دعواتكم لزميلنا المفكر د.الباقر العفيف بالشفاء العاجل
|
|
 بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق المهدي
|
. . [qb]
بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادة الإمام الصادق المهدي
"محونا مزاعم المرحوم المؤتمر الوطني بصدد حزب الأمة اليوم"
بتلك الأحرف المتفاءلة نقل لنا الأحباب عبر خطوط الهاتف أنباء الإستقبال غير المسبوق لحزب كما استقبل وفد حزب الأمة القومي في ولاية جنوب كردفان/القطاع الغربي -مدينة المجلد الذي استقبلته جماهير الحزب من المجلد ولقاوة و الدبب و التبون الفولة وبابنوسة وكجيرة وكيلك و السنوط وابو زبد و الميرم وبقية المحليات بالخيل و النحاس.
تم لقاء الحزب مع وفد الإدارة الأهلية في منزل السيد علي نمر حيث تم نقاش العديد من مواضيع الساعة.
تم عقد مؤتمرالقطاع الغربي /ولاية جنوب كردفان الذي ضم محليات كيلك و لقاوة و الفولة وبابنوسة و أبيي بحضور السيد رئيس الحزب و الوفد المرافق له.
خاطب المؤتمر الحبيب الإمام رئيس الحزب ،د. عبد النبي علي أحمد الأمين العام،الحبيب إسماعيل آدم علي مساعد الأمين العام لشئون التنظيم،كما خاطبهم الحبيب اللواء فضل الله برمة ناصررئيس اللجنة العليا المنظمة للإحتفال و الحبيبة سعاد الطيب أمينة المرأة.
أختتم اليوم الإستثنائي بالندوة الجماهيرية الحاشدة التي خاطبها الحبيب الإمام ،الحبيب نائب رئيس الحزب د.آدم مادبو،الحبيب الأمين العام د.عبدالنبي على أحمد،الحبيب اللواء فضل الله برمة و الحبيبة سارة نقد الله إضافة لرئيس الحزب بولاية الخرطوم الحبيب أب قرجة كنتباي و ممثل هيئة شئون الأنصار الحبيب عبدالحميد الفضل.
وضم الوفد عالي المستوى الأحباب محمد عبدالله الدومة مساعد الأمين العام للإدارة ،الهادي محمد ابراهيم سكرتير الحزب بولاية الخرطوم،
الزبيرحمد الملك رئيس الحزب بالولاية الشمالية ،طه حسن رئيس الحزب بولاية نهر النيل ،أب قرجة كنتباي رئيس الحزب بولاية الخرطوم، رئيس الحزب بشمال دارفور اسماعيل كتر ،رئيس الحزب بولاية سنار الشيخ عبدالرحمن الأمين،و من قيادات هيئة شئون الأنصار عبد الحميد الفضل وآخرون من الحزب و الهيئة.
وقد كان في استقبال وفد الحزب ممثلوا الحزب بالأبيض ،كادقلي، النهود ،وأب زبد
جماهير الحزب الوفية للوطن هي زاده الحقيقي..جيدن جيتو لأهلكم يا صناع الفخار في الماضي و الحاضر و المستقبل.
وصحي:
أنـــــــــــــا كــــــــــــــردفان
أنـــــــــــــا أم الــــــــــــــرجال
محبتي
لنا
[/qb]
|
|
 
|
|
|
|
|
|
|
 Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: الطيب بشير)
|
Quote: و تحذير على الهواء يا الأميرة لنا من سـفر وفد عالي زي دة مع بعض!!
كل البيض في سـلّـة واحدة في بلد حوادثها كتيييييرة ..
نسأل الله السلامة
و نسـأل الحزب التخـطـيـط لسـلامة القيادات
|
Quote: المجلد : اسماعيل حسابو :
نجا زعيم حزب الامة الصادق المهدي ومرافقوه امس من حادث سقوط للطائرة التي اقلته من الخرطوم الي مدينة المجلد عندما انجرفت بعد هبوطها عن مدرج مطار المدينة لمسافة اكثر من كيلو متر بعد تلف اطاراتها. ولم يصب اي من الركاب بأذي بينما باشر المهدي رحلته الي هنالك وخاطب حشدا جماهيريا في ميدان الحرية بالمجلد .ورفض المهدي الذي مدد زيارته يوما اخر ينتهي اليوم في اللقاء الجماهيري تقرير لجنة خبراء ترسيم حدود ابيي .
|
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
ناس حزب الامه ازيكم
اامل ان لا يعكر حديثى إحتفالية النحاس والخيل
الانصار الشافتم عينكم صور ولا لايف طيلة الاربعين سنه الفاتت جاهزين يحصلوا الإمام فى اى حته فى ام بناين قش دى ويسوقوا قدامن ويقطعوا ساس الفساد من راسو لعرقو ذى ما عملوا مع جدو . لانهم انصار وبنصروا الحق وبعرفوا الحق من ضهرو خلى باطنو!!
طيب فى شنو غلط فى الصوره ولا اللايف؟؟!!
الغلت إنو دى قطعنه ! من سواقة القطيع السميتوها محبه !!
محبه العمرها ما خانت القبه !!
محبه العمرها ما ادتن الحبه ...!!!
سؤال الجو الحاصل فى السودان دا ال40 سنه الفاتت دى جو محبه ؟؟ولا جو نصرة حق؟؟
البلد بلد منو ؟ والماسكنها منو ؟؟ وماسكنها بشنو ؟؟
البلد بلد انصار .. ماسكنها جرزان ! ماسكنها ما بمحبه ..! ولا الحبه ..!!
ماسكنها قلع ..وزنديه .. وسرقه .. وباطل
والحق البنصروا الانصار وينو ؟؟
إندفن مع الإمام سيد الدرقه..قطاع ريسن الترك ..والباشبوزق..
فى الاخر عشان ما تزعلوا منى اقول :
انا احترم خيارات اهلى ..راهنا
وساظل احترم خياراتهم لاحقا !!
وقد نعود يوما للقطيييييييييييع!!!إن لم يتحقق حلمنا بان يصبح مؤسسه!!!!!
ارقدوا انصارا
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
الاخ العزيز جدا والزميل طارق الشرقاوى
السلام عليكم ورحمة الله وبركاته.. وبعد
للمره الثانيه يا طارق تشتمنى دون اى سبب ..!ارجو توضيح السبب إن وجد او الاسباب!
المره الاولى إنسحبت انا بهدوء مع الاعتذار!
اولا يا طارق انا ما عندى اى مانع إنك تشتم لى اى فكره او طرح اما الشتم الشخصى فارفضه
ثانيا انا لم اشتم اى شخص هنا او هناك ولن اشتم لان الشتم إنزلاق لوحل إفلاس فكرى أأمل ان لا يحصل .
وعشان اثبت ليك إنى ما من انصار خرمجة بوستات الزملاء والزميلات فى البورد وبوست منو يا حبيب ؟الاميره بت مهدى ؟ حاشاى وكلا اعزها اكتر من اخواتى لانها شجاعه ودغريه .
وقبال دا كلو شوافه وقلمها بصير !.
وتانى عشان اثبت ليك إنك فهمتنى غلت قبل ما اوضح ليك دلالات مصطلح القطعنه الشتمتنى بيهو بقطع لسانى وختتك لى مع الما شرفاء ! انا اعتذر ليك يا حبيب وبصدق !
فهمك شنو ؟؟
القطعنه والقطيع يا طارق يا اخوى يا شرقاوى للناس الانا والعياذ منها(الانا) الجاى منهم العنتهم الاميره لنا ناس المجلد وبابنوسه يموتوا فى القطعان وماتوالاجلها,
وعزهم الراكز القطعان لكن انا ضربت ليك ذى مثل محلى يعنى من ثقافتم .
ودى وجهة نظرى ليك الحق فى الإتفاق معاى والإختلاف بدون شتمى شفت كيف؟!!
اخيرا انا منتظر رايك شنو ؟
تصبح سمح ومتسامح بتوقيتنا
فارس موسى
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
الاخت العزيزه جدا لنا مهدى
شكرا كثيفا على الكلمات الطيبات
شتيرى وطقيعى النقدى الفطير دا لحزب البلد الاكبر معجون بطين اسى وغيره وحسره،وغيرى كثيرون لفظتنا دوامات الإحباطات المتراكمه والمتواصله.
رفضنا ليس للوراثه وحدها والقداسه وحدها ولكن التساهل مع المشاريع التى تغتال الغلابه وتستغل الانصار لصالح المشاريع الدخيله والاجنبيه هو اس البلاء والإبتلاءفى هكذا قياده.عندما استباح المستعمر والدخيل الناس قبل ممتلكاتم ومواردم الإمام قام وقاموا مع الانصار واغلب السودانيين قومه واحده ل ..قطعة راس المشروع الإستعمارى البغيض.
احترم قرار قيادة حزب البلد الاكبر !إيمانا بالديمقراطيه وإحترام خيارات الاخرين خاصة وانا لم اعد حزب امه .وسانتظر مع الاخرين ماذا سيجلب الجهاد المدنى والنضال السلمى مع تلكم الشرذمه والعصابه..
قطع شك الإمام شواف اكتر مننا نحن ناس قريعتى راحت ، ووقتها سنلعن سنسفيل ابليس العنف الساكن شرايينا.
لحدى الوقت داك إن بقيتو نا س دواس جاهزين وبندفع رسومنا دم وارواحنا مهر للخلاص .
شكرا تانى
وارقدى انصاريه وتحياتى لبشير والعيال
فارس
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: Tariq Sharqawi)
|
..
.
قال أبن المنطقة فارس موسي
| Quote: وقد نعود يوما للقطييييييع!!!إن لم يتحقق حلمنا بان يصبح مؤسسه!!!!! |
وهذا تعبير مجازى لا يحتاج لشرح ولا تفسير
كالانضمام الى الركب او التحليق مع السرب ..الخ
ولا اعتقد ان ابن عمى يقصد الاساءة لقبيلته او منطقته
وهذه لا يغفل عنهاحصيف..
لو القصة قصة قطيع لتبعوا من هو أقرب رحماً للمهدي الكبير(مش أصلاً في نظرك سبب سواقة القطيع هي المهدية؟)
تشابهت على قطعان البقر هنا
فمن هو الأقرب رحماً للمهدى الكبير المقصود هنا!!؟
I think i miss something here
| Quote: أنفة الأنصار(التي تعرفها جيداً) لا تتفق ووصفهم بالقطيع! |
بل آنفه الغرابه عموماً والمسيرية خصوصاًً
هذا ان كان فارس يعنى حقاً ما قال ولا اظن كذلكـ
Quote: نحنا مؤسسات أسة ما قطيع
بتجينا ولا ما بتجينا؟ |
غير صحيح
بل مؤسسات ( قابضة) ولا زال حزب الامة كيان الأنصار
عبارة عن عدد من الرعاة يودون قيادة القطعان
وتخير المرعي والكلاء لها حيثما شائوا ومتى شائوا
وبعد دا - فارس - ما بجيكم كن جاكم انا بربطو فى الجميزة
قال يجينا .. لسه عندكم الانفه بتاعت يجوكم
اصح يا بريش .. يا قوم
انتو مفترض بعد دا - يا حزب الامة كيان الانصار -
تجوا للناس وتقعدوا معاهم فى الواطه وتعرفوهم دايرين شنو
وكيف تحققوا مكاسبهم وطموحاتكم عبرهم ولا الشورى دى
فى قاموسكم لسه ديكتاتورية!!
هذا زمان ولي وغداً تصبح حضارات سادت ثم .... شنو !!
طارق ..
| Quote: واليوم تصفنى واهلي وارضي وعرضى وحزبى ومعتقدى ورئيسي ومن احب واهوى بالقطيع. |
إن كان اهلكـ هم من زارهم الصادق المهدى فى المجلد
فهم اهله ايضاً بل وأكثر
وانت كنت تعمم المعنى فهذا احجاف
ولا اجد اين وصف عرضكـ هاهنا !!؟
انت شرقاوى ام غرباوي!؟
ولو غرباوى مسيرى احمر ولا ازرق !!
مجرد سؤال عنصري .. ليس إلا
وفقط لنفصل بين اهلنا الغرابه من اهلنا الأنصار
فهذا زمن تقسيم الكيمان على منظور قَبلي بحت وليس على قيم حزبية
وعقائدية.. والمنبر وما يدور فى الواقع خير شاهد ودليل
لكـ ولـ لنا ولفارس
الود والإحترام؛
_______________
لنا؛
نو هارد فيلينغ ..
يعنى بدون زعل 
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: Tabaldina)
|
Quote: انتو مفترض بعد دا - يا حزب الامة كيان الانصار -
تجوا للناس وتقعدوا معاهم فى الواطه وتعرفوهم دايرين شنو
وكيف تحققوا مكاسبهم وطموحاتكم عبرهم ولا الشورى دى
فى قاموسكم لسه ديكتاتورية |
هكذا كتب تبلدينا
اولا يا تبلدينا يا اخوي انت ما شفت الانصار في نيالا
النيل الابيض
سنار
المجلد
و غيرها ده هسع ما قعاد و اللا القعاد كيف كدي اشرح لينا
و بعدين حزب الامة ده لو بتعرفه ما حق زول ياهو حق الغبش ديل
و مكاسبهم و طموحاتهم انشاء الله بححققوها براهم عبر الحزب
فيه شوري اكتر من الحاصل في حزب الامة
ناس المجلد ديل و غيرهم مؤتمرهم و مكاتب قالوا ليك عملها
ليهم رئيس الحزب.....
انت لان غرقانين في الدكتاتورية ليكم زمن... ما قادرين تصدقوا
ان فيه ديمقراطية في حزب الامة
كدي يا تبلدينا انا حالف الا اسوقك معاي لي واحد من المؤتمرات
دي عشان تقتنع باقي لي معلوماتك بتجيبها من المديا الخربانة
الله يهديك و يصلح حالك و يزيدني ويزيد كل ناس حزب الامة و الانصار هدي
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: Waly Eldin Elfakey)
|
..
.
سلام يا دوكـ
قالو سنة الإسلام السلام؛
Quote: اولا يا تبلدينا يا اخوي انت ما شفت الانصار في نيالا
النيل الابيض
سنارالمجلد
و غيرها ده هسع ما قعاد و اللا القعاد كيف كدي اشرح لينا |
الإنصار شفتهم تحت الهجليج والجوقان يفترشون الأرض والبروش
لكن حرم ما شفت الأسياد يفعلونها !!
| Quote: و بعدين حزب الامة ده لو بتعرفه ما حق زول ياهو حق الغبش ديل |
خطأ
حزب الامة اغلبيتهو من الغبش ولكنه لآل البيت
واقعاً وفعلاً وقيادتاً وتنفيذاً ولا نسيت التقسيم الاخير
الكان عايز يعملو سيدكم سابق الذكر والذى ادى لخلاف
بين السيدة الاولي والسيدة الثانية
| Quote: فيه شوري اكتر من الحاصل في حزب الامة |
والله يا دكتور شورتكم دى تعرفوها براكم
انحنا لمن كنا - كنا - ما سمعنا بيها ولا شفناها
وكن ما مصدقنى اسأل صلاح جلال
Quote: انت لان غرقانين في الدكتاتورية ليكم زمن... ما قادرين تصدقوا
ان فيه ديمقراطية في حزب الامة |
هذه الدكتاتورية التى غرقنا فيها معاً وجميعاً
لحزب الامه اليد الطولي والنصيب الأكبر فى تواجد هذا الكابوس
الذى يقبع ولا زال فى الشعب المغلوب على امره
التاريخ لا يرحم والذاكرة لن تمحى يا دكتور!!
ولن أصدق أن هناكـ ديمقراطية حتى يأتينى بالاخبار من لم يزود
Quote: كدي يا تبلدينا انا حالف الا اسوقك معاي لي واحد من المؤتمرات
دي عشان تقتنع |
مؤتمراتكم دى انا حضرتها لمن بطنى طمت
ولمن وصلت لقناعة انو مافى ديمقراطية فى حزب الامة
يا دوك انت قايلنا انحنا اولاد النهار دا .. ابداً
| Quote: باقي لي معلوماتك بتجيبها من المديا الخربانة |
دى ما فهمتها ولمن ما افهم حاجة بتوتر
وبعتبرها إساءة ..
ربنا يهدى الجميع ويهديك ويهدى اهلى وعشيرتي وابناء منطقتى
ووالدى واعمامى من الانقياد والتبعية للبيت تحت مظلة
ما يسمى بحزب الامه كيان الانصار ومن تبعية الصادق المهدى
ومبارك الفاضل وبقيتهم..
اللهم انكـ لا تهدى من احببت ولكن الله يهدى من يشاء
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: Tabaldina)
|
كتبت:| Quote: لو القصة قصة قطيع لتبعوا من هو أقرب رحماً للمهدي الكبير(مش أصلاً في نظرك سبب سواقة القطيع هي المهدية؟) |
فسالني تبلدينا:
Quote: تشابهت على قطعان البقر هنا
فمن هو الأقرب رحماً للمهدى الكبير المقصود هنا!!؟
I think i miss something here |
قصدت من كلامي أن الأنصار لو كانوا حقاً قطيع،لانساقوا لمن هو أقرب رحماً للإمام المهدي الكبير،لما كانوا انتخبوا السيد الصادق (إبن حفيد محمد أحمد المهدي)،كانوا التفوا حول (حفيد محمد أحمد المهدي) ..هذا قصدي
أما
فتطلق على سرب المواشي فيقال قطيع أغنام أو قطيع أبقار أو قطيع جواميس ، ولا يقال مثلاً قطيع خيول
وأكدت يا أخي الحبيب تفسيري ل(قطيع) بقولك:
Quote: غير صحيح
بل مؤسسات ( قابضة) ولا زال حزب الامة كيان الأنصار
عبارة عن عدد من الرعاة يودون قيادة القطعان
وتخير المرعي والكلاء لها حيثما شائوا ومتى شائوا |
فالمرعى و الكلأ لا يكون إلا للمواشي..مش؟
Quote: وبعد دا - فارس - ما بجيكم كن جاكم انا بربطو فى الجميزة
قال يجينا .. لسه عندكم الانفه بتاعت يجوكم |
في حرية رأي و توجه سياسي يا حبيب..حسة لو كنت حزب أمة كان اتعلمتهم
يجينا كحزب و كيان وليس كأفراد..العملية كالآتي:يطرح الحزب برامجه و أطروحاته..من يقتنع يطرق الباب..وليس بالفهم الذي تسارع إليك.
وأكيد
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
الشرقاوى
يعنى إنت قاصد الإساءه والشتم عديل كده
لسه بتتعالى وبتكابر وبتحاول تحشرنى فى مربع معين !
طيب ياخى ماشى الشغل الدنيا صباحات عندنا ،عندك لحدى ما اجى راجع تسحب شتايمك دى
وتعتذر عنها وإلا املك حق الرد دفاعا بعد إستئذان الشقيقه لنا
المره دى ما حافوتك ساكت كدا ،وقع ليك ؟؟!!
فهمك شنو ؟؟
الاخت لنا اعتذر مقدما عن سواقة البوست لمنحى شخصنه.طارق قصد ذلك
انا فقط احاول إستعدال الصوره !من شخصنة الحوار وشتم المتحاورين
لإحترام الاخر المختلف.
اكرر إعتذارى
دمتى
تبلدينا خليك هنا ،إن إعتذر الاخ طارق سنواصل الحكى عن المرارات،اما إن لم يعتذر
ولا اتوقع فذاك حزب الامه الذى نعرف !!
واترك المعرفه والعرفه والمعارف بعد راى طارق الجاى!!
جاى تانى
فارس
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
لنا التحيه والإحترام
شايفك ذى اخدت جانب طارق ما لطرحه هنا طبعن لو بقت لطرحو (الشتيمه)دا موضوع تانى
وبرضو منتظر رائك وشوفتك فى شتمو الراقد فى بوستك الفات والحالى ؟؟
إنت بتعرفى طارق معرفه شخصيه، لكن دا ما ببرر ليكى إعفائه من مساءلة شتمو للناس إلا إذا كان بعبر عنك من وجهة لنظرك تانيه وانا اربأ بك عن هكذا تعاطى لانى عهدتك واضحه ودغريه ومحترمه .إنت ما بتعرفينى شخصياوطارق كذلك انا مصر ودى اخر فرصه ليهو إذا عاوز يسحب شتايمو دى ولا ..لا. بفتكر إنو مافى زول بعدين بدى نفسو اى حق إنو يجىء ويحاضرنى عن التأدب والإبتعاد عن مزالق وحل الشتم !!
توضيحى لإستخدامى لمفهوم قطعنه ما وقع ليك ؟ لنا ؟وليه إتجاوزتى إعتذارى الصادق لللاخ طارق؟؟!! دى إسمها يا لنا غتغته وغتاته برضو ارجو ان اقرا لك موقف اكثر وضوح فالتبرير للشتم ليس من شيمة الكرام ..! غلطينى!
طارق امرق ليك بفهم انا راجيك يا اخوىّ!
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: مهدى الصادق السيد)
|
Quote: هذه الدكتاتورية التى غرقنا فيها معاً وجميعاً
لحزب الامه اليد الطولي والنصيب الأكبر فى تواجد هذا الكابوس
الذى يقبع ولا زال فى الشعب المغلوب على امره
التاريخ لا يرحم والذاكرة لن تمحى يا دكتور!!
ولن أصدق أن هناكـ ديمقراطية حتى يأتينى بالاخبار من لم يزود |
تبلدينا كدي تعال شوف خلي الكلام البنقلوه ليك
بعدين المديا الخربانة دي ما نبز هو زول زيك كدة يا تبلدينا بنبذوه طيب اكتبها ليك بالننقليزي
media خربانة دي والله ما لقيت ليها ترجمة و بعدين خلي عندك حسن نية دائما
| |
|
|
|
|
|
|
|
|
 الله أكبر و لله الحمد (Re: مهدى الصادق السيد)
|
Quote: الحبيبة لنا
والله نحن فى شوق شديد الى الديقراطية الحقيقية التى نعد لها العدة والعتاد
وذى ما بيقولوا الحشاش يملى شبكتو والايام بيننا للمكابرين والمتوجسين
والله اكبر ولله الحمد |
الحبيب مهدي
الله أكبر و لله الحمد
تلك الجماهير الوفية تستحق الكثير
محبتي و تقديري
لنا
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
طارق ..إنتهى الدوام وجيتك المره دى جاهز وشايفك ذى شتتا كده!
اولا الترجمه على البورد ولايف (معامل تبلدينا)لانو قرا عندكم بالزقازيق !
وبعرف لهكتكم !!
حتجى تقولى انا ما اناضولى اومصاروه! ما بهمنى لو كان جدك ابو عنجه
الزول بعرفو من ضهر كلامو .
ثانيا وإن إنسلخت انا من الحزب لن استطع ان انسلخ عن اهلى يا سخل
ولا زلت احترم هذا الكيان واهله واكن كل موده وتقدير لاولاد و بنات الانصاركلامى البتشوفو شتايم دا قلنا اكتر منو إيلاما لقيادات الحزب قبل خروجنا بكل ادب وتربية اولاد انصار
تربايتك الاولى والتانيه تعكس ادبك واسلوبك ..فتادب ..
إت جغجغ نقار ابو نضلاف توه ارجى البلدمك والزم رجليك قبال قلمك إت شنو؟
و إت كم ؟ وناسك كم ؟؟17 من اسرتين ؟؟؟ ارعى بقيدك يا ليدواوعك تمرق النقعه عريان
طلبى بتاع الإعتذار اعتبرو مسحوب وامرق لجاى .
اوعاك تعتذر تانى ، وواصل وانا معاك يا النجيض.
ارعى بقيدك يا ليد
ارعى بقيدك يا ليد
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
حباب الأصدقاء هنا..
قال طارق الشرقاوي:
| Quote: القال القطيع يقطع لسانو.. |
أفو.. ديل انصار ياتو زمن؟
شفت يا صديق.. اظنك سمعت بالحمرة اللاباها المهدي عليه السلام.. و ما تقول يدخل في ذلك..
اما فيما يخص القطيع و ما ادراك ما القطيع..القطيع ما اظنها اشد وطأة من ريكة الحصول التي قال بها الدكتور عمر نور الدايم عليه الرحمة..في وصف اهل المنطقة..(و هم نفسهم القاعدين يجوا كل مرة بالخيل و النحاس).. لسبب بسيط.. القطيع مراح..و المراح كائنات حية تتنفس و تملك الإرادة.. يعني ممكن تلقى ليك فيهو تور كلالي قرنو ماكن.. و يشيل راسو و يتمرد.. و يمرق من المراح..و ممكن تلقى ليك رباعية شايطة تمرق ..و تشق مرحالها زي الماحاصل حاجة..
لكن حصول الريكة.. قناديل غلة مقطوعة ريسين.. لا ايد لا كراع.. يقولوا دقوها تندل .. تندق تندل.. يقولوا ارحكوها بمرحاكة تترحك بمرحاكة.. زيها زي فسية الديك..تهبها قروة تقبل صعيد.. تهبها زقاية ..تقبل سافل.. يعني ما عندها ارادة.. و كلام الدكتور ده اسمو الحقارة يا شيخنا..و لمن قالوا ماقالوا بصفته كبحاري من اهلنا الحسانية.. لكن قالوا بصفته الحزبية.. و كان من باب المباهاة.. شفت كيف الحقارة دي..
يبقى المطلوب شنو؟
قالت اخت لنا مهدي:
| Quote: نحن مؤسسات اسه ما قطيع.. |
و قالت:
| Quote: يطرح الحزب برامجه و اطروحاته.. |
وقالت:
| Quote: ثم عد و ستجد نوافذ الحوار لازالت مفتوحة.. |
كلام سليم جدا.. لكن دايرين نفهم.. دا كلام الأخت لنا ولا كلام الحزب؟
ان كان هو كلام الأخت لنا.. اهلا به..و ستكتشف أن الكثيرين من ابناء المنطقة و بناتها قد لا يختلفون معها ..ولا اظن ان هناك من يستطع ان يختلف مع المؤسسية ..و برامج الحد المعقول..و الحوار..
اما ان كان ذلك كلام الحزب.. فقبل المؤسسية و طرح برامج الحد الأدنى المعقول.. لآبد أن يكون الحوارو لابد أن يكون الحزب على استعداد..أن يسمع من اهل المنطقة.. و زي ما المحبة راقدة تفل.. كلام المرارة المغتغت.. راقد زي الهم في القلب..و لو في جدية حقيقية.. المثل بيقول اسمع كلام البكيك ما تسمع كلام البيضحك..
و الخيل و النحاس ما ها المعيار.. لأنو في يوم من الأيام الجبهة الإسلامية جات المجلد.. و صورت لمة الناس بالخيل و النحاس و الكلاش..(و هي كلاشات عمنا فضل الله برمة بالمناسبة)..و اليوم و في نفس المعياد .. موعد زيارة وفد حزب الأمة.. جات بفرية الزواج الجماعي في المجلد (ال150 زيجة.. الفطوها الناس في مداخلتي الأولانية).. و بكرة تجيك الحركة الشعبية و تلقى الأرتال من الناس .. يعني عندنا نحن ، كأبناء المنطقة ، القصة زي كأنها قصة حرفنة و قدرة على اللملمة السايبة..
ابقوا جادين.. اسمعوا صوت مختلف شوية..و بعد داك انشاء الله ترموا كلاموا في البحر..
و دمتم
كبر
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: Kabar)
|
| Quote: اما ان كان ذلك كلام الحزب.. فقبل المؤسسية و طرح برامج الحد الأدنى المعقول.. لآبد أن يكون الحوارو لابد أن يكون الحزب على استعداد..أن يسمع من اهل المنطقة.. و زي ما المحبة راقدة تفل.. كلام المرارة المغتغت.. راقد زي الهم في القلب..و لو في جدية حقيقية.. المثل بيقول اسمع كلام البكيك ما تسمع كلام البيضحك.. |
وأهلاً به أخي الحبيب كبر كلام المرارة و حديث المكاشفة صريحاً غير مغتغت
| Quote: الخيل و النحاس ما ها المعيار.. لأنو في يوم من الأيام الجبهة الإسلامية جات المجلد.. و صورت لمة الناس بالخيل و النحاس و الكلاش..(و هي كلاشات عمنا فضل الله برمة بالمناسبة)..و اليوم و في نفس المعياد .. موعد زيارة وفد حزب الأمة.. جات بفرية الزواج الجماعي في المجلد (ال150 زيجة.. الفطوها الناس في مداخلتي الأولانية).. و بكرة تجيك الحركة الشعبية و تلقى الأرتال من الناس .. يعني عندنا نحن ، كأبناء المنطقة ، القصة زي كأنها قصة حرفنة و قدرة على اللملمة السايبة.. |
يعني أفهم من كلامك إنو الجو ديل جو حباً في اللمة و ليس حباً في الحزب و القيادات؟برضو فرحنا بهم و بلمتهم و كل يرى الأمر من منظاره،أعتقد إنك ظلمت أبناء المنطقة بتصويرهم ياكبر بأنهم محبوا لمات بدون تبصر،قللت كثيراً من وعيهم و مقدرتهم على فرز الغث من السمين حتى لو كانوا أبناء منطقتك
| Quote: ابقوا جادين.. اسمعوا صوت مختلف شوية..و بعد داك انشاء الله ترموا كلاموا في البحر.. |
لو كنت صبرت على قراءة بوستات و مداخلات الأحباب لوجدت لهم صبراً خرافياً على سماع الكلام المختلف و التعاطي معه و بمنتهى الجدية
أتعرف لماذا؟
لأننا ننشد لهذا الحزب أن يتطور و أن يتخذ مكانه اللائق الذي عود عليه الدنيا كأكبر حزب سياسي
ولن يتطور بدون نقد ذاتي من كوادره للسلبيات
وبدون سماع لرأي المخالفين لنا
وبدون السعي للإصلاح الداخلي
وأيضاً بدون بصيرة و عدالة تتيح أن نقول للمؤسسات اصبت عندما تصيب
وكما قلت لك و لفارس كلنا آذان مصغية لسماع ما أسميته (مغتغت)وما أسماه فارس(مرارات) و ليكن هذا البوست البداية
لك التقدير
| |
|
|
|
|
|
|
|
|
|
قصة (الحمرة الأباها المهدي): خاص لكبر و فارس (Re: Tariq Sharqawi)
|
أخواي الحبيبين كبر و فارس
يتناقل الناس مقولة:"الحمرة الأباها المهدي"
ولا يتناقلون:قال المهدي "أبيت الحمرة"
مبادىء المهدية نفسها تضرب هذه المقولة في مقتل
لم تأت المهدية إلا للعدل الإجتماعي و إذابة الفوارق بين الناس
انتظمت السودان حركة راقية قوامها ثورة للقضاء على كل سلبيات ذلك الزمان
لو كانت الحمرة الأباها المهدي مقولة صحيحة لما كان في تفكير المهدي أن يفدي عرابي المصري بغردون
عرابي لونياً ومن حيث السحنة لم يكن مصرياً أسمر بل موغلاً في (الحمرة) بمعناها الحرفي
والإمام المهدي كان يريد أن يبث دعوته شمالاً بدليل تسيير حملة لنشر الدعوة المهدية في مصر
وخاطب سنوسي ليبيا لينضم للدعوة المهدية و ترك له مقعداً خالياً إلى جانب خلفاءه الثلاثة
الخليفة عبدالله و الخليفة علي ود حلو و الخليفة شريف
وسنوسي ليبيا موغل أيضاً في الحمرة
وذهب الخليفة عبدالله أبعد من ذلك حين خاطب ملكة بريطانيا فيكتوريا لتنضم للمهدية
وهي (حمرة)(فايتة الناس حمار)-بفتح الحاء-
الدعوة المهدية كانت أممية لم تنحصر في جنس ولا لون
المهدي لم يرفض سحنات و ألوان بل رفض أفعال الحمر في ذلك الوقت الأتراك و المصريين(على مستوى الدول)وليس الأفراد
الحكومة التركية المصرية كانت نظاماً فاسداً
مبالغة و عسف و عنت في جباية الضرائب
فساد اخلاقي
وتفسخ إجتماعي تحت مظلة ظلم سياسي
المهدي حارب بكل قواه مفهوم أن يكون الجنس أو القبيلة أو اللون سبباً لوضاعة شخص أو علو آخر
لكما التقدير
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
الشرقاوى ابيت الشتيمه مالك ما بديتها إنت
انا دايرك تواصل فيها عشان نوصلك حدها النجيض
ثقافه ؟تتساءل يا شتام .؟ إنت جاوبت على اسئلتى ولا جيت بثقافتك
البتعرفها المره الاولى طردتنى يا نائب الاله من رحمة ربك
اها انا داير اعرف ربك دا منو؟ الإنت بتملك حق الطرد من رحمتو يا منقه؟!
الإمام الاكبر ولا الحالى!؟
طبعن لو ربك ربى ورينى لقيت السلطه بتاعة طردى من رحمتو وين يا بيه؟؟!!
تانى اوعك تتشعبط فى سلطه ما حقتك يا با شا .شفت ككيف!
ثقافة اطع اللسان للقايين من فين ما اعرفش
تقطع لسان منو يا شرقاوى ؟ لسانى انا قرب دون جاى وشوف كن تقدر
ارعى بقيدك يا جنا
ارعى بقيدك يا جنا
بعدين يا منقه إنت وكت ما بتعرف تتصعلك فكريا طولة اللسان العليك شنو ؟
إعتذار !قال ما بعتذر .هو بعتذر للبستحق الإعتذار !
إنت ليه تحصل لامن تشتمنى حتى بعدين تشوف بستحق الإعتذار ولا ما بستحقو ؟
انا عارف يا باشا الصنف بتاعنا دا غير الكرباق والقزمه ما فيش شىء
يصلح معانا!
اوعك تتواضع وتعتذر لمين ؟ لواحد قاى منين ما تعرفش؟!
لو إعتذرت دا مايبقاش تواضع دا انت تبقى واطى ذى اللشتمتو وطردتو من رحمة ربك
خليك كده يا طارق يا شرقاوى وانا معاك وعمر البورد ! يا باشا يا اللفى العلالى
اوعه تانى تجى النقعه عريان يا طارق باشا
وارعى بقيدك
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
لنا اوريك انا قاى منين !
زعلك كلامى وإتضايقت منى كت قايل انا وطارق عندك واحد! لكن الصوره وضحت
نصيحتك مقبوله بعد موقفك دا وهاك إعتذارى امام الملأ
انا اسف جدا يا لنا يا اختى وانا ما كده ودا ما اسلوبى لو من الاول ادنتى شتيمة طارق
ما كان يا هو الحال
اكرر إعتذارى لك وكل الإخوه والاخوات والقراء الكرام (عدا الشرقاوى طبعن)
إعتذارى موصول لكل اولاد الانصار الفى البورد إذا مسهم اى رزاز للسخف الجرجرنى ليهو طارق (عدا الشرقاوى ايضا)
اسف ولكم العتبى حتى ترضو واعفوا لى الشتايم ماتربيتنا !
شرقاوى إن عدت اعود (الغرباوى ذى الجمل الدابه ما بنسى غبينتو تب)
فارس موسى
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
اختنا لنا
عنجد نحن فرحون بهذه الزيارة للامام
وهذا الاحتفال والاستقبال والوفاء من الانصار لقادتهم
فقط سؤالي هل تغير الحزب ام مازال كسابق عهده
وانت تعرفين ما اعني واقلها تسليم السلطة دوما للعسكر
ولا اعني التسليم التسليم
ولكن يمضي جل الوقت في الحديث دون العمل
فنجد انفسنا في المنافي نعارض وندفع اخطاء قادتنا
هل دعم الحزب بالشباب ؟؟؟
هل تخلي ال البيت عن المناصب قليلا ؟؟؟
هل اوقفت الانشطارات الاميبية ؟؟
هل اتفق الساده؟؟
وهل وهل وهل؟؟؟
فقط حتي يطمأن قلبونا فلقد اشتقنا للديار ونفسنا نرجع نبني
قلبونا مع السودان
وشكرا لهذا الطرح البعيد عن المهاترات
ابوكيفو
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: محمد ادم ابوكيفو)
|
Quote: اختنا لنا
عنجد نحن فرحون بهذه الزيارة للامام وهذا الاحتفال والاستقبال والوفاء من الانصار لقادتهم |
لك الشكر على الفرحة
Quote: فقط سؤالي هل تغير الحزب ام مازال كسابق عهده
وانت تعرفين ما اعني واقلها تسليم السلطة دوما للعسكر
ولا اعني التسليم التسليم
ولكن يمضي جل الوقت في الحديث دون العمل
فنجد انفسنا في المنافي نعارض وندفع اخطاء قادتنا |
لعلك تذكر يا أخي الحبيب محمد آدم أن حزب الأمة لم يحكم منفرداً أو بأغلبية مطلقة بل كان شريكاً لآخرين
فلم يحاسب حزب الأمة وحده و يترك الآخرون؟
وهل الديكتاتوريات تركت حزب الأمة و بقية الفعاليات لتحكم لتنجز؟
| Quote: هل دعم الحزب بالشباب ؟؟؟ |
بالحيل
جيل الشباب من يمسك بمفاصل العمل في كثير من مؤسسات الحزب
| Quote: هل تخلي ال البيت عن المناصب قليلا ؟؟؟ |
هل أنتخبوا أم جاءوا بالتعيين؟هكذا يجب أن يكون سؤالك
| Quote: هل اوقفت الانشطارات الاميبية ؟؟ |
حزب الأمة القومي واحد صحيح
من قال إننا انشطرنا؟
داخل الحزب نعم
أرجو أن تطرح كل ما يدور بخلدك من أسئلة و ستجد قلوباً و عقولاً متفهمة و متفتحة لتجيب عليك
Quote: فقط حتي يطمأن قلبونا فلقد اشتقنا للديار ونفسنا نرجع نبني
قلبونا مع السودان |
طالما يا أخي الحبيب القاعدة متماسكة وواعية ،فالإصلاح الداخلي بداخل الحزب يسير على قدم و ساق،لن أقول لك إننا صح مية في المية و لكننا صح بقدر ما سمحت به ظروف السودان و ظروف الحزب الذي أستُهلكت قواه في المعارضة و منازلة الديكتاتوريات على حساب البناء الداخلي و التنظيم.
من الحزب؟
الحزب أنا و أنت و هي و هو و هم وهن و نحن
الحزب ليس شخصاً و لن يعجز شباب الحزب عن تصحيح مساره والتكريس لسيادة المؤسسات و التنظيم المحكم
لا أحب من ييأس أو ينزوي أو ينسحب أو يرتمي في أحضان الغير بذريعة أن الاحوال بداخل الحزب لا تسر!
المستقبل مسئولية هذا الجيل الذي لن يخور
Quote: وشكرا لهذا الطرح البعيد عن المهاترات
ابوكيفو |
بل شكراً لك أنت
في انتظار المزيد من الأسئلة
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
المحترمة لنا
عفوا لغيابي القصير وشكرا لردك الجميل
ورحابة الصدر التي تفوق رحابة صدر السيد وخاصة في الاونة الاخيره
اختاه حينما اعلق المسئولية علي عنق حزب الامة رغم التحالفات التي بينهم والاحزاب الاخري
فذلك لان حزب الامة كان صاحب الاغلبية والحاكم الفعلي واكرر الفعلي مع احترامي للاخرين
وايضا اعلق الامر علي رقبتهم لان الشعب قد اعطاهم معظم الثقة الا انهم عجزوا عن تقديم الكثير
وانا هنا اوجز وانت لا شك مما اعرف ولا اعرف تلمين بالكثير
فنحن ابناء اليوم ويهمنا المستقبل جدا
فسؤالي ما زال قائما ماذا في جعبة حزب الامة من جديد
الواقع يقول ايتها الاخت الحبيبة ان الحزب قد خسر كثيرا من قواعده الانتخابية
فالمقاعد التي تصدر من دارفور لا اظنها ستكون بذات العدد السابق مستقبلا
ولا اظنك تختلفين معي هنا
وشبيهه بحالة دارفور مناطق اخري
اما الانشطارات فظاهرة للعيان وقد رحل كثيرون الي المؤتمر الوطني واخرون اثروا
الانفراد بتشكيل احزاب اخري
اما تغول ال البيت علي الحزب فهو امر واضح للعيان اما بامر انتخابهم فهذا امر نعرف كيف يتم ايتها الاخت الحبيبيه
سوف اعود ولي المزيد فقط من اجل الاصلاح فالحزب لا يخص اهله فقط بل كل السودان اهله
ابوكيفو
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
| Quote: فسؤالي ما زال قائما ماذا في جعبة حزب الامة من جديد |
الحبيب محمد آدم
تحية و تقدير
الإمام الصادق لا زال (نفسه بارداً و روحو طويلة سلبة بس)
أما حزب الأمة فبجُعبته الكثير
لو تصفحت برنامج وثبة جديدة لبناء الوطن وهو برنامج العمل الحزبي الذي أجيز في المؤتمر العام السادس 2003 لوجدت خطة محكمة للبناء الوطني و هنا تجد البرنامج في الموقع الرسمي للحزب:
http://www.umma.org/dddd8.html
Quote: الواقع يقول ايتها الاخت الحبيبة ان الحزب قد خسر كثيرا من قواعده الانتخابية
فالمقاعد التي تصدر من دارفور لا اظنها ستكون بذات العدد السابق مستقبلا
ولا اظنك تختلفين معي هنا
وشبيهه بحالة دارفور مناطق اخري |
نعم أتفق معك و لكن ليس مطلقاً بل نسبياًجداً
قد يظن ظان أننا قد لا نحصل على نفس عدد الدوائر في دارفور التي حصلنا عليها في انتخابات عام 1986 ولكن لا تنس أن حركات تحرير دارفور حركات إقليمية و ليست قومية،فجماهير الحزب لا زالت و ستظل متمترسة خلف قياداتها، أضف إلى ذلك تمدد الحزب بداخل المثقفين و القوى الحديثةمما أكسبه مناطق نفوذ جديدة بالتمدد في هاتين الفئتين وبخاصة في ولاية الخرطوم إضافة لتمدده بداخل ولايات لم تكن تعتبر في الماضي ضمن دوائرنا التقليدية.
Quote: اما الانشطارات فظاهرة للعيان وقد رحل كثيرون الي المؤتمر الوطني واخرون اثروا
الانفراد بتشكيل احزاب اخري |
هل تضمن ألا تلتئم لُحمة الحزب قبل الإنتخابات القادمة؟
Quote: اما تغول ال البيت علي الحزب فهو امر واضح للعيان اما بامر انتخابهم فهذا امر نعرف كيف يتم ايتها الاخت الحبيبيه
سوف اعود ولي المزيد فقط من اجل الاصلاح فالحزب لا يخص اهله فقط بل كل السودان اهله
ابوكيفو |
والله الذي أعلمه وأثق في صحته أن الإنتخابات التي أفرزت المؤسسات القائمة التي تدير الحزب هي انتخابات نزيهة تمت وفق الإقتراع السري الحر المباشر و من اختيروا وفقها ونافسوا و فازوا انما حصلوا على ثقة القواعد.
أتمنى المزيد من الحوار فأسئلتك هامة ووثابة.
محبتي و تقديري
لنا
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: lana mahdi)
|
طالب رئيس حزب الامة القومي الصادق المهدي بمحاسبة كل من تلطخت أياديه
بدماء الابرياء. وجدد دعوته للقاء الجامع الذي يعود بالسلام الشامل على كل
اطراف البلاد على حد تعبيره ووضع خطط واضحة لقيام انتخابات حرة نزيهة
بمراقبة دولية.
وقال المهدي في لقائه باهالي الهلالية بالبطانة امس لابد من توفر صفات للرئيس
المنتخب تتمثل في نظافة الايدي وخلوها من دماء الابرياء وخلو الجيب من
الاموال المسروقة وبعد ذلك على حد قوله «الحشاش يملا شبكتو».
وقال «الما بيعرف ما يدوه يغرف» «بيكسر الكاس ويعطش الناس» واضاف
قائلاً: «ان السودان الآن يتآكل من اطرافه حتى طمع الجيران في حدود اراضينا
ووطأتها القوات الاجنبية عندما وجدته يعاني من اقصى حالات الضعف واكبر الخطر
الآن ان عدداً كبيراً من جيراننا دخلوا بلادنا غزاة وقال الامر الثاني والاخطر
أن ابناءنا شعرو بالغبن فحملوا السلاح لان الحكومة عودتهم ان لا تفاوض الا مع
حاملي السلاح واصبحت كل يوم تشد امتعتها وتستغل الطائرات وتتجول في فنادق
ناكورو وميشاكوس وابوجا واسمرا بحثا عن الحلول واصفا الحكومة بالعجز وقال
ان الحكومة العاجزة عندما تعيبها الحلول مع مواطنيها تتبضعها عند الاجانب
واصبحت مضرباً للامثال في العجز وقال الانسان ان لم يساعد نفسه لن يساعده
الآخرون.
| |
|
|
|
|
|
|
|
|
|
Re: بالخيل والنحاس بمدينة(المجلد) إستقبل أهل كردفان وفد حزب الأمة القومي بقيادةالإمام الصادق ال (Re: Abdelrahman Elegeil)
|
بسم الله الرحمن الرحيم
حزب الأمة القومي- المؤتمر الصحافي رقم (19)
الزمان: الأحد 23 يوليو 2006م كلمة رئيس الحزب المكان: دار الأمة
أخواني وأخواتي. أبنائي وبناتي، ضيوفنا الكرام،
السلام عليكم ورحمة الله، ونشكركم على تلبية دعوتنا في هذا الظرف الوطني، والإقليمي، والدولي العصيب ونرى أن بيان الرؤى وتبادل الآراء عبر أجهزة الإعلام واجب وطني. كنت قد دعيت لمؤتمر في ألمانيا أقامته منظمة برتلسمان وهي مؤسسة غير حكومية وغير ربحية مابين 14- 16 يوليو الجاري. على أن ألبي دعوة اللجنة التنفيذية لنادي مدريد في نيويورك في يوم 19/7 وكنت أزمع على هامش الزيارة أن ألتقي بمسؤلين أمريكيين وأعضاء في الكنغرس الأمريكي، كما أعقد لقاءات مع مواطنينا في المهجر وقد أُعدّت تلك البرامج. ولكن نتيجة للهجوم الإسرائيلي الوحشي على غزة ثم على بيروت بعد أسر الجنود الإسرائيليين الثلاثة وما وصلني من أخبار مزعجة عن اقتتال شمل أهلنا من قبائل الرزيقات، والهبانية، والفلاتة، رأيت ضرورة العودة للبلاد للمساهمة في مجهودات الدعم الشعبي السوداني للمقاومة والتصدي للعدوان ولدعم المجهودات المطلوبة لإبرام الصلح القبلي في جنوب دارفور. وقبل حضوري إلى البلاد شرعت في التفاكر مع أجهزة الحزب حول حقائق الموقف الداخلي والعربي والدولي. واتفقنا على ماينبغي عمله. ثم تقرر عقد هذا المؤتمر الصحافي الذي سوف نتناول فيه أربع قضايا:
القضية الأولى: أخطاء السياسة الأمريكية: استقر في ذهني انطباع أثناء مؤتمر ألمانيا هو أن هناك بقعة عمياء تحجب الذهنية السياسية الغربية التي تقودها الولايات المتحدة فتحول دون فهم حقيقة الأوضاع في عالمنا. بل تجعلها تأتي غالبا بنتائج عكسية. وانطباع ثان هو أنه مع كثرة المؤتمرات والحوارات الهادئة المتسامحة فإن هذا المناخ المعتدل يسير في اتجاه بينما يسيرالواقع الميداني في اتجاه آخر تحكمه عوامل التطرف من الجانبين. وقد ظهرت حقيقة هذه الانطباعات جلية عبر الملفات الأربعة التي تبادلها البحث والحوار:
أ- الملف الأول: الاصلاح الديمقراطي في منطقة الشرق الأوسط: وقد كان واضحا أن المنطقة العربية في مؤخرة العالم من حيث التحول الديمقراطي وأن الاصلاح فيها يسير بحركة سلحفائية. وأن السياسات الغربية لعبت دورا في دعم الاستبداد في المنطقة وفي بطء الإصلاح حاليا وفي تقييد مبادرة الدول الثمان فكأنها حالة ساقية تغرف من البحر وتصب فيه.
ب- الملف الثاني: الملف النووي الإيراني: السياسة الأمريكية تعطي إيران دافعا قويا لتكثيف الدفاع عن نفسها لأنها تصفها بمحور الشر وبأنها راعية للإرهاب وتعلن عن احتفاظها بحق الهجوم الأحادي والاستباقي. وتتبع معيارا مزدوجا لأنها لا تمنع التمكين النووي الإسرائيلي. ومع ذلك تطالب إيران بالكف عن تطوير التقنية النووية حتى لأغراض مدنية فكأنها تثيرها ثم تنصحها بالهدوء!.
ج- الملف الثالث: أمن الخليج: ومعلوم أن دول الخيلج غير متكافئة في قوتها وعدد السكان. وهذا يؤدي إلى عدم التوازان. الدول الأضعف خاصة بعد انهيار النظام العربي صارت تتطلع لحماية من خارج المنطقة. الحماية الأمريكية تحرص على إقصاء الدول الخليجية الأقوى من نظام الأمن في الخليج وهذا يزيد من عدم الاستقرار في الخليج. فكأنها حالة ألقاه في اليم مكتوفا وقال له لا تبتل بالماء!.
د- الملف الرابع: سلام الشرق الأوسط: في هذا المجال أعيد التأكيد على خريطة الطريق بعد أن نفضت إسرائيل يدها منها وغيرت الواقع الميداني. السياسات الإسرائيلية دفعت الموقف الفلسطيني إلى مزيد من الراديكالية. وهي التي هزمت خط رئيس السلطة الفلسطينية محمود عباس. وعندما صوت الشعب لصالح حماس اتجهت إسرائيل وأمريكا إلى تدمير السلطة الفلسطينية بكل الوسائل مما سيدفع إلى راديكالية أكثر.
بدأ لي واضحا أن تعاملات السياسة الأمريكية مع المنطقة تحقق عكس مقاصدها، وطرحت على أحد أكبر رجال المخابرات الغربيين سؤالين: ألا توافقني أن كل سياساتكم في منطقتنا الآن فاشلة؟ ألا يدل هذا على أن صناع القرار يعانون من لوثة ما؟.. أجاب على السؤالين بنعم!
وإمعانا في هذه الغفلة ومع كل مايحدث الآن في المنطقة يقولون إن السيدة كونداليزا رايس سوف تزور المنطقة وتبشر بشرق أوسط جديد. يدهشني جدا إن وجدت من يستقبلها في المنطقة. وإن فعل فرغم أنف شعبه.. يدعمون هجمة إسرائيل ويزيدون تسليحها ودون حياء يطرحون على المنطقة تصوراتهم التي لا تخرج عن إخضاعها لإرادة الغاصبين ثم يتساءولون لماذا يكرهوننا؟!.
القضية الثانية: الهجوم الإسرائيلي على غزة وعلى لبنان: ودون دخول في التفاصيل فإن إسرائيل كيان غرسته الهيمنة الدولية على حساب شعب فلسطين ولا توجد إمكانية لحل تفاوضي بين المغتصب وصاحب الحق. وسوف تستمر الحروب وتزداد عبر الشعوب والأجيال ما لم تتمكن الإرادة الدولية يوما ما من فرض سلام عادل وشامل. أما الحرب الحالية فإن إسرائيل صعدت قضية ثلاثة جنود أسرى لتصفية المقاومة لاحتلالها ولإحداث شروخ في الصف العربي الإسلامي. وأمريكا دعمت هذا التصعيد لأنها تعتبر المقاومة إرهابا ولأنها تريد توجيه رسالة لإيران عن طريق تدمير أحد حلفائها. هذه الأهداف لن تتحقق ولهزيمتها المطلوب من شعوب المنطقة دعم المقاومة وتوحيد الصف توحيدا يعلو فوق التفرق المذهبي والحزبي، وتسيير المواكب الشعبية لرفض العدوان، ومطالبة الحكومات باتخاذ مواقف حازمة بدءا بتأييد المقاومة، وإدانة العدوان، وإدانة مواقف المؤيدين له، واستخدام إماكاناتها الاقتصادية ضد المعتدين، وقطع أية علاقات مع إسرائيل، وكفالة حرية التعبير الحركية للمواكب الشعبية وتكوين صندوق لتعويض الضحايا ولإعادة تعمير غزة ولبنان. ومن جانبنا فإننا سنخاطب الأمم المتحدة ومؤتمر الدول الإسلامية والجامعة العربية والاتحاد الأفريقي والاتحاد الأوربي لاتخاذ مواقف واضحة ضد العدوان وعزمنا على تنظيم موكب جامع يسير فيه الشعب السوداني تعبيرا عن رفض الظلم والعدوان.. يؤهلنا لهذا الموقف أننا مع الشرعية الدولية باستمرار، ونستند على شرعية ديمقراطية انتخابية، لا شبهة في انحيازنا حزبيا لحماس ولا لحزب الله وكنا ولا زلنا ضد الإرهاب الذي يبطش بالمدنيين والعزل، وكنا ولا زلنا ندعم مبادرات السلام العادل الشامل. مما يجعل موقفنا خالصا لوجه الحق والعدل.
القضية الثالثة: اقتتال الزريقات والهبانية والفلاتة في جنوب دارفور:
أولا: يجب أن نقر أن حكومة السودان اليوم تتصدر قائمة الدول الفاشلة. وكان أحد مقاييس الفشل تفشى النزاعات المسلحة داخل البلاد وفشل الحكومة في احتوائها. وتعدي قوات مسلحة من دول الجوار على حدود البلاد وفشل الحكومة في الحيلولة دونها فانفلات الأمن في ربوع البلاد هو أحد نتائج هذا العجز.
ثانيا: يجب أن نذكر ما قاله ممثلو مجلس شورى الرزيقات والهبانية أنهم نبهوا لوجود إرهاصات صدامية وطالبوا بقوات للحليولة دونها دون استجابة من السلطات.
ثالثا: الإدارة الموجودة في ولايات دارفور الحالية إدارة أخفقت تماما في إدارة وحل الأزمات وتحت مسئوليتها يشهد الإقليم تفلتا أمنيا وترديا إنسانيا غير مسبوق. وهذا يعني فشل هذه الإدارة وقد قلنا سابقا ونكرر ضرورة استبدال هذه الإدارة في مستوياتها العليا لفشلها التام ولأن جزءا كبيرا منها موضع مساءلة جنائية.
رابعا: دارفور تشهد اليوم نزاعات مسلحة زادت منذ التوقيع على سلام أبوجا الناقص. زدات كما ونوعا وقد شرعنا في معالجة واسعة لها بإجراء اتصالات مع كل الأطراف داخل وخارج دارفور لاحتواء النزاعات البينية والتركيز على برنامج سياسي إصلاحي واحد يدعمه الجميع ويستخدم وسائل الجهاد المدني.
خامسا: إننا إذ نترحم على أرواح القتلى من كافة الأطراف نطالب بالإهتمام التام بالجرحى وإكمال كافة إجراءات الصلح والتعويضات والديات. ونناشد الجميع ضبط النفس ونبذ العنف.
سادسا: نطالب بتكوين لجنة تحقيق محايدة وعادلة لتحديد المسئولية الإدارية والجنائية عما حدث وإنزال العقوبة بمن تثبت إدانته. ومن جانبنا شرعنا في التحقيق لإجلاء الحقائق.
القضية الرابعة: المطلوب الآن
الموقف السياسي السوداني الآن في غاية الخطورة فاتفاقية نيفاشا تتعثر واتفاقية أبوجا ولدت ميتة والدور المطلوب للأمم المتحدة في دارفور موضع استقطاب حاد داخل الحكومة ومابين الحكومة والمعارضة. بعض الناس يحاول علاج الموقف بلقاءات عقيمة بين طرفي الاتفاقية وبعضهم يستنجد باصدقائه في الداخل والخارج. اتفاقية نيفاشا حققت خطوات ضرورية ولكن ليست كافية. أما اتفاقية أبوجا فقد قتلها الإبقاء على سياسات نظام "الإنقاذ" الفاشلة والإبقاء على سقوف نيفاشا الضيقة، وهي نفس العوامل التي سوف تخنق اتفاقية الشرق المزمعة ويضرها أيضا أن التفاوض لإبرامها ينطلق من نفس الموقع الذي تزامن فيه انطلاق التصعيد ضد اتفاقية أبوجا. إن نهج استبعاد المجتمع السياسي، والمدني، وحصر التفاوض من أجل السلام والاستقرار في الانقلابيين والمسلحين، وسوابق التوزيع الجهوي للسلطة والثروة دون مقاييس موضوعية، والركون لروافع خارجية تجهل الواقع السياسي والاجتماعي السوداني، نهج يزيد من الأمر سوءا ويزيد الحكومة عجزا. صار واضحا للكافة أن الحلول بالقطاعي غير مجدية ولا بديل لملتقى جامع يزيل عيوب الاتفاقيات الحالية، ويضع برنامجا متفقا عليه للتحول الديمقراطي ويحسم الموقف من دور القوات الدولية، ويختار حكومة قومية قادرة على إدارة الشأن الوطني.
| |
|
|
|
|
|
|
| |
lana mahdi
Waly Eldin Elfakey
نيازي مصطفى
الطيب بشير
..
إسماعيل وراق
Ahmed Abdallah
doma
معتز تروتسكى
.
!!
luai
saif massad ali
نصار
معاذ منصور
Kabar
فارس موسى
munswor almophtah
محمدين ايدام
محسن عبدالقادر
Mohammed Haroun
Abdelrahman Elegeil
فيس بوك
تويتر
انستقرام
يوتيوب
بنتيريست