دعواتكم لزميلنا المفكر د.الباقر العفيف بالشفاء العاجل
|
|
 ابتسم فأنت فى .. جهاز المغتربين بمدنى ..
|
ما كنت أحسب أنى سأجد فى السودان ..
جهة لم تصبها يد حمى الفساد .. إلا و توالى لها جسد المواطن بالسهر و الحمى
ولا مؤسسة حكومية وقد مسها مس من جنون بقر الترفع على المواطن .. فأصابه صداع و قلق ..
أو أصابتها أنفلونزا التسيب .. فجرى أنف المواطن سيلا من سب وأنين
حتى ترهلت أجهزة الدولة
المدنية منها والعسكرية ( النظامية .. سابقا) ..
ولكن جهاز المغتربين فى مدينة ود مدني أدهشني ..
فما زال معافى ..
ليس به علة
ثم أنه ..
أنيق مبانى وموظفين .. بالزى البلدى النظيف و الافرنجى القيافة .. و العسكري المرتب ..
شباب كفؤ
و كبار خبرة وقدوة ..
وبصحة يحسد عليها ..
نشاط ..
هِمّة ..
سرعة فى الانجاز
صبر على المراجعين ..
شرح واف . ..إذا كانت معاملتك ينقصها أمر ما..
تسهيل إجراءات ..
وفوق ذلك كله.. ابتسامة .. قيافة و سمحة ..
كما نقول لمن أخطأ ..أخطات
يجب أن نقولها لمن لا زال ممتلئا بخب هذه البلاد ..
و يعظم قدرها بخدمة مواطنيها..
ويعتبر الخدمة المدنية .. خدمة للمواطن
وأنه خادمهم ..
يفهم واجبه ويحب عمله ..
أحــــســــــــنــــتـــم ..
و التحية لكم
في التحصيل ( زكاة و ضرائب)
و الشرطة .. نظام و همة و جدية ..
و الإدارة .. لا تدرى هل هم من يطلب الخدمة أم أنت .. من تواضعهم أمامك ..
و الخزينة..
أكثر من شباك وابتسامة وصبر على ( ليه!... عشان شنو ؟.. أشرح لى دى جات كيف؟)
متاكاة:
لا أعرف أحدهم ..
حتى ذلك اليوم ...حين أدهشونى .. وعجبونى ....
نصف ساعة وخرجت أحمل أوراقي مكتملة ..
وابتسامة..
وأمـــل ..
ابتسموا .. السودان لسه فيه خير ..
|
|
 
|
|
|
|
|
|
|
|
Re: ابتسم فأنت فى .. جهاز المغتربين بمدنى .. (Re: معتصم الطاهر)
|
سلام يا ياباش
وفعلا والحق يقال يا معتصم المجموعة الموجودة لتسهيل امر المغتربين بمكتب مدني
جديرة بالالتفات اليها..
ومنذ اخذك للنمرة بتاعك عند الموظف المبتسم في المدخلة مرورا بالضرائب والجزر الرحيم الممزوج
بابتسامة تكاد تنسيك لحظيا الجنيهات التي دفعتها وتتنمني ان يحميها الله من ايادي الفساد لتذهب لمستحقيها...حتي الضابطة ناهد في التاشيرات وتيمها النشيط ..
وخلف كل هذا ان كنت محوظا لجلست معهم في وجبة فطر جماعية في مكتب الالزامية (يا كافي البلاء)..
فطور يضم الضابط ثم المصورة وست الشاي بالاضافة الي الجنود ثم قراصة تسبح في دمعة شهيرة..
للمرة الثالثة تهديناهذه المجموعة مع الموظفين الطيبين خدمات بكل يسر وطيبة ونظام...
وقيل ان مرة الفكي مجبورة علي الصلاة ..والحمد الله دي صلاة مع ناس رائعين...
...
بالمناسبة هل انت في ودمدني اليومين ديل؟؟؟
| |
|
|
|
|
|
|
|
|
|
Re: ابتسم فأنت فى .. جهاز المغتربين بمدنى .. (Re: معتصم الطاهر)
|
الأخ معتصم الطاهر تحية طيبة
ما كنت عاوز اخرب عليك نظرتك
لكن ما حدث معي يختلف تماماً وبالذات من ناس
Quote: و الشرطة .. نظام و همة و جدية ..
|
بعد ما خلصت إجراءاتي رجعت بعد كم عشان اخلص إجراءات
زوجتي واولادي
سلمت الجواز كالعادة لي واحد من البنات في قسم التأشيرة (شفتهم طبعاً) (اسمح واحدي فيهن)
وبعد شوية جيت راجع قالوا لسه وتاني قالوا لسه المهم شفت جواز اولادي لافي من هنا لي هنا
وسمعت الضابطة (شفتها طبعاً) قالت يا جماعة جواز (فلانة) دا الاشتغلوا منو وشفتها وضعتو على
جنب.
في هذه الأثناء جاء واحد نقيب (لابس ملكي) طالع بي جوازات خلصت التأشيرة بتاعتهم وبدأ ينده
في الأسماء وانا واقف جمبو عشان بعد ما يخلص اسألوا من جواز اولادي فإذا به بعد تسليم كل
جواز يقول لصاحب الجواز (يلا اقطع وشك كرهتونا) براحة كدا لكن صاحب الجواز سامعها فسألته
لماذا يقول هكذا للناس فقال لي من أنت وبدأت المشكلة والكوراك وهلمجرا ولم أصمت ولم يصمت هو
حتى جاء مدير جوازات المنطقة وقال لي مالك مشكلتك شنو فقلت له ما سمعت من الرجل فقال لي
خلاص انت عندك جواز منو هنا قلت ليهو جواز زوجتي قال لي خلاص جوازك عندي وجلست ولكن الضابط بتاع
المشكلة مشى شال الجواز ووضعه داخل درج مكتبه وسكت ولكني لم اعلم بذلك.
جائني احد الاخوة (الطيبين) واظن انه رأي ما فعله الضابط بالجواز فجائني هذا الأخ وقال لي ياخي
امشي طيب خاطرو بي كلمتين لأنو الزول دا شكلوا كدا حا يأخرك فقلت له لا وتحت اصراره ذهبت
إلى المكتب ولكن لم اتكلم وبادرتني الضابطة معتذرة بطريقة غير واضحة قائلة نحن مضغوطين
عشان كدا اخلاقنا احياناُ بتكون صعبة المهم صاحبك ما اتكلمت معاهو وقام طوالي طلع جواز زوجتي
من درج مكتبو وقال لي امش صور لينا دي ودي ودي فقمت بتصوير ماطلب وعمل لي التأشيرة وشلت جوازي
ومشيت ولكن ما قدرت اسجل موقف وهذا ما يغضبني.
لكن اتفق معك أن باقي الاقسام طيبة حتى ناس التجنيد
أبوفتحية
| |
|
|
|
|
|
|
|
|
|
Re: ابتسم فأنت فى .. جهاز المغتربين بمدنى .. (Re: ابوحراز)
|
ابو حراز سلامات
Quote: ولكن في جهاز المغتربين بمدني تغيرت نظرتي فعلاً
وشعرت بان هناك شمعة تضيء
وقلب ينبض ليعيد الحياة لروح الخدمة المدنية |
يستحقون ذلك .. فلهم الشكر ..
Quote: ولكن 00 للأسف تصرف الضابط المذكور مع زميلنا لم يعجبني
وهو صراحة نقطة سوداء على جبين هذا الجهاز |
سنتابع اعتذاره أو سنتابع الاجراء حياله ..
| |
|
|
|
|
|
|
|
|
|
Re: ابتسم فأنت فى .. جهاز المغتربين بمدنى .. (Re: معتصم الطاهر)
|
الأخ معتصم
| Quote: سنتابع اعتذاره أو سنتابع الاجراء حياله .. |
.
أتمنى ذلك وأود أن أذكر لك أني احسست بمرارة عجيبة وحامضة وقتها
حيال هذا الشخص وفكرت في السفر إلى الخرطوم ورفع شكوى كبيرة ضده
في رئاسة الشرطة أو رئاسة الجمهورية ولكن الوقت لم كافي لمتابعة
ذلك ولو كنت في بداية إجازتي لذهبت وتخليت عن إجازتي ليجد عقابه
حيث أن الشهود كانوا موجودين ومستعدين للشهادة.
أبوفتحية
| |
|
|
|
|
|
|
| |
معتصم الطاهر
عبدالكريم الامين احمد
الصادق صديق سلمان
ابوحراز
فيس بوك
تويتر
انستقرام
يوتيوب
بنتيريست