|
|
 السبت 17 يناير..الرحله النيليه
|
دعوه لكل البورداب بالخرطوم..للمشاركه في الرحله النيليه مساء السبت 17 يناير 2007..
الساده الراغبون في الاشتراك عليهم تسجيل الأسماء هنا..
ولمحدودية العدد (50) وضيق الوقت.. الرجاء التسجيل السريع..
.........
.........
حجز الزميل عبدالرحيم أبا يزيد الباخره ودفع ايجارها هدية منه لكم جميعا..
تبقي علينا مصاريف أخري يجب علينا تغطيتها جميعا سويا..
الاقتراح 20 ألف (عشرين ألف) للشخص لتغطية باقي التكاليف ..
..........
..........
المرسي في شارع النيل سيكون هو نقطة اللقاء في تمام الخامسة والنصف..
تتحرك الباخره الساعه السادسه مساءا دون أي تأخير بإذن الله وترجع في الحادية عشر..
أتمني أن نذهب جميعا في الرحله النهريه..
|
|
 
|
|
|
|
|
|
|
|
Re: السبت 17 يناير..الرحله النيليه (Re: خالد العبيد)
|
Quote: وانا وانا وانا
نمرة اتنين
جايكم عوم  |
خالد كيفنك
وانت اصلك وكتين ماشى عوم مامفروض تحجز انت بس من البحر وللباخرة
افتكر الحجز هيكون للناس الجاية بالعربيات من مكانات بعيدة ..
وافتكر ايضا انها هتخستك لانو الحجزو الى اللحظة دى بالرغم من محدودية الاماكن كلها جايين
عن طريق البحر او عن طريق المحيط
تحياتى لعبدالرحيم
| |
|
|
|
|
|
|
|
|
|
Re: السبت 17 يناير..الرحله النيليه (Re: قاسم المهداوى)
|
Quote: منى
يا منى
مساء الصباح ... والخرطوم بليل
حاولى طلى علينا وانت فى طريقك الى بلاد الضباب
ارجو ان القاك فى نص وصورة فانت مدعوزة
قاسم |
يا قاسم مصر دي عندها طقوس حضور خاصه..
وما بينفع معاها المرور في الطريق..
ضرايح ساكت عايزه كام يوم..
قهاوي عايزه أمسيات..
ضحك مع البوابين عايز ستعات طويله..
اما أنتم يا أعزاء فمحتاجه معاكم لكم من الساعات اليوميه وفي كل برنامج..
سلامي لك ولكل بورداب القاهره..
وباذن الله نزور القاهره قريبا..
لكن ماعرفت انا مدعوزة كيف؟؟
| |
|
|
|
|
|
|
|
|
|
Re: السبت 17 يناير..الرحله النيليه (Re: Muna Khugali)
|
مع تقديري واحترامي للاستاذة مني خوجلي
ولكل الزملاء البورداب
لكني أعتذر
لانه في تقديري أن ما يجري بالبلاد والأمة العربية الآن
وتفاصيل الاحداث المتلاحقة
لا تجعل لنا نفسا مفتوحة للترفيه والرحلات
ومع ذلك اتمني للمشاركين يوما سعيدا
| |
|
|
|
|
|
|
|
|
|
Re: السبت 17 يناير..الرحله النيليه (Re: Hussein Mallasi)
|
رحله سعيده يامنى ,,
مع وش حسين الضاحك ده أنا بخت مية وش تانين ,,
والله ياحسين إنت زول خرافى ,, خليتنى أموت من الضحك ,,
تصور عبود عبد الرحيم ده ماكان فى رد ليهو أحسن من كده ,,
عبود يأخى كان فى داعى تدخل هذا البوست من أصلو ؟؟
| |
|
|
|
|
|
|
|
|
|
Re: السبت 17 يناير..الرحله النيليه (Re: عبود عبد الرحيم)
|
Quote: مع تقديري واحترامي للاستاذة مني خوجلي
ولكل الزملاء البورداب
لكني أعتذر
لانه في تقديري أن ما يجري بالبلاد والأمة العربية الآن
وتفاصيل الاحداث المتلاحقة
لا تجعل لنا نفسا مفتوحة للترفيه والرحلات
ومع ذلك اتمني للمشاركين يوما سعيدا |
وأنا في تقديري وجوب وضع كلمة "غلطان" بين لكني أعتذر!
وكمان بالله زول ينزل أغنية صلاح مصطفي علشان مناسبة للوضع المأساوي ده..
....
.......
انت اسه بتعتذر ومتضايق وعايز تطلعه كله فينا..صح؟؟
نفسك مسدوده!
طيب ايه رايك بدل ماتقعد نفسك مسدوده تعمل حاجه كده تخليها تنفتح؟؟
يعني شوف طريقه مثلا تمشي غزه وتتطوع وتحارب الاسرائيليين القتله!
أقول ليك كلام أصبح سياسه ممارسه ؟؟
نظم مسيره باسم سودانيزاونلاين وكلمنا نجي فيها نشجب وندين ونوعد العدو بحمام دماء ما حصل قبل كده..
وبعدها نرجع البيت نتشطف من التراب الملا أقدامنا وناكل وننوم وضميرنا مستريخ..ايه رأيك؟؟
اهي حاجه بتفك وجع القلب والأحباط!
بس أنا ماعارفه ايه هي ظروف البلادززتقصد بيها شنو بالضبط؟؟
ياربي شكلة الدينكا مع الشلك في عيد الاتفاقيه ولا حرب دارفور المدوره ليها سنين ولا تهديدات خليل ولا المجتمع الدولي؟؟
ولا تكون دي قبضة الترابي؟؟
والمحيرني بلاوي البلاد دي موجوده من قبل ماتمشي انت وتستمتع بالضحك والشية في قندهار قبل اسبوعين..
اشمعني نفسك ساعتها كانت مفتوحه؟؟
ولا ياربي ماكنت سامع بظروف البلاد؟؟
...........
...........
الزميل عبود..
أري في كل ماسطرته أعلاه محاوله لاقصاء الآخرين من الفرح..
وبصراحه.
.
لا أعتقد أنك صادق في أمنيتك هذه
| Quote: ومع ذلك اتمني للمشاركين يوما سعيدا |
!
| |
|
|
|
|
|
|
|
|
|
Re: السبت 17 يناير..الرحله النيليه (Re: Muna Khugali)
|
الاستاذة العزيزة
مني خوجلي
تحية وتقدير
احتراما لك ولكل آل خوجلي معنا هنا في المنبر
ساعتبر انه من حقك ان تكتبي ما كتبتيه
وأمتنع عن الرد علي كل ذلك
ولكني أجدد أمنياتي لكل المشاركين في الرحلة
بقضاء وقت ممتع
وان عدت ... لن أعود
| |
|
|
|
|
|
|
|
|
|
Re: السبت 17 يناير..الرحله النيليه (Re: Muna Khugali)
|
..
.
Quote: كده ما حا تستمتعوا بالمناظر الطبيعية ...
ولا النيل نوروه |
دى اسمها انا وانت والنيل والقمر ..
ياخى نور شنو ؟؟
اتخيل المركب بتتهادى والناس بتغنى
والقمرا فوق فى السما رب العباد عظمه 
__________
قال نورو
شوف ليك زعله تانية يا ابرهه
| |
|
|
|
|
|
|
|
|
|
Re: السبت 17 يناير..الرحله النيليه (Re: Muna Khugali)
|
| Quote: وشايف ملاسي جاب سيرة البحر .. |
ملاسي خايف من البحر
غايتو كان الباخرة حصل ليها شي
وملاسي غرق سامتنع عن اكل السمك لمدة كم شهر
تخوفا من اكل سمكة اكلت من لحمه عشان العدوى وكدا
وساتجه للجمبري واسماك البحر الاحمر
__
| |
|
|
|
|
|
|
|
|
 Re: السبت 17 يناير..الرحله النيليه (Re: Muna Khugali)
|
الغالية منى خوجلى
بصراحة إنتى ظلمتى اخوى عبود عبد الرحيم شديد والله.
ياخ ليه كده بس!.
بالذات فى النقطة دى:
Quote: وبصراحه.
.
لا أعتقد أنك صادق في أمنيتك هذه
Quote: ومع ذلك اتمني للمشاركين يوما سعيدا
! |
وبصراحة انا شايف عبود صادق فى امنيتو للمشاركين.
شول اشوانق دينق
__________________________
بتمنى فعلاً تجرو الزمن للعصرية شوية وبتكون احلى
| |
|
|
|
|
|
|
|
|
|
Re: السبت 17 يناير..الرحله النيليه (Re: معتز القريش)
|
منى خوجلي ازيك
يعني شنو الحكاية يا بورداب الخرطوم
بس نسافر كده تعملوها قندهار
وبعدها رحلة نيلية
يعني الواحد بعمل ليهو (ابونيه) في سودانيير واللا شنو
عشان يكون معاكم
يا حليل زمن (الابونيه)
تسلل :
احجزوا لي مقعد من هسه يمكن (اعوم) اجيكم
| |
|
|
|
|
|
|
|
|
|
Re: السبت 17 يناير..الرحله النيليه (Re: Muna Khugali)
|
مني خوجلي
من الدوحة سلام وليتني كنت معكم
وياعبود عبد الرحيم ليتك ما عدت أبدا
الناس دايرة تفرح وتبعد الهم تجيها وتوجع قلبها
وزي ما قالت مني أمشي حارب كان ما عايز تفرح معاهم
يعني هسه تقول الوضع وماعارف إيه وعاجبك البتسوي فيه
حكومتك وعنتريات نافع والبشير وتقتيل الناس من 1989
حتي يومنا هذا
خلي الناس تفرح
| |
|
|
|
|
|
|
|
|
|
Re: السبت 17 يناير..الرحله النيليه (Re: محمد كابيلا)
|
شكرا يا شباب علي دعمكم للفرح من مناطقكم خارج السودان وداخله..
في قلب كل منا أحزان تكفيه لان يموت من القهر..
نحاول أن نخلق مساحات للترفيه والفرح تعيننا علي تحمل مسئولياتنا المتفاقمه..
وعلي التخلص من الاحباطات التي تحنقنا في كل لحظه أكثر..
ليس من حق أي انسان أن يحاول قتل تلك المساحات وملأها بالشر ومحاولة التقليل من وجودنا الانساني ومن القضاء
علي رغباتنا الخاصه والعامه في السعاده او في الفرح بما نود..
.........
.........
هذه الكتابه تعني بالشرح أكثر من التبرير..
لعل الشرح يمكننا من ان نوزن حديثنا قبل أن نلقيه علي عواهنه..
وأيضا لأن نوقف من يقصد اثارة الغضب عند حده فالتسامح المستمر لا يعني الضعف وعدم القدره علي الوقوف بحزم في المواقف
التي تطلب ذلك..
.........
...........
شكرا لكم جميعا..
كانت رحله نيليه جميله..
وفعلا الباخره يا صفيه غاليه جدا..
بس كانت كرم ضيافه نقدره تماما من أخونا وزميلنا عبدالرحيم أبا يزيد..
اراد بها اكرامنا جميعنا واهداءنا وقت مختلف من المرح..وقد كان!
شكرا للعزيز فنانا أحمد النعيم..كعادتك دائما متعاونا دون تعال ودون تكلف..ما أصدقك في طيبتك..
وشكرا للعزيز ياسر تمتام..سعدت جدا في الاستماع لك علي الطبيعه لأول مره..تقديرك للمجموعه المنبريه وأصدقائهما
يقابله أيضا تقدير منا..
تري كيف يمكن للآتي من الخارج نقاش أو تقييم مثل هذه النشطات ومعرفة السلبيات فيها مع الايجابيات؟؟
هل من مشارك في النقاش من بورداب الداخل وبورداب الخارج؟؟
أعتقد ان النقاش والتقييم مهم لتحسين الأداء مستقبلا..
تحياتي للجميع وخاصه لأنعام حيموره النشطه دائما..
| |
|
|
|
|
|
|
| |
Muna Khugali
ماجدة عوض خوجلى
محمد الامين محمد
خالد العبيد
قاسم المهداوى
السمؤال بدرالدين
نجوان
Safia Mohamed
العوض المسلمي
ابراهيم بقال سراج
ابراهيم محمد الحسن
Mohamed Abdelgaleel
عبود عبد الرحيم
Hussein Mallasi
كمال سالم
Nader Abu Kadouk
بكري الخير
شول اشوانق دينق
مطر قادم
زهير الزناتي
معتصم محمد صالح
محمد عادل
عبدالوهاب علي الحاج
ismeil abbas
Shazaly Magzoub
معتز القريش
جمال السنوسي
Zomrawi Alweli
محمد كابيلا
د.محمد حسن
فيس بوك
تويتر
انستقرام
يوتيوب
بنتيريست