زمان لمن كنت صغير كان حمامي مشكلة عديل عند ناس البيت وعشان يقنعوني أستحما يقولوا لي كان ما إستحميت ما بنسوقك الخرطوم هسع أنا عندي مشكلة وكان ما حليتوها لي تاااااااااااني ما بستحما بس .. مشكلتي لمن إستحما الموية بتخش لي في إضنيني بتنزل من الدش تدق في كتفيني وتووووووووووش جوة الإضنين وتخليني اليوم كلو أسوط في أصبعي جوة أضاني وأسمع ليك (كشق كشق كشق) وما بتمرق محلها البطير عليهو ما عرفتو يا ربي يكون قام لي سنام في إضنيني وأنا ما عارف؟؟ وأنا أقول ياربي البلاعة دي ما بتتملي مالها؟؟؟ هسع الناس ديل كلهم الموية بتدخل ليهم في إضنينهم ولا أنا خلاقة ساكت ولو جاء زول في زهجتي دي قال لي (السنام إضنيكم) بقول ليه (وإضنيكم السنام)
تحياتي وسنامي للجميع
08-29-2004, 09:02 PM
عثمان عووضة عثمان عووضة
تاريخ التسجيل: 06-02-2004
مجموع المشاركات: 461
انت عارف يا بدر انا اكتر اتنين بخاف من بوستاتهم انت وسجيمان--انا زول دغت و قاوت و قرحة -- اها الاخيرة دي ياها الجايبة لي الموية في اضنيني -- لانو لمان اضحك شديد القرحة بتقوم و بعدين دواها غالي خلاس و كتير --يعني شيئ قبل و شيئ بعد و شيئ ما عارف مرتين في اليوم و شيئ ثلاثة --غايتو غايتو المرة دي اتوكلت عليك يالله و قلت اداخل في بوستك دا والزارعها الله تقوم في صحن صيني-- بس حق الدواء عليك ملحوظة: الريال العماني = 10 دراهم امرات --مخير غايتو
08-29-2004, 09:35 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
بدر الدين ياخي انت مالك بتاع شبك كدا -- تسرق الباسويرد بتاعي وتقول سجيمان عندو بواسير --دا كلام شنو دا ياخي ؟؟ غايتو شيل شيلتك انا من دربي دا بمشي بفتش ليهو وارسلو ليك هنا وبطريقتكم انتو الاتنين -- انا لا شفتكم لا بعرفكم -- انا مرقت من السودان لي تلاتين سنة وما سمعت لا بالمحطة الاهلية لا فرقة الاصدقاء زاتو
08-29-2004, 10:10 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22867
أنا ذاتي عندي المشكلة دي من زمااااااااااااااان عشان كدة بستعمل جردل ماكن و كوز .. و بعمل حسابي شديد للإضنين في واحد غتيت قلت ليهو المشكلة دي قال لى أعمل ليهن تندة يا لبسهن جوانتيات زى البختوهن لحصان الكارو أرقد عافية
08-29-2004, 11:16 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
حبيب قساي قرشو شوق شوق شوق والله يا قرشو وما طالبني حليفة وأنا بكتب في هذا البوست تذكرتك ليه والله ما عارف كل البعرفه حسيت بأن هذا البوست بجيبك لي والحمد لله الشفت حروفك الكبار ديل
Quote: ياخوى الشنا عرفناها ونحن ناكرنها
إن شاء الله ننكر ليك شناتك وشناة وليداتك
الغالية بنت الأحفاد 2001 سلام وإكرام حلوة حلوة حلوة لكن دا صغير على أضاني ما عندك تلفون ثابت؟؟؟
الظريف سجيمان تحياااااااااتي
Quote: املصن برا يا اخي وادخل الحمام
وأسمع غناي كيف؟؟؟
عثمان عووضة سلام
Quote: الله يقطعكم انت و بدر الدين يامطاميس
والله يديك العافية إنت ياراجل يا طيب
المحبوب سجيمان سلام تاني
Quote: البس اضني في كرعي.....بدر احسن مني بي شنو؟
أنا أحسن منك لأنو إضنيني بي تكَّة
اللغز عبدالله حبيبي
Quote: شوف الاضنين الماخمج0000000
إنت عارف زي ديل الموية ولا دايره ليها كتف تدق فيهو من الدش للضان
08-30-2004, 02:29 AM
shammashi shammashi
تاريخ التسجيل: 03-10-2002
مجموع المشاركات: 2278
الاخ بدر الدين سلاموكل الاحترام ... والحضور الجميل اجمل تحية
Quote: واحد مسطول....عاوز يستحمى خايف اضنهو يتملن موية......... اتيمم
ياخي والله الحالة البتقوم علي ما عاوزة ليها سجارة ... والله اعاني منها شديد ... يمكن عشان موية الناس ديل مملحة اكتر من اللازم ... اوفي في ناس بتدعوا ربنا يورينا يوم في اضينيا مفتكرة انو الحكاية غتاتة....
08-30-2004, 09:19 PM
ود عقاب ود عقاب
تاريخ التسجيل: 03-10-2003
مجموع المشاركات: 869
والله يابدر الدين...ما بتذكر لما استحم الموية دى بدخل ام لا علا بجربها اليوم وبحاول افكر ليها.... انا اصلا ما بتذكر اضنينى...الا لما امشى الدوام....مرات الم فى زبون..بدوى ومركب انترنت واكلمه على التفون ..عشان احل مشكلته..بعد 45 دقيقة على الرقم المجانى...اكتشف ان البدوى ما عنده كومبيوتر..تراه شابك السلك فى اريل الرادى..وقال عاوز يتابع البورصا...هنا بتذكر ان عندى اضنيييييييييييين...ياكافى البلا ولك ودى
08-30-2004, 11:18 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
ياخوي من الحجة افتش فيك لي اسع.حمد الله علي السلام وعلي البوست دا...ياخوي رسل عنوانك انا حارسل ليك حاجات معمولة هنا لي قفل الاضنين والنخرين برضو..لحدي ما تصلك استحمي من الرقبة ولي تحت ..والراس كفاية عليهو الوضوء لمن المشكلة تتحلي ..وبرضو كان داير فتوي لي حكاية الوضوء برضو ممكن نرسلها ليك..نو بوروبلم!!!! سلام وتقدير عبد الله جعفر
08-31-2004, 07:56 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
Quote: انا غايتة خفت منك بقيف بعيد وبعاين بي اضنيني ساكت بعد الخوفة الدخلتها فيني
في بعدك يا غالي (أضاني) الألم لك ودي
العفيف الشريف صاحب الحرف الشفيف الوريف عبدالله جعفر تحياتي واشواقي ليك ولي صاحبك المختفي هدهد (أين هو)؟؟؟ والله لي كلامك دا إلاَّ كان أستحما بي حقنة لأنو من الرقبة برضو موية الدش بتدق في الكتفين وبتدخل الإضنين عشان كدا الحقني بسرعة بي علاجك التاني الدائم وخليني من المؤقت دا داير اشوفك بعيوني وابل شوقي في أمان الله
بلا رائع بلا لمة والله يا بدر تاني تلقاها عند الغافل ياخي من شدة ما خفت لمن الخوفة عادت ناس البيت كلهم --امبارح جبت خدرة و شية للغداء الحاجة من الخوفة فركت الشية و شوت الخدرة تاني قالوا ليك انا بجي بالخلاء حقكم داك --
08-31-2004, 09:11 PM
بدرالدين شنا بدرالدين شنا
تاريخ التسجيل: 07-30-2002
مجموع المشاركات: 3514
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
بدرالدين شنا
عثمان عووضة
ابو جهينة
قرشـــو
بنت الاحفاد 2001
سجيمان
تولوس
abuguta
walid taha
فيس بوك
تويتر
انستقرام
يوتيوب
بنتيريست