|
دعواتكم لزميلنا المفكر د.الباقر العفيف بالشفاء العاجل
|
|
 Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
ياله من يوم، جميل، ضاحك، من أين يأتي هذا الحاوي بالألحان، يطربي حديثه، وألحانه، وسمته معاًًٍ، (من صرير السكة حديد، ومن هدير الموج، ومن ... ومن، خواطر الملائكة)، أهكذا تتسل إليك الألحان ايها الراهب الجميل...سمعته من تلفزيون السودان، يقول بأن أحد الألحان كانت بذرته، من صوت القطار وهو ينهب الارض نحو مدننا الحنونة...
ويالها من خسارة، فادحة، لأني سوف اشد الرحال نحو الوطن، ولكن بالقلب معكم...
طوبى للدوحة، ولنادوس وابنوسه، وقبل ذلك امير والسرب الجميل، برعاية الابداع...
أمسة رائعة، بلا شك، أقسم بذلك....
| |
 
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
تحياتي يا معتصـم لجمعـكم الكريم
الدوحـة تتفـوّق على نفسـها بتكريم ود الحاوي ذلك الزول السـمح
التقيته عام1996 بمكتبه بالدوحة
قدّمني له الصديق عادل التيجاني
فضـلآ، أبلغهما تحاياي
Quote: سيشارك فى المنتدى أصوات مفاجأة ..
الدعوة للجميع وعائلاتهم .. |
و يا ريت عادل يجيب معاهـو الفنّان الرائع يسـري صـلاح....لووووول طبعآ معتصـم عاوز يقول ليكم إنّي رشتّـحتو ع شان ود خال المدام..أبدآ و الله كدي إنتو أسمعوهو..و يا ريت من المسـموع لو غنّى ليكم شفتك و ابتهجـت .. وابقو أوهبوها لي 
سـهر العافية في العيون المبدعة
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: Mouawia El Tayeb)
|
معتصم الطاهر والاصفياء المتداخلين والمتصفحين كامل تقديرى لكم
معتصم بعد مغادرتك مكتبى بدقائق جات السكرتيرة سماح أى بت ود الحاوى
قالت لى الاستاذ عبداللطيف خضر يطلب مقابلتك قلت مين هذا ضحكت وقالت ود الحاوى قلت
ومتى ود الحاوى بيطلب السماح لدخول مكتبى تعالت ضحكتها وقالت والله هو الطلب كده
ضحكت وقلت لها ليتفضل ود الحاوى ودخل ود الحاوى المبتسم دوماوبشكل وقور خاطبني الااستاذ بدر
الدين الاميرأنا دايرك تقول لكل الاحباب فى سودانيز أن لاين كونكم بتسمعوا الحانى أنا مدان ليكم
بالتكريم وكونكم تكرمونى هذا ميلاد لى قلت ميلاد لحن لنا
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
بتعرف الخـوجـالاب كـويس يا معتصـم?
طـيب انـا مني بت ناس الطاهر خوجـلي... الولـدهم معتصـم انت
شـكـرا علي ترحــيبك الحـلو ..وان شـاء الله أحـتفـل معاكـم بأسـتاذ ود الحـاوي مـن لنـدن...والاحـتفال الجـاي عايزاكـم كـلكم تكـونو قاعـدين وانت قاعـد وأنـا قاعـدة في نصـكـم فرحـانة ..وكـان ما في فنـان معليش ...كـفاني وجـودكـم انتو...
وسـلامي الخـاص لأسـتاذ عبـداللطـيف والأكـورديون بتاعـه ..طـبعا هـو مابيعرفـني..بس انت قـول ليه سـلام مـن معجبة...
مـني
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
عزيزي الأخ / معتصم المحترم
صراحةً لو شخصي حضر هذا التكريم سوف أكون أسعد سوداني لإعتبارات كثيرة منها على سبيل المثال لا الحصر، أنني من الحافظين للفنا الذري إبراهيم عوض أكثر من (50) أغنية والذي لحن له ود الحاوي الكثير والكثير جداً من أغانيه،والأهم من ذاك أنني صاحب وأول من لحن وتغنى بأغنية زعلك سمح للشاعر الواثق عبدالرحمن ونما لعلمي أن القصيدة أيضاً تم تلحينها بواسطة الموسيقار الأسطورة عبداللطيف خضر (ودالحاوي) وبثت على قناة النيل وفي السعوديةتربطني علاقات حميمة مع كل من أيمن هاشم وياسر هاشم وأيضاً هشام هاشم الذي غادر وإستقر بأمريكا وأيضاً عزالدين ضمرة وما شاء الله هؤلاء من خيرة العازفين وود الحاوي هو خالهم جميعاً وصدق المثل (الود خال) عموماً ياحبذا لو أرسلتم لي سي دي للحفل على العنوان:
السيد / مدير الإدارة والموارد البشرية
شركة المرافق الإنشائية
ص.ب 8791 الرياض 11492 هاتف 4787006 تحويلة 104
المملكة العربية السعودية
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
الزميل معتصم الطاهر
عبداللطيف خضر مخزن ألحان
جميلة ومعبرة
ورصع صدر الأغنية السودانية بالجواهر
وزين جيدها بالقلائد
المعتبرة
لو أنتجت قريحته اللحنية
ماشجانا بها راكوبة هنا
وصامت
لكفته
وإعتلى صدارة الملحنين في البلد
وإحتل مكانه الطبيعي بين برعي و وردي
يوم الخميس جايين
ومؤكد حاتكون سهرة لاتنسى
وحانرجع البيوت
والمعنويات في السماء
وحينها نسبح بحمد اللي كان السبب
وشكرآ يا هندسة
والشكر موصول لكل من وضع مدماك في صرح متعتنا القادمة
فيصل عباس :
قالو الدعوة دي لبورداب الدوحة
وشاملة لأسرهم
أوعك تجي براك
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: أبو ساندرا)
|
سلامات
وعوافي
والله يانشات انا هسي بحضر في الريكوردر عشان اجي اقعد ليك بي مزاج وارسل ليك الشغل بي صورو انشاء الله ...
معقول انساك .. انت انت بتتنسي ..
اها ياود الامير وحاتك انا ومحمد عبدالرحمن ماعندك معاكم قشة قوية وبعدين انتو مااسرنا واهلنا واخوانا يعني ماعندنا مشكلة وحدة وتواجد .. بيكم يصبح الهم فرح ..
ود الطاهر ..
ياجميل مشتاقين .. انت ااازول شديد في عضمك .. واخبار الديوان شنو انشاء الله (ابريهو اتبلا)..
معزتي الخالصة لكم جميعا...
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: ودرملية)
|
Quote: ياجميل مشتاقين .. انت ااازول شديد في عضمك .. واخبار الديوان شنو انشاء الله (ابريهو اتبلا)..
معزتي الخالصة لكم جميعا... |
ياودرملية ..
انت عارف زى ماقال لى الطيب بشير ده لو كان تمر لى اسى
مفروض يكون اتبلا ..عايزين يجى يوم نحتفل بمولود معتصم
الطاهر ده بعد مايكون اخذ مكانو فى المكتبات ..لكن الشيء
العرفتو انو معتصم ده بتعامل مع الشعر زيو وزى (ابراج الخليج الغربى)
بالمسطرة والبرجل ..والدقة التى تسل الروح ...كفاك يامعتصم سليت
روحنا و(كتلتنا ) بالانتظار ..
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: ودرملية)
|
معتصم يافنان يالخبير الاجنبي
على سلم القطار المسافر الى الابيض لحن أغنية((سال من شعرها الذهب ))
ايقاع القطار ودقدقة العجلات على الحديد
ابوه الساحر البديع علمه فن الترفيه
والاكورديون كامل الههارموني تعلم عليه كيف يلحن الالحان البديعه
وزامل فناني الاوركسترا الرواد الذين دوذنوا الاوتار على مقام الابداع السوداني
علم العديد من المبدعين في كل مكان حل به
يعزف بيده اليسرى وينقرش باليمنى ويداعب الوتريات ووالطبول ويغرس راياته في كل الافاق
ما اجمله بسيط كألحانه عمييق مثل أداء مطربيه
فرح وممتع في ونسته،،حجايي يمسك تلافيف التشوق جواك
يعرف مدى المساحات الصوتية وجمال التعبير النغمي
تنوعت أغانيه وتمدد في قلوب الناس ليصبح احد فناني الشعب المتألقين
الا يستحق لقب ....فنان السعب ..... فنان الشعب .......
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
ابو ساندرا جمال الاختلاف هو الاصل وعكسه قبح الاتفاق
اتفق معك تماما فى ءاستلاف البدل والوجاهات ولكن هذا الاستلاف لابد له من قواعد ثابته
وانت ابن القواعد المثبته منها على سبيل المثال وسامةالوجه وعلو القامةعشان مايكون
استلاف اشتر بالضيق او الوساع والكاشف اخى الذى طالبتنى بمساعدته لديه تلك الثوابت
بالاضافة لخلوه من السكرى والضغط وضعف البصر وصورته على البورد وهو فى الدوحة وليس خمسينيات
الديم وبين الاستلاف والاسفاف صوفية وبدلة صوف وللعاملين عليها اشتراك وءاشتراكية خرى
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
الأخوة و ألأخوات
تحية واحتراما
سيبدأ البرنامج السابعة والنصف مساء الخميس 9/3/2006..
وسينتهى حسب ال Late Permission بتاع المجمع
سيكون البرنامج عبارة عن :
* لقاء مع الاستاذ الموسيقار .. تديره الأستاذة ليلى صلاح
* تتخلله أمثلة بالعود والأكوديون وأسئلة ..
* تكريم الأستاذ الموسيقار من ممثلى المنبر الحر بسودانييزاونلاين وفعاليات الأخرى
* تكريم مفاجأة من بكرى أبو بكر للأستاذ الموسيقار
* فرقة موسيقية تؤدى بعض ألحان الأستاذ الموسيقار
* مشاركات من بعض المطربين بأغنيات من ألحان الأستاذ ود الحاوى ..
علما بأن الدعوة قد قدمت لبعض الضيوف الكرام
ولكم الشكر
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: بدر الدين الأمير)
|
يامعتصم ..
تحياتى ...
اليك قائمة بأسماء المتوقع حضورهم للتذكير بالغائبين ...واننى وودرملية نكتب من الذاكرة (الخربة ) ، فأتمنى
اضافة من سقط من الذاكرة ..
1_ ليلى صلاح ..ابنوسة ....(طالما فشلنا فى فسح الاماكن لهن ... لتتصدر ليلي صلاح القائمة على الاقل فى 8 مارس )
2_نادوس
3_رقم صفر
4_معتصم الطاهر
5_دكتور احمد عثمان
6_خطاب بشير
7_عمر بوب
8_فيصل عباس
9_ابوساندرا
10_محمد السنى دفع الله
11_بدرالدين الامير
12_راكوبة
13_عماد البليك
14_امير تاج السر
15_عامر تيتاوى
16_الحسن البكرى
17_عاكف مختار
18_ابراهيم على
19_كيقا
20_معاوية الزبير
21_ايهاب
22_عماد عبدالله
23_ودالزين
24_ودرملية
25_الموردابى
26_الفنجرى
27_حسن البشارى
28_صديق عمر
29_ابوشيبة
30_بهاء بكرى
31_ضحية
32_ودالعباسية
33_معاوية الطيب
34_عبدالكريم الامين
35_ محمد عبدالرحمن
36_.....................
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
اللــــــــــــــــــــه منكم
يا اناس بطعم الحبيبه
في بدايتها الاولى
ومشاويرها الناعمه
الله ,,
الله ,,
الله ,,,
والله لي
منكم
انتم شكلكم جادين كده مش
طيب نحن نعمل شنو مع الدوامات (الوسخ)
ونهاية سنه ماليه
نعمل شنو يا منسقين
قولوا لينا
الدك مابيفيد
لا هنا
ولا هناك
وجميلين جدا المتمسكين بقوله الله غالب وهنا اؤكد انتمائي لهم
عموما جاهدا ساعمل على ترك عيناي واذناي وشيئا من حواسي بينكم
حتما ياتيني الفرج القريب لاكون هناك
بس رجاء ياشباب ابقوا عشره على حواسي من الضياع وبشتنه تسكعها في ردهاتكم
باقي انا عارف حبها ليكم ولي الحان ود الحوي قدر شنو
ابقوا عليها مليون واحفظوا لنا ما يهيم به الحاوي وولده
وتسلموا
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
يا طائفي يا متخلف
دقساتك كترت
وعثراتك الله يقيله
ماهيتاب
بينسوها يا أقرع يا شين
بعدين
أم ساندرا دي عضو مهم جدآ في وكرمت من بورداب الخرطوم بحضور
سيد البتاع ذاتو وصلعتو الجهيرة الجاهرة
جايين متأبطين كل الجمال الوهبوهو لينا
ورقم { 9} مكسب
ورقم {6 } إسمو دفع الله خطاب
وكمان في بوردابي صميم منتقل من الخرطوم للبحر
إسمو ضياء الدين خليل
وفي رواية أخرى
ضياع الدين
فتشوهو ، بيجي وفي معيته دزينة من الحبشيات
بنات الهضبة
كبار الصلبة
وخلي كدي بكري أبوبكر يشطبه
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
إحتفال ناجح
وتكريم مستحق
وهذا هو السودان الشعبي
المتقاطع دائمآ مع السودان الرسمي ، سواء ان كان على صدره حاكم:
مرصع بالدبابير والرهبوت
أو مزنر بالقفاطين والغفلوت
أو مدجج بالدقون السنينة والسونكي والجبروت
سودانا السمي غافل تمامآ عن أيفاء أبنائه المبدعين حقهم
فيما سبق عرفنا الطيب صالح من بيروت والعالم الأول
ولو كان هذا المبدع العبقري الخرافي صاحب العديد من الألحان العذبة
في مكان غير السودان لرأى تكريمه والإحتفاء به في حياته
وأطلق أسمه على قاعة كبرى في كلية الموسيقى والدراما
وسمي شارع بأسمه في أم درمان من حيث خرجت أعذب اللحان
لا نكرمهم إلا بعد أن يرحلوا عنا
وفي قلوبهم حسرة
وفي عيونهم دمعة
من نكران ذي القربى
يطول عمرك
ويمتعك بالصحة والعافية
وثق سيأتي يوم يفخر فيه أحفادك بإنجازك
ويتسق السودان الرسمي مع السودان الشعبي في الإحتفاء يأبناء بلادي النابهين المبدعين
وتحية برغم كل شيء ل :
اللواء / طلعت فريد
العميد/ عمر الحاج موسى
فقد حاولا فعل شيء مختلف عن الصمت الرسمي
ولي عودة بعد الصلاة
| |
|
|
|
|
|
|
|
|
|
Re: بورداب الدوحة .. منتدى الاسبوع .. تكريم الموسيقار ود الحاوى ومناقشتة تجربته مع الألحان .. (Re: معتصم الطاهر)
|
سألت المبدع الكبير ونجن عند بوابة الخروج
يا إستاذ ، هل حصل نجرت لحن ؟
ضحك ، ومسك ذراعي نجر فيها مازورة اللحن الذي نجره في الستينات
كان من أفضل الحانه قاطبة
أغنية { يا حبيبي الدنيا دايمآ فيها دمعة و إبتسامة }
وياريت أخونا الغايب راكوبة ينزلها لينا هنا
وبالحق إقتنعت ان الموهبة تتحول مع الصقل والمران والتجربة والخبرة إلى صنعة متقنة
وأذكر مرة سأت الفنان الكبير عثمان حسين نفس السؤال
وإستوضحني عن كلمة { نجر }
أوضحت بانه مصطلح لدى الديامة من يحترفون النجارة بأنه تعني صناعة الشيء او إنتاج الكذبة
ضحك ، برضو
وأجابني بالحيل نجرت الحان على ذات مقاييس النص
وأردف ما عجبت له ، قائلآ :
{ بل مرات فصلت لحن } في الأصل عثمان حسين كان ترزي إفرنجي شاطر
سالته : كيف؟
قال : كان في ذهني لحن وضبتو وجهزتو وأكملته في المخيلة ثم حفظته في شريط
لغاية ماوجدت النص الذي في نفس مقاييسه
شفتو كيف ، يكون الإبداع
صنعة متقنة؟!!
| |
|
|
|
|
|
|
| |
معتصم الطاهر
عبدالغني كرم الله بشير
Rakoba
Mouawia El Tayeb
الطيب بشير
Omar Bob
banadieha
Muna Khugali
Emad Abdulla
بدر الدين الأمير
عبدالكريم الامين احمد
محمد عبدالرحمن
عبدالرحمن عبدالله أبوشيبة
عزالدين آدم علي
فيصل عباس
ودرملية
nashaat elemam
أبو ساندرا
محمد سنى دفع الله
ebrahim_ali
walid taha
ودالعباسية
بكرى ابوبكر
khaleel
فيس بوك
تويتر
انستقرام
يوتيوب
بنتيريست