كلما اكتب بالكيبورد عربي أو إنجليزي تأتيني حروف و أرقام ما أنزل الله بها من سلطان مثال: ال*3د لل5 رب ال4ال3ي2 الجملة الفوق دي هي :الحمد لله رب العالمين سودا2ي.او2لاي2 ودي :سودانيز اونلاين. و هكذا دواليك..!!!!!!! رجاء مساعدتي على حل المشكلة لكم الشكر مقدماً
04-09-2007, 08:22 AM
عاطف عمر عاطف عمر
تاريخ التسجيل: 11-26-2004
مجموع المشاركات: 11152
سودانية الحبيبة اصلا ناوية و الله اول ما المشكلة تتحل اكلم بكري يشيلو الحقيقة ليها يومين الاشكالية دي و لمن خلااااااص احترت قلت انشد حلول هنا..الكم توصيف للمشكلة الكتبتيهم كلهم لا باستثناء الجن! محبتي
يا منى صديقتك دى الشيوخ بحبوها ومبروكه الخير جاها عديل لكن هى ضاربه طناش حسى لو وافقت على عرضى أنا بحل ليها المشكلة وبعود غانم رايك شنو؟ الشيخ البقارى ابو القاسم قور ولد حامد ولد الفقيه الشريف محمد ابوفاطمه
الأستاذة لنا تحية طيبة الضغط خمس مرات متتالية على مفتاح shift يؤدي لتشغيل ميزة ثبات المفاتيح. أضغطي على إعدادات setting لإلغاء تنشيط تركيبة مفاتيح خاصية ميزة ثبات المفاتيح
04-09-2007, 10:19 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
حسى يامنى زولتك دى اديناها بخره من جوهرة الكمال لشيخنا وسيدنا احمد التجانى العارف الربانى ( الكى بورد دور) طبعا هى ما حتصدق !! لكن المهم فى الأمر يامنى أنا عارفك انت مقتنعة بمقدراتى الميتافيزيقية عاوزك زى تقومى تفتح ليك بوست كارب انا بساعد فى حاجات كتيره يعنى فى المحبة و بجلب العريس وبفك البوره يعنى العريس بسرعة جدا (تاخ) يضرب معاك بس البياض يكون قوى بسيط برضو بفك عرق النساء و كمان عندى بخرات وعروق وأسماء للعقم بس يا منى الناس ما قادرة تصدقنى عاوزك تتبنى بوست كارب
04-10-2007, 04:59 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: لنا دي قايلانا بنهظر ساكت ابوالقاسم أخوي.. مادايره تعرف بميتافيزيقيه هستكونية الأحداث..خليها!
لنا..ادينا وجهة نظر وكيبوردك يتصلح..
Quote: حسى يامنى زولتك دى اديناها بخره من جوهرة الكمال لشيخنا وسيدنا احمد التجانى العارف الربانى ( الكى بورد دور) طبعا هى ما حتصدق !! لكن المهم فى الأمر يامنى أنا عارفك انت مقتنعة بمقدراتى الميتافيزيقية عاوزك زى تقومى تفتح ليك بوست كارب انا بساعد فى حاجات كتيره يعنى فى المحبة و بجلب العريس وبفك البوره يعنى العريس بسرعة جدا (تاخ) يضرب معاك بس البياض يكون قوى بسيط برضو بفك عرق النساء و كمان عندى بخرات وعروق وأسماء للعقم بس يا منى الناس ما قادرة تصدقنى عاوزك تتبنى بوست كارب
منى الغالية و الدكتور:هو بكري لسة ما لحق البوست دة الزينين؟ طيب سمح غايتو مقدرات شيخنا الدكتور قور المذهلة يا منى تستاهل بوست كااااااااارب
04-09-2007, 09:47 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
Quote: كلما اكتب بالكيبورد عربي أو إنجليزي تأتيني حروف و أرقام ما أنزل الله بها من سلطان مثال: ال*3د لل5 رب ال4ال3ي2 الجملة الفوق دي هي :الحمد لله رب العالمين سودا2ي.او2لاي2 ودي :سودانيز اونلاين. و هكذا دواليك..!!!!!!! رجاء مساعدتي على حل المشكلة لكم الشكر مقدماً
لنا سلامات عندي صديق مهندس كمبيوتر مشيت أسأله عن المشكلة دي تدخلت زوجته (طبيبة أطفال/قسم تخاطب) من غير ما تفهم السؤال بتقول ليكي "مسألة اللجنة دي حالة شائعة عند الأطفال في السن دي لكن أول ما يدخل المدرسة حا يتخلص منها" وبتقول ليك كمان حاولوا إتكلموا معاهو كتير عشان يتعود على مخارج الحروف.
04-09-2007, 10:07 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
المحترمة دوما لنا عندك في اليسار جمب زر ( Ctrl ) تلقي زر بلون مختلف اسمه ( fu ) اضغطي عليهو بعدين اطلعي فوق في اليمين تلقي زر اسمه ( Num Lock ) جمبو لمبه مولعه اضغطي عليهو برضو اللمبة بتطفي طوالي بعدها جربي وانشاء الله بتلقي الكيبورد اشتغل زي الورد
ملحوظة : زر ( Num Lock ) تختلف تسميته ووضع اللمبة من شركة لي شركة المهم بتلقي فوق يمين ولمبه يا يمينة او يسارة او تحته
04-09-2007, 10:21 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
خالد علاقتي رجعت ودية بكمبيوتري..عقبالك دكتور أبوالقاسم ياربي دي بخراتك ولا حل الأمين؟ منى الغالية دي لغة سنسكريتية اجارك الله بس خلاص رجعنا للاصل عبده اتعلمت غايتو طريقة لتعسم الكيبورد لكن والله مفيدة في حاجات أخرى أشرف كيبورد ألجن و الله كان عادل عملت بي نصيحتك فشكري الجزيل الأمين اكتشفت السبب هو القلتا عليهو الكابس لوك(طبعا كمبيوتري ما فيهو لمبة لذلك لمن ضغطت بالغلط ما عرفت اني ضغطت على الخاصية) وفوق كل ذي علم عليم بكري ودي البوست ما وراء الشمس عشان الباندوث ومحبتي لكم كلكم لنا
Quote: الأمين اكتشفت السبب هو القلتا عليهو الكابس لوك(طبعا كمبيوتري ما فيهو لمبة لذلك لمن ضغطت بالغلط ما عرفت اني ضغطت على الخاصية) وفوق كل ذي علم عليم بكري ودي البوست ما وراء الشمس عشان الباندوث
دقيقة يا لنا حق التصليح واذا الباندوث ذاتو خرب نصلحو
Quote: Quote: الأمين اكتشفت السبب هو القلتا عليهو الكابس لوك(طبعا كمبيوتري ما فيهو لمبة لذلك لمن ضغطت بالغلط ما عرفت اني ضغطت على الخاصية) وفوق كل ذي علم عليم بكري ودي البوست ما وراء الشمس عشان الباندوث
دقيقة يا لنا حق التصليح واذا الباندوث ذاتو خرب نصلحو
أنا الأسبوع الفات عمل زيك كده.. لكني اتذكرت دست على حاجة قبل ما يحصل كده.. وبعد معافرة وبهدلة تكنولوجية.. لجأت للحيلة رقم (1) في أي جهاز تكنولوجي وهي تقفلي الجهاز تماما.. وتعيدي فتحه، حكمته بالغة ، براهو بيعدل روحه .. ودي رحمة ربك بعباده الفقرا التكنولوجيين الزينا كده ..
ودي
04-09-2007, 03:05 PM
Abuelgassim Gor Abuelgassim Gor
تاريخ التسجيل: 10-28-2006
مجموع المشاركات: 4630
يا رجا والله من صورتك دى انت فيك شيئ من أهلنا الخدام وهم عفاريت صغار بيساعدوا الجن الكبير يعنى عندك قوة ميتافيزيقية تكنلوجية you have some syber power Peace, Uncle Gor أخصائى تكنلوجى سبرنى ميتافيزيقى
04-09-2007, 03:21 PM
Raja Raja
تاريخ التسجيل: 05-19-2002
مجموع المشاركات: 16054
معتصم أخوي الحبيب طبعاً لي يومين المشكلة تجددت ونسيت المرة الأولى إتحلت كيف (زهايمر و كدة) وضربتا أخماس في أسداس لغاية ما نكتتا البوست دة من ما وراء الشمس اللهم جنبنا شماتة الشيخ قور و الشيخة منى آميييييييييييييييييييييين مش الحمد لله بكري ما شالو زي ما طلبتا منو؟ بالله كل ما ول يلقى البوست دة غتس يديهو دفرة لأنو باين الكُبُر حصل و مباديء الزهايمر هلت! شيخ قور الزهايمر ما ليهو حل ولا شيخة منو ما عندك؟؟
05-04-2007, 08:10 PM
jini jini
تاريخ التسجيل: 02-04-2002
مجموع المشاركات: 30720
لنا بس نصيحة ليك كمبيوترك التمتام ده ما تقومى تكتبى بيه طبق الاسبوع لى واحدة غشيمة تسالك عن عمل طبق تقومى تسممى ليك زول..... وحاتك نحن الكيش ديل بس طريقة رجاء دى..اقفل افتح تسلم،،،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
lana mahdi
عاطف عمر
ويجن زاتو 
Abuelgassim Gor
Muna Khugali
Ashraf el-Halabi
Adil Osman
Raja
، براهو بيعدل روحه
معتصم دفع الله
jini
kamalabas
صديق الموج
فيس بوك
تويتر
انستقرام
يوتيوب
بنتيريست