دعواتكم لزميلنا المفكر د.الباقر العفيف بالشفاء العاجل
|
|
 قرشة الموية البلاستيكية قالوا بتكتل
|
قرشة الموية البلاستيكية قالوا بتكتل مش لو فلقوك بيها ولكن إذا أستخدمتها أكتر من مرة دحين شفوا لي الكلام الإنجليزي التحت دا صحي ولا الخواجة دا بيكضب علي ساكت
هو قال الرسالة دي جاتو في بريدو الإلكتروني
PLEASE BE AWARE!!!
Do not re-use mineral water bottles!
Many are unaware of poisoning caused by re-using plastic bottles. Some
of you may be in the habit of using and re-using your disposable mineral
water bottles (e.g. Nestle, Bisleri, Aquafina, Kinley, Evian,etc...),
keeping them in your car or at work. Not a good idea. It happened in Dubai,
when a 12 year old girl died after a long usage (16
months) of SAFA mineral water bottle, as she used to carry the same fancy
(painted by herself) bottle to her school daily.
In a nutshell, the plastic (called polyethylene terephthalate or PET) used in these bottles contains a potentially carcinogenic element
(something called diethylhydroxylamine or DEHA). The bottles are safe
for one-time use only; if you must keep them longer, it should be or no more
than a few days, week max, and keep them away from heat as well. Repeated
washing and rinsing can cause the plastic to break down and the carcinogens
(cancer-causing chemical agents) can leak into the water that YOU are
drinking.
Better to invest in water bottles that are really meant for multiple
uses. This is not something we should be scrimping on. Those of you with
family - do please advise them, especially children. Please forward this
information.
Thanks and Regards
|
|
 
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
الحاج بدر الدين دفعة الوالده
مشتاقين جدا،انت يا اخوى تغيب و تجى بمواضيع تخوف الناس ؟؟
قرشة دى شنو اول حاجة؟؟ مؤنث قرش ؟؟؟
غايتو موضوع المويه ده انا ما بعرفو،نحن ناس مواسير ساكت،لكن ذكرتنى قصه سمعتها يبدو انها حقيقيه او الفها بعض الخبثاء،القصه كالاتى :احد الاخوان جا بلد اوروبى والجماعه استقبلوهو و لافين بيهو يتفسح، زولك شايف الاعلانات معلقه فى كل مكان "احذروا الايدز ، استخدموا الكوندوم "،زولك شكلو الموضوع قطع قلبو ، يوم قام سال الجماعه "انتو يالخوان،موضوع الليدز ده بالصح و لا الجماعه ديل عاوزين يبيعوا (كناضمن) ديل ساكت" والعهده على عثمان حامد و ميسره.
اها يا اخوى شوف خواجتك ده بالجد و لا زول بيع ساكت
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
أنا دفعة والدتك وإنت دفعة صاحبي ياسر حنَّأ مش؟؟؟
صديقي عصام متشاقين كتير
هي الكلمة الصحيحة (غرشة) حسب نطق الخليجين لكن أنا شفقة مني وخائف أنطق القاف غين طبزتها مرة واحدة وعكستها والمقصود بها القارورة بتاعت البلاستيك البشتروها من السيوبر ماركت وفيها موية وهي (دسبوزابل) يعني تشربها وتجدعها
أما (كناضمن) دي مباااالغة
وأنا عشان كناضمن اصلي ما بناضمن
لك حبي وقوارير إشتياقي
| |
|
|
|
|
|
|
|
|
 Re: قرشة الموية البلاستيكية قالوا بتكتل (Re: بدرالدين شنا)
|
المبدع بدر الدين شنا
أولاً حمداً لله على سلامتك ، ويا أخي خليج شنو وقوارير شنو؟ عا قزاز وعا شوالات وعا صفايح كمان ، أنا غايتو يا بدر الدين ما بعرف لكين نحن في السودان الله يدينا العافية أي حاجة عندنا يتم تدويرها وإعادة إستخدامها حكاية Disposal دي أصلنا ما بنعرفها ونحن أكتر الناس صداقة للبيئة لدرجة إنو أشكالنا زاتها بقت بيئة عديل كده ، فأمسكها يا البدري يا أخوي من البراميل مروراً بالصفايح المعدنية والبلاستيكية والقزاز بأنواعه المختلفة بما في ذلك عبوات زيوت الفرامل حتى أصبح بيع مثل هذه الأشياء مهنة تدر ربحاً لا بأس به والأدهي والأمر في هذه الصورة المقلوبة أنه أمام المستشفيات تلقى الفراشات ببيعوا في فتايل البنسلين والأدوية للجماعة بتاعين التشاشات عشان يعبوا فيها الأرواح مش أرواح البشر طبعا ، أرواح النكهات الخاصة بالعصيرات تصور .
الموضوع خطير جداً وقد سبق إثارته في هذا المنبر ، وأنسي الخواجات يا بدر الدين لأنو المسافة بين الحلاويين والمانشسترين – نسبة إلى مانشستر – كبيرة وهم لو أعادوا إستخدام عبوات موية الصحة مرة أخرى بتعبوا ونحن – الله يستر علينا – شوفي عيني حليمة جارتنا بتشتري زيت الملاح من دكان حاج فضل في عبوة بلاستيك زيت عربات ويمكن توربو كمان لأنو الحلة تشبع جيش عديل كده وبي نص كيلو لحمه.
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
| Quote: أولاً حمداً لله على سلامتك |
سلامتي أنا ولا سلامتك إنت؟؟؟ شوف دا بالله .. هسع الغائب فينا منو إنت ولا أنا؟؟؟ وإنت ما عارف أنا مشتاق ليك قدر شنو؟؟؟ وفاقدك قدر شنو؟؟؟ لكن زي ما بقولوا الناس في الغياب ما تقيسا تحنانا .. ياربي في مثل زي دا؟؟؟
أما فيما يخص موضوع الغرشة قالوا الغرشة بتصلح المشية
الموضوع أنا شلتو حار من الخواجة وجبتو ليكم وإنتو على كيفكم وبصراحة كدا النمازج الجبتها دي كلها قزاز وأنا بتكلم عن البلاستيك
ياخي أنا عارفك مشغول لكن برضو ما تغيب ياخي فأنت رجل السلام
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
البدري يا أخوي مثل زي ده يطرشني ويعميني (في الغياب ما تقيسا تحنانا) وتكون يا ربي قاصد المثل البيقول (الناس في العروض ما تقيسه بي تيبانا وما يغرك لابسهم والعروض عريانه) ، وبرضو في موضوع المقاسات والقياس الفنان قال أقيس الفم بي وده وألقي الودع XL ، لكين قياسك ده يطرشني. بعدين يا البدري زيت العربات ده ما عبوات بلاستيك يا أخي ولا ما لقيت غير قزازي البي حالي ما هو....
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
" هي الكلمة الصحيحة (غرشة) حسب نطق الخليجين لكن أنا شفقة مني وخائف أنطق القاف غين طبزتها مرة واحدة وعكستها والمقصود بها القارورة بتاعت البلاستيك البشتروها من السيوبر ماركت وفيها موية "
وفى المغرب بيسموها " قرعة ماء"
ياحاج بدرالدين الكلام المكتوب من "الشبال لليبين " ده مابينطبق علينا نحن .. بعدين المعدة بيت الداء .. ههـهة
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
| Quote: ياحاج بدرالدين الكلام المكتوب من "الشبال لليبين " ده مابينطبق علينا نحن |
عرفتو كيف ؟؟؟ والله كان كدي إنجليزيك قوي عديل كدي
قلت لي في المغرب بسموها قرعة ماء؟؟؟
يكونوا قاصدين (جرعة ماء) وينطقون الجيم قاف ولا يكونوا قاصدين القرعة حقتنا الزمان ديك ياربي؟؟؟
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
العزيز نيوبي سلام
لكن فكرة القرب دي بالجد شديدة
| Quote: كل واحد يخت قربتين في (السيارة) واحد يمين واحدة شمال وبالمرة يركب كوز مع البوري تلا ليلا وليلا وتش |
أها وكان قالوا دايرين ليهم جداد منضوم في عصاية مع تلا ليلا وليلا تش دي اسوي شنو؟؟؟
أهل العوض سلام
| Quote: قالوا الفي نيتك ما بضرك .. حتى ولو كان خليها في سرك |
ياخوي هي حبَّة شوية أكتحها ساي ... أنا خائف أخليها ليك في سرِّي وإنت تحتاج ليها وتجي تلقاني مافي
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
صديقي وحبيبي الملا عمر
سلامي وإحترامي وإحرامي وحماري كلها لك يا غائب عن العين وإنت موجود في عيني الإتنين
إنت لقيت ما في مسنجر قلت أحسن (تسنجر) لي في بوستي قوم أقغد فوق السنجيرة دي حارة عليك
أنا موجود وشايفك لكن مشعول بفئران أختنا توما (فأر تكلنا وفأرة التكل المجاور) وياريت تطل بي هناك وتدلي بدلوك أصله هو بوست كان كويس قامت (بوَّستو) بي لقاء معاي وأنا عازمك بي هناك
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
أبــو النســب - المحترم
تحية طيبة وبعد
والله موضوعك إخوف شديد لكن إن باريت الكلام ده بتكتلك خوفه ساي ده كلام ساي لأنك لو قريت الكلام الكبار بتاع البوللوثلين والبروتكتوسين بتاع الخواجة ده تلقاه كلام دراب لمن تفهمه وتقدر تقراه سريع بتلقا عمرك وصل 80 سنة عشان كده أشرب ساي .
في مره من المرات أنا ومعاي جماعة كنا ماشين نرفع لينا فاتحة في قرية ( ألتي ) بعد المسيد وكان معانا واحد سعودي ، لمن جينا راجعين الجماعه قالوا نصلي العشاء ونشرب شاي أو نأكل حاجة لمن قعدنا طوالي الجرسون جاء وجاب لينا علبه كبيرة بتاعت بترومين فيها مويه وللمعلومية إنو البترومين مصنوع في السعودية وقام السعودي سأل إيش هذي؟؟؟ قلنا ليهو دي مويه قال لكن ؟؟؟؟!!!! وبعد شويه بعد شافنا شربنا قام شرب !!!!!!!!
فيا خوي كلهم واحد ( كلكم آل أبعوس أرقد ارقدددددد ) ما تقول غرشة ولا علبه ولا بتاع !!!!!!
لكن حتى لو إقتنعنا بكلام الخواجة بتاعك ده الطريقة التقنع حاجة مريم بالكلام ده شــــنــو ؟؟؟؟؟؟؟؟
مع خالص الود
كلام ساكت ومرتو
| |
|
|
|
|
|
|
|
|
|
Re: قرشة الموية البلاستيكية قالوا بتكتل (Re: بدرالدين شنا)
|
العريس الغالي ومو رخيص ومرتو
مشتاقييييين
آي عريس (اليماني قال شنو في الليد)
ياخوي الخواجة القال الكلام دا ماهيتو عشرة أضعاف ماهيتي والله لو ارجع للبزة ما أخالفه
| Quote: لكن حتى لو إقتنعنا بكلام الخواجة بتاعك ده الطريقة التقنع حاجة مريم بالكلام ده شــــنــو ؟؟؟؟؟؟؟؟ |
هي تلتق في السفنجات القدام ما تشرب ساكت (تشرب ساكت) دي أخت كلام ساكت ولا شنو؟؟؟
قال بترومين قال
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
almulaomar
Ibrahim Algrefwi
abas
Ahlalawad
فيس بوك
تويتر
انستقرام
يوتيوب
بنتيريست