دعواتكم لزميلنا المفكر د.الباقر العفيف بالشفاء العاجل
|
|
 هووووووووووووووووووي I am not tea boy
|
لمن كنا طلبة في الإبتدائي (آي والله الإبتدائي) كنا بنقوم بي بعض المهام في بيت مدير المدرسة (الناظر (نحش القش البقوم في الحوش أو نفتح جدول أو نصلح سبلوقة ) ويمكن لزوجته أن ترسل الواحد فينا للجزارة ولا الدكان وكنا نؤدي هذه المهام ونحن فرحانين لأنو مااي زول بخش بيت الناظر
أها وبعد مرور أكثر من تلاتين سنة وبعد كبرت وشيبت (وشنيت) وإغتربت لقيت نفسي أمام هذا الموقف
الظروف جمعتني في الشغل مع مدير سوداني ونائب مدير سوداني وأنا الرجل نمرة تلاتة يعني ممكن تسميني (آدمنستريتر) أو (كلارك أوفس) أها يوم بعد ما سويت لي روحي كباية شاي قلت يا أخوانا يعني ما فيها حاجة طالما الجماعة ديل سودانين والشاي سواتو ما صعبة ممكن أسوي ليهم كبايتين معاي وفعلاً عملتهما وكررتها اليوم التاني والتالت حتى فوجئت بي نائب المدير يشخت فيني ويصيح في اليوم الرابع قائلاً
أسمع يا بدر : عدتك دي كلها وسخانة
أها دي بتسموها شنو؟؟؟
|
|
 
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
الغالي ود الشيخ
سلااااااااااام
أنا فعلاً سويتا في نفسي لكن المحيرني عقدة المدير المتابعانا من الإبتدائي دي
حبيب قساي أهل العوض
سلام وشووووووووووق
| Quote: Badr Bhai - Ek cup Cha doot milaki pila o |
أنا بغسل العدة وإنت غسِّل لي جملتك دي
تحياتي وشناتي
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
البدري حلا
قصتك ذكرتني واحد اخونا في الغربة دي اول يوم عليهو في الطبخ عمل لينا حلة ... الكوشة لما رميناها فيها ابتا... حاجة بطالة خلاس
من اليوم داك بقينا ماكلين نارنا في الطبخ وصاحبنا مرتاااح
اها اخونا ده جا يسافر منطقة تانية وقبل سفرو بي يوم ظبط حلة ما حصلت ضربنا فيها ضرب الفيلة ( هو ضرب الفيلا كيف يا حلا ) حليلك يا بت قضيم
اها بس السيرة جابت السيرة وقلت احكي ليكم القصة دي
المهم انت كيف
اهل العوض حمادة البابو جنب بابنا وفاتح لينا
وينك يا راجل موشتاقييين
| |
|
|
|
|
|
|
|
|
|
Re: هووووووووووووووووووي I am not tea boy (Re: Ahlalawad)
|
بدر الحبيب
تحياتى
قبل سنة فى شركة كبيرة فى الرياض طالبة سكرتير براتب يسيل له اللعاب وانا بعرف مدير شئون الموظفين قال لى ما دام بتعرف كومبيوتر احسن تجى تشتغل معانا بدل الشركات المجهجهة دى انا رفضت مش عشان ما المهن ةسكرتير...بل المدير كان عنده شروطه, السكرتير لازم يكون يعرف كيف يظبط الشاى والتركى كوفى والكبتشينو فقلت له بجيب لى واحد هندى ..قال لى طيب انت عاوز تشتغل شنو..ما هى كلها تطبع ليك ورقة ورقتين وبعدها تقوم تسوى الشاى...ياريت فعلتها كان تعلمت لى مهنة تانة..
بدر مبروك المهنة الجديدة ..لازم تكتبها فى السيرة الذاتية ..لا قدر الله لوغيرت الشركة...لووووووووووووووووووووووووووووووووول
نرجع لجملة اهل العوض قربت اشك فى ان اهل العوض قراء فى الهند
بس حلاه من شكى القرامر كان فيه خطا وكمان مكرر ( doot milaki )كلمة حليب مرتين بالهندى والانجليزى..بس انت ما سمعت التى بوى حقكم كويس ياهل العوض
Badr Bhai - Ek cup Cha doot milaki pila o
Badr Bhai - Ek doot Chai pilao or laow
بدر اخو ادينى واحد شاى حليب
ولكم ودى
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
, والله يا بدر اخوى..وقعتك سوداء ...حننتنى!!!
اولا العدة بقت عليك بره وجوه ..ماكفاية عليك غسيل عدة البيت.
بعدين الحاقد القال ليك ما قريت ابتدائى ده..انا شاهد
انك بديت بالروضة كمان...وماما كانت بتلبسك الجزمة والشراب..
الرسول كان ما كتبت رقم جوالك او هاتفك هنا..الله يقطع
عدم الماسنجر..او انصل على على جوالى: 0096651326623
بعدين انا قلت الروضه..بصراحة لقيتا ما بتشبهك ..يعنى عيب.
فى الحقيقة انت قريت الخلوة ام قصدا بليلة،ومافى اى فرق بينها
وبين الروضةغير قعاد الواطا، وعدم وجود مراجيح،وعدم وجود شنطة
وزمزمية وعدم وجود كراسات وعلب الوان،وعدم وجود سندوتش وبص الروضة،
وعدم وجود ابله وسبورة،وعدم وجود حديقة وكراسى وبس..هسه فى فرق
عليك الله..
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
قرجة يا موالاي حافي حالق
تحياتي الكتااااااااار
لو كان الموضوع حلة أنا كنت إتحليت من أول يوم
هل تعلم أنا مرة حاولت أعمل ملاح عدس ولي شقاوتي بليتو من بالليل وختيتو فوق النار من الصباح لمن جاء الليل ما نجض وفي النهاية عرفت إنو العدس ما ببلو
لك حبي وحلتي
أهلي وأهل العوض سلام
| Quote: يا البدري .. الترجمة وديناها لي أبوقوتة |
أنا قلت ليك ترجمها ولا أرمي ليها ففكها موديها لي ابوقوته
تحياتي لي الغالي أبوقوتة
صديقي صديق الموج
أحبك موج يا صديق
| Quote: ماكفاية عليك غسيل عدة البيت |
هو أنا لاقي البيت عشان القى العدة دنا ما عنديش عدة
أنا قريت الخلوة و(الإبل) بتاعنا كان إسمو فكي عبدالله (مش الإبل هو زوج الأبلة؟؟؟) في الروضة أبلة وفي الخلوة إبل
المسنجر قاعدة عند رجاء بس إنت تدفع
| |
|
|
|
|
|
|
|
|
 Re: هووووووووووووووووووي I am not tea boy (Re: بدرالدين شنا)
|
!!! يا بدر احذر السودانيين في الغربة الا من رحم ربي هذا شعاري لانني ملدوغ منهم كثير !!!! يا أخوي الزمن دا اللي بتبدأ فيه لازم تكملوا للأخر
تعلمنا في السعودية:
- من الهنود HELP YOUR SELF
- ومن المصريين مالكش دعوة يا باشا
- ومن السوريين والفلسطنين بيع القضية يا زلمة
- ومن السودانيين انفسهم، احذر تسلم وابتعد تأمن شر غيرك
والقائمة طويلة يا أخ بدر ممكن لي قدام نسردها بتفصيل ممل وبرضو عدتك وسخانة شديد لازم تغسلها
لانو مافي عدة بخلوها تبيت للصباح وستبدي لك الايام ما قد كان خافياً وبالله التوفيق
وليد احمد
(عدل بواسطة waleedi399 on 04-17-2004, 09:30 AM)
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
الشاعر المخضرم أبوقوتة
سلامي وإحترامي
ياخي أنا لمن رديت على أهل العوض ما شفت مداخلتك الجميلة
وإنت تستاهل شاي مقننننننننننن عشان يعدل مزاجك الشاعري
لك حبي المزبط
بالمناسبة بتعرف د. محمد عيسى العاقب؟؟؟
صديقنا ومعانا هنا وهو من أبوقوتة
الرشاشة عباس سلام تاني
| Quote: ليه ما جيت بي هناك تبارك |
والله قلنا نجيكم بعد يوم 25 أبريل
الحبيب عمر علي صالح ويقام المأتم بـ....
إنت مصر توصلها لي صالح
| Quote: ركّز على المدير خليك من نائب المدير |
ليه نائب المدير ما عندو كباية؟؟؟
رأيك شنو كبايتو أكبر من كباية المدير
الغالي ود قاسم
سلام وإحترام وإكرام
| Quote: هو يا بدر ممكن الناس يشربوا شاي من يد تي بوي شين ؟ |
إنت ما سمعت بي شين لاقى طبقة
وليدي399
ما تخليها 400 الله يرضا عليك
والله ياخي الحذر واجب
| Quote: لانو مافي عدة بخلوها تبيت للصباح |
ليه بايتة لي في سريري؟؟؟
لك حبي وعدتي
موجي صديق سلام
لا .. إبل بالعرض المؤدم ليهو
يا مسربع إنت
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
صديق الموج
عليك الله بعد تتغدى شوف لي موضوع المدراء السودانيين كان في السودان ولا في الغربة ليه دائماً يحتاجوا لمن يخدمهم إبتداءاً من حضرة الناظر وإنت ماشي
وطبعاً لأني ما بتوب قبل فترة عملت شاي للخواجة الحالي فشكرني وأنذرني بأن لا أكرره (والكركرة هنا مقصود بيها عمل الشاي وليس الشاي نفسة)
لك كباية شب حبي
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
QUITEهووووووووووووووووووي I am not tea boy
طبعا يا بدر عارفنى بريدك وبريد شناتك وبريد ونستك..قبال ما نشوف
موضوع المدراء نجى نشوف موضوعك.. اولا TEA ممكن لكن BOY دى تنبلع
كيف..الناس دى ما بتخجل والا شنو؟
وبعدين المدراء الزى ديل بكونوا دايرين يتسدوا المراسيل الزمان
وبالاخص كان لقوا زول مسكين وطيب زى وزيك,, وبعدين ما تزعل كلها
عشرة سنوات وتتدمدر وتتسدا.
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
ذكرتني يابدر الدين زمن الغسيل وشد تياب المعلمات .. وياحليل داك الزمن ..
لكن زى ماقال ليك (التسويها ب ايدك تغلب اجاويدك) وماعليك الا بس تزيد (الوزنة) شاى عقرب ومرة تنقصها تخليهم يرفدوك من ها الشغلانة الجديدة ويادار مادخلك شر
وعندك واحد شااااى وصلحو .... 
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
الغالية ميَّا
سلام وإكرام
بالمناسبة (إكرام) دي داية في حلة جنبنا
| Quote: انت كنت في ( الابتدائي )؟ ..لووووووووووول |
هسع اللوووووووووووووووووووولاي دا كلو عشان انا قريت الإبتدائي؟؟؟
صديق الموج سلام
| Quote: لكن BOY دى تنبلع كيف |
كان ما بلعتها بدوك الحقن
صديقي أحمد صديق أبوقوتة
سلام وإعجاب
أنا معجب بي روحك الحلوة وياريت الظروف تلمنا ونزور ابوقوتة وكنابيها وأريافها
شكراً لك وتسلم
ملكة البورد والروعة
سلامي وإحترامي
| Quote: الا بس تزيد (الوزنة) شاى عقرب ومرة تنقصها تخليهم يرفدوك |
أسمعي لو عايز أطبخ ليهم فاصوليا لازم أحمر البصلة؟؟؟
قالت يرفدوك قالت
تسلمي يا غالية
الجريفاوي الظريف
سلام
| Quote: مفروض تحددها معاهم يعني يدوك بدل تسخين |
أدوني ليهو مش أنا قلت ليك الراجل شخت فيني؟؟؟
وطيب!!!
الحبيب وليد399
سلام بوي
قبل الكاو بوي عندك الرووووم بوي نسيتها
تحياتي لك
أخي وليد طه
تحياتي واشواقي
| Quote: نصيحة ليك ابقى " ديك عدة" عشان بس لو نهرك المدير..... |
أها وكان ما نهرني أسوي فيها شنو؟؟؟
الله يديك العافية
| |
|
|
|
|
|
|
|
|
|
Re: هووووووووووووووووووي I am not tea boy (Re: waleedi399)
|
الشقيق الحبيب الحاج بدر الدين
تحية و سلام
تتذكر القصة القديمة لما الجمل أدخل رأسه في خيمة البدوي المنصوبة في الصحراء و قال ليهو : معليش ممكن بس عشان التراب ما يدخل في عيوني.
بعد شويه أدخل رقبتو
و شويتين سنامو
و شويتين دخل بكامل جسمو و رفس البدوي برة ؟
أها الزمن دة يا بدر الخدمة البتقدمها للناس من باب الحسنة و فعل الخير ، بمرور الزمن بيعتبروها زى الدمغة لا بد منها.
في واحد كل سنة بيضرب لى قبل إجازتي بكم يوم كدة ،، و يقول لى عليك الله أنا ما عاوز أطلب حاجة بس جيب لى معاك بطارية و حجارة بطارية عشان لزوم الكهربا القاطعة كل يوم.
أها سنة نسيت طلبو دة.
بالله الزول دة نهزرني جنس نهزرة كأنو مسلفني سلفية و إتأخرت عليهو. و أداني درس في الوفاء بالوعد و نصحني بأكل السمك بكثرة عشان ذاكرتي تبقى قوية. أها من يومتا و أنا مواظب على البلطي و الكنعد و الهامور.
يكفيك شر الزفارة
أرقد عافية أبو البدور
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
هسع بعد البلطي دا بتتذكرني يا جلال؟؟؟
أنا بدرالدين شنا
لكن زول البطارية بالغ عدييييييل
أنا أذكر أيام كنت في السودان عندنا قريبنا جاب هدية لي واحد عبارة عن (تووووولز) عدة ميكانيكا وأنا مشيت معاه عشان يسلمها ليهو أها صاحبنا بعد إستلمها قال ليهو
هي لكن دا النوع الكعب!!!
ويبدو أنه يدخر له الشكر لحين يوم شكره إذا جاء
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
حبيب قلبي وليد399
سلام وإكرام
| Quote: وحماك الله وحمانا يا غالي |
أشكرك صديقي على هذا الدعاء
توما الظريفة
| Quote: انقر امي مرسلاني الدكان ليه?? |
إييييييييييييييه عرفتها لي شاي
مشتاقين كتير وياريت أمك ترسلك كل مرة عشان تصبي بي جاي وبي جاي
توما@كل جميل
أشكرك على الصبة التانية
بتنا بت الجزيرة
سلام كتييييييير
وين حمامتك المفرهدة الجناحين ديك؟؟؟
أنا المختفي ولا إنتي؟؟؟
حلوة حلوة حلوة
تديني هجيمة مشتاقين
| |
|
|
|
|
|
|
|
|
 Re: هووووووووووووووووووي I am not tea boy (Re: Ibrahim Algrefwi)
|
الأخ العزيز بدر الدين
تحياتي وصادق ودي وعميق تقديري
و.....من يفعل المعروف في غير أهله...يلاقي كما لاقي مجير أم عامـــر
و.....من يفعل المعروف في غير أهله...يكن حمده ذما عليه وينـــدم
و.....إذا أنت أكرمت الكريم ملكته..وإن أنت أكرمت اللئيم تمردا
و.....بعدا دا كله تستااااااااهل...بس عشان أنا ورمان منك ورم شديد..و...بس برضك غلبان وإبن حلال...سلام يا شفيف
| |
|
|
|
|
|
|
|
|
 Re: هووووووووووووووووووي I am not tea boy (Re: بدرالدين شنا)
|
badradeeeen wallahi di ma tarreega ma3aak.....
7aram 3alaik ya7' ana lamait al postat bita3tak kolaha
namoooot bel di7iiik ye3ni mush????
gata3ta al masareeen de 3adeel wa ga grmbooz kaman tama lai bagi al 7ikaiayat al 3ageeeba
3'aitoo gata3na feeek gatii3a sam7a
walsalam 7'itaaam...
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
| Quote: بتعرف طه الراعي!!؟ |
بلحيل بعرفو
ياحليل زمان وكتين يقولوا طه بي البهايم سرب
والبنيات يفزعن للحطب
كلو إنتهى وحلا الغضب
من رب العباد
شان العباد دايرة تاكل بالغصب
والدنيا باقيالهم درب ..
حبيب قلبي وليم أندريا
شفتك أون لاين وفرحت بي عودتك ولمن فتحت بوستي لقيتك مشرق
ياخي إنت بتغيب ليه؟؟؟
| Quote: نغير الاسم من شنا الي جمال |
أها ووشي دا البفكو شنو؟؟؟
أشكرك على كلماتك الطيبات
 ياخوي دي مشكلة شنو الوقعتنا فيها دي؟؟؟
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
الغالي ضياء الدين الخليل
سلامي وإكرامي وحلو كلامي
ياخي أشكرك على إطرائك وذوقك الجميل وشعورك النبيل
الجماعة عايزني (تي بوي) وإنت عايزني خواجة
ربنا يفك عقدة الكيبورد بتاعتك حتى نفقه قولك بسهولة
لك حبي وسماحتي
أنا طبعاً سمحت وبقيت وجيه
إنت ما (سمحت) بي الحكاية دي ولا شنو؟؟؟
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
| Quote: و.....بعدا دا كله تستااااااااهل...بس عشان أنا ورمان منك ورم شديد |
ورمان باكي فاقد فيك علاج طبيبي
صديقي الزاكي والله مشتاق ليك ودائما بستمتع بي عتابك الحلو المذاق والذي لم يحسه غير الشخص المعني به وهذا لعمري قمة الشفافية
أسأل الله أن يوفقني حتى أشيل عنك ورمك وما تشفش ورم بعد اليوم
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
كر علي يا رجاء إنت قاعدة هنا من يوم الخميس وأنا ما عارف
هسع تلقيك تقولي الشكية لي الله بوست بدرالدين شنا لا موية ليمون ولا هزة كانون لكن ولا يهمك أمسحيها لي في وشي الشين دا وهسع الشاي بيقضا (بيقضا دي لاقتك قبل كدا)
تسلمي يا عسل
الحبوب يا بلدي سلام
| Quote: بس قول لى انته مسمى نفسك شنا وداير نائب المدير يعجبه شايك |
عشان كدا الأمر شايك جداً
الزينة عشة بت فاطنة
هو أنا بتحرش ليك مع الريال الغليد دا
تحياتي جاتك دافرة
| |
|
|
|
|
|
|
|
|
|
Re: هووووووووووووووووووي I am not tea boy (Re: بدرالدين شنا)
|
الزاكي في (نيلو) ما تألم
سلام بلون نيلك يا نايل على حيلك
| Quote: وللا يجيب ليك بنشري عشان يبنشرني؟؟؟ |
الله يبنشرك بالخير
والله يا زاكي أنا اليومين دي ماري بحالة عدم توازن فيما يخص العمل ومحتاج لي دعواتك أما بخصوص الحلق والله أنا ما شايف لي حلق قدرك في البترينة القدامي دي لكن إحتمال تجي بضاعة جديدة
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
Ahlalawad
abas
garjah
abuguta
صديق الموج
ودقاسم
waleedi399
ملكة سبأ
Ibrahim Algrefwi
ابو جهينة
توما
bint algazeira
nile1
willeim andrea
Dia eldin khalil
Raja
بلدى يا حبوب
عشة بت فاطنة
فيس بوك
تويتر
انستقرام
يوتيوب
بنتيريست