دعواتكم لزميلنا المفكر د.الباقر العفيف بالشفاء العاجل
|
|
 دا كلو منّك يا خدر ..
|
كلما تشعلقت السعالى فى كل حائط عال
وتعالى النباح
و انسلّ الهرجى والتهريج ..
بديت أفتش خشم بقرة السبب السوّى القلق ..
وأم هلاهلّة النتحت فى الدم الفاسد
وكلّبت جلدهم المدبوغ بدماء أولاد البلد ..
ولما كان المنبر هو الأول فى الإطلاع والمعاينة
وفعلا المنبر بقى مرجعية .. للإعلام المتابع للقمة العربية ..
ودارفـــــــــــــــــــــــــــــور
والناس كلهم شالو شوفهم وختوهو فى المنبر دا ..
ياهو المرجع
وياهو المنبع
وخاص لما مكتبة شليقة وما عندها شغلة زى الاسمها (مكتبة الكونجرس)
قالت انتو مرجع
لازم الموقع يتخرمج ..
والكتابة الفيهو تكون ما ياها ..
اها .. كلما نزرع الأفراح
( جات الغنم وأكلتها تانى )*
وكلما كتب واحد بغصن
قلعوها وركبوا فيه حربة ..
وكلما ربينا موضوع ..
جات الثعالب .. وجرحت جسده ..
حتى لم يبق فى المنبر موضوع أو بوست ليس فيه طعنة حقد
أو جرحة حيف ..
فلا نامت أعين الجبناء ..
وسالت دماء الكلمات وفسدت .. وكلما سال دم .. اشتمت الأكلة الرائحة
وعوت ..
وتنادت ..
ورمت بأبنائها ..
غثاء
وربوب ..
وخمجيبة ..
حتى ابتعد الإعلام عنكم ..أو كاد
وقيل أهو هذا المنبر الأول ؟
يا لذكاء العناكب
وذاكرة الخفافيش !!
يااااااااااااه
يا لنسيانى مقالك يا صديقى عفيف اسماعيل ..
يا خسارة طعم العذوبة فى شعرك يا أزهرى
يا لفطنتك الغائبة يا محسن خالد
ياه .. أين صفاءك يا ثابت
اين ذكاء مداخلاتك يا نادوس ..
وين روقتك يا أبو جهينة ..
وين ذكرياتك سيف خليل ..
مفردات ود رملية ..وبت فاطمة ..
وين خال فاطنة ذاتو ؟؟؟
وين إنشاد الجمهوريين
و ين نشيد خدر
وين نقرشات المنصورى
وعلم الموصلى ..
ونغيمات زول ساكت ودندنات راكوبة و يازولZOLE يا زول انت وين ماشى ؟
وين تخريمات ناذر .. لو ممكن تصنفر لينا الصدأ ..
أين عبقر واديكم .. أبا ذر و هشام و نادية و بروف معز ..
أين صوفية الشعر عند البحيراوى .. وجرأته عند نصّار ..
وين شلاقة مفرداتك يا شيرى ..
وينو معتز ترو .. ومعز برو .. وعزيز خطاب ..
غرقت تراجى فى عفار آمنة و الكتاحة شرّدت اشراقة
و اندست أبنوسة فى لحاء شجر الجزيرة ..
و عزاز بشخوصها ..أخذتها العزة بالهروب ..
أين حكمتك الضالة عثمان الصالح .. هل تحتاج جرعة لصدر كتابتك .. فإنى أسمعها تكح ..
حتى أين سفاهة مفرداتك يا هبانى .. عندما تكون خالية من الغرض ولوجه الوطن ..
ولا أبرئ نفسى ..
دا كان طعمنا الأصلى ..
قنقليس موز لالوب برتكان وموية دونكى ..
ولو تعكر نيلنا بنقول دا التساب ..
ولو اتلبد السما بننطُر العبادى ..
والكتاحة وراها الهمبريب ..
دا عشمنا ..
رهيد كلنا نرداهو ونريد فيهو ..
اها الحاصل دا شيتاُ تانى ..
لا .. وشنو .. كمان بقى طعمو ما ياهو ..
دا بقى طعموا زى الواقع فيهو جيفة ..
قدر ما قلنا ناخد جغيمة ..
تطفح لينا مصيبة ..
مما تنتج الأرضة من بومها و كومها وسجمها ورمادها ..
و نحن زى الماعرفين تأخذنا العزة بالتار و يجرّونا ورا الكلام الفاضى وخمج ....
اها
السنة دى العويش كوم ..
تنتبهوا ولا نحرق ..!!
|
|
 
|
|
|
|
|
|
|
|
Re: دا كلو منّك يا خدر .. (Re: Hozy)
|
العزيز معتصم
كيفك، وهروبك غير المبرر ما بسيبك بيهو.
أتفق معك بأن الآن التاكتيك هو تخريب البوستات، وسحبها لغير ما أراد لها صاحبها، ولهذا أرى ضرورة "الملاواة" والحفاظ على خيط البوست دون أن ينجر صاحب البوست إلى ما أردوه له.
هوزي نوارة الدوحة التي قدمناها كعروس النيل لبورداب الامارات،
عاش من شاف ليك بوست، والتحية لصديق الأخ زيكو وحمزة "أبو أواب" وأمه.
Quote: كان بالجد البورد مساحة جميلة للتعارف والجمال واجمل صحبة
|
,اضيف والمحبة
| |
|
|
|
|
|
|
|
|
|
Re: دا كلو منّك يا خدر .. (Re: nadus2000)
|
الللللللله ..
أمانة ما كِتل راجل ...
جرّستك القباحة يا هندسة ؟؟؟؟
معليش ..
كيف بمن لا يملكون ما تملك من أدوات الجمال ؟
كيف و أنت تُعمل في القبح مبضعك الجمالي .. فتعيد ترميم ملامحنا بدراية مبدعة ؟؟
ماذا أبقيت من ( جرسه ) لهم ؟؟
انكرب يا صديقي ..
أضحكت علينا هوزي الجميلة ..
وشمتت فينا ( القباحة ) ..
صاح يا نادوس ؟
| |
|
|
|
|
|
|
|
|
|
Re: دا كلو منّك يا خدر .. (Re: Hozy)
|
شفتى يا هوزى بلاك وبراك بقت كيف ..
حدثينى بالله عن كوستى ..
عن حى المرابيع وأصاله ناسه ..
وعن ( النسايب الما خمج)
حدثينى عن رواكيب سمك البنطون .. وريحة قشة المعونة ..
عن المربعات .. والناموس والناموسية
ونادى التنس .. والدور التانى فى السنما ..
وهل صار نادى الخريجين خرابة أم انصلح حاله
عن زكى و الرشيد وجميل كوستى ..
وكأس العالم .. وبنات المدارس ..
عن جامعة القوز .. خلاوى فلاتة ..
عن طين حى النصر و رملة القوز ..
ثم حدثينى عنك ..
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
معتصم الطاهر
كيف الاحوال
الحاصل شنو،الزعلك منو
يامعتصم
ماذا تبقى لدمنا المعروض فى التلفاز غير المكتبة
ماذا تبقى للبلاد من البلاد
والمزلق الجهوى هندسة الرساليون
هداياهم محرقة نذيف اغتصاب
ياللجنون.
جاييك تانى
عبدالغفار سعيد
| |
|
|
|
|
|
|
|
|
|
Re: دا كلو منّك يا خدر .. (Re: abdelgafar.saeed)
|
| Quote: أين عبقر واديكم .. أبا ذر و هشام و نادية و بروف معز .. |
غرباء
هائمون على وجوهنا !!!
نبحث عن مساحة (صغيرة) للحب فى وطن قد اكتسحته تسونامى البغضاء المقيتة !!
نلوذ ببيوتات قد هجرها اهلها ونرفع ما(غطّست حجره) لافتات الغضب والعراك وغبار الاعاصير الهوجاء ..ثم ماهى الا هنيهة والا تتهدم هذه البيوتات الجميلة وتنحدر بروعتها الى اسفل سافلين مرة اخرى !!
عارف؟
لى بيوتات هنا منها (بيت ولدى الغياظ) ارتاح فى وجودى هناك .. وحدى احكى وابكى واغنى واتمنى ان يعم السلام الدنيا !!
صدقنى يامعتصم
كل من هم هنا تغمر قلوبهم الطيبة ولكن اظنه رهق الحياة وقسوة الغربة ووجع الوطن النازف من دم الاطفال فى انحائه هو الذى يحرك كوامن الغضب ويجعل (النفس) ضيقا ..لا يحتمل كلمة مغايرة ولارؤية غير الرؤية !
ولكنى على يقين من ان الغمة ستزول يوم ان ينعم الوطن وشعبه المحترق بريح فردوس الامان والاستقرار.. ويوم ان ينام الطفل فى بلادى باسما آمنا فى حضن أم لاتعلو وجهها تقاطيع الحزن ..ولا تملأ عينها دموع الوجع !!
فقط صبرا
فغدا يوم أخر !!!
| |
|
|
|
|
|
|
|
|
|
Re: دا كلو منّك يا خدر .. (Re: Soumeta)
|
| Quote: غرقت تراجى فى عفار آمنة و الكتاحة |
سبحان الله
الآن صارت آمنة هى المشكلة
هل نسيت يا أخانا الذى كنا نبجله
مهاتراتك المخجلة مع عمر الفاروق
وهو شاب فى سن ابنك !!؟؟
كم ان ذاكرة هذا المكان ضعيفة !
| |
|
|
|
|
|
|
|
|
|
Re: دا كلو منّك يا خدر .. (Re: AMNA MUKHTAR)
|
| Quote: لن نسمح لأحد أن يسيئ إلينا رجلآ كان أم إمرأة...ولن نسمح لأحد أن يحجر علي حريتنا في التعبير بعد أن منعنا من التعبير في بلادنا...وسنشيد ونؤيد ونشد من عضد كل وطني ووطنية شريفة...سنكتب عنهم ونعلي من شأنهم رغم حقد الحاقدين ولف ودوران المتكوزنين...لانريد نصحآ من متفزلك منهم...فنحن نعرف الصالح من الطالح ونعلم من هو الذي مع الحق ومن يقف ضده...لقد حانت ساعة الحسم ولا مجال للذين يمسكون العصاية من النص في هذه الحرب....أما الوقوف مع الحق وبقوة ...أو التحالف مع الشيطان في غير أسف...لقد أصبح أمامنا الأبيض أبيضآ والأسود أسودآ....وأتضحت الرؤية لنا ونعرف من معنا ومن علينا.... |
الممسكون بالعصا من النصف
والراقصون على السلالم
لا هم وصلوا الى أعلى
ولا هم بقوا فى السفح
يا لحيرتهم وبؤس خطابهم
| |
|
|
|
|
|
|
|
|
|
Re: دا كلو منّك يا خدر .. (Re: AMNA MUKHTAR)
|
Quote: وخاص لما مكتبة شليقة وما عندها شغلة زى الاسمها (مكتبة الكونجرس)
قالت انتو مرجع |
والله مافى شليق غيرك..
وانا كنت قايلة القبة تحتها فكى !
ما خاطى عليك عمر الفاروق ..أبدا
| |
|
|
|
|
|
|
|
|
|
Re: دا كلو منّك يا خدر .. (Re: AMNA MUKHTAR)
|
كتب نادوس ..
| Quote: أتفق معك بأن الآن التاكتيك هو تخريب البوستات، وسحبها لغير ما أراد لها صاحبها، ولهذا أرى ضرورة "الملاواة" والحفاظ على خيط البوست دون أن ينجر صاحب البوست إلى ما أردوه له. |
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
آمنة بت مختار ..
يا مفرمة الملوخية*
صدقيني لا هنا ولا غيرو
لن أرد عليك ..
أعذريني يا عزيزتي !
* مفرمة الملوخية تحُش يمين وتحُش شمال
بس ما بتتقدم خطوة وكان اتقدمت بتجي راجعة مكانا تاني ..
| |
|
|
|
|
|
|
|
|
|
Re: دا كلو منّك يا خدر .. (Re: Hussein Mallasi)
|
Quote: صدقيني لا هنا ولا غيرو
لن أرد عليك ..
أعذريني يا عزيزتي ! |
هسه ده ما رد يا عزيزتى !!
بعدين انتى كمان طلعتى لى من
ياتو جحر!!
...غايتو الظاهر عملت
لى ناس هنا الهلا هلا وانا ما داريه!
حلوة جدا حكاية الملوخية دى
وشكرا ليك ..أخير لى أكون ( مفرمة)
من ما أكون (ملوخية)...
يا ملوخية
وشايفة صحبك ( مليس) انبسط منك
بختك..
تخريمة: ملوخية فى مفرداتنا تعنى..
...ولا بلاش أحسن تزعلى ..
| |
|
|
|
|
|
|
|
|
 Re: دا كلو منّك يا خدر .. (Re: تيسير عووضة)
|
خالص التحايا
باشمهندس معتصم..
والله نحن بنحبكم كلكم لكن ياسيدى مع الحاله دى الواحد زاتو بقى ماعارف يخش على منو ولا على منو
تهظر مع زول يجى يديك كفين وشتيمه..
تخلى زول فى حالو يجى يسكك...
عموما تشكر كتير سيدى واعلم بان القلب مفتوح للجميع شارع...
تتوهطو فيهو زى مادايرن...
بس ربك يصفى النفوس ويعدل الحال الحرن ده..
والله لو ماالصراحه انا بقى بس المقعدنى هنا صديقى هشام ادم عشان مواضيع المعاهووسر العلاقه البينى وبينو.. ..
بالاضافه الى بعض الحلوين لانو بقت لو عايز اقابل زول افضل لى اقابلو بره من المكان ده..
تحياتى النواضر تغشاك...
وبنحاول نجيك ونغشاك مرة تانية..عزيزى..
قيل بعافية..
وطلب لو امكن عدم الرد على اى زول خلى لبوست يكون متنفس لو زاد قهرنا نجيك.؛لمن ربك يكتب لينا نرحل بالسلامه ولا الحال ينعدل...
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
صديقي الباشمهندس معتصم
ثق سيبقى الكلم الصالح .. وسيذهب كل الزبد جفاء
لم يكن هذا أول دربك بالمعافرة ..فناطح ولا تجرفنك تلك المياه الأثنة
لا شك أن البرك الراكضة مليئة بالباعوض .. ولكن خلفها تلك النسمات العلائل
فلنتخطها قفزاً
يا الكسرت بيت أبوك .. تلب كلام البسبوك
ياسر
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
عذيذى معتصم
كيفك
كنت انوى اطالة اقامتى فى خيطك
لكن يبدوا ان سودانيذ تفيض بسوء فهم الناس بعضهم لبعض
تعرف يامعتصم فى زمان مضى حدث لى سؤ فهم لااحد الاعضاء المستنيرين بحق الممتازين بصدق
وكان نتيجة زلك ان فقدت انسان كان يمكن ان يكون صديق، حاولت بعدها الاعتزار له لكنه لم
يقبل اعتزارى وقررت بعدها مع نفسى ان لايتكرر ذلك منى لا هنا ولا اى مكان اخر
لزلك ساغيب عنك بعض الوقت حتى يعم الهدوء قليلا ، وساواصل فى خيطى بحثا عن مجموعتى
كل الود
عبدالغفار سعيد
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
صديقي اللدود
الرسول فوقك كان مارسلت لي القصيده ديك تاني
اصلي كنت معتمد علي ذاكرة سودانيات ولكنها
(طلعت ذاكرة دجاجه زي حقت الموصلي)
والدور ده بشيلا في كومبيوتري
محبتي
| |
|
|
|
|
|
|
|
|
|
Re: دا كلو منّك يا خدر .. (Re: AMNA MUKHTAR)
|
Quote: الأخ الأكبر...
الفاضل معتصم الطاهر
تقبل اعتذارى ..
واسحب أى كلمة سوء
كتبتها فى حقك. |
منى
أيتها التىتحمل اسم صغيرتى
وصديقتى
وصاحبتى
وصديقتى الجديدة أنت
لم أغضب يوما
وكنت أنتظر عودتك لمصالحة نفسك ومن ثَمّ نحن ..
شكرا لإستباقك ..
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
عفواً العزيز معتصم
الاخت الفاضلة أمنه مختار
شكراً على تفهمك موضوع البوست
وشكراً لشجاعتك التي تنقص العديدين
قد أجبرني بوست الاعتذار ودفعني للإشادة بالموقف
شكراً لك ولنسعى لعودة كل الأقلام الجادة للكتابة بالمنبر
ونتخطى تراهات المغرضين..
ياسر حامد
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
معتصم الطاهر:
Quote: شفتى يا هوزى بلاك وبراك بقت كيف ..
حدثينى بالله عن كوستى ..
عن حى المرابيع وأصاله ناسه ..
وعن ( النسايب الما خمج)
حدثينى عن رواكيب سمك البنطون .. وريحة قشة المعونة ..
عن المربعات .. والناموس والناموسية
ونادى التنس .. والدور التانى فى السنما ..
وهل صار نادى الخريجين خرابة أم انصلح حاله
عن زكى و الرشيد وجميل كوستى ..
وكأس العالم .. وبنات المدارس ..
عن جامعة القوز .. خلاوى فلاتة ..
عن طين حى النصر و رملة القوز ..
ثم حدثينى عنك .. |
لا حول ولا قوة إلا بالله
انا ممكن أحدثك بس عن الناموس والناموسية
ياخي كوستي جميلة والله وراقية جداً وأهلها راقيين جداً ما عندهم عوجة
بس شكلها البلد فضت
يعني بالليل صمت غريب
ولا ديل ناس حي النصر براهم ما بعرف
لكن ده شنو البعووووووووووووض ده
جننننننننننننننننننا
بصراحة قضينا اياماً جميلة هناك (8 يوم) اتخللتها (4 أيام) مرض
السخانة شوية وتغير الجو وكده
والنسايب فعلاً ما خمج طلعوا والله ونعم الناس ( مش عشان ... ) لكن بجد والله
أما باقي أحاديثك وأسئلتك برسل ليك البحكي ليك عن التفاصيل
| |
|
|
|
|
|
|
|
|
|
Re: دا كلو منّك يا خدر .. (Re: معتصم الطاهر)
|
الأخوة والأخوات المتداخلون
لكم الود والتحايا العطرة
أعتذر نيابة عن الأخ معتصم الذي يعاني من عدم الإمكانية في الدخول إلى النت نسبة لكثرة الأعطاب ويعدكم بأنه سيدخل اليوم ويرد على الجميع
سلامي
ياسر حامد
| |
|
|
|
|
|
|
| |
معتصم الطاهر
nadus2000
Emad Abdulla
أبوذر بابكر
abdelgafar.saeed
Soumeta
AMNA MUKHTAR
Hussein Mallasi
معتز تروتسكى
Elmosley
خدر
فيس بوك
تويتر
انستقرام
يوتيوب
بنتيريست