[qb] رمضان كريم كلما أتى رمضان أتذكر الغربة وأتذكر السودان وأتذكر إخوة لي في المهاجر بدون أهلهم ترى كيف يفطرون؟ ورمضان مطبخه مميز و مختلف يللا يا تيسير عووضة ضايري كمونيتك و يا دكتور محمد حسن ضاير خدرتك ال(ميد إن تايوان) ديك وياراوية منتظراك باللقمة و ملاح النعيمية الشاطرة فيهو داك ويلاكم يا حبايب نقبل على الآبريهات و الحلومر و الغباشة و الملحات و المفروكات و البلايل واللقم والقراريص والحلويات وهلم جرات يلا يا حبايب كل زول يجيب بصلته الناشفة والدخن و مستلزمات التقلية والنعيمية و ملاح الروب الأبيض و الكسرة الستان و البلح الناشف نص و مبلول نص و اللوبة عدس ورمضان كريــــــــــــــــــم [/qb]
09-04-2007, 11:49 AM
الصادق خليفة الصادق خليفة
تاريخ التسجيل: 12-13-2003
مجموع المشاركات: 2351
اول حاجة طولنا منك يا بت مهدي سلام كتييييييييييير بعدين الجماعة امس رسلوني جبت ليهم لحم العجالي لزوم الشرموط وكده جيتهم راجع البيت لقيت اللحمة مفرومة و واضعنها عشان تنشف قلت ليهم حليل زمن الشرموط البيعلقوه في الحبل عشان ينشف وبعدين بقوه في الفندك (ما عارف كلامي دي مفهوم ليك ولا عاوز ترجمه:
بليلة الكبكبي
المقادير 2 كبايةشاي كبير يغسل جيداً يبل بالماء لمدة 5 ساعات بعد ذلك يضع على نار هادئة لمدة ساعة يقدم دافي عند الفطور .
09-04-2007, 12:15 PM
ريهان الريح الشاذلي ريهان الريح الشاذلي
تاريخ التسجيل: 02-22-2005
مجموع المشاركات: 2178
Quote: اول حاجة طولنا منك يا بت مهدي سلام كتييييييييييير
الصادق مشتاقين يا حبيب
Quote: بعدين الجماعة امس رسلوني جبت ليهم لحم العجالي لزوم الشرموط وكده جيتهم راجع البيت لقيت اللحمة مفرومة و واضعنها عشان تنشف قلت ليهم حليل زمن الشرموط البيعلقوه في الحبل عشان ينشف وبعدين بقوه في الفندك
وإنتا بس مراسيل ساكت؟وكمان جايي تتفلهم عليهم
Quote: (ما عارف كلامي دي مفهوم ليك ولا عاوز ترجمه:
آي ما أنا السودان دة قاعدة أمر بيهو ترانزيت بس
Quote: بليلة الكبكبي
المقادير 2 كبايةشاي كبير يغسل جيداً يبل بالماء لمدة 5 ساعات بعد ذلك يضع على نار هادئة لمدة ساعة يقدم دافي عند الفطور .
إتخيل:معاهم حق يخلوك بس للمراسيل و يمنعوك منعاً باتاً من دخول المطبخ طالما نسيت الملح لمن سويت بليلة الكبكبيك والعجب بليلة الكبكبيك دي نحمصها ساكت كدي في الحلة؟ما بيختو ليها موية و لا أي شي؟؟؟ الله يجيب وراق و الضحك يكتلني
09-04-2007, 12:37 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
رمضان الفات كان في نيالا.. وكان عندنا طباخة الله يخليها ويبارك في أولادها.. كانت بتعمل لينا البنطلبو.. للأسف العصيدة والملاح كانو ضيوف خجلانين في سفرتنا. لأننا كنا 2 سودانيين. وبصراحة خذلتا زميلي خالد لأني ليس من مريدي العصيدة واللذي منه. لكن نجح خالد في فرض قوة العصيدة وساعده جيراننا الكرام الكانو كل مغرب بيرسلو لينا ألوان من الملاحات و....... الطعمية.. رمضان ده أول مرة احس بأني (عزابية). لأني برااااااي زي القرد .. غايتو إلا امشي انحًل (حلوة أنحًل دي لأني إتعملتها جديد بعد ضهب ).. لكني ناوية أعمل مفاجاة لي روحي دي وأرتب فطوراتي بمزااااج في بيتي. ده لو ما البلية لعبت وقمت كده عزمت الصديقات الموجودات يوم عزومة كااااربة .. وبالمناسبة دي طبعا غادة نوري بعد شفائها بإذن الله لازم تضوق من أيدي.. ومن هسع العمود حيجهز..
طبعا الفصاحة دي كلها وما عندي لا حلو مر ولا ويكة ولا شطة ولا شرموط ولا التكتحني..
لكن أكيد رمضان المرة دي غير.. وكدي النشوف ممكن يتصام بدون حلو مر ولا لأ ..
مرة تانية.. رمضان كريم عليكم وعلى كل الأحباب
09-06-2007, 06:40 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: رمضان الفات كان في نيالا.. وكان عندنا طباخة الله يخليها ويبارك في أولادها.. كانت بتعمل لينا البنطلبو.. للأسف العصيدة والملاح كانو ضيوف خجلانين في سفرتنا. لأننا كنا 2 سودانيين. وبصراحة خذلتا زميلي خالد لأني ليس من مريدي العصيدة واللذي منه. لكن نجح خالد في فرض قوة العصيدة وساعده جيراننا الكرام الكانو كل مغرب بيرسلو لينا ألوان من الملاحات و....... الطعمية..
عافية منو القدر يفرض حاجة عليكي..يا متمردة
Quote: رمضان ده أول مرة احس بأني (عزابية). لأني برااااااي زي القرد .. غايتو إلا امشي انحًل (حلوة أنحًل دي لأني إتعملتها جديد بعد ضهب ).. لكني ناوية أعمل مفاجاة لي روحي دي وأرتب فطوراتي بمزااااج في بيتي. ده لو ما البلية لعبت وقمت كده عزمت الصديقات الموجودات يوم عزومة كااااربة .. وبالمناسبة دي طبعا غادة نوري بعد شفائها بإذن الله لازم تضوق من أيدي.. ومن هسع العمود حيجهز..
شوفي يا رجو لحدوت تجهزي فطورك أنحنا معاكي لكن، المائدة الكاربة لآخرين نظراً لانعدام ظروف تنشئتها كما سيتبين من كلامك الحأجيبو أدناه فأرجوكي أصرفي نظر
Quote: طبعا الفصاحة دي كلها وما عندي لا حلو مر ولا ويكة ولا شطة ولا شرموط ولا التكتحني..
يا سلاااااااام الحقيقة كنت اتمنى أكون موجودة و آكل تقلية أماني بلقمة أمنيات و أشرب حلو مر تمنّي و أقزقز ببليلة منى غادة نوري إنتي في فترة نقاهة..أرفضي أي عزومة مشبوهة عوامل قيامها منتفية(555 وجه باسم) رجو خليكي في النحل بس
Quote: لكن أكيد رمضان المرة دي غير.. وكدي النشوف ممكن يتصام بدون حلو مر ولا لأ ..
بالله شوفو الحالة الصعبة دي..بنرسل ليكي آبري ياخي
09-04-2007, 01:04 PM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: لنا.. جيت من السودان كزبرتي ما مرقتها من الشنط لسه.. بجي اكتب ليكم كم وصفة هنا..
بنت الحسين
الحبيبة مريوم والله فرحتا لي رجعتك من السودان أول شي لأنو جبتي لينا معاكي الكسبرة و الكلكاب وثانياً لأننا حنشوفك بي جاي كتير يللا فكفكي الشنط و رسلي حاجاتي بالدي إتش إل
09-04-2007, 03:22 PM
Rawia Rawia
تاريخ التسجيل: 11-23-2002
مجموع المشاركات: 8396
العزيزة لنا والمشاركين والجميع كل سنة وانتو طيبين وتصوموا وتفطروا على خير فكرة البوست دي عجبتني وباين حأكون مرابطة هنا طوالي، زمان كنت مع الصيام والجوعة والعطشة الحارة ديك بجيب المجلات وافتح صفحات الطبخ والوصفات ولما انتهي من القراية ومشاهدة الصور بحس اني شبعت اها حسي حأبدل المجلات دي بي بوستك دة بالله كترو الاصناف وما تنسو التحلية ورمضان باين عليه السنة دي حار شوية زيدوا طرقات الحلومر......... تسلمي ويسلم قلمك
Quote: العزيزة لنا والمشاركين والجميع كل سنة وانتو طيبين وتصوموا وتفطروا على خير فكرة البوست دي عجبتني وباين حأكون مرابطة هنا طوالي، زمان كنت مع الصيام والجوعة والعطشة الحارة ديك بجيب المجلات وافتح صفحات الطبخ والوصفات ولما انتهي من القراية ومشاهدة الصور بحس اني شبعت اها حسي حأبدل المجلات دي بي بوستك دة بالله كترو الاصناف وما تنسو التحلية ورمضان باين عليه السنة دي حار شوية زيدوا طرقات الحلومر......... تسلمي ويسلم قلمك
شَيْماء
الحبيبة شيماء ألف مرحب بيك بين أخواتك و أخوانك هنا رمضان كريم تصومو و تفطرو على خير شكلك بتحبي الحلويات عشان كدة أرشح ليكي القطايف انا ما بحب القطايف جاهزة بحب اعملها في البيت لاكين كمان ما بحبها لدرجة إني أعملها من مرحلة العجين لكن بجيب قطايف نية ما محشية بعمل خلطة من فول وداني دراش، جوز هند، زبيب دائرة عليهو السحانة نصف دورة(يعني "كر" بس عشان ما يتهرد )، سكر و يفضل السكر الما ناعم شديد تحشى القطائف بالخطلة الفوق دية تحمر في الزيت ونصب عليها الشربات بشرط يا القطايف تكون حارة و الشربات بارد أو العكس ما بنفعو الإتنين يكونو حارين او باردين وبالهنا و الشفا
09-13-2007, 10:02 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
أخي الحبيب دكتور مصطفى أنا الشيفات ديل محيرني شديد مشو وين البنات؟؟؟ أها داب ما يجوك ملاح الروب البيج(دة عشان التومات و صبا) المقادير 3 كوب روب أو زبادي 1 كوب ماء بصلة متوسطة ملح و فلفل حسب الرغبة 3 ملعقة طعام دقيق ذرات ويكة سمن لتزيين الوجه الطريقة يضاف الماء إلى الروب أو الزبادي و يضرب جيداً بمضرب البيض تقشر البصلة و تضاف سالمةلخليط الروب و الماء تترك لتغلي مع المزيج عندما يتشبع الروب برائحة البصلة المسلوقة معه و يصر وجهه قليلاً تسحب البصلة و يترك الروب وحيداً يضاف الدقيق و يضرب بسرعة حتى لا يتدردم نغلق النار نضيف ذرات الويكة و الملح و الفلفل عند التقديم تضاف السمنة السايحة و يؤكل مع اللقمة ووحياتك بالرغيف و ان شاء الله بدون اي شي لذيذ و اسأل بنت الحسين الدست كزبرتها
09-13-2007, 10:22 AM
د.محمد حسن د.محمد حسن
تاريخ التسجيل: 09-05-2006
مجموع المشاركات: 15194
وبستفيد كتير من بوستك دا, .......................................................... الله يتقبل منكم
قبيل لو كنتو قريبين كا ننعزم عندكم , أهي كلها 30 يوم ....
أحمـد
ياخي لو ماشالتكم الأرض نشيلكم في راسنا ياريت لو جنبنا القراصة سر نجاحها يا حبيب إنو تتعجن بموية دافية و يكون معاها بيكينج باودر و خميرة فورية سوا بس الخميرة مقدارها يكون ثلث مقدار البيكنج باودر ويكون قوام العجين سايل أكتر من كونه جامد وتتغطى القراصة ساعة النجاض عشان تعرق
09-13-2007, 11:38 AM
محمد مكى محمد محمد مكى محمد
تاريخ التسجيل: 10-13-2006
مجموع المشاركات: 4082
سلام كل المتداخلين و رمضان كريم لنا يا ست المطبخ / أو التكل كيفما أتفق ... أنا ما من الشرائح المدعوة للقراءة أنا من شريحة الأغلبية لكن أنا الوحيد فيهم العندي شجاعة بطنية ، عفواً أدبية أنا خاشي البوست ده أشان أشان أقنع روحي إني قاعد آكل و أتخيل كده لحدي المغرب يجي ولو ساعدتينا كمان بصور الأكلات في شكلها النهائي تكوني ما قصرتي الله يستر ما يلقوني عاضي الكيبورد
09-13-2007, 03:44 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 27703
حيدر أخي الحبيب أريتو يا يابا مطبخ هند مطبخ السرور بالله لو في حلقات تانية جيبها لينا و ألف شكر مقدماً و رمضان كريم جعلك الله من عتقاء الشهر الفضيل -- يا حمد بدل الاحتجاج تعال شوف كيكة الجبن و الخضار دي الفي حلقة هند و فيديو حيدر مرشحاها ليك لفطور الليلة
09-15-2007, 10:01 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: سلام كل المتداخلين و رمضان كريم لنا يا ست المطبخ / أو التكل كيفما أتفق ... أنا ما من الشرائح المدعوة للقراءة أنا من شريحة الأغلبية لكن أنا الوحيد فيهم العندي شجاعة بطنية ، عفواً أدبية أنا خاشي البوست ده أشان أشان أقنع روحي إني قاعد آكل و أتخيل كده لحدي المغرب يجي ولو ساعدتينا كمان بصور الأكلات في شكلها النهائي تكوني ما قصرتي الله يستر ما يلقوني عاضي الكيبورد
وأنت طيب و بخير و سلام أخي الحبيب أمين لي حسة ما هزينا الكانون سمح يعني شيماء بدت بالحلويات وأحمد الشايقي القراصة أها و وصفة ملاح الروب من أختك لبنات د. محمد حسن جايين لقصص النعيمية والتقلية و الذي منو بالصور رمضان كريم
09-14-2007, 11:50 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
ما فهمت عندنا عدة احجام من اكواب الزبادى, ياريت تحددى بالملليتر.... تحياتى
كباية الشب يا حبيب محمد المكي او ال Mug في إطار العصر يكون حجم متوسط 6 من فناجيل الشاي حق الصباح لاكين قصة الملليلتر دي ما بعرفها..بالتقدير كدي زمان في الأدفنتست درسونا في حصص التدبير أن الكوب المتوسط =220 مل على ذمتهم يا حبيب ..........
Quote: عندى جماعة حاتمرن فيهم رمضان دة..منهم والى الدين الفكى
الله معاهو قول ليهو لنا قالت ليك الخرطوم في رمضان السنة دي طراوة و رشاش مطر و نسيم فواح فسيب ايرلندا و أرجع بسرعة
09-15-2007, 10:23 AM
حمد فتح الرحمن حمد فتح الرحمن
تاريخ التسجيل: 06-01-2005
مجموع المشاركات: 1996
شنو يا لنا حنقعد 30 يوم ديل بي ملاح الروب بتاعك دا و لا ايه السنة الفاتت عبير خيري فتحت بوست زي دا بقينا كل يوم مساسقين و راجين الاكل بعد شوية خشو باقي النسوان و قلبوا البوست قطيعة ساكت . رمضانا كلو قضينة بي نفس ملاح الروب بتاعك دا زايد كتر خيرو واحد عمل لينا سلطة دكوة .
تجو تختو لينا اكل زي الناس ولا عندي وصفة تركين جاهزة اجي الصقا ليكم هنا و اليحصل يحصل .
09-15-2007, 10:42 AM
Shayma Shayma
تاريخ التسجيل: 09-09-2007
مجموع المشاركات: 501
أها يا لنا عشان الاخ حمد فتح الرحمن ما يزعل دة بروست زيييييي بتاع المطاعم اتعلمته من واحدة مصرية بعد تقطيع الدجاج قطع صغيرة اضربي بيضة + ملح وفلفل وتوم ..الخ من البهارات تدخل كل قطعة من الدجاج في البيض ثم في دقيق (او بقسماط طبعا) ثم في البيض تاني ثم في الدقيق تاني اقفليه في اناء ساعتين تقريبا اشتري أصغر حلة ضغط ممكنة (خليها مخصوص للموضوع دة) وصبي فها زيت للنص او اكتر شوية (طبعا عرفتو لييه حلة صغيرة) سخني الزيت ضعي قطع الدجاج واقفلي ونزلي النار للآخر لمدة تلت ساعة
ولااااااااااااااااااااااا هيرفي
09-20-2007, 08:51 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
غايتو يا شسماء-شيماء لنا مهدي رمضان دة آخر طشاش دكتور محمد اقول ليهو دكتور مصطفى و انتي شسماء غايتو المهم يا شيماء الكلام موجه ليكي ..حرسناكي البيت فوق كم؟يمشو اخياتك العزابة يجيبو أكل جاهز وللا شنو؟؟ الغريبة عنوان المنبر بقى المدخل لأرشيف الربع الثالث وبرضو البوستات فيها خاصية الرد يكون دة برضه من رمضان يا الله؟؟
09-20-2007, 09:36 AM
Shayma Shayma
تاريخ التسجيل: 09-09-2007
مجموع المشاركات: 501
Quote: الغريبة عنوان المنبر بقى المدخل لأرشيف الربع الثالث وبرضو البوستات فيها خاصية الرد يكون دة برضه من رمضان يا الله؟؟
لنّوية غايتو اتخيل لي رمضان داخل عليك دخلة عدوك واظننا( كان ما انا برلومة وفي حاجات لسة فايتة علي) انحنا داخلين على الربع الرابع ما التالت مش دي آخر 3 شهور في السنة؟ ولا انا غلطانة
09-20-2007, 09:54 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: الغريبة عنوان المنبر بقى المدخل لأرشيف الربع الثالث وبرضو البوستات فيها خاصية الرد يكون دة برضه من رمضان يا الله؟؟
لنّوية غايتو اتخيل لي رمضان داخل عليك دخلة عدوك واظننا( كان ما انا برلومة وفي حاجات لسة فايتة علي) انحنا داخلين على الربع الرابع ما التالت مش دي آخر 3 شهور في السنة؟ ولا انا غلطانة
شيماء العسل رمضان كريم اها رمضان منو الدخل العضم؟ أنا بتكلم عن المنبر دة اللي اتأرشف و بقى عنوانه مدخل لأرشيف الربع الثالث.. الله يدققك يا المدفع يا بقية المداخلين أنا كل ما أجي أرد عليكم الآنسة اللطيفة دي تقاطعني أها يتأرشف المنبر دة و ما أقدر أرد عليكم معناتها تفطرو شوربة و قطايف برضو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
lana mahdi
الصادق خليفة
ريهان الريح الشاذلي
مريم بنت الحسين
Raja
.. غايتو إلا امشي انحًل (حلوة أنحًل دي لأني إتعملتها جديد بعد ضهب
.. وبالمناسبة دي طبعا غادة نوري بعد شفائها بإذن الله لازم تضوق من أيدي.. ومن هسع العمود حيجهز..
..
Rawia
د.محمد حسن
Shayma
طارق جبريل
أحمد الشايقي
محمد مكى محمد
حيدر حسن ميرغني
حمد فتح الرحمن
فيس بوك
تويتر
انستقرام
يوتيوب
بنتيريست