|
دعواتكم لزميلنا المفكر د.الباقر العفيف بالشفاء العاجل
|
|
 Re: زهجانين ولا قرفانين؟؟ (Re: حافظ العشا)
|
الله لاجاب القرف ولا الزهج
القرف دا بجيبو زوول تانى ما بيجى براهو
والزهج دا شوق شديد وحنين لى ناس حلوين
صدقينى والله لمن تكونى زهجانة فتشي اقرب
زول ليك ولو بعيد تلفون يكفى ولو قرفانة
أمسحى من رأسك كل حاجة أزعجتك من قبل
وماتفكري فيهاأبدآ ..الله لاجابهم..
| |
 
|
|
|
|
|
|
|
|
Re: زهجانين ولا قرفانين؟؟ (Re: احمد معتصم الطيب)
|
Quote: الله لاجاب القرف ولا الزهج
القرف دا بجيبو زوول تانى ما بيجى براهو
والزهج دا شوق شديد وحنين لى ناس حلوين
صدقينى والله لمن تكونى زهجانة فتشي اقرب
زول ليك ولو بعيد تلفون يكفى ولو قرفانة
أمسحى من رأسك كل حاجة أزعجتك من قبل
وماتفكري فيهاأبدآ ..الله لاجابهم |
..
ماشاء الله عليك أحمد معتصم...الأتنين بعيدات منك؟
عيني عليك بارده وصلاة النبي فوقك..
هو انا كان زهجانه افتش زول علشان املاهو فقر معاي؟
لالالالا
بس نجي هنا نسألكم متل الأسئله دي..
البوست ده علشان تتفشوا..بدون شكل ولا كواريك..
يعني تخت راسك فوق أي كتف وتقول كان زهجان ولا قرفان ولا فرحان..
وان كمان جاتك حالة الخلو الأفقي والرأس..
قول ماعارف ان كان زهجان ولا فرحان ولا قرفان ولا تقلان!
الله يفرحك اخوي دنيا وآخره..قول آمين!
| |
|
|
|
|
|
|
|
|
|
Re: زهجانين ولا قرفانين؟؟ (Re: رشا سالم)
|
Quote: تقلانييييين...!
ومشتاقين.. |
رشويه..
انتي حملك ده مابقي 11 شهر واسبوع..القضيه شنو؟
ولا حمل الدكاتره براه؟
اخير انتي مرقتي من الحاله المعنيه بالسؤال لحاله اخري..اي نعم هي فظيعه..فليس اصعب علي الأنسان من ان يسير دافعا لبطنه امامه لشهور طويله..لكن هي ايضا حاله مختلفه..حاله تمتاز بها النساء فقط من باب التغيير في الأجابه..
زهجانين ولا قرفانين؟؟
لالا تقلانين!
ده في حد ذاته تغيير يبعث علي السرور..
ربنا يسهل ليك رشويه حبيبتي ويسهل للمنبر كمان!
| |
|
|
|
|
|
|
|
|
|
Re: زهجانين ولا قرفانين؟؟ (Re: Muna Khugali)
|
.
العزيزة ( مني )
سلامات
طبعاً ثلالثة مداخلات خلف بعض في بوست واحد . هن كتار عليه .
ولكن ..
أنا زهجان
أولاً مني أنا ..
ومن بعد كذلك من الآخرين
و الآخرين دي محل ما تحتوي ..تشمل .
و أنا زهجان برضو و أكيد من المنبر
و من صاحبي ( بكري أبوبكر ) و من الأحداث السخيفة
الحدثت آخيراً.
( لأنو حسب رأيي بكري عندو دور فيها )
| |
|
|
|
|
|
|
|
|
|
Re: زهجانين ولا قرفانين؟؟ (Re: kamal ali)
|
| Quote: شنو يامنى ماكنا كويسين وعايشين فى دنيا من اوهام وخيال الحصل شنو؟ |
سمح نوريك كمال سالم أخوي..
اصله المشكله تكمن في اتنين..ومعاهم اتنينات تانيه كتيره..
الاتنين الأولي
تقول ليك أعمل لدنياك كأنك تعيش ابدا..وأعمل لآخرتك كأنك تموت غدا..
سمح ده كلام سمح بالحيل..تقوم تحاول تطبقه..
تلقي مافي طريقه تستمر بنفس الحكمه لفترات طويله..
من حيث لا تدري..
تجيك عصابه كده تسمي الأنقاذ..ومن اسماءها ايضا الجبهجيه..ثم الكيزان
وبعدين تنبثق منها كما في الأجتماعت بتاعة المعارضه ومنظمات المجتمع المدني اجساد اخري..
تسمي هنا لجان.. وتسمي هناك هناك حراميه مجرمين.. وقصد من هذا المثال فقط شكل الأنبثاق وبعض من الجوهر..
هذه "الحراميه" تجد لها اشكال جديده من الأسماء..وتعيد انتاج نفسها في اشكال واسماء جديده..
احيانا تستخدم اسماء تمويهيه تضيع عليك الفهم الحقيقي لجوهرها لو ما بقيت نجيض ومفتح..
والنجاضه فعل مرهق..لانك بتقعد فيه تتعلم التلفت.. وقراءة الحرف عشره مرات..ثم تنتهي بالشك يا حبيبي كما فعلت الممثله شاديه في فيلمها المشهور..
ولما تصل للمرحله دي وأكتر..وتلقي العينات العجيبه تخنقك من كل الأطراف..بتقوم تزهج..والحمد لله أن الزهج ليس كفرا!
ولما تزهج وتزهج الناس التانيه..زي زهجتي وزهجة غيري هنا..بتقوم تفتح بوست زي ده..
وتعمل كاونسلينج لنفسك مع الضحايا التانيين..وهذا لا يمنع ابدا ان حدث وانقشع الزهج وراح في ستين داهيه ولو قليلا..تقوم تدخل في الأوهام وتفرح بالأحلام وكده يعني..
وكفايه وجعت ليك راسك..بس برضه خليك معانا نشوف القضيه دي كيف..
انت بالمناسبه اسمك كمال علي في البروفايل..وهنا اسمك كمال سالم ليه؟؟
سؤال بريء وليس ابدا لشكي في انك مهكور او هاكر اساس!
| |
|
|
|
|
|
|
|
|
|
Re: زهجانين ولا قرفانين؟؟ (Re: معاوية كرفس)
|
شوفت يا معاويه..انا عايزه اموت من الغيظ!
انا كتبت مايقارب الخمسة وعشرين سطرا تعقيبا علي حديثك عن الزهج بمستوياته ومسبباته المختلفه..
وفجأه نط لي عنوان الله يخرب بيته.. وضيع مني الكتبته قبل ما أنسخه في الوورد..
اها اتغاظ وأزهج ولا لأ؟
شوفت انا اتغظت وانتهيت..ومابخلي عنوان عوير زي ده يغيظني لغاية الصباح..
لكن بقول ليك بكره بكتب برواقه أكتر..
وبقول ليك الشوق كتير ..
وأكيد الخرطوم حبيبتنا بتلمنا تاني وتاني..
وسلام مننا لأستاذ جلال السيد.. وللأستاذ نبيل أديب ولمجموعة بورداب الخرطوم..والبورداب الجو في اجازه..فعلا كانت أمسيه جميله جدا..
بس انت ليه ما كنت بتجي في باقي الحاجات؟
اقول ليك حاجه معاويه اخوي؟
ايامي في الخرطوم هي زادي في غربتي..
علشان كده لما اجيكم..بحبكم اكثر..وبكون عايزه اشوفكم أكتر
وخلاص يللا بكيتني!
| |
|
|
|
|
|
|
|
|
|
Re: زهجانين ولا قرفانين؟؟ (Re: Muna Khugali)
|
حصل يامني خوجلي
انو نحن الفنانيين ديل وبالاخص الممثلين الحيكومه طردتنا من دارنا وبقوة مدرسه ثانويه وبقي ماعندنا مكان نتلم فيهو لكن ربك رب الخير الهمنا بفكرة انشاء نادي سميناهو وقتها (نادي الزهاجه) وبقي معلم بارز لك الزهجانيين الفنان وغير الفنان وبقي عندنا جد نادي خطير وستات الشاي هبطرش والاكل متوفر وبقينا نتلاقي هناك ولو في اي زول بفتش لي زول بعلق ليهو مذكرة في البورت اي في حيطه الدكان ولو في مخرج بفتش لي ممثل بجيهو في نادي الزهاجه وبتفق معاهو علي العمل الفني وعييييييييك الحكايه جرت بقي الصحفيين زاتهم بجو يقعدو معانا للحوارات وغيرو .
والزهجه الاكبر من كده جات الحيكومه ونفس الحيكومه طردت نفس الناس الحلوين ديل من النادي التعبنا في تاسيسو
ومن ديك ولليله انا مرقت من البلد مودعا كل الزهاجه اصحابي وانا من هنا بفتح ليكم العضويه
الزهجان كلمو,,,,
الحردان كلمو
القرفان افتحو لي اضانو انو نحن عندنا نادي الزهاج بحتو كل الناس بدون فرز
ومرحب بيك بت خوجلي في النادي كاول عضو من المنبر يمنح عضويه نادي الزهاجه
الزهجان خالسسس
عليش
| |
|
|
|
|
|
|
|
|
|
Re: زهجانين ولا قرفانين؟؟ (Re: الطيب شيقوق)
|
| Quote: خاتين في دى طينة ودى عجينة |
يعني اسه لو في أي زول ناداك ما بتسمع موش؟؟
اها بتسوي شنو مع القرايه؟
بتقدر تغمض عيونك؟
بتقدر تحميها ما تشوف الشين؟
مافي ليك طريقه..ولا رأيك ايه؟
| Quote: هيييييييييييييييييع انا العشاء اب لبن |
غايته يا ود شيقوق عندك كلام!
اسه الا تجي تشرح لينا الكتبته ده..
| |
|
|
|
|
|
|
|
|
|
Re: زهجانين ولا قرفانين؟؟ (Re: عبدالمنعم الرزوقي)
|
Quote: والله يا بت خوجلي من شدة الزهج والقرف
الواحد مافضل ليهو إلا ...............
عشان زهجان وقرفان بكمل كلامي بكرة تصبحي علي خير |
حليلك منعم ود الخال..
قدر ده زهجان وقرفان؟؟
سمح تقدر تنوم كيف وانت بالحاله دي؟؟
واها كان نمت وحلمت بزهجتك تاني تسوي شنو؟؟
وأكيد مادمت نمت بيها هاتحلم بيها
اها موش بتصحي زهجان أكتر؟
والله دي مشكله دي!
| |
|
|
|
|
|
|
|
|
|
Re: زهجانين ولا قرفانين؟؟ (Re: Mohamed Ahmaed Olyesh)
|
حصل يامني خوجلي
انو نحن الفنانيين ديل وبالاخص الممثلين الحيكومه طردتنا من دارنا وبقوة مدرسه ثانويه وبقي ماعندنا مكان نتلم فيهو لكن ربك رب الخير الهمنا بفكرة انشاء نادي سميناهو وقتها (نادي الزهاجه) وبقي معلم بارز لك الزهجانيين الفنان وغير الفنان وبقي عندنا جد نادي خطير وستات الشاي هبطرش والاكل متوفر وبقينا نتلاقي هناك ولو في اي زول بفتش لي زول بعلق ليهو مذكرة في البورت اي في حيطه الدكان ولو في مخرج بفتش لي ممثل بجيهو في نادي الزهاجه وبتفق معاهو علي العمل الفني وعييييييييك الحكايه جرت بقي الصحفيين زاتهم بجو يقعدو معانا للحوارات وغيرو .
والزهجه الاكبر من كده جات الحيكومه ونفس الحيكومه طردت نفس الناس الحلوين ديل من النادي التعبنا في تاسيسو
ومن ديك ولليله انا مرقت من البلد مودعا كل الزهاجه اصحابي وانا من هنا بفتح ليكم العضويه
الزهجان كلمو,,,,
الحردان كلمو
القرفان افتحو لي اضانو انو نحن عندنا نادي الزهاج بحتو كل الناس بدون فرز
ومرحب بيك بت خوجلي في النادي كاول عضو من المنبر يمنح عضويه نادي الزهاجه
الزهجان خالسسس
خلاص انت كده تمام يا عليش..شوفت ناديكم ده هو حل كويس جدا معاي.لأنه أولا فيه فنانين..ومحل الفنانين في..بتكون في افكار مختلفه فيها ابداع ممكن مجنون وامكن هادي..
وفيها اكيد جو مختلف يطلعك من الروتين وثقالة الروتين..
وثانيا لأنه فكره مختلفه ومحتاجينها..
عارف يا عليش أكتر كلمه بكرها شنو؟
علي وتيره واحده!
تلقي المنبر تلاته يوم ماشي علي وتيره واحده..
الشكل ذاته مكرر وكلامه ياهو ذاتو وبقي رد فعله وتيره واحده!
وبعدين مواضيع المنبر تلقاها كتير ماشيه علي وتيره واحده..
تعال نخنق الوتيره الواحده دي بنادي الزهجانين والقرفانين..نادي قاصد يطلع من حالة الزهج والقرف..نونس بعض ونضحك مع بعض ..وانا ببقي ليكم ست الشاي والقهوه والداير ينضم لي في الخدمه
دي يكون بارك الله فيه..
شكرا للعضويه..يللا ننشط النادي كلنا سوا ياصحاب..
| |
|
|
|
|
|
|
|
|
|
Re: زهجانين ولا قرفانين؟؟ (Re: أبو ساندرا)
|
Quote: جنك كلكي يا روش
ولذيذ
والأجن منك بت حاجة جارة
يا منانا باللاهي الحاصل ده ما بيجيب الإتنين وأكتر
وين منوت يكتر لينا من الليمون
انا وروش الوحلانة فوق دي |
ابو ساندرا شوفت رشا دي لذيذه كيف؟
اسه أنا لو كنت دافره بطني قدامي ماكان اتكلمت مع اي زول!
وكان بس اقعد اشاكل من كرف..زول جوه زول..سبحان الله!
الزول بيكون ماقادر يتنفس..يجي يهظر ويقول تقلانين؟
والله من قالت لي كده كنت حاسه نفسي اتكتم!
يعدين يا عبده دي مرحله لا ينفع فيها ليمون يمنع الطمام لا اي علاج..
القضيه ما نافعه خالص..
خليك معانا..وتعال لنادي عليش..عندنا نادي الزهاجه..
| |
|
|
|
|
|
|
|
|
|
Re: زهجانين ولا قرفانين؟؟ (Re: رأفت ميلاد)
|
Quote: الإتنين
فارق معاى المسنجر وتدخل ما تعرف الحضور منو
تفرتق طوالى
وإنتى كيف؟ |
ايوه فاهمه والله يا رأفت قاصد شنو..
عارف انا زي العايشين كده في بلد مهدده بالغزو..
وقالوا لازم من احتياطات..نسوي شنو الله ينعلهم الهكرونا وما خلونا يا ناس!
والزول لما يجي داخل هنا..تلقاهو كده زي الماشي النادي..يبتسم في باله ويقول..
اسه امشي القي ناس فلان وفلانه في الركن الفلاني..
وبعدين يفكر..
ياربي الليله في منو اشاغله..
والعجب المسنجر الطاووس يا رأفت..والله لذيذ بشكل...لكن ىخر اياك كان بطي خلاص..تجي داخله لو جاتك رساله تقعد كده معلق مسافه عشان يفتح..اتاريهم ديل الهكارين كانوا بيفتحوا معانا..عارف الكلام ده
زي شنو؟
مش قالوا كل زول عنده قرين؟
اها انت بيكون عندك قرين متخصص مسنجر..تقرا ويقرا معاك..قرين هكر عجيب ياخ!
بس حاول عشان تمرق من الزهج تعاين للجانب السمح في الموضوع..
مثلا ترتاح من البوستات البيجو خاتين فيها قائمة الحضور في البوست بتاعهم..
وكمان ترتاح من النقه...قبيل انا شايفك في الحضور ما رديت ولا رديتي رسالتي ليه؟
اصلها هي رساله كاتبنها ليم ولا قسيمه كاتبنها معاك يحاسبوك كده؟؟
برانا زهجانين ياخ!
انا كيف؟؟
خليها علي الله!
| |
|
|
|
|
|
|
|
|
|
Re: زهجانين ولا قرفانين؟؟ (Re: عمر سعد)
|
Quote: زهجان من الحكومة النحس دى
قرفان من التقدميين عامة
فى حالة تالتة فى النص ما عارفة شنو |
لكن يا عمر انت حالتك فيها جانب علاجي مستعصي..
عليك بالتسجيل في الحال في نادي الزهاجه!
انت جنيت يا عمر؟
تزهج من الحكومه وتقول عليها نحس؟؟
ياخ مره واحده في حياتكم حبوا لغيركم الخير؟
اسه الحكومه دي مش منغنغه ناسها؟
مش مقعده ناس تانيين مننا..الله يسألني من لحم ودم ناس كتار مننا هناك في السودان..
وماسكاهم زي الأطفال..تديهم في القروش الكتيره..والمزايا..وتمسكهم كده حلاتهم ساكتين
وهاديين زي شفع الروضه..حتي نومتهم وقت تجي في المجلس مابتحميها ليهم!
ما خلاص برضه كتر خيرها!
...
...
وأماني ماك خاتي علي التقدميين!
ياخ ديل ناس كتمرسه في استثمار وقتها في الكلام الكتير..وعلي فكره الكلام زاتو ما ضروره يكون متطابق مع بعضه..اسه هي الألوان كلها زي بعضا؟
ولا الأسود زي الأبيض؟
وبعدين ياخ اتعلم تتعايش معاهم..يعني اسه الحكومه الأنت كارها افترا منك دي ان كان فاتت ..
قايل البيجي بدالها منو؟
ماياهم التقدميين ديل ذاتهم!
وكل مره اقول القي ليك حاجه تمرقك امكن ولو شويه من الزهج..القاك قفلت لي كل الأبواب!
شوفت الحاله التالته القلتها دي تبقي شنو؟؟
دي مانفسك ونحنا ذاااااتنا....
الله يعوضك تعال سجل في النادي سرييييييع قبال تنتحر..
| |
|
|
|
|
|
|
|
|
|
Re: زهجانين ولا قرفانين؟؟ (Re: abubakr)
|
| Quote: تصوري يامنة .. بس شفقانين ؟ |
شوفت يا ابوبكر..الشفقه دي ياها البتجيب الأجل..
مافي طريقه تصلح العالم كله..لكن ممكن تساهم في اصلاحه..
ومافي طريقه تشفي العيانين كلهم لكن ممكن تساهم في شفاء بعضهم..
مافي طريقه تتحمل مسئوليات الدوله..لأنك انسان وليك طاقه وقدره محدوده مهما كبرت..
ماتشفق أخوي وماتقدر تعمل ولا واحده فيهم...
| |
|
|
|
|
|
|
|
|
|
Re: زهجانين ولا قرفانين؟؟ (Re: الملك)
|
مني يا ستي
الدنيا ده اخديها زي ما هي .. ما تعافريها .
ولو في الاخر انت طلعت منها بصديق و فئ و حبيب تكون ما قصرت معاك .
نحنا يا مني قدرنا جينا في وقت صعب شديد و معقد .. بتكلم عن الوضع الداخلي لبلدنا
و أصبحنا بفعل تراكم ممارسات السلطة شعب شتات .. وفي الأخر مافي شئ ببل الروح غير
بلدك و ناسها .. والله لا لندن ولا كلفورنيا ولا أي بلد ممكن تحلنا من تعب الروح ده .
ستظل الروح مشعتفه يا صديقتي ..
ولك أكيد الود .. ولو لقيتي حل عليك الله ما تخبيه علينا .
| |
|
|
|
|
|
|
|
|
|
Re: زهجانين ولا قرفانين؟؟ (Re: الملك)
|
Quote: زقهرجا"نين"
...
...
وعليها فلس كمان |
اتخيلت منظرك كده يا ناجي..عرقان وزهجان والكهرباء قاطعه والمويه بسيطه...
وقلت تمرق لقيت قمصانك ما مكويه..
زهجت كده وانت طالع من الأوضه خبطت اصبع قدمك في السرير واصبعك ورم..
عايز تمشي المستشفي لا في قروش لا في عربيه..
لا حولا..
احسن نزح منك قبال حالتك ماتعادينا!
| |
|
|
|
|
|
|
|
|
|
Re: زهجانين ولا قرفانين؟؟ (Re: Muna Khugali)
|
عارفو يا منى الزول لو عرف عندو شنو دا ما بيكون قطع 75% من العلاج مش 50% كما ساد سابقاً
- مرات الواحد يحسب الكم وعشرين سنة خارج بلدو وبعيد من أهلو والبنات كبروا ( فجأة ) يقول خلاص باقي السنة ويتلم على الناس . نذهب لبلدنا إجازات تطول أو تقصر... تأتينا الأخبار ... فهذا العالم أضحى ( زقاق ) في قرية فيخاف المرؤ على ما بناه في كل هذه السنين أن يضبعه في فورة عاطفة أياً كان نبلها .
- قريباً أو بعيداً من النقطة السابقة يطل شئ لا أعرف كنهه أهو زهج أم هل هو تمرد أم هل هو ( تشبع ) من حياة الغربة أم هل هو عذاب ضمير فهل أديت واجباتي تجاه ربي ووالدي وإخوتي كما يجب وأن هل كنت لزوجتي وأنجالي الربان الحصيف .... مد وجذر يدخلني في أسئلة وأسئلة .
و
نقرأ لكم
ونتواصل معكم وأحباب آخرين بمثل صفائكم
فتنقشع من فوقنا بعض سحابات غطت سماواتنا
| |
|
|
|
|
|
|
|
|
|
Re: زهجانين ولا قرفانين؟؟ (Re: عاطف عمر)
|
مالك ومالنا ..
إنشاء الله نطق راسنا بالحيطه ..
..
..
البورد كل بعد سطرين ملطوع ( مني خوجلي ) وتقول ليك زهجانين ؟؟
..
أنا غايتو إستعدلت مما بقيتي تجي بدون جماعتك .
ونزلت الرد ده
| |
|
|
|
|
|
|
|
|
|
Re: زهجانين ولا قرفانين؟؟ (Re: محمد على طه الملك)
|
Quote: مالك ومالنا ..
إنشاء الله نطق راسنا بالحيطه ..
..
..
البورد كل بعد سطرين ملطوع ( مني خوجلي ) وتقول ليك زهجانين ؟؟
..
أنا غايتو إستعدلت مما بقيتي تجي بدون جماعتك .
ونزلت الرد ده |
ده برضه ما بيحلك..من مصاريف العيد واجازة العيال من المدارس واحتياجاتهم..
خروف العيد..ومعه مستلزماته..
ملابس العيد للعيال وأمهم..
يعني اسه في داعي للأجازه الطويله دي والعيال يقعدوا عايزين وعايزين؟؟
....
اهه يا محمد علي طه..عرفت سبب زهجتك ولا لأ؟
مفلسيييييييين
| |
|
|
|
|
|
|
|
|
|
Re: زهجانين ولا قرفانين؟؟ (Re: عاطف عمر)
|
Quote: عارفو يا منى الزول لو عرف عندو شنو دا ما بيكون قطع 75% من العلاج مش 50% كما ساد سابقاً
- مرات الواحد يحسب الكم وعشرين سنة خارج بلدو وبعيد من أهلو والبنات كبروا ( فجأة ) يقول خلاص باقي السنة ويتلم على الناس . نذهب لبلدنا إجازات تطول أو تقصر... تأتينا الأخبار ... فهذا العالم أضحى ( زقاق ) في قرية فيخاف المرؤ على ما بناه في كل هذه السنين أن يضبعه في فورة عاطفة أياً كان نبلها .
- قريباً أو بعيداً من النقطة السابقة يطل شئ لا أعرف كنهه أهو زهج أم هل هو تمرد أم هل هو ( تشبع ) من حياة الغربة أم هل هو عذاب ضمير فهل أديت واجباتي تجاه ربي ووالدي وإخوتي كما يجب وأن هل كنت لزوجتي وأنجالي الربان الحصيف .... مد وجذر يدخلني في أسئلة وأسئلة .
و
نقرأ لكم
ونتواصل معكم وأحباب آخرين بمثل صفائكم
فتنقشع من فوقنا بعض سحابات غطت سماواتنا |
هي اصلها حيره أزليه..وعند بعض السودانيين ازليه خالص خالص..وعند السودانيين من البعض الغير البعض الأول..ده مستحيل!
شوفت كيف..تعمل قدر ماتعمل برضه ماكفايه..بس تسكت تعمل..وتدي وتدفع وتعالج ..وكان مابقوا كويسين
تعالج تاني..وهو ماتمرد زي مااحتمال يكون..ولا هو ندم..أنا لي يوم الليله ماندمت علي مرقتي من السودان..لأنه ليس في الأمكان ماهو لم يكن في الأمكان..واقصد القعاد فيه يا عاطف..
وانتو ناس الخليج ..ناس نعاين للمستقبل امكن يكون أحلي..قروشكم تجيبوها بي جاي وتصرفوها بي جاي..
اها لو كنتوا من الزمن داك في السودان..كان احتمال ضعيف جدا تعمل حاجاتك العملتها دي كلها..
وبطيخة ذاتو لأهلك تجي شايلها امكن كان تكون معجزه..لكن كان بيكون عندك سكري وضغط يلخبطوا عليك شغل الكلي..والف بعد الشر عليك..
وكان امكن تكون جاري ليوم الليله ورا تعويضات الصالح العام ببنطلونك البني وقميصك الياقته اتهرت..وامكن بتكابس في حق الرسوم المدرسيه..وطلبة الأهليه قالوا الليله مرقوا مظاهرات احتجاجا علي المصاريف..
قلت ليك شنو يا عاطف..
ياخ انا نفسي ذاته قام من الزهج والقرف في برد بلدنا الهنا دي..
| |
|
|
|
|
|
|
|
|
|
Re: زهجانين ولا قرفانين؟؟ (Re: انعام حيمورة)
|
| Quote: محتارين !!!!!!!!!! |
شوفتي بقي انتي تمشي من دربك ده عدل علي المرايه..
وتقعدي تتونسي مع نفسك كأنه الصوره الفي المرايه دي ما انتي..
دي زوله صاحبتك..
وتساليها بصراحه هي عايزه شنو..
ان قالت ليك وعرفتي السبب..يبقي خلاص.. بطل العجب..
ومن مرايتك علي الحل طوالي..
وتبقي حيره وانتهت..
| |
|
|
|
|
|
|
|
|
|
Re: زهجانين ولا قرفانين؟؟ (Re: jini)
|
Quote: ما قادرين نحدد لا كين احتيطا تقدرى تقولى
قرفانين من الزهج وزهجانين من القرف!
مبروك على بروفايلك النيولوك!
جنى |
ازيك يا جني..
انكده حالتك فعلا زهجانه وقرفانه ومافي حاجه ممكن تتعمل..
قدم حالا لنادي الزهاجه!
النيولوك دي جزء في الزهج..ياخ في زول يزهج من صوره؟؟
ياخ الملل ده حاجه سخيفه بشكل!
غايته..كل سنه وانت واسرتك بخير..
| |
|
|
|
|
|
|
|
|
|
Re: زهجانين ولا قرفانين؟؟ (Re: خالدة البدوي)
|
Quote: منو الحبيبة
إن شا الله ما يطول ،،
نحن بس منتظرين الفرج ..
ودي ،، |
خلودتي..
فرج ده مرات بيتأخر كتير..
غايتو انتظريه..ولما يجي نادينا كلنا..
واوعك تتغاتتي...
حبي ليك ولفرج..
| |
|
|
|
|
|
|
|
|
|
Re: زهجانين ولا قرفانين؟؟ (Re: Raja)
|
Quote: منًوية..
غايتو أنا لا زهجانة لا قرفانة. لكني قلقانة لدرجة
الزول بقى يجي خاشي المنبر يتلفت
* مرحلة الزهج والقرف كانت المرحلة السابقة.. وهناك فرق |
ايوه والله يا رجاء..
وممكن برضه تكوني في مرحله أنيل..وفجأه تلقي نفسك فرحانه!
عارفه لو لقيتي نفسك فرحانه..وبينك وبين نفسك مافي سبب يفرح..أعملي نفسك ماواخده بالك
واستمري في فرحك
| |
|
|
|
|
|
|
|
|
|
Re: زهجانين ولا قرفانين؟؟ (Re: Muna Khugali)
|
العزيزة الغالية
تحية وسلام
لمن شوفت عنوان البوست زي اخدتلي تره لي ورا
لكن اتوكلت وسميت ودخلت
بيني و بينك قلت مني لقتليها صورة قرد بي سجارة ملونة
لكن والله دي كانت اجمل واحلي خيبة امل !!!!!!
لكن الحمدالله جات سليمة
اما بخصوص الزهج والقرف
فمن كثر المعايشة بقينا نزهج ونقرف لمن ما نكون زهجانين و قرفانين
رررررر
حرف الراء ده سداد دين في الدنيا
| |
|
|
|
|
|
|
|
|
|
Re: زهجانين ولا قرفانين؟؟ (Re: عبد العظيم احمد)
|
منى ســــــــلام زهج
جنى
Quote: Quote: زهجانين ولا قرفانين؟؟
ما قادرين نحدد لا كين احتيطا تقدرى تقولى
قرفانين من الزهج وزهجانين من القرف!
مبروك على بروفايلك النيولوك!
جنى |
looooooooool
| |
|
|
|
|
|
|
|
|
|
Re: زهجانين ولا قرفانين؟؟ (Re: Siham Elmugammar)
|
الزهج والقرف يامنى دا مرحلة بتاعت ناس مبتدئين يعني في الحضانة
بدري عليهم أما الشي لما يفوت حده ينقلب لي ضده ويبقي مابفرق معاهم
الوضع كتير وبكونوا فرحانين على طول .........
والزهجان
كلمو
يقع الخزان
كلمو
| |
|
|
|
|
|
|
|
|
|
Re: زهجانين ولا قرفانين؟؟ (Re: Muna Khugali)
|
أختتنا/منى خوجلى
قولى يا حى ياقيوم برحمتك أستغيث......أللهم لاتكلنى إلى نفسى طرفة عين.....
عدة مرات.......................
دى نكسة جبتيها لنفسك براك.......لآنك عشتى فى دنيا من أوهام خيالك......البوست النزلتيه ما شاء الله السمح داك.........وبكون فى واحد فتحو وما قال ما شاء الله بس.........
وجاك فيروس فى عقلك عن طريق الكيبورد أو النظر للأسكرين..ربنا يحفظك...........وكم مرة إنتى ذكرتى .الخلوة....ألخلوة جميلة لترتيب ألأمور بداخل عقل ألأنسان........
دى هدربة منى ساى...أحمد الله ولا زهجان ولا قرفان..بعد ما قلت ليك الكلام ده.....
إسماعيل محمد احمد عباس.......
| |
|
|
|
|
|
|
|
|
|
Re: زهجانين ولا قرفانين؟؟ (Re: Muna Khugali)
|
غايتو انا كل يوم بمر بالبوست ده واحاول اتجنبو
ما طالبه ليها زهج وقرف كمان ,,
ولما دخلت وقلت اتفرج ساي من بعيد لبعيد
لقيت الناس دي كلها زهجانه ومفلسه ,,
قلت (حوالينا وما علينا) ,,
بعيد مننا ,,
الليله لقيت ليك نفسي زهجانه زهج ,,
ومفلسه فلس ,, قلت البوست ده يظهر كده دخل العضم
وعاديتوني ,,
وبي دربي ده ماشه اسجل في نادي الزهاجى ,,
سلام كبير لكل الناس الزهجانه , وقرفانه , ومفلسه ,,
نبراس هشام شيخ الدين
| |
|
|
|
|
|
|
|
|
|
Re: زهجانين ولا قرفانين؟؟ (Re: Faisal Al Zubeir)
|
زعيمــة الزهجانين منــى
سلام كبير من هنا لاعندكم ليكم ولي كل الزهاجــة المصنقرين بي جاي ..
وقالوا في واحد زهجان زهج شديد وقع في حفرة .. قال أحســن ...
والله كلنا زهجانين ..
وأنا الزهج بتاعي عــوير .. يحقر بي لمن أكون براي ..
ولمن أقابل الشباب يرجاني بعيــد .. أضحك مع الشباب وأنكت وأتونس ..
أول ما يفوتوا وأبقى براي ..
يقع فيني كفيـــت ..
أه ده يقولوا عليــهوا شنــو .. زهج حقــــار شديد ..
مع السلامة ،
أنا مشاي للنادي عديل ،
خالد الأرباب
| |
|
|
|
|
|
|
|
|
|
Re: زهجانين ولا قرفانين؟؟ (Re: Khalid Saeed)
|
Quote: مع السلامة ،
أنا مشاي للنادي عديل ،
خالد الأرباب |
كويس انك عملت اشتراك في النادي..
شوفتك هناك ولقيتك زهجان نص نص!
انت لازم تزهج شديد؟؟بس برضخ مرحله مابطاله..
كل سنه وانت طيب..ونشوفك ساكن هناك ان شاء الله (في بيت الزهج)..
| |
|
|
|
|
|
|
|
|
|
Re: زهجانين ولا قرفانين؟؟ (Re: Muna Khugali)
|
كل سنة و إنتي طيبة يا مُنى .. وربنا يحقق امنياتك
بوستيك دا ظريف بالمُناسبة .. وكان بمثابة مُتنفث جيد
لكل الزهاجة والقرفانين في هذه الدورة الإرشيفية
مع ما واكبتها من ظروف تهكير عصيبة وكِدة ..
وإتكتب فيهو كلام جميل جِداً .. خسارة يتأرشف ..
عشان كِدة بقترح عليكي تحاولي تنقذيهو من الارشفة
المُرتقبة .. وتاخديهو معاكي الدورة الجاية ..
إمكن تحتاجي ليهو قِدام.
الظروف ما معروفة
| |
|
|
|
|
|
|
|
|
|
Re: زهجانين ولا قرفانين؟؟ (Re: ibrahim kojan)
|
انا حالتى ...unknown
زهجانة..
قرفانة ...
عيانة ...
كسلانه....
جعانة...
ضيقانة(من ضيق)...
خرمانة...
غايتوالله غالب
كل سنة وانت طيبة يالذيذة
مع محبتى...
منى.. من اذنك
ابراهيم كوجان ..
ازيك يااخ وكل سنة وانت طيب
| |
|
|
|
|
|
|
|
|
|
Re: زهجانين ولا قرفانين؟؟ (Re: Amira Elsheikh)
|
ياشباب هوي كيفكم تاني يوم العيد؟؟
بكره نقعد تحت الحيطه ونسمع الزيطه!
وبكره جه خلاص..
الاتسلف فيكم حق الخروف..والأخده من المرتب مقدم..
والسافر فيكم للعيد نتيجة لحظة شوق غبيه للعيد في مكان ما..
والكمل قروشه فيما لا يدري عنه شيئا..
نقول..
لقد انقضي العيد والخرفان الضبحتوها دي زادت في الشحم والفلس..
وبالنسبه لينا احنا المفلسين..
ايه يعني؟
عيد ومر خلاص!
ماهو كل سنه بيجي هو واخوه الصغير مرتين..
وبيعملوا نفس المقلب في الناس..
قال ايه..قال فرحانين!
الحمدلله هو يجي واحنا قاعدين مكانا..
طيب والله العظيم أنا شاكه انه المكان القاعده فيه والطربيزه والكرسي ..
بيعرفوا براهم مواعيد العيد من غير ما أقول ليهم..بس من عمايلكم انتو في العيد!
حصل في يوم العيد جاكم من نفسه جوه البيت؟
ما انتو دايما البتقولوا العيد جاي..وبعدين تمشوا السوق..وانتو البتستعدوا ليه..وانتو
البتصرفوا..
وبعد ده كله تقولوا العيد جه!
جه كيف يعني؟؟
.....
غايته أول يوم زي تاني يوه زي عشرومية يوم..
وانت يا ابوساندرا ربنا يديك العافيه...
عايزه اقول شنو..
أكتب في هذا البوست بفحمتي التي لم يحاول العيد أم يكتب بها حين اتهمته بالكذب وعدم الحضور..
أكتب لأعتذر لضيق الوقت من الرد عليكم واحدا واحد..أو فرضا فرضا كما تقول عمتي السره يت حسنين..
ولكن أوعدكم ببوست تشبعوا فيه لطم وتفشي..اصله شكلي كده ماشي يعمل بوست باب مشكلتك..ولما تجوني بمشاكلكم اديكم حلول لو اتبعتوها فأنتم حقا من الهالكين!
اشوفكم بعد ارشفة مجهوداتكم السياسيه والعاطفيه والآجتماعيه ..
وأميره وكوجان والباقيين تبادلوا ما يطلبه المستمعون علي هذا البوست حتي يحين قدرهّ!
ويللا بالمره..كل سنه وانتو طيبين
| |
|
|
|
|
|
|
| |
Muna Khugali
mohmed khalail
محمد المرتضى حامد
احمد معتصم الطيب
رشا سالم
معاوية كرفس
kamal ali
Mohamed Ahmaed Olyesh
عبدالمنعم الرزوقي
الطيب شيقوق
أبو ساندرا
عمر سعد
رأفت ميلاد
نادر محمد الراضي
abubakr
الملك
طارق عمر مكاوي
عاطف عمر
محمد على طه الملك
انعام حيمورة
خالدة البدوي
هاشم أحمد خلف الله
jini
Raja
osman righeem
محمد أبوالعزائم أبوالريش
عبد العظيم احمد
Siham Elmugammar
ismeil abbas
عمرو كمال ابراهيم
Faisal Al Zubeir
Khalid Saeed
خضر حسين خليل
عواطف ادريس اسماعيل
Osman Musa
ماجدة عوض خوجلى
wd al geran
محمد عبد الماجد الصايم
ibrahim kojan
معتصم دفع الله
فيس بوك
تويتر
انستقرام
يوتيوب
بنتيريست