دعواتكم لزميلنا المفكر د.الباقر العفيف بالشفاء العاجل
|
|
 حبوب الشباب
|
سؤال برئ
إنتو حبوب الشباب بتقوم للزول في عمر كم؟؟؟
لأنو أنا شايف اليومين دي في حبوب بدت تقوم لي في خدي الشمال
وبالرجوع لسيرتي الذاتية فأنا حبيت في الواطة دي 4 سنوات ودخلت المدرسة عمري 11 سنة فما بعيد تكون القامت لي هسع دي هي حبوب الشباب
ولا رايكم شنو؟؟؟
|
|
 
|
|
|
|
|
|
|
|
Re: حبوب الشباب (Re: بدرالدين شنا)
|
شنا يا حبيب الظاهر انك انك بديت تعد عكسي ,,, لأنو بعد سن اليأس تنتهي بتبدأ مرحلة(التنكيس) ,,, ما نشوفك بكرة جاري ليك علب صلصة ولا ترتار في البورد ده
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
اخي الشاب بدر الدين
صباحك نور
بخصوص سؤالكم قمنا بالاستفسار سعادة اخصائي الوجوه الحلوه وما ينبت فيها من كل شامة في الخد اليمين وكرفسة وتجاعيد في اليسار فأجاب الاستاذ ابوقوته وقال أجي هو الوجه دا شرط عليه ان يقلل من اكل فتت بوش في دقست وزقلونا.
بدرالدين اخوي هو الجك حقك دا ما بيفضى هو مركب في خور عمر ولا شنو ، والكباية دي ما بيتملي تقول بطن جبهجي .
لك حبي وتقديري .
| |
|
|
|
|
|
|
|
|
|
Re: حبوب الشباب (Re: حمزاوي)
|
الشقيق الشاب أبوالبدور
تحية شبابية
كما أن هناك مراهقة متأخرة تأتي في خريف العمر .. فإن هناك تغيرات فسيولوجية تغمر الجسد كله و منها حبوب الشباب ( و أشياء أخرى لا مجال لذكرها هنا ) ..
و بما أنك قد حبوت 4 سنوات فهناك زيادة 3 سنوات حبو .. ثم إنك دخلت المدرسة متأخر 4 سنوات .. يبقى المجموع سبعة سنوات .. معنى ذلك بأن التغييرات التي ستحدث لك ستؤخر عملية التقدم في السن 7 سنوات .. و لو حدثت أي تغيرات أخرى ، فأحسبها على هذاه القاعدة أعلاه ..
فهمت حاجة ؟؟ و لا أنا
أرقد عافية
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
نيوبي الحلو مشتاقيييييييييييييييين
وينك إنت؟؟؟
| Quote: الظاهر انك انك بديت تعد عكسي |
لا .. بعد معاك ولايهمك بس إنت بتعد على وين؟؟؟
علب الصلصة والترتار دا زمنكم إنتو يا عمو أنا يادوبك قامن لي حبوب الشباب
حمزاوي الأحمر الوهاج
سلام بي طيب خاطر
| Quote: وما ينبت فيها من كل شامة في الخد اليمين وكرفسة وتجاعيد في اليسار |
يازول إنت لخبطت لي خدي دا مع خد عمك شوقي بدري ولا شنو؟؟؟
ياخواني البنات الخد دا ما خدي
شقيقي أبوجهينة
سلام مع التأكيد
| Quote: و لو حدثت أي تغيرات أخرى ، فأحسبها على هذاه القاعدة أعلاه .. |
يعني ممكن يقوم لي دقن بعد دا؟؟؟
| Quote: فهمت حاجة ؟؟ و لا أنا |
هوي يا ابوجهينة ما تخرب طبعي أنا الحاجات دي لسة ما بقيت ليها
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
شقيقي أبو البدور
| Quote: يعني ممكن يقوم لي دقن بعد دا؟؟؟ |
لو وقفت على الدقن كويس .. يقول العارفون ببواطن أمور الغدد الصماء منها و اللايوقة .. أن بعض التغيرات قد تشمل الدقن و الشنب .. و نمو أسنان جديدة .. حتى أن شعر الرأس الأبيض قد يتغير تدريجيا إلى لونه الأول .. و .. و ... قس على ذلك ..
أرقد عافية
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
بدر الحلو
| Quote: إنتو حبوب الشباب بتقوم للزول في عمر كم؟؟؟ |
غايتو يا بدر الدين انت مرحلة حبوب الشباب فتها زمااااااان
اما الحبوب دي لو قامت لك في سدرك....دي ما حبوب شباب...دي حبوب منع الحمل
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
شقيقي الأكبر أبوجهينة
| Quote: حتى أن شعر الرأس الأبيض قد يتغير تدريجيا إلى لونه الأول .. و .. و ... قس على ذلك .. |
لكن ما بطهروني تاني ياعمو مش؟؟؟
الظريف سجيمان
| Quote: اما الحبوب دي لو قامت لك في سدرك....دي ما حبوب شباب...دي حبوب منع الحمل |
بالااااااااااااهي أنا قايلن نخلات كنت داير أقطعن
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
شقيقي الحبيب أبو البدور
| Quote: لكن ما بطهروني تاني ياعمو مش؟؟؟ |
دة بيعتمد على حاجات كتيرة ..
بتعرف ود السافل يا بدر ؟؟؟
ما علينا ..
لكن ما تخاف .. أنا و سجيمان بنكون قريبين منك تب ..   
| |
|
|
|
|
|
|
|
|
|
Re: حبوب الشباب (Re: ابو جهينة)
|
Quote: هي يايابا تبرا من شبهي أنا
وسبب الريد عينيك وعينيا
إنت عندك فكرة إنو أنا ماعندي خد؟؟؟
بختكم إنتو أصحاب الأخدود
وأنا في الدنيا ماليش (خد) غيرك |
بدر الدين حبوبك دى قايمة فى خدى انا
انت حلمان ساكت....
كدى وقف لينا الجقك دا على قول حمزاوى
عشان نقدر نشوف الحبوب دى قايمة من وين
ممكن من الموية الكتيرة
ولك ودى
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
الأخ العزيز بدر الدين شنا الرجل خفيف الظل سريع البديهة صارم القسمات حي الشعور
رغم إنو السؤال فيهو شبهة بينة إلا أنني سوف أتوكل على الله وأتوكأ على عصاي وأقول مستعينا بالله أنه وبحسب رأي الطب الحديث والشعبي فإن هذه الحبوب ليست حبوب شباب ولا حبوب لقاح ولا حبوب نوم ولا حتى تلك الحبوب التي كان يتقطها دجاجي مهرولاً مسروراً فرحاناً في كتاب المطالعة ومن المرجح أن تكون جدرياً كاذب – الله يكضب الشينه – أتاك في خريف العمر وهو ما يعرف بالبرجم وربما يكون ذلك مرده أن بشرة سيادتكم من النوع الدهني كامل الدسم كانت جافه أو قل يابسه بسبب حرارة شمس بلادنا التي لا تشبه شموس الناس لأنها لا تأتيك عمودية فقط بل من فوقك ومن تحتك ومن أمامك ومن خلفك بالقدر الذي تجهجه معه ظلك وضل الضحي وضل شجرة النيم وبخاصة في ميدان أبو جنزير أو يوم الحشر الأصغر إن شئت ، ولما هاجر سعادتكم وأصبحت من المرطبين في الأرض إرتاحت بشرتكم وظهر معدنها الأصلي فكان هناك فائض كبير في سمن الغزالة – عفوا دهن النعامة – بل دهن بشرتكم ولما كان من المستحيل أن يخرج مثل هذا الدهن عن طريق مسام الجلد تماماً مثل العرق خرج في شكل فقاعات أو قل بثور شبهت لكم على أنها حبوب شباب وما هي بحبوب شباب وإنما ظننتم ظن السوء. وقديماً قالوا الدهن في العتاقي جعلنا الله جميعاً من عتقاء النار يوم الفزع الأكبر.
| |
|
|
|
|
|
|
|
|
|
Re: حبوب الشباب (Re: almulaomar)
|
أخي بدر الدين
لا أدري كيف فات استذانا الملا عمر الذي لم يترك حبة إلا واستبعدها ورماكم بالبجدرى على خرف منكم ... كيف فاته ان حبكم قديم قدم الحًًًَُب ,,, وان دجاجي ما كان يلقط الحب إلا من خدكم الإفريقي القديم , وانكم اردتم ان توهموا الناس ات الحب قد طرأ على خدكم (كيف يطرأ الأصيل) والأصل أن الحب قد قام بعد أن كان قاعدا ونرجو (ان تقعد في الواطة) وتدعوا له بدهن عود أو عنبر أو حتى ودكا أبيض , ولا أوصيك بالودك (مع فعاليته مع البشرة السودانية) فهو لا ينفع مع المغتربين وان وجد,,,, ولكن لي صديق أخبرني انه من كثرة تجاربه على صلعة يرعاها انه عرف دواءا لحب الشباب يتقتلع البثور من جذورهاويرجع لون البشرة الى طبيعتها (زي فلاتر فوتوشوب على حد تعبيره)
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
بدر السمح الشباب حليلو دى حبوب شنا ساكن
طبعا بكتب ليك من السودان..وهنالك( حبات) مطر بره والجو تمام وفى جنس (حبوب) وطراوة
حباك الله نضرة النعيم مع شوقى و(حبوبى)،،،
| |
|
|
|
|
|
|
|
|
|
Re: حبوب الشباب (Re: صديق الموج)
|
بدر الدين
ياخوي الحلاقة بالموس الميتة بتجيب الحبوب
ولكن ما تسال
بسمع ناس يحكو عن الطهارة بالموس الميتة
لو سمعت ناس زي ديل اجري باربعاتك
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
شقيقي أبوجهينة
سلامي وإحترامي
| Quote: بتعرف ود السافل يا بدر ؟؟؟ |
لا .. بعرف بيض النعام
صاحبي أبوقوتة
سلامي الكتيييير لك
| Quote: بدر الدين حبوبك دى قايمة فى خدى انا |
شفت الكضب حدو قريب كيف؟؟؟ هسع الكوت دا لقيتو وين؟؟؟ أنا ياربي ملصتو في ياتو بوست
لك حبي وتقديري
الشفيف الرهيف الظريف ملا عمر
سلام صحي كامل الدسم خالي من الحبوب
| Quote: ومن المرجح أن تكون جدرياً كاذب – الله يكضب الشينه – أتاك في خريف العمر وهو ما يعرف بالبرجم |
يازول إنت بتبرجم بتقول في شنو؟؟؟ الحمد لله الصدق ملاعمر وكذب الجدري ولا كنت أنا أروح في شربة ميَّة وبعدين الشينة لازم تكضب تعاطفاً مع شناتي الحصرية
صديقي نيوبي
لك سلامي وما بيجيوبي
| Quote: ولكن لي صديق أخبرني انه من كثرة تجاربه على صلعة يرعاها انه عرف دواءا لحب الشباب يتقتلع البثور من جذورهاويرجع لون البشرة الى طبيعتها |
بري يا يابا إتحوينا النبي من الصلعة
بس الحقني بي دواء حب الشباب وينوبك ثواب
صديقي وموجي صديق الموج
سلام ليك ولأهلك في السودان
والله مشتاقيييييييييين لدرجة الإستغاثة وياريت ترجع لينا بي بسرعة وأنا يادوبك عرفت سبب حبوبي وهي غياب محبوبي
المسافر حبي ليك ماليهو آخر
سلام وإحترام
| Quote: ياخوي الحلاقة بالموس الميتة بتجيب الحبوب |
ما بتجيب معاهن حقن طعَانات الرسول؟؟؟
لك حبي وليس حبوبي يا صديقي
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
الأخ العزيز بدر الدين شنا
تصادف أن جمع منبرنا العامر على الطبيعة وهو عبارة عن مرق عرش بلدي تنكرنا له بعد أن عرفنا الصبه وعملنا من الحبة قبه ، فكنا نتسامر في هذا المركاز أو المقعد بالرغم من النهي عن الجلوس في الطرقات وكانت لنا أيام ، المهم أنه كان بين شلتنا الميمونة تلك طبيب متخصص في الأمراض الجلدية ، فطرحت له موضوعك بداعي النكته لا العلاج فتنحنح وتصلح وافتكر نفسه في منبر من منابر المؤتمرات الطبية أو أسبوع الشجرة حتى فقال لي أن ما أصاب صاحبك هذا هو في الواقع نوع من أنواع الإلتهاب الجلدي وأسبابه عديده لكن ما يهم في علاجه أن من بين طرق العلاج التي ذكرها طبيبنا هذا ما يشبه بناء حيطة طوب والخطوات التي تلي ذلك من تعميش وبياض ودهان ، تصور ذكر وبالحرف الواحد أن هناك طريقة للمعالجة تسمي صنفرة الوجه وبالإنجليزي قال إسمها DERMA BARSION وبيقول إنها من أفضل طرق العلاج ، ويا ريت لو سكت على كده قال في حاجه إسمها التنعيم الكريستالي وده طبعاً نوع من الصنفرة الناعمة يعني يخلي وجهك كريستال عديل كده – وهذا ما أغرى أحد أصدقاءنا وفكر في أن يستخدم هذا النوع من العلاج في والدته لمسح شلوخها المطارق حتى يكون باراً بوالدته - ، وذكر طبيبنا أنه من بين طرق العلاج المختلفة العلاج بالليز – يعني يا البدري يا أخوي يخلي وجهك زي إفتتاح أولمبياد أثينا – ويا الحله تنورى.
| |
|
|
|
|
|
|
|
|
 Re: حبوب الشباب (Re: almulaomar)
|
| Quote: لأنو أنا شايف اليومين دي في حبوب بدت تقوم لي في خدي الشمال |
ههههههههه
بدري اللزيز .. بلاهي ( حبه .. حبه ) علينا .. يا رفدتني من الشركة دي .. يا طلعتني مجنون ..
انا بفتح لي بوست .. بشتكيك فيهو .. الحبوب دي ما تروج ليها هنا .. معانا ناس ببلعو من طرف
بعدين اقول ليك حاجه ..
رد لي براي .. ما تكتبني جمب زول
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
| Quote: يعني يا البدري يا أخوي يخلي وجهك زي إفتتاح أولمبياد أثينا – ويا الحله تنورى. |
أضحكتني والله وذكرتني واحدة من معارفنا لأتقل عني شناتاً ولكنها تستخدم كل أنواع المساحيق والبدرات وهي كما قال الشاعر (من خلف المساحيق رأيت الضفدعة) فكانت الله يرضى عليها تستخدم هذه المساحيق بجميع الألوان وتجي عشان تحضر الحفلة وهي تحلم بجمال ونضار وطيب عسى ولعل أن ينتبه لها الخطيب الأديب الأريب وبينما هي غارقة في مساحيقها رأها صديقي وعلق قائلاً (وشها زي مشجعي كأس العالم)
أما صديقك الدكتور فأسأله
ما بال القرون الأولى أيام (اللبخة) والجردقة والحرجل؟؟؟
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
أخي بدر الدين شنا عن سؤالك ما بال القرون الأولى أولاً أنا لا أعلم لأنني ما حضرتها وأنا من دفعة أنا في الروضة هيا أصحابي ساعه للعب وساعه لكتابي أعرف أصور وأرسم صوره فيها شجرة وفيها عصفورة ، أو ناس لمن كنت صغير بلعب في الموكيت ماما لبستني الشورت والتي شيرت وقبل كل شئ علمها عند ربي في كتاب لا يضل ربي ولا ينسى.
لكين وبحسب روايات الحبوبة أيام أن كانت الحبوبة مساير طوال ومطارق عدال ومفحضة ومترار وحنقوق وبلال فإن الوصفات الشعبية أغنت الناس وكفتهم شر الذهاب إلى المشافي والأطباء هذا النوع من العلاج البلدي على شاكلة اللخوخة مع طيبة الناس في ذلك الزمان وصفاء سرائرهم وكل ذلك الحب الحقيقي الذي يملأ قلوبهم أنعكست نضارة وصحة وجمال وقف العلم بكل ما أنتجه من مساحيق وكريمات وجراحات تجميل من الوصل إليه.
وكما يقول أخونا العزيز أبو حراز "قال عولمه قال"
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
الغالي تمبس
| Quote: انا بفتح لي بوست .. بشتكيك فيهو |
يعني أعتبر دا لفت نظر؟؟؟
كان راجل الفت نظري عشان أعاديك بي حبوبي ديل
لك حبي وإشتياقي
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
الرائع ملا عمر
سلامي لك وفرحتي بك
| Quote: لمن كنت صغير بلعب في الموكيت ماما لبستني الشورت والتي شيرت |
أنا كان عرفت إنت الكلام دا بتجيبو من وين كنت أرتحت وكان حبوبي راحن ذاتن .. عشان كدا أنا بقول فرحان بيك يا مبدع
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
أخي بدر الدين حبه حبه زيد غرورك مره زيد الكمشه حبه تذكرتك وأنا واقف قدام قدرة عم على التي إعتلت تلاً من الفحم والرماد – اللهم لا حسد – وقبل نهاية المسلسل اليومي بخمسة دقائق
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
ملا عمر سلام
| Quote: تذكرتك وأنا واقف قدام قدرة عم على التي إعتلت تلاً من الفحم والرماد |
خلاص ما تدفع أنا عندي عندو باقي قروش
أسوي شنو بقن علي إتنين حبوب ونفض جيوب
| |
|
|
|
|
|
|
|
|
|
Re: حبوب الشباب (Re: بدرالدين شنا)
|
بدوري يا شنا شكراً على شعوركم النبيل بس عم على ما بتعامل بالنقد يعني لازم كروت إن شاء الله كرت أصفر ، وأنا طبعاً عندي عندو دفتر غياب يعني أشيل الجك وأمشي ليهو يقوم يكتب وهول أب لب وكم في الخط ويجي آخر الشهر يقوم يشطب بعد ما يقبض قريشاتو ويقبضني من تلابيبي – وبالمناسبة هناك فرق بين التلابيب والتلاليش والتلافيف – أها باكر الخميس عشانا موية فول فخليك أون لاين
ومسكي عليك حبوبك ديل أمسكيهن قروشك ديل
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
ابو جهينة
سجيمان
abuguta
almulaomar
صديق الموج
المسافر
tmbis
فيس بوك
تويتر
انستقرام
يوتيوب
بنتيريست