضفتك فى لماسنجر وبرضو ما شغالة بى على العموم اتمنى انك تضيفينى فى الماسنجر عشان هنا ما محل الونسات والنقاشات الجانبية .
06-20-2007, 09:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
قرات مشاركتك عدة مرات ولم افهم ما تبتغيه.. هذه اول مره علي ما اعتقد أتداخل او تتداخل معي.. اشرح مره اخرس ماتقصد.. وفي نفس الوقت حتي لا يطول انتظارك..اعلمك أنك من الممكن ان تضيفني لما سنجرك كما شئت..ولكني قطعا لن اضيفك ان لم تستأذني أولا أو اكون علي معرفه بك.. وانا في انتظار تفسيرك
Quote: يعنى انتى لى فاتحة لينا كدا . انا اضفتك فى لماسنجر وبرضو ما شغالة بى على العموم اتمنى انك تضيفينى فى الماسنجر عشان هنا ما محل الونسات والنقاشات الجانبية .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muna Khugali
عاصم ابوبكر حامد
انعام عبد الحفيظ
عبدالكريم الامين احمد
Zeinab
ناجى أحمد البشير
هاشم أحمد خلف الله
Fadl Karrar
غادة عبدالعزيز خالد
انعام حيمورة
د.محمد حسن
abubakr
اساسي
الطيب شيقوق
بشير دفع الله
salma subhi
مجدي عبدالرحيم فضل
معتز القريش
Alsa7afa_30
ALI KHAIR
فيس بوك
تويتر
انستقرام
يوتيوب
بنتيريست