دعواتكم لزميلنا المفكر د.الباقر العفيف بالشفاء العاجل
|
|
 مرض رجال
|
بسم الله الرحمن الرحيم
ستة تمانية وتمانين وقبل زواجي بي شهر ونص أو شهرين عضتني الذبابة الرملية في منطقة الكعب أو تحت عضم الشيطان وكان في إشاعة بتقول إنو عضة الذبابة الرملية ما بتروح كان ما تمت الستة شهور .. طيب وكيف أتحنن للعرس؟ يازول كلمت واحد دكتور صاحبي عشان يشوف لي طريقة وصاحبي ما قصر رقدني مستشفى وبدا لي علاج مكثف والكل في المستشفى مستغرب في الزول الراقد للجريحة الصغيرة دي وكان في السرير الجنبي واحد بينه وبين الموت عطسة بس النوع الكرعيهو رقاق ورقبتو مشحوطة وضليعاتو مارقات والعينين ما فيهن سواد بييييييض يعني بي لغة الكتشينة (جوكرو مخاوا) .. المهم عندو أهله نوع أهل العوض ديلك ناس غلاد راكبين بكسي كشف ولابسين جلاليب وملفحين بي شالات الحج الصفر وشايلين عكاكيز جو وقعدوا حولينو ويسالوا الشخص الممارضو لأنه هو ما بتكلم .. يازول بعد شوية إتلفت لي واحد منهم كعادة أهل السودان بعد ما يشوفوا مريضهم بقبلوا على الجيران المرضى قال لي وإت راقد مالك ؟ .. يازول عاينت في عكازو وسكينه الفي ضراعو وأنفاسو البتتخابت .. قلت في نفسي الزول المورم دا أنا كان قلت ليهو راقد عشان الجريحة دي بطقني بي عكازو يلحقي مريضو الراقد دا قمت بي الراحة جريت الملاية غطيت الجرحة وقلبت عيني وشحطت رقبتي وقلت ليهو .. والله الفحوصات الأولية بتقول تليّف في الكبد والدكتور متهمني بي إلتهاب مرارة لكن تحت تحت بيقولوا سرطان .. حتين زولك قلبو رقة وقال لي ربنا يواليك بالعافية فكان لازم أشوف لي مرض رجال عشان أنستر مع الراجل المكرضم دا
أعزائي هذه إتكاءة قصدت بها الخروج من جو الإحباط العربي العام ولكم شكري وتقديري
بدرالدين شنا
|
|
 
|
|
|
|
|
|
|
|
Re: مرض رجال (Re: بدرالدين شنا)
|
أخي بدر الدين وسوف أحجم عن التانية حتى لا ينطبق على القول الكريم ولا تنابزوا بالألقاب ، حمداً لله على سلامتك وأخيراً فهمت وغيرت الصورة ربنا يحفظ الأمورة الفي الصورة التي كفتنا ما كنا نعانيه قبل ظهورها في البورد ، وحكاية الذبابة الرملية دي حكاية والذابة الرملية غلطانه وإتلومت في حقك لكين أهو ماتت بعد ما عضتك والتسوي الذبابة الرملية في عضم شيطانك تلقوهو في ...
بعدين الحنة يا بدرين كان تجيب ليك واحد معلم بناء يكون ممتاز يعمل ليك رقعه محل الجرحه دي بي جبص أو مونه حره وبعدين الحريم يقوموا يكملوا الباقي.
أما أهل العوض والمرض في ديارهم فالحكاية خليها في سرك ، فحصل لأحد أصدقائي وهو من أهل عوض شمال الخرطوم ويسكن في بيوت الإلإشلاق والتي هي عبارة عن غرفتين وكلب وغنماية يعني العسكري أول ما يسكن بصرفو ليهو كلب وغنماية إضافة إلى مفتاح البيت ، أها يا بدر الدين يقوم عمهم في البلد يمرض ويتعب شديد قريب صلاة الفجر يجوهم ثلاثة لواري وبصين وأربعة بكاسي مليانه ناس ممارضين عمه والباقي أتركه لخيالك الخصب.
| |
|
|
|
|
|
|
|
|
|
Re: مرض رجال (Re: بدرالدين شنا)
|
بد الدين
حمد الله على السلامة ياخي
ياخي انت عارف الواحد من الصباح صعب انو يتكلم زاتو موش يضحك
لكن انت سويتا فينا الليلة
| |
|
|
|
|
|
|
|
|
 Re: مرض رجال (Re: Ahlalawad)
|
والله يا أهل العوض يا أخوي عضة الضبانة ما أظن راحت والحنة ما شالت لكين المطره شالت وفرتقت الحفلة.
بالمناسبة يا أهل العوض يا أخوي مسعول من الخير الضبانه بتكون ذبابة رملية وبدون رمليه بتكون ضبانه ليه؟ يعني حتى الحاجة بنونه بتقول الضبان والذبابة الرملية.
| |
|
|
|
|
|
|
|
|
|
Re: مرض رجال (Re: بدرالدين شنا)
|
يعني يا خالي ،
العلاج المكثّف ، والرعاية الخاصة
دا كلووو عشان الحنة بس ؟؟؟؟؟
طيب أنا عرست ولا اتحننت ، ولا لبسته دبل خطوبة ، ولا خاتم زواج
والحمد لله أنا كويس أهو ؟؟
نائح الملا عمر دي ما تدها الواطة ..
واخوك اهل العوض حرد في شان ناسوا
تسلموا جميعا
| |
|
|
|
|
|
|
|
|
|
Re: مرض رجال (Re: بدرالدين شنا)
|
بدر الدين يا جميل يا دواء الاحباط.... و الله مرضك عجيب ياخي ... أها انشالله بعد ده الحنه شالت... ربنا يديك الصحة ويعفاك من كل سو... كتر لينا من ده يا بدر... باقي مخنوقين بالكآبه...... الشغله ناسنا سووها هلال مريخ... واحدين تحت شعار: أهل الميت استغفروا و الجيران كفروا.. و التانين شعارهم: العزبه فرحت بزواج بت عمها... و العجيبه يتفننو فيها صورة و صوت وكلام زي قصة عمك العرضحالجي الكتب العريضه للزول بقى يبكي ويجعر قال ليهو ما كنت قايل نفسي مظلوم كده.. بقينا يومنا كلوا نبكي و نتمخت... مرضك ده ذكرني حكاية الجعلي العرس الحنكوشه جابو ليهو ولد، أها الحنكوشه قالت دايره تسميهو هاني... أم الجعلي لمن سمعت بالاسم طوالي قبلت علي ولده: الاسم الني شنو.... سمي اسمن يملا الخشم.. فصاحبك شالتو الجعليه قال ليها: سميتو.
يعقووووب
الكلام البطلع من آخر الحلقوم داك..
| |
|
|
|
|
|
|
|
|
|
Re: مرض رجال (Re: بدرالدين شنا)
|
يا ملا عمر
يمين حبابك
لاكين سعالك دا حقو تسعل منوالدكاكرة ، ناس بت الجزيرة وكدي .. باقي الناس ديل شاربينن وش الدوا
وكان من ناحية لغوية ، كان فاتتك أت وبت قضيم والدكتور أبكر تبقى الهملة تسوقكا السيبة
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
الغالي/ الملا عمر
لك التحية والود وسلمك الله من كل شر
أنا طبعاً شلت صورتي عشان ما يبقى عليكم شنا وسقوط عراق أما الصورة الجديدة فهي صورة الأمورة (ربى) بنتي وعمرها ستة شهور بارك الله لكم في أولادكم وأهليكم
فقعتني بالضحك بي موضوع البنا الممتاز أو السمكري عشان يغطي مكان الذبابة من الحناء
بيوت الإلإشلاق والتي هي عبارة عن غرفتين وكلب وغنماية يعني العسكري أول ما يسكن بصرفو ليهو كلب وغنماية إضافة إلى مفتاح البيت.. والكلب ما بعضي كمان وبعض الأحيان بستغلوهو مقعد أو يتكلوا بيهو الباب ومرات يتمو بيهو تربيزة الكتشينة
المحبوب/ قرجة
سلام أردام أردام
والله يا قرجة لو شفت قرجة الزول السعلني من مرضي داك قرجتك معاها مسواك .. قال قرجة قال
أهلي وأهل العوض.. دخلوا المأهل أهلي أهل أهل العوض يقدر أهل العوض يأهل أهلي زي ما أهل أهل أهل العوض؟
كيف حالك يا شفيف يارائع
وإت قايل روحك براك الأهل العوض؟ إت قيالني أنا حبيت في البلاط ولا قريت في الراهبات؟ .. يديك العافية
الرحمابي ود أختي
يديك العافية يا جميل
طيب أنا عرست ولا اتحننت ، ولا لبسته دبل خطوبة ، ولا خاتم زواج
والحمد لله أنا كويس أهو ؟؟
وإنت ديل كلهن ما سويتن تكون ياربي إنت أنصار شنو؟
وبعدين يا خي أنا عرست عشان الحناء دي .. وأنا طول عمري أغني في حفلات الحناء للناس أها كان ما إتحننت أغني لي متين؟
الكثيف ياسر محجوب
إفتقدتك كثيراً لك التحية والشوق
أها انشالله بعد ده الحنه شالت؟
بالمناسبة دي أحكي ليك قصة شالت وما شالت دي وبرضو كانت في عرسي ذاتو مشيت شهر العسل مدني وكان عازمني صديقي عمر النقي عشاء وحفلة في البيت وعندو صاحبو عزمنا غداء المهم بإختصار الراجل بعد الغداء أخواتو أصرن عليهو يجيب حنانة عشان تحنن زوجتي كنوع من الضيافة والكرم والمسكين إتوكح بالموضوع .. أها الواطة بقت مغرب أنا قلت ليهو ياخي ما شالت؟ وكنت أقصد الحناء فرد علي والله خمستاشر جنيه وكان يقصد الحنانة
الرائع/ البعيو
سلام وحب شديد
أشكرك على حفاوة الإستقبال أيها الحبيب الطويل الممتد جمال وروعة
بدرالدين شنا
| |
|
|
|
|
|
|
|
|
|
Re: مرض رجال (Re: بدرالدين شنا)
|
الأخ بدرين شين نون ألف ربنا يحفظ الأمورة ربى ويخليها ليك إن شاء الله والحمد لله أنك ما جبدتها وإلا كانت طارت ليك جوز كما يفعل مدافعي فرقنا القومية على إختلاف درجاتهم وأشكالهم وبعدين في داعي تدخلني في حتة ضيقة زي دي يعني لازم الإسم ده ربى ده أنا قريتها حاجة تانية وقلت يا ربي يا الله أخونا بدرين رفع جنينه ولا شنو لكين أعذرني وأعذروني فأنا كنت بحضر جميع حصص العربي إلا تلك التي يتم فيها وضع التشكيل على الحروف من ضمة وكسرة وفتحه ظاهرة بالرغم من إفتتاني بعبارة إضغام بقنه وفي المرة الجاية أكتبها بالإنجليزي لو سمحت لأن هناك فرق.
لك الود قيزان قيزان لمن توحل
| |
|
|
|
|
|
|
|
|
|
Re: مرض رجال (Re: بدرالدين شنا)
|
الاخ بدر الدين
حمد الله على السلامة
والله مشتاقين لونستك الظريفة
الله يسعدك يا رب
ضحكت في الحنة الشالت دي لمن عيوني دمعت
تحياتي
زولة123
| |
|
|
|
|
|
|
|
|
|
Re: مرض رجال (Re: بدرالدين شنا)
|
قرجة
عرسة تانية ، يازول هو ، والله انا جاهل وصغير
ما بستحمل حرستين
وبعدين أسعال ياسر حنا دا ، قدام عينو
معاو ضيوف قدمت الموية للمرة جارتو ، قالت لي
الله يعريس ليك ياوليدي، الجماعة ضحكوا قالو ليها معرس
قالت لي ، هي ياو لدي مالك نستعجل كده
والله لسع جاهل وصغير؟؟؟؟
قال عرسة تانية قال؟
ضحكتني يا قرجة
لك المحبة دائما
رحمابي
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
الملا عمر
حبي وتقديري
يعني عشان أنا دخلتك في حتة ضيقة بي العربي داير تدخلني في حتة ضيقة بالإنجليزي لكن انا بتخارج إسمها
Ruba
يا ربى مالك عليَاأنا.. ياربى شلتي عينيَاأنا
Zola123
سلام للأشراف وشكراً لحميد السلامة وربنا يسعدك إنت أكتر وأكتر
ونستي ظريفة بي ظرف المتونس به .. والمتونس به هو الذي وقع عليه فعل الونسة والفاعل هو المونس والفعل ونّّس والمصدر سعدالله ونوس .. رأيك شنو في اللغة العربية الفصيحة دي؟
لك التحية يا ظريفة
| |
|
|
|
|
|
|
|
|
|
Re: مرض رجال (Re: بدرالدين شنا)
|
بدر الدين
حمد لله علي السلامة
بركة الجيت طيب
تعرف قبل شهر شفتك في المنام وعندك ورشة بتاعة لحام في جبرة..انتا واخوك
ما عارف ليه انتا بالذات
وما عارف ليه دكان لحام بالذات
وما عارف ليه جبرة بالذات
وما عارف كان عندك اخو ولا لا
..
بلاي كان في واحدة من الحاجات دي صاح
قوول عووك خلينا اجهز الوطاويط للقبة بتاعتي
دكين الحلوم
| |
|
|
|
|
|
|
|
|
|
Re: مرض رجال (Re: DKEEN)
|
بدر الدين شنا
إزيك ، والله مشتاق ليك جداً جداً . مشتاق لحكاياك الجميلة هذه ، للشيبة في مقدمة شعرك ، لنحافة وجهك ، لشناتك الجميلة ، مشتاق ان اراك في خشبة المسرح أو شاشة التلفزيون ، أو في اي مكان ، مشتاق لصوتك الجميل وانت تغني أو تدوبي ، وطبعأً مشتاق أكثر لوجودك وسط اصدقائك في فرقة الأصدقاء ، لماذا فارقت هؤلاء الجميلين ، وأبن انت الآن ؟؟؟
عثمان تراث
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
الحلوم دكين
لك الود والبسمة
دكان لحام في جبرة ياخوي حلمتك دي غلط لأنو أنا ما بعرف في جبرة غير فاروق جبرة وأنا كنت قايلها إسم أبوهو وما قايلها حلة .. قال دكان لحام قال
النفيس/ تراث
سلام يحمل كلام مضمونه حبي
والله يا عثمان أنا حاسي إني بعرفك معرفة شخصية فياريت تفصح عن نفسك أكثر يا ظريف لك حبي
بدرالدين شنا
| |
|
|
|
|
|
|
|
|
|
Re: مرض رجال (Re: بدرالدين شنا)
|
بدر الدين .. لو في واحد داير يتزوج ، أها بتنصحوا بي شنو عشان الحنة تشيل؟ وعشان ما يسقوهو موية الغسيل ، أو كما قالت بت قضيم
| |
|
|
|
|
|
|
|
|
|
Re: مرض رجال (Re: Ahlalawad)
|
أنا طبعاً يا أهل العوض يا أخوى نظام ما سألوني لكين عامل عارف الإجابه ، بالنسبة للحنة فأقول مستعينا بالله أن الحناء طبعاً الحكاية لأنو فيها رائحة فتوى عشان كده إتحولت من حنه إلى حناء ، تعتمد على الشماعة أقصد على باطن القدم فهناك كرعين مقاس ستة وأربعين وهذه الكرعين تكلف الكثير من الحنة والمحلبية والسرتية والصندلية والنقلتيه ، كما أن سطح القمر أقصد سطح القدم وتضاريسه مهمة فهناك كعب الغزال وكعب الحمار وهناك شق كراع زي شقوق الأراضي الزراعية في القضارف وهي التي قال فيها الشاعر الحلمنتيشي شقوق كرعيك تدخل ضب تدخل فار نقول سحلية راسه عدييييل. كل هذه العوامل تؤثر سلبا أو إيجاباً على عملية الحنة ، وحتى تشيل شيلتك براك يجب أن تقوم بعمل تلييف لباطن القدم ولو كان باطن قدمك ناشف تكون في حاجة إلى أن تستعين بغسالين العربات لشطف الكرعين وبالضرورة يجب أن تكون الحنة أصلية وكمان ما تشتري المحلبية الكشه مشه يعني لازم تكون أصلية ومختومة ويكون حظك حلو لو الكهربه قطعت ويا دار ما دخلك شر.
| |
|
|
|
|
|
|
|
|
|
Re: مرض رجال (Re: Ahlalawad)
|
حكاية الحنة بالزبادي دي حصلت فأحد شباب الحارة كان خفيف الظل وفي يوم حنتو ختو ليهو الحنة بعد شوية قام فرتق ليك الحنه تقوم أمه وخالتو وعمتو وجمع غفير من نسوان الحله يهيجن فيهو دا شنو يا ولد ما تخلي الحنه تشيل مالك مرقتهابي سرعه ، قال ليهم والله إلا تحننوني بي زبادي فأنفجر الجميع من الضحك تعرف ليه لأنو صاحبنا كان أسود لمن كحلي.
أتمنى أن أكون قد أجبت على سؤالك ولو توريةً.
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
أهل العوض
إنت الزول البتكوس ليهو في وصفة الحناء دا حجا السنة الفاتت دي ؟؟؟
وأول حرف في إسمو أهل العوض؟
يعني يا الملا عمر
الواحد يقول للشمس هاك كعب الحمار وأديني كعب الغزال؟؟؟؟؟
غايتو أكتر حاجة عجبتني كونك بريت لي أهل العوض دا
| |
|
|
|
|
|
|
|
|
|
Re: مرض رجال (Re: بدرالدين شنا)
|
يا ملا عمر ما تطنش كلامنا
ويا رحمابي
بلاقيك في فرقة .. وبوريك أدعج النقعة الفتق نوسارك
ويا البدري .. وتمشي وتجينا بدري
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
أهل العوض
بلاقيك في فرقة .. وبوريك أدعج النقعة الفتق نوسارك
عليك الله يا أهل العوض (حنن) لي كلامك دا عشان أفهمو .. وبعدين ياخي بالراحة على المرهف الرحمابي .. يعني كلمات زي (أدعج والنقعة والفتق ونوسارك) دي ما بتجيب الدم عديل كدا
بدرالدين شنا
| |
|
|
|
|
|
|
|
|
|
Re: مرض رجال (Re: بدرالدين شنا)
|
انا كضبت الشينه ما تكون بدرالدين داك بتاع المحطه,يااخوي مسكىنه الذبابه الجاتك,وشك كده كرعينك يكونو كيف,اهل العوض السعلوك فى الاسبتاله غلتانين مرضك ظاهرما دايرلو سعال,شنا مزمنه,على الحرام لما سمعت قصيدتك بتاعت،وخر كالبقحطل,تذكرا,قلت الكلام المر ده مايالفوا الا الزول المرده ,قالوا شعر جاهلى قلت ليهم بكونالشاعر جدو....لك الاعزاز وما تغب مننا,ياخى البورد فيهو كلام كتيركويس لكن ناشف ,مبروك ruba,الله يعينا على الشنالما تكبر,تاخد منك الظرافه بس,سلام
اهل العوض,انا لى مده متعقد من الكلام,يالخو الضبان بقى ذباب,الجداد بقى دجاج ,الشلاليف شفايف,اللدبخانه تواليت0احيانا دبلوسى,الكرعين رجلين,حقات بدرالدين بس ديل كرعين عديل كده,لكن والله ما دام فى واحده قرت اسمك احلا واد,اى حاجه تانيه ممكنه وعليهو العوض ومنو العوض,سلام وتقدير
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
أهل العوض
سلام
وكان طلعت بتشبهو ،، غايتو عليكم بأن تسلحوها بالعلم ،، الشهادات الغلاد غلاد ديلك .. من البكاريس والدباليم من بكلاريوس ودبلوم على التوالي
أوع تقول لي دباليم دي جمع دبلوم .. يديدك العافية
وبعدين البنية ربي دي سمحة وأنا ما بديها لي ولدك يوسف أكان جلبط راسو بي فزلين .. شوف الخلقة
أحكي ليك حدوتة
مرة في واحد قال لي والله يا البدري إنت كان جيت بت إلا تقعد زي خجيجة الضكرية.. قلت ليه ياخي معقول بعد عمري دا ما ألقى لي عريس .. قال لي في واحدات من زمن الشلوخ لي هسع ما عرسوهن
الغالي صفرجت
حب وتقدير
لما سمعت قصيدتك بتاعت،وخر كالبقحطل,تذكرا,قلت الكلام المر ده مايالفوا الا الزول المرده ,قالوا شعر جاهلى قلت ليهم بكونالشاعر جدو
هي يا يابا تشبه روحك والجاز مسوحك .. وإنت الذبابة الرملية دي قريبتك بتحامي ليها كدي؟
....لك الاعزاز وما تغب مننا,ياخى البورد فيهو كلام كتيركويس لكن ناشف ,مبروك ruba,الله يعينا على الشنالما تكبر,تاخد منك الظرافه بس,سلام
أها بعد كلامك الأخير دا يا دوب صفرجت الله يبارك فيك
بدرالدين شنا
| |
|
|
|
|
|
|
|
|
|
Re: مرض رجال (Re: Ahlalawad)
|
بدر الدين ود شنااخوي
بركه الجيت طيب مع اني ماعارفه رجعت من وين ناس اهل العوض والملاعمر وقرجه ديل ماكلموني وبعدين انا زعلانه منهم عشان ماسلموا علي بعدما جيت من البلد
لكن مرض الرجال عندك...وصلت لامن بقيت حالتك ميئوس منها...ميئوس دي ياها بيكتبوها كده صاح؟ دا كلو خوف من اهل العوض ماشفت هنا الرجال بيجوا يشكوا من عضة البعوض مش من الذبابه الرمليه
بعدين بنيتك (ربا) حلوة جدا وماتسمع كلام الناس ديل وربنا يحفظها وانا من هسي خطبتها لولدي احلا من يوسف وداهل العوض
لكم تحياتي جميعا
| |
|
|
|
|
|
|
|
|
|
Re: مرض رجال (Re: bint algazeira)
|
أختى بنت الجزيرة لك العتبى حتى ترضي ومعك الحق كل الحق في أن تزعلي وعلينا إرضائك ، أكرر أسفي ومرحب بيك ياا دكتورة وحمدا لله على السلامة.
| |
|
|
|
|
|
|
|
|
|
Re: مرض رجال (Re: bint algazeira)
|
أختى بنت الجزيرة لك العتبى حتى ترضي ومعك الحق كل الحق في أن تزعلي وعلينا إرضائك ، أكرر أسفي ومرحب بيك ياا دكتورة وحمدا لله على السلامة.
| |
|
|
|
|
|
|
|
|
|
Re: مرض رجال (Re: bint algazeira)
|
أختى بنت الجزيرة لك العتبى حتى ترضي ومعك الحق كل الحق في أن تزعلي وعلينا إرضائك ، أكرر أسفي ومرحب بيك ياا دكتورة وحمدا لله على السلامة.
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
أهل العوض
من الأعماق يا حبيبي ياغالي
بيت الشعر لخشدمان بن كرعويه ويقول فيه
ومدعشر بالقحطلين تحشرمت شرآفتاه وخر كالقربحطل
وتفشخت الفشخات في شخت الحفا وخرّ في روكة البعبعبل
والبعبعبل هو أسفل الجعبلط والمعنى واضح
يوسف ولدك دا خليهو في دلاقينو الجايبنهن ليهو ديل أنا بتي ختبها ود بت الجزيرة وقال بجيب لي ليهافي الشيلة (موبايل الثريا ولاب توب ) دحين جنس الكلام دا عندكم في (كدندارة) ولا حلتكم إسمها شنو؟
الغالية بت الجزيرة
سلام عليك من ولد الجزيرة
ناس أهل العوض بتحمدوا لي السلامة عشان أنا رجعت من السودان قبل إسبوع .. الله يسلمك بابت أمي .. أشكرك على ثنائك على الأمورة ربى ومبروكة على ولدك .. لك تقديري
بدرالدين شنا
| |
|
|
|
|
|
|
|
|
|
Re: مرض رجال (Re: بدرالدين شنا)
|
بت الجزيرة والله كان ماك دكتورة كان اتضاربنا
لكن علي الطلاق سلمت عليك وسعلتك من مستشفى مدني
بعدين يا البدري كان كدي البعية ربحانة .. نحن عندنا البنات برضو ، وكان داير تدبل عندي أخوات وكان داير تكمل تعليمك عندي السغار برضو
| |
|
|
|
|
|
|
|
|
|
Re: مرض رجال (Re: بدرالدين شنا)
|
حول ولا قوة الا بالله,اهل العوض وبت الجزيرة ماكو عاقلين,قنعانين من وليداتكم,والله انا زول حافظ كلام زى البقول فيهو شنا ده,سلاام ما ادى ليهو,ولدى يقوم الصباح يقابل الوشيش ومعاه القرحبطل وكمان مدعشم,يا بدرقطعت نفسى وهيجت على الدرقيه كدى اشرح يمكن يكون فيهافايده, اهل العوض الراجل غشاك بالكلام الماكن ده,الدواهى القالن ديل شنو,دلقن ولا عده,انشوف ادخل وليدى اكان يطلعلو بى عراقى ولا طقم شاهى,سلام ويوم مشرق,صفرجت
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
أهل العوض
سلام وكمية من الحب
بعدين يا البدري كان كدي البعية ربحانة .. نحن عندنا البنات برضو ، وكان داير تدبل عندي أخوات وكان داير تكمل تعليمك عندي السغار برضو
معناها إنت داخل على طمع.. غايتو خليك في الصف ولا أمش أشرب ليك شاي عند المرة ديك لمن نناديك
صفرجت
سلام يحمل كلام
هسع أنا اشرح ليك القربحطل ولا اللاب توب .. قال طقم شاي قال
يديك العافية يا ظريف
بدرالدين شنا
| |
|
|
|
|
|
|
|
|
|
Re: مرض رجال (Re: بدرالدين شنا)
|
بسم الله الرحمن الرحيم
الشفيف الكثيف عبدالله جعفر
زينت صباحي بهذه المداخلة الظريفة
ياخي أنا ما خايف من الذبابة الرملية أنا خايف من أهل العوض الحارسين مريضهم جنبي.. أما الركبة قماشاتها إنتهت زمان وبقت تسيِك سيك .. سيك وقت المشي .. ياربي الركبة عنها قماشات؟
لك حبي وتقديري
بدرالدين شنا
| |
|
|
|
|
|
|
|
|
|
Re: مرض رجال (Re: بدرالدين شنا)
|
بدر الدين .. لو القماشات اتلحست معناتا لازم تخرط الهوب ، وفي مخرطة واااحدة لخراطة الهوب في الحلة الجبنكم ، لذلك نصحية للملاعمر أن يحافظ على قماشات ركبته ، حيث لا توجد قطع غيار لقماشات الركب
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
almulaomar
garjah
Ahlalawad
AlRa7mabi
Yassir Mahgoub
zola123
تراث
safrajat
bint algazeira
فيس بوك
تويتر
انستقرام
يوتيوب
بنتيريست