وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-05-2016, 08:42 AM الصفحة الرئيسية

مكتبة الشاعرة لنا مهدى(lana mahdi)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

تزوج بسرعة و اندم على مهلك!!!!

02-14-2004, 06:14 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
تزوج بسرعة و اندم على مهلك!!!!

    الاحباب البورداب
    اليوم عيد الحب و افضل تسميته عيد المحبة و ليس الحب بمعناه المحصور بين شخصين فقط بل محبة جامعة لكل البشر يضوع شذاها و تجعلنا نحس اكثر و اكثر بانسانيتنا و جدوى وجودنا على ظهر هذه البسيطة
    ولكن نظرة ايضا للحب الذى يحتفل الجميع اليوم بعيده على انه الاساس و الوسيلة لبناء العش السعيد الذى هو الغاية من هذا الحب و اهم اسسه و الياته و عمده حتى لا تصدق مقولة احبها جدا و هى
    تزوج بسرعة و اندم على مهلك
    تزوج بتؤدة على اساس متين من المحبة و الاحترام و التفاهم و اجعل علاقتك بالشريك علاقة صداقة و ليس علاقة تقليدية لزوج بزوجته او العكس
    تزوج بتؤدة و اجن ثمار هذا الزواج سعادة متصلة
    ولا تتزوج ابدا بسرعة كي لا تندم على مهلك
    اعجبنى جدا المقال التالى اخترته لتشاركونى اياه من موقع شفا اونلاين و لكم محبتى
    لنا
    ______________________________


    دبلوماسية الزواج السعيد


    يكاد تعبير " لا يوجد تفاهم بيننا ، يكون القاسم المشترك الأعظم في وصف نسبة كبيرة من الخلافات ، وهو تعبير فضفاض يحتمل أكثر من معنى وأكثر من تأويل على أنه بالنسبة لمعظم النساء فإن هذا التعبير له معنى واحد وهو : أن زوجي لا يستمع إلى أنه يتجاهل تعليقاتي .. حين أتحدث إليه أشعر بأنني أتحدث إلى جدار ،

    فكيف تجعلين هذا الجدار يصفي إليك بكل حواسه والأهم كيف تجعلين صفة الإصغاء تصبح عادة لديه ؟

    إن 69 بالمائة من المشكلات الزوجية كلها لا يمكن حلها إلى الأبد .. فهي مشكلات دائمة ومستمرة سببها الفروقات الأساسية في تركيبة الشخصية لكل من الزوجين. هذا ما يؤكده عالم النفس الأمريكي جون جونمان في دراسته الصادرة حديثا بعنوان : لماذا تنجح الزيجات أو تفشل ، وكيف تجعل زواجك يدوم ، ويدلل جوتمان على رأيه هذا بالقول أن معظم الأزواج يتحدثون ويتجادلون في الأمور والقضايا ذاتها طوال سنوات.
    لكن هل هذه الإحصائية المقلقة تعني بأن أحلام الحصول على حياة زوجية سعيدة ومستقرة قد تبخرت في الهواء.
    كلا : فلقد توصلت دراسة جوتمان المثيرة أيضا التي أجراها في جامعة واشنطن وشملت 130 من الأزواج إلى نتيجة إيجابية مفادها أن الطريقة التي تتعامل بها مع المشكلات ذاتها ، ووفقا لدراسة جوتمان فإن تعلم التحدث إلى بعضنا البعض بحب ومودة ، حتى في أكبر الموضوعات حدة ، يشكل الطريقة المثلى في حل المشكلات والخلافات كما توصل جوتمان إلى أفضل مرحلة أو لحظة في الزواج الناجح تأتي حين يكون الزوج متفتحا عاطفيا فالنقطة الأساسية هنا هي مقدرته على أن يصغي إليك كزوجته ويتقبل نفوذك أو تأثيرك.

    لكن ما نوع التأثير الذي نتحدث عنه هنا ؟

    يقول جوتمان أنه ليس ذلك التأثير الذي يأتي من طبيب معالج مختص كما أنه بالتأكيد ليس ذاك النوع الذي يصدر عن شريك حياة مسيطر ومهمين أنه التأثير الذي تألف من اقتراحات ودودة ـ ليست غذائية ـ صادرة عنك عن حب حقيقي.

    لكن هل وظيفتك كزوجة تتلخص فقط في تلمس الخلافات الزوجية ومواجهتها ؟

    بالطبع لا .. لكن جوتمان يشير إلى أن الإحصائيات تظهر بأنه في 80% من الحالات فإن الزوجة هي التي تحدد القضايا موضع الخلاف وأنها هي التي تبادر إلى النقاش والحوار بغية حل المشكلة كما وتقدم تسويات والنتيجة التي تؤول إليها هذه الحوارات والنقاشات تعتمد في العادة على الطريقة التي تتعاملين بها مع موضوع أو قضية إشكالية فكيف تقومين بذلك أي كيف تقنعين زوجك بأن يستمع إلى ما تقولينه.
    قبل أن تخوضا نقاشا صريحا .. هادئا وعقلانيا معا يتعين عليكما أن تكونا صديقين قبل أن تكونا زوجين فبناء أساسي قائم على الود والحب والثقة الموجودة عادة بين الأصدقاء يمهد أمام إصغاء أفضل في الأوقات العصيبة وحين تقول زوجين صديقين نقصد بذلك زوجين يعرفان بعضهما حق المعرفة أو لديهما الرغبة ـ على الأقل ـ في اكتشاف كل منهما للأخر .. إليك عزيزتي بعض النقاط التي قد تضيء طريقك نحو هذه المعرفة.
    خرائط حب !
    إن الزوجين اللذين تجمعهما علاقة حب قوية يعرف كل منهما موقع أمال وأحلام وتطلعات شريك حياته كما يعرف الأشياء التي تخيفه أو تقلقه ، ويعرف ماضي شريك حياته والأشياء التي صادفها عن بناء شخصيته أو شخصيتها .. تراه يأخذ وقتا في اكتشاف تلك الأشياء الخاصة بشريك العمر والكامنة في جزء عميق من شخصيته .. ثم يرسم خرائط دقيقة لهذه الأشياء لكي يصل من خلالها إلى الحبيب دون مشكلات تذكر فهل عزيزتي خريطة واضحة لزوجك أجيبي عن الأسئلة التالية بوضوح وأمانة إذا وجدت أنك لا تملكين إجابات على بعضها ابدئي من الآن بالبحث عن الإجابات كي تكتمل خريطة الحب.
    وهي تشمل الإجابة عن الأسئلة التالية :

    ما هو أكثر شيء يسبب القلق لشريك حياتك حاليا ؟
    ما هو حلم حياة زوجك ؟
    من هو أكثر شخص من أقاربه لا يكن له ودا ولماذا ؟
    ما الذي يثير جنون زوجك وعصبيته ؟
    ما هي طبيعة مكان عمله ؟ ومن هم أصدقاؤه هناك ؟

    يعرف الجميع أنه من الضروري وجود اتصال أو تواصل منتظم بين الزوجين ، وهو أمر قد يبدو صعبا في ظل الزيجات العصرية التي يكون فيها الزوجان عاملين فما الحل يقترح جوتمان بأنه عليك اتباع خطته المعروفة باسم برنامج الساعات الخمس السحري الأسبوعي بحيث تجدين 20 دقيقة هنا أو 40 دقيقة هناك للتوقف واللقاء الفاعل معا فحين تفترقان من الصباح مثلا تأكدا على الأقل من شيء واحد سوف يقوم به كل منكما ذاك اليوم وفي المساء تحدث عن حدث واحد فقط على الأقل وقع بينكما.



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2004, 02:15 AM

Ehab Eltayeb
<aEhab Eltayeb
تاريخ التسجيل: 11-25-2003
مجموع المشاركات: 2849

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    Quote: تزوج بسرعة و اندم على مهلك

    الاخت لنا:
    التحية لك بيوم الفلنتاين.
    وشكرا علي الموضوع.
    دمتى...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-15-2004, 02:27 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    اخى الحبيب ايهاب
    علق لى احد الخبثاء قائلا
    يا لنا يا اختى ان كانت المقولة تزوج بسرعة و اندم على مهلك حقيقية فالاكثر صدقا تزوج على مهلك و اندم بسرعة
    صاحبنا شكلو زهجان خالص
    لك شكرى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-16-2004, 05:49 PM

Raja
<aRaja
تاريخ التسجيل: 05-19-2002
مجموع المشاركات: 16034

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)


    لووووووووووول يا لنا..
    هو الموضوع فيهو ندم ..؟
    كل عيد حب وانت في حب.. تحياتي ليعقوب..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-17-2004, 11:49 AM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبيبة الغالية رجوية
    الموضوع بعييييييد عن الندم بس قوى قلبك
    محبتى لك و كل عيد حب و انت احلى و اينع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-17-2004, 01:17 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    يا لنا مهدي
    لاشي هذه الايام يقلقنا نحن مجموعة سوى هذا الهاجس
    هل حقا هي قد تعرفت على مافي حياتنا من افراح هموم واشكاليات ..
    نحن لا نأسى على انفسنا بقدر ما نخشى عليهم من سوء المنقلب ..
    ماذا يعنى ان اعيدها الى اهلها بعد شهور او بعد عام سوى انني خسرت حسن ظني وخسرت المسكينة كثيرا ان لم يكن كل شي ..
    Quote:
    يعرف كل منهما موقع أمال وأحلام وتطلعات شريك حياته كما يعرف الأشياء التي تخيفه أو تقلقه ، ويعرف ماضي شريك حياته والأشياء التي صادفها عن بناء شخصيته أو شخصيتها

    دي وجعتنا ..
    اضافة الى
    Quote:
    ما هو أكثر شيء يسبب القلق لشريك حياتك حاليا ؟
    ما هو حلم حياة زوجك ؟
    من هو أكثر شخص من أقاربه لا يكن له ودا ولماذا ؟
    ما الذي يثير جنون زوجك وعصبيته ؟
    ما هي طبيعة مكان عمله ؟ ومن هم أصدقاؤه هناك ؟

    السوال الاول والتالت والجزء الاخير من الرابع
    دي لو تم لقيت واحدة تهضم ما وراءها لما تمنيت بعدها شيئا قط.
    صحي والله يا لنا (إن الله ان اراد ان يكرمك اعطاك زوجة صالحة)الصلاح الانا قاصدو هنا ليس المقصود به بالضرورة مسالة الدين وكده ..
    يعني ممكن عادي اتزوج لي واحدة صلاتا مجموعة او بتصلي فريضة وتفط التانية ..او ما بتصلي ذاتو لكن مسلمة ..
    ما تسالوني دي كيف؟؟؟
    عموما انا اقصد صلاح السترة ..
    المرة البتتستر معاك في ضيوفك ..اهلك ..جيرانك...
    شكرا لنا بس اكيد عندك باقي كلام يستحق ان يقال ..

    يا لنا تصدقي بوستك ده رسلتو لي مدني بعد ما عملتا ليهو برنت اوت
    ربي الكريم يجيب لي مناي (وتقدر تفهم قصدي بي ما تسميه بت الذين جرسة مني وعدم جدية.)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-17-2004, 10:43 PM

Outcast
<aOutcast
تاريخ التسجيل: 04-07-2003
مجموع المشاركات: 1029

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: DKEEN)

    Quote: ماذا يعنى ان اعيدها الى اهلها بعد شهور او بعد عام سوى انني خسرت حسن ظني وخسرت المسكينة كثيرا ان لم يكن كل شي ..


    دكين .. أنت مشترى ليك عجلة ؟؟

    Quote: عموما انا اقصد صلاح السترة ..
    المرة البتتستر معاك في ضيوفك ..اهلك ..جيرانك


    مافى مشكلة .. بتلقى واحدة زى دى .. بس اهم حاجه انك تكون واضح و صريح من البداية .. وتقول ليها قبل الزواج " ا يا مره هوى .. "بدور لى واحده خدااامه تخدم أهلى وتنستر معاهم".. وكان قالت ليك .. "أنا ذاتى زولتك" .. يبقى خلاص ما عندك مشكله ...
    لكن اوعى تعملوا لينا شغل "حبكانات" وتمشى الاحياْء الراقيه .. وتجى تقول الوليه ما تستر معايا...
    اخت لنا مهدى ..

    و الله انا مع المقولة الثانية "تزوج على مهلك ... و أندم بسرعه"....

    (عدل بواسطة Outcast on 02-17-2004, 11:12 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-17-2004, 01:38 PM

noha_g
<anoha_g
تاريخ التسجيل: 06-14-2002
مجموع المشاركات: 2119

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    lana mahdi

    سؤال

    تزوج و اندم على مهلك
    و تزوج و لا تتردد كثيرا
    و تزوج و تنازل عن بعض القناعات


    هل هي مفردات لمسمى واحد؟
    و هل نقدر نحن أنها حياة و عمر نكون فيها مرتبطين و مسئولين أمام انفسنا عن حياة أخرين و عن أنفسنا خلال تلك الفترة التي قد يريد لها الله أن تمتد إلى أخر يوم في عمرنا

    و لما يستعجل البعض الزواج و من ثم يستعجلون الخلافات؟
    ربما شغف بالولوج إلى حياة جديدة و تجربة
    و ربما هو هروب من حالة قديمة إلى حالة جديدة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-17-2004, 02:11 PM

بلدى يا حبوب
<aبلدى يا حبوب
تاريخ التسجيل: 05-29-2003
مجموع المشاركات: 8266

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    لنا
    دعوة اتمنى الله ان يحققها فى عيد الحب
    لك العزابة فى البور د واكيد مافى ندم يا بروداب ليه ما اصلو البورد وطن علمنا المحبة . وكما ليكم يا قراء سودانيس اون لاين بس طبعا العدابة
    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-17-2004, 06:27 PM

walid taha
<awalid taha
تاريخ التسجيل: 01-28-2004
مجموع المشاركات: 3100

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الاخت العزيزة الرائعة لنا ..اتفق معك فى ان تسمية ذلك
    العيد بعيد المحبة اكثر روعةو له مدلولات عظيمة اقلها
    الود والالفة..

    قضية- واسميها قضية- الزواج متشعبة تبعا لشكل العلاقة والفترة التى تسبق هذه التجربة التى لا تقبل المجازفة.
    رأي شخصى:
    العلاقات التى تستمر لمدة طويلة بين المحب ومن يحبه -واعنى الارتباط بقصد الزواج - قلماتصل الى نهايه سعيدة ..اعذى ذلك ربما الى ان الاتفاق الكامل مستحيل..داثما يبقى هنالك شى مقلق فى الامر ويعزز ذلك الشعور بالقلق عندما يأتى احد الطرفين - وغالباالبنت -بتصرف لا يروق للشاب ولوكان فى غاية التفاهةيؤدى احيانا الى اعادة التفكير فى االارباط نفسه.
    على الصعيد الشخصى ارى ان مربط الفرس هو الطبع...الطبع والله قد
    يطغىالطبع الجيداحيانا على القبح نفسه.
    كمان يا اخت لنا مسألة الاحصائيات الغربية فيها حبة(خوجنة)
    يعنى جون لمن اجراها لم يراعى ان المرأة عندهم هناك تقاضى زوجها وتحب التصرف بحرية مطلقة وتطاول - ان صح التعبير- ولا يدرى بأن العوض للسرة و السرة للعوض كان اتفاق رجال (حالفين طلاق من هم صغار) يعنى جون ما اشتغل بينا عدييل كده.والله من وراء القصد.
    ولو كان دراستو قاصرة على مجتمعه اكون انا غلطان عليه(سامحنى غلطان بعتذر) اخوى جون

    وان شاء الله ما اكون طلعت من الموضوع كتير

    يا جماعة مش ملاحظين انو دكين ده نفسو حار شوية لووول

    لكى اختى لنا خالص التقدير

    وتسلمى




    عموما على الصعيد الشخصى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 03:25 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    اخى الحبيب دكين
    المراة السودانية من الطبيعى ان تتستر مع اهلك و ضيفك لانه نربيتنا كسودانيات الضيف اولا و[ النسب اهل] وليس علاقة مصاهرة فحسب و لا فرق فى ذلك بين بنات المدن او القرى لان الاصالة لا[[ تتجغرف]] ان جاز لى التعبير ثم ان السودان كله قرية كبيرة و الطباع متشابهة جدا و كذلك التقاليد و القيم الاجتماعية و ربنا يوفقك للبتمناها قلبك و عقلك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 03:27 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    اخى الحبيب اوت كاست
    ولييييه كدة؟؟
    انت مع انحيازك لمقولة تزوج على مهلك و اندم بسرعة
    ح تقلق بناتنا العزابيات فى البورد
    لك محبتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 03:37 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبيبة الغالية نهى افتقدتك جدا
    اوردت غاليتى :-

    تزوج و اندم على مهلك
    و تزوج و لا تتردد كثيرا
    و تزوج و تنازل عن بعض القناعات

    ---------------------------
    الاول و الثانى وجهان لنفس العملة اما الثالث فمختلف قليلا
    طبعا التأنى مطلوب عند الاختيار بجانب القدر العالى من المصداقية لان كل الاقنعة تنكشف و بسرعة قياسية بعد الزواج فيصيح الزوج جزعا:"من هذه؟؟ ابعدوها عنى ،،ليست هى من اخترتها‍‍‍"وتولول الزوجة:"اين ذاك الذى لم يكن له مثيل الذى انتقيته؟؟؟ اغرب عن وجهى يا هذا‍‍‍‌‌‌"‍‍‍‍‍‍‍ فلا داعى للاقنعة من الاصل
    طبيعى بعد الزواج ان يتنازل كل من الزوجين عن قناعات سابقة لكن من الاهمية بمكان الا تكون ثوابت بل بعض الاشياء التى يصح معها التنازل و لا يخل بالشخصية او الكاراكتر المعين لها،فالزوجان اتيا من تربتين مختلفتين و خلفيات اسرية قد لا تكون متشابهة و ظروف اجتماعية و نفسية حتما غير متطابقة لذا لا بد من تنازلات
    لك محبتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 03:38 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    اخى الحبيب بلدى يا حبوب
    حقق الله دعواتك الجميلة و لك مثلها
    تحياتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 03:47 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    اخى الحبيب وليد
    حقيقة اعجبتنى مداخلتك
    الاحترام المتبادل هو اساس متين لعلاقة رصينة تنتهى بالزواج و لا احب ابدا تلك التى تتطاول على زوجها باسم التحضر وهمسة فى اذنك و- ارى ان كلامى المقبل قد ينعت بالتخلف -امتعض جدا حين تبادر امراة بالخروج قبل زوجها عند زيارتهما لاخرين فتقف امام الرجال و تغز يدها فى جنبها و تهدر :"فلان .....ارح"فيتكبكب المسكين و تتوه عمته و ملفحته فى بحر الحرج
    من الممكن مثلا ان تنبهه قبل الدخول الى ان وراءهم اشياء يجب انجازها حتى لا تاخذه الونسة و يطيل الجلوس او اى صيغة من صيغ التفاهم التى تحفظ للرجل احترامه امام نفسه قبل الاخرين
    كما امتعض جدا من الرجل الذى يحرج زوجته امام الاخرين ليوضح لهم كم هو<< سبع>> و ماسك خيوط اللعبة فى يده و [[[مكتمها النفس]]]
    ولك محبتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 04:26 PM

زوربا
<aزوربا
تاريخ التسجيل: 06-08-2003
مجموع المشاركات: 733

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    أختي بت مهدي المليانة عافية
    والشوق الجاري عليك
    والله طمنتيني الله يطمنك
    وأنا حالتي كنت خاتي النية شديد لكن بعد كدا الواحد يعيد نظر
    أعتقد أن التجارب الخاصة جدا لا تحتمل التنظير المسبق لانها قطعا
    تحمل بصمات الأشخاص أنفسهم بتركيباتهم النفسيه و الثقافية المختلفة
    مع جزيل أحترامي للدراسات والاحصائات المقدمة
    والريد نيلين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 03:51 PM

Nada Amin

تاريخ التسجيل: 05-17-2003
مجموع المشاركات: 1626

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    عزيزتي لنا موضوع اختيار الشريك/ة أعتقد أنها من أصعب القرارات( ان لم يكن أصعبها) التي قد تواجه الجنسين معا... و أسألي مجربة و لا تسألي طبيبة(تاء التأنيث دي طبعا لزوم الجندرة).

    فقط لي تعليق بسيط على قولك هذا
    Quote: المراة السودانية من الطبيعى ان تتستر مع اهلك و ضيفك لانه نربيتنا كسودانيات الضيف اولا و[ النسب اهل] وليس علاقة مصاهرة فحسب و لا فرق فى ذلك بين بنات المدن او القرى لان الاصالة لا[[ تتجغرف]]

    أعتقد يا لنا أن الموضوع ليس له علاقة بأصالة المرأة من عدمها، و لكنها مرتبطة في وقتنا الحالي بمتطلبات الحياة العصرية و ايقاع الحياة السريع. أنا مع اكرام الضيف و احترام "النسابة" لكن يجب أن يكون هذا في حدود لا تتعارض مع مسؤوليات المرأة العاملة و تسبب لها ضغوط نفسية و عدم راحة في منزلها نتيجة للمجاملة الشديدة و بالتالي التأثير على أدوارها الأساسية كزوجة و أم و امرأة عاملة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 03:58 PM

ali othman

تاريخ التسجيل: 12-02-2003
مجموع المشاركات: 919

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    تحية للجميع

    كنت كغيري من الشباب نفضل أن نتزوج بتأني بعد أن نعيش قصة حب ملتهبة تتوج نهايتها بالزواج ولم يكن يجول بخاطري بأنني سأتزوج زواج تقليدي أو بسرعة ..
    شاءت الأقدار أن أتزوج بسرعة مبالغ فيها كنت أتوجس شرا منها لعدم دراسة طبائع كل منا ولكن العشرة أكدت لي بأن تزوج بسرعة وعش السعادة بتأني .
    المرأة مثل الرجل كالطفل يمكن تجاوز أي خلاف بكلمة بسيطة قد يعتقدها البعض تنازل أو إمتهان للكرامة .
    ولكل من على الطريق أتمنى لهم السعادة ولعصبتنا ايضا .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 04:03 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبيبة ندى
    لك محبتى
    لا اعتقد ان تلك الادوار سوف تتاثر ان احسنت الواحدة منا ادارة بيتها و توزيع وقتها هذا بخصوص موضوع الضيافة و استقبال الضيوف ،، بالطبع هناك مفاهيم كثيرة لا تتسق و العصر مثلا [[البولد واحد و الجنا جنا الكل]] ...لا اعتقد من قبيل عدم الاحترام الا يتدخل احد فى تربيتى لابنائى و طريقة تعاطى مع تلك التربية او علاقتى بزوجى مثلا
    المشكلة يا ندى ان تلك الحدود التى قلتى بها تختلف من شخص لاخر لانها امر معنوى لا يقاس
    ولك الود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-18-2004, 04:06 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    اخى الحبيب على عثمان
    تجربتك استثنائية و ربنا وفقك لامراة استطعت التفاهم معها برغم سرعة الزواج و الحمد لله ان تجربتك :-
    تزوج بسرعة و اسعد على مهلك
    لك و للزوجة الحبيبة الف تحية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2004, 12:32 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    اخى الحبيب زوربا
    الف حمدا لله على السلامة و الف شكر على المرور من هنا و حقيقة لكل علاقة طابع خاص و لا تتشابه علاقتان انسانيتان فى الدنيا
    مع محبتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-19-2004, 11:12 PM

Outcast
<aOutcast
تاريخ التسجيل: 04-07-2003
مجموع المشاركات: 1029

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    العزيزه لنا...

    ما عارفه اى زول ارد عليهو بفتكر انى رجل...

    أما بخصوص الريف و المدن .. كما قلت ... الاصاله لا تعرف فرقا.. ولكن بالتأكيد هناك اختلاف فى تعريف معنى هذه الكلمه..و لكن خدمة أهل الزوج بالطبع لها اولوية أكثر عند اهلنا فى الريف منه فى المدن .. لاختلاف الطروف بالطبع ..

    وقد تكون قيمه اجتماعية محددة هى المحدد للزواج فى نظراحد الطرفين .. ولكنهاقد لا تكون من اولويات الطرف الاخر. أذا كان غاية مبتغى احدهم من الزواج هو ان يجد من تخدم اهله ويعطى هذا الامر الاولوية القصوى ... فيجب ان يتأكد ان زوجته المبتغاة تضع هذا الشرط فى قمة اولوياتها وواجباتها الزوحية أيضا..
    مسألة التكافؤ الاجتماعى ,, وبالتالى تقارب القيم الاجتماعيه مسألة فى غاية الاهميه.. ولكننا نستلب(بضم النون) بالشكل فى الزواج أكثر من اهتمامنا بهذا التوافق "القيمى" .. اذا صح التعبير.. وهذا ما عنيته من كلامى فى ردى الاول.


    وانا مع رأى الاخت ندى أمين ,, وهو أن المرأة فى مجتمعنا المعاصر تعانى من تراكم الواجبات المنزلية مع المسئوليات خارح المنزل (حتى و ان كانت لا تعمل) .. و للاسف ..الكثير من الازواج لا يقدرون هذه المعاناة .. لا وبل يتمادون فى زيادة هذه الاعباء و الهموم بالطلبات غير العقلانية و التوقع المبنى على حياة اهلنا فى الماضى واللتى لا علاقة لها بواقعنا اليومى اللذى يتطلب بالتأكيد جهدا و زمنا مضاعفا من المرأه للحفاظ على بيتها وتربية اولادها ,, والاهم.. على صحتها النفسية و الجسدية.

    و فى رأى ان كل من الطرفين يمكنه ان يجد ما يبتغيه فى الزواج أذا ابتعد عن "الاشتطاط" ..و تعامل بعقلانية مع الواقع . اذا حاول الانسان ان يتخلى عن انانيته و ان يضع نفسه مكان الاخر ولو للحظة,, يمكن لكل الخلافات(زوجيه او غيرها) ان تحل.

    ولك المودة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2004, 12:04 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبييييبة اوت كاست
    ااااسفة [[للحول]] الجندرى الذى اصابنى
    ولك المحبة و الشكر على المداخلة التى سارجع للتعليق عليها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2004, 03:56 PM

Nada Amin

تاريخ التسجيل: 05-17-2003
مجموع المشاركات: 1626

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    أؤيد و بقناعة تامة ما ذكرته العزيزة أوتكاست فالوضوح و معرفة أولويات الآخر و مفهومه للحياة الزوجية تلعب دورا كبيرا في التنبؤ بامكانية فشل أو نجاح الزيجة القادمة ، بالتالي يستطيع كل من الطرفين تحديد خطوتهما التالية: الاقدام على الزواج أو لا.
    و صدقيني يا لنا أعرف زيجات كثيرة انتهت بالانفصال ليس بسبب اختلافات بين الطرفين نفسهما و لكن بسبب أنانية الزوج و رغبته في استضافة أهله بل و حتى أصدقاءه و هي اما استضافة كاملة قد تطول و قد تقصر أو بالعزومات المتكررة. مع وضعنا في الاعتبار أن هذه "الأريحية" و الكرم الزائد و المجاملة تدفع المرأة ضريبتها وحدها ، فالرجل "يقعد للونسة و القرقرابة مع ناسه" و المرأة "مكموده" في المطبخ تذرف الدموع من حش البصل و "مقابلة" النيران.

    أيضا طبيعة الحياة في دول المهجر و الاغتراب قاسية للغاية و الزمن محسوب بالدقيقة بالاضافة الى افتقار المرأة لمن يساعدها من أسرتها الصغيرة أو الممتدة أو الجيران ومع انعدام وجود من يساعدها من شغالات بالذات في الدول الغربية يصبح بامكاننا تخيل الأعباء الأضافية التي قد تواجهها المرأة من استضافة أهل الزوج و معارفه و أصدقاءه.

    و أشدد مجددا على كلام أوتكاست فوضوح الزوجين مع بعضهما و مراعاة التكافوء الاجتماعي بينهما و ليس فقط التكافوء التعليمي و الاقتصادي تعد كصمام أمان يقي الزيجة المرتقبة شرور الانفصال و تفكيك الأسرة.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2004, 05:51 PM

شمهروش
<aشمهروش
تاريخ التسجيل: 09-14-2002
مجموع المشاركات: 1052

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: Nada Amin)

    الاخت لنا لك كل التحايا وللاخوة والاحباب
    هي ويني صاحبة النصيب قبل سنة دقيت اعلان عديل طلعوا لي منظراتية طفشو مني البنات ينوبك ثواب اخووووووك مفلس وبدور ليه واحدة قدر ظروفك

    ويا حبذا لو بقت في الخارج بتكون حلاة وحمار
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2004, 10:51 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    ما شي طبيعي ولا اي شي يا لنا..كيف تحددين الطبيعي من غيره ؟؟
    انتي لسع في غيبيات سودنايات جيل امهاتنا وجيل ناس خالدة زاهر ...
    وعندك ندى امين ما قصرت جابت ليك الرايحة منك....وادخلت ليك التزامات المره المعاصرة وما يمكن ان يكون مبررا لها لانها قصرت مع هؤلاء..
    تجيك تقول ليك الشغل ، وانا تعبانة ومصدعة ، وديل شنو اصحابك الماعندهم ذوق ديل وما عارف اهلك الكتار ديل الماعندهم شغله والناس مفروض تضرب تلفون قبل ما تتسجم تجي ناطة بيوت الناس.. ..
    وتطمم بطنك وتتمنى مزرعة ليمون قدامك مع المرة المحلوجة..

    يا لنا ..فيما قالته ندى امين مناط السترة الحقيقية ان لم يكن ذلك اقل شي ..
    السترة التي قصدتها ان تكون المرة مرهقة وتعبانة وجاية من الشغل واولادا مغلبنها وماقادرة تشيل نفسها ثم ياتيك صديقا او ضيفا اوقريبا دون موعد او بي موعد او كيفما شاء له هواه ..وتقوم تعمل الواجب معاهو كما يجب دون ململة ودون ضيق يمكن ان يلاحظه القادم عديم الذوق ..
    اكون سعيدا جدا بعد ذلك حين تاتي زوجتي مركبة وش حديد وتجوط فيني وتقول لي اصحابك مرض ..او لو ديل اهلك يا دكين اخير تسوى ليك اهل من صعوط بدلهم ..
    ساستقبل نقدها وفرفرتها بصدر رحب ومعاها بوسة في راسا ... لانه ضفرت حياتها المعاصرة وجوانبها الكثيرة المتعبة دون ان تفرط في واجبها كست بيت ومرة معاصرة ..
    معاصرة تتصرف وفق ما يجب دون ان تعصر عليك ...
    دون ان تظهر لهم امتعاضها ورغبتها في البصق عليهم ..
    من المؤكد اني لااقصد ازعاجها ولا اطالبهن بشي فوق طاقتهن ..ولاتركت لاصدثقائي كروت دعوة مفتوحة لمنزلي ..
    هي حياة اهلي وطبيعة السوداني العادي ....
    السوداني اب ذوق الذي تاتي فتجده مع اهلك في البيت خجلا لانه اتاك فلم يجدك ففضلته زوجتك اللسع ما قلعت هدوم شغلها واكرمت مقدمه وقيمته بعصير .. ويقول ليك وهو غارق في خجلة وماسك العصير بيمينه : انا اسف لو ازعجتك بس عندي شنطة مكن تشيلا لي معاك السودان لامن تجي تسافر الاسبوع الجاي ..ويكون ما جاب الشنطة معاهو ..
    او السوداني اب غير ذوق الذي ياتيك نهارا وانت مرهق نصف نائم ونصف ميت ومع فتحتك للباب يضرب ليك كتفك ويقول ليك وين انتا ياخي والله طولنا منك قنا ننجي نسأل منك ..ثم يدخل الى اعماق البيت قبل ان تصبح نصف صاحي ونصف حي ..
    او محبة صديقك الدائمة لك التي تقوده لزيارتك يوميا عند كل مساء لياتي ويشرب معاك شاي المغرب في حوش مرشوش وتحت جهنمية باب الشارع ..
    المرة البتستحمل هؤلاء وتضع العصير للاول اب ذوق ..وتمرق بي الغداء الما خمج للثاني اب غير ذوق ..وترش ليك الحوش وتبخر كبابي الشاي لي صحبك ذو المزاج المسائي ..التي تراك مكتئبا تقوم تشغل ليك مديح لي اولاد الماحي في ابعد نقطة مسموعة من البيت وكانها لا تقصدك به ..
    تلك هي التي يجب ان يقال لمن تزوجها انو ربنا رضى عنو فاكرمه .. تلك زوجة جديرة بان تضع لها الحناء بيديك في قدميها وتغسل يديها بماء ورد من الطائف ...
    تلك التي حين يصيبها مكروه تصاب في يقينيك فيراك الناس كافرا مذهولا غير مجمع ويقولو ليك البتعملو ده حرام ...ده امر الله ..تقول ليهم ساعتها وانتا مقتنع امر الله ما يجي إلا في الحنينة .. وتبكي فداحة الخسارة .. ...

    هؤلاء لا يستخسر فيهم احد كردان حلبي نهاية الشهر ..ليس لانها تستاهل الدهب ولكن لانك على يقين بانك تضع مالا في يد حنونة تعرف كيف ترده لك مالا يوم كريهة وباس..

    ولكن صدقوني ساقود سيارتي مدندنا بالحان اب داوود (اشوف نعيم دنيتي وسعودا ) بعد ان ارجعها الى اهلها تماما ذي( عجلة) مستعملة زي ما قال اوتكاست ..
    غير نادم سوى على وقتي وحسن ظني الذي ذهب ادراج الحياة المعاصرة بتاعة ندى امين ..

    ده لو بقت المرة مرة السواد والرماد والحياة المعاصرة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-20-2004, 11:19 PM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    دكين
    نصيحه منى ليك..و انا منفذا

    لا تتزوج...و اندم (بسعاده)..على مهل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2004, 01:21 AM

Outcast
<aOutcast
تاريخ التسجيل: 04-07-2003
مجموع المشاركات: 1029

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: مراويد)

    Quote: ده لو بقت المرة مرة السواد والرماد والحياة المعاصرة ...



    LOOOOOOOOOOOL

    خلاس يا دكين .. ابعد عن "المعاصرة" دى .. و انت تلقى الفى مرادك....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2004, 07:52 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الاحبة
    ندى امين
    شمهروش
    دكين
    مراويد
    اوتكاست
    لكم شكرى على اثراء البوست بمداخلاتكم الجيدة و محبتى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-21-2004, 11:30 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    مراويد يا حبيب

    والله اخشى انو ده حيحصل



    ودي شكلها نصيحة مجرب...
    يا زول ولا يهمك اصلك عايش فيها كم سنة ...احتسبها عند الله تعالي وخش بيها الجنة..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-22-2004, 09:52 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    Quote: ان تكون المرة مرهقة وتعبانة وجاية من الشغل واولادا مغلبنها وماقادرة تشيل نفسها ثم ياتيك صديقا او ضيفا اوقريبا دون موعد او بي موعد او كيفما شاء له هواه ..وتقوم تعمل الواجب معاهو كما يجب دون ململة ودون ضيق يمكن ان يلاحظه القادم عديم الذوق ..



    Quote: المرة البتستحمل هؤلاء وتضع العصير للاول اب ذوق ..وتمرق بي الغداء الما خمج للثاني اب غير ذوق ..وترش ليك الحوش وتبخر كبابي الشاي لي صحبك ذو المزاج المسائي ..التي تراك مكتئبا تقوم تشغل ليك مديح لي اولاد الماحي في ابعد نقطة مسموعة من البيت وكانها لا تقصدك به ..


    معاها شهادة ضمان لكم سنة؟!!!

    (عدل بواسطة بت قضيم on 02-22-2004, 09:59 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-22-2004, 10:57 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: بت قضيم)

    يا لنا مهدي وندي

    الصداقة هي اساس كل شيء اسألوني انا....مجرب وبي بنتي...

    من زماااااااان خلينا قصة اولادك سافروا ...اولادك رجعوا...

    وكنت احتج بشدة علي اولادك حينما كانت زوجتي بمفردها... واصحح
    كل من يتداري خلف هذا الوصف...من زمااااان كمان خلينا حكاية جيب
    لي توب وجيب لي حاجات الولادة والمفروضات المحفوظة دي... الحاجات
    هي التي تأتي ولا نسعي اليها وفق ترتيب الذاكرة القديم...يا دي جاب ليك دهب...نسخر سويا من كل تلك المفاهيم المحفظة...نتناقش كأصدقاء

    وان احتد النقاش... في موضوع لم نحسمه بعد نرجؤه ليوم الغد...ونعيش باقي الوقت عاااااادي
    ويصبح الامر معلقا الي ان يصحو اي منا بالحل...

    مش بلاي حلااااااااااااااتنا...

    يا جماعة كل زول اكتشفت الطريقة لوحده...

    نحن ما استلفنا من زول ولا من تراث بدءا من القرمصيصة... رميناها في بنطون شندي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-22-2004, 11:15 AM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: nazar hussien)



    العزيزة رفيقة النضال لنا
    لكل كل التحية والحب بهذه المناسبة وأرجو أن يكون الحال في اسرتك الصغيرة عش مليئ بالمحبة والسعادة وعدم الندم طبعاومن هنا أحيي زوجك وكل أفراد اسرتك السعيدة
    عنوانك صراحة يخوف خاصة عديمي الخبرة الذين لم يجربوا تلك المغامرة المجهولة
    (تزوج بسرعة وأندم على مهلك)
    ولكن كنتي تختاري عنوان مطمن شوية
    مثلا (تزوج على مهلك لكي لا تندم عاجلا)
    كلامك جميل عن معايير العلاقة الزوجية وأسسها المتينة التي تحفظ للأسرة تماسكها وإنسجامها وتوفر الحياة السعيدة وجو الإلفة والمحبة بين أفرادها سواء بين الزوجين او بين الآباء والأبناء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-22-2004, 03:41 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الاحبة
    بت قضيم
    نزار
    حبيب بلدو
    اولا شكرا و برضو راجعة ليكم بالتفصيل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-22-2004, 08:45 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    ضمان ؟؟
    ضمان يا بت قضيم ؟؟
    في بت في دنياكم دي عندها ضمان؟؟
    Look who’s talking??
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-22-2004, 08:46 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    هل حقا يا خوانا ابدو وكانني اتحدث عن آلة ؟؟
    أالى هذا الحد تبدو الاعمال المشار اليها مرهقة واحتمالاتها مستحيلة؟؟
    خلاص نوع البنات ديل بقو مع ناس العنقاء والغول والخل الوفي؟؟
    عليهو العوض ومنو العوض..
    عليهو العوض ومنو العوض ..
    عليهو العوض ومنو العوض..
    ..............................
    سنو:
    عليهو الصبر ومنك السلام ..

    السلام .... ورحمة الله والحياة المعاصرة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2004, 02:56 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: DKEEN)

    بكل تداوينا فلم بشف ما بنا..........
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2004, 03:16 AM

tabaldy

تاريخ التسجيل: 04-27-2003
مجموع المشاركات: 1156

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    ولو ما عندك جهنمية , بيتك في حي القلوب مرتاحة وجاك صاحبك ذاتو السجل إسمو في دفتر تموين الأسرة , وخش الحوش لو كان في حوش وقعد في سرير الشافعين وبديتو كلام في الكورة والسياسة واسعار صرف العملات في بورصة وولستريت , دي تمشي وين ؟ ما تكشر وشها ؟
    أصله اكانت منتظرة مساخميس تحكي ليك عن توب ( بتاع الفلاني ) , السعرو فلاني , وفي نظر أخينا الكاشف إنو ده نوع من تفاهة الإهتمام إنها تلبس وتعرف الموضة . ويتناسى الفكرة وينتظر في نفس مساهو صاحبو وكبايتين شاي لتكملة ما أنقطع من حديث عن الكورة وأسعار الدولار وأثرو علي الحياة الإقتصادية.

    وصية لي واحد أخينا

    اعمل حسابك , للناس البتستمع لصيحات ديوكك عند فجر شوق , عيون واذان ومطالب اخريات .






    أبنوسي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2004, 11:22 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    look who's talking دي كأني اديتك شاكوش يوم كأني اساساً بعرفك
    لكننا سنتجاوز عن التعبير (البايخ) بمزاجنا

    السؤال ليس كما تفضلت وطرحته ( هل تبدو كالخل الوفي؟؟؟)
    بس انا كنت حابة اعرف لما هي تعمل كل هذه ال(مستحيلات السبع) ،، السيد الزوج هارون الرشيد،، حيكون منطرح بعمل ماذا؟!!
    نوم عصريات واللا كوتشينة مغربيات؟؟!!

    ثم تلك التي تستحق (كردان دهب آخر الشهر)،، ذكرتني بكلب الخواجات السينمائي اللطيف ،، ذاك الذي يرمون له بالقرص البلاستيكي،، فيجري كلمح البصر راداً إياه لسيده الذي ينبسط أيما انبساط فيرمي له بعض بسكويت الكلاب (المالقوه شماستنا) مطبطباً على رأسه قائلاً
    good dogy , good dogy
    واللا هم بقول ليه شنو؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-23-2004, 10:59 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    تذكرك بي كلب الخواجات؟؟
    يعني المرة البستوي جنس الحاجات الانا قتها دي ممكن تذكرك بي كلاب الخواجات ؟؟؟
    المرة الانيقة الخدومة البتبخر الكبابي والباحثة عن تفاصيل سعادتها وبتكرم ضيوفا واهلها بتذكرك بي كلب؟؟
    يعني هسع مرتي الانا متخيلا بتذكرك بي كلب الخواجات يا بت قضيم؟؟

    انا دكين مرتي كلب خواجات؟؟

    يا بت قضيم كلب الخواجات الانتي قتيهو ده لو بيتكبرت
    اخير لي من المرة المعاصرة الموجودة في ذهنك والتي من اجلها تجادلين ..



    ما تجيني تاني بي تشبيهاتك الوفية دي..
    او ما تجي ذاتو..

    امشي بس نومي ..الله يهدي سرك وزمنك المعاصر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 08:05 AM

Dafi
<aDafi
تاريخ التسجيل: 04-23-2002
مجموع المشاركات: 460

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: DKEEN)


    ولما ..لا ترحال يحلك..لا البعاد يقدر يحلك!!؟تسوي شنو يا سجم الرماد!!!؟
    كملتها..فذلكه..وادلجه..وقطيع نجايل..تفلتر في احاسيسك!!لمتين يا الرايح..!!؟..ياااااا حليلك يا دكين اخوي!!!ياا حليلك
    وحياة الله حننتني..غلبني السكات
    عد فات يا مدروش..عد فات..زمن العيون الالفه..والحضن الملاذ
    شفت المعاصرات..اي واحده رمتك بي كلمتين..ومشت تملي فورم التاكس ريتيرن..في انتظار الشيك السمين!!!
    وانت مقضيها لي ..عنقاء وخل وفي.وبرج بيزا المائل!!
    اها في النهايه جابت ليها كلاب..وافلام اجنبيه!!!

    هذي عوالمك الصدئه..ودونك نوافذ
    مت كما شئت يا صديق..ضائعا..منفردا..او راحلا في ليل حواء..حملت عليك..حتي اذا ما لهثت..تركتك لاهثا..تحمل علي كلب خواجات..تضرب به الامثال!!بئس مثل القوم الذين يعشقون!!
    قال تبخر الكبابي قال!!!!




    (عدل بواسطة Dafi on 02-27-2004, 08:54 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 08:19 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: DKEEN)

    اطمنك يا دكين ...

    ما طلبته علي سبيل الحلم من الشريكة...هو جزء من تربيتنا عموما في السودان... تربية سترة الحال...متأصلة في البنت المعاصرة وحبوباتنا

    وهي تربية لا نحصل عليها من كراريس كتب..ومدارس..انما من واقع حالنا
    ومعاشنا واختلاطنا وتجاورنا وزياراتنا وتزاورنا...فبت قضيم التي علقت هنا...بطريقتها التي نعرفها جميع..وهي قطعا لا تقصد سوءا من عباراتها وتشبيهاتها...فهي لا تخرج عن اطار هذه التربية وان تغربت

    فأسألها في سرك ان كانت مغتربة كم من شنط هدايا غرفت الي السودان الي اهلها البعاد والقراب وجيرانها...وكم استغرق هذا العمل من تفكيرها ووقتها...الا يندرج ذلك في باب ما ورد في ستر الحال...

    صحيح ان الغربة اثرت علينا وجعلتنا منظمين من حيث الوقت غصبا عنا
    دوام ثم بيت ثم جمع الاولاد من المدارس قيلولة قليلة ثم غداء ثم دوام فبيت....روتين لا يقبل التغيير وينطبق علي معظمنا...وهي حياة ما تعودناها هناك...وبالتالي تلخبط علينا تقدير حالات الثقالة في الزيارات وهي ليست كذلك عندنا من الاصل...ومع ذلك فالغالب ان تتقبل زوجتك ما تعتبره ثقالات باعتبار ما كان وحرصا علي ستر الحال..

    فلا تعتبر ما طلبته حلما ولا يحتاج الامر لكردان او مكافأة او حتي حنة
    وهي الجزئية التي سخرت منها بت قضيم بطريقتها حسنة النية..فلا تأخذه بمحمل غير ذلك....وانا اشهد لها بنقاء السريرة

    فالمرأة والبنت السودانية هي فعلا بت ملوك النيل ونادرة جدا...فدعك من الحلم وان استطعت الباءة احسن الاختيار وتزوج ولن تندم لا علي مهلك ولا بسرعة..

    اسألني انا يا دكين والله والله والله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 09:26 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    عفواً دكين
    لازم أجي وامرضك الحيمرضك غيري منو؟

    يا عزيزي،، يبدو أنه اختلط عليك الأمر،، أنا لم اشبه هذه الشخصية الأسطورية بالكلاب،، لكني شبهت تصرفك معها كأنما تتصرف مع شئ آلي مبرمج أو حيوان ذكي مدرب،، إن أجاد دوره اعطيته قطعة حلوى معلماً إياه بطريقة غير مباشرة (لو عملت كده تاني طوالي حاديك مكافأة)

    وأنا لا الومك على هذا التفكير،، فجزء من تربيتنا في العموم،، تعتمد على مبدأ الأخذ والعطاء،، ذاكر وانجح واجيب ليك العجلة،، ما تلعب بالنار ماما بتزعل منك،،، يعني لو لعب بالنار بدون ما ماما تعرف يبقى لا مشاكل،، ولو ما عايز عجلة خلاص ما تذاكر،، ثم يتواصل المسلسل حتى إذا ما كبرت البنية لعبت بديلها شرط أن لا يعرف بابا،، ثم دخن هو السجائر المهم أن لا يشتم أحد الرائحة

    طريقة ذاكر لتنجح فقط لتنجح،، وما تلعب بالكبريت لأن الكبريت يؤذيك شخصياً،،وما تعمل العيب لاجل الله ونفسك،، هذه ليست موجودة فعلياً على الأقل ليس بكثرة في مجتمعنا. ويبدو أننا لن نوجدها لفترة طويلة طالما طريقة التفكير ال(مادية) مترسخة عندنا لهذا الحد.
    بالتالي،، فكرة أن تجيد التصرف فنعطها كردان دهب،، فكرة ليست غريبة ولا جديدة لم استنكرها لكن من حقي أن اسخر منها.

    يعني يا دكين،، لو لم تستقبل الضيوف تعباً منها وإرهاقاًوقرفاً في كثير من الأحيان،، تاخد في المقابل على راسها وقد ترسل لبيت أهلها غير مأسوف على (قلة ذوقها) مع ضيفك (الأول ابو لا ذوق)

    أما موضوع (تخت ليها الحنة في يدينها واللا رجلينها حتى) فالأولى أن تغير رأيك ب (فضيان راسها واهتمامها بالتوافه)،، تقتنع في الأول بحنتها ،، ثم بعد داك تعال حننها.

    هذا ما سخرت منه وفهمه نزار حسين عشان بعرف يفهم كويس
    ثم وعليكم السلام ورحمة الله والحياة المتوافقة

    يسلموا يا نزار

    ويا دافي ما تزعل من تعبير (كلاب خواجات)
    دب سيرك مصري كيف معاك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 10:07 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    ..
    .
    دكين يا صديقي ..
    بالله عليك لا تغيب -كما غابت صاحبة البوست !!
    فأنت لست منفردا واننى ارقب نهاية السجال بينك وبينها وبينهن
    فكأنك تنطق بلسانى ..

    العزيز نزار ..

    لقد كانت متأصلة فى حبوباتنا ، امهاتنا ولكنها بدأت فى التلاشئ
    مع تلك العصرية وايقاع الحياة السريع وكما ردد دافئ
    عد فات ..عد فات..زمن العيون الالفه..والحضن الملاذ واشياء اخري يبحث
    عنها دكين واخرون فى هذا الزمن العذاب .

    تحياتى ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 01:58 PM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: Tabaldina)

    الحبيب تبلدينا

    امّاتنا وحبوباتنا دحين ما ربّن الهسع ديل...

    يا اخي والله لا يزلن بالف خير...وان رأيت غير ذلك
    فامهلهن حتي تنجلي عنهن الغربة...ويأخذن بيد المحنة من جديد

    امهلهن حتي يعرفن...ان هناك لا زالت هنا...

    فاذا انت شابهت اهلك...فلن تخذلك هي في الشبه والفضيلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 11:18 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    Quote:
    بالتالي،، فكرة أن تجيد التصرف فنعطها كردان دهب،، فكرة ليست غريبة ولا جديدة لم استنكرها لكن من حقي أن اسخر منها.


    ده قولك

    Quote:
    هؤلاء لا يستخسر فيهم احد كردان حلبي نهاية الشهر ..ليس لانها تستاهل الدهب ولكن لانك على يقين بانك تضع مالا في يد حنونة تعرف كيف ترده لك مالا يوم كريهة وباس..

    ده كلامي فوق يا معاصرة ..عيديهو تاني
    يعني الدهب ده ما عشان مرتي بتاعة زمن الغول والخل الوفي.. ده عشان يجيني راجع تاني في زمن الكوارث ..ذي الزمن الانا بضيعو معاكي ده مثلا..

    فبلاي ما تشبيكينا تاني ( تربيتا وعجلة واخذ وعطا وبنات بعملو حاجات ما كويسة بي ورا اهلهم وبي وراء بيت الدجاج )

    Quote:
    يعني يا دكين،، لو لم تستقبل الضيوف تعباً منها وإرهاقاًوقرفاً في كثير من الأحيان،، تاخد في المقابل على راسها وقد ترسل لبيت أهلها غير مأسوف على (قلة ذوقها) مع ضيفك (الأول ابو لا ذوق)

    لا ما يعني..

    Quote:
    فضيان راسها واهتمامها بالتوافه)،، تقتنع في الأول بحنتها

    اعلمي يا فتاة وكلمي غيرك : هناك اخطاء شائعة في اوساط حريمنا اهم تلك الاخطاء يظنون ان الريحة والدخان والحنة هى اشياء تخصهم ..وبالتالي يجب ان يقتنعو بها ..
    ابدا يا استاذه..
    دي اشياء من اخص خصوصياتنا يابت قضيم ..
    دي عشان انحنا تقتنع بيكم .
    وما ملزمين انحنا بي قناعاتكم تجاها..

    والحنة ليست من التوافه ...
    انتو هسع بدون حنة بتتقابلو؟؟
    اها تجي بعدين بتك تقول الدخان من التوافه
    تماما زي ما انتي هسع شايفة تبخير الكبابي من التوافه..
    وهي في زمن جميل كانت اهم من الكبابي ذاتو..
    ليتكم تعلمون انكم بدون الحنة والدخان وبقية تلك الاشياء وما تسمه انتي في مجمله بالتوافه..
    بدون تلك الاشياء مافي فرق بينكم وبين ُركبتي دي ...

    (عدل بواسطة DKEEN on 02-24-2004, 11:23 PM)
    (عدل بواسطة DKEEN on 02-24-2004, 11:28 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 11:31 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    نزار حسين
    مشكور لانك بطمن فيني في مسالة انو لسع في حريم بنسترو معاك في ضيوفك
    انتا ربنا اداك واحدة الظاهر ..
    احمد الله ونوم قفا ..
    غيرك ما لقى غير المعاصرة والحداثية..
    الحداثية الماسواية..

    Quote:
    وانا اشهد لها بنقاء السريرة


    انا والشهادة لله ماقتا ليك بت قضيم سريرتا نقية او ما نقية ..
    لكن طالما براك جبتا سيرة السريرة دي ..
    اها النوريك بتك دي سريرا ذاتو ما عندها.....
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 11:35 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    صديقي / الذي كان شاهدا على ايام ليست بعيدة وليست معاصرة..
    من زمااااااان يعود الى ايام ندى شوف طلعتك دايما بتفرحني ..
    اسعد الله ايامك وادامك في حفظه ورعايته..وبعد :-
    دافي..
    ام عادل بلوتاريا من رائدات التعليم يومها كله بين المدارس وكانت تاتي فتجدنا ومع ذلك كانت الكبابي دوما مبخرة ..
    شذى نجم الدين صباحها الاول في الكلية ونصف نهارها في سوق الله اكبر ..وبقية اليوم في المطبخ عند امها وحين ناتي في المغرب لمنزلها كان الغداء تاني بتختا والشاي تبرضو كبابيهو بتجي مبخرة ..الاسبوع كلو إلا يوم الجمعة والخميس ..يوم الجمعة بيت ناس معز صديق والخميس تحت جهنمية عن عمار تنظيمات في( زين الشابك )..
    المعاصرات ديل عايزين يطلعو لينا ام عادل وشذى نجم الدين خرافة
    عايزين يمرقوهن جزء من اكاذيب ..
    عشان الواحدة فيهم عندها لاب توب وبتقعد ليها ساعات في مكتب بي قزاز..
    دايرين يزلزلوا يقينـ نا في ذاكرتنا البقى ما عندنا إلا هى..
    الذاكرة البقينا بس تاكلين جواها ..انهزام من الزمن الجانا.. ومودة لي الزمن الراح مننا..
    قاعدين فيها انهزام ومحنة..
    تجيك واحدة من امريكا وواحدة من وين ما عارف ، تقول ليك: ( في خضم المتغيرات والمتطلبات العصرية .. الخ)
    يملوك فـقُـر لحدي ما جابت ليها كلاب ودببة سيرك ..
    وتتمادي وتدخل ليك كلمة مصريين في مشروع حياتك وحلمك الجميل بقصد حشر ما يزعجك في متون الحديث ..
    هسع في ذمتك يا دافي في دببة مصرية ؟؟
    زول تقول ليها عيب تشبهي مرتي بي كلاب سينمائية ..تجي تقول ليك خلاص دببة مصرية

    هسع دب السيرك ده يجيبو ليهو حلاوة من وين يحتو منو شعرو الكتير ده ؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-24-2004, 11:38 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    وبعد:-
    قد لا اجد فرصة اخرى للكتابة اليك وانت تعلم اني لا احب الكتابة في الميسنجر ولا اقوى على فتح الهوت ميل..
    معز: الان في نهايات الماستر في بورت سموث ..بدر الاستاذ لايزال بدر الاستاذ ..
    بدر التعيس: لا اعلم عنه شيئا ولعلك تعلم عنه..
    الماسوني : قالو ما سائل في زول من يوم ما خشا الجيش وكان في البحر المتوسط ورجع فيلادليفا وهسع تاني رجع الخليج ..لعلها تعلميات اليقرز ..
    حيدر:لا اعلم عنه سوى ما قاله لي عن الماسوني ..
    كمبال: فعل ما لايفعله بني ادم ..ولكنه يظل كمبال الذي نحب ..
    يوسف: سالته عن حاله مؤخرا فقال لي من تلك التي تنظر الى رجل مثلي يدرسهم بلا مقابل..
    مزمل التجاني: ناسب ناس الرياض وحمل جيتارا وتوجه الى هجليج مهندسا ..
    خالد نقد: من زمان ود ناس ولا يزال وقد تأهل ..
    مروان: معي هنا في نجد ، نؤدلج فيما تبقى من اشياء ونتقى شر من احسنا اليه..
    انتا اخبارك شنو ، اخبارك انقطعت من فترة واخرها انك لازلت في ذلك المول ..
    اوقفت مشاريعك تجاه الدراسة لان الظروف لا تسمح..
    ان كانت الظروف لا تسمح هناك ولا تسمح لي هنا..اين سنجدظروفا تسمح يا دافي؟؟
    بدلنا الارض بارض غير..
    ثم بدلناها مرة اخرى ..
    وابدلنا الناس باناسٍ افتراضيين ..
    ثم ابدلنا هم اناساً غيرهم..

    ولا زال الحال كماهو ..الارض الغريبة والنفس الامارة بالسوء
    كالطرائد على الارض ..
    لاهثين ملتفتين ابدا..








    ـــــــــــــــــــــــــــــــــــــــــــــــــــــــــــ





    لانا مهدي العزيزة

    اسفي لان البوست اصبح ودودا اكثر مما يجب واصبح نهب تفاصيل لا تفيد كثيرا ولكن البركة فيكي استحملينا ..انحنا زول بيستحمنا مافي ..
    مع ودي وعظيم امتناني
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-25-2004, 06:59 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    دكين
    اشهد أنك خليتني أقرقر من صباح الرحمن لا عرفناه جن لا عرفناه غبا
    ولكننا نزداج قناعة أنك ما براك.
    يا مبدل

    حدثني صديقي متوجساً(يبدو خايف من حدتي ولساني السليط وشاكي اني بعضي مرات) أن كلمة (كلب) وجملة الخواجات التي اوردتها أعلاه،، ليست لائقة بي،، بافتراض منو اني بت حنكوشة وما اتربيت في الخيران،، وليس لائقاً بفتاة من المفترض أن تكون لطيفة،، أن تقول كلام (شين) ذي ده.
    ورغم أني اوضحت أني لم اقصد تصرف المرأة الخارقة بالكلاب،، ولكني قصدت تصرفك معها انت الآلي المادي،، إلا أني يبدو بتكلم لاوندي،، والجماعة لا يجيدون إلا اللغة الكلاكلية.
    وعليه انا اعتذر (جادة) عن الكلمة ال(قاسية) كلمة (كلب) واسحبها ،، وبلاش دببة وبلاش نقاش موضوعي أساساً،، المفروض أني اسبل عيوني،، وألف وادور،، وأخفض البصر كسوفاً وحياءً،،ثم العلع بصوت أحاول أن اجعله هامس رغم اللعلعة،، أن حياة الرجل (وأكون قاصدة سين من القاعدين ولا بأس إن خصصته بنظرة دباحة)،،أن حياته ستكون جنة وأن البت الخارقة (إشارة لشخصي الحتفاجأ بعد داك اني ما كنت بقصدني) موجودة أنت بس غمض عيونك،، فتحها تلقاها،، واقيف قدامك،، وانعم صوتي،، واقول ليك فتح عيونك،،، تك تلقاني قدامك،، ثم ببلاهة أكرر،، أها لقيتها؟؟!! ولما تقول لي (تعال نعرس) أرد بدهشة (والله يا هناي فاجئتني!!!)
    كده كيف شباب وقد قال الشاعر يوماً (حاولي أقريني مرة صاح)؟؟؟!!!

    الأعزاء جميعاً (دكين والبقية المستاءة)
    قد أوصل (رطانة) لما تفهموا كلامي الفوق ده،، وبعد إذن صاحبة الدار


    العزيزة لنا مهدي
    بتكوني بالجد اتضايقتي كوننا اقتحمنا بوستك بدفاشتنا المعهودة؟؟؟!!
    اعتذر إذن،، وصدقيني،، ده طبع شين أكتر منه جفاصة،، وكان ما دايرانا بنشيل بقجنا ونكسح طوالي.
    معليش امسحيها في وش دكين أصلو شين ما بأثر فيه.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 06:29 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الاحبة الطيبين
    السلام عليكم و ابدا بالحبيبة الغالية بت قضيم
    طبعا و اكيد ما اتضايقت و بقجك فكى صرتها و رجعى الكان فيها لى محلو و اقعدى هنا بالعافية و بالعكس شرفتو البوست و رعيتمونه برغم غيابى ففوجئت به كرة ثلج تكبر كلما تدحرجت و الى المزيد من المداخلات القيمة اللطيفة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 06:38 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    دكين
    تفكير متقدم انك ترضى مرتك تجوط ففيك زى ما دايرة المهم ما تبين قدام الناس ضيقها و تبرمها ورايي مش تجارب فقط لكن مشاهدات من البيئة هنا و احتمال كبير لان الخليج ظروف الناس بالاصح وقتهم زى السودان ما مستهلكين زى ناس امريكا مثلا فى دوامة او طاحونة عمل لا ترحم
    اراك بالغت فى ضم المراة التى وصفت لثالوث الغول و العنقاء و الخل الوفى
    كدى فكر شوية
    ممكن تختها تانى المستحيلات بدل خامسها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 07:02 PM

bint_alahfad
<abint_alahfad
تاريخ التسجيل: 02-04-2002
مجموع المشاركات: 3522

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    بوست جميل ومداخلات رايعه من جميع الاطراف

    بقول رأيى بعدين لو أذنتو لى!

    مشتاقه ليكى كتير يا لنا



    وفى امان الله

    لا اله الا الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 08:45 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبيبة الغالية جدا بنت الاحفاد
    وانا مشتااااااااااقة ليك شديد شديد
    فى انتظار مداخلاتك

    نزار حسين
    لا اصف مداخلاتك بالمتفائلة بل بالواقعية و كلمة فى سرك اعجبنى رايك فى بنات بلدك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 08:48 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    تبلدينا
    وها قد حضرت صاحبة البوست
    واكرر طلبك بعدم غياب المداخلين طويلا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 08:51 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    دافى
    مافات
    مافات
    مافات
    ____
    ______
    _________
    ___________
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 08:55 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    لا يا تبلدى ياخوى
    ما تكشر وشها
    تديهم كلام عن داوننج ستريت وحرب العراق و ازمة بوش الانتخابية
    نخليهم هم اليكشرو
    يعنى الكورة تبقى فى ملعبهم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 08:57 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    دايرين التفصيل بعد الاجمال يا تماضر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 08:59 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    حبيب بلدو
    انا فضلت العنوان [ الخضة ] و آتى اكله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 09:03 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    مراويد
    كتبت فى مداخلتك :
    "دكين
    نصيحه منى ليك..و انا منفذا

    لا تتزوج...و اندم (بسعاده)..على مهل "
    حرام عليك جنيت على اخوانك بنصيحتك ثلاثية المقاطع اعلاه
    وشيل شيلتك مع بنات حواء
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 09:06 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    يا شمهروش قلت مفلس و داير واحدة قدر ظروفك و مغتربة او معاد توطينها او مهاجرة؟؟؟؟؟؟؟؟@!!!!!!!!!!!!!!
    قلقتنى
    شكلك كدة داخل على طمع
    تانى مرة ما تدق اعلان بل استعن بالكتمان

    (عدل بواسطة lana mahdi on 02-27-2004, 09:08 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 09:18 PM

bint_alahfad
<abint_alahfad
تاريخ التسجيل: 02-04-2002
مجموع المشاركات: 3522

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبيبه جدا والقريبه الى قلبى لنا

    انا والله مشتاقه ليكى اكتر مما تتصورى

    حقيقه عجبتنى جميع المداخلات هنا برغم اختلافى مع بعضهاولم احب خوض النقاش فى ذلك الموضوع لولا لفتت نظرى المناقشات المستمره بين الاخت العذيذه بنت قضيم والاخ الكريم دكين

    فأسمحو لى ان اقول رأى المتواضع فى هذا الشأن

    وارجو ان الطرفين لا يأخدو رأيى بحساسيه لأنه ربما يكون صوابا او مخطأ

    لا اعتقد ان تعليم المرأه وعملها وخروجها بره البلد يخليهاتتنازل وتسيب عاداتنا وخاصه الجميله منها, ومن اجمل ما يميذنا كسودانيين اننا نكرم الضيف ولو على حساب انفسنا, ازكر فى مرات كتيره بكون خارجه مع امى عندها ميعاد مع الدكتور ولو جاء ضيف تقعد وما تحسس الزول كلو كلو انها كانت مارقه حته حتى لو راحت مواعيد الدكتور ما بتضايق ابدا

    والضيف سواء كان من الاهل او من اصدقاء الزوج او صديقات الذوجه لو جو كلو يوم من غير ميعاد ما مفروض الواحد او الواحده يتضايق من حضورهم ويظهر لهم ذلك,
    بل من المفترض ان نشعر سعادتنا بوجودهم حتى لو لم يكن ذلك حقيقه واتفق مع اخى دكين هنا, خليها تخدمهم وبعدين تنقنق فينى زى ما عايذه وللعلم ما مفروض المره تشعر انها شغاله عند الرجل عشان بتعمل كده, فالبيت هو مملكتها وهى تكرم ضيفها وضيوف زوجها هنا

    لكنى اعيب على بعض الرجال ان المرأه تكون تعبانه طول اليوم وما يفكر يساعدها او حتى يقطع لها سلطه او اى شئ بعدين البعض بيعزم اصحابه بدون معرفه ان المرأه قادره على خدمتهم هذا اليوم ام لا وهل نفسياتها جيده هذا اليوم ام لا؟ لأنو ممكن الواحده تكون تعبانه ولما يعزم اصدقاءه من غير اخبارها يذيدهاارهاق على ارهاقها وليتفهم شباب هذا اليوم ان المرأه خصوصا فى الغربه لا يوجد من يساعدها فلا يرهقها بكثره الطلبات وليساعدها ان كانت عامله

    والموضوع لا يحتاج لكردال دهب كلمتين حلوين وتقدير للمرأه يقضيان الغرض ويجعلنها بعد نقنتها بعدين ترتاح وتفرح انو فى زول مهتمى بيها ومقدرها ويادار مادخلك شر على قوله المصريين


    وفى امان الله

    لا اله الا الله
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-27-2004, 09:27 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبيبة الغالية بنت الاحفاد
    لو احبت المراة الرجل حقيقة
    واقتنعت تماما باختيارها
    بالتفاهم تسير مركب الحياة
    و لا اقول انها ستكون عسلا صافيا بل تكون محتملة فى زمننا الصعب هذا
    محبتى لك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-29-2004, 11:22 AM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    وجدت هذه القصيدة الطريفة وسط اوراق قديمة لى و لا اعرف مصدرها او شاعرها
    *************
    قبل الزواج يكون المرء محترقا على التى يهواه قلبه علقا
    تراه ينفق اموالا قضى زمنا من الجبين عليها يسكب العرق
    ويهجر الاهل و الاحباب اجمعهم لكى يكون بها فى الحب ملتصقا
    لو انها سالته حاجة لجرى كالسيل مندفقا و السهم منطلقا
    يشرى لها كل ما تهواه من تحف يشرى الاساور و الاطواق و الحلق
    حتى اذا وهبته قلبها فغدا زوجا لها و على صدق الولا اتفقا
    قلت محبته للحال و انقلبت بغضا و لم يبق من ذكر لما سبق
    اقل حادثة منها تهيجه حتى اذا عارضت قولا له حنقا
    يغيب عن بيته ليلا فيتركها وحيدة فتقاسى وحدة و شقا
    حتى اذا سالته اين كان أبى رد الجواب عليها و العصا امتشق

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-29-2004, 12:10 PM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    أناغايتو ندمان على مهلي وحزوج على مهلي
    وكان ماانمهلت حتطلق بسرعة
    طق . طق .طق
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-29-2004, 12:18 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    غايتو يا كبسيبة يا خوى قصة المهلة الزايدة دى نتايجها عكسية خليها تزوج على مهلك و اسعد بسرعة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

02-29-2004, 10:38 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    Quote:
    العذيذه بنت قضيم والاخ الكريم دكين



    الحرف رقم اتنين بعد الشفت الفي يمين الكي بورد باتجاه الحيطة هو حرف ال (ز)
    حاولي اسخدميهو دايما بدون خوف ومتى ما اصبعك وصل هناك حتى ولو يكن الحرف جزءا من الكلمة ..واعلمي انه من الحروف المسالمة ..ولا ضير في استخدامها ..

    ليس من العدل ان يكون جواكي بنية خدومة وست بيت ..مع لجنة في حرف الزاي...


    والحق يقال يا بت الاحفاد انتي كلامك سمح والخير فيهو باين
    Quote:
    خليها تخدمهم وبعدين تنقنق فينى زى ما عايذه

    ده المفروض يكون شعار مشاريع زواج الاخوة غير المعاصرين المعاي ناس دافي وتبلدي ومراويد وتبلدينا والبقية المتاخرة..
    حنعمل عرس جماعي ونرفع ملاية خضراء كبيرة نكتب فيها
    (خليها تخدمهم وبعدين تنقنق فينى زى ما عايذه)
    اخدمي ونقنقي فنحن نعلم انكم معشر النساء لابد ناقات ، طال الزمن ان قصر ، فان كان لابد مما ليس منه فكاك فالاولى ان تتستري مع الغير وخلي حالك معاي كاشف ، انا زولك بحملك ليس جبرا ولكني قد احببتك حين كنت بالخيار .


    امك زولة مبروكة زيك ولا عجب ان تاتي بمبروكة اخرى مضيافة




    Quote:
    لكنى اعيب على بعض الرجال ان المرأه تكون تعبانه طول اليوم وما يفكر يساعدها او حتى يقطع لها سلطه او اى شئ بعدين البعض بيعزم اصحابه بدون معرفه ان المرأه قادره على خدمتهم هذا اليوم ام لا وهل نفسياتها جيده هذا اليوم ام لا؟ لأنو ممكن الواحده تكون تعبانه ولما يعزم اصدقاءه من غير اخبارها يذيدهاارهاق على ارهاقها وليتفهم شباب هذا اليوم ان المرأه خصوصا فى الغربه لا يوجد من يساعدها فلا يرهقها بكثره الطلبات وليساعدها ان كانت عامله

    كلامك عداه العيب لكن ده موضوع تاني غير ذي علاقة ممكن نتكلم عنه في اي باب تاني غير الباب ده..فالحوار الاخير تشعب حين تم تشبيه المرة بالآلة ام ضمان ..
    وبت قضيم طرقت نفس الموضع غير ذي العلاقة و سالت مرة :ماذا يفعل الرجل والمرة قاعدة تخدم في المطبخ ؟؟
    ما جاوبت لاني السوال لم يكن منتجا في الحوار ..
    وفي حقيقة الامر لا ادري مكانا لرجل جاءه ضيف سوي الصالة التي بها الضيف ...
    كجزء من مشروع ضيافتك انك تقعد معاه ..
    واحتمالات انو جا عشان يقعد مع مرتك مثلا وانتا تمشي تقطع السلطة هو احتمال لا يمكن تخيله غالبا ..
    وحتى لو تخيلناه فهو احتمال لا يمكن الحديث عنه وشين في واقع الامر ..
    ومن المؤكد انها عملية شينة ايضا لوخليتو في الصالة ومشيت اداقش مع المرة في دولاب المطبخ ..
    كما انه من غير الذوق اني اخليهو براهو وامشي اقعد في حفرة الدخان نص النهار ..موش كده ولا كيف؟؟

    ختاما يا بت الاحفاد
    اسمو كردان دهب ما كردال ..
    ولان النون في الكي بورد بعيدة نوعا ما عن حرف اللام فانا استبعد انها تكون غلطة كي بورد ..
    وعليه اعتقد جازم انك الدهب ذاتو ما بتعرفي كويس ..
    وهو امر جميل يدل على انك ما شغالة بيهو كتير ..و معدنك في اصلو دهب وبالتالي لم يعد لديك اي سبب لمعرفة اي فلزات اخرى ..باستثناء معندك الجميل..

    والله انتي شكلك النوع المبروك داك الماعارف الدهب ذاتو بسوو بيهو شنو...

    يا خوانا ماتورنا البت دي بت منو؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2004, 07:21 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    تحياتي يا بت الأحفاد
    وتحياتي للجميع بالطبع

    أتفق معك في معظم ما قلت،، ولاحظي أنني للآن لم اقل رأي في وجود مثل هذه الشخصية الأسطورية من عدمه،، لكني كنت اتساءل،، هل يوجد (مستر رايت) ذاك الذي يستحق هذه الفتاة الفلتة (إن وجدت)
    الأخ دكين قال،، أنه ليس من الجيد بل أنه (شين) شديد،، بل وليس من المنظور،، أن يترك الزوجة في حضرة الضيف الكريم في الصالون،، ليكابس في المطبخ مساعدة لها لأنها عندها (حبة صداع)
    ثم أنه قال (كردال) بالنون وليس باللام،، وأشاد بك عدم معرفتك للدهب،، مما يدل على أنك ليس (فارغة) أو فيما معناه،، أي أن اهتمام المرأة السودانية بتكنيز الدهب،، تفاهة وعدم موضوع وسطحية،، وممكن تكون ما بت ناس برضو،، مع أن اهتمامها بالحنة (مع أننا سمعنا أن الدهب الأصفر ينفع في اليوم الأسود ولم نسمع أن الحنة السوداء نفعت في يوم مهبب) اهتمامها بالحنة ليس (عدم موضوع) كما أشار في إحدى محاضراته سابقاً،، ومع ذلك هو مستعد أن يأتي لها بالكردان الدهب (بالنون) كل آخر شهر إن نافقت وأجادت التصرف مع الضيف الذي هو صديقه الذي غالباً سيظن بهما السوء لو أن صديقه سيد البيت تركه في رعاية زوجته من باب (الذوق) الهو لا يملكه،، وذهب ليساعدها في المطبخ كونها يا حرام جاها شوية شلل أطفال من الشغل والنضافة والغسيل والمكوة ومذاكرة الأطفال الحيجي هو (الزوج) اللطيف يوما يطبطب عليهم سائلاً بمنتهى الطبيعية (انت هسه في سنة كم؟؟)

    أنا قلت يا بت الأحفاد،، أن هذا الفكر ال(ضيق) ال (متزعزع) ال (منافق) ال (سطحي) ال(متناقض) ال (غامض) ،، لا أظنه يستحق وجود مثل تلك المرأة المثالية،، حتى الدين قال (وسوف اتهم بالظلامية يوما ما) الطيبون للطيبات،، والسؤال هو،، الطيبون ديل وين؟؟!!
    ثم لا تستخدمي حرف الزال ،، حلاااااتها لدغتك دي

    دكين
    الموضوع ال
    Quote: تاني غير ذي علاقة ممكن نتكلم عنه في اي باب تاني غير الباب ده..فالحوار الاخير تشعب حين تم تشبيه المرة بالآلة ام ضمان

    هو جزء لا يتجزأ من الموضوع الأصل (حسب وجهة نظري الضعيف) ، أو كيف تناقش حياة مشتركة وتمسك فيها طرف وتسيب الطرف التاني قاعد في الصالون يقهقة كما هارون الرشيد بدون ذرة إحساس واحدة؟؟!!
    كدي تعال يوم من الشغل تعبان،، وعرقان،، ومديرك مطلع عينك،، ثم خلي(لنقل أختك) تقول ليك (عيش مافي جيب لينا عيش للغداء جارتنا متغدية معانا)
    يا ربي حتبتسم وتجيبوا يا الهدي ورضي،، واللااااااا!!!!!!؟؟؟؟

    لنا مهدي
    أشكر فضلك واستضافتك واتمنى أن لا تندمي يوما على ذلك انتي ما عارفة ممكن نقاش ينتهي كيف مع الأخ دكين،، بعد شوية ببقى فيها نعاج وبقر وهلم مزرعة.
    أديها صنة بس

    (عدل بواسطة بت قضيم on 03-01-2004, 07:38 AM)
    (عدل بواسطة بت قضيم on 03-01-2004, 07:38 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-01-2004, 07:47 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الاحبة دكين و بت قضيم
    واصلا رجاءا و نحن مستمتعون جدا
    محبتى لكما
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2004, 00:11 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    قد اضطر في قادمات الايام ان اسكر عشان ارد على بت قضيم دي
    ليس لان حديثها غارق في عظمه ولكن لان بها تخريفامفرطا يجعلني لا استطيع ان افهمها مالم اصل الى تلك الدرجة من التخريف..
    والشراب من ايام الجامعة كان يعيديني الى حالة تخريف مماثلة ..
    الكلام ده اتمنى انو بت الاحفاد ما تكون قرتو ..ولو قرتو اتمنى انها تطنشو وتعتبروا من باب سد الذرائع ليس إلا مع اني لا اعلم ماهية هذا الباب ..

    ولعل من اعظم الخلافات بيني وبين بت قضيم انها تقولني ما لا اقول وتقول عني نيابة مالم اقلة اصلا
    ..

    Quote:
    أي أن اهتمام المرأة السودانية بتكنيز الدهب،، تفاهة وعدم موضوع وسطحية،، وممكن تكون ما بت ناس برضو



    وده كلامي القتو

    Quote:
    وهو امر جميل يدل على انك ما شغالة بيهو كتير


    اتمنى انو زول يطلع لي منو التفاهة والسطحية وبت الماناس ..
    الاخت بت قضيم
    شتان ما بينو وبين تفاسيرك لكتابتي ، ما شغالة بيهو لا يعني باي حال تفاهة البت وسطحيتها كما انو مسالة انو البت ممكن تكون ما بت ناس القتيها دي وصلتي بيها اقصى درجات المبالغة في التفسير عن الغير ..
    Quote:
    هو جزء لا يتجزأ من الموضوع الأصل (حسب وجهة نظري الضعيف


    هو فعلا يا بت قضيم لايتجزا عن الموضوع الاصل ..ووجهة نظرك ما ضعيفة ولا شتين معقولة انتي وجهة نظرك تكون ضعيفة؟؟
    انتي المحل البترمي فيهو نظرك اكيد محل مؤسس موش مبهدل ومتزعزع ومتناقض وغامض وسطحي ومن الكلاكلات واطراف الكدرو..
    ولكني ذكرت فيما ذكرت انو الحوار تشعب عن الاصل ..
    يعني زحة منو بالدارجي كده..
    وبقينا في المرة الخرافة هل هي موجودة ام لا بغض النظر عن وجود الرجل الخرافي البستاهلا ..
    يعني نثبت في اول الحوار -طالما تشعب الى ذلك- انو هي موجودة ويمكن الحصول عليها وبعد داك نشوف مسالة تثبيت الرجل الخرافي ..
    ذلك اجدى وانفع للحوار ولي وللبعض هنا على ما اعتقد..
    وللعلم فان وجود المرة الخرافة هذه لا يشترط وجود الرجل المقابل لها

    يعني ما عشان انو المرة اتلقت ممكن في الجزء التاني من النقاش نلقى الرجل ..

    وانا تاني ما حاقعد اشرح ليك في الحتة دي...و لو فهمك ده اصبح ضيق لست انا من جعله كذلك فما تمرضيني يا منقة ..

    بعدين شايفك مصره على حكاية انو المرة لوتعبانةو عندها صداع ومرهقة مافي داعي تعمل حاجة في المطبخ ..
    اصلا لو هي ما تعبانة ببقى مافي مشكلة من اساسو ولا اعتقد انو المرة الماتعبانة لو اكرمت ضيفا تكون عملت شي يستحق الذكر في منتدي بكري ..
    المرة الما تعبانة تكون فقط فعلت حاجة عادية بتعملا اي بت او اي بني ادم ..
    والطبيعي انو لو جاك ضيف او صديق في مواعيد زيارة حيلقى الامور تمام والضيافة جيدة ..
    والطبيعي ايضا انو لو جاك في مواعيد غير مناسبة يلقى لافي ضيافة ولا يحزنون ..حيلقى مرة تعبانة مرمية في السرير ومعلقة طفل في صدرها ولابسة هدوم الشغل وعليها الارهاق بادي..
    الماطبيعي بقى يا بت الحلال انو الضيف يجي في المواعيد الزفت ويلقى خدمة خمسة نجوم..
    اها انحنا كايسين المرة دي (مرة الما طبيعي ) البتشتغل وقت الذروة موش وقت الحريم اصلا بكونو شغالات وما عندهم مانع لخدمة الضيف..



    نهاية الكلام يا بت قضيم وانتي الكلام معاك ماعندو نهاية ..
    هل في مرة زي دي ولا مافي ..وبدون ضمان؟؟
    بس ردي على السوال ده وامشي شوفي ليك بوست تاني ..لانو بعد مانلقى المرة الخرافية دي حنتكلم عن المرة الماخرافية( كضبها ، ترفها وقولها ما لا تفعل )

    ــــــــــــــــــــــــــ
    هل تصدقوا يا خوانا موش هسع انا بتكم دي فهمتها انا قاصد شنو؟؟
    حتجيني تاني وتقول لي لي اها والراجل هارون الرشيد قاعد يسوى في شنو وقت المرة الماطبيعية دي قاعدة تقشر في البامية ...

    (عدل بواسطة DKEEN on 03-02-2004, 00:19 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2004, 00:28 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: DKEEN)

    لانامهدي مشكورة علي الفرص الطيبة
    لكن هل فعلا انا كلامي كما مفهوم ولا البت دي تقصد ان تجعلني ابدو غير محترم؟؟



    بت الاحفاد
    الكلام اعلاه لا يعني اي شي يمكن ان يذهب اليه تفكير البني ادم السوي..
    كلام هبوب لي زولة هبوب ..


    نامل انو مايكون مؤثر على اي شي يتم مستقبلا ..

    قصدي حرف الزاي ما قصدي حاجة تانية..
    مع احتراماتي
    وفائق ودي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-02-2004, 07:39 AM

بت قضيم
<aبت قضيم
تاريخ التسجيل: 07-05-2002
مجموع المشاركات: 2048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    والشراب (الأيامات دي) بطل يخليك تخرف ذي (أيامات الجامعة)؟؟؟!!
    دكين
    أرجوك أن أمسك أعصابك الفلتانة دي

    وقبل أن أرد على كلامك العصبي المغيوظ (وقد يكون ده مؤشر أن كلامي وقع في جرح)،، حابة أأكد أني (والله شهيدي) لم اقصد (ولن افعل يوماً) أن اظهرك في شكل لا محترم،، والسبب أنه شن غردي بيك أولاً،، وثانياً أنا مجرد بحلل في كلامك،، والله لو فهمتك غلط فمشكلتك أنت أن تحاول تحسن أسلوبك.
    ثالثاً سبق يوماً أن تبجحت وقلت أنك بت قضيم،، والناس صدقت،، ومن غير المنظور عندي إن الناس تصدق إني واحد شين مسمي روحو بت قضيم،، لأ وكمان ما محترم،، ف،، خت الكورة واطة.

    ويا بت الأحفاد أنا أشهد أن دكين محترم وهذا على ضمانتي حتى ولو كان مبدل.

    تعبير بت الناس وبت الما ناس تعبير عام يا (ذكي) ولم أشر به لأي أحد
    ثم أني أساساً لم اقصد به أي سوء،،، يا اخوانا احنا في الكلام العادي ده لما نكون بنتونس عادي بنستعمل لغات المثقفاتية والتوصيفات البلاغية الكنانية الزجلية واللا بنقول كلامنا العادي ده؟؟؟!
    أها أنا بنقول كلامنا العادي ده،، وأنت أدرى بقصورنا الثقافي.

    لا يهمني إثبات وجود البنت الخرافة من عدم وجوده هذه مشكلتك أنت،، أنا دخلت هنا افسر كلامك واحلل أحلامك التلفزيونية الغامضة وأكشف تناقضاتك وحبك المخفي للأفلام الهندية،،، ليس لأنك تحديداً دكين،، لكنك نموذج متكرر ممل من تفكير نوع من الشباب لا يهمه إلا انتراحته وسعادته وضيوفه ابات لا ذوق،، وبيريحوا ضميرهم بأنهم على اتم استعداد لدفع الثمن كرادين ودهب ولازي منو...
    وروق المنقة أنت يا حبيبو (دي واو الديك ما تنسى)
    فهمتك واللا ما فهمتك ماشين يدونا نياشين؟؟؟!!!

    لنا مهدي
    صدقيني حتندمي ومع ذلك جزا الله كرمك كل الخير

    تحياتي للجميع واعتذر مسبقاً عن انسحابي ليس لاني عايزة انسحب لكنها شكلها حتقلب ضلمة وحوارات استفزازية لا تودي ولا تجيب.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-23-2004, 12:08 PM

walid taha
<awalid taha
تاريخ التسجيل: 01-28-2004
مجموع المشاركات: 3100

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: بت قضيم)

    بت قضيم ازيك ده انا جيت

    الى كل من يعرف دكين ..هذه الايام مناخه حار جاف صيفا

    وبطنو ما بالحيل غريقة ( ماتعاينو لتاريخ المداخلة دى)
    وكان بقت شوييية غريقة بجيب ليكم حقكم منو
    انتو كمان اقصرو الشر ووصو كل البنوتات الحلوات ما يقبلوا دكين عريس وبس كده تكونوا كسرتو شوكتو..واديتوه فى التنك وريحتو روحكم

    وكده بضمن ليكم النصر المؤذر
    ضمان سنة مع القطع

    امشـو بس
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2004, 12:28 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    طيب ياخي وقت ما بهمك وجود الخرافية من عدموا مالك علينا..جيناكم في حلتكم قنا ليكم هلمو يهمكم؟؟
    انحنا جينا البوست ده عشان نعرف هل هي قاعدة ولا غارت في زمن غابر ..
    ضيعتي زمني وباندوث بكري مالك ياخي؟؟
    تحليل شنو الانتي بتحللي فيهو ...تحللي شنو بس ؟؟
    انتي خلاص العايزين تحليل في حلتكم خلصو لامن تجي تحللي تفكير دكين او تفكير الشباب الزي دكين..
    الله بسالك انتي الحللتيهو فينا شوية يا منو ماعارف ؟؟
    بسالك يوم لا ظل إلا ظله ..ولسوف ياتيك من دون الخلق اجمعين يسالك عن تحاليلك التي اجريتيها على عبده الفقير دكين ود انيسة سويتي بيها شنو؟؟
    انحنا سوينا ليك شنو ياخي لامن تجي تحليلينا كده..سوينا ليك شنو؟؟
    تحليلينا مالك ..قنا ليك تعالي حللينا؟؟
    كاتلاك الحلحلة ؟؟
    حلحالة شديد يعني ؟؟
    يعني هسع وقت جيتي ناطة اول مرة هنا وقلتي (مع ضمان كم سنة؟؟)داك كان تحليل؟؟
    بلاي نكبتي نفسك كم ساعة عشان تمرقي بي تحليلك الهائل داك؟

    كدي حللي شخصك الغالي ..بعدين تعالي حلحلي فينا لامن تصبح..
    ده لوبقا عندك نفس للتحليل بعد داك..

    بالمناسبة انتي اخر مرة حللتي الدم متين؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2004, 12:41 PM

shiry
<ashiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: DKEEN)

    سلام مربع

    يا ساتر يااارب

    ليه كده يا الحبااان

    صلوا على النبي ياشباب
    وختوا الكورة واطه

    اما عن نظرتي الوردية للزواج ، جارتنا الشديدة ولضيضة
    قضت تماما على هذه النظرة
    وجعلتني انظر اليه بعين مرمدة ومسجمه
    وجيت بس عشان اتساءل ليه كده بــس يارجال
    حرام عليكم ، ادونا معاكم فرصة
    اوعكم تقولوا لي ،
    دي راكبة من وين ادوها قروشها
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2004, 12:51 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    ..
    .
    سلام للحبان هنا ..
    دكين / بت قطيم / وست البوست وبقية الحبان

    ادخلى برجلك اليمين يا شيرى .. عليك النبي ؟؟
    القعدة حتحلو بوجودك ورأيك اساسا انا اديت تفويض لدكين
    لانى بتفق معاها عن المراة العنقاء التى صارت شبه معدومه
    بس بت قطيم- هنا وبس - بتحرف وبتغير وبتعور فى كلام دكين دا بمزاجها ..
    فعشان كدا ادينا طله ..

    دكين يا حلو .ز
    انت يا ود جيلى كدا مالك ..؟؟
    شنو تشيل وتدردق فيك وتحللك وترفع كلسلورك وتحليك تجيب
    سيرة المش ولا بد ؟؟
    وكمان بقى ليها موضوع سمعت بنكتها الفكتها عن ود ست العرقى
    قال الاستاذ قال ليهو نص + نص = كم قال قزازة
    والله رغم انها عجبتى لكن احسست بالاسقاط ..
    حاجة تانية والله العظيم المنبر دا اما تنقض يحير العقول او خرف
    عن الحياة الواقعية بتكلموا برره من راسم رجال ونسوان مش كدا وبس
    بيحلموا بعالم سعيد كمان ..
    فاهمنى ؟؟ لازم تفهمنى لو ما فهمتنى بجيك بالدرب عددديل كدا
    لانو بقت فى شكوك فى المراة النخله العنقاء وليست النخله المنظراتيه - ما قصدى انت يا بت قطيم - فى ناس كتار

    والله بجيكم قلت امشى اتغدى وارجع ..

    تحياتى مع الود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-03-2004, 09:06 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    بالهنا و الشفا يا تبلديناومنتظرين الاياب و الف مرحبا بالغالية الحبيبة شيرى منورة البورد وده طبعا بعد العتب على الغياب يا شيرى مازى اول تواجدك ، ما شايفة الجمهور متململ من الغياب ده؟؟؟؟؟
    ويااحبتى دكين و بت قضيم كلاكما منكهات للبوست مالو النفس بقى حار؟؟؟
    محبتى لكم جميعا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2004, 06:03 AM

yagoub albashir

تاريخ التسجيل: 05-07-2003
مجموع المشاركات: 1025

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    لنا
    خوفتى الشبيبة
    الصحيح:-
    تزوج بسرعة و اسعد بسرعة
    تزوج على مهلك و اسعد بسرعة
    لا تتزوج فلا تسعد
    لك المودة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-11-2004, 10:12 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    ..
    .
    يا جماعة ما عايزين نتزوج على مهل ونندم
    طول العمر ..!!
    الناس دى طشت ووين ؟ يا ربي اسقط لى جملة
    اقنعونا ولا خلونا مع حلم العالم السعيد دا ؟؟

    بعاين من الشباك ..يا ...


    سلام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-15-2004, 12:04 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    تبلدينا لو تابعت كلام اخوك يعقوب مافى ندم خالص يعنى نقض لينا البوست كلو،،شوف بالله!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-23-2004, 09:16 AM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    تم رفعة لزوم طباعتة وكده ..




    طباعته لحدي ما روحنا دي تنشف
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-24-2004, 08:38 AM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    وليد طه شكرا على المرور ودكين مش مناخو بحر ابيض متوسط و بس
    قال كمان روحو ح تنشف
    هل من مغيث؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-24-2004, 12:16 PM

wadaldeem

تاريخ التسجيل: 03-05-2002
مجموع المشاركات: 386

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    ما هو أكثر شيء يسبب القلق لشريك حياتك حاليا ؟
    ما هو حلم حياة زوجك ؟
    من هو أكثر شخص من أقاربه لا يكن له ودا ولماذا ؟
    ما الذي يثير جنون زوجك وعصبيته ؟
    ما هي طبيعة مكان عمله ؟ ومن هم أصدقاؤه هناك ؟

    الحل بى بساطة:
    توزيع الثروة والسلطة
    الثروة=الزوجة
    السلطة=الرجل
    اى اخلال بالاتفاقيات تانى مابتتحل الا بى تدخل المازون السامى ضاحية بيت النسابة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-24-2004, 02:51 PM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: wadaldeem)

    يا لنا مهدي...وصلتو لي شنو؟؟؟؟ بقيت افتش في الخلاصات

    فهل لا زلت عند رأيك تزوج بسرعة واندم علي مهل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-24-2004, 08:52 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    الحبيب ودالديم :قسمتها الثروة =الزوجة ،السلطة=الرجل طيب لو الزوجة دايرة الحاجتين نحلها كيف؟؟؟

    الحبيب نزار حسين انا كتا خاتاها تزوج بسرعة و اندم على مهلك طلعت فيها كسور و بواقى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2004, 08:09 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    يا لنا انا هسي بفتش لي الكسور وبواقي دي زاتا؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2004, 09:10 AM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    انا لقيتا لاكين قاعدة احملق فيها و اتاملا شوية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2004, 10:23 AM

nazar hussien

تاريخ التسجيل: 09-04-2002
مجموع المشاركات: 10092

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    لنا

    المرحوم خوجلي عثمان عندو غنية بتقول


    يا بخت الكسورو بواقي

    لا شقا.. لا شفق.. لا راح

    قلنا نسيت وقلنا نسيت
    سويت ليك ..دريب ومشيت

    فاذا لقيتي الكسور وبواقي...لا تبحلقي بل قولي وجدتها وجدتها

    اصلو السر كلو في الكسور وبواقي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2004, 11:06 AM

ايهاب
<aايهاب
تاريخ التسجيل: 05-06-2002
مجموع المشاركات: 2877

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: nazar hussien)

    تزوج بسرعة واندم على مهلك على الوقت الضيعتوقبل الزواج
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2004, 12:23 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    يا نزار ياخوى الكسور و البواقى من عينة الجابا ايهاب دى عمل ليهو تفريعة تانية للموضوع،،
    شفتا؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2004, 02:10 PM

Roada


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    Quote: : تزوج بسرعة و اندم على مهلك!!!!


    تزوجى ببطىء (علىىىى راحتك) حتى لاتندمى أبدا!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

03-25-2004, 08:04 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    شفتى يا رودا انتى وصلت لجوهر الحقيقة ب" علىىىىىىىى راااااااحتك" دى
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

04-01-2004, 04:43 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: تزوج بسرعة و اندم على مهلك!!!! (Re: lana mahdi)

    يقولون ان لم تقرر بسرعة الدخول فى مشروع الزواج فستندم كثيرا
    واذا تمهلت فى القرار و تانيت و فكرت فستندم كثيرا
    اما اذا فكرت فى استشارة من هم قبلك فى المشروع من [السابقين الاولين]فلن تقدم عليه من اصله
    وستندم على الاستشارة
    والله غالب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de