|
دعواتكم لزميلنا المفكر د.الباقر العفيف بالشفاء العاجل
|
|
 Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
Quote: لنا مهدي ،،
من كتب علينا ان نصوم خارج الوطن ؟ ومن حرمنا فرحة العيد خارج الوطن ؟ ومن كتب على عزه ان تفتقد الحبيب ؟
انها اسئلة بطعم الحنضل ،،، |
انهم اخي الحبيب
من وأدوا القانون و الحضارة
وأقسموا بشارة الإمارة
أن نعبد الوثن
ونقتل الصمود و الجسارة
ولكن برغم ذلك:
من هنا جاءوا
يطأون الزهر و الاطفال و حبات الندي
يملأون اللأرض ثاراتٍ و عداواتٍ و مُدى
من هنا سوف يعودون
وإن طال المدي
أكيد
اخى الحبيب
اكيد
| |
 
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
Quote: حقا ايتها الاخت الحبيبة .. ولك ان تعلمين ان الوطن الحلم حتما سيعود .. سيعود كما كان جميلا عذبا ، وستعود عصافير الخريف من بعد هجرتها لوكرها المهجور هناك .. نعم لنا نتمناه وطنا يسع جميع ابنائه في اطار حكم القانون والديمقراطية ..
أهو حرام ان نحلم بوطن كهذا ؟ |
نعم
سنعيده و نعيده وطنا عزيزا سيدا
أتعرف يا اخي الكريم
فى الاجازة لمست عن قرب كم أشقى التتار الجدد اهلنا الطيبين
لا اتخيل رمضان فى السودان دون بساطات الكرم و الشهامة الممدودة "خشم الباب" تهتف بكل مار و عابر سبيل أن نحن هنا
ولست بغريب طالما مررت بين ظهرانينافى شهر الغفران
ولكن و يا لشقوتهم كم يحول ضيق ذات اليد بين أهلنا احيانا و بين التمسك بكل ما هو جميل
وكما قال شاعرنا العظيم صلاح احمد ابراهيم
فى بلدي
حين يعز غريب الدار يحب الضيف
ويخص بآخر جرعة ماء عز الصيف
بعشا الأطفال
ببليل البشر و الإيناس إذا ما رق الحال
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: serenader)
|
Quote: غايتو يا أستاذة لنا.. مشكورة
لكن تأخرتي جداً.. مرتي (الجديدة) جاية بعد شهر وشوية.. حأحاول اتعلم اكبر قدر ممكن تجنباً لعسر الهضم في الأيام الأولى |
serenader
و ممكن كمان يا بطل تطلع مؤهلة و نقبك يطلع على شووووونة
غايتو عملنا الكوتيشن لزوم المديدة حرقتنى بعدين
طبعا ح تخليها تقرا سودانيز
مش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
محبتى
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: maha abdella)
|
Quote: ولو في شي تاعبني
التفكير في تنويع الاكل
والليله اعمل شنوا؟ |
فعلا دة الاشكال
بس استعملي اسلوب التكرار غير المخل
بمعنى :
السبت روب
الاحد نعيمية
الاثنين تقلية
الثلاثاء ام شعيفة
الاربع ام التكشو
وهلم جرا
مع الوضع فى الاعتبار شوية نواشف وسلطات كل يوم
ولما يجي الاسبوع الجايي كرري كل اكلة بيومها
مع التلاعب فى السلطات و النواشف ما شرط التقيد
بيكونو نسو يا مها انهم اكلوها فى نفس الزمان والمكان من الاسبوع المنصرم
بس
ما تخلي زول يعرف سر المهنة
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: Nada Amin)
|
Quote: أنا ما من العروسات الجديدات لكن من الحبيبات"المجدوعات" في الغربة
بكره حأطبق وصفة ملاح الروب بالعصيده و الله يجيب العواقب سليمة و من حسه خايفه من فشل التجربة |
لالالا يا ندو أهم شي تجمدى قلبك وتجبرى من أمامك على الاقتناع انك الشيف رمزى او الشيف اسامة او ماما نظيرة
الاقناع نص الاتقان
اسمعي ساعة ما بتكونى بتعملى فى ملاح الروب اضربي لى
ومن الريحة الامور بتتضح
محبتى
| |
|
|
|
|
|
|
|
|
 Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
الحبيبة لنا..
شكرا ليك على الموقع الهدية.. طبعا انا وأخوي الكاشف "ندوية" ما من العروسات الجديدات  .. لكن مين عارف.. مش رمضان الجاي نكون إتأهلنا  ..
المهم عجبني الحلو واديهو ليكم هدية..
البرتقال بسلطة النعناع المعسلة
المقادير:
* كوب عسل
* كوب ونصف سكر
* غصنا نعناع
* 12 حبة قرنفل
* 4 برتقالات
الطريقة:
* يخلط العسل بالماء ويضاف النعناع والقرنفل ، ونستمر بالتسخين بهدوء حتى يغلي الخليط مع التحريك ليذوب العسل.
* نترك الخليط ليغلي مدة خمس دقائق أو حتى يتحول الى شراب(شيرة) ثم يبرد.
* يزال النعناع والقرنفل من الشراب.
* تزال قشرة برتقالة واحدة وتترك جانبا، وبالتناوب تقشر البرتقالات وتستخرج القشرة الداخلية البيضاء وتفرم شرائح طواية خفيفة جدا وتضاف الى الشراب.
* تزال القشرة الخفيفة للبرتقالات حتى يظهر اللب ثم توضع في الشراب البارد للتشبع به، ثم توضع كل واحدة منها في صحن منفصل، ويسكب فوقها قليل من الشراب وتقدم زيه بقليل من أوراق النعناع الطازج.
- - - - - - -
حلو جلي الفراولة بالكاسترد
المقادير:
* تلث كوب سكر بودرة
* ملعقتا طعام كاسترد بودرة
* كوبان ونصف الكوب حليب
* كوبا ماء مغلي
* 58 جرام جيلاتي فراولة
* ثماني حبات فراولة للتزيين
الطريقة:
* يوضع السكر والكاسترد في وعاء صغير ويضاف إليه نصف كوب من الحليب ويحرك حتى لا يبقى أي اثر للكتل.
* يوضع قدر صغير على النار ويسكب النصف الثاني من الحليب وعلى حرارة متوسطة يسخن الحليب حتى يصدر فقاعات، ولكن يجب ألا يغلي، ويضاف عند ذلك خليط السكر والكاسترد بعد تحريكه قبل سكبه فوق الحليب مباشرة.
* يحرك الكاسترد حتى يغلي ويصبح سميكا ثم يسكب في وعاء مضاد للحرارة.
* يترك الكاسترد ليبرد.
* يسكب ماء مغلى في وعاء مضاد للحرارة ويرض فوقه جيلاتي الفراولة ويحرك حتى يذوب تماما.
*توضع اربع كؤؤس ثم يوزع فيها خليط الجيلاتي بالتساوي زمن ثم يسكب الكاسترد بالتساوي وتغطي الكؤؤس وتترك في الثلاجة لمدة اربع ساعات ثم تزين ببعض الفراولة الطازجة.
وبالهنا..
| |
|
|
|
|
|
|
|
|
 Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
العزيزة لنا
اسفة لتأخير الوصفة لكن ممكن تعمليها لافطار الغد
البيض المسلوق بالملح و الفلفل
المقادير(لشخص واحد):
عدد 3 بيضات او حسب الحاجة
ماء
ذرات ملح
ذرات فلفل
الطريقة
يوضع البيض فى حلة صغيرة و يغطى بالماء.
يغلى الماء حتى درجة الغليان ثم يتم اخراج البيض
يقشر البيض و يقسم الى انصاف و يوضع فى صحن
يضاف الملح و الفلفل
القيمة الغذائية (بيضة واحدة)الدهون: 4.4 جرام
الكولسترول: 187 ملجرام
الصوديوم: 55 ملجرام
البوتاسيوم: 53 ملجرام
البروتين: 5.5 جرام
فيتامينات:
A: 279 mg.
B6: .1 mg.
B12: .4 mg.
calcium: 21 mg.
Magnesium: 4mg.
و بالهنا
مش احسن من وصفات رجاء؟
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: nada ali)
|
Quote: يقشر البيض و يقسم الى انصاف و يوضع فى صحن
يضاف الملح و الفلفل
القيمة الغذائية (بيضة واحدة)الدهون: 4.4 جرام
الكولسترول: 187 ملجرام
الصوديوم: 55 ملجرام
البوتاسيوم: 53 ملجرام
البروتين: 5.5 جرام
فيتامينات:
A: 279 mg.
B6: .1 mg.
B12: .4 mg.
calcium: 21 mg.
Magnesium: 4mg.
و بالهنا
مش احسن من وصفات رجاء؟ |
اولا ما وضحتى البيض نقطعو بالطول ولا بالعرض؟؟[دة سؤال من صاحبتى قاعدة حسة جنبى]
والله تراهو البيض ما هين ومظلوم كمان من تهم الكوليسترول و امراضه،،
حقيقي
نفطر بى وصفتك و نحلي بوصفات رجاء و هى قسمة ليست ضيزى
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: shammashi)
|
Quote: لنا
عليكي الله دا موقع وللا بيت عذابة
والله دا داخلية عديل ويمكن داخلية وادي سيدنا أحسن منو
ياخي دا ما فيهو أي حاجة.
كدي أمشي شوفي المواقع التانية |
شماشي
دة موقع اكلاتنا السودانية وما متوفرة فى موقع تانى
ضحكنى تعليقك جددددددا والله شفنا المواقع التانية وما بفتكر فى ثمة مقارنة وياهو اكلنا المن زمااااااااان معروفين بيهوولا مانع طبعا من الاستعانة بخبرات اخرى
تحياتى
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: مريم بنت الحسين)
|
Quote: لنا مهدي... انا زماااااااان علمتكم البيض بي الطماطم... بعد كده أفلست تماماً... غايته يا لنا.. انا بجرب في أهلي ديل.. يمكن رمضان الجاي على قول رجاء، نتأهل، لربع النهائي
الليلة فاطرين شنو؟
بنت الحسين |
لا يا مريوم لازم تجيبى الوصفة حقت البيض بالطماطم هناوطبعا هى ماركة مسجلة لسعادة الريس
ورمضان الجايي تتاهلو للنهائى كلو ما ربعو
قولى ااااامييييييين
الليلة فاطرين بيض مسلوق[ماركة مسجلة ندى على]ومحليين تفاح [ماركة مسجلة رجاء العباسي]
راجعى اعلاه
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
اهديكم الوصفة دي كنت قد كتبتها من قبل في المنبر على الرابط
بيــــــــتزا على الطريقة الفرانكلية
ارجو ان تعجبكم
_____________
من اكلاتي المفضلة جدا البيتزا خصوصا بالتونة الله الله اموت انا في التونةواحلى بيتزا هي التي اعملها بنفسي ولكل محبي البيتزا من العزابة وغير العزابة وكل الطلبة في الداخليات"الكهربا او الغاز المجان" اليكم الطريقة الفرانكلية لعمل البيتزا في نصف ساعة زمن فقط
اولا المقادير لصينية بيتزا لتلات بنات صغنونات اوولد واحد لهاط والبقية التي لا هذا ولاذاك حسب الجوعة
1. نصف كيلو دقيق
2. بصلة او اثنين حسب الحجم
3. فلفلية خضراء وصفراء وحمراء
4. ثوم
5. بقدونس جاف
6. فلفل اسود
7. ملح
8. معجون طماطم او عصير طماطم للصلصة
9. خميرة جافة او متلجة ما تفرق
10. جبنة رومية
11. شوية زيت زيتون
12. علبة تونة في زيت نباتي
التحضير
اولا لعمل الخميرة بسرعة نضع ماء دافي في كباية شاي صغيرة الى النصف ثم نضيف اليها الخميرة الجافة او المتلجة بعدها بطرف الملعقة خذ قليلا من السكر واضفه للخميرة ملاحظة يجب ان تكون الخميرة متناسبة مع نصف كيلو جرام من الدقيق اخيرا خذ بطرف الملعقة شوية دقيق واضفه للخميرة وخليها تخمر
الان شغل الفرن
في هذه الاثناء قم بتقطيع البصل اولا الى نصفين ثم بعدها الى انصاف حلقات رقيقة ثم الفلفلية الى مربعات صغيرة
اوكي نرجع للخميرة الان
حرك الخميرة بالملعقة قليلا ثم قم بإضافة شئ بسيط جدا منها للدقيق وخلي الخمير تاكل شوية في الدقيق بعدها قم باضافة باقي الخميرة للدقيق واضف القليل من الملح واعجن واعجن واعجن
غطي العجينة بقطعة قماش فوطة مثلا ودعها لمدة خمس دقائق اذا كان المكان اللذي تطبخ فيه دافئا والا زيد شوية كلما زادت البرودة
ترجع للتحضير
بالبشارة او الفرامة ابشر الجبنة الرومية ممكن برضو تقطعها شرائح رقيقة
تحضير الصلصة
هناك صلصتان باردة ومطبوخة
الباردة : اضف لمعجون الطماطم بعض الماء اما اذا كان عصير فنكتفي به فقط نضف القليل من البقدونس الجاف للخليط بالاضافة لقليل من الملح والفلفل الاسود واخلطهم جيدا مع بعض وختهم على جنب
المطبوخة : تقريبا مثلها الا اننا نضيف اولا قليل جدا من الزيت لعصير الطماطم ونطبخه تحت نار هادئة واول ما تبدى تبغبغ اضف الفلفل والملح والبقدونس وختهم على جنب
نرجع للعجينة
الان تلاحظ ان العجينة قامت شوية قم بالعجن مرة اخرى ثم اقسمها الى نصفين
افرد العجينة على طبقة رقيقة من الدقيق وافردة جيد على شكل دائري او مستطيل حسب الطلب
الفرن مسخن؟؟؟؟؟؟
ادهن صينية الفرن بالقليل من الزيت دهان فقط مش تغرقها بالزيت وافرد عليها العجينة بحرص بعدها قم بثني الاطراف او الحواف الى الاعلى قليلا
ضع القليل من الصلصة فوق العجينة المفرودة ودع الصلصة تغطيها تماما ثم قم بأضافة البصل اولا وزعه جيد على العجينة وبعدين الفلفلية ثلاثية الالوان وبعدها القليل من الجبنة ثم التونة واخيرا اضف الجبنة المبشورة على قمة ذلك كله وبزيت الزيتون رش الجبنة من فوق دا بيخلي الجبنة تدوب
انظر الساعة كم مضى من الوقت ؟
الان ضع الصينية في الفرن وبعد ربع ساعة اقول ليكم
بالهنـــــــــــــــــــــــــــــــا والشفـــــــــــــا
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
| Quote: وما عرفنا ندى امين اخبارها شنو مع ملاح الروب ما ظهرت من ساعتها |
كتر خيرك يالنا البتسألي مني
أنا كنت في ال emergency room
و ده كلو بسبب ملاح الروب
صدقي يا لنا ما عملتو لأنو قاعده أتعلم طريقة استعمال المفراكة ، صعبه شديد أتاريها أصعب من دريكسون العربية
صحي يا جماعة مش المفراكة و الدريكسون بدوا نفس الاحساس
مع انو حسه بعد بقيت أسوق شايفه الدريكسون أسهل من المفراكة
أما عن ندى علي العروس الجديدة فاللأسف سمعت انو خالد كودي رجعها بيت أبوها  و قال ما حيرجعها لو ما اتعلمت سواة الأكل أصلها غلبتو بالبيض المسلوق و البطاطس المسلوق
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: Nada Amin)
|
Quote: أنا كنت في ال emergency room
و ده كلو بسبب ملاح الروب
صدقي يا لنا ما عملتو لأنو قاعده أتعلم طريقة استعمال المفراكة ، صعبه شديد أتاريها أصعب من دريكسون العربية
صحي يا جماعة مش المفراكة و الدريكسون بدوا نفس الاحساس
مع انو حسه بعد بقيت أسوق شايفه الدريكسون أسهل من المفراكة |
ندى امين الحبيبة
بالغتى
ما سمعتى عن اختراع اسمو مضرب البيض؟؟؟؟
خاصة و انو ح يكون معطل مع عدم استخدامو كاومليت مع رواج وصفة ندو حقت البيض المسلوق
الواحد بيرضو بيطور آلياتو يا حبيبة
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
| Quote: أما عن ندى علي فاللأسف سمعت انو خالد كودي رجعها بيت أبوها و قال ما حيرجعها لو ما اتعلمت سواة الأكل أصلها غلبتو بالبيض المسلوق و البطاطس المسلوق |
says the woman who wrote
| Quote: صدقي يا لنا ما عملتو لأنو قاعده أتعلم طريقة استعمال المفراكة ، صعبه شديد أتاريها أصعب من دريكسون العربية |
لووووول يا ندى، مرّة زميلتى هنا فى الشغل كتبت لكودى محذرة باننى (ضمن اشياء اخرى) اطبخ مرة واحدة فى الشهر. انتى نسيتى انو خالد كودى متضامن جندرى؟
لنا معليش اتاخرت عليكى بالوصفة ، كان ممكن تستعملى باقى البيض المسلوق.
البطاطس المسلوق بالملح و الفلفل:
المقادير:
كيلو بطاطس (او حسب الحاجة) و يفضل البطاطس الصغيرة الحجم.
ماء
ملح
فلفل
زبد (يمكن الاستغناء عنها)
خضرة (مثلا بقدونس) - يمكن الاستغناء عنها
الطريقة:
تغسل البطاطس جيدا
توضع البطاطس فى الحلة مع الماء و تغلى حتى تنضج.
توضع البطاطس فى طبق - و تقطع الى اربع اذا كانت كبيرة الحجم.
يضاف الملح و الفلفل.
اختيارى:
تضاف و الزبدة و يرش بالبقدونس المقطع الى قطع صغيرة و يزين باوراق النعناع.
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
دي طوبة لحد ما أجي راجعة
بكم وصفة
يا فرانكلي
بيتزتك مبالغة
ملاحظة, انت لسة من زمن الخميرة البيفورها مع السكر؟
أقول ليك سر بينفع برضو مع العزابة او ما شابههم يعني (البنات الخايبات)
ممكن تشتري عجينة البيتزا من المخبز
يعني طازجة ومن يد محترف ومتجانسة
تدهنا بصوص وتجدع فيها الخضار وفوقهم الجبنة
وتعمل بيها اجدع بيتزا بدون تعب
لي اكتر من 20 سنة في الامارات اول مرة اعرف
انوا الشوام بيشتروها جاهزة كان من اسبوع
درهمين للكيلو
ويا ناس الامارات جربوها وادعوا لي
ندى أمين الجابها تتحاوم هنا شنو ؟
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: zola123)
|
Quote: أقول ليك سر بينفع برضو مع العزابة او ما شابههم يعني (البنات الخايبات)
ممكن تشتري عجينة البيتزا من المخبز
يعني طازجة ومن يد محترف ومتجانسة
تدهنا بصوص وتجدع فيها الخضار وفوقهم الجبنة
وتعمل بيها اجدع بيتزا بدون تعب
لي اكتر من 20 سنة في الامارات اول مرة اعرف
انوا الشوام بيشتروها جاهزة كان من اسبوع
درهمين للكيلو
ويا ناس الامارات جربوها وادعوا لي
|
زولا الحبيبة
3 درهم الكيلو هنا
تفتكرى نبلغ مباحث التموين؟؟؟
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
العزيزه لنو وضيوفها
*الفطور بكره وصفته على انا
حيكون خضار مشكل محروق ورز شايط وسلطه خضراء
*ندى امين انا تماضر ادتنى وصفه ملاح النعيميه وبقيت فيهو بارعه وعجبنى جدا
وسهل ويواكب الحياه الامريكيه السريعه
*فرانكلى وزوله بتعرفو الكلزونى
بى نفس الانقريدينس بتاعتك دى يافرانكلى حيكون جميل جدا
* انتو البورد دا مافيهو زول بيعرف يطبخ غير فرانكلى
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
الاستاذه لنا
شكرا للبوست والمواقع الجميله
نحن العزابه ديل برضوا استفدنا منها وربنا رييحنا من الفول والبيض
رغم انه ما شاء الله المطاعم السودانية بقت كتيره في دبي اكتر من مطاعم الشوام
دكتورنا العزيزة زوله 1 2 3
Quote: لي اكتر من 20 سنة في الامارات اول مرة اعرف
انوا الشوام بيشتروها جاهزة كان من اسبوع
درهمين للكيلو
ويا ناس الامارات جربوها وادعوا لي
|
شكرا للمعلومه لما تعملها بوريك طلعت كيف؟؟؟؟؟؟
| |
|
|
|
|
|
|
|
|
 مطلوب عروس لمحمد عبدالرحمن تجيد التقلية (Re: محمد عبدالرحمن)
|
محمد عبدالرحمن
خليتك اخر زول فى ردودى عشان كلامك الخطير دة
يا بورداب و يا بوردابيات
الحاضر يكلم الغايب
مطلوب عروس لمحمد عبدالرحمن تجيد التقلية كما تجيدها أمه-أمي- بتول بت خلف الله
من تأنس فى نفسها الكفاءة أو فى إحدى صويحباتها
عليها الاتصال بى
او بالعريس مباشرة توفيرا للوقت
مع استصحاب اوراق الاعتماد و هي عبارة عن فتح بوست خاص لصنع التقلية
وستكون هنالك لجنة فرز و تحكيم بين البوستات
مع خالص الشكر
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
الحبيبات لنا و رجاءالحنكوشة "بتاعة البرتقال بسلطة شنو كده ما عارفه المعسلة" و راوية و ايمان و زوله و الشباب المتجرسين زي ناس الفاتح و ناجي و محمد عبد الرحمن
اعلان مش حلو للأسف
لا أعتقد أن الله سوف يهون لي عمل ملاح الروب/النعيمية في رمضان ده و سوف أضعه ضمن قائمة" الطموحات المؤجلة"...آه و ما أكثرها. و أعتقد رمضان ده حأقضيه في محاولة تأهيل نفسي و تسخينات استعدادا لفرك ملاح النعيمية رمضان الجاي لو ربنا حيانا
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
هاااااااااااااااااااااااااا تشو....
ريحة الفلفل طالعة بره...
انا حا اكتب ليكم وصفة سلطة الكمشي (الكورية)...
أهم حاجة قبل ما تعملوا اى حاجة...تشتروا ليكم عدد 4 معجون اسنان و5 فرش اسنان بالجمبة كدا...
سلطة الكمشي صحية جداً وطفشّت مرض السارس (الحنكوش) من كوريا...
برضو هنا فى كوريا (الحلّة بصل)...
المقادير:
5 أو 6 كيلو بصل
3 أو 4 رطل توم
5 أو 2 قزازة مخلل
نشادر أو أى نكهة بتطرد الباعوض
الوصفة:
يضاف كل ما ذكر الى جك موية فاتر وتوضع فى برطمانية حجم متوسط (اصغر من أنبوب الغاز) واكبر من قزازة البيبسي (حجم عائلي).
تترك لمدة زمنية لا تتجاوز (التخميرة بتاعة الشربوت).
يرج القزاز جيداً قبل الاكل.
بالهناء والشفاء...
ملحوظة (يمكن أضافة القليل من الشطة الحمراء لنكهة أفضل)
-
يمكن تناول السلطة مع أى شئ آخر كالشطة الخضراء أو الرز (العيش هنا)...
تخريمة: موقعك الاول يا لنا أى طبيخ فيهو داير ليهو نص كيلو لحمة
انت عايزة تخربي بيتنا؟ ..أقصد صيامنا..
لك الودّ
أنور
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
دي أكلتي المفضلة
خفيفة وسهلة وسريعة التحضير
تقدم مع الأرز بالخضار, للتزين (عشان ما يكون لونه أبيض زي الكريما)
المابيعرفه يكلمني .........
دجاج بالمشروم والكريمة
المكونات:
صدور دجاج
بصلة كبيرة
2 فص ثوم
مشروم
فلفل أخضر(فليفلة)
علبتين كريما
مكعب مرقة دجاج
للتتبيل: ملح وفلفل (فقط)
زيت
-------------------------------
الطريقة:
- تقطع صدور الدجاج الى شرائح رقيقة أو مكعبات حسب الرغبة , ثم توضع في طاسة عريضة مع (قليل) من الزيت وترفع على النار مع التقليب المستمر حتى يصبح لونها ذهبيا.
- تضاف حلقات البصل الى الدجاج مع الاستمرار بالتقليب (ملاحظة: ضع الدجاج قبل البصل لانه يأخذ وقت أطول في السواء)
- تتم اضافة المشروم والفلفل الأخضر المقطعين الى شرائح
- قلب المكونات قليلا , وقم بتغطية الطاسة وتهدئة النار تحتها.
- ستخرج سوائل من المشروم ويتبدل لونه الى الداكن, هنا قم باضافة الملح والفلفل الأسود ومكعب مرقة الدجاج وفصين الثوم المدقوقين.
- عند نضج المكونات, قم باضافة الكريما مع التقليب المستمر حتى لا تتكتل, دعها على نفس النار الهادئة لدقائق فقط( سيتحول لون الكريما الى الذهبي)
- ترفع من على النار وتقدم مع الأرز
ملاحظة: كريما الطبخ تتوفر جاهزة في المحلات, ويكتب على العلبة بعض الاحيان بالعربي ( قشطة)
تشبه علب وقوام الزبادي مع اختلاف الطعم طبعا ( بدون حموضة )
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: zola123)
|
حبيبتنا: لنا
بالمناسبة أنا كل يوم حايم من بعيد لى بعيد ..
وكل ما ألقى نفسي قريب من البوست دا أقوم أعمل
نفسي الود مشغول خالص !!!!!
يعني بصراحةأنا( ود أمو!!!) عديل كدي لاني أحسن
أكلة ممكن أجيدها وأقلب فيها هوبة كمان هي سلق البيض ..
لا .. مش كدا وبس ....كمان أرش عليهو شوية شمار سوداني فايح ..
ومش كدا وبس .. أقوم بعد داك ـ وبمزاج كدا ـ أضيف ليهو جبناء بيضاء كمان .. ومن ثم آكلو حتى لو بدون رغيف ان شاء الله !!!!!!!!.
رأيك شنو يا لنا : شفتي أستاذك طباخ شاطر كيف ؟؟؟
الله يديك العافية .. ويسترنامع بوستك البجوع نص النهار دا !!!.
خضر عطا المنان
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: خضر عطا المنان)
|
Quote: يعني بصراحةأنا( ود أمو!!!) عديل كدي لاني أحسن
أكلة ممكن أجيدها وأقلب فيها هوبة كمان هي سلق البيض ..
لا .. مش كدا وبس ....كمان أرش عليهو شوية شمار سوداني فايح ..
ومش كدا وبس .. أقوم بعد داك ـ وبمزاج كدا ـ أضيف ليهو جبناء بيضاء كمان .. ومن ثم آكلو حتى لو بدون رغيف ان شاء الله !!!!!!!!.
|
أستاذى الكريم
وكمان موهبة جديدة
بس من فضلك
ممكن انت و ندى على تكوَنو حزب البيض المسلوق
وح تستقطبو ناس كتاااااااااااااااار
محبتى
| |
|
|
|
|
|
|
|
|
|
Re: موقع للأكلات السودانية للحبيبات فى الغربة بمناسبة الشهر الفضيل (Re: lana mahdi)
|
الأخت لنا
كل سنة وانتى طيبة
يعنى يا لنا نحن نقاتل من أجل التعامل مع المطبخ كالتعامل مع الريموت كونترول الخاص بالتلفزيون ، والمقصود أن يدخل المطبخ أى الزوجين دون تحديد لمن تكون مسئولية المطبخ تماماً كالتعامل مع الريموت والذى لايخص الزوجين وإنّما تمتد له يد من يحتاجه ..
بعد القتال ده كلّو يا لنا أجى القاك كاتبة بوست فى باب مطبخه لافتة كُتب عليها الدخول للنساء فقط !! إيدك معانا ..
كل الوُد
ــــــــــــــــــــــــــــــــــــــــــ
[email protected]
| |
|
|
|
|
|
|
| |
lana mahdi
nada ali
Raja
مريم بنت الحسين
Frankly
zola123
Rawia
alfatih
إيمان أحمد
محمد عبدالرحمن
omar_ragab
AnwarKing
خضر عطا المنان
لؤى
فيس بوك
تويتر
انستقرام
يوتيوب
بنتيريست