دعواتكم لزميلنا المفكر د.الباقر العفيف بالشفاء العاجل
|
|
 هـنـا يـقـام الـمأتـم لـلـهـلالاب
|
الكشف ماسكو عمر الفاروق؛ أنا حالتي صعبة شوية.
يا ALGARADABI... في جماعة -ما عرفتهم- بيسألو منك.
_____________________________
تعالي يا أم ليلى دخلي البت دي جوه.
|
|
 
|
|
|
|
|
|
|
 Re: هـنـا يـقـام الـمأتـم لـلـهـلالاب (Re: فيصل نوبي)
|
الفاتحة ياجماعة .. الفاتحة
يا أحمد الريح
ياخ اساسي قبل شوية رسل رسالة في الجوووال ..
والمرة الفاتت قفل مني الجوال ..
يعني حسع اعمل معاو شنــو .. ؟
ياخي الليلة كان ما شالو الكاس دا .. اساسي دا عادي ممكن كان تجيهو حاجة ما كويسة
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: الفريق أدى مباراة رائعة في الشوط الأول بل كان الشوط من طرف واحد ولبعض الهنات كان فوز المريخ |
ما دي المشكلة ذاتها يا اسماعيل وراق، الهلال كان كويس قبل أسبوعين.
لكن أمر الله، ما بيدنا حاجة.
______________________
كلمت الجماعة ينضـفو الصالون؛ قالو الصادق المهدي جايي يعزي.
| |
|
|
|
|
|
|
|
|
 Re: هـنـا يـقـام الـمأتـم لـلـهـلالاب (Re: Ahmed Alrayah)
|
لا مــاتم , لا مــاتم!!.. فقد كان موسمــا مميزا ابدع فيــه الهلال وتفوق على
فرق شرســه على راسهــا الاهلي المصري العريق , و حقق توالي خمــاسي على المريخ ..!.
كــذلك مــوسم متميز للمــريخ انتزع فيه فضيه افـريقيـه بعــد سنوات غيــاب , و قدرنا الجميل ان يكــون
ختــام موسم متميز كهـــذا بســم ايداهـــوري ناجع .., وتمضى عشـــرات السنوات , و لا هــدف
واحـــد من الهلال في شبـــاك الكبــابيش الضخميين نجـــوم المريخ...
النجــوم ضيــاء و سمــو و سنـــاء ــ
وشكــرا لتغطيتك الثره خــلال المــوسم .
د شهــاب الفاتح ـ كوالالمبــور.
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: من متابعتي للكورة كان ممكن تكون كدا او كدا |
المهم -يا إبراهيم عدلان- البذيعوهو تاني يوم في نشرة ستة ونص منو؟!
... الفقيد كان [ حبيب ] أحمد الريح بأمريكا ومحمد البشرى بالأمارات وتاج السر حسن
بمصر وضياء ميرغني بهولندا وحاتم إبراهيم بالمغرب وناصر جلال بجنوب إفريقيا
وحميدة بالسعودية.
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
... الفقيد كان [ حبيب ] أحمد الريح بأمريكا ومحمد البشرى بالأمارات وتاج السر حسن
بمصر وضياء ميرغني بهولندا وحاتم إبراهيم بالمغرب وناصر جلال بجنوب إفريقيا
وحميدة بالسعودية...
Uوأسكن المسمار.. فسيح شبكاته
والبركه فيكم...
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
ود الريح استغفر يا خوي
فقيد مين يا عمك
يمين صاروخ كرنقو حلاوته قاعدة لي اسي زي حرقتو على الوصيفاب
فالصاروخ يجب ما قبله و ما بعده
وزي ما قال الطواة فضية افريقية خير من ستين كاس محلية
يقول الزعماء الممتاز الخامس ولا ستين كاس سودان
إنت هيثم بهرج مع مجدي كدة ليه؟
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
Quote: اول مرة اشاهد هلال مريخ تلعب بتكتيك عالي...
رايك شنو يا احمد الريح |
وهل يمكنني على بعد سويعات من هذا الفقد الجلل أن أدلو بدلوي في هذا الشأن
يا osman abdala ؟!
أديني يومين تلاتة كده؛ ناس دكتور شهاب ديل يا دوب وصلو من كوالالمبور عشان
يعزونا
__________________________
لم أشاهد المباراة يا عثمان، ولدي تسجيل ليها، قد أشاهده اليوم أو غدا "إن
طاوعتني نفسي"
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
الحبيب احمد الريح
كان لابد للمباراة ان تنتهي هكذا...
اي نتيجة في غير صالح المريخ كانت كفيلة بتشليح النادي وللابد
يبقي عشان خاطر مايتفرقوا ممكن نتحمل ...ولو ان التمن مؤلم شوية
في اشياء فيها ان في المباراة...بس دا ماوقتو
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: yasir Abdelgadir)
|
أحمد الريح سلاااام
والله عااارف المغصة شاقاك زي شقة إيداهور من نص الميدان لحدي الشريف مبسوط مني
لكني أراكم اليوم جميعاً بمافيكم تاج السر .. بقيتو حمام ميت
فتحتو دوواين العزاء وباركتم .. وهذه ليست كتابات الأهلة اللذين أعرفهم
كله خوفاً من ما كتبته أقلامكم وأقلام إعلامكم عن ضمان الفوز على المريخ
وانا مصور كل حاجة .. حتى كتابات رمضان قوووون
لكني أفتقد بشدة
أبوقوتة .. جمال السنوسي .. ورقم ( صفر ) ( صفر محلي قصدي ) وآخرون لا أتذكرهم
لن تثنينا مسكنتكم ومحاولة إمتصاص المغصة وإتقاء شماتتنا
لن تنطلي علينا هذه الحيلة ولن تمر هذه اللعبة أبداً أبداً ..
أنا عهداً سأواصل الفرح حتى موعد الأرشفة .. وما موعد الأرشفة ببعيد
( وربما  ) أقوم بفتح بوست بعد الأرشفة مباشرة إن وجدت فيكم من يفرفر
بالله ده مسمار عمل فيكم كده ؟؟
إيداهو ده يشق من قبل السنتر لحدي ما يصل الشريف ما يوقفو واحد منكم ؟؟
الحكاااية شنو ؟؟ عمو ريتشارد الليلة غلبو البسويهو قعد يقابض والحكم مصهين..
داريو بقى يحننن ... لو براهو بطلع الكورة للكورنر ..
ألحقو شيلو الجنسية أدوها سولي شريف ..
جنسية بيتر أدوها للحفيان .. لو مانفع لاعب بنفع درويش في حلقات الذكر
ومن هنا أستميحك عذراً سيدى أحمد الريح لأرد على السيد ياسر عبدالقادر
Quote: اي نتيجة في غير صالح المريخ كانت كفيلة بتشليح النادي وللابد
يبقي عشان خاطر مايتفرقوا ممكن نتحمل ...ولو ان التمن مؤلم شوية
في اشياء فيها ان في المباراة...بس دا ماوقتو |
لو أن المريخ تشلحه هزيمة لما صبر خمس سنوات والحكام يهدونكم البطولات
مؤلم شوييية .. أحلف .. قول وحات شقّة إيداهو
ولو الحليفة بي إيداهو صعبة قول وحاة المسمار أبونجمة
نعم هناااك إنّات في المباراة وحكمها معروف بتحيزه السافر للهلال
لو أنه عادل لطرد ريتشار بالكرت الأحمر ( لمقابضته ) طمبل وهو منفرد بالشريف مبسوط مني
لو كان عادلاً لطرد حمودة ( كما جاء على لسان المدرب الديبة بتاعكم ) لتعمده اللعب الخطر
لو كان عادلاً لإحتسب ضربة جزاء للمريخ مرتين ..
مع طمبل ومع علاء والتي إحتسبها فاول تماماً فوق الخط بالمسطرة والبرجل
ربنا مرقكم من فضيحة .. بس أحسب أنّ المسمار أشد وطأةً وأكثر إبلاماً
لو كان عادلاً لقال لعلاء الدين جبريل لملم عفشك قبل البلدوزر يبهدلك
قال فيها إنّ قال .. لالالا فيها مسمار
كدي شوف المسمار أبو نجمة ده .. عاين كويس
ده برشامو نيجيري وضاربو الصدأ
ياااااااسر قلت ( كيف نحمي أولادنا من مين ؟؟ ماكينة النقود الحمراء ) ؟؟
ياااخ أحموهم من مسمار إيداااااهور ده .. الفلوس الحمراء ليست لإستجلاب الحمام الميت
بنجيب بيها ( الضباح الشرميطي ) والمفلوق في راسو ( إدريسو يتاع أسك )
وقع ليك ؟؟
قال كيف نحمي اولادنا قال .. قل حمامنا ولا تقل اولادنا
ديل اولاد ؟؟ ريتشارد ومعتز ومرق ودرايو كشافات وعلاء الدين المرمطوهو وغسلوهو وكوهو ؟؟
يااااااراجل .. قول غير كده
فتكم وانتم تغلون كالمراجل
مع ود أحمر يسر الصفوة ويعلم إلتهاب للعيون الزرق
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: لا مــاتم ، لا مــاتم!! |
والله يا دكتور شهاب لو ما عارفك مريخابي كان قلت ده هلالابي آخر مرة
شاف الهلال يوم 29 نوفمبر وما قادر يصدق الحصل الليلة!
وعلى العموم، من كان يشجع الهلال؛ فإن الهلال قد هزم، ومن كان يشجع
ريال مدريد؛ فإن ريال مدريد ذاتو بيتغلب.
__________________________
الما داير يتغلب يشجع الجيش الأمريكي "حتى إشعار آخر"
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
سبحان الله، من شفت اسمك يا راكوبة اتذكرت ليك حاجة اسمها "مبررات الهزيمة"؛ يمكن
عشان إنت ونادر محمد الراضي بررتو كتير في شهر 11 
ما خليتو مبرر حايم إلا وحملتوهو المسؤولية!! اللاعبين، المدرب القديم، المدرب الجديد،
الحكم، الحظ، الشعوذة وحتى كمال شداد!!
______________________
أسي عليك الله علاقة المسامير بى بيوت البكا شنو؟ موش كان أحسن تجيب ليك ثيرمس شاي؟!
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: إنت هيثم بهرج مع مجدي كدة ليه؟ |
يا محمد البشرى حمدا لله على السلامة، ظهورك يعني أننا قوم لا تهزنا الهزيمة
________________________________
قصدك هيثم مصطفى ومجدي شمس الدين؟ أنا ذاتي الكورة -الحمد لله- ما حضرتها.
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
Quote: ود الريح أنتو حتي الفضلة والفتات " مدينوا" أهمية وعادينو
فقد وقاعدين تبكوا عليه؟ كؤيس السودان دا ما عندوا قيمة!!!! |
يا كمال عباس الناس ديل لو غلبونا في درع الإنقاذ -الما شرعية دي- بنزعل؛
يغلبونا في كأس السودان -بمختلف قواه الديمقراطية- ما نزعل؟!
_________________________
مافي حاجة غلبتنا -يا كمال عباس- غير علامات استفهامك المقبلة عكس زي
أبوبكر الشريف دي! هاك دي [ ؟ ]، أعمل ليها copy/paste
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
Quote: لكني أراكم اليوم جميعاً بمافيكم تاج السر .. بقيتو حمام ميت
فتحتو دوواين العزاء وباركتم .. وهذه ليست كتابات الأهلة اللذين أعرفهم
كله خوفاً من ما كتبته أقلامكم وأقلام إعلامكم عن ضمان الفوز على المريخ |
كتبت قبل المباراة لمحمد عادل:
Quote:
داير النصيحة يا محمد عادل
أنا -والله- لو غلبونا بالبلنتيات ما عندي مشكلة
دي هلال/مريخ يا محمد! |
يا جماعة ثابت ده كلموهو: ما يكتبه رمضان أحمد السيد يسأل عنه
رمضان أحمد السيد، وما يكتبه أحمد الريح يسأل عنه أحمد الريح.
أنا لا أكتب -إلا ممازحا- عن ضمان الفوز على المريخ، أو أي فريق
آخر.
_____________________________
داير النصيحة: تعليقك ده ذاتو ما عندو علاقة بموضوع الpost
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: إنت عارف يا أبو ليلى أخير كانوا يغلبونا 2/0 أو 2/1 لأنو 1/0 دا يقال عليه: المسمار |
... ولو غلبونا 2/0 حيقولو: المسمارين!!
ولذلك: أخير 1/0 يا حسن.
| Quote: دا بيذكرنا بمسمار جوبا زمن نميري |
أظنك فعلا قاصد "بيذكركم" يا حسن زمراوي -إنت وطارق إسماعيل-
أوعى بس تكون نسيت إنو نحنا جيل الإنقاذ؟!
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
Quote:
 |
الصورة المتحركة دي يا osman abdala مخالفة للمادة 17 من قوانين المنبر العام:
Quote:
الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر
مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ |
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
Quote:
يا هلالاب
اذا استمرينا في في هزائم المريخ وفقدانه للبطولات كلها
يبقي ما في تقدير للنديه |
... يا هلالاب: ما تسمعو كلام العوض المسلمي!
وعليكم الله حكاية "طعم التنافس" دي خلونا منها، أسي يعني "طعم الهزيمة"
ده عاجبكم؟!
"الناس ديل" غلبونا 8 مرات ورا بعض في الستينات... ولى يوم الليلة
ماسكينها لينا!
خذوها مني:
إذا وجدتم المريخاب "في الملعب طبعا"؛ فاهزموهم، ولا تأخذكم بهم رأفة
إن استطعتم.
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
البركة فيكم يا جماعة
انا جيت من بيت العرس في العرضة جنوب
قلت اجي سريع اشيل الفاتحة وارجع تاني
لكن لقيت بكاكم حاااااااااار بالحيل
واسي راجع بي هناك وحا احلف طلاق يوقفوا الحفلة
واقول للزعيم اخوك الصغيّر فارش بي هناك وانت هنا مدوّر الحفلة.
حرّم كان توقفوها !! وكمان لازم ايداهور يدفع الديّة!!
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: ملكة سبأ)
|
ههههههههههههههههههههههههههههههههههههههههه
الله يجازى محنك يا ود الريح
غايتو لقيتك خطير بصوره اكثر من رائعه
يعنى قلت تكتل لينا الدش فى يدنا
والهجوم خير وسيله للدفاع
غايتو تلقاها عند الغافل
ويلا ارفع فراشك دا
وتعال زورنا احنا برضك عندنا بيت عرس
ومستنين المهنئين
| |
|
|
|
|
|
|
|
|
 Re: هـنـا يـقـام الـمأتـم لـلـهـلالاب (Re: ملكة سبأ)
|
ملكتنا الزرقاء| Quote: فيصل نوبي يكون زعلان عشان ما مسكوهو الكشف |
يا زولة نوبي ماسكـ الكشافة من أمس بالليل و حالتو الكهرباء قاطعة..
____
باقي ليكـ كان فكيتها بتولع لاب كهربا..
بنية كورة زمان جيبي خلينا نجغما ..
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: يعنى قلت تكتل لينا الدش فى يدنا والهجوم خير وسيله للدفاع |
عارف يا علي بشير
في حالات الهزائم الزي دي؛ يكون أمام المرء أمران أحلاهما مر:
أن يطوف مقالات الأفراح -وما أكثرها- موزعا كلمات التهاني وهو حزين الفؤاد
أو
أن يطوف مقالات الأفراح -وما أكثرها- مغالطا ومبررا ومعاندا ومكابرا ومبخسا
وبما أني لا طاقة لي بالأمر الأول، ولا أحب الثاني؛ فقد آثرت أن أبقى في داري مشاطرا
إخواني الهلالاب حزنهم العميق.
____________________________
يعني خلي بالك إنت في العرضة شمال، ممكن يجيك حجر طاير... وأنا ما مسؤول في الحالة
دي لأنك عارف كويس إنو أهلي ديل رشاشات.
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
Quote: ماشي اجيب زيادة تلج من بورتسودان
بجي راجع بعد اسبوع....
سلام عليكم |
دي شكلها كده يا omar altom [ تـلجة وزوغـة ]!
يا زول أحسن ليك؛ والله قالو ليك الهلال السعودي اليومين ديل مدور دوير شديد.
أرجو أن تبلغ تحاياي للنجم الكبير ياسر القحطاني.
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: نادر محمد الراضي)
|
ابت نفس الرائع مزمل ابوالقاسم الا بضبح خروفين لزوم الفراش
المريخ ضحى بكبشٍ سمين!
* مريخنا ارتاح.. قفل الموسم.. شال المفتاح!
* دمر الشباك الهلالية.. وألقى القبض على تاج الوطن بالمتوالية الثلاثية.. وضحى أجمل ضحية!
* العيد عند المريخاب (عيدين).. وما أحلاها من متوالية يا زعيم!
* مسمار غنجي حار.. مسك ختام.. ولا في الأحلام!
* رفع سيد البلد رصيده من بطولات الكأس إلى الرقم ثمانية.. مقابل أربعة فقط للمضروب في الركب!
* ضحى بكبشٍ سمين.. قص القرون.. وقطع الكوارع.. وجدع الأنف.. ودفن الأحشاء في النجيل الاصطناعي!
* ويا إيداهور.. الضرب بالدور!
* برضو المريخ ضعيف؟
* ضحك المريخ أخيراً.. ومن يضحك أخيراً يضحك كثيراً!
* حزمهم حزم السلم.. وضربهم ضرب غرائب الإبل.
* أخرس المتطاولين.. وقطع ألسنة المشككين!
* طوع الحظ العاثر.. وجضم الكفر المكاجر!
* هزمهم بلا رحمة.. ومسخ عليهم في العيد اللحمة!
* وبأمر قوات الملك فيصل.. تفشت الحمى النزفية.. في الديار الهلالية.. قبل عيد الضحية!
* آخر فتوى مريخية: لا يجوز لأي هلالابي أن يذبح خروف الضحية.. إلا إذا كان مختوماً بالطبعة الإيداهورية.. خوفاً من تفشي الحمى النزفية!
الضرب بالدور!
* أفاد مراسلنا الحربي (حووصة الختري) أن قوات الملك فيصل والسلطان عبد الحميد والأمير دامر والمجاهد أحمد نفشت قوات زرقان نفشاً شديداً حتى فرت هاربة تولول من ميدان المعركة ذي النجيل الاصطناعي!
* وأكدت الأنباء الواردة من مسارح العمليات أن قوات الملك والسلطان خاضت معركة دامية مع قوات الزراقين ونجحت في دقشها ودرشها وهرشها ونفشها باستخدام صواريخ (إيداهور الضرب بالدور) التي (زعمطت) الزراقين وجعلتها مشتتة تشكو ضعف الحيلة وسوء المنقلب!
* وروى شهور عيان أن أصوات الانفجارات المدوية توالت في حي العرضة شمال وأن الاشتباك العنيف أسفر عن تدمير الزراقين واجتياح تحصيناتها وأسر عدد كبير من جنودها بعد معركة غير متكافئة!
* وذكر الكومندان حسن بسبوسة أنه نجح في اعتقال الملأ ياسر داد الله بن عائس المكنى بأبي خالد الماجدي ووجده مرمياً قرب الإستاد زائغ العينين ممزق الثياب (حالتو بالبلا)!
* أما الرشيد علي كرش وشجرابي الفوقو الغلب كابي وخالد عجب الدين فقد تم أسرهم بواسطة الكولونيل إبراهيم عبد الرحيم الذي وضعهم في قفص حديدي شبيه بأقفاص معتقل غوانتنامو في انتظار المحاكمة بتهمة تضليل الجماهير المنكوبة واستخدام سياسة (أنفخ ولو حملك ريش)!
* وذكرت مصادر موثوقة أن القوات الهلالية المهزومة ظلت تعيييييط طوال الليل بسبب قوة التدمير الهائلة لصاروخ إيداهور النووي القاتل!
* وكانت فرقاطة إيداقون قصفت ميناء الشريف مبسوط مني بصاروخ (جو_ جو) مزق أحشاء الزراقين!
* أما طوربيدو متحرك الدود قرقر حبس الدرب المجوقل فقد منح فيلق الوسط قوة نيران مدفعية إضافية.. كما سهل فتح خطوط الإمداد خلف تحصيان الزراقين محولاً إياها إلى دلاقين!
* وأعلنت قيادة الجيش الأحمر الأدغالي أن قواتها ستشرع في التحرك فوراً باتجاه بقية الصحف الرياضية لإلقاء القبض على كل مروجي الإشاعات الضارة وإغلاق البناشر ذات الهواء السام لأنها مزقت أحشاء الزراقين ولحقتهم الزينين!
آخر الحقائق
* القطن والشباب.. كوارا ودولفين.. الإسماعيلي والصفاقسي.. الرفاع والهلال والشلف.. الأمر ما اختلف!
* المريخ سطع.. والوجع رجع.. ويا إيداهور الضرب بالدور!
* قلتوا لي كرنقو عرسو متين؟
* قصة قصيرة: كان في فريق مسكين.. المريخ عملو ساردين!
* قصة لذيذة: بكرة المهرجان.. على أنقاض بني زرقان!
* ما قلتو ضعيف؟
* (العاداك وين يطير.. شقياً صادف نكير)!
* مريخ صعب ضد التعب.. مريخ شديد يصهر الحديد.. مريخ مدرع.. ما بتصاقع!
* ساعدونا بالسكات والموية الباردة!
* الدريم تيم.. أحلى من الآيسكريم!
* النصر عيدية.. والزعيم مية المية.. والجماعة أصابتهم الحمى النزفية!
* الزعيم عاد.. خلى البلد أعياد!
* ويا والي زهرك فاح.. وعيدك صاح!
* أب زرد قبض.. وختاهو قرض!
* هلال أيه اللي انت جايي تقول عليه؟
* القصف مركز.. والطمبلة شديدة!
* كأس السودان لزعيم السودان.. تاج الوطن.. لسيد الوطن.. مسك الختام.. لزعيم الأتيام!
* ضربة ترخي السعر.. يا إيداهور!
* أخر خبر: المريخ ضحى بكبشٍ سمين!
* محمد كمال هيبة وجلال.. وطمبل ماسورة.. تنقط عسل!
* غنى إيداهو (الشريف مبسوط مني).. فرددت جماهير الهلال: نزلت مني دمعة.. والأمة مجتمعة.. واليوم كان جمعة.. وأنا دستوري نازل.. في الأحمر أبو لمعة!
* إستاد الخرطوم شهد حرب النجوم.. وهزيمة المكلوم!
* المريخ متين البنيان.. قبض كأس السودان!
* المريخ سطع.. والوجع رجع!
* الكأس ملك.. وزرقان هلك!
* قبل أن يأتي الخريف.. إيداهو بطح الشريف!
* خاص لريكاردو: الحظ لا يلعب معك مرتين.. وما كل مرة تسلم الجرة!
* أعياد الأمة السودانية.. الكأس المريخية والضحية.. والاستقلال ورأس السنة الميلادية!
* إيداهور ضرب في المليان.. والمريخ احتفظ بكأس السودان!
* الشريف مبسوط مني.. وقع شمال والكورة اليمين.. زولنا فقد المنطق!
* على ذمة الصديق هيثم سعيد: أرجوكم لا تفهموا (ولدنا) غلط!
* إيداهو طخاهو.. ودائماً في ختام الموسم مع إيداهور.. أضحك وأحاكي سرور!
* رقم قياسي غير مسبوق: 18 سنة في الكأس وشباك الزعيم عصية على الرماية الهلالية!
* 8 بطولات للمريخ مقابل أربعة للهلال.. المريخ ملك تاج الوطن!
* خبر عاجل: مازدا آخر موديل.. دهست البرازيلي.. وهربت بالكأس الذهبي!
* التوالي التالت.. حد يغالط؟
* قون إيداهو ده حلو حلا!
* القالوا المريخ ضعيف.. يسألوا أبو بكر الشريف!
* شباك الهلال تنوح في ختام كل موسم: وا شقايا.. مرة (ود بخيت).. ومرة (عم هدايا)!
* آخر خبر: ولدنا حابينا.. غلب لينا.. قبل ما يجينا!
* خطفها خطفها.. لبعها لبعها.. والشريف ما شاهدها!
* إيداهو ضبح الهلال.. قبل الضحية!
* رمضان رمضان الصفر في المية كيف؟
* عائس.. يا عائس.. الفضة كييييف؟
* آخر خبر القالو المريخ ضعيف.. يسألوا أبوبكر الشريف!
| |
|
|
|
|
|
|
|
|
 Re: هـنـا يـقـام الـمأتـم لـلـهـلالاب (Re: Ahmed Alrayah)
|
يا ولد شيل صينية عمك صديق الموج دي وختها قدام الضيوف ديل ..
الدوام لله يا أبوحميد ..
المرحوم كان فريق قوي يهز الأرض ..
هسي قبل أيام كان شايل بطولة الدوري كعادته ..
تخريمة كرنقية ..
سيظل مزمل أبوالقاسم يكتب كعادته من مدرجات المشجعين ..
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
اخونا ود الريح :
الواحد متمنّي يعيش معاكم اللحظات الجميلة والسخرية والشغب والمكاواة لكن قررت الإبتعاد عن المنبر ككل والكورة وبوستاتها تحديداً لي ناس حسين عسى يطيب لهم المقام ويستمتعوا بي الأذيّة وانا متأكد لو واصلت هنا وبي مستوى وردود الناس ديل فلا المقام سيطيب لهم ولا الكلام سيعجب والواحد ربما يفقد بدل الواحد ميّة ..
عشان كده قلنا نبعد من الشر ونغنيلو ..
وحقيقة جابني الشديد القوي ومضطر بعد ما شوفت رد الأخ نادر والهدية المرسلة منو من منتدى المريخ والصورة المرفقة ..
تخريمة :
وووووووووووووووب ...ووووووووووووووووب ..ووووووووووووب..
تعال يا احمد ديل أعمامك من ناساروا جايين من نيجيريا ..شيل معاهم الفاتحة يا ولدي..
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: يا ولد شيل صينية عمك صديق الموج دي وختها قدام الضيوف ديل |
عليك الله يامعتصم دفع الله الصينية دي ودوها لى ناس بنك السودان ديل جو بى
حافلة قبل شوية
وقول لى تمبس في وفد من فريق الموردة وصل... تعال قابلو
______________________________
قبل قليل قال المصري "طه بصري" في برنامج رياضي على الفضائية المصرية إنهم
نصحوا الهولندي كرول المدير الفني للزمالك بمتابعة قودوين في مباراة الأمس.
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
تعرف يا ابو حميد
كورة هلال مريخ دي زي النكتة القديمة بتاعت النسوان جايات من البادية عشان يتصورن
واقفات قدام الاستديو يتعازمن
اها واحدة اتوكلت و اتصورت لمن جات مارقه سألوها
" اها ان شاء الله ما حارة"
__
ما ترفع الصيوان ده و تمشي تحضر الكورة دي و تجي تديناالمفيد
الكورة الاخيرة دي من شدة ما باردة لمن جابتنا مارقين بدري بدري..
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: فيصل نوبي)
|
رجعت حليمة لعادتها القديمة
بعد ان كان ايداهور مهدد بالشطب اول امس في اعلام المريخ.....في اقل من اربعة وعشرين ساعة اضحي
بطلا تنسج له القصائد...بسبب هدف استروبيا من خطأ قاتل لعمر بخيت الذي كان غريبا في هذه
المباراة..اتمني ان لا يكون بفعل فاعل
أتابع من زمن اداء داريو كان في لقاءات هلال مريخ ..تحديدا من المباراة التي اطاح فيها بضربة
الجزاء عاليا ..أداؤه في هذه المباريات غريب..يذكرني باداء محترف الاسماعيلي الافريقي في
مباراتهم ضد المريخ في الخرطوم..{لو عندك تسجيل ليها يااحمد ارجع ليهو وركز علي اداء اللاعب
الافريقي في الاسماعيلي قبل ان يفطن المدرب ويسحبه}...لم يفطن ريكاردو لذلك...
أكبر دليل عن انو المريخ كان حيتشلح لو انهزم في هذه المباراة هو عدم حضور الوالي ومحمد جعفر
قريش..معقولة الاتنين يكونوا مرضوا في وقت واحد؟؟؟؟ لذلك جاءت النتيجة مرضية للاتحاد العام الذي
سعي لتكون كذلك
الاخ ثابت:
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: yasir Abdelgadir)
|
أحمد الريح:
كنا في اجتماع للجنة التنفيذية للجمعية الطبية السودانية في نفس لحظات المباراة...
قمنا وقفنا الاجتماع
وكنت قبلها اصريت علي د. فتحي النور سكرتير الجمعية احضار تلفزيون لمشاهدة المباراة بالرغم من
عدم علاقته بالكورة
رفعت الصوت عالي حتي لاتتم الشوشرة
كان هناك وجود خجول لبعض المريخاب باللجنة..وأنا صوتي كان واثق جدا بأننا حنهزمهم
يقوموا ناس داريو كان وعمر بخيت يعملوا فينا كدا
أودي وشي وين هسي
دا كلام دا
| |
|
|
|
|
|
|
|
|
 Re: هـنـا يـقـام الـمأتـم لـلـهـلالاب (Re: Ahmed Alrayah)
|
| Quote: وقول لى تمبس في وفد من فريق الموردة وصل... تعال قابلو |
ديل ح يعزوهو ولا يسجلوهو ..
إحتراف قودوين ..
إحتراف كلاتشي ..
إحتراف كرنقو ..
إحتراف يوسف محمد ..
المريخ يسجل عمر بخيت ..
المريخ يسجل المعز محجوب ..
يا جماعة ما تركزوا معانا الشباب ديل بلعبوا وين ..
الغريبة في 6 أو 7 لاعبين من المريخ كانوا لاعبين المباراة يشملهم قرار الشطب يا ربي يكون الجماعة غيروا رأيهم ؟
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: نادر محمد الراضي)
|
الفاتحـــــــة
بــص ناس ابوقوتة وصــــل
لكن مسعولين من الخير ياجماعة
ماتمكم دا غريب خلاص,,
زول ميت وماشى يلعب فى الابطال,,
وزول عريس ماشى شهر عسل المقابر
والله لكن فوارق,,,,
نبارك للمريخ النصر المستحق
وشكرا لفتية الهلال الذين استهتروا
فاعادو التوازن,,وازاحو الاحباط
من ناس القبيلة الحمراء
نصر مهداء من عمر بخيت ورتشارد
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
الفاتحة يا جماعة ، وده حال الدنيا ......
يعني كل كر فرحانين ، اهو المره دي الناس تزعل حبه عشان تفرح لابد ان (تطوق ) طعم الحزن
* اصلي من يومين كنت في الخلا ، وبارك الله في الحمام الزاجل الرسلها ود الريح خلانا نعرف النتيجة .....
الدوام لله
| |
|
|
|
|
|
|
|
|
|
Re: هـنـا يـقـام الـمأتـم لـلـهـلالاب (Re: Ahmed Alrayah)
|
الفاتحة يا جماعة ، وده حال الدنيا ......
يعني كل كر فرحانين ، اهو المره دي الناس تزعل حبه عشان تفرح لابد ان (تطوق ) طعم الحزن
* اصلي من يومين كنت في الخلا ، وبارك الله في الحمام الزاجل الرسلها ود الريح خلانا نعرف النتيجة .....
الدوام لله
| |
|
|
|
|
|
|
| |
فيصل نوبي
إسماعيل وراق
tmbis
حسين محي الدين
waleed dawash
ابراهيم عدلان
اساسي
osman abdala
Rakoba
keiga2000
altahir_2
شهاب الفاتح عثمان
بشير دفع الله
محمد البشرى الخضر
محمد الامين احمد
Walid Safwat
kamalabas
ثابت محمد
حسن زمراوي
نادر محمد الراضي
الصادق خليفة
نيازي عبدالله مرحوم احمد
waleed500
العوض المسلمي
هجو الأقرع
lana mahdi
امير عوض الجمري
omar altom
ملكة سبأ
على محمد على بشير
humida
Nasruddin Al Basheer
hanouf56
عصام دهب
معتز الامين
أبوالزفت
جلال ناصر
Tragie Mustafa
معتصم دفع الله
عمر الفاروق
abuguta
رقم صفر
فيس بوك
تويتر
انستقرام
يوتيوب
بنتيريست