دعواتكم لزميلنا المفكر د.الباقر العفيف بالشفاء العاجل
|
|
 أبو ساندرا.. وتبقى من عمرك عشر سنوات ..
|
يقدر متوسط عمر الإنسان ستون عاما.. وفى السودان ثمانية وخمسون عاما ونيف ..
والأعمـــــــــــــار بيد الله .. وهذا أمر لا جدال فيه ..
يدخل أبو ساندرا هذه الأيام فى عمر الشباب الناضج (قولوا ما شاء الله )
وتحتضنه بلهفة أول أيام السنة الخمسين من عمر قضاه على هذه البسيطة
وفوق بلاد كثرة .. ترك عليها آثارا كما اسم تيتو سيكو ..
حسب هذه المعطيات أعلاه ..
صديقى وأخى الأكبر أبو ساندرا ..
ماذا أنجزت فى الأيام الغابرة ( المغبرة) .. وماذا تبقى من برامج لم تنجزها ..؟
هل تكفى هذه الاحدى عشر عاما القادمة ..( وحتى هذه مضت منها أيام ..)
هل تكفى لتصنع فيها ما لم تصنعه التسع وأربعون عاما السابقة ..؟
أو لتكمل ما بدأته ..؟
عودة لوطن ما فى
بيت .. ناس وطين ..
كتاب .. أو كتب .. أو مقالات واقفة فى حلقك .. أو على الأقل تجميع ما كتبته ..
أو سماع الأشرطة الحبيبة فى مكتبتك ..
أصدقاء وأصدقاء..
وتأمين مستقبل ساندرا واخواتها ..
أحلامك المشروعة .. رغم عدم غرابتها ..
وطن حر ديمقراطى
مشروع استنساخ رشيدة ..
وأشياء من هذا القبيل ..
تبقى القليل والله يمد فى العمر ويحقق الأمانى
وكل سنة وانت طيب ..
|
|
 
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
معتصم الطاهر:
أولآ في التبادي أهديك رائعة الكاشف ، يا صغير !
وتاني هام بوستك الظريف أداني الفرصة عشان أمارس -حلوة أمارس ماسك كتف ابريل دي- أمارس إندياح حميم لتجربة 49عامآ حسوما ، وبدون أي حسومات للجمع والعطل الرسمية والأعياد ، حياة أعترف إنها ما طويلة لكنها عريضة وعميقة تذوقت فيها كل شيء ونقيضه، نجاح وإخفاق ، إنتصارات وهزائم ، كر وفر ،أفراح وأحزان ، جد ولهو ، كمون وإنتشار ،فخر وندم ، و حب ، حب وبس لم أعرف نقيض الحب حتى الآن فلا مكان للكراهية ولكن الزعل بيحصل وسرعان ما تبدده إبتسامة أو إعتذار ، إنها حياة تستحق ان تعاش ويروى عنها ،حياة وطريقة عيش حدد ملامحها حفنة من الرجال العظماء على رأسهم والد حنون وصارم في آن معآ يعاونه ثلاثة أشقاء كبار تخلغ أحدهم وهو في العشرينات والثاني وانا أكابد غربة مريرة وتبقى شقيق واحد يكبرني صار ركازة و مرجع وآخر يصغرني اتوكأه أحيانآ وخال ، حياة صاغن تفاصيلها الحميمة وزاننها بحنية فاغمة ، أم روؤم يساعدنها شقيقتان واحدة تكبرني وكثيرآ ما حلت محل الام وصارت صديقة أصدقائي وصرت حبيب أولادها وأخرى تصغرنا جميعآ فحظيت بالدلع والرعاية المركزة ، وجارة صارت صنو الأم وخالات ، ثم حبيبات كثر ، ورشيدة التي منحت الحياة معناها رفقة وصحبة وبنات عزيزات وجميلات. و أصدقاء وصديقات نجوم وأكثر عددآ ظلوا على الدوام ضوء ملهم في دروب العتمة وعون في النائبات ورفقة حسنة و إيثار.
قد نحكي عن هذا كله ذات يوم ، هنا أو في رواية سيرة ذاتية مكتملة فصولها في الخاطر ،وقد لا نفعل تقديرآ لزمن الناس ولسه قدامنا معارك وواجبات من أجل وطن في حدقات العيون وطن نأمل ، ولن نتوانى في رفد الأمل بالعمل ، من أجل سودان موحد وديمقراطي تتحق فيه المساواة التامة والمطلقة والعدالة الإجتماعية والكفاية ورغد العيش .
يا معتصم ،تبقت 11 سنة على قولك ، وكان على قولك تشرب...... ، أصلو المنبر في آخر البلل والعطن ، وأكان على قول الله ، إستغفر الله .
ثالثة الأثافي ياصديقي ، انا باكر مسافر وما حا أجد وقت لٌلإندياح هنا ، لذلك أعمل على أن يبقى البوست فوف عشان بعد ما أفضى القاهو مقنطر لحريف شواااات وفي التمنيات !
وكل عام وأنت و رفيقة دربك الوسيمة والعيال بألف وخير
محمد عبدالرحمن :
_______________
دائمآ أندب حظي وألوم زحمة العمل لعدم إغتنامي فرصة إنك في الجوار ، حتى أستفيد من قدراتك العالية المدهشة وأتعلم منك طولة البال والنفس واليقين ، لك كل الحب ولود رملية ولفتاة مكتنزة جمال ووعي . شفت اليوم جو الدوحة كيف؟ ياريت ألقى زيو بكرة ، مع اللحم بللا فول بللا لمة.
رجاء:
_____
إفتقدتك ، وفي الليلة الظلماء يفتقد البدر ، مرحبآ بعودتك الظافرة ، وكل الأمنيات الطيبة لك .
و كل من دخل هذا البوست فهو آمن حتى نلتقي ، وعيدكم مبارك.
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: أبو ساندرا)
|
| Quote: ماذا أنجزت فى الأيام الغابرة ( المغبرة) .. وماذا تبقى من برامج لم تنجزها ..؟ |
معتصم الشاعر الشفيف، كل سنة ونجيمات قلبك بالف نشيد
ابوساندرا ياصديقى الجميل الانسانى.... لسه صغير وجاهل اذا العمر وحسب منهجيتى فى الحياة يقاس بالانجازات وهناك الكثير الذى لم ينجز ولهذا سنظل مكنكشيين فى عمر الزهور عمر الهنا، بختك ياسيدى بكره مع الحبائب وام الحبائب، محبتى لكم جميعا
بالله طلعت من جيل تانى..... دى للنكته
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: Ishraga Mustafa)
|
| Quote: وحسب منهجيتى فى الحياة يقاس بالانجازات وهناك الكثير الذى لم ينجز ولهذا سنظل مكنكشيين فى عمر الزهور عمر الهنا، |
كم عمر الزهور عندكم يا أم واصل؟
عشان زهور أبو ساندرا وكدة
| Quote: بالله طلعت من جيل تانى..... دى للنكته |
جيل أول يا اشراقة ..
الجيل التانى ديل ناس نحن ؟
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: مريم بنت الحسين)
|
سلامات
وعوافي
...
معتصم الطاهر ياشهر لنا فيه كل النفقات .. لذا وبعد اذا نعده ساعة بساعة...
كل سنة وانت طيب وكل ايامك افراح وحبور...
ابوساندرا ..وماادراك...
ينتعل راسه شيبا كاذبا فالشاب (اي ابوساندرا) كلما التقيته اتذكر كيف كان الربيع (يوم كانت الازاهر تغازل صباحاته الوضيئة)(وتدغدغ خاصرة امسياته بعبير اخأذ) ..
كم احب هذا الضاحك العميق .. كائن من زمن مافي...
بليغ مودتي لكم جميعا وامنياتي الخالصة بحياة مديدة عامرة بالمودة والمحبة والوصال..
وياابوساندرا تحياتنا لامراءة تلبستك بكل تفاصيلها .. تمنحك انفاس الحياة وتنسرب في اوتار دماءك شبابا ومنعة.. تحياتي لوردات بستانك الانيق ساندرا ومهيتاب والبقية .. واسال الله ان يجعلهم جميعا كواكب يهتدي بضياءها ضالي /ت الطريق وان يكنُ مجتمعات كعصا الحكيم يأبن التفرق ويلتزمنا التوحد وان يكنً كيفما شاء لهن وكيفما تمنيت انت والساحرة رشيدة...
لكم حبي ولكل كائن يمشي علي سطح البسيطة ...
واكيد لي عودة ... لكن لاادري متي ..
تحياتي لكل الزملاء الشرفاء المتداخلين
وكل سنة وانتو طيبين وفي حب ومودة
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
معتصم الطاهر
اذيك وايد مُبارك الينا اليكم
فكرة حلوة جداً , بس الفضائح شنو
هو اول امس قال لي انا 39سنة
........
........
ابوساندرا
كل سنة وانته طيب
أمالامر اعلاه "وخصوص -التجربة العمر- الاحلام".!!
فهو(كمين) كبير , ارجو الانتباه يا "حبيبي"
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
الباشمهندس الشاعر معتصم الطاهر ...تحية طيبة وعبرك تحياتي لابوساندرا
سعدت سعادة بالغة بـ العسل ..وطلب التحول من عريس الى زوج لذا نقلتها من سودانيات الى سودانيز والرابط فوق وضعته الاخت مريم بنت الحسين - وبيني بينك (يعني سري للغاية) ما كنت قايل السودانيات ديل ممكن يقولوا فيهن الكلام دا كلو (بس بالجد هن مستورات حال)- لكن القصيدة عملت مشاكل!!! بس انت عافي منك ...ماقصرت
امنية صغيرة : ياريت تنزل لينا بعض القصائد في هذا المنبر اصلو اليومين ديل مسخن سخانه شديده (المنبر) - عايز ليهو حاجة تبردوا - ورغم انو الكتيابي اليوم نزل حاجة - لكن لسه السخانه دي طالعه في الراس وتقريبا بقت هضربه ..الله يستر مايكون دستور..
بخصوص موضوع الاعمار..يا باشمهندس ناس افريقيا ديل قالوا 48 سنة بس ؟ دا اذا ما ضربتو ملاريا ولاخماهو سيل ..ولا انقلب بيهو لوري ...وقالوا من يتجاوز ال 48 بسلام في افريقيا دا معناهو عمرو طويل لانو اجتاز كل السخانات وانثى الانوفليس وتقلب الطقس والحفر وحتى المجاعات والانقلابات وحظر التجول وفي الحالة دي ما بقل عمرو ابدا عن 80 سنة 
وما دام ابوساندرا تجاوز ذلك - تهانينا...
ولابو ساندرا واسرته الكريمة خالص التحيات ولك اخي الكريم
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: luai)
|
| Quote: ومتين تكتبى عن ( العسل) عشان نتداخل بـمـزاج |
عمو معتصم يقوم بحمله منظمه لإغتيالي في فيضان من العسل يشبه فيضان تسونامي...  .. مرّه عايز يتجلد... ومره عايزني اكتب ...
| Quote: وبيني بينك (يعني سري للغاية) ما كنت قايل السودانيات ديل ممكن يقولوا فيهن الكلام دا كلو |
انت يا لؤي ما لاقيت ملاكه .. موضوع القصيده... زول(ج)ه تدخل القلب توووووووووووووووووووووش.. انا حبيتها شديد جداً.... ربنا يخليهم لبعض ان شاء الله... وبعدين الكلام ده يا لؤي بجيب ليك الهوا.. ناس الجندر مشغولين الايام دي..
عمو ابوساندرا.. ان شا الله طويل عمر... وربنا يمدك بالصحه والعافية
بنت الحسين
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
معتصم وضيوفه الكرام
كل عام والدنيا وانتم بخير
وانا جد آسف على عدم متابعتي هذا البوست { الكمين } لظروف الزحمة في السودان وتوزعي بين الواجبات المدرسية والمنزلية والتعازي والتهاني تمامآ كحال الدنيا ، والأيام التس عشتها.
هسع انا رقدت ربح ، أي يوم عشته بعتبروا إضافة واحمد الله كثيرآ انه مد في الأيام والآجال لغاية الآن ، باقي انا كان عندي هاجس إنو حا اموت في بواكير الصبا وكل ما أتجاوز مرحلة بقول خلاص دي الأخيرة ، وخاصة عندما بلغت الأربعين في بدايتو ، يعني من المحطات الأولي زي عابدين شرف كده ، وزمان لمن نعرف انو فلان بلغ الأربعين بنقول ما شاء الله ونتوقع نعيه في أقرب وقت ، كان سن الأربعين دي سن كبيرة خلاص ، ومعظم أجدادي ماتو في سن الأربعين وكانو كبار وعجائز ، هسع الدنيا إتغيرت والأيام بتجري بسرعة فجأة الواحد يصل الخمسين وهو يا دوب في زهو الشباب ولسع بيلبس الجينز وبيمشي النوادي ونساء في هذه السن بيحملن وينجبن ، إذن مقاييس السن القديمة التي إستند عليها اليافع معتصم الطاهر قد تجاوزتها التغيرات الأساسية التي حدثت في بنية الأنسان والعمر ، فسن الأربعين التي كانت بداية النهائية صارت الآن بداية البداية وتبعآ لذلك إرتفعت سن العمر الإفتراضي إلى الستين وما بعدها.
ورشيدة ذاتها متآمرة على عمري مع معتصم الطاهر ، ضبطتها ذات تخريمة حادة مني تتفق مع بناتها على ترتيبات خرفي وكيفية مواجهة هذه الكارثة وقررن بالاجماع بناء غرفة علوية لا أستطيع النزول منها حتى لا أحرجهن لأنه على حسب تقديرهن خرفي حا يكون رهيب وفاضح!
طبعآ أنا مديت لساني لترتيبات ميشاكوس المنزلية لأنني ناوي إحباط مخططاتهن وترتيباتهن بالرحيل المبكر يعني لا خرف ولا يحزنون بس يبكون!
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
معتصم
لك التحية
تبقت لأبي ساندرا خمسون أخرى ، والخمسون التي مرت بضعفها ، والمسألة مسألة نوعية وليست كمية ،، فذكريات الصبا ، ثم المدارس والجامعات ، والعمل المبكّر ، والزواج ، والبنات ، كل محطة من هذه المحطات تمثل عمرا بأكمله ،،،
قصدت أن أصطاد عصفورين بحجر واحد ،، أطمئن أباساندرا ونفسي ، إذ تبقى لي ثمانية وأربعون ...
رأيك شنو ،،، لقيتنا طماعين ؟
ربنا يديكم العافية جميعا ،،
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
القدير الموصلي:
نشكر لك الطلة ، ونكرر الشكر لأنك واحد من كثر ساهموا في إغناء حياتي القصيرة العميقة بروائع الفن والجمال ، في بواكير فتوتنا وكنت أنت كذلك في أوج الشباب وبدايات العطاء الغني كنا نتابع حفلاتك من مكان لآخر ومازالت في البال تلك الحفلة الرائعة في نهاية السبعينات في منزل لاعب النيل الفنان شمس الدين الرشيد ، من تلك الحفلة ظللت منحاز تمامآ لإبداعك وما خذلتنا يوم ، حرصت ان تصقل موهبتك الحقيقية بالعلم والدراسة المضنية التي نجني ثمارها اليوم في اعمال مجيدة ، ولا أكتمك فان شريط ليل الشجن مع البلابل يرافقني اينما حللت في البيت وفي المكتب وفي الشارع ، حفظك الله
الأعزاء ، معتصم ، عبدالرحيم ودرملية ، محمد عبدالرحمن ، مريم بت الحسين ، أو عسل الدوحة ، أبقوا هذا البوست عاليآ خفاقآ ولن تندموا حين أعود
ودقاسم :
مثلنا عصي على الموت ، صدقني طريقتنا في الحياة ستبقينا وان { إتلحسنا} فانها ستظل نبراس وهاديء لشباب ينضح جمال وذكاء فيا صديقي إستمتع بهذه الحياة ومارس غواياتك كيفما تشاء ففي هذه الارض ما يستحق
الجريفاوي قرمبوز :
أحدهم علق قال لي انت الجريفاوي قرمبوز ده ولدك ؟! الشافع وارث منا حب رهيب للحياة وقدرة على العيش الكريم برغم كل الظروف ، ويتمتع بذكاء وقاد ،وعيون شووووافة! أول أمس جهزت لك ما يعينك على الإفصاح وما يساعدني على الفوز بإعترافات مذهلة
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
الاستاذ معتصم الطاهر/ والمتداخلون,عساكم بخير. يا اخوانا ماتقلقو على ابو ساندرا , الزول دا ديامى وناس الديم بيعيشو الخمسين بعد المية , والخمسينيون فى ديم الله ان كانوا من هواة كرة القدمو, تجدهم فى العصريات يركدون فى ميدان الحرية وساحة الديوم كما الخيول الجامحة , وان كانو من محبى الرقص والغنا فتجدهم يتمايلون كما اعترف جزئيا ابو ساندرا على انغام الرئع موصلى وعباس تلودى والراحل عمر عبدو وبدرالدين القنا(حى القنا جاهو الظلام وعيونا جافاها المنام) , ما اخشاه على ابو ساندرا هو الغربة رغم انها سترة حال.لاخى الحبيب ابو ساندا واسرته الرائعة كل الحب والتقدير.
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
معتصم الطاهر:
____________________
يا جبان لمن تجيب كوتيشن جيبو كامل انا قلت رهيب وفاضح ، عايز تستر { فاضح } دي مالك ! خلي الامور زي ماهي !
فيصل عثمان الحسن:
_________________
والله إنت زي الشايفني ، قبل كم يوم كنت في ميدان الحرية وكان حافلآ بالفطاحلة من جيل سوماك وحربي والصباح قعدت في مطعم حسن عثمان في سوق الديم الذي يتجمع فيه كل المبدعين الديامة رياضة وفن وكان فاكهة الجلسة العملاق مزمل دفع الله والساحر الموهوب أحمد سالم وكلاهما أفضل من لعب في المنتخب الوطني .
وفي الليل حضرت مناسبة ديامية صرفة في دار المحامين في شارع 61 غنى فيها معتز صباحي وأبدع ودخلت حلبة الرقص لما وجدتها عامرة بالفنانين المبدعين ، كنت إلى جوار الراقص الفنان الرشيق حسن شيخ السوق ، قلت ليهو : أراك ترقص بنشوة ، قال لي : الله كيف اليوم سمع وشوف ، وكان يشير لوسامة معتز صباحي !
والله أمس مريت بشارع بيتكم القديم بصحبة رشيدة وقلت ليها ناس حسن عثمان الحسن كانو ساكنين هنا ، قالت لي حسن أبوعضل ! وين الإسم ده؟!
الجندرية:
______________
أهلآ يا دفعة
زولا 123
_____________
بوجودك وانت في أتم صحة وعافية وسعادة
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: أبو ساندرا)
|
الحبيب ابوساندرا. البحر المافيهو تمساح يقدل فيهو الورل (اسف لكلمة الورل ان كانت خشنة بعض الشى) .طيب قول غاب ابوعضل ولعب ابو ضنب .لقيت حلتنا فاضية وبقيت تسوق الجكس بتاعك ,وتمر بشارعنا, وتنعم بالهدوء والطمانينة بالقرب من بيتنا القديم دونما اعتراض من غاير او حسود والله ايامك يا ابو ساندرا. دى كنت بتقدر تعملها زمان ,طبعا يااخوانا زمان حكاية الواحد يمشى ليهو مع بت فى الشارع دى كانت مصيبة, والواحد لما يرسلوهو مع اختو لمكان ما لابد له من التسلح بمطوة وقراءة يسن والفلق, طبعا دى ما عندها علاقة بالمشروع الحضارى وشرطة النظام العام ,لكن المسالة حسادة وغيرة بس
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: أبو ساندرا)
|
Quote: معتصم الطاهر:
____________________
يا جبان لمن تجيب كوتيشن جيبو كامل انا قلت رهيب وفاضح ، عايز تستر { فاضح } دي مالك ! خلي الامور زي ماهي ! |
يا خى أنا قلت أسترك وبلاش فاضح .. تقوم تكررها
يعنى خلاص صلحتها
عارفنك لو طلَقتَ بتجيب الفضائح من البن الحبشى
الى العباية البحر متوسطية ..
فخلى الطابق مستور
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: أبو ساندرا)
|
العزيز ابوساندرا. انت عارف يا صديقى منطقتنا دى, كانت منطقة منزوعة السلاح, حيث ان السيطرة عليها كان هدف عزيز لكلا العوضين (عوض كيتا وعوض بكرين), اظنو الاخير غير معروف بالنسبة لك وهو احد....... الذين لايشق لهم غبار, وعندما اشتد الخلاف بنهما , اتفق الطرفان ان تظل المنطقة الواقعة بين شارع الحرية وشارع الديم مرورا بنادى ديم التعايشة منطقة محايدة , وغير مسموح فيها القيام باى عمليات تهدد امن طلبة المدارس , حيث ان المنطقة كان بهاعدد من المدارس الابتدائية والمتوسطة. يعنى وضعنا كان اشبه بمنطقة ابيى.
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
العزيزة إشراق:
والله مشتاقين ، والصداع صار مقيم بسبب قهوة الصباح ، أول أمس ذهبت لعائشة حامد وبليت ريقي وتونست مع نجوى وإجلال وكنت معانا.
فيصل عثمان الحسن:
بختكم انتم نعمتم بأبيي منزوعة التحرشات ، ولكنا كنا في قلب المعارك ومعرضين للقصف المستمر وهذا الذي دفع بنا إلى حزو طريقة حسن ابوعضل وكبرنا العضلات وأتقنا اللكمات في نادي النيل تحت إشراف عبدالوهاب عبدالله ثم كنا نتحرك في مجموعات متضامنة لذلك فرضنا إحترامنا على الجميع وعلى البعض فرضنا رهبة حتى صار الجماعة يتجنبون التحرش بنا وكذلك أخذنا دروس من أخوتنا الكبار في كيفية { إسقاط الصقور بحجر في الراس { مدعمة بلكمة في الأنف ، تدربنا عليها طويلآ ، وفي مرحلة أخرى إتخذنا قرار بقطع دابر الظاهرة وإجتثاثها من جذورها وإستهدفنا أكبر راس فيهم وتحرشنا به على مرأى من الحي كله وأوسعناه ضربآ وركلآ حتى جعر بالتوبة ومن حينها سادت الطمأنينة شوارع الحي حتى أصبح اكثر المستهدفين يبقون في الطرقات حتى ساعة متأخرة وكانوا قبلها لا يجرأون على الخروج خاصة ود الدكتور الذي أرهقني بمشاوير السوق ، امه تزجره وترسله السوق وهو خايف فيغريني بالذهاب معه فقد كان تحت حمايتي فترة طويلة
وانا كانت عندي وسائل حماية متعددة أهمها ان شقيقي الكبير كان مهاب من الديم كله ، حتى ناس عوض كيتا بيعملوا ليهو مليون حساب ، و كنت أسمعهم يهمسون : ده أخو مجيد النعير ، بعدين إبراهيم كيتا كان صاحبي وعرفتو عن طريق حسن أبوعضل ، حسن قبل ما يربي العضلات كان بيتخارج من الجماعة بإدعاء ان مجيدالنعير خالو ، يعني هسع انا خال أخوك الكبير يعني خالك ، أها عرفت هسع ابوضنب منو!
الأبنة سوميتا :
كيف حالك ، قبل كم يوم وجد رسالة في ا لبيت { حضرت ولم أجدك } كتبها عمك ياسر نصر والأسبوع الفات كنت مع حسن عطالمنان وزوجته إحسان وجات سيرة عمتك آمال وزوجها معروف ، ولمن ارجع الدوحة حا أقابل أمك وخالك دكتور طارق الشيخ ، شفتي انا غائص فيكم كيف؟ وإمكن نقنع سلمى تستقر في الدوحة وتفتح ليكم ذاتو ، وكل الحب لك ولأهلك اصدقائي العزاز
، وأنا مش فوق قلت ليكم ان غني بأصحاب نجوم منحوا حياتي جمال وحب وإيثار
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
الزول الرائع معتضم
إن أول التداخل قطرة
استفزك كما الأخيرين لنرى جزء من أبداعك يسري بيننا كإنسياب ماء الجدول
لنشحن الذواكر .. عند زيارتنا لتلك الغرفة المقترحة لملاوات خرف أبوساندرا
الرائعات من الوعي أدركن المستقبل قبل بركوتا
بركوتا كل سنة وانت طيب
أراك وقد بدأت تجتر الأماسي فيمامضى من العمر ...
وكمهرب لك أقول
العمر يقاس بتلك اللحظات الجميلة التي لم نعشها بعد ،،
مزيداً من الأيام في رحاب البسيطة
وأزجرها السنين الماضية
حتما ستفيض الأيام بنواصى أخرى ..نستلهم فيها من ما مضى
ذاكرة باحثة عن أفق يحتوينا والأخرين شفقي الملامح والأمل
سنة حلوة يا جميل
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
أبو ساندرا ...
نتمنى أن يعود عليك كل عام و أنت و الخرف
خطان متوازيان لا يلتقيان ... هو الخرف ما عنده نظر ؟؟؟
و البركة في روحكم الفتية التي تسخر من إحصائيات المواليد
و الوفيات و تثبت أنها أرقام بلهاء قصد منها الإحتفاظ
بالإرشيف مكتظا بالغبار و خيوط العنكبوت ...
مثلكم يا عزيزي يجعل الخرف يعيد النظر في
أساطيره العجيبة ..
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: محمد ابراهيم قرض)
|
Quote: أبو ساندرا ...
نتمنى أن يعود عليك كل عام و أنت و الخرف
خطان متوازيان لا يلتقيان ... هو الخرف ما عنده نظر ؟؟؟
و البركة في روحكم الفتية التي تسخر من إحصائيات المواليد
و الوفيات و تثبت أنها أرقام بلهاء قصد منها الإحتفاظ
بالإرشيف مكتظا بالغبار و خيوط العنكبوت ...
مثلكم يا عزيزي يجعل الخرف يعيد النظر في
أساطيره العجيبة .. |
يا ابو ساندرا لقيت ليك دفعة
مش زى
| Quote: الجندرية يا دفعة .. |
هاك البزة دى !!!
مع الاعتذار للجندرية ....
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
العزيز معتصم
لك و لزوارك التحايا
رفيق احلي الايام ابو ماهي
والله و ايام يا زمان
من حسن حظي ملازمتي ابوالتومات (و ان كنا ما دفعة)
بعضا من سني عمري
تعلمت فيها الكثير
ففي وقت كان فيه مناقشات الهلال و المريخ شغل من هم في اعمارنا فتح ابوساندرا مكتبه لنا فتعرفنا علي اريش ماريا ريماك و عبدالرحمن مجيد الربيعي
وعبدالرحمن منيف
ابتدعت لنا البرامج الثقافيه فتعرفنا من خلالك علي مصطفي سيداحمد والقدال
اسميتنا الغاوون من شدة حبنا للشعر والشعراء
لله درك ابا سولارا لنا ان نفخر بك نحن ابناء القنا فخرنا بصديق حسن وصلاح العطا والدرديري و مزمل دفع الله ونعمات كوكو ومامون30 وزينب كوشا وعمر جناغرب جعفر محمد عثمان وحسن زايد وعطا السر وكمال جكسا وبت مكوار حواء جقلو ورشيدة
فكلنا تشعلق خلف كارو عم عليوة بتاع الجاز وكلنا ظبطنا فول احمد العربي وكلنا استمتع بسمك بابكر المرضي وكلنا تداوي عند الكناني
لك الحب
| |
|
|
|
|
|
|
|
|
|
Re: أبو ساندرا.. وتبقى من عمرك عشر سنوات .. (Re: معتصم الطاهر)
|
صديقي أبوساندرا
تهيبت المرور بهذا البوست لسببين: أولوهما ضياع الكلام وغياب الحروف الملائمة للتهنئة، وثانيهما خوف اللوم المبني على اللقاء الكترونيا ونحن على مرمى حجر. عموما مبروك وعقبال........ شمعة (أملاها كما تحب). في بالي سؤال وددت ألا أقوله ولكن أمضني الصمت. هل مانتناوله العمر الحقيقي أم معلومات جواز السفر؟؟ السؤال طبعا لانني رأيتك في العيد وبدوت أصغر من هذه السن و في كامل الجهوزية أو الجاهزية (الكلمة الأثيرة للحبيب عمر مجذوب إن كنت تعرفه). لك كل الود وأمنيات بلا عدد.
| |
|
|
|
|
|
|
| |
معتصم الطاهر
محمد عبدالرحمن
Raja
أبو ساندرا
Ishraga Mustafa
Elmosley
مريم بنت الحسين
ودرملية
zola123
Ibrahim Algrefwi
luai
ودقاسم
الجندرية
Soumeta
أحمد عثمان عمر
فيس بوك
تويتر
انستقرام
يوتيوب
بنتيريست