|
|
 فنجان قهوة بدون خيمة
|
بسم الله الرحمن الرحيم
لمن أشوف لي زول مسئول في اي قناة فضائية وقدامو مايكات مكرفونات للقنوات الفضائية ما بركز ولا بفهم كلامو ببساطة لأني بكون مشغول بالتفتيش عن مايك الفضائية السودانية والذي يشكل غياباً بدون عذر
مديرنا الخواجة أداني نصيحة أنا أعتبرتها لوجه الله لكن هو علي كيفو المهم قال لي أنصحك يا (بني في العمل) زي (برزر إن لو) وطبعاًدي بالإنجليزي تبقى (ماي صن إن ويرك) مش في حاجات إسمها عشاء عمل برضو كمان في بُني عمل المهم النصيحة كانت
إذا زرت أحداً في بيته أو مزرعته أو أي من خصوصياته فانظر إلى الجميل فيها ولا تنظر للسئ فبدلاً من سؤالك لماذا هذه البقرة ضعيفة إساله عن السمينة ماذا أطعمها حتى صارت بهذا الجمال ما شاء الله وما شاء الله (دي من عندي أنا) على أي حال يا الخواجة شكراً ليك
أول مرة أعرف ليك الخواجات ديل بقطعوا في الناس .. يوم لقيتهم الإتنين يتكلموا عني
نحن أصلاً ساكينين زي عشرة أشخاص في كامب واحد خمسة مسلمين والباقي كفار من إنجليز لي هنود وهن تاريهن متضايقين من الآذان بتاع الصبح وما قادرين يقولوا حاجة فلقيت واحد فيهم يقول للتاني
يعني بدرالدين دا بدل يقد أضانا دي من الصبح ما يمش يدق لي أي واحد في غرفتو ويقول ليهو الصلاة جات
يا خوانا نحن من صغار قالوا لينا المرا المحبوسة (راجلها ميت) ما بدخلوا عليها الرجال
أها داير أسعلكم هسع نحن عندنا مرا راجلها مات وداير أعزيها من بلد الشتات دا لو ضربت ليها تلفون ولا رسلت ليها إيميل فيها حاجة؟؟؟
|
|
 
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
رسل ليها اميل من موقع اسلام دوت كوم
لانه الياهو والهوت ميل حقات كفار
بعدين كان قابلتها في الماسنجر
اياك والكاميرا
وايضا ما تستقبل منها اي رسالة فيها اتاتش منت
فيها صورة حديثة ليها
اما اذا حبيت بالتلفون فرسل ليها مس كول
واذا ما اقتنعت
خلي المدام ترسل ليها مسج
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بسم الله الرحمن الرحيم
المحبوب اساسي
سلااااااام وحب شديد
الله يجازيك يا اساسي ويجازي محنك
طيب بي طريقتك دي ما تقول لي أعمل ليها (بلوك) عديل كدا
ولا أقول ليك أرسل ليها (بلايند كوبي) عشان تشوفها براها
الظريف سجيمان
سلااااااااام بحجم حارس المرمى بتاعك
حابسنها ليه؟؟؟
حابسنها عشان ما تقرا بوستك بتاع (الفريق النسائي السوداني لكرة القدم) لمن تتم العدة بتاعتها
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بسم الله الرحمن الرحيم
المحترمة ميّا
سلامي وإكرامي
قلتي لي دا آذان ولا مزاد؟؟؟
إنت عارفة الآذان البحومو بيهو بي البيوت زي عضم السماية دا ما سمعت بيه كلو كلو
أما المرة المحبوسة إن شاء الله هي حبستي بعد الحال تمرق بعد فترة العدة سمينة وصفراء وسمحة حاجة تحير مش كدا؟؟؟
يكون الأكل البجيبنو ليها النسوان دا راجلها بي حايتو ماجابو ليها
الله يرحمه ويغفر ليهو وأستغفر الله من حقه
المحبوب جمال
سلاااااااااااام وشوق
ياخوي عدتك دي ما فيها وسم عشان نفرزها حاول شكّل لي واحده فيهن
لك ودي وترحيبي
يا حبيب عمري يا قرجة
فرحت بي جيتك كتير
أقول ليك المرة محبوسة تقول لي جعِّر والله إلاّ كان بي خرطوش
ولا أقول ليك مع بتها ينفع؟؟؟
الجميل المعتق أبو جهينة
سلاااااااااااااااام بدون حجاب وبلا حدود
شوف هو من ناحية محالة فاعلين دي ما يشيلك فيها شك فاعلين فاعلين والحجاب موجود لأنها هي في السودان وأنا في الشتات ومشكلتنا هي الوسيط تلفون ولا فاكس ولا إيميل ولا مسنجر؟؟؟
رأيك شنو أشوف لي شافع أجعِّر فيهو وارسلو ليها؟؟؟
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
مع انه قهوتك عجيبة وسمحة
لكن قعاد السهلة ساي ده صعب والله
المره الجاية شوف لينا مظلة انشاء الله بتشيلنا
علينا يا بدر الدين
شنا
انا اول مره اعرف شنا دي يعني شنو
كنت بقراها بدر الدين شنا بالتشديد على النون
شفت كيف
ناكره ليك الشنا دي كله كله
والله عندك جنس محن
عموما سلمت على هذا الجمال
انت والخواجة الاصلي بتاعك
تمنياتي
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بدر الدين
بس خليني أرد على هوزي دي
عارفه موضوع السهلة ما موضوع بخل
لكن كوزفوبيا ساكت
خايف لو ( قجا ) ليهو خيمة
يجهوا ناس الطوارئ
عشان كده ممنوع تجمعات الأخوانيات هنا
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بسم الله الرحمن الرحيم
عروستنا هوزي
سلاااااااام ومباركة
كرعلي يا خواني العروس قاعدة في السهلة
البركة يا بت أمي في العرس الشال الدمعة من عينك والشدَّة من نوني
لكي تحياتي ولزوجك خالص التبريكات والفرحة
تسلما
ود أختي الرحمابي
سلااااااااااام ومحبة
أشكرك على التوضيح لهوزي بخصوص إختفاء الخيمة بس باقي ليك توضح لي أنا إيه يعني كوزوفوبيا
ياربي تكون ولاية أمريكية؟؟؟
المحترمة هوزي
أكرر شكري
| |
|
|
|
|
|
|
|
|
|
بدر بن شنا (Re: بدرالدين شنا)
|
ايهاالحضور سلامات
تصدق يا بدر بن شنا انا ظريفه زي هوزي دي وبقراها ليك بالشده زي حقه توبي دا ..لكن بعد فتره كل شيقن انكشفن وبان كدي اسع نركز مع قطيعه الخواجات امانه ما قطيعه مقعده ليها ضل لا والظريفه ما بشوفو فيها مشكله لانها سرد بتاع وقائع بس ده مبررهم زي الطالب الزراهو الاستاذ ببخره قام قال ليهو
ده ما غش ده استرجاع معلومات ساكت
توما
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بدرالدين الما شين
لاحظت في تدرج في الصور البتنزلها تحت اسمك
مرة من بنتك للزول البيتكلم داك ( مع انه مقتنعة انها زولة) المهم ما علينا ، وفجأة كده جانا طفل شايل مسدس
بصراحة يا بدرالدين كان ناوي تدخل لينا اسامة بن لادن في البورد كلمنا من حسه
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بسم الله الرحمن الرحيم
الشفيف الزاكي
سلااااااااااااام
شوف يازول ما تحمر لي عينيك وتصر لي وشك
أنا آخر مرة كبيت ليك فنجانين
تسلم يا حُر
الغالية إحدى التومات
سلااااااام وإحترام
| Quote: تصدق يا بدر بن شنا انا ظريفه زي هوزي دي وبقراها ليك بالشده زي حقه توبي دا ..لكن بعد فتره كل شيقن انكشفن وبان |
والله كان ما جيرانا ديل عندهم بكا كنت قلت ليك لوووووووووووووول
على كلٍ أشكرك على الشدَّة .. لكن لو محتاجة ليها شيليها وخلي لي شناتي في السهلة
وفرحت بيك فناجيني يا ظريفة زي هوزي
العزيزة ميَّا
سلاااااااااااام
إطمئني يا ميَّا الشافع دا ما بسوي حاجة أنا كلمتو قلت ليه دي خالتك ميَّا قال لي كان خالتي قول ليها أديني قروش .. وأنا قلت ليه خالتك لسة ما شغالة
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بسم الله الرحمن الرحيم
الحبيب الغالي ماجد
سلاااااااااااااام وتشكر
أشكرك حبيبي على هذه الكلمات الطيبات والرسول كان تمش قبال تشرب فنجانك
ونحن بنسعد بي سعادتك
أرقد عافية
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بسم الله الرحمن الرحيم
الغالي ماجد إبن الأماجد
سلالالالالالام وود
عليك الله وإنت مارق أنهر معاك غنماية بت قضيم دي غلبتنا في روحنا دي وسلم على أهلك
الله يسلمكن يا اولادي
| |
|
|
|
|
|
|
|
|
|
Re: فنجان قهوة بدون خيمة (Re: بدرالدين شنا)
|
بدر الدين شنا
ماي برزار إن قود ودي ترجمتها أخي في الله أشيل وأفتش وأجري يمين وشمال كايس لي فنجان القهوة البدون خيمة تقوم تخمني لا ألقى خيمة لا قهوة وتطلعني في النهاية زي بعض سكان الكويت من فئة البدون ، تصوروا يا عالم ناس عايشه في بلد أتولدت فيهو وكبرت فيهو وتموت فيهو - دي زيت تموت تخلى وفي رواية أخرى تموت ركن - وبرضو يكتب على شاهد القبر هذا قبر المرحوم ........... من فئة البدون.
دعونا من السياسة فإنها نتنه شأنها شأن أى كوشة في أى سوق كمونية
الخواجه أداك درس بليغ وقيم حبذا لو تمعناه وإعدنا قرأته بهدوء فالراجل ما قصر معاك تب ولو كان بإمكانك أن تعطيه دروس فيها من القيمة والفائدة مثل كلماته لك لسمع صوت آذان الصبح نغماً شجيا مموسقا ، فالإنسان يولد على الفطرة وربما يهدى بك الله رجلا يا البدري فتفوز فوزا عظيما ، قبل كل شئ يجب أن ينعكس إسلامك هذا على تصرفاتك وأعمالك وبخاصة تجاه الآخرين ولو نجحت في كده إن شاء الله حا تتكل ضهرك ده في عمود من أعمدة الجنة ولو مشيت فوق دربك ده والله عمود في شارع البوسته ما تقدر تتكل عليهو ضهرك.
ده كل هين أنا فنجان القهوة وين ، وقهوتك ساده ولا سكر زيادة
| |
|
|
|
|
|
|
|
|
|
Re: فنجان قهوة بدون خيمة (Re: almulaomar)
|
بدر الدين
نحنا ماكنا متوقعين منك تفكر تعزى اختنا
بحاجات الزمن دى .... كنا قالين بتجى بروحك
كان مش عشانا بس عشان المرحوم وعلاقتو بيك وتعلق بنتو فيك
بس رغم الحصل منك دا ... العشم فيك كبير ...وانتا مااياك جمل شيل
يا اخوى كلها اربعة شهور وعشرت ايام ونعقد ليك عليها بس عليك الله توافق عشان خاطر البنية الفقدت ابوها دى والمتعلق بيك
اها يا اخوى الولية نرسل ليك بياتو شركة نقل سريع
dhl او fedex او aramex
حدد ونجنا جاهزين
اخوك اخو مرت المرحوم
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
اساسي
سجيمان
garjah
ابو جهينة
AlRa7mabi
nile1
توما
almulaomar
دورنقاس
فيس بوك
تويتر
انستقرام
يوتيوب
بنتيريست