دعواتكم لزميلنا المفكر د.الباقر العفيف بالشفاء العاجل
|
|
 عاجل إلى بورداب مسقط (سلطنة عمان)
|
الديوان فيهو ياسر حنا والرحمابي وكلام ساكت وأسامة ميرغني وتاني في رجال ما عرفتهم داير أتعرف عليهم
وبيت النسوان فيهو سوما وعشة بت فاطنة وميَّا وتاني في نسوان ما عرفتهن
ياريت يا أخوانا نتلاقا في عيد رمضان الجاي دا ونتعارف كان في حديقة ولا بيت ولا منتزه ولا نمشي رحلة المهم نتلاقا وياريت كل واحد يدلو بدلوه والوقت ضيق خلاس ... شغلوا المسنجرات عشان التنسيق بخصوص المكان والزمان والتوقت والترحيل غايتو أنا لا عندي عربية أسوقها ولا عندي زوجة تسوي ليها حلة ملاح على رقبتي دي يشيلوني ويختوني زي التلفزيون يعني لا هزة كانون ولا موية ليمون لكن غناي وكان في دفع بدفع
أها قلتو شنو؟؟؟
|
|
 
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
للأسف يا بدر الجميل صاحب المبادرات الجميلة أنا مسافر قبل العيدأقضي العيد مع العيال عقبال عندك....لكن رأيكم شنو أنا عازمكم فطور قبل يوم الأربعاء...أقترح الأثنين عندي في البيت ,بالمناسبة معاي الوالده وبتعمل نعيمية أتحدي بيها عشة بت فاطنة...أها رايكم شنو؟
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
الغالية لنا جعفر سلام
وأنا أقول ياربي صلالة دي الناس بجوها من كل حدب وصوب ليه ... طبعاً صلالة وعمان تتشرف بيك وياريت نقدر نعمل فرع في صلالة وسعدت كثيراً بكحتك وفتحة خشمك وكل سنة والجميع بخير
لكي تحياتي
الحبيب أسامة ميرغني
سلااااااام وتقدير
والله كنا عايزنك معانا لكن زيارة الأولاد أهم أما بخصوص الفطور قبل يوم الأربعاء فصعب بالنسبة لي أنا في الصحراء ولكن أتمنى أن يوفق الآخرون لتلبية الدعوة وإن شاء الله تمشي وتجي بالسلامة
| |
|
|
|
|
|
|
|
|
|
عاجل لبورداب مسقط (Re: بدرالدين شنا)
|
يا شنا اجروا ليكم بوكس من السوق الشعبى بتاع مسقط وتعالوا احضروا مهرجان المونودراما الدولى فى الفجيرة
وجيب عشة بت فاطمة وقول ليها اناصاحب على بابكر صاحب زوجك بيرق
والهمسكة كيف
نستضيفك فى الشارقة لفترة ثلاثة ايام فقط
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
الغالي محمد سعيد علي
سلااااااااام كتير
سعدت كثيراً بمداخلتك وسعدت أكثر بدعوتك الكريمة لكن ما عارف الوقت يسعفني لتلبيها ولا لا؟ لأنه المسألة عايزة تصريح دخول وترتيبات معينة مع الشركة لكن صدقني ساسعى للتلبية أولاً عشان رؤيتك والتعرف عليك وثانياً عشان المشروع مغري زي ما قالت عشة بت فاطنة وياريت ربنا يسهلها
عشة بت فاطنة
كيف حالك وكيف أخونا بيرق؟؟؟
لو ربنا سهل كان نعيميتكم ولا نعيمية أسامة ميرغني ما فرقت الكنش واحد
بالله موضوع أخونا محمد سعيد دا ما تتجاهليهو أما موضوع لقاء العيد لابد منه رغم ظروف بعض الأعضاء عشان نشوف فكرة العمل المسرحي بتاعك وبعدين لو بورداب الرياض عندهم تمبس بصور ليهم الحفل نحن والله نتحداهم بيك يا عشة فأنت الخبيرة في هذا المجال
العزيز الرحمابي
سلاااااااام
أشكرك على الترحيب بالفكرة والحماس للتنفيذ ياريت كمان يزيد العدد عشان تحلو أكتر وأكتر
ياسر حنا
سلام يارائع ياطويل
| Quote: والله فكرة في السلك |
الفي السلك دي فكرة ولا فركة؟؟؟
يعني الأمارات دي ما حكمت إلاَّ هسع
يازول القدم ليها رافع كان عجزت ولا غيرت رأيك يحصل لينا الشرف
وكل سنة وإنت طيب
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: خالد عويس)
|
الاستاذ خالد عويس هو نحن لا قين جيتك 00 اها اقول ليك النعيميه يوم جيتك بنبهلا من مطار السيب الدولي00لا ممكن نعمل بيها كترنق في الطياره الجايباك0000ومع النعيميه تجد كل القلوب هنا تحملك في جواها000 ياريت ياخالد نشوفك هنا وبالمناسبه النادي السوداني يقدم فعاليات ثقافيه جاده ورائعه 00ووجودك في احادها سيشكل كسب كبير للجاليه هنا 00والدكتور يحي الشاذلي مسئول الشئون الثقافيه بالنادي رجل همام ونشيط وممكن ننسق ليك معاه اي برنامج نتمكن من خلاله من معايشة ابداعاتك
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
عبدالله سلام ورمضان كريم
شيقوق معزوم ود الضو معزوم تاني عندك زول المهم إنت تجي
تحياتي
الجميل الغالي خالد عويس سلام
إنت تعال عشان نتعلم منك
نحن بننعم عليك بالنعيمية وإنت أنعم علينا بنعمة الجمال
سعدت بمداخلتك يا راقي
عبدالله تاني سلام
وأنا أبارك دعوتك للشفيف خالد عويس لكما تحياتي
| |
|
|
|
|
|
|
|
|
 Re: عاجل إلى بورداب مسقط (سلطنة عمان) (Re: بدرالدين شنا)
|
الفكرة ممتازة . الهام و انا من ناس مسقط و الناس هنا من السهل جدا ان تتقابلوا يعني الموضوع موضوع تنسيق لتحديد المكان و الزمان (( بالنسبة لناس مسقط )) و لكن الناس الفي صلالة ة المدن الاخري الموضوع عاوز ترتيبات تانية . ما رايكم في جعل المشروع واقع
طه جعفر الخليفة
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
الموكرة راوية سلام كتير كتير زي الريحة في الفتيل
لو ما لقيتي ليك فطور جماعي أعملي ليك نعيمية رقشة
يعني كاس زبادي وعليه شوية بهارات
تسلمي للطلة وربنا ينعمك (من نعيمية) تحياتي
الأحباب طه وإلهام سلام
ماهو هسع إنتما جماعي ما شاء الله بس باقي النعيمية
والله يا طه وإلهام فعلاً المسألة ممكن تكون واقع وبسهولة جداً يعني أنا بضمن ليكم سوما وعشة وميا وكمان بضمني أنا والرحمابي وكلام ساكت وياريت إنتو كمان تحشدوا الناس البتعرفوهم في مسقط إن كانوا من الأعضاء أو متصفحي البورد أما إختيار المكان والزمان رأيكم شنو تتكفلوا بيهو لأنو إنتو بتعرفوا مسقط أكتر مني أنا الصحراوي والتلفونات بيناتنا أنا تلفوني في الصحراء 386861
تحياتي
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
بدرالدين الماشين
عشة بنت مبارك
تحيات رمضانية كتيرة
حددوا اليوم وشوفوا المناسب وحاضرين ، اما الوتر يا عشة موجود عند الهام
وبعدين يا جماعة قبل كل حاجة شوفوا جماعة الفلاتة ديل حيخلوا العيد يبقى متين ،لاول مرة صاموا مع الناس لكن الخوف نفطر بعد الناس بتلاتة يوم
خايفة يجي ذو الحجة ونكون صايمين
تسلموا ودمتم بالف خير
| |
|
|
|
|
|
|
|
|
 Re: عاجل إلى بورداب مسقط (سلطنة عمان) (Re: بدرالدين شنا)
|
يا بورداب مسقط سلام ورمضان كريم والله دي مفاحة كبيرة جدا ان اعرف انو عشة من مسقط وهي الانسانه الفنانه رغم اني في مسقط لي مايزيد عن 4سنوات وشقيقها من اعز الاصدقاء(شيخ علي) تحياتي له, بس للاسف انا الان في السودان(ده موضوع براهو) لكن لو كنت قاعد كنت جيتك في دار سيت وكان يكون داك يالفطور,انا ملومك برضو رسلت ليك الشريط تحويليهو لي سي دي قلت انك مشغولة لووووووووووووو
والله ايا بداره فكره رائعه جدا وارجو ان تجد حيز التنفيذ وعلى حسب ما سمعت ان الاجازة اسبوع مع عيد ميلاد جكسا, كل سنه وانتم طيبون والى ان نلتقي سلام
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
عشة بت فاطنة .. ميّا .. ترهاقا .. طه وإلهام .. أبو مهند سلام
عشة تقصدي شنو يعني بي فنان معتبر أنا مامالي عينك؟؟؟
أها قالوا إلهام عندها الوتر دي مشكلة إنحلت باقي التنسيق يا أخوانا وزي ما قال طه التلفونات تكون عندك يا عشة وأنا تلفوني في الصحراء كتبتو ليكم ودا تلفوني في مسقط وهو نفسو تلفون أخونا عمر (كلام ساكت) ورقمه
9794528
وياريت كل زول يدينا تلفونو لو ما في البوست يكون في المسنجر وأعتقد نحن ما كتار وشايف ميّا بتقول أحسن تكون بالليل عشان الشمس وعشة بتقول مزرعة وأنا الإتنين ما فارقات معاي وخلونا نرحب بالجميل ترهاقا وما تخجلونا قدامه وعليك الله يا طه إتصل أو أرفع التلفون لأنو أنا إتصلت مرتين ما لميت فيكم الظاهر إنتو مبردبين براكم الأيام دي مبردبين دي جاية من بورد والمصدر بردبة (بردبة وبطانية) أما أنت يا ابو مهند فبردبتك حا تكون بعد عودتك من السودان فيا شباب ساعدونا لإنجاح هذا وإن شاء الله أنا متفائل بي إنه حا يكون يوم تتحدث عنه الأجيال
| |
|
|
|
|
|
|
|
|
 Re: عاجل إلى بورداب مسقط (سلطنة عمان) (Re: بدرالدين شنا)
|
لمزيد من التنسيق تلفون البيت هو 688095 و الموبايل هو 9769801
اما عن موضوع البردبة فهذا حاصل يا بدر و لكن ساتصل بك بكرة لاني اليوم جيت البيت متاخر شوية.
المهم هو التنسيق العالي لانجاح هذا اللقاء الذي ارجو ان يقوم بالافادة و المساهمة في احتفال االبورد في الخرطوم خاصة و اننا سنكون في الخرطوم خلال يوليو.
و الهام جاهزة للمشاركة الغنائية
طه
| |
|
|
|
|
|
|
|
|
 Re: عاجل إلى بورداب مسقط (سلطنة عمان) (Re: TahaElham)
|
سلام يا اهلنا
رمضان كريم مع انه قرب يودع .. رمضان كريم لى الناس الطولنا ما لاقيناهم ولى كل الناس .. تحياتى لكم جميعا
بدر الدين والله فكرتك الكانت مجرد ونسه هاتفيه ما اتخيلتها تتخمر بالسرعه دى وتبقى حلو مر فى نهاية رمضان .. لكن برضو فيك الخير .. جد فكره رائعه وبتمنى انها تتحقق قريب .. كاول خطوه واكيد الناس ما حاتقصر فى المشاركه والحضور .. اهو باين من الردود ما شاء الله
معليش على الرد المتاخر ..بس انت عارف الظروف
عشة بت فاطنه وينك انتى ؟ رمضان انتهى وانتى مختفيه ومايا برضو
حا ننتظر لما بدر الدين يجى من خلاهو ده ويجمعنا ؟
رحمابى انا مع بدر الدين نحن علينا الفكره وانتو عليكم التنفيذ مع باقى الشباب ..بدر الدين اوع تاكلنى فى فكرتى لوووول شفت العين القويه دى ؟
الله معاكم وكل سنه وانتو طيبين
| |
|
|
|
|
|
|
|
|
|
Re: عاجل إلى بورداب مسقط (سلطنة عمان) (Re: بدرالدين شنا)
|
يا شباب الفكرة يبدو بقت جد...يعني نخلي السفر ولا شنو؟...أنا كده جد محتاج اخد اذن من رئيس الوزراء (المدام) واجّل السفر أصلو دي فرصة ما بتتعوض...ولا رأيك شنو يا بدرو نتلاقي يوم بعد العيد عندك في صحراء مرمول بتاعتكم ...الجو أكيد حلو هناك في الشتاء...بس أوعي تكون ساكن في خيمة
تلفوني 9205126
وولله فرصة نتعرف علي الناس المنورين البورد من مسقط..ولله يا طه أتمني نتعرف عليكم..وبقية البورداب
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
Osama Mirghani
mohmmed said ahmed
عشة بت فاطنة
AlRa7mabi
Yassir7anna
Rawia
ترهاقا
فيس بوك
تويتر
انستقرام
يوتيوب
بنتيريست